یتیماں دی مدد کرنا | Helping the Fatherless

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

لفظ ’’یتیم‘‘ کنگ جیمس بائبل وِچ بیالی وری آیا اے۔ ایہناں آیتاں دا سرسری مطالعہ ظاہر کردا اے کہ خدا یتیم بچیاں توں کیہنی محبت کردا اے تے اُوہناں دا خیال رکھدا اے۔ ایس موضوع دا مطالعہ ساڈے زمانے وِچ بہوتا ضروری اے کیوں جے بہتیرے بچے تے نوجوان یا تے واقعی یتیم نے، یا سب نوں اُوہناں دے پیو نے چھڈ دِتا اے۔

ایہدی بہتیری سماجی وجوہات نے: گھر تے دباؤ، ودھدے ہوئے اخراجات، ’’بغیر غلطی‘‘ طلاق، بہتیرے لوکی اپنے کردار نوں گھٹ کرن آلے معاشرے وِچ طاقت دی کمی محسوس کردے نے، تے جیہڑی کہ اِک سماجی ذہنیت اے جیہڑی عام طور تے باپاں دے لئی ناگوار ہوندی اے۔

لیکن آؤ اَسی یتیم بچیاں دے سیلاب دی سماجی یا نفسیاتی وجوہات دے بجائے صیحفے تے غور کریے۔ آؤ اَسی سوچیے کہ ایہناں یتیماں دی حالت اُوہناں نال کی کردی اے، تے، آخر چہ، آؤ، اَسی سوچیے کہ مقامی کلیسیا نوں یتیم بچیاں دے لئی کی خاص تشویش ہونی چائیدی اے۔

ایہ میرے لئی خاص تشویش دا باعث اے کیوں جے میرے اپنے ماں پیو الگ ہو گئے سن۔ میں ذاتی تجربے نال جاننا آں کہ ایہ اِک بچے دے نال کی کردا اے، تے میں ایہ وی جاننا آں کہ خدا مقامی گرجا گھر نوں بچیاں دے لئی محفوظ پناہ گاہ فراہم کردا اے جیویں کہ میں اپنی جوانی وِچ سی۔

ملاکی 3: 5 جواب دیہندا اے۔ مہربانی نال اسکوفیلڈ اسٹڈی بائبل دے صفحہ 982 تے ویکھو۔ آؤ ایس آیت نوں اُوچی واج نال پڑھیے۔ خدا کہندا اے،

’’میں عدالت دے لئی تہاڈے نیڑے آواں گا تے جادوگراں، بدکاراں تے جھوٹی قسماں کھان آلیاں دے خلاف تے اُوہناں دے خلاف وی جیہڑے مزدوراں [دیہاڑی کمان آلیاں] نوں اُوہناں دی مزدوری نئیں دیہندے تے بیواؤواں تے یتیماں تے ظلم کردے نے تے پردیسیاں نوں انصاف توں محروم رکھدے نے تے میرے توں نئیں ڈردے، گواہ ہوواں گا، خداوند فرماندا اے‘‘ (ملاکی 3: 5)۔

ایتھے ملاکی نبی اُوہناں گناہواں دی فہرست دیہندا اے جیہڑے یتیماں تے ظلم کردے نے۔ اُوہناں ساریاں گناہواں دی جڑاں ایس حقیقت وِچ نے کہ جیہڑے لوکی ظلم کردے نے ’’میرے توں نئیں ڈردے، رب الافواج فرماندا اے‘‘ (ملاکی 3: 5)۔ ’’جادوگر‘‘ توں مُراد اُو لوکی نے جیہڑے جھوٹے مذہب تو عمل کردے نے، اکثر منشیات دے استعمال دے نال جیہڑے لوکی اینج دا کام کردے نے اُو اپنے بچیاں نوں نظر انداز کر دیہندے نے تے اُو یا تے عملی طور تے یا اصل چہ یتیم ہو جاندے نے۔

’’تے زناکاراں دے خلاف۔‘‘ جیہڑے لوکی زنا کر کے اپنی شادی توڑ دیہندے نے اُو عموماً اپنے پیچھے یتیم بچیاں دا اِک سلسلہ چھڈ جاندے نے۔ ’’تے دیہاڑی دار توں اُوہدی مزدوری دے خلاف۔‘‘ ٹیکس ایہنے بوہتے نے کہ اَج دوویں ماں پیو نوں کام کرنا پیہندا اے۔ ایہناں وِچوں اِک نوں ٹیکس ادا کرنا پیہندا اے تے دوجے نوں بل ادا کرنا پیہندا اے۔ ماں تے پیو نال وی رہن تاں وی بچے کلّے رہ جاندے نے۔ ساڈی پوری قوم تے دُنیا دے بیشتر حصیاں وِچ نوجوان ’’یتیم‘‘ ہو گئے نے۔

II۔ دوجی گل، ایہ اُوہناں دے نال کی کردا اے جیہڑے یتیم نے۔

ایس واعظ دی منادی کرن توں پہلاں، اَسی نوحہ 5: 1-16 پڑھنے آں۔ صحیفے دے ایس حوالے وِچ یرمیاہ نبی نے بابل دی اسیری وِچ یہودی لوکاں دی تکلیفاں تے مایوسی نوں بیان کیتا۔ لیکن ساڈی اپنی بابلی، بے دین ثقافت وِچ نوجواناں دے لئی اِک مضبوط اِطلاق اے۔

’’اَسی یتیم ہو گئے، تے ساڈے تے والداں دا سایہ نہ رہیا، تے ساڈی ماواں بیواواں وانگوں ہو گئیاں‘‘ (نوحہ 5: 3)۔

’’ساڈے باپ دادا نے گناہ کیتا تے مر گئے؛ تے اَسی اُوہناں دے گناہواں دی سزا پا رئے آں‘‘ (نوحہ 5: 7)۔

’’نوجوان چکی پیسدے نے، تے لڑکے لکڑی دا بوجھ ڈھونڈے ہوئے لڑکھڑاندے نے۔ بزرگ شہر دے پھاٹک تے نظر نئیں آندے، نوجواناں نے گانا بجانا بند کر دِتا اے۔ ساڈے دِلاں توں خوشی جاندی رئی … ساڈے تے افسوس اَسی گناہ کیتا!‘‘ (نوحہ 5: 13۔16)۔

کیہو جیہا اِک اِطلاق اے جیہڑا اَسی اَج دے ساڈے زمانے وِچ نوجوان لوکاں دے لئی کر سکنے آں!

’’اَسی یتیم ہو گئے، تے ساڈے تے والداں دا سایہ نہ رہیا، تے ساڈی ماواں بیواواں وانگوں ہو گئیاں‘‘ (نوحہ 5: 3)۔

اپنی کتاب، لاتعلق نسل The Disconnected Generation وِچ، مصنف جوش میکڈوویل Josh McDowell نے کہیا،

جے میہنوں ایس بنیادی وجہ دی نشاندہی کرن نوں کہیا جائے کہ ساڈے نوجوان اِک بے دین ثقافت دے لالچ وِچ مبتلا ہو رئے نے … میں ایہ کہواں گا کہ اپو خود نوں تنہا، لاتعلق تے غیر یقینی محسوس کرنے آں کہ اُو واقعی کون نے۔ بہتیرے نوجوان … اپنے ماں پیو نال، عام طور تے بالغاں نال، تے مجموعی طور تے معاشرے توں لاتعلق تے الگ تھلگ محسوس کردے نے۔ حالیہ سائنسی مطالعات … ایس گل دی تصدیق کردے نے کہ اَج ساڈے بچے زیادہ تر بالغاں توں لاتعلق نے تے اُوہناں وِچ ذاتی شناخت تے مقصد دا احساس نئیں اے … سانوں … ایہناں دے سمجھوتے نوں سمجھنا چائیدا اے تے اُو کیوں دردناک طریقے توں منقطع تے کلّیاں محسوس کردے نے (جوش میک ڈویل، لاتعلق نسل The Disconnected Generation – خود نوں تباہ کرن توں ہمارے نوجواناں نوں بچانا Saving Our Youth From Self-Destruction، ورڈ پبلشنگ،2000، صفحات 7۔8)۔

پیدائش دی کتاب سانوں یوسف دے بارے چہ دسدی اے۔ اُو اِک منقطع خاندان وِچ رہندا سی۔ اُوہدے بھہرا اُوہدے خلاف ہو گئے تے اُوہنوں مصریاں دے ہتھاں غلام بنا کے بیچ دِتا۔ لیکن بائبل کہندی اے،

خداوند یوسف دے نال سی۔ تے خدا ہُنے وی ساڈی عمر دے تنہا، گواچے ہوئے یا گمراہ ہوئے نوجواناں دے مدد کرن دے قابل اے۔

III۔ تیجی گل، ایہ ساڈی مقامی کلیسیا دے لئی خاص تشویش دا باعث کیوں ہونا چائیدا اے۔

براہ کرم نئے عہد نامے وِچ یعقوب دے خط وَل توجہ دیو۔ ایہ سکوفیلڈ مطالعۂ بائبل وِچ صفحہ 1307 اے۔ یعقوب 1: 27۔ آؤ کِھلو جاؤ تے ایس آیت نوں اُوچی واج نال پڑھو۔

’’ساڈے خدا باپ دی نظر وِچ حقیقی تے بے عیب دینداری ایہ اے کہ مصیبت دے ویلے یتیماں تے بیواواں دی خبرگیری کیتی جائے تے اپنے آپ نوں دُنیا توں بچا کے بے داغ رکھیا جائے‘‘ (یعقوب 1: 27)۔

یعقوب سانوں خالص مذہب دا نچوڑ دیہندا اے۔ اَسی خود نوں دُنیا توں بے داغ رکھنا اے۔ تے سانوں ’’یتیماں تے بیواواں دے عیادت کرنا‘‘ کرنا اے۔ ڈاکٹر جان میک آرتھر نے کہیا، ’’ اُوہناں دی دیکھ بھال کرنا واضح طور تے حقیقی قربانی دی مسیحی محبت نوں ظاہر کردا اے‘‘ (میک آرتھر مطالعۂ بائبل The MacArthur Study Bible، یعقوب 1: 27 تےغور طلب گل)۔

ایہ دین دا خفیہ حصہ نئیں نے۔ ایہدے بارے چہ اَسی کدرے ہور پڑھیا اے۔ لیکن ایہ اُوہی لباس اے جیہڑا سچا مذہب پہندا اے۔ خیراتی طور تے اپنے بیلی مخلوقات وِچوں سب توں زیادہ بے سہارا لوکاں دی دیکھ بھال، تے مقدس چلنا، کہ اَسی دُنیا دے لوکاں وانگوں نہ ہون (سی۔ ایچ۔ سپرجیئن C. H. Spurgeon، میٹروپولیٹن عبادت گاہ دی واعظ گاہ توں Metropolitan Tabernacle Pulpit، پِلگِرم اشاعت خانے Pilgrim Publications، دوبارہ اشاعت 1975، جلد xxxix، صفحہ 300)۔

یتیماں تے بیواواں دی مصیبت وِچ اُوہناں دی عیادت اِختیاری نئیں اے۔ ایہ چند لوکاں دی استحقاق نئیں اے … ہر مسیحی، مذہب دے بیرونی لباس یعنی صدقہ و خیرات دے اپنے حصے نوں پہنن دا پابند اے۔ ایہ خیرات یا صدقہ خاص طور تے اُوہناں لوکاں دے لئی تصدیق کیتی جاندی اے جِنہاں نوں ایس دی سب توں بہوتی لوڑ اے … ایہ یتیم تے بیوہ نے، اُوہناں دی بے بسی تے مصیبت دے ویلے (سی۔ ایچ۔ سپرجیئن C. H. Spurgeon، گذشتہ گل دے تسلسل وِچ ibid.، صفحہ 290)۔

ڈاکٹر رائنیکر سانوں دسدے نے کہ یعقوب 1: 27 وِچ یونانی لفظ ’’عیادت یا دورہ visit‘‘ دا کی مطلب اے – ’’دیکھ بھال کرنا، عیادت کرنا، مدد فراہم کرنا‘‘ (فرٹز رینیکر Fritz Rienecker، یونانی نئے عہد نامے دی اِک لسانی کلید A Linguistic Key to the Greek New Testament، ژونڈروان اشاعتی گھر Zondervan Publishing House، 1980، صفحہ 727)۔ ساڈی تلاوت کہندی اے،

لیکن خدا یتیماں دی مدد کیویں کردا اے؟ ایس انتظام وِچ ایہ بنیادی طور تے مقامی کلیسیا دے ذریعے اے کہ اُو اینج کردا اے۔ ایہ مقامی گرجا گھراں دے ممبر نے جِنہاں نوں کہیا گیا اے کہ ’’یتیماں دی عیادت کرن‘‘ (یعقوب 1: 27)۔ ایہ مقامی گرجہ گھر دے لوکی نے جیہڑے یتیماں دے لئی ’’مدد فراہم کردے‘‘ نے! ایہ اُو کام اے جیس دی قیادت مقامی گرجا گھر دے وڈیرے لوکی کردے نے۔ اَسی اُو آں جِنہاں نوں خدا یتیماں دی ’’مدد فراہم کرن‘‘ کرن دے لئی بُلاندا اے! ایہ نوجوان سانوں ایہدا بدلہ نئیں دے سکدے جیہڑا اَسی اُوہناں دی مدد دے لئی کرنے آں۔ میں کہنا آں، چنگا اے! جے اُو ساڈا بدلہ ادا کر سکدے نے، تے اُوہناں دی مدد دے لئی کسی مسیحی خیراتی ادارے دی لوڑ نئیں ہووے گی! جیویں کہ ڈاکٹر میک آرتھر نے کہیا، ’’چونکہ اُو عام طور تے کسی وی طرح دا بدلہ لین توں قاصر ہوندے نے، ایہناں دی دیکھ بھال کرنا واضح طور تے سچی، قربانی، مسیحی محبت نوں ظاہر کردا اے‘‘ (جان میک آرتھر، گذشتہ گل دے تسلسل وِچ ibid.) ڈاکٹر، تُسی ابدی لہو تے غلط اُو، لیکن، تُسی ایہدے تے بالکل سچے اُو! ’’چونکہ اُو عام طور تے [سانوں واپس ادا کرن] توں قاصر ہوندے نے، ایہناں دی دیکھ بھال کرنا واضح طور تے سچی، قربانی، مسیحی محبت نوں ظاہر کردا اے۔‘‘

پولوس رسول نے کہیا کہ ایہو جیہا صدقہ ایمان یا اُمید توں وڈا اے! میں ایہ کیہن توں ڈراں گا، لیکن اُوہنے اینج کیتا، تے اُو روح القدس دے الہٰام نال – جِنہے لکھنے دے لئی اُوہدے قلم دی رہنمائی کیتی،

’’غرض ایمان، اُمید تے خیرات ایہ تینوں دائمی نے لیکن خیرات ایہناں وِچ افضل اے‘‘ (1 کرنتھیوں 13: 13)۔

سب توں وڈی شے جیہڑی تُسی یا میں مسیحی طور تے کر سکنے آں اُو اے دوجیاں دی مدد کرنا جیہڑے ضرورت مند نے۔ ایہ کوئی لبرل قولِ زریں نئیں اے۔ ایہ خدا دا کلام اے جیہڑا مقدس صفحہ تے سیاہی نال لکھیا گیا اے!

’’غرض ایمان، اُمید تے خیرات ایہ تینوں دائمی نے لیکن خیرات ایہناں وِچ افضل اے‘‘ (1 کرنتھیوں 13: 13)۔

’’یتیماں دی [مدد فراہم کرن دے لئی] عیادت کرنا‘‘ (یعقوب 1: 27) – ایہ مسیحی صدقہ اے! سانوں ایہو ای کرن دے لئی بچایا گیا سی! ایہ اُوہی اے جیہڑا اَسی مسیح وِچ کرن دے لئی وڈے ہوئے آں! ایہ حیاتی وِچ اِک عظیم مسیحی مقصد اے! خدا ساڈے کولوں ایہو ای چاہندا اے – یتیماں دی مدد فراہم کرن دے لئی عیادت کرنا!

نوجواناں نوں مسیح دے کول جیتن دی ساڈی تمام تر کوششاں دے نال، کُجھ لوکی کہہ سکدے نے، ’’پادری صاحب ساڈے کول کدوں واپس آن گے؟‘‘ جے تُسی ایہ سُنندے اُو، تے اُوہناں نوں ایہ کہہ کر جواب دیو، ’’ایہنوں ساڈے نال واپس نئیں آنا چائیدا اے! سانوں ایس دے نال نکلنا چائیدا اے۔ یتیماں دی مدد دے لئی!‘‘

آؤ ساڈے وِچ ہر اِک یتیماں دی مدد کرے! آؤ ساڈے وِچوں ہر اِک نوں جیہڑا نوجوان نے اُوہناں دا مددگار تے رہنما تے گرو بن جان دیو! آؤ اَسی ایہناں بچیاں نوں اپنے طور تے اپنائیے، تے ایہناں بچیاں دے لئی خدا دے فضل دا ذریعہ بنیے جیہڑا اُوہنے سانوں بخشیا اے!

جدوں میں بچپن وِچ سی، میہنوں اگلے بوہے دے پڑوسیاں وَلوں گرجا گھر جان دی تاکید سُننی پیہندی سی جیہڑے میری دیکھ بھال کردے سن۔ جدوں میں بچپن وِچ سی تے میہنوں چمچے نال کھلاجا جاندا سی، تے قدم بہ قدم رہنمائی کرنا پیہندی سی۔

’’جدوں میں بچہ سی تے بچے وانگو بولدا سی، بچے وگری طبیعت سی۔ لیکن جدوں جوان ہویا تے بچپن دی گلاں چھڈ دِتیاں‘‘ (1 کرنتھیوں 13: 11)۔

جے تُسی ہُنے ایہناں ضرورت مند نوجواناں نوں ’’اپنان‘‘ دے لئی تیار نئیں اُو تے تپسی کدوں تیار ہوو گے؟ ہُنے نئیں تے کدوں؟ ’’جدوں میں مرد بن گیا تے میں بچگانہ گلاں چھڈ دِتیا۔‘‘ ہُںے نئیں تے کدوں؟ میں کہنا آں کہ ایہو ای ویلہ اے، تے ویلہ لنگ چکیا اے، اَسی ساریاں دے لئی یتیماں نوں [مدد] فراہم کرن دا۔ ایہ ایہناں گلاں وِچوں اِک اے جِنہوں کرن دے لئی اَسی بچائے گئے سی! ایہو ای ساڈا مقصد تے ہدف اے! ایہ اُوہی اے جیہڑا خدا چاہندا اے کہ ایس گرجا گھر وِچ ہر بالغ کرے! یتیماں دے لئی [مدد] مہیا کرو! تے تُسی نئیں کرو گے تے کون کرے گا! جے ہُنے نئیں کرو گے تے تُسی کدوں کرو گے؟

ہُنے بوہا کُھلا اے۔ ہُن موقع اے۔ ہُن لوڑ محسوس ہو رئی اے۔ ہر اِک مرد تے عورت اپنے اسٹیشن تے! ہر بالغ ڈیوٹی دے لئی کِھلوتا اے! حکم واضح اے – ’’یتیماں دی عیادت کرو!‘‘ ساڈے گرجا گھر وِچ ہر بالغ مرد تے عورت نوں ایس حکم نوں سُنن دیو تے ایہدی تعمیل کرو – اپنی پوری طاقت، تے اپنی پوری خواہش، تے اپنی پوری قوت تے حیثیت دے نال!

اے خدا، اَج سویرے ایتھے ہر بالغ، ہر بالغ مرد تے عورت نوں، اُوہناں نوجواناں دے لئی جیہڑے ہُن ساڈے گرجا گھر وِچ چلے آ رئے نے، اپنی رحمت دے ذرائع بنن دا فضل عطا فرما۔ یسوع دی خاطر، آمین۔

اَج کسی دی مدد کرو،
   کسی دی حیاتی دی راہ تے ٹُردے ہوئے،
ودھدی دوستی دے نال،
   ساری تنہائی مُکدی اے،
اوہ، اَج کسی دی مدد کرو!
   (’’اَج کسی دی مدد کرو Help Somebody Today‘‘ شاعر کیری ای۔ بریَک Carrie E. Breck، 1855۔1934؛ پادری سے ترمیم کیا ہوا)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔