ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مہربانی نال اپنی بائبل نوں پیدائش 5: 5 دے لئی کھولو،

’’تے آدم پورے نو سو تیس ورے تیکر زندہ رہیا تے فیر اُو مر گیا‘‘ (پیدائش 5: 5)۔

ہُن پیدائش 5: 27 ویں آیت نوں کھولو۔

’’متوسلح دی کُل عمر نو سو اُنہتّر وریاں دی ہوئی تے اُودھوں اُو مر گیا‘‘ (پیدائش 5: 27)۔

آدم 930 وریاں تیکر زندہ رہیا تے متوسلح 969 وریاں تیکر۔ ڈاکٹر۔ ہنری ایم۔ مورس، انسٹی ٹیوٹ فار کریئیشن ریسرچ دے صدر، کہندے نے،

قدیم دور دے انساناں [اُو جیہڑے سیلاب توں پہلاں دے دِناں وِچ رہندے سن] دی اوسط عمر 900 وریاں توں بوہتی سی (عین مطابق کہیا جائے تے 912 وریاں، جیس وِچ حنوک وی شامل اے)، جیہڑی ایس گل دی نشاندہی کردی اے کہ ماحولیاتی حالات ساڈی عمر توں بہوتی زیادہ بہتر سن (ھنری ایم مورس، پی ایچ۔ ڈی۔Hernry M. Morris, Ph.D.، دفاع کرن آلیاں دا مطالعۂ بائبل The Defender’s Study Bible، ورلڈ پبلیشنگ World Publishing، 1995، صفحہ 18)۔

لوکی ایہنی لمبی لبمی عمراں تیکر زندہ رہندے سن ایہ گل کیہویں ممکن اے؟ ڈاکٹر نارمن گیسلر Dr. Norman Geisler سانوں دسدے نے کہ بائبل دے آزاد خیال عالمین نے مختلف جوابات پیش کیتے نے۔

     کُجھ لوکاں نے تجویز پیش کیتی اے کہ ایہ ’’ورے‘‘ تے صرف میہنے سن، جیہڑے کہ 900 وریاں نوں گھٹا کے 80 ورے دی عمر تیکر لے جان گے۔ تاہم، ایہ گل دو وجوہات دی بِنا تے [ممکن] نہیں اے۔ پہلی گل، عبرانی دے پرانے عہدنامے وِچ لفظ ’’ورے‘‘ دا مطلب ’’میہنہ‘‘ لیہن دی کوئی نظیر نئیں لبھدی۔ دوجی گل، چونکہ محلل دی اولاد پیدا ہوئی سی جدوں اُو صرف 65 وریاں دا سی (پیدائش 5: 15)، تے قینان 70 وریاں دا سی جدوں اُوہدے ہاں اولاد پیدا ہوئی سی (پیدائش 5: 12)، ایہدا مطلب ہووے گا کہ اُو چھ وریاں توں گھٹ عمر دے سن [جدوں اُوہناں دے ہاں اولاد ہوئی – جے تُسی اِک ورے دے بدلے وِچ اِک میہنہ لیہندے اُو] – جیہڑا کہ بیالوجیکلی ممکن نئیں اے۔
     دوجے لوکاں دا کہنا اے یا تجویز اے کہ ایہ ناں [انفرادی افراد دے بجائے] خاندانی نسل یا قبیلیاں دی نمائندگی کردے نے۔ تاہم، ایہ متعدد وجوہات دی بِنا تے معنی نئں رکھدا اے۔ سب توں پہلاں، کُجھ ناں (مثلاً آدم، سیت، حنوک، نوح) یقینی طور تے ایہو جئے افراد نے جِنہاں دی حیاتیاں نوں تلاوت وچ بیان کیتا گیا اے (پیدائش 1-9)۔ دوجی گل، خاندانی نسل مختلف ناواں نال خداانی نسل نوں ’’پیدا‘‘ نئیں کردی نے۔ تیجی گل، نہ ای خاندانی نسل ’’مردی اے‘‘، جیویں کہ اُوہناں وِچوں ہر اِک نے کیتا سی (حوالہ ویکھو 5: 5، 8، 11، وغیرہ)۔ چوتھی گل، ’’پُتر تے دھہیاں‘‘ ہون دا حوالہ (5: 4) قبیلے دے نظریے تے پورا نئیں اُتردا (نارمن ایل گیسلر، پی ایچ ڈیNorman L. Geisler, Ph.D.، تے تھامس ہوThomas Howe، جدوں ناقدین پوچھدے نے When Critics Ask، بیکر کُتب گھر Baker Books، 1992، صفحہ 30۔40)۔

پیدائش 5: 4 نوں ویکھو، ایس حقیقت دی اِک مثال دے لئی بجائے کسی ’’قبیلے‘‘ دے آدم نے آپئے پُتر تے دھہیاں پیدا کِیتیاں۔

’’تے آدم دی عمر اُوہدے ہاں سیت دی پیدائش دے بعد آدم آٹھ سو برس جیوندا رہیا تے اُوہدے ہاں پُتر تے دھہیاں پیدا ہوئیاں‘‘ (پیدائش 5: 4)۔

سب توں پہلاں، نسل انسانی دے آغاذ وِچ کوئی جنیناتی خامیاں نئیں سن۔ خدا نے جینیاتی طور تے آدم نوں کامل تخلیق کیتا (پیدائش 1: 27)۔ جینیاتی نقائص برگشتہ ہون دے نتیجے وِچ پیدا ہوئے تے صرف آہستہ آہستہ طویل عرصے تیکر واقع ہوئے … (گیسلرGeisler، گذشتہ گل دے تسلسل وِچ ibid.، صفحہ 39)۔

ڈاکٹر جان میک آرتھر، اگرچہ مسیح دے لہو دے بارے وِچ غلط اے، لیکن آدم دی نو سو تیس وریاں دی حیاتی تے اِک مفید تبصرہ پیش کردے نے۔ ڈاکٹر میک آرتھر نے کہیا،

ایہ واقعی چہ ورے نے جیہڑے حیاتی دی غیر معمولی طوالت دی نشاندہی کردے نے جیہڑے کہ سیلاب توں پہلاں دے ماحول وَلوں فراہم کیتے گئے سن جیہڑے زمین دے پانی دی چھت دے ہیٹاں ہون دی وجہ توں نے، [پانی دی ایہ تہہ] سورج دی بالائی بنفشی شعاعواں نوں چھان ڈالدیاں نے تے بہوتی زیادہ اعتدال پسند تے صحت مندانہ حالات پیدا کردیاں نے۔ پیدائش 1: 7؛ 2: 6 تے غور طلب گل ویکھو۔ خدا نے آدم نوں دسیا کہ جے اُوہنے درخت دا پھل کھادا تے اُو ضرور مر جائے گا (2: 17)۔ ایہدے وِچ فوراً روحانی موت تے فیر بعد چہ جسمانی موت شامل سی (ڈاکٹر جان میک آرتھرDr. John MacArthur، میک آرتھر مطالعہ بائبل The MacArthur Study Bible، ورلڈ پبلشنگWorld Publishing، 1997، صفحہ 23)۔

اپنی بائبل نوں پیدائش 1: 7 ویں آیت تے کھولو۔ مہربانی نال کِھلو جاؤ تے ایس آیت نوں اُوچی واج نال پڑھو۔

’’تے خدا نے فضا نوں قائم کیتا، تے فضا دے ہیٹاں دے پانیاں نوں فضا دے اُوتے دے پانیاں توں جدا کر دِتا تے اینج ای ہویا‘‘ (پیدائش 1: 7)۔

تُسی بیٹھ سکدے اُو۔ عبرانی لفظ جیس دا ترجمہ ’’بہشت\فضا firmament‘‘ اے ایہدا مطلب ’’وسعت‘‘ ہوندا اے۔ ایہدے توں مُراد زمین دے گِرد فضا اے۔ پیدائش 1: 7 سانوں دسدی اے کہ آسمان دے ہیٹاں پانی سی، جھیلاں تے دریاواں تے سمندراں وِچ – لیکن آسمان دے اُوتے وی پانی سی، زمین دی فضا دی ’’وسعت‘‘ توں اُوتے۔ اُو پانی آسمان دے اُوتے زمین دے گرد اِک لفافہ یا چھتری بناندا اے۔ ایہ پانی زمین دے اُوتے تے چاروں پاسے سی – تے ایہ سیلاب دے ویلے تڑا ٹر برس کے ڈِگیا سی۔ ڈاکٹر ھنری ایم مورس کہندے نے،

     فضا دے اُوتے دے پانی نوں بظاہر بخارات دی حالت وِچ تبدیل کر دِتا گیا سی تاکہ بھاری مواد توں الگ ہو کے فضا وِچ معلق رہووے یا برقرار رہووے، جیتھے یہا زمین دے مستقبل دے باشندیاں دے لئی حرارت دی روک تھام آلے کمبل وگرا کام کر سکے۔
     اینج دے بخارات دی چھتری بِلاشبہ اِک انتہائی مؤثر ’’گرین ہاؤس اثر‘‘ فراہم کردی، جیہڑا پوری زمین دے لئی بار بار ہون آلی بہار وگری آب و ہوا یا موسم نوں یقینی بناندی اے۔ پانی دے بخارت دوویں زمین نوں خلا توں آن آلی نقصان دہ شعاعواں توں بچاندے نے تے آن آلی شمسی حرارت نوں وی برقرار رکھدے تے پھیلاندے نے۔ بخارات دی ایہ چھتری ایس طرے بے شمار یا وافر جانوراں تے پودیاں دی حیاتی تے انسانی حیاتی وِچ لمبی عمر تے راحت دے لئی اِک مثالی ماحول فراہم کرے گی … بارش دی عدم موجودگی (پیدائش 2: 5) تے قوس قزح (پیدائش 9: 13) دی نہ صرف وضاحت کیتی گئی اے بلکہ ایہدے ضرورت بخارات دی چھتری دے ذریعے اے، نہ کہ موجودہ ماحول وانگوں (ھنری ایم مورس، پی ایچ۔ ڈی۔Hernry M. Morris, Ph.D.، دفاع کرن آلیاں دا مطالعۂ بائبل The Defender’s Study Bible، ورلڈ پبلیشنگ World Publishing، 1995، صفحہ 4۔5)۔

فضا دے اُوتے دا پانی سیلاب دے ویلے زمین تے برسدا ہویا آیا۔

تے، ایہدا سیلاب توں پہلاں انسان دی لمبی عمر نال کی تعلق اے؟ اِک گل دے لئی، زمین دے گرد پانی دے بخارات دا لفافہ زیادہ تر تابکاری نوں چھاندا اے۔ ڈاکٹر جان سی وھٹکومبDr. John C. Whitcomb تے ڈاکٹر ھنری ایم مورس نے چھتری دی بارش دے بعد عمر وِچ گھاٹے دی نشاندہی کیتی۔ اُو کہندے نے کہ ایہ معقول اے۔

… شعاعواں دے جسمانی تے نینیاتی اثرات دے بارے وِچ جیہڑا کُجھ جانیا جاندا اے اُوہدے پیش نظر ایہ اندازہ لگایا جا سکدا اے کہ سیلاب دے بعد توں صدیاں دے دوران، خاص طور تے انسان وِچ ایہناں اثرات دے جمع ہون دے نتیجے وِچ بتدریج وگاڑ تے عمر وِچ گھٹا واقع ہویا اے۔ خاص طور تے ایہدا اثر سیلاب دے فوراً بعد صدیاں وِچ ہویا ہووے گا … سیلاب توں پہلاں، ہر شے جسمانی صحت تے لمبی عمر دے لئی سازگار سی۔ مساوی درجہ حرارت، ماحولیاتی شعاعواں توں آزادی، تے بخارات دی چھتری نال منسوب دیگر عوامل سب نے اثر وِچ حصہ پایا … سیلاب دے بعد، چھتری [غائب ہو گئی]، اُوہدے حفاظتی اثرات … ہٹا دِتے گئے، تے فیر عام صحت تے لمبی عمر وِچ اِک طویل زوال شروع ہویا … ایس گھاٹے دا زیادہ تر حصہ … بِلاشبہ زمین دی سطح تے تابکاری دے بہوتے زیادہ ودھدے ہوئے واقعات نال منسوب کیتا جا سکدا اے … غالباً سیلاب دے دوران تے اُوہدے فوراً بعد ایہ اضافہ بہوتا تیز سی (جان سی وھٹکومبJohn C. Whitcomb، ٹی ایچ۔ ڈی، اور ھنری ایم مورسHenry M. Morris، پی ایچ ڈی۔، پیدائش دا سیلاب The Genesis Flood، پریسبائٹیرئین اور ریفارمڈ پبلشنگ کمپنی Presbyterian and Reformed Publishing، 1993 دوبارہ اشاعت، صفحہ 404)۔

ڈاکٹر مورس تے ڈاکٹر وھٹکومب ایہ وی کہندے نے کہ خوراک تے اِک ای نسل توں متعلق ملاپ دے عمل وچ تبدیلیاں، تیز ودھدی ہوئی تابکاری، سیلاب دے بعد لمبی عمر وِچ کمی دی ممکنہ وجوہات نے (گذشتہ گل دے تسلسل وِچ ibid.، حاشیے دی غور طلب گل 1)۔

رالف او منکاسٹر Ralph O. Muncaster کہندے نے،

لوکاں دی لمبی عمر سی – 969 وریاں تیکر – سیلاب دے آن دے زمانے تیکر … بائبل دے دعوے دا مطالعہ کرن آلے سائنسداناں نے ممکنہ وضاحتاں دریافت کر لہیاں نے، جِنہاں وِچوں اِک ویلاسپرنووا دا دھماکہ اے، جِنہے سیلاب دے ویلے خلا توں زمین تے تابکاری وِچ ڈرامائی طور تے اضافہ کیتا سی (رالف او منکاسٹرRalph O. Muncaster، کی آثارِ قدیمہ پرانے عہد نامے نوں ثابت کردے نے؟ Can Archaeology Prove the Old Testament?، ہارویسٹ ہاؤس پبلیشرز Harvest House Publishers، 2000، صفحہ 25)۔

تے ڈاکٹر گلیسن ایل آرچر Dr. Gleason L. Archer نے کہیہا،

… سیلاب دے خوفناک فیصلے دے بعد، انسان دی متوقع عمر رفتہ رفتہ گھٹ ہوندی گئی۔ موسیٰ دے ویلے تیکر ستر وریاں دی حیاتی نوں معمول سمجھا جاندا سی (گلیسن ایل آرچر، پی ایچ ڈی، بائبل دی دشواریاں دا انسائیکلوپیڈیا Encyclopedia of Bible Difficulties، زونڈروان پبلشنگ ہاؤسZondervan Publishing House، 1982، صفحہ 77)۔

اب پیدائش 5: 27 ویں آیت تے دوبارہ توں نظر پاؤ،

’’تے متوسلح دی کُل عمر نو سو اُنہتّر وریاں دی ہوئی تے اُودھوں اُو مر گیا‘‘ (پیدائش 5: 27)۔

متوسلح نوں تاریخ وِچ سب توں طویل عرصے تیکر زندہ رہن آلا انسان ہون دا اعزاز حاصل اے۔ سیلاب توں پہلاں اوسط عمر 912 وریاں دی سی۔ ہُن ویکھو سیلاب دے بعد عمراں کیہنیاں چھیتی گھٹ ہو جاندیاں نے۔ پیدائش 11: 10۔11 آیت نوں کھولو۔

’’سِم دا شجرۂ نسب ایہ اے: طوفان دے دو وریاں بعد جدوں سِم سو وریاں دا سی تے اُوہدے ہاں ارفکسد پیدا ہویا۔ تے ارفکسد دی پیدائش دے بعد سِم مذید پنج سو وریاں جیوندا رہیا تے اُوہدے ہاں پُتر تے دھیہیاں پیدا ہوئیاں‘‘ (پیدائش 11: 10۔11)۔

سِم صرف 600 وریاں تیکر جیوندا رہیا۔ ہُن آیت 18 تے 19 تے نظر پاؤ،

’’تے جدوں فلج تیس وریاں دا ہویا تے اُوہدے ہاں رعو پیدا ہویا تے رعو دی پیدائش دے بعد فلج مذید دو سو نو وریاں تیکر جیوندا رہیا تے اُوہدے ہاں پُتر تے دھیہیاں پیدا ہوئیاں‘‘ (پیدائش 11: 18۔19)۔

ایویں، فلج صرف 239 وریاں تیکر جیوندا رہیا۔ پیدائش 25: 7 آیت نوں کھولو۔ آؤ کِھلو جائیے تے ایہنوں اُوچی واج نال پڑھیے۔

’’ابراہام دی کُل عمر اِک سو پچتہر وریاں دی ہوئی‘‘ (پیدائش25: 7)۔

ایویوں، ابراہام 175 وریاں تیکر جیوندا رہیا۔ پیدائش 47: 28 آیت نوں کھولو۔ آؤ ایہنوں اُوچی واج نال پڑھیے۔

’’تے یعقوب مُلک مصر وِچ سترہ ورے ہور جیوندا رہیا تے اُوہدی کُل عمر اِک سو سینتالیس وریاں دی سی‘‘ (پیدائش 47: 28)۔

اب پیدائش 50: 22 آیت کھولو۔ ایتھے اَسی ویکھنے آں کہ یوسف صرف 110 وریاں تیکر جیوندا رہیا۔ مہربانی نال ایس آیت نوں اُوچی واج نال پڑھیے۔

’’یوسف اپنے پیو دے سارے خاندان دے نال مصر وِچ رہیا تے اُو اِک سو دس وریاں تیکر جیوندا رہیا‘‘ (پیدائش 50: 22)۔

تُسی تشریف رکھ سکدے اُو۔ سِم 600 وریاں جیوندا رہیا۔ پلج 239 وریاں تیکر جیوندا رہیا۔ ابراہیم 175 وریاں تیکر جیوندا رہیا۔ یوسف 110 وریاں تیکر جیوندا رہیا۔

ہُن اَسی اُوس دور دے لاگے پہنچ رئے آں جیس وِچ انسان اَج دی عمر وِچ جی رہیا اے۔ گزشتہ ہفتے، لاس اینجلس ٹائمز نے رپورٹ کیتا کہ دنیا دے دوجے معمر ترین شخص دا انتقال 114 وریاں دی عمر وِچ ہویا۔ "شارلٹ بینکنر… بچپن چہ جرمنی توں امریکہ آن آلی خاتون نے کہیا کہ اُوہناں نے 1920 دے بعد توں ہر عام انتخابات وِچ ووٹ پایا اے… بعد چی اُوہناں نے دسیا کہ اُوہناں دی حیاتی دی سنسنیاں وِچ اِک صدر روز ویلٹ تھیوڈور نوں سلام کرنا سی … ’’اُوہناں نے اپنی ٹوپی نوں ہتھ نال پھڑ کے ماڑا جیہا جھکایا تے سانوں ساریاں نوں ھیلو کہیا۔ اُو بہوتے چنگے انسان تے اچھے صدر سن‘‘، بینکنر نے کہیا (لاس اینجلس ٹائمز، مئی 18، 2004، صفحہ B-11)۔ یورٹو ریکو دی رامونا ٹرینیڈاڈ اسلیسیاس-جارڈن نامی خاتون، شارلٹ بینکنر توں دو میہنے وڈی نے۔ کُجھ وریاں پہلاں، فرانس دے شہر آرلس وِچ اِک عورت 122 وریاں تیکر دی عمر تیکر زندہ رئی۔ اُوہنے بچپن وِچ فنکار تے مصور ونسنٹ وان گوگ نوں پنسلاں ویچیاں سن۔ ایہ اُوس عمر دے بارے وِچ اے جس تیکر موسیٰ زندہ رہیا سی۔ استثنا 34: 7 نوں کھولو۔

’’موسیٰ اپنی وفات دے ویلے اِک سو بیس وریاں دا سی تے فیر وی نہ تے اُوہدی اَکھاں کمزور ہوئیاں تے نہ اُوہدی طبعی قوت گھٹ ہوئی‘‘ (اِستثنا 34: 7)۔

لیکن بادشاہ داؤد دے زمانے تیکر اوسط شخص تقریباً 70 وریاں دی عمر تیکر جیوندا رہیا۔ II سموئیل 5: 4 نوں کھولو

’’جدوں داؤد بادشاہ بنیا تے اُو تیس وریاں دا سی تے اُوہنے چالیس وریاں تیکر حمرانی کیتی‘‘ (II سموئیل 5: 4)۔

اگرچہ داؤد صرف 70 وریاں دا سی، بائبل کہندی اے، ’’بادشاہ بہوتا بوڑھا سی‘‘ (I سلاطین 1: 15)۔ ڈاکٹر آرچر نے کہیا، ’’اینج لگدا اے کہ نسل انسانی دی جسمانی تندرستی تے قوت برداشت تے گناہ دے لعنتی اثرات دا بتدریج کام ہو رہیا سی، ایتھوں تیکر کہ برگشتگی یا زوال دے بہوتے عرصے بعد وی‘‘ (گلیسن آرچر، گذشتہ گل دے تسلسل وِچ ibid.)۔

مہربانی نال ساڈے کلام پاک دی تلاوت تے نظر پاؤ، زبور 90: 10 وِچ۔

’’ساڈی عمر دی معیاد ستر وریاں اے تے جے ساڈے وِچ قوت ہووے تے اَسّی وریاں؛ لیکن ایہ عرصہ محض مشقت تے رنج و غم وِچ لنگ جاندا اے، کیوں کہ ایہ دِن چھیتی بیت جاندے نے تے اَسی اُڑ جانے آں‘‘ (زبور 90: 10)۔

تُسی صرف اپنی ستر یا اَسی دی دہائی وِچ رہن آلے اُو – بہترین طور تے! تہاڈے وِچوں بہتیرے لوکی ایس توں بہوتی چھیتی پہلاں ای مر جان گے۔ ایس لئی سانوں ابدیت دے لئی تیاری کرن دی لوڑ اے – تے ابدیت دے لئی جینا چائیدا اے!

’’سانوں صحیح طور نال اپنے دِن گننا سِکھا، تاکہ ساڈے دِل نوں دانائی حاصل ہووے‘‘ (زبور 90: 12)۔

ساڈے کول نجات پان تے مسیح دے لئی جین دے لئ صرف اِک مختصر ویلہ اے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔