ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میہنوں یقین اے کہ بائبل خدا دا لکھیا ہویا کلام اے، اُوہدے کردار تے ذہن دی پیداوار اے۔ میں ساری حیاتی جِنہیاں کتاباں پڑھیاں نے اُوہناں تو زیادہ ایس اِک کتاب وِچ حکمت، علم تے سچائی پائی اے۔

خدا دی حکمت بائبل وِچ اعداد دے استعمال توں ظاہر ہوندی اے۔ ایہ باب وکھائے گا کہ خدا اپنے آپ نوں ظاہر کرن دے لئی کیویں صحیفیاں وِچ اعداد دا استعمال کردا اے۔

میں پایا اے کہ بائبل اعداد دے استعمال دے ذریعے بہتیری اہم بصیرتاں دیہندی اے۔ جیہڑا [اعداد] ایس باب وِچ پیش کیتے گئے نے اُو نئے نئیں نے، تے اگرچہ اُو کافی سادہ نے، لیکن ایہدے باوجود اُو اہم نے کیوں جے اُو ظاہر کردے نے کہ ریاضی خدا دے وجود وَل اشارہ کردی اے۔

اِک تے صرف اِک

بائبل اِک دے عدد نوں کئی وری استعمال کردی اے۔ بائبل وِچ ایہدے روحانی استعمال وِچ، ایہ عدد اتحاد تے خصوصیت وَل اشارہ کردا اے – ’’اِک تے صرف اِک‘‘۔ بابئل کہندی اے،

’’کیوں جے خدا اِک ای اے‘‘ (I تیمتھیس 2: 5الف)۔

’’اے اسرائیل، سُںو: خداوند ساڈا خدا اِک ای خدا اے‘‘ (استثنا 6: 4)۔

ایتھے بائبل سکھاندی اے کہ اِک – تے صرف اِک – ای خدا اے، دو نئیں، تین، یا بہوتی سارے خدا نئیں نے، جیویں کہ مورمونزم تے ہندومت سِکھاندا اے۔

بائبل سانوں ایہ وی دسدی اے کہ اِک ہُور واحد نجات دہندہ، یسوع مسیح اے۔ اُو واحد ثالث اے، واحد شخص جیہڑا خدا تے انساناں دے وِچکار ڈٹ سکدا اے – اُوہدے لہو دی قربانی دی وجہ توں جیہڑا انسانی گناہ دی ادائیگی کردا اے تے خدا دے انصاف نوں پورا کردا اے۔

’’کیوں جے ایتھے … خدا تے انسان دے وِچکار اِک صلح کران آلا وی موجود اے یعنی مسیح یسوع جیہڑا انسان اے‘‘ (I تیمتھیس 2: 5)۔

بائبل ’’اِک‘‘ دے عدد دا لفظ اِک ای آیت I کرنتھیوں 8: 6 آیت وِچ دوویں خدا [جیہڑا باپ اے] تے اُوہدے پُتر یسوع مسیح دوواں دے لئی استعمال کردی اے۔

’’لیکن ساڈے نیڑے دے خدا اِک ای اے جیہڑا آسمانی باپ اے تے ساریاں شیواں دا خالق اے تے اَسی اُوہدے لئی جینے آں؛ اِک ای خداوند اے یعنی خداوند یسوع مسیح جیہدے وسیلے توں ساریاں شیواں پیدا ہوئیاں تے اَسی وی اُوہدے ای وسیلے نال موجود آں‘‘ (I کرنتھیوں 8: 6)۔

بائبل سکھاندی اے کہ اِک آدمی یعنی آدم دے ذریعے گناہ دُنیا وِچ داخل ہویا، تے اُو اِک آدمی، یسوع مسیح، نجات لے کے آیا۔

’’اِک انسان دے ذریعے گناہ دُنیا وِچ داخل ہویا‘‘ (رومیوں 5: 12)۔

’’کیوں جے جیویں اِک آدمی دی نافرمانی نال بہتیرے لوکی گنہگار ہوئے، ایویں ای اِک دی فرمانبرداری نال بہتیرے لوکی راستباز ٹھہرن گے۔‘‘ (رومیوں 5: 19)۔

ساڈے ایمان دی خصوصیت نوں افسیوں 4: 5۔6 آیت وِچ پیش کیتا گیا اے، جیہڑی کہندی اے کہ ’’اِک ای خداوند، اِک ای ایمان، اِک بپتسمہ، اِک ای خدا اے تے [اُو] ساریاں دا باپ اے۔‘‘

مذید برآں، اَسی جسمانی طور تے صرف اِک وری مراں گے – تے ایس زمین تے کسی دوجے جسم وِچ فیر توں جنم نئیں لیہواں گے جیویں کہ ہندو مت، بدھ مت، تے بہوتے سارے نئے دور دے فرقے مانندے نے۔ بائبل کہندی اے، ’’انسان دا اِک وری مرنا تے اُوہدے بعد عدالت دا ہونا مقرر اے‘‘ (عبرانیوں 9: 27)۔ خدا دے عذاب تو بچن دا واحد راستہ سولی تے مسیح دی واحد قربانی اے۔

’’انسان دا اِک وری مرنا تے اُوہدے بعد عدالت دا ہونا مقرر اے۔ اُوس ای طرح مسیح وی سارے لوکاں دے گناہواں نوں اُٹھا لے جان دے لئی اِک ای وری قربان ہو کے دوجی وری گناہ دی قربانی دین دے لئی نئیں بلکہ اُوہناں نوں نجات دین دے لئی آئے گا‘‘ (عبرانیوں 9: 27)۔

’’لیکن ایہ شخص، گناہواں دے لئی اِک ای قربانی ہمیشہ دے لئجی گزران کے خدا دے داہنے ہتھ جا بیٹھیا‘‘ (عبرانیوں 10: 12)۔

ایہ اِک دا عدد بائبل وِچ اتحاد دی نمائندگی وی کردا اے۔ پیدائش 2: 24 وِچ، شادی وِچ دو انساناں، اِک مرد تے اِک عورت دا اتحاد سکھایا گیا اے، جیہڑا کہندا اے کہ ’’اُو اِک جسم ہون گے۔‘‘ یسوع نے کہیا کہ اُو اپنے باپ دے نال اتحاد رکھدا اے جدوں اُوہنے کہیا، ’’میں تے میرا باپ اِک نے‘‘ (یوحنا 10: 30)۔ ایس الہٰی اتحاد توں مُراد تثلیث اے، اِک خدا جیہڑا تین ہستیاں وِچ موجود اے – باپ، بیٹا تے روح القدس۔

خدا بیک وقت اِک تے تین کیویں ہو سکدا اے؟ اِلہامی صحیفہ اِک ای ویلے چہ کثرتیت تے اِتحاد دی بالکل اُوہی سچائی پیش کردا اے۔ استثنا 6: 4 وِچ جیہڑا ’’اِک‘‘ دا ترجمہ کیتا گیا عبرانی لفظ ’’اِکحادechad‘‘ اے۔ ایس لفظ ’’اِکحاد‘‘ دا مطلب اے ’’اِک‘‘، لیکن ایس اتحاد دے اندر اِک ساخت یا ترتیب دی اجازت دیہندا اے۔ گنتی دی کتاب 13: 23 وِچ، کنعان دی سرزمین چہ پیہجھے گئے عبرانی جاسوس ’’انگوراں دا اِک گُچھا‘‘ لے کے واپس آئے۔ عبرانی لفظ جیس دا ترجمہ ’’اِک‘‘ اے اُو ای لفظ ’’اِکحاد‘‘ اے۔ آدمی اِک گُچھا واپس لیہیائے، لیکن اُوہدے وِچ انگوراں دا اِک گروپ سی۔

ایویں، بائبل اِک خدا دی واحدانیت نوں پیش کردی اے، بلکہ ایس وحدانیت دی اندر تثلیث دی کثرتیت نوں وی پیش کردی اے – تین ہستیاں وِچ خدا، باپ، بیٹا تے روح القدس۔

دو دا مطلب علیحدگی تے اِمتیاز ہوندا اے

بائبل وِچ دو دا عدد علیحدگی، اِمتیاز تے تقسیم دی نشاندہی کردا اے۔ خاص طور تے، دو دا عدد نسل انسانی نوں نجات دلائے گئے تے گمراہ ہوئے لوکاں دے وِچکار علیحدگی دا حوالہ دیہندا اے، پیہھڈاں تے بکریاں وِچ علیحدگی دا، اُ جیہڑے جنت چہ جان گے تے اُو جیہڑے جہنم وِچ جان گے نوں الگ کرن دا حوالہ دیہندا اے۔ یسوع نے ریپچر وِچ نجات پائے گئے تے گمراہ ہوئے لوکاں دی علیحدگی دی گل کردے ہوئے دو دے عدد دا استعمال کیتا:

’’میں کہنا آں کہ اُوس راتی دو بندے چارپای تے ہون گے؛ اِک لے لیہیا جائے گا تے دوجا اُوتھے ای چھڈ دِتا جائے گا۔ دو عورتاں رَل کے چکی پیسدی ہون گئیاں، اِک لے لئی جائی گے تے دوجی اُوتھے ای چھڈ دِتی جائے گی۔ دو بندے کھیت وِچ ہون گے، اِک لے لیہیا جائے گا تے دوجا چھڈ دِتا جائے گا‘‘ (لوقا 17: 34۔36)۔

یسوع نے قیامت تے نسل انسان نوں دو گروہواں وِچ تقسیم کرن دی وی گل کیتی:

’’جدوں اِبنِ آدم جلال دے نال سارے پاک فرشتیاں نوں ہمراہ لے کے آئے، فیر اُو اپنے جلالی تخت تے بیٹھے گا: تے ساری قوماں اُوہدے حضور وِچ جمع کیتی جان گئیاں تے اُو لوکاں نوں اِک دوجے توں ایویں جدا کرے گا جیویں چرواہا پیہھڈاں نوں بکریاں توں جدا کردا اے۔ اُو پیہھڈاں نوں اپنے سجے پاسے تے بکریاں نوں اپنے کھبے پاسے کِھلارے گا … تے ایہ لوکی ہمیشہ دی سزا پان گے مگر راستباز ہمیشہ دی حیاتی‘‘ (متی 25: 31۔33، 46)۔

یسوع دے نال دو مجرم مصلوب سن، اِک اِک دوویں پاسے (لوقا 23: 32)۔ ایہناں وِچوں اِک نے یسوع تے پروہسا کیتا تے اُوس دِن مرن تے جنت چلا گیا۔ دوجے نے یسوع نوں مسترد کر دِتا تے ایس دِن جہنم وِچ چلا گیا۔

لوقا دے سہولویں باب وِچ، یسوع نے لعزر نامی اِک شخص بے بارے وِچ گل کیتی جیہڑا مر گیا تے ابراہیم دے نال جنت وِچ چلا گیا، تے اِک امیر آدمی دے بارے وِچ جیہڑا بغیر نجات دے مر گیا تے جہنم دے شعلیاں وِچ چلا گیا۔ ایس حوالے وِچ، ابراہیم نے امیر آدمی نوں موت دے بعد لوکاں دے دو گروہواں، نجات پان آلے تے کھوئے ہوئے لوکاں دے وِچکار دائمی جدائی دے بارے وِچ دسیا۔

’’تے ایہناں گلاں دے وِچکار ساڈے تہاڈے وِچکار اِک وڈا گڑھا واقع اے تاکہ جیہڑے اُوس پار تہاڈے وَل جانا چاہن، نہ جا سکن تے جیہڑے ایس پار ساڈے وَل آنا چاہن، نہ آ سکن‘‘ (لوقا 16: 26)۔

یسوع نے کہیا کہ کوئی وی دو مالکاں دی خدمت نئیں کر سکدا، لیکن اُوہنوں خدا وَل یا گناہ وَل [کیہڑے پاسے جانا اے] انتخاب کرنا چائیدا اے۔ اُوہنے کہیا،

’’کوئی آدمی دو مالکاں دی خدمت نئیں کر سکدا: یا تے اُو اِک نال دشمنی رکھے گا تے دوجے نال محبت؛ یا اِک دا ہو کے رہوے گا تے دوجے نوں حقیر جانے گا۔ تُسی خدا تے دولت دوویں دی خدمت نئیں کر سکدے‘‘ (متی 6: 24)۔

بُہتیرے لوکی اپنی جان کھو دین گے کیوں جے اُوہناں نے خدا دے بجائے پیسے، یا خوشی، یا اپنی خود غرضی دی خدمت کرن دا انتخاب کیتا۔ میہنوں اِک نوجوان یاد اے جیہڑا ساڈے گرجا گھر وِچ آیا سی۔ میں نے اُوہنوں پُچھیا، ’’تُسی کی چاہندے اُو کہ مسیح تہاڈے لئی کی کرے؟‘‘ اُوہنے کہیا، ’’میں چاہنا آں کہ اُو میہنوں امیر بنائے۔‘‘ افسوس دی گل اے کہ ایس نوجوان نے کدی وی دولت دے بجائے خدا دی خدمت کرن دا انتخاب نئیں کیتا۔ متی 19 باب وِچ امیر نوجوان حکمران وانگوں جِنہے پیسے دے لئی اپنی جان گنوا دِتی۔ یسوع نے کہیا کہ امیر نوجوان حکمران ہاریا ہویا سی، ’’اِک آدمی نوں کی فائدہ ہووے گا، جے اُو ساری دُنیا حاصل کر لے، تے اپنی جان کھو دیوے؟ یا آدمی اپنی جان دے بدلے کی دیوے گا؟‘‘ (مرقس 8: 36-37)۔

میری پرورش اِک مسیحی گھر وِچ نئیں ہوئی، تے میں خدا تے بالکل وی یقین نئیں رکھدا سی۔ میں نے سوچیا کہ جدوں کوئی مر جاندا اے تے سب کُجھ مُک جاندا اے۔ لیکن جدوں میں خدا تے یقین نئیں رکھدا سی اُودھوں وی میں جانندا سی کہ کُجھ شیواں اہم نے۔ میہنوں ایہ کہنا یاد اے، ’’جے کوئی خدا اے، تے اُوہنوں [دُںیا] دی سب توں اہم شے ہونا چائیدا اے۔‘‘ تے ایہ سچ سی۔ جے کوئی خدا سراسر ہے وی، تے اُوہنوں وجود وِچ اول درجے دا ہونا چائیدا، تے اینج ای اُوہنوں ساڈی حیاتی وِچ وی اول درجے تے ہونا چائیدا اے۔ جے اَسی واقعی خدا تے یقین رکھنے آں تے ساڈی اولین ترجیح تے فکر اُوہدی خدمت کرنا تے اُوہنوں خوش کرنا ہونی چائیدی اے۔ ورنہ اِک شخص صرف اپنے آپ نوں بیوقوف بنا رہیا اے جدوں اُو کہندا اے، ’’میں خدا تے یقین رکھنا آں۔‘‘

زیادہ تر لوکی ایہنوں ایہنے دو ٹوک انداز وِچ نئیں لیہندے نے۔ اُو ایہ سمجھان دے لئی وڈے وڈے لفظاں نوں استعمال کرنا پسند کردے نے کہ اُو دو آقاواں دی خدمت کرنا چاہندے نے۔ بہتیرے لوکی کہندے نے، ’’میں اِک حقیقی بننا چاہواں گا، لیکن … ‘‘ تے فیر اِک وجہ دسدے نے کہ اُو یسوع نوں اپنی حیاتی وِچ پہلاں کیوں نئیں رکھ سکدے۔ اُوہناں دا اپنے ویلے، اپنے پیسے تے اپنی عقیدت نال کُجھ ہُور ای تعلق اے۔ اُو اِتوار نوں گرجا گھر نئیں آن گے۔ اُو یسوع نوں اپنے پیسے، اپنی خوشیاں، تے اپنے ذاتی منصوبیاں توں اُتے نئیں رکھن گے۔ تے ایویں اُو اپنی ابدی جاناں توں محروم ہو جاندے نے۔ یاد رکھو کہ یسوع نے کہیا، ’’کوئی آدمی دو مالکاں دی خدمت نئیں کر سکدا۔‘‘ بائبل کہندی اے، ’’اَج اپنے آپ نوں چُن لو کہ تُسی کیہدی خدمت کرو گے‘‘ (یوشع 24: 15)۔ آپ تُسی کیہدی خدمت کرو گے؟

خُدائی اِک وِچ تین

بائبل واضح طور تے تعلیم دیہندی اے کہ خدا اِک تثیلث اے – کہ خدا اِک وِچ تین نے۔ اِک خدا دے سِوا کوئی نئیں اے، لیکن اُو تین ہستیاں خدا باپ، خدا بیٹا تے خدا پاک روح وِچ وجودیت رکھدا اے۔ یسوع نے اپنے شاگرداں نوں اِک وِچ تین دے ناں توں بپتسمہ دین نوں کہیا سی:

’’ایس لئی تُسی جاؤ تے ساری قوماں نوں شاگرد بناؤ تے اُوہناں نوں باپ، بیٹے تے پاک روح دے ناں توں بپتسمہ دیو‘‘ (متی 28: 19)۔

جدوں یسوع نے خود یوحنا پبتسمہ دین آلے دے ذریعے بپتسمہ لیہیا، تثلیث دے تین افراد واضح طور تے موجود تے الگ سن۔ اُسی ویلے جدوں یسوع نے بپتسمہ لیہیا، خدا باپ آسمان توں بولیا تے خدا روح القدس کبوتر دی شکل وِچ یسوع تے آیا۔ بائبل کہندی اے،

’’تے یسوع بپتسمہ لین دے بعد جیویں ای پانی توں باہر نکلیا تے آسمان کُھل گیا تے اُوہنے خدا دے روح نوں کبوتر وانگوں اپنے اُوتے اُتردے ویکھیا۔ نال ای آسمان توں ایہ واج آئی کہ ایہ میرا پیار پُتر اے جیس نال میں بہوتا خوش آں‘‘ (متی 3: 16۔17)۔

تثلیث دیاں تینوں ہستیاں II کرنتھیوں دی کتاب دے آخر وِچ پولوس رسول دی [دعائے حفاظت] برکت وِچ دِتیاں گئیاں نے:

’’خداوند یسوع مسیح دا فضل، خدا دی محبت تے پاک روح دی رفاقت تُساں ساریاں دے نال ہووے۔ آمین‘‘ (II کرنتھیوں 13: 14)۔

خود انسان، ’’خدا دی صورت‘‘ وِچ تخلیق کیتا گیا (پیدائش 1: 27)، وی اِک چہ تین اے۔ ہر شخص دا اِک جسم، اِک جان تے اِک روح اے۔ بائبل کہندی اے،

’’تے خدا جیہڑا اطمینان دا چشمہ اے اُوہی تہاڈی روح، جان تے تہاڈے جسم نوں پوری طرح محفوظ رکھے تاکہ خداوند یسوع مسیح دے آن تے تُسی بے عیب پائے جاؤ‘‘ (I تسالونیکیوں 5: 23)۔

تین دے عدد نوں بائبل وِچ بہتیرے دوجے طریقیاں نال پیش کیتا گیا اے۔ مسیح ’’تیجے دِن‘‘ مُردیاں وِچوں جی اُٹھیا (I کرنتھیوں 15: 4)۔ فرشتیاں نے خدا دی عبادت کیتی، ’’قدوس، قدوس، رب الافواج قدوس اے‘‘ (اشعیا 6: 3)۔ سارے بائبل نوں منن آلے مسیحی تسلیم کردے نے کہ حقیقی خدا اِک وِچ تین نے۔

خدا باپ، بیٹے، تے روح القدس دی تثلیث اُوہی اے جیہڑی مسیحیت نوں یہودیت، بدھ مت، یہوداہ دے گواہاں، یا رسولی پینٹیکوسٹلز توں مختلف بناندی اے، جیہڑے تثلیث دا انکار کردے نے۔

میں اِک آدمی نوں پُچھیا جیہڑا ساڈے گرجا گھر دا جائزہ لین آیا سی کہ کی اُو جنت وِچ جا رہیا اے یا جہنم وِچ۔ اُوہنے میہنوں دسیا کہ اُو مرن دے بعد جنت وِچ جان دی توقع رکھدا اے، تے میں اُوہنوں پُچھیا، ’’کیوں؟‘‘ اُونے جواب دِتا، ’’کیوں جے میہنوں روح القدس توں نجات لبھی اے۔‘‘ میں نے اُوہنوں دوبارہ جنت وِچ جان دی اُمید دے بارے چہ پُچھیا، تے بار بار اُوہنے دعویٰ کیتا کہ اُو روح القدس دی وجہ توں جنت وِچ جا رہیا اے۔

اُوس شخص نے اپنی نجات دے لئی تثلیث دی دوجی شخصیت یسوع مسیھ تے پروہسا نئیں کیتا سی۔ اُو نئیں جانندا سی کہ ’’خدا اِک اے، تے خدا تے انساناں دے وِچکار اِک ای ثالث اے، مسیح یسوع جیہڑا انسان اے‘‘ (I۔ تیمتھیس 2: 5)۔ یسوع مسیح، روح القدس نئیں، جیہڑا سولی تے کیلاں نال جڑیا ہویا سی تے جِنہے گناہ دی معافی دے لئی اپنا لہو وگایا سی۔ روح القدس نے کسی دے گناہواں دا کفارہ نئیں دِتا کیوں جے اُوہدے کول لہو نئیں اے۔ ایتھوں تیکر کہ خدا باپ نے وی، اپنی ذات وِچ، کسی دے گناہواں دی ادائیگی نئیں کیتی، کیوں جے اُو اِک روح اے (یوحنا 4: 22)۔ صرف یسوع ناصری، خدا دے بیٹے تے ابنِ آدم نے لہو دی قربانی دِتی تاکہ ساڈے گناہواں نوں معاف تے پاک کیتا جا سکے۔

’’کیوں جے خدا نے دُںیا توں ایس قدر محبت کیتی کہ اپنا اِکلاتا بیٹا بخش دِتا تاکہ جیہڑا کوئی اُوہدے تے ایمان لیہیائے ہلاک نہ ہووے بلکہ ہمیشہ دی حیاتی پائے‘‘ (یوحنا 3: 16)۔

بہتیرے لوکاں نے میہنوں کہیا اے کہ یسوع اِک روح اے – ایہناں دے اِردگرد ہوا وِچ تیر رئی اے۔ لیکن یسوع اِک روح نئیں اے۔ اُو اَج زندہ کیتے گئے گوشت تے ہڈیاں آلے انسانی جسم وِچ زندہ اے۔ مُردیاں وِچوں جی اُٹھن دے بعد، یسوع نے کہیا، ’’میہنوں دھیان نال ویکھو، کیوں جے روح دے کول گوشت تے ہڈیاں نئیں ہوندیاں، جیویں کہ تُسی میہنوں ویکھدے اُو‘‘ (لوقا 24: 39)۔ فیر یسوع نے مچھلی دا اِک ٹکڑا تے شہد دے چھٹے دا کُجھ حصہ کھایا، جیہڑا کہ روح نئیں کر سکدی سی (لوقا 24: 42-43)۔

’’پاک صحائف دے مطابق اُو تیجے روز دوبارہ جی اُٹھیا تے کیفا (پطرس) نوں تے فیر دوجے رسولاں نوں ویکھائی دِتا۔ اُوہدے بعد، پنج سو توں زیادہ مسیحی بھائیاں نوں اِک نال وکھائی دِتا جِنہاں وِچوں اکثر ہُنے تیکر زندہ نے البتہ بعض مر چکے نے۔ فیر یعقوب نوں وَکھائی دِتا، ایہدے بعد ساریاں رسولاں نوں۔ تے سب توں آخر وِچ میہنوں وکھائی دِتا …‘‘ (I کرنتھیوں 15: 4۔8)۔

یسوع جسمانی طور تے مُردیاں وِچوں جی اُٹھیا۔ پنج سو بارہ توں زیادہ لوکاں نے یسوع نوں اُوہدے مُردہ جسم دے فیر توں زندہ ہون دے بعد زندہ وَیکھیا۔

فیر اَسی بائبل وِچ پڑھنے آں کہ یسوع دا جسمانی جسم واپس آسمان تے اُٹھا لیہیا گیا۔

’’جدوں اُو ٹکٹکی بنہھے اُوہنوں آسمان تے جاندے ہوئے ویکھ رئے سن تے ویکھو دو مرد سفید لباس وِچ اُوہناں دے کول آ کے کھڑے ہوئے، تے کیہن لگے، اے گلیلی آدمیوں! تُسی کھڑے کھڑے آسمان وَل کیوں ویکھ رئے اُو؟ ایہو ای یسوع جیہڑا تہاڈے کولوں آسمان تے اُٹھایا گیا اے اینج ای فیر آئے گا جیویں تُسی لوکاں نے اُوہنوں آسمان تے جاندے ویکھیا اے‘‘ (اعمال 1: 10۔11)۔

’’اُوہی یسوع‘‘ جیہڑا آسمان تے اُٹھایا گیا، خدا دے داہنے ہتھ تے بیٹھیا، دوبارہ زیتون دے پہاڑ تے واپس آئے گا جِدھروں اُو اُٹھایا گیا سی۔

ایہدے توں ظاہر ہوندا اے کہ یسوع دا جسمانی جسم آسمان تے اُٹھایا گیا۔ تے ایہ ظاہر کردا اے کہ اُوہی جسمانی یسوع دوبارہ آئے گا۔ ساڈے کول ایس توں وڈا صحیفائی ثبوت کی ہو سکدا اے کہ یسوع محض اِک روح نئیں اے؟

یسوع ہوا وِچ اِک روح نئیں اے! اُو اِک آدمی اے، تثلیث دی دوسری ہستی، تے اُو اَج آسمان وِچ خدا دے داہنے ہتھ تے رہندا اے (مرقس 16: 19؛ کلسیوں 3: 1؛ عبرانیوں 10: 12)۔ اِخ دِن ایہو ای یسوع اپنی بادشاہت قائم کرن تے زمین تے ہزار سالہ حکومت کرن دے لئی جسمانی طور تے واپس آئے گا۔

لوکاں نے اکثر میہنوں دسیا کہ اُو نجات پا گئے نے کیوں جے اُو خدا تے یقین رکھدے نے، یا ایس لئی کہ خدا نے اُوہناں دے لئی کُجھ کیتا اے۔ اِک شخص نے ’’خدا نوں اپنی حیاتی وِچ آن دین‘‘ دے بارے وِچ گل کیتی۔ میں اُوہنوں کہیا، ’’کی ہووے گا جے خدا تہاڈی حیاتی وِچ تہاڈی مدد کیتی، تے فیر اُوہدے اَخیر وِچ تُسی یسوع مسیح دے ذریعے نجات پائے بغیر مر گئے؟ ایہدے نال کی فائدہ ہووے گا؟‘‘ اُو میہنوں جواب نئیں دے سکیا۔

بہتیرے لوکی میہنوں کہندے نے کہ اُو خدا دی پیروی کر کے بچ گئے نے، یا بچائے جان دی اُمید رکھدے نے۔ ایہ بائبل دی مسیحیت نئیں اے! یہوواہ دی گواہی دین آلا ایہ کہہ سکدا اے۔

جدوں لوکی خدا دی پیروی دے بارے وِچ گل کردے نے تے میں ایہنوں سادہ رکھن دی کوشش کرنا آں۔ میں اُوہناں لوکاں توں پُچھجنا آں، ’’اُوہناں ویلیاں دے بارے وِچ کی خیال اے جدوں تُسی خدا دی پیروی نئیں کیتی؟ تے اُوہناں ویلیاں دے بارے وِچ کی خیال اے جدوں تُسی خدا دی پیروی کرن دی کوشش کیتی – تے ایہدے نال کام نئیں بنیا؟‘‘ میہنوں کدی وی کوئی تسلی بخش جواب نئیں ملیا۔ کوئی وی خدا دی پیروی کرن دی کوشش کر کے جنت وِچ نئیں جا سکدا، کیوں جے ’’سب نے گناہ کیتا اے، تے خدا دے جلال توں محروم نے‘‘ (رومیوں 3: 23)۔ خُدا تے یقین کرنا، یا خدا دی پیروی کرنا، تہانوں نئیں بچائے گا، کیوں جے اِخلاقی زوال وِچ ڈِگے ہوئے اِک گنہگار دے لئی ایہ ممکن نئیں اے کہ اُوس [خدا] دی مکمل پیروی کرے، ہر ویلے، حیاتی بھر۔ ایس لئی تہانوں یسوع، خدا دے بیٹے دی لوڑ اے۔ تہانوں مسیح دے کفارہ دین آلے لہو دے ذریعے معافی دی لوڑ اے۔

چھ دی ست نال برابری نہیں ہوندی

بائبل چھ نوں انسان دی عدد دے طور تے، تے ست نوں خدا دے عدد دے طور تے پیش کردی اے۔ جیویں چھ دی ست وِچوں اِک عدد دی کمی اے، ایویں ای انسان خدا دے جلال توں محروم ہوندا اے (رومیوں 3: 23)۔ تخلیق دے ہفتے وِچ، خدا نے انسان نوں چھٹے دِن بنایا، تے فیر ساتویں دِن آرام کیتا کیوں جے اُوہنے تخلیق دا اپنا کام مکمل کر لیہیا سی۔

’’تے خدا نے کہیا، آؤ اَسی انسان نوں اپنی شبیہ تے بنائیے … تے صبح ہوئی تے شام ہوئی۔ ایہ چھٹا دِن سی‘‘ (پیدائش 1: 26، 31)۔

ستویں دِن تیکر خدا نے اُوس کام نوں پورا کیتا جِنہوں اُو کر رہیا سی۔ چنانچہ ستویں دِن اُو اپنے سارے کام توں فارغ ہویا۔ تے خدا نے ستویں دِن نوں برکت دِتی تے اُوہنوں مقدس ٹھہرایا کیوں جے ایس دِن اُوہنے تخلیق کائنات دے سارے کام توں فراغت پائی‘‘ (پیدائش 2: 2۔3)۔

خدا دی معافی دی کاملیت دے بارے وِچ گل کردے ہوئے، یسوع نے اپنے شاگرداں نوں اِک دوجے نوں ’’ست دے ستر وری‘‘ معاف کرنا سکھایا (متی 18: 22)۔

جیویں کہ تخلیق وِچ چھ دا عدد ست توں گھٹ سی، ایویں ای ایہ تاریخ دے اَخیر وِچ، یسوع مسیح دی زمین تے حکومت کرن دے لئی دوجی آمد توں پہلاں ہووے گا۔ بائبل اَخیرلی عالمی آمر، دجال دے بارے وِچ گل کردی اے، جِنہوں مکاشفہ 13 باب وِچ ’’حیوان‘‘ کہیا جاندا اے۔ حیوان دی تعداد 666 اے – ’’آدمی، آدمی، آدمی۔‘‘

’’ایہ موقع عقل توں کام لین دا اے۔ جیہڑا سمجھدار اے اُو ایس حیوان دا عدد گِن لئے کیوں جے ایہ آدمی دا عدد اے تے اُوہدا عدد چھ سو چھیاسٹھ اے‘‘ (مکاشفہ 13: 18)۔

بہتیرے لوکاں نے حروف تہجی دے ہر حرف نوں اِک عدد تفویض کرن تے دجال دا ناں معلوم کرن دے لئی دیگر عددی اسکیماں نوں آزمان وِچ لامتناہی گھنٹے صرف کیتے نے۔ ڈاکٹر جان آر رائس نے لکھیا، ’’سطحی مبلغاں تے سنسنی پھیلان آلیاں نے نمبر 666 دے بارے وِچ بہوتی ودھا چڑھا کے کام کیتا ے‘‘ (ویکھو، اُو آندا اے! Behold, He Cometh!، سورڈ آف دی لارڈ، 1977، صفحہ 213، مکاشفہ 13: 16-18 تے غور طلب گل)۔ ڈاکٹر رائس نے درست کہیا کہ ایہ تعداد محض ایہ ظاہر کردی اے کہ انسان دی خُدا دے معیار تے پورا اُترن وِچ ناکامی اے۔

666 دا عدد کیوں؟ بائبل وِچ چھ کسی نہ کسی طور نال انسان دا عدد سمجھا جاندا اے۔ سب توں پہلاں، یاد رکھو کہ ست دا اِک لہٰی مفہوم اے۔ خدا نے زمین نوں چھ دِناں وِچ بنایا تے ستویں دِن آرام کیتا۔ تے ایویں ستویں دِن آسمان دی اِک شبیہ بن گیا … لیکن انسان خدا توں گھٹ اے، تے ایویں چھ آدمی دی تعداد نوں ظاہر کردا اے۔ تے ایتھے 666 دا مطلب ایہ ہووے گا کہ کوئی وی آدمی ست دے قریبا تر پہنچن وِچ تے کاملیت دا قریب تر پہنچ پائے تے اُو دجال ہووے گا، لیکن اُو ست تیکر نئیں پہنچ سکدا۔ ایہ 666 اے لیکن 7 نئیں (گذشتہ گل دے تسلسل وِچ ibid.، صفحہ 215)۔

ڈاکٹر جان ایف والورڈ نے 666 دے معنی تے ایہ کہہ کے تبصرہ کیتا:

شاید ایتھے سب توں سادہ وضاحت بہترین اے، کہ تین وری چھ دا عدد اِک آدمی دا نمبر اے، ہر ہندسہ کامل نمبر سات توں گھٹ اے۔ کتاب وِچ چھ آدمی دا عدد اے (مسیح یسوع دا مکاشفہ The Revelation of Jesus Christ، شکاگو: موڈی پریس، 1966، صفحہ 210)۔

خدا دے چُنے ہوئے بارہ

بائبل وِچ، بارہ دے عدد دا خدا دے لوکاں دے نال اِک خاص تعلق اے، دوویں اسرائیل دے نظام وِچ تے ساڈے زمانے وِچ، کلیسیا دے انتظام وِچ۔ اسرائیل دے بارہ قبیلے سن (پیدائش 49: 28)۔ یسوع نے بارہ شاگرداں دا انتخاب کیتا (متی 10: 1-5)۔ یسوع نے اپنے شاگرداں تے اسرائیل دے قبیلیاں دے وِچکار تعلق قائم کیتا جدوں اُوہنے کہیا،

’’تے یسوع نے اُوہناں نوں کہیا، میں تہانوں سچ سچ کہنا آں، نئی تخلیق وِچ جدوں ابنِ آدم اپنے جلالی تخت تے بیٹھے گا تے تُسی وی جیہڑے میرے پیچھے چلے آئے اُو بارہ تختاں تے بیٹھ کے اسرائیل دے بارہ قبیلیاں دا انصاف کرو گے‘‘ (متی 19: 28)۔

ایذا رسانیاں دے دور وِچ بارہ قبیلیاں وِچوں ہر اِک وِچ بارہ ہزار یہودی بچائے جان گے، جِنہاں دی تعداد 144,000 ہووے گی (مکاشفہ 7: 4-8)۔

اَخیر وِچ، خدا نے یوحنا رسول تے انکشاف کیتا کہ نئے یروشلم نوں بارہ نمبر دا استعمال کردے ہوئے ڈیزائن کیتا جائے گا، جیہڑا اسرائیل دے قبیلیاں تے بارہ رسولاں دوویں دا حوالہ دے گا۔ یوحنا نے ایس شہر دے بارے چہ لکھیا،

’’تے [اُوس نئے یروشلم] دی فصیل بہوتی وڈی تے اُوچی سی تے اُوہدے وچ بارہ بوہے سن، تے بوہیاں تے بارہ فرشتے سن، تے ایہناں تے ناں لکھے ہوئے سن، جیہڑے بنی اسرائیل دے بارہ قبیلیاں دے ناں نے … تے شہر دے دیوار دی بارہ بنیاداں سن، تے ایہناں وِچ برّے دے بارے رسولاں دے ناں سن‘‘ (مکاشفہ 21: 12، 14)۔

زمین تے مسیح دی دس ہزار سالہ بادشاہت

بائبل سکھاندی اے کہ یسوع مسیح دُنیا تے اپنی بادشاہی قائم کرن دے لئی زمین تے واپس آئے گا۔ یہا بادشاہی اِک ہزار وریاں تیکر رہووے گی، تے ایہ خاص طور تے بیان کیتا گیا اے کہ ایذارسانیاں دے شہداء مسیح دے نال اُوہدی بادشاہی وِچ حکومت کرن گے:

’’فیر میں اِک فرشتہ نوں آسمان توں ہیٹاں اُتردے ویکھیا، اُوہدے کول اتھاہ گڑھے دی کُنجی سی تے اُو ہتھ وِچ اِک سنگلی لئے ہوئے سی۔ اُوہنے اژدھے یعنی پرانے سَپ نوں جیہڑا ابلیس تے شیطان اے پھڑیا تے اُوہنوں اِک ہار وریاں دے لئی بنھ دِتا تے اتھاہ گڑھے وِچ سُٹ دِتا تے اُوہنوں بند کر کے اُوہدے تے مہر لگا دِتی تاکہ اُو قوماں نوں گمراہ نہ کر سکے جدوں تیکر کہ ہزار ورے پورے نہ ہو جان۔ ایہدے بعد اُوہدے کُجھ ویلے دے لئی کھولیا جانا لازمی اے۔ فیر میں تخت ویکھے جِنہاں تے اُو لوکی بیٹھے ہوئے سن جِنہاں نوں انصاف کرن دا اِختیار دِتا گیا سی۔ تے میں اُوہناں لوکاں دی روحواں ویکھیاں جِنہاں دے سر یسوع دی گواہی دین تے خدا دے کلام دی وجہ توں کاٹ دِتے گئے سن۔ اُوہناں لوکاں نے نہ تے اُوس حیوان نوں نہ اُوس مورت نوں سجدہ کیتا، نہ اپنی پیشانی یا ہتھاں تے اُوہدا نشان لگوایا۔ اُو زندہ ہو گئے تے اِک ہزار ورے تیکر مسیح دے نال بادشاہی کردے رئے۔ تے باقی مُردے اِک ہزار ورے پورے ہون تیکر زندہ نہ ہوئے۔ ایہ پہلی قیامت اے۔ مبارک تے مقدس نے اُو لوکی جیہڑے پہلی قیامت وِچ شریک نے۔ اُوہناں تے دوجی موت دا کوئی اِختیار نئیں بلکہ اُو خدا تے مسیح دے کاہن ہون گے تے ہزار ورے تیکر بادشاہی کردے رہن گے‘‘ (مکاشفہ 20: 1۔6)۔

کُجھ لوکاں نے ایس عدد نوں ’’روحانی بنان‘‘ دی کوشش کیتی اے جیہڑا خدا نے اپنے کلام وِچ پیش کیتا اے، تے کہندے نے کہ ایہ واقعی چہ اِک ہزار ورے دی مدت دا حوالہ نئیں دیہندا اے۔ لیکن جے کوئی بائبل دی منصفانہ تشریح کرے تے اینج کرنا ناممکن اے۔ ڈاکٹر جے ڈوائٹ پینٹیکوسٹ J. Dwight Pentecost نے لکھیا،

عام طور تے، ایتھے تیکر کہ ہزار ورے دے دور دی واقعیت دا انکار کرن آلیاں دے نیڑے وی، کہ فرشتہ، آسمان، گڑھا، شیطان، قوماں، ایس باب وِچ بیان کردہ قیامتاں واقعی وِچ نے۔ ایہناں دے واقعی وِچ ہون نوں قبول کرنا تے ویلے دے عنصر دی واقعیت توں انکار کرنا حماقت ہووے گی … ایس حوالے وِچ چھ وری ایہ کہیا گیا اے کہ مسیح دی ہزار سالہ بادشاہی اِک ہزار ورے تیکر جاری رہوے گی (ڈاکٹر جے ڈوائٹ پینٹیکوسٹ، آن آلی گلاں: تے آخرت دی گلاں توں تعلق رکھن دے علم دا مطلعہ Things to Come: A Study of biblical Eschatology، گرینڈ ریپڈز، مشی گن: ژونڈروان، صفحہ 1948)۔

انیسویں صدی وِچ، ہنری الفورڈ نے لکھیا کہ ابتدائی مسیحی، مسیح دی ہزار سالہ بادشاہت تے اصل وِچ یقین رکھدے سن۔

اُو لوکی جیہڑے رسولاں دے نال حیاتی بسر کردے رئے سن، تے پوری کلیسیا نے 300 وریاں تیکر، اُوہناں نوں سادہ جئی لفظ بہ لفظ سمجھ وِچ سمجھیا۔ تے ایس دور وِچ اُوہناں مفسراں نوں جیہڑے پرانے پن دا اِحترام کرن آلیاں دے وِچکار سب توں اَگے ہوندے نے، اِطمینان نال اِتفاقِ رائے دی سب توں معقول مثال نوں جیہڑی قدیم پرانا پن پیش کردی اے اِک پاسے کردے ہوئے ویکھنا اِک عجیب جیہا نظارہ اے۔ جیتھے تیکر خود تلاوت دا تعلق اے، ایہدا کوئی وی جائز علاج ایس شے نوں ضائع نئیں کرے گا جِنہوں ہُن فیشن وِچ روحانی تشریح کہیا جاندا اے (ہنری الفورڈ، نیا عہدنامہ The New Testament، نیویارک: ہارپر اینڈ برادرز، 1859، جلد IV، صفحہ 372)۔

میں آپئے کلام پاک دی سادہ جئی سمجھ دے نال کِھلوتا آں! مسیح زمین تے اِک ہزار وریاں تیکر حکومت کرے گا۔ بائبل جو کہندی اے اُوہدا مطلب ایہو ای اے!

جدوں خدا اِک عدد پیش کردا اے، تے اُوہدا مطلب اُوہی ہوندا اے جیہڑا اُو کہندا اے۔

جدوں خدا اِک نمبر دیہندا اے تے سانوں اُوہدے تے یقین کرنا چائیدا اے۔ دانی ایل دی کتاب وِچ، خدا نے اعداد دا استعمال کردے ہوئے ویکھایا کہ مسیح دی پہلی آمد تیکر کیہنی دیر ہووے گی:

’’تیرے لوکاں تے تیرے مقدس شہر دے لئی ستر ہفتے مقرر کیتے گئے نے جِنہاں دے اِختتام تیکر خطاکاری تے قابو پا لہیا جائے، گناہ دا خاتمہ ہووے، بدکرداری دا کفارہ دِتا جائے، ابدی راستبازی قائم ہووے، رویا تے نبوت تے مہر ہووے تے پاک ترین مقام ممسوح کیتا جائے۔ پس تو جان تے سمجھ لے کہ یروشلم دی بحالی تے دوبارہ تعمیر کیتے جان دا حکم صادر ہون توں لے کے ممسوح فرمانروا دی آمد تیکر ست ہفتے تے فیر باسٹھ ہفتے گزر جان گے۔ ایہنوں ایہدے بازاراں تے فصیل تے خندق سمیت تعمیر کیتا جائے گا۔ لیکن ایہ مصیبت دے ایام وِچ ہووے گا۔ باسٹھ ہفتیاں دے بعد ممسوح نوں ختم کر دِتا جائے گا تے اُوہدا کُجھ نہ رہووے گا تے آن آلے حکمران دے لوکی شہر تے مقدِس نوں تباہ کر دین گے۔ ایہدا انجام سیلاب دی وجہ توں ہووے گا، جنگ اَخیر تیکر ہوندی رہووے گی تے تباہیاں دا حکم دِتا جا چکیا اے۔ تے اُو حکمران اِک ہفتہ یعنی ست وریاں دے لئی بوہتاں نال عہد بنہھے گا تے اُوس ہفتہ دے وِچکار اُو قربانی تے نذر موقوف کر دیوے گا تے اُو بیت المُقدّس وِچ اِک تباہ کرن آلے مکروہ شے نوں قائم کرے گا جیہڑی تباہی دا باعث ہووے گی۔ ایہ اُودھوں تیکر ہوندا رہووے گا جدوں تیکر کہ مقرر ویلے دے اَخیر وِچ اُوس حمکران تے ایہ تباہی نازل نہ کر دِتی جائے‘‘ (دانی ایل 9: 24۔27)۔

ایتھے خدا ’’ستر ہفتیاں‘‘ دی گل کردا اے، لفظی طور تے ’’ست وری ستر‘‘ جیہڑا 70 گنا 7 = 490 وریاں دی نمائندگی کردا اے۔ آخیرلے ’’ست‘‘، آخری ’’ہفتے‘‘ توں مُراد دجال دے ظلم و ستم دے تحت ایذارسانی دا دور اے (دانی ایل 9: 27)۔ پہلے اُنہتر ’’ہفتے‘‘حوالہ دیہندے نے اُوہناں 69 گنا 7 = 483 وریاں دا جدوں یروشلم دی تعمیر دے حکم توں لے کے اُوس ویلے تیکر کہ جدوں تیکر مسیحا نوں ’’کاٹ نہ دِتا جائے گا‘‘ (قتل کیتا جائے گا)، ’’اپنے لئی نئیں‘‘ بلکہ دوجیاں دے گناہواں دے لئی۔

سر رابرٹ اینڈرسن دا خیال سی کہ یروشلم دی تعمیر نوں دا حکم 14 مارچ 445 قبل مسیح وِچ ہویا سی، تے ایہ کہ یسوع 6 اپریل نوں 32 عیسوی وِچ اپنے مصلوب کیتے جان توں پہلاں یروشلم وِچ داخل ہویا سی۔ ایہناں دوواں تاریخاں دے وِچکار دا ویلہ بالکل درست طر تے 360 دِناں دے ہر ورے دے 483 پیشن گوئی کیتے گئے وریاں یا 173,880 دن نے۔

آن والا شہزادہ The Coming Prince (صفحہ 127) وِچ سر رابرٹ اینڈرسن دے بہتیرے حسابات دے مطابق صحیح تے آخیرلی تاریخ 6 اپریل 32 عیسوی سی، اُو کہندے نے، ’’دسویں نسان دی جولین تاریخ اِتوار 6 اپریل، 32 عیسوی سی۔ فیر اُوس دورانیے دی مدت کی سی جیہڑی یروشلم نوں فیر توں تعمیر کرن دے حکم تے ’مسیحا اُوس شہزادے‘ دی عوامی آمد دے اِعلان دے وِچکار مداخلت دی مدت کیہنی سی؟ 14 تاریخ 445 قبل از مسیح تے 6 اپریل 32 بعد از مسیح دے وِچکار؟ اُو وقفہ بالکل تے انتہائی اُوس ای دِن، 173,880 دن، یا 360 دن دے ست وری انتالیس [انبیانہ] پیشن گوئی دے سال دا سی، جیہڑے گیبرئیل دی پیشن گوئی دے پہلے اُنہتر ہفتے سن‘‘ (جوش میکڈوویل Josh McDowell وِچ ثبوت جیہڑا فیصلے دا تقاضا کردا اے Evidence that Demands a Verdict وِچ، حوالہ دِتا، ایتھے ای لائف پبلیشرز وِچ، 1979، صفحات 180۔181)۔

ایتھوں تیکر کہ اُوس ویلے دے اِک اسرائیلی نوں وی جیہڑا یروشلم دی تعمیر نوں دے حکم نامے دے صحیح ورے تے تاریخ دے بارے وِچ غیر یقینی سی اُوہنوں معلوم ہونا چائیدا سی کہ 69 ہفتیاں دی تکمیل دا ویلہ قریبا سی، جیویں کہ سکوفیلڈ مطالعہ بائبل The Scofield Study Bible دسدا اے:

… آرٹاکسرزس Artaxerxes دا فرمان … 454 تے 444 قبل از مسیح دے وِچکار جاری کیتا گیا سی۔ دوویں صورتاں وِچ سانوں مسیح دے زمانے وِچ لیہایا جاندا اے۔ پیش گوئی دا ویلہ ہمیشہ ایس قدر لاگے اے کہ مکمل انتباہ دین دے لئی، ایہنا غیر متعین اے کہ محض تجسس تے کوئی اِطمینان نہ ہووے (سکوفیلڈ مطالعہ بائبل The Scofield Study Bible، دانی ایل 9: 25 تے غور طلب گل)۔

صرف اِک ای بندہ سی جیہڑا عوامی طور تے مسیحا دی حیثیت نال آیا، اُوہدے آن دے بعد بائبل دی اِک دے بعد اِک پیش گوئی نوں پورا کیتا، تے مارا گیا، ’’اپنے لئی نئیں‘‘ – تے اُوہدا ناں یسوع اے!

یسوع نے اپنی زمینی منادی نوں انجام دِتا تے بالکل صحیح ویلے تے مصلوب کیتا گیا، جس دی دانی ایل نے پیشن گوئی کیتی سی۔ ہُن اسرائیل وِچ کسی وی سوچن آلے بندے نوں معلوم ہونا چائیدا سی کہ دانی ایل دے 483 (69 گنا 7) ورے ختم ہون آلے سی۔ کیوں بہوتی سارے لوکی دانی ایل دی پیش گوئی تے عمل کرن وِچ ناکام رئے تے یسوع نوں اپنا وعدہ کیتے ہوئے مسیحا دے طور تے قبول کیتا؟ ایہدا جواب ایہ اے کہ لوکی ہر ویلے باخبر ہو سکدے نے، روحانی طور تے مُردہ تے خدا تے اُوہدے بیٹے یسوع نال دشمنی رکھدے ہوئے اعداد و شمار تے اوقات دے بارے صحیح طور تے باخبر رہ سکدے نے۔

بہرحال، متی 2: 5 وِچ فقیہیاں تے فریسیاں نے میکاہ 5: 2 دی پیشن گوئی دا حوالہ دیہندے ہوئے درست کہیا کہ مسیح دا بیت اللحم وِچ پیدا ہونا سی۔ ایہ لوکی صحیح طور تے مسیح دی پیدائش دی تھاں نوں سمجھدے سن، لیکن اُوہناں نے کسی وی یروشلم توں بیت المقدس تیکر مختصر فاصلہ طے نئیں کیتا تاکہ اُو حقیقت وِچ مسیح نوں ویکھن تے اُوہدی عبادت کرن۔ یسوع دے کول آن دا اُوہناں دے انکار دے لئی کوئی عقلی عذر نئیں سی۔ جیویں کہ ساری عمراں وِچ بہتیرے مذہبی لوکاں دے لئی رہیا اے، اُوہناں دا مسئلہ روحانی سی۔ بائبل کہندی اے، ’’لیکن فطری [غیر تبدیل شُدہ] آدمی خدا دے روح دی شیواں نوں قبول نئیں کردا: کیوں جے اُو اُوہدے لئی بے وقوفی نے: نہ اُو اُوہناں نوں جان سکدا اے، کیوں جے اُو روحانی طور تے پہچانے جاندے نے‘‘ (I کرنتھیوں 2: 14)۔ بائبل سانوں دسدی اے کہ غیر تبدیل شُدہ لوکاں دی ’’سمجھ تاریک ہو گئی اے‘‘ (افسیوں 4: 18) تے ایہ کہ شیطان نے اُوہناں دے ذہناں نوں انّہھا کر دِتا اے (II کرنتھیوں 4: 4)۔

کیوں جے اُوہناں دے منحرف ذہناں نوں انّہھا کر دِتا گیا سی، یسوع دی پیدائش دے ویلے کاتب تے فریسی اُوہدی عبادت کرن نئیں آئے سن، حالانکہ اُو ذہنی طور تے عہدنامہ قدیم دی پیشن گوئی دی ظاہری شکل نوں سمجھدے سن، جِنہاں نے اُوس شہر دا ناں دِتا جیتھے اُو پیدا ہووے گا۔

ایویں ای، بائبل دے اِک طالب عل نوں دانی ایل دی پیشن گوئی توں مسیح دی آمد دی ویلہ معلوم ہونا چائیدا سی – گھٹ توں گھٹ چند وریاں وِچ! لیکن اُوہناں دے دِناں دے بائبل دے طالب علم روحانی طور تے انّہھے سن، تے یسوع یروشلم تے رویا سی تے اُوہدی تباہی دی پیشن گوئی کیتی، ’’کیوں جے تُسی اُوس ویلے نوں نہ پہچانا جدوں تہاڈے تے خدا دی نظر پیہئی سی‘‘ (لوقا 19: 44)۔

اُوس دِن دے بائبل دے طالب علم کیوں مسیحا دی جائے پیدائش تے منادی دی پیشن گوئیاں تے عمل کرن وِچ ناکام رئے – جدوں کہ چرواہے، نابینا مرد، گنہگار عورتاں ، تے ٹیکس جمع کرن آلے، ساریاں دے کول بائبل دی تعلیم نہ ہون دے برابر سی، اُو یسوع دے کول آئے تے نجات پا گئے؟ کیوں جے خدا دا اصل تقاضا علمی نئیں، روحانی اے!

کُجھ مرد جِنہاں نوں میں جاننا آں اُو ہر روز اصلی یونانی وِچ نئے عہدنامہ دا مطالعہ کردے نے، لیکن اُو ہُنے تیکر گمراہ یا کھوئے ہوئے نے۔ تے اَج وی میں بہتیرے شاندار مسیحیاں نوں جاننا آں جِنہاں دے کول خوشخبری پیش کیتے جان توں پہلاں کوئی مذہبی تعلیم نئیں سی، صرف یسوع تے پروہسا کیتا، تے ایمان لیہیا کے تبدیل ہو گئے سن۔ جنت وِچ بہتیرے پڑھے لکھے لوکی ہون گے تے بہتیرے پڑھے لکھے لوکی جہنم وِچ۔

جدوں خدا عدد پیش نئیں کردا تے اُوہدا مطلب اُوہی ہوندا اے جیہڑا اُو کہندا اے۔

خدا بالکل جانندا سی کہ اُو بائبل وِچ کی شامل کرنا چاہندا اے۔ ’’ہمیشہ دے لئی، اے خداوند، تیرا کلام آسمان تے قائم اے‘ (زبور 119: 89)۔ جدوں بائبل وِچ کوئی عدد دِتا گیا اے، تے ایہ ایس لئی اے کہ خدا چاہندا سی کہ اُو عدد موجود ہووے۔ اُو چاہندا سی کہ اَسی اُوس عدد نوں جانیے۔

تے جدوں خدا بائبل وِچ عدد نئیں ڈالدا، تے ایہدے وجہ ایہ اے کہ اُو نئیں چاہندا کہ ساڈے کول اُو عدد ہووے! یسوع دے زمانے دے روحانی طور تے نابینا مذہبی طلباء یسوع دی پیدائش دا مقام تے ویلہ دسن آلی بائبل دی پیش گوئی توں فائدہ اُٹھان وِچ ناکام رئے۔ لیکن دوجے پاسے اِک خرابی اے – جیتھے خدا نے کوئی عدد پیش ای نئیں کیتا اُوتھے اُوہنوں شامل کرنا! بہتیرے لوکی ایہ وی غلطی کردے نے۔

کُجھ لوکاں نے بائبل وِچ ’’خفیہ عددی کوڈز‘‘ تلاش کیتے نے۔ اُوہناں نے حروف تے الفاظ نوں شمار کیتا اے، تے مختلف اسکیماں وِچ حروف دے لئی عدد ڈالے نے، اُو خفیہ معلومات تلاش کرن دی کوشش کر رئے نے جیہڑی صحیفہ دی سادہ تلاوت وِچ نئیں لکھی گئی سن، اُو معلومات جیہڑیاں انبیاء، رسولاں تے ہر زمانے دے مسیحیاں توں پوشیدہ سن ایتھوں تیکر کہ اُو خود چھپے ہوئے علم نوں نکالن دے لئی اعداد دی اِک پیچیدہ سکیم تیار کر لیہندے نے۔

بائبل وِچ کوئی ’’خُفیہ عددی کوڈ‘‘ نئیں اے! خدا نے اپنے کلام دی سادہ تے واضح تلاوت وِچ بالکل اُوہی کُجھ پیش کیتا اے جیہڑا چاہندا اے کہ اَسی جانیے – دوویں اعداد تے باقی سب کُجھ! اُو لوکی جیہڑے ’’پوشیدہ‘‘ اعداد تے معنی تلاش کردے نے اُو کسی ایہو جئی شے دی تلاش وِچ نے جیہڑے اُوتھے نئیں اے۔

ایویں ای، بہتیرے لوکاں نے یسوع دی واپسی دی تاریخ یا سال دا اندازہ لگان دے لئی اعداد تے ریاضی دی ہیراپھیری دا استعمال کیتا اے۔ لیکن یسوع نے خود کہیا کہ اَسی اُوہدے واپسی دا صحیح ویلہ نئیں جان سکدے سن! اپنی دوجی آمد دے بارے وِچ گل کردے ہوئے، اُوہنے کہیا،

’’لیکن اُو دِن تے اُو گھڑی کدھوں آئے گی یہ کوئی نئیں جانندا، نہ تے آسمان دے فرشتے جانندے نے نہ بیٹا، صرف باپ ای جانندا اے‘‘ (متی 24: 36)۔

جی ہاں، یسوع نے متی 24 باب تے صحیفے دے دیگر حوالاجات وِچ نشانیاں دِتی گئیاں نے تاکہ مسیحی ایہ جان سکن کہ اُوہدی آمد لاگے ای اے۔ مسیح دے آن دی سب توں وڈی بائبلی نشانی یہودیاں دی سرزمین اسرائیل وِچ واپسی اے، جیہڑی کہ 1948 وِچ اسرائیل دی قوم دے قیام دے نال پوری ہوئی، حالانکہ ایہدے علاوہ بہتیری دوجی نشانیاں وی موجود نے۔ ایہ واضح اے کہ مسیح دی آمد دا ویلہ بوہتا دور نئیں اے۔

تاہم، یسوع نے کدی وی اپنی دوجی آمد دی قطعی تاریخ نئیں دسّی۔ درحقیقت، اُوہنے متی 24: 36 وِچ ایہدے برعکس کہیا: ’’لیکن اُوس دِن تے گھڑی نوں کوئی نئیں جانندا، نہ آسمان دے فرشتے، نہ بیٹا، بلکہ صرف باپ ای جانندا اے۔‘‘ یسوع نے واضھ طور تے کہیا کہ کوئی وی اُوہدی واپسی دا صحیح ویلہ نئیں جان سکے گا۔ جیویں کہ ڈاکٹر آر اے ٹورے نے کہیا،

[مسیح] واضح طور تے اعلان کردا اے کہ اُو وی اپنے دوبارہ آن دے دِن یا گھڑی نوں نئیں جانندا [متی 24: 36، 42 تے مرقس 13: 32 دا حوالہ دیہندے ہوئے]۔ کوئی وی اُستاد جیہڑا مسیح دی واپسی دی تاریخ طے کرن دی کوشش کردا اے اُوہنوں فوراً ای رسوالئی دا سامنا کرنا پیہندا اے، تے اُوہدے منصوبیاں تے پروہسا کرنا سراسر غیر ضروری اے۔ خدا نئیں چاہندا کہ اَسی ایہ جان لیہئے کہ اُوہدا بیٹا کدوھوں واپس آئے گا۔ اعمال 1: 7 – ’’تے اُوہنے اُوہناں نوں کہیا کہ اُوہناں ویلیاں تے موسماں نوں جاننا تہاڈے کام نئیں، جِنہاں نوں باپ نے اپنے اِختیار وِچ رکھیا اے۔‘‘ آؤ اُوہناں ویلیاں نوں اُوتھے ای چھڈ دیے جیتھے خدا نے اُوہناں نوں رکھیا اے، ’’خود اپنی قدرت وِچ۔‘‘ (ڈاکٹر آر اے ٹورے Dr. R. A. Torrey، بائبل کی تعلیم دیہندی ہے What the Bible Teaches، ژونڈروان، دوبارہ اشاعت 1957، صفحہ 217)۔

جدوں یسوع پہلی وری آیا تے لوکاں نے دانی ایل دی کتاب وِچ دِتے گئے وریاں دی تعداد گنوا چھڈی۔ ساڈے زمانے وِچ اَسی یسوع دی دوجی آمد دے ویلے دے بہوتے قریب نے، فیر وی بہتیرے لوکی اِک صحیح تاریخ یا صحیح سال جاننا چاہندے نے – جِنہوں یسوع نے کہیا کہ اَسی نہیں جان سکدے!

میہنوں یاد اے کہ 1988 وِچ اِک کتاب سی جیس دی لاکھاں کاپیاں فروخت ہوئیاں، جیس دا عنوان سی 88 وجوہات کیوں یسوع 1988 وِچ آئے گا 88 Reasons Why Jesus Will Come in 1988۔ ٹھیک اے، یسوع 1988 نئیں نئیں آیا سئ۔ نہ ای اُو یکم جنوری، 2000 چہ آیا سی۔ اُو کیوں نئیں 1988 وِچ یا 2000 وِچ آیا سی؟ سانوں ایہ جانن دی لوڑ نئیں اے کہ کیوں! مسیح دی دوجی آمد دا صحیح ویلہ خدا دا کام اے، ساڈا نئیں! ایہ اُوہی اے جیہڑا یسوع نے سانوں متی 24: 36 وِچ دسیا سی!

خدا دا تقاضا روحانی اے، فکری نئیں۔ جی ہاں، اَسی بائبل دی پیشن گوئیاں دا مطالعہ کر سکنے آں تے تسلیم کر سکنے آں کہ قیامت نیڑے ای اے۔ لیکن کوئی وی شخص بائبل دی پیشن گوئیاں دا مطالعہ کر سکدا اے، تے ایتھوں تیکر کہ ایہنوں صحیح طریقے نال سمجھ سکدا اے، جیویں کہ کاتب مسیح دی پیدائش دی تھاں نوں تبدیل کیتے بغیر سمجھ گئے سن۔ تُسی اِک سچا مسیح ہوئے بغیر بائبل نوں سمجھ سکدے اُو، تے ایتھوں تیکر کہ بائبل دی بہوتی ساری پیشن گوئیاں نوں ذہنی بنیاداں تے سمجھ سکنے آں۔

جے تُسی واقعی چہ مسیح چہ ایمان لیہیا کے تبدیل ہوئے اُو تے بائبل تے یقین رکھنے آلے مقامی گرجا گھر وِچ ایس تبدیلی نوں زندہ کر رئے اُو، تے تُسی تیار ای ہوو گے جے یسوع نے اَج ای آنا ہویا۔ تے جے یسوع دیر کردا اے، تے تُسی موت دے لئی تیار ہو جاؤ گے۔ دوجی پاسے، جے تُسی مسیح چہ ایمان لیہیا کے تبدیل نئیں ہوئے اُو تے تُسی یسوع دی دوجی آمد یا اپنی موت دے لئی تیار نئیں اُو۔

یسوع نوں ڈھونڈو جدوں تیکر کہ تُسی اُوہنوں پا نہ لو۔ کسی ہُور شے نوں تہاڈی توجہ ہٹان یا تہانوں دور نہ ہو لین دیو۔ یسوع مسیح نوں ڈھونڈن توں بہوتی اہم کوئی گل نئیں اے!

’’تے تُسی میہنوں ڈھونڈو گے، تے پاؤ گے، جدوں تُسی میہنوں اپنے پورے دِل نال ڈھونڈو گے‘‘ (یرمیاہ 29: 13)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔