Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




سردار کاہن کلیاں –
گتسمنی وچ تے سولی اُتّے

THE HIGH PRIEST ALONE –
IN GETHSEMANE AND ON THE CROSS
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خداوند دے دِن دی شام، 22 فروری، 2004
A sermon preached at the Baptist Tabernacle of Los Angeles
Lord’s Day Evening, February 22, 2004

’’لیکن دوجے حصہ وِچ سردار کاہن سال چہ صرف اِک وری جاندا سی تے اُو وی لہو لے کے، تاکہ اُوہنوں اپنی تے اپنی اُمّت دی خطاواں دے لئی گزرانے‘‘ (عبرانیوں 9: 7).


اَسی اَج دی راتی واپس گتسمنی دے باغ وِچ آنے آں۔ اَسی ایس توں پہلاں چار اِتوار دی راتاں لنگہا چکے نے – زیادہ تر گرجا گھراں دے لئی آخریلے دِناں وِچ بہوتی زیادہ راتاں نے، کیوں جے بہتیرے لوکاں نے اپنی اِتوار دی رات دیاں عبادتاں بند کردِتیاں نے۔

’’لاڑے دے آں وِچ دیر ہو گئی تے ساری دے ساریاں اونگھدے اونگھدے سو گئیاں‘‘ (متی25: 5).

ایتھوں تیکر کہ بُہتیرے لوکی جِنہاں نے اِتوار دی راتاں نوں اپنے بوہیاں تے تالے نئیں لہائے، نئیں چاہن گے کہ لگاتار چار شاماں اِک ایہو جئے بیمار تے مردہ موضوع تے لنگہان۔ اُو سانوں کہندے نے کہ ہُن ساڈے واعظاں دے لئی ’’ہلکے پُھلکے‘‘ موضوعات نوں چُنیا کرو۔ مگر بائبل ’’سنجیدہ تے گمبیر‘‘ موضوعات نال بھری پیہئی اے، سانوں اُوہناں دی منادی کرنی چائیدی اے، ورنہ اَسی، پولوس رسول دے نال، ایہہ کہن دے قابل نئیں ہواں گے،

’’میں تہانوں بغیر کسی جھجک دے سِکھاندا رہیا واں کہ خدا دا مقصد تہاڈے لئی کی اے‘‘ (اعمال20: 27).

گتسمنی دی تاریکی وِچ مسیح دا داخلہ اُوہدے دُکھ سہن دے شروع دی نشاندہی کردا اے، ساڈے گناہواں دے لئی دُکھاں دے ویلے وِچ اُوہدا داخلہ۔ ایس لئی، فیر، ایہہ یاد رکھنا ساڈے لئی برحق اے کہ اُو گتسمنی وِچ ساڈے سردار کاہن دی حیثیت نال داخل ہویا سی۔ پرانے عہد نامے وِچ، سردار کاہن نوں، کفارے دے دِن، ہر سال وِچ اِک وری، کلیاں پاک ترین مقدس وِچ جان دے لئی کہیا جاندا سی، جیہڑا کہ خیمہ دا اندرون ترین حصہ ہوندا سی۔ صرف سردار کاہن ای گناہواں دی قرگانی گزرانن دے لئی اُوس پاک ترین مقدس وِچ داخل ہو سکدا سی۔ سردار کاہن نوں کلیاں ای جانا ہوندا سی۔ ساڈی تلاوت اُوہدے وَل نشاندہی کردی اے۔

’’لیکن دوجے حصہ [پاک ترین مقدس] وِچ سردار کاہن سال وِچ صرف اِک وری جاندا سی تے اُو وہ لہو لے کے تاں جے اُوہنوں اپنی تے اپنی اُمت دی خطاواں دے لئی گزرانے‘‘ (عبرانیوں9: 7)۔

ایویں گتسمنی دا باغ ساڈے سردار کاہن یسوع دے لئی پاک ترین مقدس دی چوکھٹ بن گیا۔ اُوہنوں باغ دے اندر تیکر جانا پیہا سی تے کلیاں ساڈے لئی دعا کرنی تے خونی پسینہ وگانا پیہیا سی۔

اُو تنہائی سی جیتھے نجات دہندہ نے دعا منگی
   تاریک گتسمنی وِچ؛
کلیاں ای اُوہنے اُو کہوڑا پیالہ پی کے خالی کیتا،
   تے اُوتھے میرے لئی دُکھ اُٹھایا؛
کلیاں، کلیاں، اُوہنے کلیاں ایہہ سب کُج برداشت کیتا؛
   اُوہنے خود نوں پیش کِیتا اپنیاں نوں بچان دے لئی؛
اُوہنے دُکھ چُکے، لہو وگایا، تے مر گیا، کلیاں، کلیاں۔
   (’’کلیاں Alone‘‘ شاعر بعن ایچ۔ پرائس Ben H. Price، 1914)۔

مسیح دی تنہائی سانوں تِن عظیم سبقاں دی تعلیم دیندی اے۔

I۔ پہلی گل، مسیح نے گتسمنی وِچ، کلیاں ای سردار کاہن دے عہدے نوں پورا کرنا شروع کیتا۔

ساڈی تلاوت سانوں دسدی اے کہ پرانےئ عہدنامے دے زمانے دا سردار کاہن پاک ترین مقدِس وِچ ’’کلیاں‘‘ لوکاں دے گناہواں دے لئی لہو دا نزرانہ گزرانن دے لئی گیا (عبرانیوں9: 7)۔ ایہہ مسیح دی اِک واضح تشبیہہ اے، جیویں کہ سانوں آیت گیارہ تے بارہ وِچ دسیا گیا اے۔ مہربانی نال کھلو جاؤ تے ایہناں آیتاں نوں اُوچی واج نال پڑھو۔

’’لیکن مسیح بہتر برکتاں دا سردار کاہن بن کے آ چکیا اے جیہڑیاں ہُن موجود نے تے اُو جیس خیمہ توں خدمت انجام دیندا اے اُو بوہتا وڈا تے کامل اے تے انسانی ہتھاں دا بنایا ہویا یعنی ایس دُنیا دا نئیں۔ اُو بکریاں یا وچھڑیاں دا نئیں بلکہ اپنا لہو لے کے اِک ای وری پاک ترین مکان وِچ داخل ہویا تے سانوں ایہو جئی نجات دلائی جیہڑی ابدی اے‘‘ (عبرانیوں9: 11۔12)۔

تُسی تشریف رکھ سکدے اُو۔

پرانے عہد نامے دا اُو سردار کاہن، جیہڑا خیمہ وِچ پاک ترین تھاں وِچ داخل ہو رہیا سی، اُو تشبیہہ سی۔ مسیح دا گتسمنی دے باغ وِچ دُکھاں دے لئی داخل ہونا، تے اُوتھوں اپنے دُکھاں نوں سہن تیکر پہنچنا، جِنہاں وِچ اگلے دِن سُولی تے لٹکایا جانا، تے اُوہدا مُردیاں وِچوں جی اُٹھنا تے آسمان تے چُکیا جانا، شبیہہ اے۔

کفارہ دے دِن سردار کاہن دے لئی پرانے عہدنامے وِچ ہدایات نوں پورا کرن دے لئی مسیح نوں گتسمنی وِچ لہو نوں نچور دین آلی دعا منگن دی مدت تیکر کلیاں ای جانا سی۔

پرانے عہد نامے دے زمانے وِچ سردار کاہن دے کم دی تفصیل دے لئی مہربانی نال احبار16: 17 آیت کھلو۔ ایہنوں اُوچی واج نال پڑھو۔

’’جدوں اُو کفارہ دین نوں پاک ترین مقام دے اندر جائے تے خیمۂ اجتماع وِچ کوئی وی نہ جائے جدوں تیکر اُو باہر نہ آ جائے…‘‘ (احبار16: 17)۔

مسیح نوں خود دے لئی کفارہ دین دی لوڑ نئیں سی، کیوں جے، پرانے عہدنامے دے سردار کاہن دے برعکس، یسوع دا کوئی گناہ نئیں سی، اُوہنوں کوئی لوڑ نئیں سی

’’دوجے کاہناں وانگوں پہلاں اپنے گناہواں دے لئی قربانیاں چڑھان دی‘‘ (عبرانیوں7: 27)۔

کیوں؟ کیوں جے یسوع نے کدی گناہ نئیں کیتا سی۔

’’سانوں اینج دے ای سردار کاہن دی لوڑ سی جیہڑا پاک تے بے رِیا ہووے، مُقّدَس ہووے، گناہ توں پاک ہووے، گنہگاراں توں الگ تے آسمان توں وی بُلند تر کیتا گیا ہووے‘‘ (عبرانیوں7: 26)۔

پرانے عہدنامے دے سردار کاہن نوں ’’اپنے‘‘ تے ’’اپنی اُمت دی خطاواں دے لئی‘‘ لہو دی قربانیاں دا نزرانہ گزراننا ہوندا سی (عبرانیوں9: 7)۔ مگر یسوع ’’آن آلی چنگی گلاں دا سردار کاہن‘‘ سی، تے اُوہدے لہو دی قربانی مکمل طور تے دوجیاں دے لئی سی، تہاڈے گناہواں دے لئی تے میرے گناہواں دے لئی۔

سردار کاہن وانگوں، اُوہنوں گتسمنی دے باغ وِچ پاک ترین تھاں وِچ کلیاں ای جانا سی۔ مگر پرانے عہدنامے دے سردار کاہن دے برعکس، اُوہدا لہو، جیہڑا خونی پسینے توں شروع ہویا تے دوجیاں دے گناہواں دے لئی وگایا گیا سی۔

اُوتھے میرے خدا نے میرے سارے قصوراں نوں برادشت کیتا؛
   ایہہ فضل دے وسیلہ توں یقین کیتا جا سکدا اے؛
مگر اُو ہولناکیاں جِنہاں نوں اُوہنے محسوس کیتا
   اُوہدا تصور وی کرنا سمجھ توں بالا اے۔
کوئی وی اُوہدے وانگوں تہاڈے وِچ سما نئیں سکدا،
   غمناک، تاریک گتسمنی!
(’’بُہتیرے دشمناں نوں اُوہنے برداشت کیتا Many Woes He Had Endured‘‘ شاعر جوزف ہارٹ Joseph Hart، 1712۔1768)۔

سپرجیئن نے کہیا،

\

اُوس قربانی وِچ کوئی شریک نئیں ہو سکدا، تے بعد وِچ داخلے چہ اُوس ویلے کوئی حصہ نئیں لے پائے گا۔ احبار16: 17 پڑھو: ’’تے جدوں اُو کفارہ دین نوں پاک ترین مقام دے اندر جائے تے خیمۂ اجتماع وِچ کوئی وی نہ جائے جدوں تیکر اُو باہر نہ آ جائے…‘‘ ایتھوں تیکر کہ ہمدردانہ طور تے وی اَسی اُوہدی قربانی دے اندرونی مزار وِچ داخل نئیں ہو سکدے؛ اپنی اندرونی ترین گہرائیاں وِچ اُو ناقابلِ پہنچ نے۔ یسوع انگوراں دے کہلو وِچ کلیاں ای کُچلیا گیا سی۔ گتسمنی – کیہڑا اے جیہڑا کھلو سکدا اے تے خونی پسینے دا نظارہ کر سکدا اے، تے اُوس وڈے دِل دیاں کرہاواں نوں سُن سکدا اے؟ ایتھوں تیکر کہ اُوہدے پیارے ترین [پطرس، یعقوب تے یوحنا] غم دے نال بوجھل ہوگئے تے سو گئے۔

کوئی وی اُوہدی مانند تہاڈے وِچ نئیں سما سکدا،
   کلیاں، تاریک گتسمنی؟

مگر جیتھے تیکر کلوری [دی سولی] دا تعلق اے، جیتھے تاریکی بے انتہا چھا گئی سی، کہ دوپہر دا ویلہ اَدھی رات وِچ بدل گیا، جیہڑا اِک علامت دے طور تے سی کہ ہو کی رہیا سی؛ اُوس بھیانک تاریکی وِچ اَسی نئیں [ویکھ] سکدے۔ ’’تیرے انجانے دُکھ‘‘ ہُنے تیکر سب توں بہترین بیانہ تاثر اے جیس دا تعلق اُوہدے نال اے جِنہوں کدی وی نئیں بیان کیتا جا سکدا۔ ایہہ سارا کُج، میں کہنا واں، خود اُوہنے اپنے گناہواں دے لئی خالص غم سن جِنہاں وِچ اُوہدا ذاتی حصہ نئیں سی۔ ایہہ اُوہدے داخلے دی قربانی سی (سی۔ ایچ۔ سپرجیئن C. H. Spurgeon، ساڈے خداوند دا پوشیدگی دے نال داخل ہونا Our Lord’s Entrance Within the Veil‘‘، میٹروپولیٹن عبادت گاہ دی واعظ گاہ Metropolitan Tabernacle Pulpit، نمبر2,075، پلگرم اشاعت خانے Pilgrim Publications، دوبارہ اشاعت 1975، جلد پینتیس، صفحات 148۔149)۔

مسیح نے شبیہاتی طور تے کلیاں گتسمنی دے باغ وِچ داخل ہون نال سردار کاہن دے رُتبے نوں پورا کیتا۔ کوئی وی اُوتھے اُوہدے نال نئیں جا سکدا جدوں نسلِ انسانی دا گناہ اُوہدے تے لدیا گیا – جیہڑا اُوہنوں اگلی سویرے صلیب تیکر برداشت کرنا پیہیا۔

’’لیکن دوجے حصہ وِچ سردار کاہن کلیاں گیا…‘‘ (عبرانیوں9: 7).

II۔ دوجی گل، مسیح کسی دوجے بندے نوں اپنے نال نئیں لے جا سکدا سی جدوں اُو اپنے دُکھاں وِچ داخل ہویا۔

پرانے عہد نامے وِچ، خدا نوں گناہ توں بھرپور نسلِ انسانی توں پردے دے ذریعے توں علیحدہ ظاہر کیتا گیا سی۔ سپرجئین نے کہیا،

اِک بُنیا ہویا موٹا کپڑا پاک ترین مقَدِس دے اَگے لٹکیا ہویا سی، تے ایویں اُوس نور نوں لُکہا لیندا سی جیہڑا خدا دی موجودگی دی علامت سی۔ اندرونی مقدس مقام وِچ ای یہوواہ دا علیحدہ بسیرہ سی، تے کوئی وی اُوس مقدس احاطے وِچ داخل نئیں ہو سکدا سی ماسوائے اِک بندے دے، تے اُو وی سال چہ اِک وری (ibid.، صفحہ 143)۔

ایہہ مسیح دا اُوہدے دُکھ سہن وِچ کلیاں دی علامت یا شبیہہ سی، جیہڑا ساڈے گناہواں دا کفارہ ادا کرن دے لئی دُکھ چُک رہیا سی۔

اُوس لمحے توں لے کے جدوں شاگرداں نے یسوع نوں کلیاں چھڈیا سی، جدوں اُو گتسمنی دے باغ وِچ سو گئے سن تے اُوس لمحے تیکر جدوں اُو اگلے دِن سولی تے پکار اُٹھیا سی، ’’ایہہ پورا ہویا‘‘ (یوحنا19: 30) مسیح کلیاں ای سی، جیہدا ہان اُوہدے انسانی بیلیاں نے چھڈ دِتا سی۔

یہوداہ اُوہنوں چھڈن آلیاں وِچوں پہلا سی۔

’’فیر بارہ شاگرداں وِچ اِک جیہدا ناں یہوداہ اسکریوطی سی، سردار کاہناں دے کول گیا تے اُوہناں نوں کہن لگا: جے میں یسوع نوں تہاڈے حوالے کر دیاں تے تُسی مینوں کی دیو گے؟ اُوہناں نے چاندی دے تیس سِکّیاں دے بدلے اُوہدے نال معاہدہ کیتا۔ تے اُو اُوس ویلے توں یسوع نوں پھڑان دے مناسب ویلہ لبھن لگے‘‘ (متی26: 14۔16)۔

پطرس نے کہیا کہ اُو اُوہدے مقابلے وِچ اِک بہتر بندہ سی۔ اُوہنے کہیا،

’’خواہ تیری وجہ توں سارے لڑکھڑا جان، فیر وی میں نئیں لڑکھڑاواں گا‘‘ (متی26: 33)۔

پطرس نے ایہہ وی کہیا،

’’اے خداوند، تیرے نال تے میں قید ہون بلکہ مرن نوں وی تیار آں‘‘ (لوقا22: 33)۔

ایس دے باوجود کُج ای دیر بعد پطرس فرار ہو گیا، جدوں گتسمنی وِچ رومی سپاہی یسوع نوں گرفتار کرن دے لئی آئے سی۔

’’فیر سارے شاگرداں نے اُوہنوں چھڈ دِتا، تے نٹھ گئے‘‘ (متی26: 56)۔

سپاہی یسوع کو سردار کاہن دے کول لے گئے۔ عدالتِ عالیہ دے بزرگان نے کہیا،

’’وہ قتل دے لائق اے۔ ایہدے تے اُوہناں نے اُوہدے مُںہ تے تُھکیا، اُوہنوں گھُسن مارے تے کُج نے تے اپنے ہتھاں دی ہتھیلیاں دے طمانچے مارے‘‘ (متی26: 66۔67)۔

پطرس محل دے باہر بیٹھا ہویا سی جدوں ایہہ واقعہ ہویا سی۔ اِک جوان لڑکی نے اُوہدے وَل اشارہ کیتا تےکہیا، ’’ایہہ بندہ وی یسوع ناصری دے نال سی‘‘ (متی26: 71)۔ پطرس نے خود تے لعنت پیجی تے کہیا، ’’میں ایس بندے توں واقف نئیں آں‘‘ (متی26: 71)۔

یسوع گتسمنی وِچ کلیاں ای سی۔ یسوع نے رومی گورنی پینطُس پیلاطوس دے اَگے، ہیرودیس بادشاہ دے اَگے تے عدالتِ عالیہ دے اَگے کلیاں ای آزمائشاں دا سامنا کیتا۔ یسوع کلیاں ای سولی دے لئی گیا۔ فیر صلیب تے، خدا باپ نے اُوہنوں چھڈ دِتا – تے اُوہنوں دوویں ایک خدا تے انسان نے مکمل طور تے کلیاں چھڈ دِتا سی۔ سولی توں اُو پکار اُٹھیا سی،

’’ایلی، ایلی، لما شبقتانی؟ جیہدا مطلب اے، اے میرے خدا! اے میرے خدا! توں مینوں کیوں چھڈ دِتا؟‘‘ (متی27: 46)۔

ایہہ زبور 22: 1 وِچوں اِک حوالہ سی۔

یسوع نے اُو کیوں کہیا سی؟ … اُوہنے… اُوہنے کُلی طور نال خدا توں علیحدگی دا تجربہ کیتا سی۔ اُوہنے خدا دے مکمل غضب دا تجربہ کتیا سی، گناہ توں بھرپور انسان تے خدا دی مکمل لعنت… اُوس ویلے دے دوران جدوں یسوع سولی تے لٹکیا ہویا سی، خدا نے بِلاشُبہ اُوہنوں چھڈ دِتا سی۔ ساڈے گناہ یسوع تے لد دِتے گئے سن؛ اُوہنوں ساڈے واسطے گناہ ٹھہرایا گیا (2 کرنتھیوں5: 21)۔ مگر خدا گناہ تے نظر نئیں پا سکدا؛ ایس لئی، خدا نے یسوع توں اپنا مُکھ موڑ لہیا۔ گتسمنی دے باغ وِچ اِک فرشتہ یسوع نوں تقویت دین دے لئی آیا سی (لوقا22: 43)۔ مگر سولی تے کوئی وی نئیں سی جیہڑا اُوہنوں تسلی دیندا تے تقویت پہنچاندا۔ ایہہ اُو قیمت سی جیہڑی یسوع نے سانوں نجات دلان دے لئی ادا کیتی، جیہڑی سانوں خدا دے قہر توں بچان دے لئی ادا کیتی۔ ایہہ اے جیس دا یسوع دے لئی مطلب سی بُہتیریاں دے لئی اپنی حیاتی فدیہ دے طور تے دے دینا (نئے عہد نامے تے تبصرے دا اِطلاق The Applied New Testament Commentary، کنگز وے اشاعت خانے Kingsway Publications، 1997، صفحہ 300)۔

کلیاں، کلیاں، اُوہنے کلیاں ایہہ سب کُج برداشت کیتا؛
   اُوہنے خود نوں پیش کِیتا اپنیاں نوں بچان دے لئی؛
اُوہنے دُکھ چُکے، لہو وگایا، تے مر گیا، کلیاں، کلیاں۔
   (’’کلیاں Alone‘‘ شاعر بعن ایچ۔ پرائس Ben H. Price، 1914)۔

’’لیکن دوجے حصہ وِچ سردار کاہن کلیاں گیا…‘‘ (عبرانیوں9: 7)۔

III۔ تیجی گل، مسیح آسمان تے گیا تے آسمان وِچ پاک ترین مقَدِس وِچ، کلیاں، اپنا لہو لے گیا۔

مسیح نے سولی تے ساڈے گناہواں دی ادائیگی کیتی۔ فیر اُوہناں دے اُوہدے مُردہ جسم نوں قبر وِچ دفنا دِتا، جِنہوں اِک وڈی چٹان نال مہربند کر دِتا گیا۔ مگر تیجے دِن اُو جسمانی طور تے مُردیاں وِچوں زندہ ہو گیا۔

’’دُکھ سہن دے بعد اُوہنے اپنے زندہ ہو جان دے کئی قوی ثبوت وی بہم پہنچائے تے اُو چالی دِناں تیکر اُوہناں نوں نظر آندا رہیا تے خدا دی بادشاہی دی گلاں سُناندا رہیا‘‘ (اعمال1: 3)۔

فیر مسیح واپس آسمان تے چُک لہیا گای۔ شاگرد

’’ٹِکٹِکی بنہے اُوہنوں آسمان وَل جاندیاں ہویاں ویکھ رئے سی‘‘ (اعمال1: 10)۔

آسمان تے واپس جان دے بعد یسوع نے کی کیتا؟ ساڈی تلاوت سانوں اِک مضبوط سراغ فراہم کردی اے۔ مہربانی نال عبرانیوں 9: 7 نوں واپس کھلو۔ آؤ کِھلو جاؤ تے ایس آیت نوں اُوچی واج نال پڑھو۔

’’لیکن دوجے حصہ وِچ سردار کاہن سال وِچ صرف اِک وری جاندا سی تے اُو وی لہو لے کے تاکہ اُوہنوں اپنی تے اپنی اُمت دی خطاواں دے لئی گزرانے‘‘ (عبرانوں9: 7)۔

ہُن بارہویں آیت پڑھو۔

’’اُو بکریاں تے وچھڑیاں دا نئیں بلکہ اپنا لہو لے کے اِک ای وری پاک ترین مکان وِچ داخل ہویا تے سانوں ایہو جئی نجات دلائی جیہڑی ابدی اے‘‘ (عبرانیوں9: 12)۔

تُسی تشریف رکھ سکدے اُو۔

ڈاکٹر جان آر۔ رائس نے کہیا،

سردار کاہن مسیح دے اِک تشبیہہ سی، اُو لہو جیہڑا سردار کاہن پاک ترین مقدس وِچ لے کے گیا اُو مسیح دے لہو دی تشبیہہ سی۔ پاک ترین مقدِس آسمان وِچ اِک مقدس ترین مقام دی نمائندگی کردا اے جیتھے یسوع خود اپنے لہو دے نال دُنیا دے گناہواں دا کفارہ ادا کرن دے لئی داخل ہویا (ڈاکٹر جان آر۔ رائس Dr. John R. Rice، متی دی انجیل دے مطابق The Gospel According to Mathew، خُداوند دی تلوار Sword of the Lord، 1980، صفحہ 479)۔

اُو لہو جیہڑا یسوع نے سولی تے وگایا آسمان وِچ چُک لہیا گیا۔ تے مسیح آسمان وِچ پاک ترین مقدس وِچ اپنا لہو لے کے گیا۔ عبرانیوں9: 24 آیت تے نظر پاؤ۔ ایس نوں اُوچی واج نال پڑھو۔

’’کیوں جے مسیح انسانی ہتھاں دے بنائے ہوئے مکان وِچ جیہڑا حقیقی پاک مکان دی نقل اے داخل نئیں ہویا بلکہ آسمان ای وِچ داخل ہویا جیتھے اُو ساڈی خاطر خدا دے روبرہ حاضر اے‘‘ (عبرانیوں9: 24)۔

ہُن فیر توں عبرانیوں9: 7 وِچ، ساڈی تلاوت تے نظر پاؤ۔

’’لیکن دوجے حصہ وِچ سردار کاہن سال وِچ صرف اِک وری جاندا سی تے اُو وی لہو لے…‘‘ عبرانیوں9: 7)۔

لہٰذا، بائبل وِچ کدرے وی پیش کیتی گئی واضح تشبیہہ تے وعدے دے پورا کیتے جان دے ذریعے توں آشکارہ کردا اے کہ یسوع ساڈا سردار کاہن آسمان وِچ پاک ترین مقَدِس وِچ اپنا لہو لے گیا… خود آسمان وِچ، ہُن خدا دے حضوری وِچ ساڈی خاطر ظاہر ہون دے لئی!

فیر، بائبل ایس واضح تشبیہہ توں پرے جا کے خصوصی طور تے سانوں دسدی اے کہ کوہ صِیون وِچ، جیہڑا کہ آسمان دے لئی اِک ہُور ناں اے، شیواں وِچوں اِک مسیح دا لہو اے۔

’’بلکہ تُسی صِیون دے پہاڑ تے زندہ خدا دے شہر یعنی آسمانی یروشلم تے لکھاں فرشتیاں دے کول آئے… تُسی نئے عہد دے درمیانی فرد یسوع تے اُوہدے چھڑکے ہوئے لہو دے کول آئے اُو‘‘ (عبرانیوں12: 22، 24)۔

ایس سوال دا فیصلہ طے کر دیندا اے۔ مسیح دا لہو ہُن آسمان وِچ اے۔ عبرانیوں12: 24 وِچ ایہہ بائبل کہندی اے۔

پوری تاریخ وِچ عظیم مسیحیاں نے ایس سچائی دا اعلان کیتا اے۔ سیکوفیلڈ مطالعۂ بائبل Scofield Study Bible کہندی اے،

سردار کاہن دا پاک ترین مقدِس وِچ داخل ہونا، مسیح دا ’’خدا اپنے لہو‘‘ دے نال ساڈے لئی ’’خدا آسمان وِچ داخل ہون دی تشبیہہ دیندا اے (احبار16: 5)۔

سی۔ ایچ۔ سپرجیئن نے کہیا،

جیتھے سردار کاہن سال وِچ صرف اِک وری جاندا ہووے گا اَسی ہُن اُوتھے ہر ویلے جا سکنے آں، کیوں جے اُوتھے لہو ساڈے لئی مستقل طور تے مصالحت کرا رہیا اے (سی۔ ایچ۔ سپرجیئن C. H. Spurgeon، ’’نجات دہندہ دا قیمتی خون The Saviour’s Precious Blood،‘‘ میٹروپولیٹن عبادت گاہ دی واعظ گاہ Metropoliton Tabernacle Pulpit، نمبر3,395)۔

اینڈریو مرے Andrew Murray نے کہیا،

روح اُوس لہو وِچ زندہ تے معجزے کردی اے، ایس طرح کہ جدوں اُوہنوں وگایا گیا تے اُو اِک مُردہ شے وانگوں گل سڑ نہ جائے، بلکہ اِک جیوندی جاگدی حقیقت وانگوں، ایہہ اُوتے آسمان وِچ لے جایا جا سکے، کہ اُودھروں اپنی الہٰی قوت دا استعمال کر پائے (اینڈریو مرے Andrew Murray، صلیب تے لہو The Blood of the Cross، 1935، صفحہ10)۔

ڈاکٹر جے ورنن میگی نے کہیا،

اُوہدا لہو ہُن وی آسمان وِچ ای اے، تے لامحدود زمانیاں تیکر اُو اوتھے سانوں اُوس بھیانک قیمت دی یاد دلاندا رئے گا جیہڑی مسیح نے ساڈی مخلصی بخشن دے لئی ادا کیتی (ڈاکٹر جے۔ ورنن۔ میگی Dr. J. Vernon McGee، بائبل وِچوں Thru the Bible، تھامس نیلسن Thomas Nelson، 1983، جلد پنجم، صفحہ 560)۔

آسمان وِچ پاک ترین مقدِس وِچ، مسیح دا لہوخدا دے ریکارڈ وِچوں تہاڈے گناہواں نوں دھو سکدا اے۔ جدوں تُسی مسیح دے کول آندے اُو تے اُوہدا لہو خدا دی کتاب وِچوں ہر اُوس گناہ نوں جیہڑا کدی تہاڈے کولوں ہویا سی دھو ڈالدا اے۔ ایہو ای وجہ اے کہ پولوس رسول سانوں خصوصی طور تے دسدا اے کہ اَسی نجات پا لئی اے

’’اُوہدے لہو وِچ آسمان دے وسیلے توں‘‘ (رومیوں3: 25)۔

’’لیکن دوجے حصہ وِچ سردار کاہن سال وِچ صرف اِک وری جاندا سی تے اُو وی لہو لے کے‘‘ (عبرانیوں9: 7)۔

اُو تنہائی سی جیتھے نجات دہندہ نے دعا منگی
   تاریک گتسمنی وِچ؛
کلیاں ای اُوہنے اُو کہوڑا پیالہ پی کے خالی کیتا،
   تے اُوتھے میرے لئی دُکھ اُٹھایا؛
کلیاں، کلیاں، اُوہنے کلیاں ایہہ سب کُج برداشت کیتا؛
   اُوہنے خود نوں پیش کِیتا اپنیاں نوں بچان دے لئی؛
اُوہنے دُکھ چُکے، لہو وگایا، تے مر گیا، کلیاں، کلیاں۔

کی تُسی اَج رات نوں مسیح دے کول آؤ گے، تے اُوہدے لہو دے وسیلے توں اپنے سارے گناہ توں پاک صاف ہوؤ گے؟ جے تُسی مسیح دے کول آن دے لئی راضی ہو، تے مہربانی نال کمرے دے پچھلے پاسے قدم ودھاؤ جدوں کہ اَسی حمدوثنا دے گیت نمبر سات دا آخری بند ’’اُوتھے لہو دے نال بھریا اِک چشمہ اے There is a Fountain Filled with Blood‘‘ گاواں گے۔ مہربانی نال کمرے دے پچھلے پاسے اُوسے ویلے تیکر نا جانا جدوں تیکر کہ اخیرلا بند گا نہ لہیا جائے۔ فیر اَسی میرے آفس دے لئی جاواں گے جیتھے اَسی تہاڈی نجات دے بارے وِچ گل بات کراں گے۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

سردار کاہن کلیاں –
گتسمنی وچ تے سولی اُتّے

THE HIGH PRIEST ALONE –
IN GETHSEMANE AND ON THE CROSS

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’لیکن دوجے حصہ وِچ سردار کاہن سال چہ صرف اِک وری جاندا سی تے اُو وی لہو لے کے، تاکہ اُوہنوں اپنی تے اپنی اُمّت دی خطاواں دے لئی گزرانے‘‘ (عبرانیوں 9:7).

(متی25:5؛ اعمال20:27)

I.    پہلی گل، مسیح نے گتسمنی وِچ، کلیاں ای سردار کاہن دے عہدے نوں پورا کرنا شروع کیتا، عبرانیوں9:11۔12؛ احبار16:17؛ عبرانیوں7:27، 26 .

II.   دوجی گل، مسیح کسی دوجے بندے نوں اپنے نال نئیں لے جا سکدا سی جدوں اُو اپنے دُکھاں وِچ داخل ہویا، یوحنا19:30؛ متی24:14۔16؛ متی26:33؛ لوقا22:33؛ متی26:56، 66۔67، 71، 74؛ متی27:46 .

III.  تیجی گل، مسیح آسمان تے گیا تے آسمان وِچ پا ک ترین مقدِس وِچ، کلیاں، اپنے لہو لے گیا، اعمال1:3، 10؛ عبرانیوں9:12، 24؛ عبرانیوں12:22، 24؛ رومیوں3:25 .