تلِیتھا قُومی – مُردیاں وِچوں زندہ ہو جا

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جے تُسی خودمختیار بپتسمہ دین آلیاں دی تاریخ پڑھی اے تے تُسی جانندے اُو کہ 1930 تے 1940 دی دہائیاں وِچ ساڈے وِچکار خدا دی تحریک سی۔ جیویں کہ ساریاں بیداریاں دے نال، خدا دی ایہ تحریک نوجواناں دے وِچکار توجہ دا مرکز سی۔ جے فرینک نورس وِچ جیہڑیاں وی خامیاں سن، کوئی وی اُوہناں تے ایہ اِلزام نئیں لگا سکدا کہ اُو نوجواناں دی پرواہ نئیں کردے۔ اُو واقعی چہ نوجواناں نال گِھرے ہوئے ہوندے سن – تقریباً ہر ویلے۔ ایہ گل جاننا حیرانی دی گل نئیں ہووے گی کہ اُو نوجوانں دے کیمپ وِچ منادی کردے ہوئے مر گئے سن! سینکڑہا نوجواناں نوں تربیت دِتی گئی تے تے ڈاکٹر نورس نے گرجا گھر شروع کرن دے لئی پیہجھیا۔ اُوہناں وِچوں کُجھ نے بعد چہ شکایت کیتی کہ اُوہناں نے اُوہناں دے نال مساوی سلوک نئیں کیتا۔ لیکن ایہ میرے لئی واضح اے کہ اُو [لوکی] اُوہناں دے برابر نئیں سن – کیوں جے نورس دے برابر دا کوئی نئیں سی! کاش اَج ساڈے کول اُوہناں وگرے دو یا تین بندے ہوندے! اُو ساڈے زمانے دے زیادہ تر مبلغاں توں کئی درجے بہترین سن۔

اُوہناں مبلغاں وِچوں کُجھ ’’نکّی جئی داڑھیاں دے نال (اُو دراصل ’’وائن ڈائکس‘‘ نے – تُسی اُوہناں دے بارے چہ چھان بین کر سکدے اُو!)، اُو گرجا گھر وِچ رقص کردے، بے ھنگم موسیقی وجاندے تے ریپ موسیقی گاندے، اُو بے شمار نوجواناں نوں کٹر مسیحی بنان دے اہل نئیں نے۔ لیکن جے فرینک نورس نے واقعی چہ نوجواناں وِچوں دی کٹر مسیحی بنائے – سینکڑہا دی تعداد وِچ – پرانے زمانے دی ولولہ انگیز تے شعلہ فشاں تبلیغ دے نال – تے کُجھ ہُور گلاں دے نال!

نوجوان لوکی تاریخ دے ہر حیاتِ نو دا مرکز رئے نے۔ جوناتھن ایڈورڈز نے اپنے نوجواناں نوں دو عمر آلیاں دے گروپاں وِچ تقسیم کیتا – اُو جیہڑے کہ 16 وریاں تے ایس توں گھٹ عمر دے سن، تے اُو جیہڑے 16 وریاں توں 26 وریاں دی عمر تیکر دے سن۔ اُوہناں نے اپنا تقریباً سارا ویلہ تے کوشش ایہناں دوویں گروپاں تے صرف کیتی۔ نتیجہ؟ پہلی عظیم بیداری – جِنہے خدا دی خاطر پوری دھرتی نوں ہِلا کے رکھ دِتا، تے ساڈی قوم دے کردار نوں بدل دِتا۔

جارج وائٹ فیلڈ دی عمر صرف 24 وریاں دی سی جدوں اُوہناں نے انگریزی بولن آلی ساری دُنیا نوں توجہ دین دا حکم دِتا، تے لکھاں لوکاں نوں تبلیغ کیتی۔ سی ایچ سپرجئین C. H. Spurgeon صرف 19 وریاں دے سن جدوں اُو اُوس گرجا گھر دے پادری بنے جیہڑا اُوس زمانے دی دُنیا دا سب توں وڈا بپٹسٹ گرجا گھر بن گیا ہوندا۔ دوجی عظیم بیداری دا آغاز اسکول دے بچیاں وِچ دعا تے نوجوان بالغاں دے وِچکار دعا کرن دے نال ہویا۔

جدوں گرجا گھر تیس وریاں توں بوہتی عمر دے لوکاں نال بھر جاندے نے تے اُو مر جاندے نے۔ ایہو ای وجہ اے کہ اَسی اپنی انجیلی بشارت دی ساریاں (کُجھ حصہ نئیں) کوششاں نوں ہائی اسکولاں تے کالجاں دی عمر دے نوجواناں تے لگانے آں۔ تُسی امریکہ وِچ سب توں اہم لوکی اُو! ساڈے وگرے وڈیرے لوکی بہوتی چھیتی (ایس دُںیا دے) منظر توں لنگہنا شروع کر دین گے (مردے جان گے) – تے اُودھوں ای تہاڈی واری (ذمہ داری) ہووے گی۔ ایس لئی اَسی تہانوں اپنے گرجا گھر وِچ چاہنے آں! اَسی تہانوں چاہنے آں! تنہا کیوں رہیا جائے؟ گھر وِچ چلے آؤ – گرجا گھر وِچ!

نیا عہد نامہ سانوں دسدا اے کہ مسیح نے اپنا زیادہ تر ویلہ جونواناں دے نال لنگھہایا۔ مسیح مسلسل بچیاں تے نوجوان بالغاں نال گِھریا ہویا رہندا سی۔ ایہ بزرگ لوکی کون سن، کاہن تے فریسی، جِنہاں نے اُوہنوں رد کیتا، تے اُوہدے نال نفرت کیتی، تے اُوہنوں سولی تے چڑھان دے لئی چِلائے۔ لیکن نوجوان لوکی اُوہنوں سُنن دے لئی اِکھٹے ہو گئے۔ اُوہنے اُوہناں وِچ ولولہ پیدا کیتا، تے اُوہناں نوں للکاریا، تے اُوہناں نوں اِک تخّیل دِتا۔ اُوہنے اُوہناں نوں حیاتی تے موت دے معنی سکھائے! اُوہنے اُوہناں نوں مستقبل دے اُمید دِتی! اُوہنے اُوہناں نوں جین دی وجہ دِتی!

اُنہی نوجواناں وِچوں اِک لڑکی سی جیس دے بارے وِچ ساڈی تلاوت چہ گل کیتی گئی اے۔ اُو بیمار سی۔ اُوہناں نے اُوہنوں بستر تے ڈال دِتا۔ مسیح دے اُوتھے پہنچن توں پہلاں ای اُو مر چکی سی۔ جدوں لڑکی دا باپ آخرکار مسیح دے نال پہنچیا تے لوکاں نے اُوہنوں کہیا،

’’تیری بیٹی مر چکی اے ہُن اُستاد نوں تکلیف دین نال کی فائدہ؟‘‘ (مرقس 5: 35)۔

لیکن مسیح اندر چلا گیا جیتھے اُوہدا مُردہ جسم پیہیا ہویا سی،

’’اُوہنے بچی دا ہتھ پھڑیا تے اُوہنوں کہیا، تلیتا قومی؛ جیس دا ترجمہ کیتا جان دا اے، اے بچی میں تیہنوں کہنا آں اُٹھ ۔ بچی یکدم اُٹھی تے ٹُرن پِھرَن لگی؛ کیوں جے اُو بارہ وریاں دی سی۔ ایہ ویکھ کے اُو حیرت زدہ رہ گئے‘‘ (مرقس 5: 41۔42)۔

ڈاکٹر جان گلDr. John Gill سانوں دسدے نے کہ ’’تلیتھا قُومی‘‘ دا مطلب اے ’’اے بچی، اُٹھ‘‘ یا اَسی کہہ سکنے آں، ’’لڑکی، اُٹھو!‘‘ ڈاکٹر گِل کہندے نے کہ ’’تلی TALI دا مطلب لڑکا اے تے تلیتھاTALITHA دا مطلب اِک لڑکی ہوندا اے‘‘ تے ایس لئی یسوع نے اُوس مُردہ لڑکی نوں کہیا، ’’تلیتھا قُومی‘‘ – ’’اے لڑکی، اٹھو!‘‘ ایہ اُوہی اے جیہڑا اُو تہانوں کہندا اے – ’’اے لڑکی، اٹھ! اے لڑکے، اٹھ!‘‘ مرقس 5 وِچ ایہ بیان اَج دے نوجواناں نوں تین اہم سبق سکھان دے لئی دِتا گیا اے۔

I۔ پہلی گل، ایہ آیتاں ساڈے تے ظاہر کردیاں نے کہ مسیح نوجواناں وِچ دلچسپی رکھدا اے۔

اُوہنے اپنے معمول توں ودھ کے اضافی تکلیف تے پریشانی دا سامنا کیتا، تے دوجی ساری مذہبی گلاں تے منادی نوں روک دِتا، تاکہ ایس آدمی دے پیچھے پیچھے اُوہدی مردی ہوئی بیٹی دے پلنگ دے کول پہنچ جائے۔ ایس توں پہلاں مرقس 5 باب وِچ سانوں دسیا گیا اے کہ ہجوم وِچوں لوکی اُوہدے تے ڈِگدے پے رئے سن (حوالہ ویکھو مرقس 5: 31)۔ لیکن یسوع اُوس لڑکی دے پلنگ تے اکیلے جان دے لئی بھیڑ توں الگ ہو گیا۔ ایہدے توں ظاہر ہوندا اے کہ مسیح نوجواناں وِچ دلچسپی رکھدا اے۔ اُو اَج سویرے تہاڈے بارے چہ فکرمند اے۔

اَسی کالجاں تے دوجی تھاواں تے باہر گئے جِتھے نوجوان لوکی جمع ہوندے نے، تے تہانوں [انجیل دی] خوشخبری سُنان دے لئی گرجا گھر آن دی دعوت دِتی۔ تے تہاڈے وِچوں بہتیرے لوکی اَج سویرے آئے نے۔ سانوں خوشی اے کہ تُسی اینج کیتا! تُسی ساڈے معزز مہمان اُو! آن دا شکریہ!

نوجوان لوکی یسوع دی منادی دے بالکل مرکز وِچ سن۔ سارے شاگرد، سوائے پطرس دے، بیس وریاں دے سن، تے یوحنا رسول صرف نوعمر سی جدوں اُوہنے پہلی وری تبلیغ شروع کیتی۔ تے میہنوں لگدا اے کہ سانوں نوجواناں تیکر پہنچن تے اُوہی اصرار کرنا چائیدا اے جیہڑا یسوع نے کیتا سی۔

افسوس دی گل اے کہ بہتیرے گرجا گھر نوجواناں تے زیادہ اِصرار نئیں کردے۔ کی تُسی جانندے اُو کہ ’’انجیلی بشارت دا پرچار کرن آلے گھراں وِچ پرورش پان آلے 88 % بچے 18 وریاں کی عمر وِچ گرجا گھر چھڈ دیہندے نے، کدی وی واپس نئیں آندے‘‘؟ (آگاپے پریس Agape Press، 13 جون 2002، دُنیا وِچ کی! What in the World! وِچ رپورٹ کیتا گیا، باب جونز یونیورسٹی دی اِک نیوز سروس، جلد 32، نمبر 2)۔ ڈیل سٹی، اوکلاہوما دے فرسٹ سدرن بیپٹسٹ گرجا گھر دے پادری ٹام ایلیف نے 19 جون 2003 نوں سدرن بیپٹسٹ کنونشن ایہو ای اعداد و شمار پیش کیتے سن۔ ایلیف نے کہیا، ’’انجیلی بشارت دا پرچار کرن آلیاں وِچوں، 88 فیصد بچے 18 وریاں دی عمر وِچ ایمان چھڈ دیہندے نے‘‘ (بپتسمہ دین آلا پیغام رساں Baptist Messenger، 020620 شمارہ، صفحہ 2)۔ میرے خیال وِچ ایہ اِک اہم وجہ اے کہ گذشتہ 50 وریاں چہ انجیلی بشارت نے آبادی دا 2% توں وی گھٹ حصہ حاصل کیتا اے۔ اِسی صرف خود اپنے ای نوجواناں نوں مسیح چہ ایمان دِلا کے تبدیل کرن وِچ ناکام رئے آں، دوجے کئی نوجواناں توں انتہائی گھٹ! لیونارڈ ریون ہل نے کہیا،

حیات نو ’’بائبل‘‘ آلے چند گرجا گھراں وِچ اِک ہفتے چہ مر جائے گا، کیوں جے [جیہڑے لوکی بیدار نے اُوہناں دی دیکھ بھال کرن دے لئی] اُو [لوکی] کِدرے نے؟ [ساڈے وِچوں کیہنے] نے جیہڑے کسی بشر نوں انہیریاں وِچوں کڈ کے نور وَل لے جا سکدے نے؟ ایہناں گرجا گھراں وِچ … روحانی جم لیہنا ایہنا ای معقول ہووے گا جِنہا کہ اِک نوزائیدہ بچے نوں اِک برف وگری یخ بستہ نیندر سُلانا ہوندا اے (لیونارڈ ریون ہلLeonard Ravenhill، کیوں حیات نو سُستی دا شکار اے Why Revival Tarries، بیت عنیاہ ہاؤسBethany House، 1959 کا معیاری 1988 والا ایڈیشن، صفحہ 132)۔

ساڈے گرجا گھراں نے بہتیری تدبیراں تے وقتی چالاں نوں آزمایا اے، لیکن کسی نہ کس طرح اُو سارے ناکام ہو گئے نے۔ کُجھ مبلغین تے وین ڈائک دی داڑھیاں وی ودھا رئے نے جِںہاں نوں اُو بے وقوفی نال ’’بکریاں وگری‘‘ (بالکل مختلف داڑھی) کہندے نے۔ لیکن اُوہناں نوں ایہ احساس نئیں ہوندا کہ ایہ داڑھی صرف وڈے بچے ای اُگا سکدے نے۔ ہائی اسکول تے کالج دی عمر دے نوجوان ایہ داڑھیاں نئیں رکھدے! لہٰذا مبلغین جیہڑے اینج دیاں چالاں دا استعمال کردے نے اُو ہمیشہ راہ توں ہٹ کے ہوندے نے – ہر شے وِچ تقریباً دس وریاں بہوتی دیر ہو چکی اے۔

اَسی ایتھے اپنے گرجا گھر وِچ کوئی تدبیراں یا چالاں استعمال نئیں کردے۔ میں ہارن رِم والی عینک تے اِک سیاہ سوٹ پہننا آں۔ میں اِک پرانی سیکوفیلڈ کنگ جیمز بائبل توں تبلیغ کرنا آں۔ اَسی پرانے گیت گانے آں۔ اَسی سراسر باہر آنے آں تے تہانوں دسنے آں کہ تہانوں کی سُنن دی لوڑ اے! یسوع مسیح تہاڈے وِچ دلچسپی رکھدا اے۔ اُو تہاڈی روح نوں قیامت تے جہنم توں بچا سکدا اے، تے تہانوں جین دے لائق حیاتی دے سکدا اے! ایہو ای وجہ اے کہ اَسی کہنے آں، ’’تنہا کیوں رہیا جائے؟ گھر چلے آؤ – گرجا گھر وِچ! کیوں کھویا ہویا رہیا جائے؟ گھر چلے آؤ – یسوع مسیح دے کول!‘‘

ایس گرجا گھر نوں اپنا دوجا گھر بناؤ! جدوں وی دروازہ کُھلا ہووے تے ایتھے گرجا گھر وِچ رہوو! مسیح دے کول آؤ – تے اُوہدے لہو دے ذریعے اپنے گناہواں توں پاک صاف ہو جاؤ! اینج ای کرو! اینج ای کرو! اینج ای کرو!

II۔ دوجی گل، ایہ آیتاں سانوں ظاہر کردیاں نے کہ مسیح نوجواناں نوں مُردیاں وِچوں زندہ کر سکدا اے۔

جدوں یسوع اُوس لڑکے دے سون دے کمرے وِچ گیا تاکہ اُوہنوں مُردیاں وِچوں زندہ کرے، تے ’’اُو [لوکی] اُوہنوں طعنہ دین دے لئی ہنسے‘‘ (مرقس 5: 40)۔ اَج وی ایہو جئے لوکی نے جیہڑے اینج کرن گے۔ اُو ہسن گے تے مذاق کرن گے، تے ایس گل دا مذاق اُڑان گے، جے تُسی اُوہناں نوں دسو گے کہ تُسی گرجا گھر آ رئے اُو تے اِک حقیقی مسیحی بنن دے بارے وِچ سوچ رئے نے۔ تہاڈے غیر مسیحی بیلی تہاڈے تے ہسن گے۔ تہاڈے غیر نجات یافتہ ماں پیو تہانوں ایس گرجا گھر توں دور رکھن دی کوشش کرن گے۔ اُو تہانوں اُوہناں دے پرانے، مُردہ گرجا گھر وِچ واپس لے جان دی کوشش کرن گے، جیتھے نہ حیاتی اے تے نہ ای خوش کُن مسیحی نوجوان۔ اُو تہانوں دس سکدے نے کہ تُسی بدھ مت توں اُو یا کیتھولک اُو – تے تہانوں بپٹسٹ گرجا گھر وِچ نئیں آنا چائیدا اے۔ اُوہناں نوں ہسن دیو۔ اُوہناں نوں تہاڈا مذاق اُڑان دیو۔ لیکن ایس گل نوں یقینی بناؤ کہ تُسی اُوہناں دی گل نئیں سنو گے! ایس گل نوں یقینی بناؤ کہ تُسی ایتھے ہر اِتوار نوں ساڈے نال ہوو گے، پاویں اُو کُجھ وی کیہن۔ صرف مسیح ای تہانوں مُردیاں وِچوں زندہ کر سکدا اے۔

ہائے، میں جاننا آں، یہ سب ہُن تہاڈے لئی دُھندلا تے غیر واضح لگدا اے۔ تہاڈی اُلجھن دی وجہ کافی واضح اے۔ تُسی ہںے تیکر نجات یافتہ نئیں ہوئے اُو۔ تُسی ہلے وی اُو

’’… مسیح دے بغیر، اسرائیل دی قوم وِچ تُسی شمار نئیں کیتے جاندے سن، اُوہناں عہدنامیاں توں خارج سی جِنہاں دا وعدہ خدا وَلوں کیتا گیا سی، تُسی ایس دُنیا وِچ خدا دے بغیر نااُمیدی دی حالت وِچ حیاتی لنگہاندے سی‘‘ (افسیوں 2: 12)۔

تُسی ہلے وی ’’گناہواں تے قصوراں وِچ مُردہ اُو‘‘ (افسیوں 2: 1)۔

لیکن یسوع تہانوں روحانی موت توں زندہ کر سکتا ہے۔ اُوہنے کہیا،

’’اُو ویلہ آ رہیا اے تے ہُنے اے جدوں مُردے خدا دے پُتر دی واج سُنن گے تے جیہڑے سُنن گے اُو زندہ رہن گے‘‘ (یوحنا 5: 25)۔

جے تُسی ایس گرجا گھر وِچ آندے رہندے اُو، تے خوشخبری سُںندے رہندے اُو، تے مسیح دا نور چھیتی اے تہاڈے مُردہ دِل وِچ داخل ہو جائے گا۔ تہاڈی اَکھاں توں پردہ ڈِگ جائے گا، تے تہانوں بینائی ملے گی، جیویں کہ پولوس نے کیتا سی (حوالہ دیکھو، اعمال 9: 18)۔ تُسی چھیتی اے – یسوع دے کول آن نال، سب کُجھ واضح طور تے ویکھو گے، تے دوبارہ جنم لو گے۔ یسوع تہانوں روحانی موت توں زندہ کرے گا – تے تُسی اُوہدے ذریعے بچائے جاؤ گے! جیویں کہ چارلس ویزلی نے کہیا،

میری زنجیراں کُھل گئیاں سن، میرا دِل آزاد سی، میں اُٹھیا، اَگے ودھیا تے اُوہدی پیروی کیتی!
حیرت انگیز پیار! ایہ کیویں ہو سکدا اے کہ توں، میرے خداوند، میری خاطر قربان ہو گیا؟
(’’تے ایہ کیویں ہو سکدا اے؟ And Can It Be? ‘‘ شاعر چارلس ویزلی Charles Wesley، 1707۔1788).

خوشخبری سنن دے لئی آندے رہوو۔ کھوئے ہوئے بیلیاں، یا گمشدہ تے گمراہ رشتہ داراں نوں تہانوں روکن نہ دیو! آسیب تے شیطان نوں تہانوں دور نہ کھیچن دیو! ایہدے نال کوئی فرق نئیں پیہندا اے کہ تُسی کیہنے ای عجیب احساسات تے خیالات رکھدے اُو، ہر اِتوار نوں خوشخبری سُنن دے لئی آندے رہوو! چھیتی اے تُسی اپنے ضدی طریقے تر کر دیو گے، تے اِک چھوٹے بچے وانگوں یسوع دے کول آؤ گے – تے اُو تہانوں روحانی موت توں اُٹھائے گا – تے تہاڈی روح نوں نجات دلائے گا! چھیتی ای تُسی اندریاس رسول نال کہوو گے،

’’اَسی مسیحا نوں پایا، جیس دی تشریح کیتی جا رئی اے، مسیح‘‘ (یوحنا 1: 41)۔

فیر تُسی گاؤ گے تے پکارو گے، ’’میں مسیحا نوں پا لیہیا اے! میہنوں مسیح لبھ گیا اے! میں مُردیاں وِچوں زندہ ہویا آں!‘‘ ’’تلیتھا قُومی … میں تیہنوں کہنا آں، اُٹھ تے فوراً اُو [نوجوان لڑکی] اُٹھی تے چل دِتی‘‘ (مرقس 5: 41-42)۔

III۔ تیجی گل، ایہ آیتاں ساڈے تے ظاہر کردیاں نے کہ مسیح تہانوں ابدی حیاتی دے سکدا اے۔

مسیح نے اُوس لڑکی نوں مُردیاں وِچوں زندہ کیتا تاکہ تہانوں ایہ وکھایا جائے کہ اُو تہانوں زندہ کر سکدا اے تے تہانوں ہمیشہ دی حیاتی دے سکدا اے۔ یسوع نے کہیا،

’’جیہڑا پُتر تے ایمان لیہیاندا اے اُوہدے کول ہمیشہ دے حیاتی اے‘‘ (یوحنا 3: 36)۔

’’ایہ اُوہدے مرضی اے جیس نے میہنوں پیہجھیا اے کہ ہر اِک جیہڑے پُتر نوں ویکھے تے اُوہدے تے ایمان لیہیائے ہمیشہ دی حیاتی پائے‘‘ (یوحنا 6: 40)۔

’’قیامت تے حیاتی میں آں: اُو جیہڑا میرے تے ایمان لیہیائے گا، اگرچہ اُو مُردہ سی، فیر وی اُو زندہ رہووے گا: تے جیہڑا کوئی زندہ اے تے میرے تے ایمان رکھدا اے اُو کدی نئیں مرے گا‘‘ (یوحنا 11: 25-26)۔

اُوہناں آیتاں تے بارے چہ پولوس رسول نے کہیا،

’’اُوہدے تے ابدی حیاتی دے لئی یقین رکھو‘‘ (I۔ تیمتھیس 1: 16)۔

تے یسوع نے پوری بائبل وِچ سب توں مشہور آیت پیش کیتی،

’’کیوں جے خدا نے دُنیا نال ایہو جئی محبت رکھی کہ اُوہنے اپنا اِکلوتا پُتر بُشک دِتا تاکہ جیہڑا کوئی اُوہدے تے ایمان لیہیائے ہلاک نہ ہووے بلکہ ہمیشہ دی حیاتی پائے‘‘ (یوحنا 3: 16)۔

’’اُوہنے بچی دا ہتھ پھڑیا تے اُوہنوں کہیا، تلیتا قومی … اے بچی میں تیہنوں کہنا آں اُٹھ ۔ بچی یکدم اُٹھی تے ٹُرن پِھرَن لگی؛ کیوں جے اُو بارہ وریاں دی سی۔ ایہ ویکھ کے اُو حیرت زدہ رہ گئے‘‘ (مرقس 5: 41۔42)۔

جدوں یسوع نے کہیا، ’’تلیتھا قُومی‘‘ اُو لڑکی مُردیاں وِچوں زندہ ہو گئی۔ تے ایہ گل ظاہر کردی اے کہ مسیح تہانوں حیاتی بخش سکدا اے – ایتھوں تیکر کہ ابدی حیاتی۔ یسوع نے کہیا،

’’میں اُوہناں ںوں ہمیشہ دی حیاتی دیہنا آں تے اُو کدی ہلاک نئیں ہون گے‘‘ (یوحنا 10: 28)۔

جدوں یسوع تہانوں زندہ کرن دے لئی بُلاندا اے، تے تُسی اُوہدے کول آ سکدے اُو تے نجات پا سکدے اُو۔ مسیح تہانوں گناہواں دا کفارہ ادا کرن دے لئی سولی تے مریا۔ اُوہنے اپنا لہو وگایا تاکہ تہاڈے گناہواں نوں صاف کیتا جا سکے۔ اُوہدا لہو تازہ اے تے ہُنے تہاڈے گناہواں نوں پاک صاف کرن دے لئی دستیاب اے! فیر مسیح جسمانی طور تے مُردیاں وِچ جی اُٹھیا۔ اُو واپس تیجے آسمان تے چڑھ گیا۔ اُو ہُنے اُوتھے بیٹھیا اے – خدا دے داہنے ہتھ تے، آسماناں وِچ۔

جدوں تُسی مسیح وَل ویکھدے اُو، تے اپنے پورے دِل توں اُوہدے تے پروہسا کردے اُو، تے اُو تہانوں روحانی موت توں زندہ کردا اے، تے تہانوں گناہ دی سزا توں نجات دلاندا اے۔ یسوع نے کہیا،

’’جیہڑا میرے تے ایمان لیہیاندا اے، اگرچہ اُو مُردہ سی، فیر وی زندہ رہووے گا‘‘ (یوحنا 11: 25)۔

مسیح دے کول آؤ۔ اپنے پورے دِل نال اُوہدے تے پروہسا کرو، تے اُو تہانوں کہندا اے، ’’تلیتھا قُومی! مُردیاں وِچوں جی اُٹھو!‘‘

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔