Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




پنج گلاں جیہڑیاں تہاڈے نال ہون گئیاں
جیس دِن تُسی مردے اُو

FIVE THINGS THAT WILL HAPPEN TO YOU ON THE DAY YOU DIE
(Punjabi – A Language of Pakistan)

ڈاکٹر آر ایل ہائیمرز جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ تبلیغ کیتا گیا اِک واعظ
جمعرات دی شام، 28 اگست، 2003
A sermon preached at the Baptist Tabernacle of Los Angeles Thursday Evening, August 28, 2003

’’انسان جیہڑا عورت توں پیدا ہوندا اے چندہ روزہ اے تے مصیبت دا ماریا ہویا وی‘‘ (ایوب 14: 1)۔


ہر کوئی باب ہوپ دی موت دے بارے چہ گل کر رہیا اے، جیہڑی اُوہناں دی 100 ویں سالگرہ دے دو میہنیاں بعد آئی اے۔ اُو اِک لمبے عرصے توں زندہ رہیا۔ اُو رائٹ براداران دے ہوائی جہاز دی ایجاد توں چھ میہنے پہلاں پیدا ہویا سی۔ چاند دی سطح تے انسان دے ٹُرن دے تیس وریاں بعد اُوہدی موت ہوئی۔ جدوں ابدیت دے پس منظر وِچ ویکھیا جائے تے فیر وی 100 ورے اِک مختصر ویلہ اے۔ کائنات دی وسیع عمر دے مقابلے وِچ سو ورے صرف چند دِن نے، تے ابدی حالت دے ایس توں وی بوہتے بے شمار، لامحدود پھیلے ہوئے نے۔

ایوب ایس آیت وِچ انسان دی روح دی گل نئیں کر رہیا اے۔ روح، اِک وری تخلیق ہون دے بعد، ہمیشہ زندہ رہندی اے، یا تے جہنم وِچ یا جنت وِچ۔ ایوب انسان دی روح دی گل نئیں کر رہیا اے۔ اُو انسان دے گوشت دی گل کر رہیا اے۔ اُو سانوں ایس زمین تے جسم وِچ ویلے دی کمی دی یاد دلا رہیا اے۔

میں جاننا آں کہ جدوں تُسی جواب ہوندے اُو تے تہانوں 100 ورے اِک لمبا عرصہ لگدا اے۔ لیکن میں ہُن باسٹھ وریاں دا آں، تے ایہ میہنوں کوئی بوہتا ویلہ نئیں لگدا۔ میہنوں ایویں لگدا اے، ہُن میں وڈیہرا ہو رہیا آں کہ بندہ 100 وریاں دی مر تیکر وی ہو جائے فیر وی ایہ سچ اے [کوئی بوہتا ویلہ نئیں لگدا]:

’’انسان جیہڑا عورت توں پیدا ہوندا اے چندہ روزہ اے تے مصیبت دا ماریا ہویا وی‘‘ (ایوب 14: 1)۔

100 وریاں تیکر زندہ رہن آلے ہر بندے دے مقابلے وِچ ہزارہا ایہو جئے نے جیہڑے ایس توں بہوتی گھٹ عمر وِچ مردے نے۔ 42 ملین امریکی بچیاں نوں اُوہناں دی ماواں دے رحم وِچ، اسقاط حمل دے ذریعے، دِن دی روشنی ویکھ بغیر یا ہوا دا سانس لین دے بغیر مار دِتا گیا۔ لکھاں دوجے بچپن وِچ، یا جوانی وِچ مر جاندے نے۔ ہزارہا نوجوان گڈیاں دے حادثیاں وِچ مر جاندے نے۔ مذید ہزارہا لوکی منشیات دے استعمال نال مردے نے۔ خود کشی، یا دیگر حادثات یا بیماریاں نال ہزارہا مذید مر جاندے نے۔ موت ہر عمر وِچ آندی اے تے ایہ سچ اے۔

’’انسان جیہڑا عورت توں پیدا ہوندا اے چندہ روزہ اے تے مصیبت دا ماریا ہویا وی‘‘ (ایوب 14: 1)۔

تُسی کدوں تیکر جیئو گے؟ صرف اِک ای ہستی اے جیہڑی جانندی اے – تے اُو خدا اے۔ ایوب نوں ایہ معلوم سی۔ ویکھو آیت پنج وِچ اُوہنے کی کیہیا،

’’ایہ ویکھدے ہوئے [کہ انسان دے] اُوہدے دِن معیّن نے، تے اُوہدے میہنیاں دی تعداد طے کر رکھی اے، تے اُوہدی حدود مقرر کر دِتی اے جِنہوں اُو پار نئیں کر سکدا‘‘ (ایوب 14: 5)۔

’’اُوہدے میہنیاں دی تعداد تیرے کول اے۔‘‘ خدا جانندا اے کہ تُسی کیہنے مہینے زندہ رہوو گے۔ ڈاکٹر گِل کہندے نے،

’’انسان دی حیاتی دی میعاد خدا وَلوں ایس قدر مقرر اے کہ اُو چھیتی مر نئیں سکدا تے نہ اُو بوہتی دیر تیکر زندہ رہ سکدا اے، جیویں کہ اُوہنے [خدا] نے طے کیتا اے … تے جدوں خدا انسان توں اُوہدی روح دا مطالبہ کردا اے، تے کوئی وی اُوہدئ روح تے اُوہنوں اِک لمحہ برقرار رکھن دا اِختیار نئیں رکھدا … [شاعر] سینیکا وی ایہو ای کہندا اے؛ ’’ہر آدمی دے لئی اِک حد مقرر اے، جیہڑی ہمیشہ اُوتھے ای رہندی اے جیتھے ایہ مقرر اے، تے نہ کوئی ایہنوں کسی وی طرح نال اَگے ودھا سکدا اے‘‘ (جان گل، ڈی ڈی John Gill D.D.، پرانے عہد نامے دی اِک تفسیر An Exposition of the Old Testament، دی بیپٹسٹ اسٹینڈرڈ بیئرر، 1810 عیسوی دے ایڈیشن دی دوبارہ اشاعت 1989، جلد III، صفحہ 307)۔

تُسی کیہنے میہنے ہُور جی پاؤ گے؟ خدا بالکل جانندا اے۔ خدا نوں تہاڈی موت دی تاریخ تے ویلے پہلاں توں ای معلوم اے۔ تاریخ مقرر اے۔ ویلہ مقرر اے۔ تہاڈی موت دا دِن کل ہو سکدا اے، یا ہُن توں چند ہفتے بعد، یا چند میہنے بعد۔ لیکن ایس گل دا یقین رکھو – ایہ بوہتی دور نئیں اے۔ موسیٰ نے کہیا،

’’کاش اُو عقلمند ہوندے تے ایہنوں سمجھدے تے پہچانندے کہ اُوہناں دا انجام کی ہووے گا!‘‘ (استثنا 32: 29)۔

میرے پیو دے مرن توں اِک راتی پہلاں اُوہناں نے میہنوں کہیا، ’’رابرٹ، میں بوہتے دِن زندہ نئیں رہواں گا۔ میں چھیتی ای مر جاواں گا، لیکن یاد رکھ کہ توں چھیتی ای میرے پیچھے چلیا آئے گا۔‘‘ میں اکثر اُوس راتی اُوہناں دی سچائی دے بارے وِچ سوچیا اے، ’’توں چھیتی ای میرے پیچھے چلیا آئے گا۔‘‘ تے تُسی وی، جیہڑے اَج راتی ایس واعظ نوں سُن رئے اُو۔ فیر تہاڈے لئی عقلمندی اے کہ تُسی اپنے آخیرلے انجام دے بارے وِچ سوچو، تے اپنی موت دے دِن دے بارے وِچ سوچو۔ ایہ اے جیہڑا تہاڈے ساریاں دے نال ہووے گا جیہڑے کہ موت دے دِن تے غیرنجات یافتہ نے۔

I۔ پہلی گل، جیس دِن تُسی مرو گے تہاڈی روح تے جسم علیحدہ ہون گے۔

بائبل ایس نوں بہوتا واضح کردی اے۔ ایہ کہنید اے کہ جدوں تُسی مر جاؤ گے تے تہاڈا جسم خاک وِچ رَل جائے گا تے تہاڈی روح خدا دے کول جائے گی۔

’’فیر مٹی زمین تے واپس آئے گی جیویں اُو سی: تے روح خدا وَل لوٹ جائے گی جِنہے اُوہنوں دِتا اے‘‘ (واعظ 12: 7)۔

تہاڈے جسم نوں یا تے کافرانہ طریقے نال جلایا جائے گا، یا مسیحی تقریب وِچ زمین دے ہیٹاں دفن کیتا جائے گا۔ فیر تہاڈی جان، تہاڈی روح خدا وَل لوٹ جائے گی۔ کُجھ لوکاں دے لئی ایہدا مطلب ایہ ہووے گا کہ تُسی جنت وِچ خدا دی مسرت بھری موجودگی وِچ داخل ہوندے اُو۔ لیکن بُہتیرے لوکاں دے لئی ایہدے مطلب ایہ ہووے گا کہ تہاڈی روح اِنصاف دے لئی خدا وَل لوٹ جائے گی، تے اُو تہانوں جہنم وِچ اِک بوہتی ہولناک تھاں تے پیہجھ دے گا۔

تہاڈے کول ایہ فیصلہ کرن دی کوئی طاقت تے صلاحیت نئیں اے کہ تہادا جسم تے روح کدوں الگ ہو جان گے۔ بائبل کہندی اے،

’’کسی آدمی نوں اِختیار نئیں کہ اُو اپنی روح نوں روک لئے؛ یعنی اُوہنوں جسم توں جدا نہ ہون دے، نہ ای اپنی موت دے دِن تے کسی آدمی دا اِختیار اے‘‘ (واعظ 8: 8)۔

باب ہوپ دے کول دُنیا دے سب توں وڈے اعزازات سن۔ ملکہ الزبتھ نے اُوہناں نوں برطانوی دولت مشترکہ دا سورما بنایا۔ جان ایف کینیڈی نے اُوہناں نوں صدارتی تمغہ دا عظیم اعزاز دِتا۔ پنج امریکی صدور نے چند وریاں پہلاں اُوہناں دی پچانوے ویں سالگرہ دی تقریب وِچ شرکت کیتی سی۔ باب ہوپ اِک کروڑ پتی سی۔ اُو مالیبو، پام اسپرنگس تے سان فرنینڈو ویلی وِچ ہزارہا ایکڑ دا مالک سی۔ اُوہدے کول دو وڈے وڈے ٹیلی ویژن اسٹیشن سن، تے ہور بہت کُجھ، اُو دنیا دا بہترین طبی علاج برداشت کر سکدا سی۔ اُوہدے کول بہترین ڈاکٹر ہر تھاں تے دستیاب سن۔ تے فیر وی، جدوں اُوہدی موت دا مقرر دِن آیا – ایہناں وِچوں کوئی وی اُوہناں دی روح تے جسم نوں موت توں جدا ہون توں نئیں روک سکدا سی۔

’’کسی آدمی نوں اِختیار نئیں کہ اُو اپنی روح نوں روک لئے؛ یعنی اُوہنوں جسم توں جدا نہ ہون دے، نہ ای اپنی موت دے دِن تے کسی آدمی دا اِختیار اے‘‘ (واعظ 8: 8)۔

تے تہاڈے لئی وہ اینج ای ہووے گا۔ جدوں تہاڈی موت دا دِن تے گھڑی آ جائے گی – شاید چند مہینیاں وِچ – تہاڈے کول اپنی روح نوں اپنے جسم وِچوں جھٹکائے جان توں روکن دی کوئی طاقت نئیں ہووے گی – تے، تہاڈے غیر نجات یافتہ ہون آلے معاملے وِچ، اُبلدے، بلدے، درد تے تکلیف دے اُبلدے ہوئے تہخانے وِچ پیہجھ دِتا جائے گا، تے تمام ابدیت دے لئی۔

II۔ دوجی گل، جیس دِن تُسی مر جاؤ گے، سارے دنیاوی رشتے ختم ہو جان گے۔

ایہ لوقا دے سولہویں باب وِچ درج امیر آدمی دی موت دے بیان وِچ واضح کیتا گیا اے۔

’’تے جہنم وِچ اُوہنے عذاب وِچ ہوندے ہوئیاں اپنی اَکھیاں تاں چُکیاں … فیر اُوہنے کہیا، ایس لئی میں تیرے توں دعا کرنا آں، اے باپ، کہ توں ایس [لعزر] نوں میرے پیو دے گھر پیہجھ دے … تاں جے اُو اُوہناں دے سامنے گواہی دیوے، اینج نہ ہووے کہ اُو وی ایس عذاب دی تھاں تے آ جان‘‘ (لوقا 16: 23، 27۔28)۔

لیکن ابراہیم نے اُوہنوں دسیا کہ ایہ ناممکن اے، کہ مردہ زندہ دے کول واپس نئیں جا سکدے – ایتھوں تیکر کہ اُوہناں نوں خبردار کرنے دے لئی وی نئیں۔ تُسی ویکھیا کہ امیر آدمی موت دی وجہ توں اپنے بیلیاں تے رشتہ داراں نے ہمیشہ دے لئی کٹ گیا۔

میری ماں دے انتقال دے بعد، جِنہاں نال میں بہوتا پیار کردا سی، تے جیہڑی اِک عظیم مسیحی خاتون سن، میں اکثر رات نوں اپنے نال کمرے وِچ اُوہناں دی موجودگی نوں محسوس کردا سی۔ لیکن میں بائبل توں جاننا آں کہ ایہ صرف اِک فریب سی، شاید اِک شیطانی چال وی، کیوں جے ماں ہُن میرے نال نئیں سی۔ اُو جلال دی سرزمین وِچ، مسیح دے نال جنت وِچ سی – جیہڑی کِدرے بہتر اے۔

نئیں، موت تہانوں ایس زمین تے موجود ہر انسانی رشتہ دار تے بیلی توں الگر کر دیہندی اے۔ جے تُسی مسیحی نئیں اُو، تے تہانوں اُوہناں نوں فیر توں ویکھنے دی کوئی صحیفائی اُمید نئیں اے، کیوں جے جہنم وِچ ساریاں آسائشاں ختم ہو جاندیاں نے، تے اُوتھے کوئی خوشگوار ملاپ نئیں ہو سکدا۔ ایہو ای وجہ اے کہ لوقا 16 باب وِچ امیر آدمی اپنے دُکھاں وِچ بہوتی شدت نال تنہا سی۔ موت تہانوں ہمیشہ دے لئی تہاڈے سارے قریبی بیلیاں توں، تے تہاڈے سارے عزیز ترین رشتہ داراں توں جدا کر دیوے گی جے تُسی موت دے آن تے غیرنجات یافتہ رئے۔

اَسی تہاڈے تابوت دے آلے دوالے کِھلوتے روواں گے۔ ساڈے دُکھ دا اِک حصہ ایس حقیقت وِچ مضمر اے کہ اَسی جان لیہیے کہ اَسی تہاڈے نال کدی نئیں مِلاں گے – کیوں جے تُسی جہنم وِچ جا چکے ہوو گے – تے اُوہنوں جان جاواں گے۔ سوچو کہ تہاڈے لئی جہنم کیہنی تنہا ہووے گی، تہاڈی ماں یا پیو دے بغیر، یا تہانوں تسلی دین دے لئی قریبی مسیحی بیلیاں دے بغیر۔ جہنم دی خوفناک تنہائی دے بارے وِچ سوچو!

III۔ تیجی گل، جیس دِن تُسی مرو گے تے تہاڈا سارا مال تہاڈے توں چھینیا جائے گا۔

کی تہانوں ڈکنز دی کرسمس کیرول وِچ اُو خوفناک منظر یاد اے، جدوں امیر بُڈھے اسکروج نوں اُوہدی اِک جھلک وکھائی گئی سی کہ اُو اُوہدی موت دے بعد کی کرن گے؟ نوکرانیاں نے اُوہدے وکٹورین بیڈ دے اردگرد دے مہنگے پردے پھاڑ دِتے سن – تاکہ اُوہنوں چند پیسیاں وِچ فروخت کیتا جائے۔ دوجی نوکرانیاں، تے ایتھوں تیکر کہ کام کرن آلیاں نے، اُوہدے لِیرے، اُوہدی سونے دی وڈی گھڑی تے کُرسی، تے ایتھوں تیکر کہ اُوہدے بستر تے موجود کمبل وی چُرا لیہیے – جدوں اُو ہنس رئے سن تے ایس گل تے قہقہے لگا رئے سن کہ اُو حیاتی وِچ کیہو جیا گھٹیا تے کنجوس بُڈھا احمق سی۔

ایہ خوفناک منظر تہاڈے مرن دے ویلے بالکل اینج نئیں ہو سکدا اے، لیکن ایس وِچ مماثلتاں ہون گئیاں۔ تُسی کُڑیو – تہاڈی ساری دی ساری خوبصورت گڈیاں پٹولے تے لِیرے صندوق وِچ ڈالے جان گے تے بیچ دِتے جان گے یا دے دِتے جان گے۔ تہاڈی بالیاں تے کنگن، شاید تہاڈی شادی دی قیمتی انگوٹھی وی لالچی لوکی بیچ دین گے یا چوری کر لین گے۔ میں اپنی اَکھاں نال انڈر ٹیکر نوں اپنی پیاری بوڑھی خالہ دی انگلی توں وڈی مشکل نال شادی دی انگوٹھی اُتاردے ہوئے ویکھیا، تاکہ اُوہدا کوئی بچہ اُوہنوں بیج کے اُوس رقم نوں منشیات خریدن وِچ استعمال کر سکے، جیس نال میری خالہ نوں نفرت ہوندی۔

تُسی منڈیاں تے مرداں وِچوں وی کوئی چنگا نئیں ہووے گا۔ اُو تہاڈے تحفیاں، تصویراں، تے بچپن دے کھڈونیاں نوں صندوق وِچ پان گے تے اُوہناں نوں بیچ دین گے – یا فیر اُوہناں نوں کدی نئیں ویکھ جان آلے بالاخانے وِچ ڈال دین گے۔

تہاڈی حیاتی وِچ جیہڑا وی پیسہ تُسی کمایا ہووے گا اُوہنوں لڑ جھگڑ کے لالچی رشتہ دار اُڑا لے جان گے۔ زمین تے تہاڈی حیاتی دے نشان دے طور تے کُجھ وی نئیں چھڈیا جائے گا۔ موت تہاڈے توں تہاڈی ساری دُنیاوی مال و دولت چھین لئے گی۔

خود میرے اپنے گھر وِچ، رشتہ داراں دے مرن دے بعد میہنوں دِتا گیا کُجھ مال و اسباب اے۔ انکل آسکر دی جیتھے اُوہناں دے پیو دی پیدائش ہوئی سی اُوتھے دے انگریزی دیہی علاقیاں دی قیمتی پینٹنگ میرے کمرے وِچ لٹکی ہوئی اے۔ میرے سوتیلے پیو دی ماں نے جیہڑا پیانو وجایا، اُو وی موجود اے، جیہڑا ہُن میرے دوویں پُتراں نے وجایا اے۔ میری ماں دی کھانے دی میز تے کرسیاں ساڈے کھانے دے کمرے وِچ نے۔ میرے پیو دا فرنیچر ساڈے کمرے وِچ اے۔ جیس بستر وِچ میرے پیو دا انتقال ہویا اُو ساڈے بیڈروم وِچوں اِک وِچ اے۔ انکل کلفورڈ دے دادا دی گھڑی کچن دے بوہے دے کول کِھلوتی اے۔

تے اینج ای تہاڈے نال ہووے گا۔ تہاڈی مقررہ موت دے دِن تہاڈی ہر شے تہاڈے کولوں لمحہ بھر وِچ کھو لہئی جائے گی۔ لوقا دے 16 ویں باب وِچ امیر آدمی اپنے نال جہنم وِچ کُجھ وی نئیں لے گیا – تے نہ ای تُسی لے جا سکدے اُو، کیوں جے

’’قہروغضب دے دن دولت فائدہ نئیں دیہندی‘‘ (امثال 11: 4)۔

IV۔ چوتھی گل، جیس دِن تُسی مر جاؤ گے تے تہاڈے سارے زمینی منصوبے ختم ہو جان گے۔

تُسی مستقبل دے لئی منصوبے بنائے نے۔ تہانوں اپنی حیاتی وِچ بہتیرے کام کرن دی اُمیداں نے۔ لیکن تہاڈی موت دے دِن ایہ ساریاں اُمیداں تے منصوبے اچانک ختم ہو جان گے۔ ایہ ظاہر کرن دے لئی یسوع نے اِک تمثیل دِتی:

’’کسی دولت مند دی زمین وِچ وڈی فضل ہوئی: تے اُو دِل ای دِل وِچ سوچ کے کہن لگا میں کی کراں؟ میرے کول تھاں نئیں اے جیتھے میں اپنی پیداوار جمع کر سکاں۔ فیر اُوہنے کہیا میں اِک کام کراں گا کہ اپنے گودام ڈھا کے نئے تے وڈے گودام بناواں گا تے اپنا سارا اناج، پھل تے مال و اسباب بھر دیاں گا۔ فیر اپنی جان نوں کہواں گا، اے جان، تیرے کول کئی وریاں دے لئی مال جمع اے؛ آرام نال رہ، کھا پی تے عیش کر۔ مگر خدا نے اُوہنوں کہیا، اے نادان! ایس ای راتی تیری جان تیرے توں طلب کر لئی جائے گی۔ پس جو کُجھ توں جمع کیتا اے اُو کیس دے کام آئے گا؟‘‘ (لوقا 12: 16۔20)۔

اُوس آدمی دے بہوتے وڈے منصوبے سن، لیکن اُو سب اُوس ای راتی اچانک ختم ہو گئے، جدوں اُو مر گیا۔ تہاڈے کول بہتیرے منصوبے تے ایہناں شیواں دے خواب نے جِنہاں دی تہانوں اُمید اے۔ جیس دِن تُسی مر جاؤ گے تہاڈے سارے زمین منصوبے تے خواب تے اُمیداں اچانک ختم ہو جان گے – تے تہانوں اُمید دے بغیر ابدیت دا سامنا کرنا پیہئے گا – کیوں جے تُسی اپنی ابدی روح دی نجات نئیں لبھہی۔ فیر خدا تہانوں وی کہوے گا،

’’اے نادان! ایس ای راتی تیری جان تیرے توں طلب کر لئی جائے گی‘‘ (لوقا 12: 20)۔

V۔ پنجویں گل، جیس دِن تُسی مر جاؤ گے تے تہاڈے لئی نجات دی ساریاں اُمداں ختم ہو جان گئیاں۔

جیہڑا وی بغیر نجات دے مر جائے اُوہدے لئی کوئی اُمید نئیں اے۔ بائبل کہندی اے،

’’جیہڑا بُرائی کردا اے اُو بُرائی ای کردا چلا جائے گا؛ تے جیہڑا نجس اے اُو نجس ای ہوندا چلا جائے گا …‘‘ (مکاشفہ 22: 11)۔

جے تُسی مسیح دے لہو دے وسیلے توں اپنے گناہ نال ناپاک تے غلیظ ای مر جاندے اُو، تے تُسی ایس گمراہ کُن حالت وِچ، جہنم وِچ، ہمیشہ دے لئی رہن گے۔ مسیح دے بغیر مرن آلے دے لئی جنت وِچ جان دی کوئی اُمید نئیں اے۔

جنت وِچ، ابراہیم نے جہنم وِچ امیر آدمی نال گل کیتی۔ اُوہنے کہیا

’’تے ایہناں گلاں دے علاوہ، ساڈے تے تہاڈے وِچکار اِک وڈا کھڈا واقع اے: تاکہ … نا ای جیہڑا اُوس پار توں ساڈے وَل آنا چاہے، ساڈے کول نہ آ سکے‘‘ (لوقا 16: 26)۔

جنت تے جہنم دے وِچکار اِک وڈی خیلج حائل اے۔ اِک ’’خیلج‘‘ اِک پاتال اے، اِک وسیع علیحدگی، جیویں گرینڈ وادیGrand Canyon۔

میں اِک وری گرینڈ وادی دے جنوبی کنارے تے کِھلوتا ہویا، تے اُوہدے وسیع و عریض حصے نوں ویکھیا – تے میں لوقا 16 ویں باب دی ایس آیت دے بارے وِچ سوچیا۔ جہنم وِچ تے جنت وِچ رہن آلیاں دے وِچکار گرینڈ وادی توں بوہتی وسیع علیحدگی اے۔

’’نا ای جیہڑا اُوس پار توں ساڈے وَل آنا چاہے، ساڈے کول نہ آ سکے‘‘ (لوقا 16: 26)۔

جیس دِن تُسی مر جاؤ گے، مسیح وِچ نجات دی ساری اُمیداں تہاڈے لئی ختم ہو جان گئیاں۔ ساڈی تلاوت نوں یاد رکھو،

’’انسان جیہڑا عورت توں پیدا ہوندا اے چندہ روزہ اے تے مصیبت دا ماریا ہویا وی‘‘ (ایوب 14: 1)۔

’’… اُوہدے دِن معیّن نے، توں اُوہدے میہنیاں دی تعداد طے کر رکھی اے، تے اُوہدی حدود مقرر کر دِتی اے جِنہوں اُو پار نئیں کر سکدا‘‘ (ایوب 14: 5)۔

خدا ای جانندا اے کہ تہاڈے مرن توں پہلاں کیہنے دِن، کیہنے مہینے باقر رہ چکے نے۔ کیمپ کل ختم ہووے گا۔ تُسی ایہ گل جانندے اُو – لیکن تُسی نئیں جانندے اُوس دِن نوں جدوں تُسی مرو گے۔ ’’اپنے خدا نال ملن دے لئی تیار رہوو‘‘ (عاموس 4: 12)۔ مسیح دے کول آؤ تے اُوہدے لہو دے ذریعے اپنے گناہ توں پاک صاف ہو جاؤ ایس توں پہلاں کہ بہوتی دیر ہو جائے۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

پنج گلاں جیہڑیاں تہاڈے نال ہون گئیاں
جیس دِن تُسی مردے اُو

FIVE THINGS THAT WILL HAPPEN TO YOU ON THE DAY YOU DIE


ڈاکٹر آر ایل ہائیمرز جونیئر وَلّوں
by Dr. R. L. Hymers, Jr.

’’انسان جیہڑا عورت توں پیدا ہوندا اے چندہ روزہ اے تے مصیبت دا ماریا ہویا وی‘‘ (ایوب 14: 1)۔

(ایوب 14: 5؛ استثنا 32: 29)

I۔   پہلی گل، جیس دن تُسی مرو گے تہاڈے روھ تے جسم علیحدہ ہون گے،
واعظ 12: 7؛ 8: 8۔

II۔  دوجی گل، جیس دِن تُسی مر جاؤ گے، سارے دنیاوی رشتے ختم ہو جان گے،
لوقا 16: 23، 27-28۔

III۔ تیجی گل، جیس دِن تُسی مرو گے تے تہاڈا سارا مال تہاڈے توں چھینا جائے گا،
امثال 11: 4۔

IV۔ چوتھی گل، جیس دِن تُسی مر جاؤ گے تے تہاڈے سارےت زمینی منصوبے ختم ہو جان گے،
لوقا 12: 16-20۔

V۔  پنجویں گل، جیس دِن تُسی مر جاؤ گے تے تہاڈے لئی نجات دی ساری اُمیداں مُک جان گئیاں، مکاشفہ 22: 11: لوقا 16: 26؛ ایوب14: 1، 5؛ عاموس 4: 12۔