ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جدوں میں دو آزاد خیال سیمنریاں وِچ جا رہیا سی تے اُوہناں نے سانوں ایہدے توں بالکل مختلف شے سکھائی۔ اُوہناں نے کہیا کہ نیا عہدنامہ شاگرداں نے تیار کیتا سی۔ ایہنوں بالکل دو ٹوک لفظاں چہ بیان کرن دے لئی، اُوہناں نے کہیا کہ شاگرداں نے نئے عہدنامہ نوں یسوع دی حیاتی تے موت دی وضاحت کرن دے طریقے دے طور تے ’’بنایا‘‘۔ اُوہناں نے خاص طور تے پولوس رسول دی تحریراں تے توجہ دِتی۔ اُوہناں نے سانوں دسیا کہ پولوس نے یسوع دی موت دی وضاحت دے لئی اِک نیا افسانہ ایجاد کیتا۔

ہُن ایتھے میرا مقصد اُوہناں دی تفصیل توں تردید کرنا نئیں اے۔ لیکن تُسی ٹائم میگزین، یا کسی ہور اشاعت وِچ ایس قسم دی تعلیم توں کدی کدی ویکھ یا پڑھ پاؤ گے جیہڑی نئے عہد نامے نوں بدنام کرن دی کوشش کردی اے۔ میں ایہناں دی تردید کردے ہوئے تفصیل چہ نئیں جاواں گا۔ میں صرف ایہ کہہ رہیا آں کہ ایس قسم دی عقلیت پسندی ایس گل دے خلاف اے جیہڑی یسوع نے کلام پاک دے ایس حوالے وِچ کہی سی،

میہنوں تہانوں ہُور وی بہوتا کُجھ کہنا اے مگر ہُنے تُسی برداشت نئیں کر پاؤ گے۔ لیکن جدوں اُو ’’روح حق‘‘ آئے گا تے اُو اپنے بارے وِچ گل نئیں کرے گا، ساری سچائی وَل تہاڈی رہنمائی کرے گا‘‘ (یوحنا 16: 12۔13)۔

مسیح نے شاگرداں نال وعدہ کیتا سی کہ روح القدس اُوہناں دی رہنمائی کرے گا ’’ساری سچائی وَل۔‘‘ روح القدس اُوہناں نوں وکھائے گا کہ کیہڑے لفظ لکھے جان جیویں کہ اُوہناں نے سانوں نیا عہدنامہ دِتا سی۔ چنانچہ مسیح نے ایس حوالے چہ نئے عہد نامے دے صحیفیاں دی پہلاں توں تصدیق کیتی۔

لیکن اَج راتی نئے عہدنامے دے الہٰام تے اِختیار تے گل کرنا میرا مقصد نئیں اے۔ میں ایہدے تے کسی ہُور ویلے گل کراں گا۔ میں ایس واعظ وِچ تہانوں ایہ دسنا چاہنا آں کہ روح القدس کیویں کام کردا اے، تے کُجھ شیواں جیہڑیاں اُو اَج لوکاں دی حیاتیاں وِچ کردا اے۔ تے ایہ ایس موضوع تے بائبل دے سب توں عمدہ ترین اقتباسات وِچوں اِک نے – جیہڑا سانوں سِکھاندا اے کہ روح القدس کیویں کام کردا اے – خاص طور تے اِک گنہگار دی تبدیلی وِچ۔

ایس توں پہلاں کہ میں شروع کراں، میہنوں لگدا اے کہ میہنوں تہانوں ایہ دسن دی لوڑ اے کہ اُو کی نئیں کردا۔ آزاد خیال لوکی ایہ نئیں منندے کہ روح القدس کُجھ وی کردا اے۔ لیکن اِک ہُور گروہ اے جیہڑا بالکل مخالف غلطی وِچ آندا اے۔ اُو تقریباً مکمل طور تے روح القدس تے توجہ مرکوز کردے نے۔ لیکن اُو کہندے نے کہ اُو کُجھ نہ کُجھ اینج کردا اے جیہڑا اُو نئیں کردا۔ غور کرو کہ مسیح سانوں صاف صاف دسدا اے کہ روح القدس کی نئیں کردا۔ ایہ تیرھویں آیت دے عین وسط وِچ اے۔

’’اُو اپنے بارے چہ گل نئیں کرے گا‘‘ (یوحنا 16: 13)۔

ہُن، میہنوں ایس گل تے زور دینا چائیدا اے کیوں جے اَسی اِک ایہو جئے دور وِچ رہنے آں جیتھے روح القدس دے بارے وِچ بہوتی زیادہ گلاں کیتی جاندیاں نے۔ ٹیلی ویژن تے پورے دے پورے چینلز نے جِنہاں وِچ مبلغین مسلسل روح القدس دے بارے وِچ گل کر رئے نے۔ میہنوں لگدا اے کہ ایہ لوکاں نوں اُلجھا دیہندا اے۔ ایہو جئے گرجا گھر نے جیتھے اُو روح القدس دے بارے وِچ مسلسل گل کردے نے۔ میہنوں لگدا اے کہ ایہ لوکاں نوں اُلجھا دیہندا اے۔ اُو تہانوں دسن گے کہ ایہ روح القدس ای اے جیہڑا ایہناں ساریاں دی رہنمائی کردا اے۔ اُو کہندے نے کہ روح القدس اُوہنوں نوں ٹیلی ویژن تے اُوہناں دے گرجا گھراں وِچ – گھنٹہ در گھنٹہ – ایہدے بارے چہ تبلیغ کرن دے لئی لے جاندا اے۔

میں ایہ کہن وِچ اِک لمحے دے لئی وی نئیں ہچکچاندا، خواہ اُو کیہنے ای مخلص کیوں نہ ہون، بہرحال ایہ لوکی بالکل غلط نے۔ مسیح نے تیرہویں آیت وِچ بالکل واضح کر دِتا،

’’اُو اپنے بارے چہ گل نئیں کرے گا‘‘ (یوحنا 16: 13)۔

جدوں اُو لوکی جیہڑے ایس ’’روح القدس دی گفتگو‘‘ نوں سُنندے نے اُو ساڈے وگرے گرجا گھر وِچ آندے نے، اُو اکثر سوچدے نے کہ اَسی روح القدس دے بارے وِچ ایہنا کم کیوں کہنے آں۔ اُوہناں دے لئی میرا جواب بہوتا آسان اے،

’’اُو اپنے بارے چہ گل نئیں کرے گا‘‘ (یوحنا 16: 13)۔

اپنے پہلے مراسلے وِچ یوحنا رسول سانوں اِک انتہائی اہم تنبیہ پیش کردا اے،

’’عزیزو! تُسی ہر اِک روح تے یقین نہ کرو بلکہ روحواں نوں آزماؤ کہ آیا اُو خدا وَلوں نے یا نئیں کیوں جے بہتیرے جھوٹے نبی دُنیا وِچ نکل کھڑے ہون گے‘‘ (I یوحنا 4: 1)۔

فیر اُو کہندا اے،

’’تُسی خدا دے پاک روح نوں اینج پہچان سکدے اُو کہ جیہڑا روح ایہ اقرار کرے کہ یسوع مجسم ہو کے دُنیا وِچ آیا تے اُو خدا وَلّوں اے‘‘ (I یوحنا 4: 2)۔

تُسی سنو کے کہ ایہ آیت خاص طور تے قدیم گنوسٹک بدعتیوں وَل اشارہ کردی اے، جِنہاں نے اقرار نئیں کیتا کہ یسوع مجسم ہو کے دُنیا وِچ آیا سی۔ میرے خیال چہ ایہ سچ اے – جس حد تیکر ایہ گل جاندی اے۔ لیکن جیہڑے لوکی ایہ کہندے نے اُو سوچدے نے کہ I یوحنا 4: 1۔2 آیات توں مذید ہور فائدہ نئیں اے۔ اُوہناں دا خیال اے کہ ایہ آیات قدیم بدعت دی اصلاح دے لئی دِتی گئی سن، لیکن ایہناں دا اَج کسی دے لئی کوئی فائدہ نئیں اے۔ ایہ گل ٹھیک نئیں اے۔ یوحنا سانوں بہوتے واضح طور تے دس رہیا اے کہ کوئی وی روح جیہڑا خداوند یسوع مسیح نوں اپنے اعلیٰ پیغام دے طور تے تسلیم نئیں کردا، اُو خدا وَلّوں نئیں اے! جے اُو مسیح دے بارے وِچ روح دے طور تے گل کردے نے تے اُو خدا وَلّوں نئیں نے۔ مسیح تے اِک ’’روح‘‘ دے طور تے اصرار کرنا اکثر اُوہناں لوکاں دا پیغام ہوندا اے جیہڑے روح القدس تے پنپدے رہندے نے۔ تے اُو ایس امتحان وِچ ناکام ہو جاندے نے جیہڑا خدا سانوں I یوحنا 4: 1۔2 آیتاں وِچ دیہندا اے۔ کیوں جے مسیح اِک روح نئیں اے! اُوہدے کول اِک گوشت تے ہڈی نال بنیا ہویا فیر توں جی اُٹھا جسم اے!

جدوں یسوع مُردیاں وِچوں جی اُٹھیا، اُو شاگرداں دے کول آیا، تے

’’اُو اِیس قدر ہراساں تے خوفزدہ ہو گئے کہ سمجھنے لگے اُو کسی روح نوں ویکھ رئے نے۔ تے اُوہنے اُوہناں نوں کہیا، تُسی کیوں گھبرائے ہوئے اُو؟ تے تہاڈے دِلاں وِچ شکوک کیوں پیدا ہو رئے نے؟ میرے ہتھ تے پیر ویکھو، میں ای آں۔ میہنوں چھو کے ویکھو کیوں جے روح دی ہڈیاں ای ہوندیاں نے تے نہ گوشت جیویں کہ تُسی میرے وِچ ویکھ رئے اُو۔ ایہ کیہن دے بعد اُوہنے اُوہناں نوں اپنے ہتھ تے پیر وکھائے‘‘ (لوقا 24: 37۔40)۔

اُوہی جی اُٹھیا مسیح اے۔ تے اُو اَج وی اُونج ای اے جیویں کہ اُو اُوس ویلے سی، آسمان وِچ خدا دے سجے ہتھ تے بیٹھا ہویا اے۔ اُو روح نئیں اے۔ ’’یہنوں چھو کے ویکھو کیوں جے روح دی ہڈیاں ای ہوندیاں نے تے نہ گوشت جیویں کہ تُسی میرے وِچ ویکھ رئے اُو‘‘ (لوقا 24: 39)۔

میں ایہدی وضاحت کیویں کراں؟ میں نئیں کراں گا۔ میں صرف ایہدا اعلان کرنا آں – کیوں جے بائبل ایہو ای سکھاندی اے! پولوس رسول نے ایہنوں ’’ایک معمہ‘‘ کہیا۔ انسانی جسم دا جی اُٹھنا اِک ایہو جئی گل اے جیہڑی ساڈے عقلی ذہناں توں باہر اے۔ ایہ ساڈے لئی سمجھنا بہوتا چنگا اے۔ ایس لئی ای ایہنوں I کرنتھیوں 15: 51 وِچ ’’اِک راز‘‘ کہیا گیا اے۔

ایہ سانوں یوحنا 16: 13 آیت دی تلاوت وَل واپس لیہیاندا اے،

’’اُو اپنے بارے وِچ گل نئیں کرے گا‘‘ (یوحنا 16: 13)۔

جدوں تُسی روح القدس دے بارے وِچ ایہ ساری تبلیغ سُنندے اُو، تے یاد رکھو کہ مسیح نے سانوں دسیا سی کہ حقیقی روح القدس ایہدے پیچھے نئیں اے، یا اُوہدی حوصلہ افزائی نئیں کر رہیا اے۔

’’عزیزو! تُسی ہر اِک روح تے یقین نہ کرو بلکہ روحاں نوں آزماؤ کہ آیا اُو خدا وَلوں نے یا نئیں کیوں جے بہتیرے جھوٹے نبی دُنیا وِچ نکل کھڑے ہون گے‘‘ (I یوحنا 4: 1)۔

روح دی غلطی مسیح دی انسانیت تے زور نئیں دیہندی۔ مسیح دا روح القدس دے نال تبادلہ ہوندا اے – تے اُو روح کہلاندا اے۔ ایہ شیطانی اے۔ ایہ غلطی دی روح اے، سچائی دی روح نئیں۔

میں اَج دی راتی اپنے واعظ دے تعارف دے طور تے تہانوں صرف ایہو ای پیش کر رہیا آں – ایہ دو گلاں – کہ روح القدس اپنے بارے وِچ گل نئیں کردا، تے ایہ کہ مسیح اِک روح نئیں اے، تے روح القدس دے نال اُلجھنا نئیں اے۔

چونکہ روح القدس اپنے بارے چہ گل نئیں کردا، اُو کیس دی گل کردا اے؟ تہاڈے لئی ایہ جاننا خاص طور تے اہم اے کہ کی تُسی ہُنے تیکر نجات یافتہ نئیں ہوئے اُو۔ جے تُسی ہُنے تیکر مسیح وِچ ایمان لیہیا کے تبدیل نئیں ہوئے اُو، تے تہانوں حقیقی نجات دے لئی کُجھ علم ہونا ضروری اے کہ روح القدس تہاڈے وِچ کی کرنا چاہندا اے۔ ایس لئی، ایتھے میں تہانوں ایہناں گلاں دی فہرست پیش کراں گا جیہڑیاں القدس اِک غیر نجات یافتہ شخص دے دِل وِچ اُوہدی تبدیلی لیہیان دے لئی کردا اے۔

I۔ پہلی گل، اُو تہانوں گناہ، راستبازی تے انصاف تے قائل کردا اے۔

واپس آٹھویں آیت نوں فیر توں پڑھیے،

’’تے جدوں اُو مددگار آ جائے گا تے جیتھے تیکر گناہ، راستبازی تے انصاف دا تعلق اے اُو دُنیا نوں مجرم قرار دے گا‘‘ (یوحنا 16: 8)۔

جیس لفظ دا ترجمہ ’’ملامتreprove‘‘ کیتا گیا اے اُو ’’ایلینکسائیelenksai‘‘ اے، ایہ ’’ایلینچوelencho‘‘ دا فعل مستقبل کا زمانہ اے – جیس دا مطلب اے کہ ایہ اُو کام اے جیہڑا روح القدس مستقبل وِچ کرے گا۔ لفظ ’’ایلینچو‘‘ دا مطلب اے،

بے نقاب کرنا، مجرم ٹھہرانا، کسی مخالف نوں قائل کرن یا اُوہدی تردید دے مقصد نال جانچ پڑتال کرنا، خاص طور تے قانونی کاروائی دے لئی استعمال کیتا جانا اے (لیون مورسLeon Morris، انجیل بمطابق یوحنا The Gospel According to John، لندن: مارشل، مورگن تے سکاٹ، 1972)۔

وائن دا کہنا اے کہ ایہدا مطلب اے

مجرم قرار دینا، الجھانا، تردید کرنا، عام طور تے سزا یافتہ شخص نوں شرمندہ کرن دی تجویز دے نال (ڈبلیو ای وائن W. E. Vine، نئے عہد نامے دے الفاظ دی تفسیراتی لغت An Expository Dictionary of New Testament Words، اُولڈ ٹپان Old Tappan، این جے: فلیمنگ ایچ ریویل NJ: Fleming H. Revell، 1966)۔

ایہ روح القدس دا پہلا کام اے۔ اُو گناہ دی ’’ملامت‘‘ کردا اے۔ اُو تہانوں بے نقاب تے قائل کردا اے تے تہانوں گناہ دی سزا دیہندا اے۔ تُسی اپنے ذہن وِچ ایہدے خلاف بحث کرو گے۔ تُسی اپنے دفاع دے لئی مختلف اعتراضات دا استعمال کرن گے۔ لیکن، اِک وکیل وانگوں، اُو تہاڈے دلائل دی تردید کرے گا جدوں تیکر کہ تُسی شرمندہ نہ ہوو۔

صرف ایس صورت وِچ جدوں اِک شخص دے کول روح القدس دے الزامات دے خلاف کوئی بہانہ نہ ہووے اُو تبدیل ہون دے لئی تیار ہوندا اے۔ ایہ بہوتی چھیتی ہو سکدا اے، جیویں کہ توبہ کرن آلے چور دے نال، یسوع دے نال سولی تے، جیس نے کہیا،

’’کی تیہنوں خدا دا خوف نئیں اے، حالانکہ توں خود وی اُو ای سزا پا رہیا اے؟ اَسی تے اپنے جرماں دی سزا پا رئے آں تے ساڈا قتل کیتا جانا واجب اے‘‘ (لوقا 23: 40۔41)۔

یا فیر اِک طویل جدوجہد ہو سکدی اے، جیویں کہ روح القدس تہانوں قائل کردا اے – جیویں کہ نیکوڈیمس، لوتھر، وائٹ فیلڈ، ویزلی، بنیعان، یا سپرجیئن دے نال [روح القدس نے] کیتا۔ بنیعان مسیح چہ ایمان قائم کرن توں پہلاں روح القدس دے ذریعہ ذہنی طور تے جانچ پڑتال تے اذیت دا شکار سی۔ تُسی ایہدے بارے وِچ اُوہناں دی کتاب گنہگاراں دے سردار دے لئی فضل توں بھرپور Grace Abounding to the Chief of Sinners وِچ پڑھ سکنے آں۔

کُجھ لوکی ایہنے ضدی ہوندے نے کہ اُوہناں نوں نجات دہندہ دے کول نرمی نال لیہیان دے لئی روح القدس وَلوں اِک باطنی پٹائی دی لوڑ ہوندی اے۔ ڈاکٹر کیگن کئی دِناں تیکر اندرونی انتشار وِچوں لنگہے۔ اُو اُوس ویلے تیکر مسیح دے سامنے سرتسلیم خم کرن نوں تیار نئیں سن جدوں تیکر کہ اُوہناں دے سارے باطنی عذراں نوں دور نہ کیتا گیا تے اُو اپنے گناہ تے اندرونی بغاوت دا قائل نہ ہو گئے۔ اُودھوں اُوہناں نے اپنا دِل مسیح دے سپرد کیتا۔

ایہ انجیلی بشارت دی تبلیغ دے مقاصد وِچوں اِک اے، جیویں کہ کلام وِچ پیش کیتا گیا اے،

’’کلام دی منادی کر، وقت بے وقت تیار رہ، بڑے صبر تے تعلیم دے نال لوکاں نوں سمجھا، ملامت تے نصحیت کر‘‘ (II تمیتھیس 4: 1۔2)۔

لفظ ’’ملامت کرنا reprove‘‘ اُوہی یونانی لفظ اے جیہڑا یوحنا 16: 8 وِچ ’’ڈانٹنا‘‘ اے۔ ایہ’’ایلینچوelencho‘‘ اے۔ ایہدا مطلب اے ’’بے نقاب کرنا، مجرم ٹھہرانا، قائل کرن دے مقصد نال جانچ پڑتال کرنا‘‘ (لیون مورسLeon Morris، گذشتہ گل دے تسلسل وِچ ibid.) حقیقی انجیلی بشارت دی تبلیغ اینج ای کردی اے۔ تبلیغ تہاڈے گناہ ہوں بے نقاب کردی اے تے سولی تہاڈی جانچ کردی اے، ایس مقصد دے نال کہ تہانوں قائل کیتا جائے کہ تُسی اِک گنہگار اُو، تے تہاڈی یسوع دے علاوہ کوئی مدد نئیں کر سکدا۔ روح القدس ایہو جئی تبلیغ دا استعمال تہانوں گناہ تے ’’ملامت‘‘ کرن دے لئی کردا اے۔ اِک اہم وجہ ایہ اے کہ ایس عنصر نوں جدید تبلیغ وِچوں نکال دین نال کوئی حیاتِ نو نئیں آندا اے۔ کوئی ملامت نئیں؟ تے کوئی حیاتِ نو نئیں!

عظیم مبشر جارج وائٹ فیلڈ نے اکثر کہیا کہ لوکی اُودھوں تیکر مسیح وِچ ایمان لیہیا کے تبدیل نئیں ہوندے جدوں تیکر کہ اُو اپنی بدکاری دے قائل نہ ہون۔ جدوں اِک شخص نوں یقین ہو جاندا اے کہ اُو گنہگار اے، تے اُو کُجھ وی ایہو جیہا نئیں کر سکدا جیہڑا اُوہدی مدد کر پائے، تے اُو یسوع دے سامنے سر جُھکان دے لئی تیار ہو جاندا اے، جیہڑا کہ گناہ دا واحد علاج اے۔ لہٰذا، روح القدس دا پہلا کام تہانوں اپنے گناہ تے قائل کرنا تے سزا دینا اے۔

میں باقی آیات اَٹھ تے نو تے صرف ایہ کہہ کے روشنی ڈٓال رہیا آں کہ روح القدس تہانوں قائل کردا اے مسیح دی راستبازی تہاڈی ہونی چائیدی اے۔ تے روح القدس تہانوں انصاف دے بارے چہ قائل کردا اے، ’’کہ اُو بُرائی وِچ پیہئے ہوئے نے، تے ابدی مذمت دے لائق نے‘‘ جیویں کہ شیطان دی مذمت کیتی گئی اے (میتھیو پولMathew Poole)۔

II۔ دوجی گل، اُو تہاڈی ساری سچائی وَل رہنمائی کردا اے۔

جدوں تسی اپنے گناہ، مسیح دی راستبازی تے آن آلے انصاف دے بارے وِچ قائل ہو جاندے اُو، تے روح القدس تہاڈی ساری سچائی وَل رہنمائی کردا اے۔ آیت 13 کہندی اے،

’’لیکن جدوں اُو ’’روح حق‘‘ آئے گا تے اُو …ساری سچائی وَل تہاڈی رہنمائی کرے گا‘‘ (یوحنا 16: 13)۔

ایس توں مُراد ساری روحانی سچائی اے۔ ’’اُو [تہانوں] انجیل دے سارے عقیدیاں دے مکمل علم وَل توجہ دلائے گا تے رہنمائی کرے گا، تے اُو ساریاں سچائیاں جیہڑیاں [تہانوں] جانن دی لوڑ اے‘‘ (جے سی رائیلی J. C. Ryle)۔ روح القدس کیویں گمراہ ہوئے لوکاں دی سچائی وَل رہنمائی کردا اے ایہدی اِک عمدہ مثال اعمال دے اَٹھویں باب وِچ دتی گئی اے۔ ایتھوپیا دا خواچہ سرا یسعیاہ دا ترپنواں باب پڑھ رہیا سی۔ فلپ اُوہدے کول آیا تے

’’اُوہنے اپنا مُنہ کھولیا، تے اُوسی صحیفے توں شروع کیتا، تے اُوہنوں یسوع دی منادی کیتی‘‘ (اعمال 8: 35)۔

ایہ ساڈے تے ظاہر کردا اے کہ روح القدس اِک گمراہ ہوئے گنہگار نوں مسیح دی سچائی وِچ رہنمائی کرن دے لئی دو گلاں دا استعمال کردا اے۔ پہلی، اُو بائبل دا استعمال کردا اے، تے دوجی، اُو بائبل نوں تہاڈے تے بیان کرن تے لاگو کرن دے لئی اِک ہُور اہل مسیحی نوں استعمال کردا اے۔

جے تُسی نجات پانا چاہندے اُو، تے تہانوں بائبل نوں سُننا چائیدا اے۔ تہانوں پادری دی بائبل دی تبلیغ نوں سُننا چائیدا اے۔ تہانوں سُننا چائیدا اے جیویں کہ تہاڈے معاملے تے بائبل دا اِطلاق ہوندا اے۔

تہاڈے کول یسوع، تے نجات دے بارے وِچ بہوتے غلط خیالات ہون گے۔ ایہناں غلط خیالات تے اُودھوں ای قابو پایا جا سکدا اے جدوں تُسی خدا دا کلام حاصل کردے اُو، تے خدا دے کلام توں ہدایات حاصل کردے اُو۔ جدوں تُسی اپنے دِل تے دماغ نوں جیہڑا بائبل وِچ خدا کہندا اے حوالے کر دیہندے نے تے روح القدس ’’ساری سچائی وِچ تہاڈی رہنمائی کرے گا۔‘‘

ساڈے اِک مناد نے حال ای وِچ میہنوں اِک ایہو جئے شخص دے بارے وِچ دسیا جیہدے نال اُو گل کر رہیا سی۔ اُوس بندے دے مسیح تے نجات دے بارے وِچ بہوتے غلط خیالات سن۔ مُناد صاحب نے اپنے ہر جھوٹے خیالات دا جواب ایہناں موضوعات تے کلام پاک دی آیات دے کر دِتا۔ بعض اوقات کسی شخص نوں اپنے غلط خیالات نوں ترک کرن تے بائبل دی گلاں نوں قبول کرن وِچ کئی دِن لگ جاندے نے۔ ایس لئی اَسی تہاڈے نال سوال کرنے آں تے تہاڈے جوابات سُننے آں۔ اَسی تہاڈے نال بحث کرن دے لئی اینج نئیں کر رئے آں – بلکہ صرف تہاڈی مدد دے لئی کر رئے آں۔ ڈاکٹر آر اے ٹورے Dr. R. A. Torrey دی جیب وِچ آ جان والی نِکّی جئی کتاب Vest Pocket Companion جیہدے وِچ (ہُن سورڈ آف دی لارڈ دے ذریعہ شائع کیتا گیا اے) صحیفے دی آیتاں دی فہرست پیش کردے نے جیہڑے گمشدہ تے گمراہ لوکاں نوں درپیش مختلف مسائل دا جواب دین دے لئی استعمال کیتی جا سکدی نے، تے اُوہناں دے غلط خیالات ایس بارے وِچ نے کہ اُوہناں نوں کیویں بچایا جائے۔

لیکن اَسی نئیں جان سکدے کہ تہاڈے نال کیہڑی گل کرنی اے جدوں تیکر کہ اَسی پہلاں تہاڈے نال سوالات نہ کریے تے فیر تہاڈے جوابات نہ سُنیے۔ فیر، جدوں سانوں پتہ چلدا اے کہ تہاڈا خیال غلط اے، تے اَسی تہانوں ایہ وکھان دی پوری کوشش کرنے آں کہ خدا دا کلام ایس موضوع تے کی کہندا اے۔ جے تُسی غور نال سُنندے اُو تے، بائبل دے جوابات روح القدس دے ذریعے ’’تہاڈی ساری سچائی وِچ رہنمائی‘‘ دے لئی استعمال کیتے جان گے۔

III۔ تیجی گل، اُو مسیح دی تمجید کردا اے۔

تیجی گل جیہدے تے میں ایس حوالے تے زور دینا چاہنا آں اُو ایہ اے کہ روح القس ہمیشہ خداوند یسوع مسیح دی تمجید کرنا آں۔ چودھویں آیت نوں ویکھو،

’’اُو میرا جلالا ظاہر کرے گا‘‘ (یوحنا 16: 14)۔

یونانی لفظ جیس دا ترجمہ ’’جلال‘‘ کیتا گیا اے ایہدا مطلب اے ’’بڑھا چڑھا کے‘‘، عزت کرنا، تعریف کرنا‘‘ (وائنVine)۔ جے سی رائیلی J. C. Ryle کہندے نے،

اُو مسلسل سکھائے گا تے رہنمائی کرے گا، تے شاگرداں دی رہنمائی کرے گا تاکہ اُو مسیح دا زیادہ چرچا کرن۔ کوئی وی مذہبی تعلیم جیہڑی مسیح نوں سربُلند کرن دا رجحان نئیں رکھدی، اُوہدے بارے چہ اِک مہلک عیب اے۔ ایہ روح القدس توں نئیں ہو سکدی (انجیل تے تفسیراتی خیالات Expository Thoughts on the Gospel، بینر آف ٹرتھ Banner of Truth، 1987، صفحہ 166)۔

ایہ آیت مسیح دے بعد تے اُوہدے بعد دے سارے اضافے تے دکھاوے آلے انکشافات دے خلاف فیصلہ کُن اے۔ ایہ روح دا کام اے کہ اُو مسیح دی گلاں دی گواہی دے، نہ کی کسی نئی گل دی یا ایس توں آگے دی (گذشتہ گل دے تسلسل وِچ ibid.)۔

سارے حقیقی مذہبی علم یسوع مسیح وِچ نے۔

’’لیکن تُسی خدا وَلوں یسوع مسیح وِچ اُو، جِنہوں اُوہنے ساڈے لئی حکمت، راستبازی، پاکیزگی تے مخلصی ٹھہرایا۔ تاکہ جیویں لکھیا اے کہ جے کوئی فخر کرنا چاہے تے خدا تے فخر کرے‘‘ (I کرنتھیوں 30۔31)۔

روح القدس جو کُجھ وی کردا اے، یا اُو جیس قسم دی رہنمائی کردا اے، اُو ہمیشہ گمراہ ہوئے بندے نوں یسوع مسیح وَل اشارہ کردا اے – کیوں جے صرف یسوع مسیح ای تہانوں بچا سکدا اے!

’’نجات کسی ہُور دے وسیلے توں نئیں اے کیوں جے آسمان دے ہیٹاں لوکاں نوں کوئی دوجا ناں نئیں دِتا گیا اے جیس دے وسیلے توں اَسی نجات پا سکن‘‘ (اعمال 4: 12)۔

اُو سارا کُجھ جیہڑا تہانوں نجات دے لئی درکار اے مسیح وِچ پایا جاندا اے!

تیرے وِچ مکمل! میرا کوئی کام نئیں
لے لے، پیارے خداوند، تیری تھاں،
تیرے لہو نے میرے لئی معافی خرید لئی اے،
تے ہُن میں تیرے وِچ مکمل آں۔
(’’تیرے وِچ مکمل Complete in Thee‘‘ شاعر ایرون آر ولفی Aaron R. Wolfe، 1821۔1902؛ گیت دا بار بار گایا جان والا حصہ گایا جیمس ایم گرے James M. Gray، 1851۔1935)۔

تے اِک ہوُر گل، غور کرو کہ یسوع نے آیات 14 تے 15 وِچ کی کہیا،

’’اُو میرا جلال ظاہر کرے گا کیوں جے اُو میری گلاں میری زبانی سُن کے تہاڈے تیکر پہنچائے گا۔ سارا کُجھ جو وی باپ دا ہے میرا اے۔ ایہو ای وجہ اے کہ میں کہیا کہ پاک روح میری گلاں میری زبانی سُن کے تہاڈے تیکر پہنچائے گا‘‘ (یوحنا 16: 7۔15)۔

’’اُو میری گلاں میری زبانی سُن کے تہاڈے تکر پہنچائے گا۔‘‘ ’’اُو میری گلاں میری زبانی سُن کے تہاڈے تیکر پہنچائے گا۔‘‘ روح القدس مسیح دا جلال تے عزت ظاہر کردا اے جیہڑا کُجھ مسیح نے کہیا اے اُوہدے کولوں سُن کے تہاڈے تیکر پہنچاندا اے۔ روح القدس تہانوں مسیح دے نال ’’جوڑدا‘‘ اے۔ تُسی ایتھے زمین تے اُو – تے مسیح آسمان تے اے۔ روح القدس اُو اے جیہڑا تہانوں مسیح دے نال جوڑدا اے۔ اُو تہاڈی مسیح تیکر رسائی کرواندا اے۔

لیکن اِک گمراہ ہوئے بندے دے لئی روح القدس دے بارے وِچ سوچنا اِک مہلک غلطی اے! جی نئیں – اینج نہ کرو! اپنے خیالات مسیح تے رکھو، ’’خدا دا برّہ، جیہڑا دُنیا دے گناہ اُٹھا لے جاندا اے‘‘ (یوحنا 1: 29)۔

’’اُو میرا جلال ظاہر کرے گا‘‘ (یوحنا 16: 14)۔

یسوع دے بارے وِچ سوچو۔ یسوع دے کول آؤ۔ یسوع تے یقین کرو۔ اُو اُوہی اے جیہڑا تہاڈے گناہواں دی ادائیگی دے لئی سولی تے قربان ہو گیا۔ اُو اُوہی اے جیہڑا جسمانی طور تے مُردیاں وِچوں جی اُٹھیا۔ اُو اُوہی اے جیہڑا خدا دے داہنے ہتھ تے آسمان وِچ زندہ اے۔ یسوع مسیح، خدا دا پُتر، اُوہی اے جیہڑا تہاڈے گناہواں نوں معاف کر سکدا اے تے اُوہناں نوں اپنے لہو نال ہمیشہ دے لئی دھو سکدا اے!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔