ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع نے اپنے آپ نوں زندہ ظاہر کیتا۔ اُوہنے اپنے آپ نوں رسولاں دے سامنے ’’پیش کیتا‘‘ (رائینیکرRienecker، نئے عہد نامے دی اِک لسانی کلیدA Linguistic Key to the New Testament)۔ اُوہنے اپنے آپ نوں ’’اپنے دُکھ سہن دے بعد زندہ‘‘ پیش کیتا، یعنی جدوں اُو ’’دُکھ اُٹھا‘‘ چکیا سی اُوہدے بعد (سٹرانگ دی [اہم لفظاں تے سیاق و سباق دے اشاریاں آلی] کتاب Strong's Concordance)۔ ایس تکلیف وِچ کوڑے مارنا وی شامل سی، جِنہے اُوہدی کمر توں چمڑی نوں کِیھچ لیہیا، تے وڈے وڈے زخم لگائے۔ اُوہدی مصلوبیت، جِہدے دوران اُوہدے پیر تے ہتھ سولی تے کیلاں نال جڑے ہوئے سن۔ اُوہدی اذیت ناک موت؛ تے اُوہدی وکھی نوں چھیدنا، جدوں اُوہدے دِل وِچ نیزے دی اَنّی کھبوئی۔ لیکن مسیح دفن ہون دے تیجے دِن مُردیاں وِچوں جی اُٹھیا۔ تے اُوہنے ’’اپنے آپ نوں اپنے دُکھ اُٹھا چکن دے بعد بہتیرے ناقابلِ یقین ثبوتاں نال زندہ ظاہر کیتا۔‘‘

الفاظ ’’ناقابلِ یقین ثبوت‘‘ یونانی لفظ ’’ٹیکمیریاؤزtěkmērios‘‘ دا انگریزی ترجمہ اے۔ ایہدا مطلب اے ’’ظاہری ثبوت‘‘ (رائینیکرRienecker، ibid.) ’’طبّی زبان وِچ ’ظاہری ثبوت‘‘‘ (ولیم ہوبارٹWilliam Hobart، مقدس لوقا دی طبّی زبانیں، بیکرBaker، 1954، اعمال 1: 3 تے غور طلب گل)۔ کیلون نے کہیا،

یعنی اُوہدے نال تعلق رکھن آلی سچائی تے سوال نہ چُکیا جائے، اُوہنے کہیا کہ ایہ بہتیرے نشاناں تے نشانیاں توں ثابت ہویا اے [کہ] میں ثبوتاں دا ترجمہ کیتا اے (جان کیلونJohn Calvin، اعمال 1: 3 تے تبصرہ)۔

ایتھے صرف، اعمال 1: 3 وِچ سانوں دسیا گیا اے کہ مسیح ’’چالیس دِن تیکر اُوہناں نوں نظر آندا رہیا تے خدا دی بادشاہی دی گلاں سُنناندا رہیا‘‘ (اعمال 1: 3)۔

جے اُو اُوہناں دے سامنے صرف اِک وری ظاہر ہوندا تے ایہ کسی حد تیکر مشتبہ ہو سکدا سی، لیکن اپنے آپ نوں اُوہناں دے سامنے کثرت نال ظاہر کرن وِچ، تے ایس ذریعہ نال ظاہر کرن توں، اُو اُوس جہالت دی ملامت نوں وی دور کردا اے جیہڑی اُوہنے کہیا کہ رسولاں وِچ سی، کِدرے اینج نہ ہووے کہ ایہ اُوہناں دی تبلیغ نوں بدنام کر دیہندی (پچھلی گل نال منسلک ibid.)۔

مسیح بار بار رسولاں تے ظاہر ہویا تاکہ اُو اپنے جی اُٹھن نوں یقینی بنائے تے اُوہناں دی منادی نوں مضبوط کرے۔

’’دُکھ سہن دے بعد، یسوع نے اپنے زندہ ہو جان دے کئی قوی ثبوتاں نال اپنے آپ نوں اُوہناں تے ظاہر وی کیتا‘‘ (اعمال 1: 3)۔

اَسی اَج سویرے مسیح دے مُردیاں وِچ جی اُٹھن دے ایہناں تین ’’ناقابلِ یقین ثبوتاں‘‘ دے بارے وِچ سوچاں گے۔

I۔ پہلی گل، جدوں اُو قبر تے آئے تے اُو خالی سی۔

اُو عورتاں جیہڑیاں قبر تے آئیان سن اُوہناں نے اُوہناں خالی پایا۔ اُو اُوہدے پینڈے تے لگان لئی مسالے لے کے آئیاں سن – لیکن قبر خالی سی۔ ’’سجّے پاسے بیٹھے اِک نوجوان شخص‘‘ نے اُوہناں نوں کہیا، (مرقس 16: 5)۔

’’تُسی یسوع ناصری نوں لبھدیاں اُو جِنہوں سولی تے چڑھا دِتا گیا سی: اُو جی اُٹھیا اے؛ اُو ایتھے نئیں اے: ویکھو ایہ اُو تھاں اے جِیتھے اُوہناں نے اُوہنوں رکھیا سی‘‘ (مرقس 16: 6)۔

خود رسولاں نے قبر نوں خالی پایا۔ مریم مگدلینی نے نٹھ کے پطرس نوں دسیا کہ مسیح دی لاش اُوتھے نئیں اے۔

’’ایہ سُنندے ای پطرس تے اُو دوجا شاگرد [یوحنا آپئے] قبر وَل ٹُر پیہئے۔ دوویں نٹھے جا رئے سی لیکن اُو دوجا شاگرد، پطرس توں اَگے نکل گیا تے قبر تے اُوہدے توں پہلاں جا پہنچا۔ اُوہنے جھک کے اندر ویکھیا تے سوتی کپڑے پیہئے ویکھے لیکن اندر نئیں گیا۔ ایس دوران شمعون پطرس وی پیچھے پیچھے اُوہدے پہنچ گیا تے سیدھا قبر وِچ داخل ہو گیا۔ اُوہنے ویکھیا کہ اُوتھے سوتی کپڑے پیہئے ہوئے نے، تے کفن دا اُو رومال وی جیہڑا یسوع دے سر تے لپیٹیا گیا سی۔ سوتی کپڑیاں توں الگ اِک تھاں تہہ کیتا ہویا پیہیا سی‘‘ (یوحنا 20: 3۔8)۔

ایتھوں تیکر کہ کافر رومی تے یہودی وی جانندے سن کہ قبر خالی اے۔ متی سانوں دسدا اے،

’’ہُنے اُو عورتاں راہ وچ ای سن کہ پہرے داراں وِچوں بعض شہر گئے تے اہم کاہناں نوں سارا ماجرا کہہ سُنایا۔ ایہدے تے اہم کاہناں نے بزرگاں نال مِل کے مشورہ کیتا تے سپاہیاں نوں منصوبے دے تحت، اِک وڈی رقم ادا کیتی، تے کہیا، تُسی ایہ کہنا، ’رات دے ویلے جدون اَسی سو رئے سی تے اُوہدے شاگرد آئے تے یسوع دی لاش نوں چُرا لے گئے۔ تے جے ایہ خبر حاکم دے کاناں تیکر پہنچی تے اَسی اُوہنوں مطمئن کر دیاں گے تے تہانوں خطرے توں بچا لیہیاں گے۔ چنانچہ سپاہیاں نے رقم لے کے جیویں اُوہناں نوں سِکھایا گیا سی اُونج ای کیتا۔ تے ایہ گل اَج تیکر یہودیاں وِچ مشہور اے‘‘ (متی 28: 11۔15)۔

لی سٹروبلLee Strobel مسیح دا مقدمہ The Case of Christ تے ایمان دا مقدمہ The Case for Faith دے مصنف نے۔ سٹروبل سانوں دسدا اے،

یہودی رہنماواں نے ایہ مضحکہ خیز کہانی پیش کیتی کہ محافظ سو گئے سن۔ ظاہر اے کہ اُو تیلے نوں پھر رئے سن۔ لیکن گل ایہ اے کہ: اُوہناں نے اُوہدے مفروضے دے نال آغاز کیتا کہ قبر خالی سی! … قدیم ترین یہودی دلیل خالی قبر دی سچائی نوں پیش کردی اے۔ دوجے لفظاں وِچ، کوئی وی ایہ دعویٰ کرن آلا نئیں سی کہ قبر وِچ ہُنے وی یسوع دا جسم موجود اے۔ سوال ایہ سی کہ جسم نوں کی ہویا؟ (لی سٹروبل، فیصلہDecision، اپریل، 2003، صفحہ 9)۔

یہودی رہنماواں دی دلیل تین وجوہات دی وجہ توں غلط سی:

(1) پیلاطس، رومی گورنر، مقبرے نوں سیل کر دِتا سی تے رومی محافظاں نوں اُوہدی نگرانی دے لئی مقرر کیتا سی۔ جے اُو سو جاندے تے اُوہناں پہرہ داراں دی اپنی جان دی قیمت لگ جاندی۔ رومی سپاہی اَج دے بحریہ دے کمانڈراں وانگوں سخت دل تے تقریباً ایہنے ای تربیت یافتہ سن۔ ایہ ممکن ایہ نئیں کہ ایہنج لوکی سو جان۔ ایس توں علاوہ، البرٹ روپر دسدے نے کہ مقبرے دی حفاظت کرن آلے رومی سپاہیاں دی تعداد تقریباً بیس سی، تے اُو اِک رومی صوبےدار دی قیادت وِچ سن (حوالہ ویکھو جوش میک ڈویلJosh McDowell، نئے ثبوت جہہڑئ عدالتی فیصلے دا مطالبہ کردے نے The New Evidence That Demands a Verdict، صفحہ 235)۔

(2) ایتھوں تیکر کہ جے ایہ ناممکن رونما ہو جائے تے اِک صوبہ دار تے بیس رومی سپاہی سو گئے تے ایہ محافظ کیویں سوتے رئے جدوں کہ اردگرد دی مہر ٹُٹ گئی سی تے اُو وڈا پتھر واپس لڑھک گیا سی۔ اُوہنے بہوتا شور مچایا ہووے گا کیوں جے اُوہنوں بوہے توں قبر تیکر لڑھکایا گیا سی۔ سخت جان، بہترین تربیت یافتہ رومی محافظ ایس سارے شور وِچ سو نئیں سکدے سن جیہڑا مہر دے ٹُٹن تے وڈے پتھر دی لڑھکن دی وجہ توں ہوندا۔

(3) ایتھوں تیکر کہ جے پتھر نوں ہٹا دِتا گیا سی، تے محافظاں نوں کیویں پتہ چلدا کہ لاش چوری ہوئی اے – جے اُو سو رئے سن؟ اُو شاید نئیں جان سکدے سن کہ جے اُو سو رئے سن تے کی ہویا! تے رشوت تے دھوکہ دہی دی ایہ ساری کہانی اِک مضحکہ خیز، جھوٹ تے مبنی اے۔ لیکن بے ایمان یہودی رہنماواں تے رومی محافظاں دی ایس گھناؤنی سازش توں اِک شے صاف ظاہر ہُوندی اے – اُو جانندے سن کہ قبر خالی اے۔ اُو جانندے سن کہ مسیح اُوتھے نئیں سی۔

لی سٹروبل لکھدے نے،

ایہناں حقیقتاں دے پیش نظر، شبہ کرن آلے یسوع دے جسم نوں دوبارہ قبر وِچ ڈالن وِچ غیرمؤثر رئے نے۔ اُو بھڑک اُٹھدے نے۔ اُو جدوجہد کردے نے۔ اُو خود متضاد نے۔ تے اُو شواہد دا محاسبہ کرن دی کوشش کرن دے لئی غیرمعمولی نظریات دی پیروی کردے نے، فیر وی ہر وری، اَخیر وِچ، قبر خالی رہندی اے (ibid.)۔

مسیح دے مُردیاں وِچوں جی اُٹھن دا پہلا ’’ناقابلِ یقین ثبوت‘‘ خالی قبر اے۔ میں یروشلم گیا آں۔ میں تے میری ووہٹی نے مسیح دی قبر ویکھی اے۔ میں خود تہانوں دس سکنا آں – اُو قبر خالی اے!

’’اُو ایتھے نئیں اے کیوں جے اُو جی اُٹھا اے، جیویں کہ اُوہنے کہیا سی۔ آؤ، اُوس تھاں نوں ویکھو جیتھے یسوع نوں رکھیا گیا سی‘‘ (متی 28: 6)۔

خالی قبر یسوع مسیح دے جی اُٹھن دا پہلاں ناقابلِ یقین ثبوت اے!

’’دُکھ سہن دے بعد، یسوع نے اپنے زندہ ہو جان دے کئی قوی ثبوتاں نال اپنے آپ نوں اُوہناں تے ظاہر وی کیتا تے اُو چالیس دِناں تیکر اُوہناں نوں نظر آندا رہیا تے خدا دی بادشاہی دیاں گلاں سُناندا رہیا‘‘ (اعمال 1: 3)۔

II۔ دوجی گل، شاگرداں نے اُوہنوں کئی وری ویکھیا جدوں اُو مُردیاں وِچوں جی اُٹھیا۔

ایہ مسیح دے جی اُٹھن دا دوجا ’’ناقابلِ یقین ثبوت‘‘ اے۔ مسیح اِک وری شاگرداں تے ظاہر نئیں ہویا۔ اُوہنے اپنے آپ نوں چالیس دِن دی لمبی مدت تیکر کئی وری اُوہناں تے ظاہر کیتا۔ اُو دس رسولاں دے کول آیا جدوں اُو اِک بند کمرے وِچ اِکٹھے سن۔

’’ہفتہ دے پہلے دِن شام دے ویلے، جدوں شاگرد اِک تھاں جمع سن، تے یہودی رہنماواں دے خوف توں بوہے بند کیتے بیٹھے سن، یسوع اچانک اُوہناں دے وِچکار آن کِھلوتا تے بولیا، تہاڈے تے سلامتی ہووے، ایہ کہہ کے اُوہنے اپنے ہتھ تے اپنی پسلی اُوہناں نوں ویکھائی۔ شاگرد خداوند نوں ویکھ کے خوشی نال بھر گئے۔ یسوع نے فیر توں کہیا، تہاڈے تے سلامتی ہووے! جیویں باپ نے میہنوں پیہجھیا اے اُونج ای، میں تہانوں پیہجھ رہیا آں۔ ایہ کہہ کے اُوہنے اُوہناں تے پھونکیا تے کہیا، ’پاک روح پاؤ‘‘‘ (یوحنا 20: 19۔22)۔

لیکن توما، شاگرداں وِچوں اِک، اُوتھے نئیں سی۔ جدوں دوجے شاگرداں نے اُوہنوں کہیا، ’’اَسی خداوند نوں ویکھیا اے‘‘ (یوحنا 20: 25)، اُوہنے اُوہناں تے یقین نئیں کیتا۔ اُوہنے کہیا،

’’جدوں تیکر میں کیلاں دے سوراخ دے نشان اُوہدے ہتھاں وِچ ویکھ کے اپنی اُنگلی اُوہناں وِچ نہ پا لیہواں، تے اپنے ہتھ نال اُوہدی پسلی نہ چھو لیہواں، اُودھوں تیکر یقین نہ کراں گا۔‘‘ (یوحنا 20: 25)۔

ڈاکٹر جان میک آرتھر، اگرچہ مسیح دے لہو تے ’’خداوند دی نجات‘‘ دے بارے وِچ غلط نے، لیکن اُو درست اے جدوں اُو کہندے نے، ’’توما دے اعمال نے نشاندہی کیتی کہ یسوع نوں اپنے جی اُٹھن دے بارے وِچ زبردستی اپنے شاگرداں نوں قائل کرنا سی، یعنی، اُو بے وقوف لوکی نئیں سن جیہڑے قیامت تے یقین رکھدے سن۔ گل ایہ اے کہ اُوہناں نے ایہنوں گھڑ کے یا فریب وِچ نئیں کہیا ہووے گا، کیوں جے اُو ایہناں ثبوتاں دے باوجود وی یقین کرن توں گریزاں سن جیہڑا اُو ویکھ سکدے سن‘‘ (میک آرتھر دا مطالعۂ بائبلMacArthur Study Bible، یوحنا 20: 24-26 تے غور طلب گل)۔

’’اِک ہفتہ بعد یسوع دے شاگر اِک وری فیر اُوسی تھاں موجود سن، تے توما وی اُوہناں دے نال سی۔ اگرچہ بوہے بند سن، یسوع آ کے اُوہناں دے وِچکار آن کِھلوتا، تے اُوہنوں نوں کہیا، تہاڈے تے سلامتی ہووے! فیر اُوہنے توما نوں کہیا، اپنی اُنگلی لیہیا؛ تے میرے ہتھاں نوں ویکھ تے اپنا ہتھ ودھا تے میری پسلی نوں چُھو، شک مت کر بلکہ ایمان رکھ ۔ تے توما نے اُوہنوں کہیا، اے میرے خداوند تے اے میرے خدا!‘‘ (یوحنا 20: 26۔28)۔

جدوں توما نے کہیا، ’’میرے خداوند تے میرے خدا‘‘ اُوہنوں اَخیر کار یقین ہو گیا کہ مسیح جسمانی طور تے مُردیاں وِچوں جی اُٹھیا اے!

سانوں یاد رکھنا چائیدا اے کہ یسوع نے کُجھ ایہو جیہا ای اِک ہفتہ پہلاں اُوہناں دس شاگرداں نوں کہیا سی جیہڑا اُوہنے توما نوں کہیا، جدوں اُو اُوہناں دے کول آیا تے اُو خوفزدہ ہو گئے،

’’لیکن اُو ایس قدر ہراساں تے خوفزدہ ہو گئے، کہ سمجھن لگے کہ کسی روح نوں ویکھ رئے نے۔ یسوع نے اُوہناں نوں کیہیا، تُسی کیوں گھبرائے ہوئے اُو تے تہاڈے دِلاں وِچ شک کیوں پیدا ہو رئے نے؟ میرے ہتھ تے پیر ویکھو، میں ای آں! میہنوں چھو کے ویکھو؛ کیوں جے روح دی ہڈیاں تے گوشت نئیں ہوندا، جیویں کہ تُسی میرے چہ ویکھ رئے اُو۔ ایہ کہن دے بعد، اُوہنے اُوہناں نوں اپنے ہتھ تے پیر وکھائے۔ لیکن خوشی تے حیرت دے مارے اُوہناں نوں یقین نئیں آ رہیا سی، یسوع نے اُوہناں نوں کہیا، کی ایتھے تہاڈے کول کُجھ کھان نوں اے؟ اُوہناں نے اُوہنوں بُھنی ہوئی مچھلی دا قتلہ پیش کیتا، تے اُوہنے اُوہناں کولوں لیہیا تے اُوہنا دے سامنے کھایا‘‘ (لوقا 24: 37۔43)۔

ایہ بیان سانوں واضح طور تے دسدا اے کہ یسوع روح دے طور تے نئیں جی اُٹھیا۔ یہوواہ دے گواہ غلط نے جدوں اُو ایہ کہندے نے۔ جی نئیں، اُوہدا حقیقی ’’گوشت تے ہڈی‘‘ آلہ جسم مُردیاں وِچوں جی اُٹھیا سی۔ ایہ اُوہی لاش سی جیہڑی قبر توں غائب سی۔ اُو اُوہدے ہتھاں تے پیراں وِچ کیلاں نال زخم ویکھ سکدے سن۔ اُو اُوہدی وکھی وِچ نیزے دا زخم ویکھ سکدے سن۔ تے یسوع نے اُوہناں نوں کہیا،

’’میہنوں چھو کے ویکھو؛ کیوں جے روح دی ہڈیاں ای ہوندیاں نے تے نہ گوشت جیویں تُسی میرے وِچ ویکھ رئے اُو‘‘ (لوقا 24: 39)۔

ایہ ایس گل دا مثبت ثبوت سی کہ مسیح دا اپنا جسم مُردیاں وِچوں جی اُٹھیا سی!

’’دُکھ سہن دے بعد، یسوع نے اپنے زندہ ہو جان دے کئی قوی ثبوتاں نال اپنے آپ نوں اُوہناں تے ظاہر وی کیتا تے اُو چالیس دِناں تیکر اُوہناں نوں نظر آندا رہیا تے خدا دی بادشاہی دیاں گلاں سُناندا رہیا‘‘ (اعمال 1: 3)۔

پولوس رسول سانوں ایہناں لوکاں دی فہرشت دیہندا اے جِنہاں نے یسوع نوں مُردیاں وِچوں جی اُٹھن دے بعد ویکھیا،

’’دفن ہویا تے کتابِ مقدس دے مطابق تیجے دِن مُردیاں وِثوں زندہ ہو گیا۔ تے کیفا [پطرس دا اِک ہُور ناں] نوں تے فیر بارہ رسولاں نوں وکھائی دِتا۔ اُوہدے بعد پنج سو توں زیادہ مسیحی بھائیاں تے بہناں نوں اِک ساتھ وکھائی دِتا جِنہاں وِچوں اکثر ہُنے تیکر زندہ نے، بعض البتہ مر چکے نے۔ فیر یعقوب نوں وکھائی دِتا، اُوہدے بعد سارے رسولاں نوں، تے سب توں اَخیر وِچ میہنوں وی وکھائی دِتا‘‘ (I کرنتھیوں 15: 4۔8)۔

ڈاکٹر ہنری ایم مورسDr. Henry M. Morris تخلیق دی تحقیق دے ادارے Institute for Creation Research دے صدر نے۔ اُو اِک سائنسدان نے جِنہاں نے مینیسوٹا یونیورسٹی توں ہائیڈرولوجی وِچ پی ایچ ڈی دی ڈگری حاصل کیتی اے۔ I کرنتھیوں 15: 4-8 وِچ درج چشم دید گواہوں دی فہرست دے بارے چہ، ڈاکٹر مورس ایہ کہندے نے:

مسیح دے جی اُٹھن دے چشم دید گواہاں دی شاندار نمائش وِچ (جِنہاں وِچوں زیادہ تر ہُنے تیکر زندہ سن جدوں پولوس نے لکھیا سی تے جے ایہ سچ نہ ہوندا تے [واقعہ] توں انکار کر سکدا سی) شواہد دے بھاری بھرکم جسم دا حصہ اے (’’بہتیرے ناقابلِ یقین ثبوت‘‘ – اعمال 1: 3) جیہڑا ایہنوں تخلیق دے بعد توں تاریخ دا سب توں وڈٓا واقعہ بناندا اے۔ یسوع مسیح نے، درحقیقت، موت تے فتض حاصل کیتی اے، اینج ایہ ظاہر کردا اے کہ اُو حیاتی دا خالق تے گناہ تے موت توں واحد ممکنہ نجات دہندہ سی (ہنری ایم مورس، پی ایچ ڈیHenry M. Morris, Ph.D.، دفاع کرن آلیاں دا مطالعۂ بائبل The Defender’s Study Bible، I کرنتھیوں 15: 6 تے غور طلب گل)۔

’’دُکھ سہن دے بعد، یسوع نے اپنے زندہ ہو جان دے کئی قوی ثبوتاں نال اپنے آپ نوں اُوہناں تے ظاہر وی کیتا تے اُو چالیس دِناں تیکر اُوہناں نوں نظر آندا رہیا تے خدا دی بادشاہی دیاں گلاں سُناندا رہیا‘‘ (اعمال 1: 3)۔

شاگرداں تے سینکڑہاں دوجے لوکاں نے اُوہنوں مُردیاں وِچوں جی اُٹھن دے بعد کئی وری ویکھیا۔ ایہ یسوع مسیح دے جی اُٹھن دا دوجا ناقابلِ یقین ثبوت اے!

III۔ تیجی گل، شاگرد مسیح دا انکار کرن دے بجائے مرن دے لئی تیار سن۔

میرے واسطے ایہ سب توں ڈھاڈا ثبوت اے کہ یسوع مُردیاں وِچوں جی اُٹھیا۔ ایہناں لوکاں نے اپنی باقی دی حیاتی ایہ اعلان کردے ہوئے لنگہائی کہ مسیح جی اُٹھیا اے – تے ایہ کہ اُوہناں نے اُوہنوں زندہ ویکھیا۔ I کرنتھیوں 15:5۔8 سانوں دسدا اے۔

’’اُو کیفا [پطرس] نوں وکھائی دِتا سی‘‘ (5 ویں آیت)۔

’’اُو پنج سو توں زیادہ بھائیاں نوں وکھائی دِتا سی‘‘ (6 ویں آیت)۔

’’اُو یعقوب نوں وکھائی دِتا سی؛ فیر سارے رسولاں نوں‘‘ (7 ویں آیت)۔

’’اُو میہنوں وی وکھائی دِتا سی‘‘ (8 ویں آیت)۔

اُوہناں نے کہیا کہ اُوہناں نے اُوہنوں ویکھیا اے، تے اُوہناں نے ایس توں انکار کرن دے بجائے اذیت تے شہادت دا سامنا کیتا!

جان اینکربرگ John Ankerberg تے جان ویلڈنJohn Weldon نے ایہ سوال پوچھیا،

کی مسیحی کلیسیا کدی ایہدے نتیجے وِچ وجود چہ آ سکدی سی جیہڑی یسوع دی مصلوبیت تے موت دے بعد، مایوس، خوفزدہ، شکی رسولاں دا اِک گروہ بن گیا سی؟ کوئی گنجائش نئیں۔ صرف مسیح دا مُردیاں وِچوں جی اُٹھنا ای شاگرداں نوں مسیح دے بارے وِچ منادی کرن دے لئی اپنی جان دین دے لئی تحریک دے سکدا اے (جان اینکربرگ تے جان ویلڈن، جواب دے نال تیارReady With and Answer، ہارویسٹ ہاؤس، 1997، صفحہ 82)۔

جان آر ڈبلیو اسٹوٹJohn R. W. Stott کہندے نے، ’’… یسوع دے شاگرداں دی تبدیلی مسیح دا مُردیاں وِچوں جی اُٹھن دا سب توں وڈٓا ثبوت اے‘‘ (جان آر ڈبلیو اسٹوت، بنیادی مسیحیت Basic Christianinty، دوسرا ایڈیشن، انٹرورسٹی پریس InterVarsity Press، 1971، صفحات 58۔59)۔

ہارورڈ دے اِک وکیل سائمن گرین لیف نے رسولاں توں تعلق رکھدے ہوئے ایہ کہیا، ’’ایہ ناممکن سی کہ اُو ایہناں سچائیاں دی تصدیق کردے رہندے جیہڑی اُوہناں نے بیان کیتیاں نے، جے یسوع حقیقی معنیاں وِچ مُردیاں وِچوں نئیں جی اُٹھیا سی، تے جے اُو ایس حقیقت نوں ایہناں یقینی طور تے نہ جانندے ہوندے جِنہاں کہ اُو کسی ہُور حقیقت نوں جانندے سن۔ فوجی جنگ دے تاریخی واقعات وِچ [اینج دی] بہادری، ثابت قدمی، صبر تے غیر متزلزل جرأت دی مثال نئیں لبھدی‘‘ (سائمن گرین لیفSimon Greenleaf، مبشرین دی گواہی، انصاف دی عدالتاں وِچ شواہد دے قواعد دے ذریعے جانچ کیتی گئیThe Testimony of the Evangelists, Examined by the Rules of Evidence، بیکرBaker، 1847 دے ایڈیشن دی 1965 وِچ دوجی وری اشاعت، صفحہ 29)۔

جوش میک ڈویلJosh McDowell نے کہیا،

جیویں یسوع مسیح نے اپنے شاگرداں دی حیاتیاں نوں بدل دِتا، اینج ای پچھلے انیس سو وریاں وِچ مرداں تے عورتاں دی حیاتیاں وی بدل گئیاں نے (جوش میکڈویل، اُو نئے ثبوت جیہڑے فیصلے دا تقاضا کردے نے The New Evidence That Demands a Verdict، صفحہ 253)۔

جدوں تہاڈے گناہ معاف کر دتے جاندے نے، تے تہاڈی حیاتی مسیح دے ذریعے بدل جاندی اے، تے ایہ سب توں زیادہ ناقابلِ یقین ثبوت اے – کہ اُو مُردیاں وِچوں جی اُٹھیا اے!

یسوع مسیح تہاڈے گناہواں دا کفارہ ادا کرن دے لئی سولی تے مریا۔ اُو مُردیاں وِچوں جی اُٹھیا، تے تیجے آسمان تے چڑھ گیا، جیتھے اُو ہُن خدا دے سجّے ہتھ تے بیٹھا اے۔ تُسی یسوع دے کول آ سکدے اُو تے اُوہدے تے پروہسا کر سکدے اُو۔ جے تُسی اینج کردے اُو، تے اُو تہاڈے گناہواں نوں اپنے لہو نال دھو دے گا، تے تہانوں ہمیشہ دی حیاتی دے گا۔ فیر عبادت کرن دے لئی گرجا گھر وِچ آؤ! تنہا کیوں رہوو؟ گھر آؤ – گرجا گھر وِچ!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔