اِک گمراہ شخص نوں گرجا گھر کیوں آنا چائیدا اے

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اِرتدادا دے ایہناں عجیب دِناں وِچ مقامی گرجا گھر دی بہتیرے لوکی تذلیل کر رئے نے تے ایہنوں غیر اہم سمجھدے نے۔ میں متفق نئیں آں۔ پرانے زمانے دے بپٹسٹ دے طور تے میں مقامی نئے عہدنامے دے گرجا گھر دی فضیلت تے ضرورت تے یقین کرن دے لئی کافی آں! یسوع نے کہیا،

’’ایس چٹان تے میں اپنا گرجا گھر بناواں گا؛ تے جہنم دے بوہے اُوہدے تے غالب نہ آن گے‘‘ (متی 16: 18)۔

میہنوں یقین اے کہ اُو یروشلم وِ مقامی کلیسیا یا گرجا گھر دے بارے وِچ گل کر رہیا سی۔ اُوہنے کہیا، ’’میں اپنی کلیسیا بناواں گا۔‘‘ مسیح کلیسیاواں یعنی [مقامی گرجا گھراں] دی تعمیر دے لئی آیا سی تے ہُور کُجھ نئیں۔ کیوں؟ کیوں جے مقامی گرجا گھر دی تھاں کوئی ہُور شے نئیں لے سکدی!

ساڈے بعد از مسیحی دور دے نوجواناں نوں ہر اِتوار نوں نئے عہدنامے دے بپتمسہ دین آلے گرجا گھر وِچ ہون دی لوڑ اے! میہنوں ایہ کیہن تے تنقید دا نشانہ بنایا گیا اے – لیکن میں ایہ کہندا رہواں گا – کیوں جے ایہو ای قطعی سچائی اے! ہر وری جدوں بوہا کُھلا لبھدا اے تہانوں ایس گرجا گھر وِچ ہون دی لوڑ اے۔

’’لیکن،‘‘ تُسی کہندے اُو، ’’میں مسیحی نئیں آں۔ کی میہنوں گرجا گھر آن دے لئی مسیحی ہون تیکر انتظار نئیں کرنا چائیدا اے؟‘‘ جی نئیں! ایہ شیطان وَلّوں اِک تِلمِلاندا خیال اے۔ اُو جھوٹا اے، تے جھوٹ دا پیو اے۔ ایتھوں تیکر کہ جے تُسی ہںے تیکر مسیحی نئیں ہوئے اُو، تہانوں ہر اِتوار نوں ایس گرجا گھر وِچ ہون دی لوڑ اے!

یسوع نے کہیا، ’’لوکاں نوں مجبور کرو کہ اُو آن‘‘ (لوقا 14: 23)۔ اُوہنے ایہ نئیں کہیا، ’’جاؤ تے اُوہناں نوں خوشخبری دا کتابچہ دیو۔‘‘ میں انجیل دے خطوط دے خلاف نئیں آں۔ اُوہناں دے لئی خداوند دا شکر اے۔ لیکن مسیح دے زمانے وِچ اُوہناں دے کول کوئی چھاپا خانہ نئیں سی۔ اُوہناں دے کول کاغذ وی نئیں سی جیویں کہ اَسی جاننے آں! ایہو ای وجہ اے کہ یسوع نے ایہ نئیں کہیا، ’’جاؤ تے اُوہناں نوں کاغذ دا اِک ٹکڑا دیو۔‘‘ اُوہناں دے کول کُجھ وی نئیں سی! جی نئیں! اُوہنے کہیا، ’’باہر شاہراہواں تے باڑاں وِچ جاؤ، تے لوکاں نوں مجبور کرو کہ اُو آن، تاکہ میرا گھر بھر جائے‘‘ (لوقا 14: 23)۔

تہاڈے وِچوں بہتیرے لوکاں نوں اَج دی سویرے ایتھے لیہایا گیا سی۔ ایہ تہاڈی حیاتی وِچ پہلی وار ہویا اے کہ تُسی انجیل دی منادی کرن آلے کسی گرجا گھر وِچ سی۔ اَسی گڈیاں وِچ کیوں گئے تے تہانوں لِفٹ دے کے ایتھے کیوں لیہیائے؟ اَسی ایہ کی کیتا کیوں جے یسوع مسیح نے سانوں اینج کرن نوں کہیا سی! اُوہنے کہیا، ’’باہر جاؤ …تے لوکاں نوں مجبور کرو کہ اُو آن، تاکہ میرا گھر بھر جائے۔‘‘ میہنوں ایہدے نال کوئی فرق نئیں پیہندا کہ اینج کرن نال کیہڑا ساڈے تے تنقید کردا اے – اَس کدی رُکن آلے نئیں آں! مسیح نے سانوں کہیا کہ تہانوں اُوس [یسوع دے] گھر وِچ لے آئیے، ’’زندہ خدا دی کلیسیا، سچائی دا ستون تے زمین‘‘ (1 تیمتھیس 3: 15)۔

کیہڑا جائے گا تے ایس چرواہے دی مدد کرے گا، اُوہدی مدد کرے گا کہ بھٹکن آلیاں نوں تلاش کرے؟
گمراہ ہوئے لوکاں نوں کون لیہیائے گا، کِدھروں ٹھنڈ توں پناہ لبھے گی؟
اُوہناں نوں اندر لے کے آؤ، اُوہناں نوں اندر لے کے آؤ، اُوہناں نوں گناہ دے میداناں وچوں اندر لے کے آؤ؛
اُوہناں نوں اندر لے کے آؤ، اُوہناں نوں اندر لے کے آؤ، آوارہ گردی کردے ہوئیاں نوں یسوع دے کول لہیاؤ۔
(’’اُوہناں نوں اندر لے کے آؤBring Them In‘‘ شاعر ایلیکسزینہ تھامس Alexcenah Thomas، 19ویں صدی)۔

’’راہواں تے کھیتاں دی باڑاں وَل نکل جا تے لوکاں نوں مجبور کر کہ اُو آن۔‘‘ اُوہناں نوں گناہ دے کھیتاں توں باہر لے آؤ! ’’گمشدہ لوکاں نوں کون [جماعت یعنی مقامی کلیسیا وِچ] واپس لیہیائے گا؟‘‘ ’’فولڈfold‘‘ کی اے؟ ایہ مقامی گرجا گھر یا کلیسیا اے – ایہو ای اے جیہدی گل ہو رئی اے! اُوہناں نوں مقامی گرجا گھر وِچ لے آؤ – تے فیر نجات پان دے لئی یسوع دے کول لیہیاؤ! ایس لئی اَسی اَج سویرے تہانوں ایتھے لیہیائے آں! کسی نوں دَسو کہ میں ایہ کہیا – تے ایہنوں انٹرنیٹ تے سُٹ دیو! میں اِک پرانے زمانے دے بپتسمہ دین آلے دے طور تے نئے عہدنامے دے مقامی گرجا گھر دی اولیت تے یقین کر سکن دے لئی کافی آں۔ کُجھ جدید بپتسمہ دین آلے گرجا گھر دی [حیثیت نوں] گھٹ کر دیہندے نے تے کہندے نے کہ ایہ اہم نئیں اے۔ سراسر بکواس! مسیح نے کہیا، ’’ایس چٹان تے میں اپنی کلیسیا [اپنا گرجا گھر] بناواں گا‘‘! سانوں ’’شاہراہواں تے باڑاں وِچ جان دی لوڑ اے، تے لوکاں نوں مجبور کرن دی لوڑ اے کہ اُو آن، تاکہ میرا گھر بھر جائے‘‘!

کی گمشدہ یا گمراہ لوکاں نوں گرجا گھر لیہایا جانا چائیدا اے؟ تُسی شرط لگاندے اُو! ایتھوں تیکر کہ جے تُسی حقیقی مسیحی نئیں اُو، تے تہانوں ایس انجیل دے منادی کرن آلے گرجا گھر دے وِچ ہون دی لوڑ نئیں اے۔ میں تہانوں چھ وجوہات دَسن جا رہیا آن جِنہاں وِچ تہانوں ہر اِتوار نوں ایتھے ایس گرجا گھر وِچ ہون دی لوڑ اے۔ ہُن تُسی سنو۔ اِرتداد دے ایس دور وِچ – تُسی ایہ ٹی وی تے نئیں سُنو گے، تُسی اَج کسی وی تھاں تے ایہ نئیں سُنو گے۔ نوجوانو، غور نال سُنو۔ ایتھے چھ وجوہات نے جِنہاں دے لئی تہانوں گرجا گھر وِچ ہر وری بوہا کُھلا ہون دی صورت وِچ موجود ہون دی لوڑ اے۔

I۔ پہلی گل – چنگے بیلی بنان دے لئی گرجا گھر اِک بہترین تھاں اے۔

اَسی معذرت کیتے بغیر کہنے آں، ’’تنہا کیوں رہیا جائے؟ گھر ٹُری آؤ – گرجا گھر دے لئی!‘‘ ایہ پرانا شہر اَج نوجواناں دے لئی اِک تنہا تھاں اے۔ بہوتی گھٹ لوکی نے جِنہاں تے تُسی اعتماد کر سکدے اُو۔ ایہ شہر ’’زنا، ناجائز جنسی تعلقات، ناپاکی، شہوت پرستی، بت پرستی، جادو ٹونے، نفرت، فرق، تقلید، غیض وغضب، جھگڑے و فساد، فتنیاں، بدعتاں، حسد، قتل، شراب نوشی، بدگمانیاں نال بھریا ہویا اے‘‘ (گلتیوں 5: 19-21)۔ ایہ پرانا شہر اِک جہنم اے، تے تُسی جانندے اُو! تہانوں اپنے بیلی بنان دے لئی چنگے لوکی کیتھے لبھہن گے؟ اِک مَے خانے وِچ؟ رقص دی اِک تقریب وِچ؟ منشیات دی دعوت وِچ؟ بس تہانوں ایہو جئے بیلی کیتھے لبھہن گے جِنہاں تے پروہسا کر سکو؟ گھر ٹُری آؤ – گرجا گھر دے لئی! ایہ اُو تھاں اے جیتھے تہانوں ’’محبت، خوشی، امن، تحمل، نرمی، نیکی، ایمان، حلیمی، تحمل‘‘ آلے لوکی لبھہن گے (گلتیوں 5: 22-23)۔ گھر ٹُری آؤ – گرجا گھر دے لئی! کُجھ حقیقی بیلی تلاش کرو جِنہاں تے تُسی اعتماد کر سکدے اُو!

لہٰذا، پہلے نمبر تے، گرجا گھر آؤ کیوں جے چنگے بیلی بنان دے لئی ایہ زمین تے بہترین تھاں اے – ایس لئی تُسی تنہا نئیں ہوو گے۔ ایہ پہلی وجہ اے کہ جدوں وی بوہا کُھلا ہوندا اے تے تہانوں گرجا گھر وِچ ہونا چائیدا اے۔

II۔ دوجی گل – اِتوار نوں ہون دے لئی گرجا گھر بہترین تھاں اے۔

اِتوار اُو دِن اے جیس دِن مسیح مُردیاں وِچوں جی اُٹھیا۔ ایہ رومن کیلنڈر تے ہفتے دا پہلا دِن سی۔ I کرنتھیوں 16: 2 دے مطابق، ابتدائی مسیحی ہر ہفتے دے ’’پہلے دِن‘‘ اِکٹھے ہو کے ملدے سن۔ اُو دوجے دِناں وِچ اِک دوجے نوں ملدے سن، جیویں کہ اَسی اپنے گرجا گھر وِچ کرنے آں۔ لیکن اُوہناں نے پہلاں دِن خاص طور تے اِتوار نوں مسیح دے جی اُتھن نوں یاد کرن دے لئی الگ رکھیا۔ ’’تے اُو رسولاں دی تعلیم تے رفاقت وِچ تے روٹی توڑن تے دعاواں وِچ ثابت قدم رئے‘‘ (اعمال 2: 42)۔

گرجا گھر اِتوار نوں ہون دی بہترین تھاں اے۔ میں جاننا آں کہ ایہ تہانوں عجیب لگ سکدا اے۔ تُسی ایس عظیم بےدین، بے خدا شہر لاس اینجلز توں باہر آندے اُو، جیتھے ہر گل اِتوار نوں گرجا گھر وِچ ہون دے خلاف اے۔ ایتھوں تیکر کہ اُو اِتوار دی سویر دی عبادت دے روایتی ویلے دے دوران، لاس اینجلز میراتھن دوڑاندے نے۔ اُو سڑکاں نوں بند کر دیہندے نے، جیہدے نال ساڈے لئی ایتھے شہر دے وِچکار گرجا گھر جانا انتہائی مشکل ہو جاندا اے۔ جدوں ایہناں نوں گرجا گھر وِچ ہونا چائیدا اے تے دسیوں ہزارہا لوکی سڑکاں تے بے دردی نال دوڑدے نے۔

جدوں پرانے زمانے دا بپتسمہ دین آلا اِک مبلغ تہانوں دسدا اے کہ تہانوں ہر اِتوار دی سویرے انجیل دی تبلیغ کرن آلے گرجا گھر وِچ ہونا چائیدا اے، میں جاننا آں کہ ایہ تہاڈے لئی اِک نوکافر پس منظر نال تعلق رکھن آلے نوجواناں دے لئی مشکل تے مشکل ترین لگدا اے۔ لیکن ایہ ہُںے وی سچ اے۔ گرجا گھر اِتوار نوں ہون دے لئی بہترین تھاں اے – ہر اتوار! کیوں؟ کیوں جے

’’دُنیا تے اُوہدی ہوس مٹ جاندی اے لیکن جیہڑا خدا دی مرضی تے ٹردا اے اُو ابد تیکر قائم رہندا اے‘‘ (1 یوحنا 2: 17)۔

ایہ دُنیا ختم ہو رئی اے۔ چھیتی ای لاس اینجلز میراتھن وِچ نٹھن آلے سارے لوکی مر جان گے۔ اُوہناں وِچوں تقریباً سارے ای جہنم وِچ ہون گے۔ جہنم وِچ میراتھن رنر دے بارے وِچ سوچو۔ یسوع نے کہیا،

’’تے جہنم وِچ عذاب نال مبتلا ہو کے اُوہنے اپنی اَکھاں اُتّے چُکیاں‘‘ (لوقا 16: 23)۔

اُوتھے جہنم وِچ، اُو لوکی جیہڑے خدا دے بارے وِچ سب کُجھ بُھل گئے سن کاش اُو گرجا گھر وِچ خوشخبری سُنن دے لئی ہوندے۔ اُو چاہندے نے کہ اُو لاس ویگاس، یا کسی دُنیاوی دعوت، یا مطالعہ، یا کام دے لئی نٹھے نہ ہوندے۔ جہنم وِچ، اُو خواہش کرن گے کہ اُو اپنی ترجیحات نوں درست کر لیہندے۔ اُو چاہن گے کہ اُوہناں نے ’’خدا دی مرضی‘‘ پوری کیتی ہوندی (1 یوحنا 2: 17)۔ لیکن اُودھوں بہوتی دیر ہو چکی ہووے گی۔ جہنم وِچ اُوہناں نوں مسیح دی خوشخبری سُنن تے اُوہدے تے ایمان لیہیا کے نجات پان دا اِک ہُور موقع کدی وی نئیں لبھہے گا، جیویں کہ اعمال 16: 31 سانوں کرن نوں کہندا اے۔ فیر یسوع دے ذریعے نجات پان دے لئی اُوہناں دے لئی بہوتی دیر ہو جائے گی۔

اوہ، میں تہناوں اِلتجا کرنا آں، بے دین حیاتی گزارنا جاری نہ رکھو۔ ہر اِتوار نوں گرجا گھر وِچ موجود ہوو۔ خوشخبری نوں سنو۔ یسوع دے کول آؤ۔ اُوہدے وَلوں نجات حاصل کرو۔ فیر ہر اِتوار – تے ہر دوجے دِن وی اُسی دے لئی جیئو۔

’’دُنیا تے اُوہدی ہوس مٹ جاندی اے لیکن جیہڑا خدا دی مرضی تے ٹردا اے اُو ابد تیکر قائم رہندا اے‘‘ (1 یوحنا 2: 17)۔

جے تُسی مسیح تے ایمان لیہیا کے تبدیل ہونا چاہندے اُو تے گرجا گھر اِتوار نوں موجود ہون دے لئی بہترین تھاں اے۔ جے تُسی اِک مضبوط مسیحی بننا چاہندے اُو تے گرجا گھر [ایہدے لئی] بہترین تھاں اے۔ گرجا گھر خدا دی عبادت دے لئی بہترین تھاں اے:

’’کلیسیا دے وِچکار میں تیری مدح سرائی کراں گا‘‘ (عبرانیوں 2: 12)۔

منافقین کیہن گے کہ اُو ساحلِ سمندر تے یا پارک وِچ خدا دی عبادت کردے نے – لیکن تُسی کہندے اُو،

’’کلیسیا دے وِچکار میں تیری مدح سرائی کراں گا‘‘ (عبرانیوں 2: 12)۔

اِتوار دی دِن لنگہان دے لئی گرجا گھر بہترین تھاں اے – ہر اتوار دا دن!

III۔ تیجی گل، بائبل سیکھن تے حقیقی مسیحیت دے بارے وِچ جانن دے لئی گرجا گھر بہترین تھاں اے۔

بہتیرے مشرقی لوکی جیہڑے ساڈے گرجا گھر وِچ آندے نے (تے دوجے) کہندے نے کہ اُو ’’ہور سِکھنا چاہندے نے۔‘‘ میہنوں اُمید اے کہ جدوں تُسی ایہ کہندے اُو تے تُسی منافق نئیں ہو رئے اُو – لیکن میہنوں ڈر اے کہ بہتیرے ہے نے۔ اُو کہندے نے، ’’میں ہُور سِکھنا چاہنا آں‘‘ اِک معافی یا عُذرداری دے طور تے، خدا دی شیواں دے بارے وِچ سنجیدہ نہ ہون دا اِک بہانہ۔

جے تُسی ’’مذید سِکھن‘‘ دے بارے وِچ سنجیدہ اُو، تے فیر اِتوار نوں بہوتا سِکھن دے لئی گرجا گھر توں بہتر کوئی تھاں نئیں اے۔ پولوس نے افسس وِچ کلیسیا دے قائدین نوں کہیا،

’’ایس لئی اپنے آپ دا تے اُوس سارے ریوڑ دا خیال رکھو، جِنہاں تے روح القدس نے تہانوں نگران بنایا اے، تاکہ خدا دی کلیسیا نوں پالو [یعنی زرخیز بناؤ]، جِنہوں اُوہنے اپنے لہو نال خریدیا اے‘‘ (اعمال 20: 28)۔

گرجا گھر اُو تھاں اے جیتھے تہانوں بائبل دی تعلیمات [مہیا کیتی جاندی] کھلائی جاندی اے۔ گرجا گھر اُو تھاں اے جیتھے تُسی مسیح دے بارے وِچ ’’مذید ہُور جانندے‘‘ اُو۔

تُسی اُوہدے بارے وِچ کسی بے دین دعوت وِچ، یا کسی دوست دے گھر، یا سان فرانسسکو، یا لاس ویگاس وِچ ’’مذید نئیں جانندے‘‘! جی نئیں! تُسی گرجا گھر وِچ ہُور بوہتا سِکھدے اُو! ایہ اُو تھاں اے جیتھے تُسی خوشخبری سِکھو گے تے مسیح دے لہو دے ذریعے اپنی روح نوں جہنم دے عذاب توں بچاؤ گے! ہر اِتوار نوں گرجا گھر وِچ رہوو – جے تُسی خدا دے کلام نوں سِکھن وِچ سنجیدہ اُو! گرجا گھر سچی مسیحیت دے بارے وِچ جانن دے لئی بہترین تھاں اے – ہر اتوار!

IV۔ چوتھی گل، تُسی ابدیت دے بارے وِچ سوچو ایہدے لئی گرجا گھر بہترین تھاں اے۔

اَسی اکثر ابدیت دے بارے وِچ گیت گانے آں، جیویں من نوں بیدار کر ڈالن آلا شمالی آئرلینڈ دا ایہ کورس،

ابدیت کیتھے لنگہاؤ گے؟ ابدیت اِک طویل مدت اے – ایہ ہمیشہ تے ہمیشہ دے لئی اے۔ ابدیت لامتناہی طوالت دی مدت اے۔ ابدیت لازوال اے، کدی نہ ختم ہون آلی، ویلے توں اَگے، بے انتہا اے۔ تُسی ابدیت کیتھے لنگہاؤ گے؟

دُںیا وِچ جِنہاں لوکاں نوں تُسی جانندے اُو، اُو کدی وی سنجیدگی نال نئیں سوچدے کہ اُو ہمیشہ دے لئی کیتھے جان گے۔ تہانوں اِتوار نوں گرجا گھر وِچ ہون دی لوڑ اے، بار بار، گرجا گھر وِچ، اپنی ابدی روح تے اُوہدی لازوال تقدیر دے بارے وِچ سامنا کرن دے لئی۔ ’’تُسی ابدیت کیتھے لنگہاؤ گے؟‘‘ تہاڈے گمراہ ہوئے بیلی تہانوں ایہ سوال کسی سنجیدگی نلا نئیں پُچھن گے۔ ایہ گرجا گھر وِچ اے کہ تُسی ’’ابدی نجات‘‘ دے بارے وِچ سنو گے (عبرانیوں 5: 9)۔ ایہ گرجا گھر وِچ اے کہ تُسی یسوع دی خوشخبری سُنو گے، جِنہے کہیا،

’’میں اُوہناں نوں ہمیشہ دی حیاتی دیہنا آں تے اُو کدی ہلاک نئیں ہون گے‘‘ (یوحنا 10: 28)۔

ایہ گرجا گھر وِچ ہوندا اے کہ تہانوں ’’ابدی اَگ دے انتقام‘‘ (یہوداہ 7) توں خبردار کیتا جائے گا، ’’ابدی سزا دے خطرے‘‘ (مرقس 3: 29) توں اَگاہ کیتا جائے گا۔ ایہ اینج دے ای گرجا گھر وِچ ہوندا اے کہ تہانوں ایس عظیم سوال دے بارے وِچ سوچن تے مجبور کیتا جائے گا – ’’میں ابدیت کیتھے لنگہاواں گا؟‘‘ لہٰذا، میں فیر توں کہنا آں، تہانوں ابدیت دے بارے وِچ سوچن تے مجبور کرن دے لئی گرجا گھر بہترین تھاں اے۔

یسوع دے کول آن، تے یسوع وِچ ایمان لیہیا کے تبدیل ہو کے حاصل کرن دے لئی اِک حقیقی جنت اے۔ اِک حقیقی جہنم وی اے جیہدے توں اِجتناب کرنا اے تے اُوہدے توں بچنا اے – لہٰذا تُسی اُوتھے نئیں جاؤ گے۔ تُسی اُوتھے کھوئے یا گمراہ ہوئے لوکاں دے نال جنت یا جہنم دے بارے وِچ تقریباً کُجھ نئیں سنو گے۔ جیہڑا کُجھ تُسی اُوہناں کولوں لازمی سُنندے اُو وہ زیادہ تر فضول گفتگو، رومن کیتھول چرچ دے طریقیاں تے رسومات دے عمل، تے بکواس بہوتی زیادہ سُنن نوں لبھہے گی۔ جِنہاں لوکاں نوں تُسی جانندے اُو اُو بائبل توں ناواقف نے تے اُوہناں نوں خدا دی سمجھ نئیں اے۔ اُوہناں نوں بائبل وِچ ’’احمق‘‘ کہیا گیا اے۔ تے جیہڑا اُو تہانوں خدا دے بارے وِچ دسدے نے اُو احمقانہ گل اے۔

’’اُوہدے منہ دی گلاں دا آغاز حماقت اے تے اُوہدی ہر گل دا انجام شرارتی دیوانگی اے‘‘ (واعظ 10: 13)۔

ایتھوں تیکر کہ تہاڈے کالج دے پروفیسر، تہاڈے بے دین کالجاں وِچ، خدا تے بائبل دے بارے وِچ احمقاں وانگوں گل کردے نے – کیوں جے اُو خدا دی شیواں توں ناواقف نے۔ اُوہناں دے کول ابدی شیواں دے بارے وِچ کوئی جواب نئیں اے۔ اُو آیت بائیں بازو دے، تمباکو نوشی کرن آلے مُلحد دی وضاحت کردی اے جیہڑا تہاڈے کالج دی کلاس نوں پڑھاندا اے:

’’اُوہدے مُنہ دی گلاں دا آغاز حماقت اے تے اُوہدی گل دا انجام شرارتی دیوانگی اے‘‘ (واعظ 10: 13)۔

گرجا گھر وِچ ضرور آؤ! ایہ اُو تھاں اے جیتھے تہانوں معلوم ہووے گا کہ مسیح دے ذریعے ابدی حیاتی کیویں حاصل کیتی جائے – تے جہنم دے ابدی عذاباں توں کیویں بچنا اے۔ لہٰذا، میں کہنا آں، تہانوں ابدیت دے بارے وِچ سوچن تے مجبور کرن دے لئی گرجا گھر بہترین تھاں اے۔

V۔ پنجویں گل، دعا کرنا سِکھن تے دوجیاں کولوں اپنے لئی دعا کروان دے لئی گرجا گھر بہترین تھاں اے۔

شاگرداں نے یسوع نوں کہیا، ’’خداوند، سانوں دعا کرنا سِکھا‘‘ (لوقا 11: 1)۔ تے مسیح نے اُوہناں نوں دعا کرنا سِکھایا۔ لیکن مسیح ہُن ایتھے نئیں اے۔ اُوہنے لوکاں نوں دعا کرن دا طریقہ سِکھان دے لئی زمین تے مقامی کلیسیا یعنی گرجا گھر چھڈیا اے۔

جدوں پطرس نوں قید وِچ ڈالیا گیا سی، ’’گرجا گھر یعنی کلیسیا وَلوں اُوہدے لئی خدا دے حضور دعا کیتی گئی سی‘‘ (اعمال 12: 5)۔ دعا کرن تے اپنی عظیم کتاب وِچ ڈاکٹر ٹورے Dr. Torrey نے ایس آیت نوں ایہ دسّن دے لئی استعمال کیتا کہ دعا کیویں کیتی جائے۔ کلیسیا یعنی گرجا گھر نے خدا کولوں پطرس د ے لئی دعا کیتی۔ تے ایس گرجا گھر دی دعاواں قبول ہوئیاں تے پطرس نوں نجات لبھی۔

میں تہاڈے نال وعدہ کرنا آں – جے تُسی اتوار نوں ایس گرجا گھر وِچ آندے اُو تے لوکی تہاڈے لئی دعا کرن گے، بالکل ایویں ای جیویں ایس گرجا گھر نے پطرس دے لئی دعا کیتی سی۔ جدوں تُسی پہلی وری گرجا گھر آؤ گے تے کُجھ عظیم مرد تے دعا کرن آلی عورتاں تہاڈے لئی ناں لے کے دعا کرنا شروع کر دین گی۔ جدوں تُسی دوجی وری آؤ گے تے ایس توں وی بوہتے زیاہد لوکی تہاڈے لئی دعاواں کرنا شروع کرن دین گے۔ تہاڈا ناں میہنوں چارٹ تے دِتا جائے گا، تے میں آپئے تہاڈے لئی ہر روز دعا کرن لگاں گا۔ اَسی تہاڈے لئی دعا کردے رہواں گے جدوں تیکر کہ تُسی تبدیل نئیں ہو جاندے – تے فیر اَسی اِک نئے مسیحی دے طور تے تہاڈے لئی دعا کردے رہواں گے۔

تہانوں لاس انجیلز وِچ کوئی ہُور تھاں کدی نئیں لبھے گی جیتھے ایہنے بہوتے لوکی تہاڈے لئی خدا توں دعا کرن گے، جیویں کہ تہانوں ایس گرجا گھر وِچ لبھے گا۔ اَسی تہاڈے لئی جہنم توں بچن دے لئی، تے یسوع دے ذریعے نجات پان دے لئی دعا کراں گے۔ تے ایس لئی، میں کہنا آں، کہ گرجا گھر دعا کرنا سِکھن دے لئی، تے دوجیاں توں اپنے لئی دعا کروان دی بہترین تھاں اے۔

VI۔ چھٹی گل – خوشخبری سُنن دے لئی گرجا گھر بہترین تھاں اے۔

اِک پرانے جنوبی بپتسمہ دین آلے مصنف وینس ہیونر Vance Havner نے اِک وری کہیا سی، ’’جیہڑے لوکی کلیسیا وِچوں نئیں جیتے جاندے نے اُوہناں نوں گرجا گھر دے لئی جیتنا دشوار ہوندا اے‘‘ (وانس ہیونرVance Havner، توبہ یا کجھ ہُور! Repent or Else!)۔

میں جاننا آں کہ کُجھ لوکی گرجا گھر توں باہر نجات پاندے نے – تے فیر رفاقت وچ آندے نے۔ لیکن ہُن تیکر ساڈے گرجا گھر وِچ لوکاں دی سب توں وڈی تعداد نے ایتھے گرجا گھر آن نال تے خوشخبری سُنن نال نجات پائی۔ اَج سویرے ایتھے کیہنے لوکاں نے گرجا گھر دی عبادت وِچ نجات پائی سی؟ کی تُسی کھلو جاؤ گے؟ تُسی بیٹھ سکدے اُو۔ ہُن، تہاڈے وِچوں کیہنے لوکاں نے کِدرھے ہُور توں نجات پائی اے – گرجا گھر دی عبادت توں علاوہ؟ کی تُسی کھلو جاؤ گے؟ تُسی بیٹھ سکدے اُو۔ تُسی ویکھ سکدے اُو کہ ساڈے گرجا گھر وِچ تقریباً ہر شخص نے گرجا گھر دی عبادت وِچ نجات پائی۔ ایس لئی میں کہنا آں کہ گرجا گھر مسیح دی خوشخبری سُنن تے نجات پان دے لئی بہترین تھاں اے۔

ہر گرجا گھر کی عبادت میں مَیں لوگوں کو بتاتا ہوں کہ کیسے نجات پائی جائے،

’’کیوں جے میں فیصلہ کیتا ہویا سی کہ جدوں تیکر تہاڈے وِچکار رہواں گا خداوند یسوع المسیح مصلوب دی منادی دے سِوا کیس ہُور گل تے زور نہ دیاں گا‘‘ (I کرنتھیوں 2: 2)۔

میں ہر عبادت وِچ مصلوب مسیح دی تبلیغ کرنا آں، اِتوار دی سویر تے اِتوار دی رات، دہایاں دے بعد، ورے در ورے۔ تُسی مسیح دی خوشخبری سُنے بغیر ساڈے گرجا گھر وِچ نئیں آ سکدے۔

’’کیوں جے اِک بوہتی اہم گل ایہ اے جیہڑی میرے تیکر پہنچی تے میں تہانوں سُنائی اے: کتاب مقدس دے مطابق المسیح ساڈے گناہواں دے لئی قربان ہویا، دفن ہویا تے کتاب مقدس دے مطابق تیجے دِن مُردیاں وِچ زندہ ہو گیا‘‘ (I کرنتھیوں 15: 3۔4)۔

مسیح تہاڈے گناہواں دا کفارہ ادا کرن دے لئی سولی تے مر گیا۔ اُوہنے سولی تے اپنا لہو وگایا تاکہ تہاڈے گناہواں نوں دھویا جا سکے۔ مسیح جسمانی طور تے مُردیاں وِچوں جی اُٹھیا، تے تیجے آسمان تے چڑھ گیا، جیتھے اُو ہُنے خدا دے سجے ہتھ تے بیٹھا اے۔

تہانوں کی کرنا چائیدا اے؟ توبہ کرو تے انجیل تے یقین کرو۔ ’’خداوند یسوع مسیح تے یقین رکھو، تے تُسی نجات پاؤ گے‘‘ (اعمال 16: 31)۔

میں تہاڈے نال نجات پان دے بارے وِچ گل کرنا چاہنا آں۔ جے تُسی میرے نال گل کرنا چاہندے اُو تے مہربانی نال اپنی کرسیاں چھڈو، تے آ کے ایتھے ایس منبر دے سامنے کِھلو جاؤ جدوں کہ اَس گانے دی ورق توں کھڑے ہو کے حمدوثنا دا آخیرلا گیت گاواں گے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔