ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
اُو اُوہناں دی سُننLET THEM HEAR THEM ڈاکٹر آر ایل ہائیمرز جونیئر وَلّوں ’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔ |
اُو شے جیہڑی لوقا دے سہولویں باب نوں بوہتا دلکش بناندی اے اُو ایہ اے کہ ایتھے تُسی جہنم وِچ اِک آدمی تے جنت وِچ دوجے آدمی دے وِچکار گل بات کر رئے اُو۔ میہنوں قطعی طور تے یقین نئیں اے کہ اُوہناں نے کیویں گل بات کیتی – لیکن اُوہناں دی بات چیت ضرور ہوئی سی۔ جدوں نیل آرمسٹرانگ چاند تے گیا تے میہنوں یاد اے اُوہنے وائٹ ہاؤس وِچ صدر نکس نوں ٹیلی فون کیتی سی۔ لبرل نیوز میڈیا ایہنوں کدی نئیں وکھاندا، لیکن اُوس ویلے ایہ ٹی وی تے سی۔ اُو صدر نوں پیہھڑا وکھان دے لئی ہر ممکن کوشش کردے نے، تے نئیں چاہندے کہ اَسی اُوہناں دی ساریاں چنگی گلاں یاد رکھیے۔ اَسی صدر نکسن نوں ایس شخص نال گل کردے ہوئے ویکھیا جدوں اُو چاند دی سطح تے کِھلوتا سی!
لہٰذا خدا دی طاقت نوں ویکھدے ہوئے، ایتھے سانوں حیران نئیں ہونا چائیدا اے کہ جہنم وِچ اِک بندہ جنت چہ اِک بندے دے نال گل کر سکدا اے۔ خدا نے ایہنوں ممکن بنیا پاویں اُوہنے جیہڑا مرضی ذریعہ منتخب کیتا۔
پوری بائبل وِچ ایہ واحد تھاں اے جیتھے جہنم اِچ اِک بندہ تے جنت وِچ اِک بندے دے وِچکار گل بات ہوندی اے۔ جیویں کہ ایہ دو بندے گل کردے نے، تے اَسی جنت تے جہنم دے بارے چہ بہوتا کُجھ سِکھنے آں۔ اِسی ایہناں دی گل بات نال بہوتی ساری دوجی گلاں وی سِکھنے آں۔
مثال دے طور تے، جہنم وِچ آدمی چاہندا اے کہ خدا اِک بندے نوں جنت وِچ آزاد کرے، تے اُوہنوں زمین تے واپس آن گے – تاں جے اُو جہنم وِچ جکڑے ہوئے آدمی دے پنج گمراہ ہوئے پرھاواں نوں گواہی دے سکے۔ لیکن اُوہنوں انکار کر دِتا جاندا اے۔ جنت آلا آدمی اُوہنوں جھڑکدا اے، تے ساڈی تلاوت دے الفاظ پیش کردا اے:
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
جے تُسی اَج دی راتی ایتھے اُو، تے میں چاہنا آں کہ تُسی ایہدے بارے وِچ سوجو۔ تُسی بلاشبہ انتظار کر رئے اُو کہ اَسی ایس واعظ دے بعد، تفتیشی کمرے وِچ تہاڈے نال گل کراں گے۔ لیکن سانوں اینج کرن دی لوڑ نئیں اے۔ اَسی اینج کرن دے پابند نئیں آں۔ اُو جِنہاں نوں نجات دلائی گئی اے اُوہناں وِچوں پچانوے فیصد توں زیادہ نوں کدی وی کوئی مشورہ نئیں دِتا گیا۔ جدوں میں مسیح وِچ ایمان لیہایا کے تبدیل ہویا تے میہنوں مشورہ نئیں دِتا گیا۔ میری ووہٹی نوں مشورہ نئیں دِتا گیا۔ لوتھر نوں مشورہ نئیں دِتا گیا سی۔ بنیعان نوں مشورہ نئیں دِتا گیا سی۔ وائٹ فیلڈ نوں مشورہ نئیں دِتا گیا سی۔ اُوہناں وِچوں کسی نوں وی مشورہ نئیں دِتا گیا سی۔ سپرجیئن نوں مشورہ نئیں دِتا گیا سی ۔ آر اے ٹورے نوں مشورہ نئیں دِتا گیا سی۔ اُوہناں وِچوں کسی دی وی ذاتی مشاورت نئیں سی۔ اُوہناں دے کول صرف اِک واعظ سی – جیہڑا موسیٰ، نبیاں، یا مسیح دے رسولاں دی تحریراں تے مبنی سی۔ رسولاں نے جو کُجھ کہیا اُو موسیٰ تے انبیاء دی گلاں تے مبنی سی۔ ’’موسیٰ تے انبیاء‘‘ اِک جملہ اے جیس دا مطلب صرف ’’بائبل‘‘ اے۔
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
کیوں نہ لعزر نوں ایس شخص دے گمراہ ہوئے پرھاواں دی گواہی دین دے لئی آسمان توں واپس پیہجھ دِتا جائے؟ لیکن ایس نال کوئی فائدہ نئیں ہویا ہوندا جے اُو موسیٰ یا نبیاں دی گلاں نئیں سُنندے۔ ایہ میرا پہلاں نکتہ اے۔
I۔ پہلی گل، تلاوت ایہ ظاہر کردی اے کہ تُہانوں نصحیت کرنا جے تُسی بائبل دی منادی دے وسیلے توں، تے موسیٰ تے نبیاں دی منادی دے ذریعے بیدار نئیں ہوندے تے ایہ ساڈے لئی کوئی چنگی گل نئیں ہووے گی۔
جے تُسی واعظ دے لفظاں نوں اپنی روح وِچ ڈوب جان دین توں انکار کردے اُو تے ایہدے نال کی فائدہ ہووے گا کہ جے آسمان توں کوئی مشیر ہیٹاں آئے تے اَج تفتیشی کمرے وِچ تہاڈے نال دو گھنٹے لنگہائے؟ ایہدے نال تہاڈی مدد کیویں ہووے گی؟ ایہ بالکل وی مدد نئیں کرے گا۔ تُسی اونج ای ٹھنڈے جئے تے مُردہ جئے تے بے جان جئے تے گمراہ ہوئے جاندے اُو جیویں جدوں تُسی ایہدے وِچ داخل ہوئے سی۔ جے تُسی بائبل دی منادی دے ذریعے بیدار نئیں ہوئے تے گناہ دے مرتکب نئیں ہوئے اُو تے خود آسمان توں اِک فرشتہ تہانوں نجات دے لئی مشورہ نئیں دے سکدا!
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
جدوں ابراہام نے لعزر نوں اُوہناں گمراہ ہوئے پرھاواں نوں مشورہ دین دے لئی پیہجھن توں انکار کیتا تے اُو ’’بے ہودگی‘‘ سی؟ جی نئیں، ہرگز نئیں۔ اُو محض حقیقت پسندانہ سی۔ اُو جانندا سی کہ لعزر دی نصیحت اُوہناں دے لئی کوئی فائدہ مند نئیں ہووے گی جدوں تیکر کہ اُو بائبل تے بائبل دی منادی نال سزایابی دے تحت نہ ہون۔ تے جے اُو اینج دی سزایابی دے تحت سن، تے فیر وی اُوہناں نوں آسمان توں مشیراں دی لوڑ نئیں سی۔ اُو سارے لوکی جیہڑے مسیح چہ ایمان لیہایا کے تبدیل ہو چکے ہوندے نے اُوہناں وِچوں بچانوے فیصد نوں لوڑ ای نئیں پیہندی۔
ایس نکتے ہوں واضح کرن دے لئی میں ایتھے رُکنا آں۔ افسیوں 4: 7-16، عبرانیوں 13: 17 تے پاک کتاب دے بہتیرے دوجے حصیاں دے مطابق، خدا نے تہاڈی رہنمائی دے لئی گرجا گھراں وِچ پادریاں نوں تے دیگر رہنماواں نوں رکھیا اے۔
یاد رکھو ابراہام نے کہیا سی، ’’اُو اُوہناں دی سُنن۔‘‘ اُوہناں دِناں وِچ لوکاں دے کول اپنی اپنی بائبل نئیں ہوندی سی۔ اُوہناں دِناں وِچ وڈے وڈے طوماراں [سکرولز] تے لکھیا جاندا سی۔ اُوہناں نے بائبل نوں عبادت گاہواں وِچ پڑھدے تے رسولاں تے دوجے مبلغین دے ذریعہ منادی کردے سُنیا۔ ’’اُو اُوہناں دی سُنن۔‘‘ جے اُو منادی نئیں سُنن گے، تے اُو مسیح وِچ ایمان لیہایا کے تبدیل نئیں ہون گے!
جے تُسی تبلیغ نوں نئیں سُنندے تے ایہنوں دِل وِچ نئیں اپناندے اُو تے تہانوں ساڈا ایہ مشورہ دینا تہاڈے لئی کُجھ وی بہتری نئیں کرے گا!
ایہدے علاوہ، تہانوں ایہ جانن دی لوڑ اے کہ ’’موسیٰ تے انبیاء‘‘ عہدنامہ قدیم دے سارے صحیفے وَل نشاندہی کردے نے۔ ’’موسیٰ‘‘ توں مراد بائبل دی پہلی پنج کتاباں نے، تے ’’انبیاء‘‘ توں مُراد باقی عہدنامہ قدیم اے۔ جے تُسی مسیح وِچ ایمان لیہایا کے تبدیل ہون دی اُمید رکھدے نے تے تہانوں بائبل دی تبلیغ نوں سُننا، تے دِل وِچ اپنا لیہنا چائیدا اے۔
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
ساڈے لئی تہانوں مشورہ دین نال تہانوں کوئی فائدہ نئیں ہووے گا جے خدا دے کلام دی تبلیغ دے ذریعے پہلاں تُسی گناہ دی سزایابی وِچ نئیں ہوندے تے بیدار نئیں ہوندے۔
II۔ دوجی گل، تلاوت ظاہر کردی اے کہ تہانوں مسیح وِچ ایمان لیہیا کے تبدیل ہون دے لئی انساناں تے انحصار نئیں کرنا چائیدا اے۔
جہنم وِچ آدمی نے سوچیا کہ اُوہدے پرھاواں نوں اِک انسان دے ذریعے بچایا جا سکدا اے، جِںہوں اُوہناں دے نال گل کرن دے لئی جنت توں واپس پیہجھیا گیا۔ لیکن اُوہناں ایہناں لفظاں توں ڈانٹ پیہندی اے،
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
ایہدے وِچ تہاڈے لئی وی اِک سبق اے۔ تُسی بہتیرے انساناں نوں ایہ کہندے سُنیا اے کہ تہانوں بچایا جانا چائیدا اے، لیکن ایہنے ہُن تیکر تہانوں متاثر نئیں کیتا، کی اینج ای اے؟ تہاڈے ماں پیو یا بیلی نے جِنہاں نے تہانوں نجات پان دے لئی کہیا اے۔ لیکن تُسی اُوہناں دی گل نئیں سُنی، کی تُسی اُوہناں دی گل سُنی؟ کیوں نئیں؟ میرے خیال وِچ ایہدے وجہ ایہ اے کہ تُسی جانندے اُو کہ اُو غلط نے۔ اُو کامل نئیں نے۔ اُو غلطیاں کردے نے۔ تُسی ایہنوں ہر روز ویکھدے اُو۔ تُسی مسیحی دوستاں تے مسیحی ماں پیو نوں ویکھدے تے سُنندے اُو۔ تُسی جانندے اُو کہ اُو کامل نئیں نے۔ تُسی کیویں یقین کر سکدے اُو کہ اُو صحیح نئیں نے جدوں اُو تہانوں نجات دے بارے وِچ دسدے نے؟ میہنوں یقین اے کہ تُسی سوچدے اُو، ’’ایہ لوکی کامل نئیں نے۔ ایہ کدی کدی فیصلے وِچ غلطیاں کردے نے۔ اُو میہنوں کامل لوکی نئیں لگدے۔ جدوں اُو میہنوں نجات پان دے لئی کہندے نے تے میں اُوہناں دی کیوں سُناں؟‘‘ کی تُسی کدی کدی اینج نئیں سوچدے؟ یقیناً تُسی اینج سوچدے اُو!
ایس لئی ابراہام نےکہیا،
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
جے تُسی کدی وی مسیح چہ ایمان لیہایا کے تبدیل ہون آلے اُو، تےتہانوں مسیحیاں وَل ویکھنا چھڈ دیہنا ہووے گا تے ایہ سوچنا شروع کرنا ہووے گا کہ بائبل تہانوں کی کہندی اے!
نوجوان لوکی جیہڑے اپنے ذہناں نوں ’’مسیحیاں‘‘ دی گلاں تے مرکوز رکھدے اُو تے مسیحیت دے بارے وِچ نوعمری، بچگانہ نظریے توں کدی باہر نئیں آندے! میں فیر دہرانا آں، جے تُسی کدی وی ایہناں مسیحیاں نوں ویکھن توں پیچھے نئیں ہٹو گے جِنہاں نوں تُسی جانندے اُو، تے تُسی کدی وی مسیح چہ ایمان لیہایا کے تبدیل نئیں ہوو گے۔ کدی نئیں! کدی نئیں! کدی وی نئیں!
کسی دِن تُسی گرجا گھر نوں صرف اِک احمقانہ تجربہ سمجھو گے جیہڑا تُسی بچپن وِچ کیتا سی۔ مسیحیت صرف بچپن دا اِک خیالی تصور ہووے گا جیہڑا تہاڈے وِچ اُبھریا اے – جدوں تیکر کہ تُسی مسیحیاں نوں ویکھنا نہ بند کر دیو تے ایہ سوچنا نہ شروع کر دیو کہ بائبل تہانوں کی کہندی اے!
بائبل تہانوں وکھاندی اے کہ تُسی گنہگار اپو۔ بائبل دے قوانین تہانوں وکھان دے لئی تحریر کیتے گئے سن کہ تُسی اُوہناں تے مکمل طور تے برقرار نئیں رہ سکدے۔ قانون تہانوں اپنے گناہ نوں ویکھن دے لئی دِتا گیا اے، تہانوں ایہ ویکھن وَل راغب کرن دے لئی کہ تُسی خدا نوں خوش کرن دے لئی کافی چنگے نئیں ہو سکدے، تہانوں خدا دی نظر وِچ مجرم محسوس کرن دے لئی، تے تہانوں یسوع مسیح وَل اُوہدے لہو وِچ پاک صاف کرن دے لئی جان دے لئی دِتا گیا اے!
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
بائبل نوں تہانوں دسن دیو کہ تُسی اِک گنہگار اُو! خدا دے کلام دی منادی نوں تہانوں اپنے گناہ نوں ویکھن تے مجبور کر لیہن دیو! بائبل نوں تہاڈی حوصلہ افزائی کرن دیو تے تہانوں ایہ ویکھن دے لئی مجبور ہو لین دیو کہ تسی کدی وی مقدس خدا نوں خوش کرن دے لئی ایہنے چنگے نئیں ہو سکدے! خدا دے کلام دی منادی تہانوں خدا دی نظر وِچ اپنے گناہ دے لئی قصوروار ہون دا احساس دلا لین دیو! بائبل نوں تہانوں یسوع مسیح دے لہو وِچ پاک صاف ہو لین دے لئی تہانوں لے جان دیو!
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
III۔ تیجی گل، تلاوت ظاہر کردی اے کہ تہانوں درحقیقت موسیٰ تے انبیاء توں متاثر ہونا چائیدا اے۔
صرف اِک ہور واعظ نوں ای بیٹھ کے سُن لیہنا کافی نئیں اے۔ مسیح چہ ایمان لیہایا کے تبدیل ہون دے لئی، تہانوں خدا دے کلام توں باطنی طور تے متاثر ہونا چائیدا اے۔ خدا دے کلام دی منادی دا تہاڈے تے باطنی طور تے اثر ہونا چائیدا اے۔
ایہناں دس حکماں نوں لے لو جیہڑے خدا نے موسیٰ نوں دِتے سن۔ تبدیل ہون دے لئی تہانوں سوچنا چائیدا اے کہ تُسی خدا دے ایہناں دس حکماں نوں کیویں توڑیا اے۔ تہانوں اپنی چوری، اپنے گندے خیالات، اپنے گناہ دے کماں، اپنے بےدین دِل دے بارے وِچ سوچنا چائیدا اے۔ تہانوں اپنے اندر ضرور کہنا چائیدا اے، ’’میں ایہناں قوانین تے عمل نئیں کیتا جیہڑے خدا نے موسیٰ نوں دِتے سن۔‘‘ تہانوں اپنے اندر ویکھنا چائیدا اے کہ تُسی اِک گنہگار اُو – خروج 20: 3-17 وِچ خدا دے دس حکماں دی روشنی وِچ۔ تہانوں ایہ ویکھنا چائیدا اے کہ تُسی اِک غلیظ بدمعاش او، واقعی اِک بے دین گنہگار اُو!
نبیاں نوں وی تہانوں ایہ وکھا لین دیو۔ اشعیا تہانوں تہاڈی باطنی بدکاری وکھائے، جیویں کہ موسیٰ نے تہانوں ظاہری بغاوت وکھائی اے۔ اشعیا نبی نوں سُنو جیویں کہ اُو تہانوں دسدا اے کہ تہاڈا
’’… پورا سر زخمی ہے، اور سارا دل بیمار ہے‘‘ (اشعیا 1: 5)۔
کی تہاڈے بارے وِچ ایہ سچ نئیں اے؟ ایہ سچ اے، کی ایہ نئیں اے؟ تہاڈا پورا سر زخمی اے، ہے نا؟ کی تہاڈے سر توں لنگہن آلی شیواں تہانوں بیمار نئیں کردیاں نے؟ کی تُسی اپنے خیالات تے شرمندہ نئیں اُو؟ تُسی اپنے وگرے زخمی سر دے نال جنت وِچ جان دی اُمید کیویں کر سکدے اُو؟ تے کی تہاڈا سارا دِل بیہوش، مصیبت زدہ تے برباد نئیں اے؟ کی تہاڈا دِل خدا توں دور نئیں اے؟ کی تُسی اپنے دِل توں ماڑا جیہا وی شرمندہ نئیں اُو؟ کی تُسی ایس دِل نال بیمار نئیں اُو جیس وِچ خدا نال محبت نئیں اے؟ کی تُسی اپنی دعاواں دے کم ہون نال بیمار نئیں اُو؟ اوہ، تہاڈا
’’… پورا سر زخمی اے، تے سارا دِل مریض ہو چکیا اے۔ پاؤں دے تلوے توں سر دی چوٹی تیکر [تہاڈا] کوئی حصہ وی سالم نئیں اے؛ صرف زخم تے چوٹاں تے سڑے ہوئے گھاؤ نے: جِنہاں نوں نہ تے صاف کیتا گیا اے تے نہ اُوہناں تے پٹی باندھی گئی اے نہ ای اُوہناں تے تیل ملیا گیا اے‘‘ (اشعیا 1: 5۔6)۔
ہائے! اپنے حیاتی نوں ویکھو! موسیٰ ظاہر کردا اے کہ تُسی اِک منافق دے سِوا کُجھ نئیں اُو – اِک گنہگار منافق۔ اشعیا نبی ظاہر کردا اے کہ تُسی باطنی طور تے، تے ظاہری طور تے برباد ہو گئے اُو۔ ہائے! موسیٰ تے انبیاء توں متاثر ہو جاؤ!
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
ہائے! اَج دی راتی آؤ تے کہوو، ’’میں برباد تے ختم ہو گیا آں! میں اِک گنہگار آں تے کُجھ ہُور نئیں ہو سکدا! خدا دی نظر وِچ میری راستبازی غلیظ اے! میں اِک کیڑا آں، اِک بوسیدہ دُنیا وِچ اِک بوسیدہ حیاتی گھوم رہیا آں، میہنوں کوئی اُمید نئیں اے! میں برباد ہو چکیا آں، تے نااُمید آں!‘‘
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
فیر جہنم دے بارے وِچ سوچو۔ اُو آدمی جیس نے ابراہیم نال گل کیتی سی۔ اُو شخس جیس تے ابراہیم نے ساڈی تلاوت کہی سی، ’’میں اینہاں شعلیاں وِچ عذاب چہ آں‘‘ (لوقا 16: 24)۔ کی تُسی وی ایہناں شعلیاں وِچ تڑپدے نئیں رہوو گے؟ تے کی تُسی ایس وِچ عذاب دے مستحق نئیں ہوو گے؟ تہاڈے وگرا باغی، بے دین، باطنی طور تے تباہ شُدہ گنہگار ابدی عذاب توں کیویں بچ سکدا اے؟ کیویں؟ کیویں؟ کیویں؟
موسیٰ تے نبی واضح طور تے ظاہر کردے نے کہ تُسی مستحق اُو، بھرپور طریقے نال، خدا دی موجودگی نال تمام ابدیت دے لئی، تے دائمیت دے لئی خارج کیتے جان دے لئی – چھیتی ای تہاڈے بارے چہ کہیا جائے گا، جیویں کہ ابراہیم نے کہیا سی، ’’تم عذاب چہ مبتلا اُو‘‘ (لوقا 16: 25)۔ اُو عذاب بہوتے وڈے وڈے ہون گے – تے اُو ابدی ہون گے۔ اُو عذاب کدی ختم نئیں ہون گے۔ سانوں اُوس آدمی دے بارے چہ دسیا گیا اے، ’’تے اُو پکاریا‘‘ (لوقا 16: 24)۔ تُسی جہنم وِچ وی رؤو گے۔ لیکن تہاڈے اتھرو شعلیاں نال جُھلس جان گے ایس توں پہلاں کہ اُو تہاڈے گلاں تے ڈِگن۔ تے کوئی وی تہاڈے تے رحم نئیں کرے گا۔ تُسی اپنی جان دی پرواہ کیتے بغیر دُنیا وِچ اپنی حیاتی بسر کیتی۔ تہاڈے وگرے جاہل احمق تے کون ترس کھائے گا جدوں تُسی جہنم وِچ روندے اُو؟ خدا ترس نئیں کھائے گا۔ اُو جان لئے گا کہ تہاڈے کول تبدیل ہون دا ہر موقع سی تے تُسی ایہدے بجائے لاپرواہی کیتی تے بے وقوف بنایا۔ تہاڈے نجات پائے ہوئے بیلی نئیں! نئیں، نئیں! اُو کیہن گے، ابراہیم دے نال، کہ تہاڈے کول موسیٰ تے انبیاء سن تے تُسی اُوہناں دی گل سُنن دے لئی بہوتے زیادہ احمق گنہگار سی۔ جدوں تُسی روندے اُو تے جنت وِچ کسی بیلی توں تہاڈے تے ترس کھان دی توقع نہ رکھو، ’’میں ایہناں شعلیاں وِچ تڑپ رہیا آں‘‘ (لوقا 16: 24)۔
جے تُسی ترس تے رحم تے مدد تے نجات چاہندے اُو، تے تہانوں ایہنوں ہُنے ای تلاش کرنا چائیدا اے – جدوں کہ تُسی زندہ اُو – ہُنے ای، جدوں کہ خدا ایس واعظ دے ذریعے تہاڈے دِل نال گل کر رہیا اے۔
’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔
ہائے، یسوع دی سُنو، جیویں کہ اُو اشعیا نبی دے ذریعے کہندا اے:
’’میری وَل ویکھو تے نجات پاؤ‘‘ (اشعیا 45: 22)
کی تُسی اَج راتی یسوع مسیح نوں ویکھو گے؟ کی تُسی اُوہدے وَل ویکھو گے تے اُوہدے ابدی لہو دے ذریعے اپنے گناہواں توں مسیح وِچ ایمان لیہیا کےتبدیل ہو جاؤ گے؟ کی تُسی اپنے دِل وِچ، اپنی روح دے لُکہے [خفیہ] مقام وِچ کہوو گے،
مغیر اِک التجا دے، میں جیہو جیہا وی آں، مگر کہ تیرا لہو میرے لئی وگایا گیا،
تے توں میہنوں اپنے کول بُلان دے لئی بیقرار اے، اے خدا دے برّے، میں آیا، میں آیا؟
(’’میں جیہو جیہا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
لُبِ لُباب اُو اُوہناں دی سُنن LET THEM HEAR THEM ڈاکٹر آر ایل ہائیمرز جونیئر وَلّوں ’’اُوہناں دے کول موسیٰ تے انبیاء تے ہیں نے؛ اُو اُوہناں دی سُنن‘‘ (لوقا 16: 29)۔ I۔ پہلی گل، تلاوت ایہ ظاہر کردی اے کہ تُہانوں نصحیت کرنا جے تُسی بائبل دی منادی دے وسیلے توں، تے موسیٰ تے نبیاں دی منادی دے ذریعے بیدار نئیں ہوندے تے ایہ ساڈے لئی کوئی چنگی گل نئیں ہووے گی، لوقا 16: 29؛ افسیوں 4: 7-16؛ عبرانیوں 13: 17۔ II۔ دوجی گل، تلاوت ظاہر کردی اے کہ تہانوں مسیح وِچ ایمان لیہیا کے تبدیل ہون دے لئی انساناں تے انحصار نئیں کرنا چائیدا اے، لوقا 16:29۔ III۔ تیجی گل، تلاوت ظاہر کردی اے کہ تہانوں درحقیقت موسیٰ تے انبیاء توں متاثر ہونا چائیدا اے، اشعیا 1: 5-6؛ لوقا 16: 24أ25، 29؛ اشعیا 45: 22۔ |