Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




مسیح وِچ ایمان لہیا کے تبدیل ہون تے وائٹ فیلڈ # 2
’’پاک روح دا دُنیا نوں قائل کرنا‘‘

WHITEFIELD ON CONVERSION #2
“THE HOLY SPIRIT CONVINCING THE WORLD”
(Punjabi – A Language of Pakistan)

ڈاکٹر آر۔ ایل۔ ہائیمرز وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خداوند دے دن دی سویر، 18 فروری، 2001
A sermon preached at the Baptist Tabernacle of Los Angeles
Lord’s Day Morning, February 18, 2001

’’تے جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا‘‘ (یوحنا16:8)۔


تعارف: جارج وائٹ دے بارے چہ مندرجہ ذیل معلومات ایڈ ریزEd Reese، دی کتاب مسیح شہرت دا ھال سلسلہ Christian Hall of Fame Series ، فنڈامینٹل پبلشرز Fundamental Publishers، 126 Pine Lane، گلینووڈ Glenwood، ایلینوئیس Illinois 60425 توں لہیا گیا اے۔

اپنے دور تیکر وائٹ فیلڈ نوں سب توں زیادہ سفر کرنا آلا انجیل دا مبلغ سی، تے بے شمار لوکی محسوس کردے نے اُو سارے زمانے چہ سب توں عظیم مبشر سی۔ بحر اوقیانوس نوں 13 وری پار کرنا اپنے آپ چہ ایک کارنامہ سی، کیوں جے ایہہ اُوس ویلے کیتا سی جدوں سمندر چہ سفر کرنا ہلے شروع ای ہویا سی۔ ایہدا مطلب اے اُوہنا نے اپنی حیاتی دے دو ورے –782 دِن پانی تے سفر کرن وِچ لنگہائے نے۔ تاہم، اُوہناں دی قربانی تے مستقل مزاجی نے دو قوماں نوں خدا وَل واپس موڑ لہیان چہ مدد کیتی۔

جاناتھن ایڈورڈز نئے انگلستان وِچ حالات چہ ہلچل مچا رئے سن تے جان ویزلی ایہو کم انگلستان چہ کر رئے سن۔ وائٹ فیلڈ نے بحراوقیانوس دے دوویں اطراف عظیم بیداری دے لئی انساناں دے ذمہ داران دی تثلیث دی تکمیل نوں مکمل کیتا۔ اُوہناں نے برطانوی جزائر وِچ مذہبی خدمت دے 24 ورے لنگہائے تے نو سال ہُور امریکہ چہ لنگہائے، اندازاً دس ملین لوکاں نوں کلام سُنایا۔

ایہہ کہا جاندا اے کہ اُوہناں دی واج اِک میل دور توں سُنی جا سکدی سی، تے اُوہناں دی کھلے میدان وِچ منادی نال سکاٹ لینڈ وِچ اِک اجتماع وِچ 100,000 تیکر لوکی مستفید ہوئے سن۔ مائیکروفون دے دِناں توں پہلاں، تے جے اِسی شاید اضافہ کریے تے اشتہارات دے دِناں توں وی پہلاں، انجیل دے تبلیغ نوں سُنن دے لئی ہُنے تیکر جمع ہون آلے ہجوماں وِچ سب توں ودے سن…

اُوہناں دے بالکل پہلے واعظ دا تعاقب کرن آلی ہنگامہ خیزی توں تعلق رکھدے ہوئیاں، وائٹ فیلڈ نے لکھیا:

کُج چند نے مخول کیتا، لیکن بوہتے سارے جیہڑے موجود سن، منجمند ظاہر ہوندے سن، تے اُوس ویلے توں سُنیا اے کہ اُسقف نوں اِک شکایت لگائی گئی سی، کہ میں پہلے واعظ دے دوران پندرہ لوکاں نوں پاگل کر دِتا سی۔

وائٹ فیلڈ دے خلاف ایہو جئی شکایتاں دا اِزالہ اکثر نئے سرے توں جنم دی انتہائی ضرورت دی تبلیغ توں ہو جاندا سی۔ لیکن جنہی اُوہناں تے تنقید کیتی گئی اُونا ای خدا نے اُوہناں دے تبلیغ نوں برکات نال نوازیا۔

اَج سانوں وائٹ فیلڈ وگرے نڈر مبلغین دی لوڑ اے۔ افسوس دے نال، زیادہ تر مبلغین گرجا گھر دے لوکاں نوں دسن دے لئی تیار نئیں ہوندے نے، جیہڑے اُوہناں دے اَگے بیٹھے ہوندے نے، کہ اُو گواچے ہوئے نے۔ ساڈے دور وِچ وائٹ فیلڈ وگرے لوکاں دی انتہائی لوڑ اے۔

درج ذیل واعظ نوں جدید انگریزی وِچ تبدیل کیتا گیا اے تاکہ وائٹ فیلڈ دا پیغام ایس نئی نسل دے لئی مذید ہور قابلِ فہم ہووے۔

واعظ:

’’تے جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا‘‘ (یوحنا16:8)۔

ایہہ الفاظ اُوس وعدے دے کُج حصے تے مشتمل نے جیہڑا یسوع نے اپنے شاگرداں نال کیتا سی۔ اُو غم توں بھرپور سن۔ صلیب تے یسوع دی موت دا ویلہ قریب سی۔ زمین تے اپنی تمام تر منادی دے دوران یسوع اپنے شاگرداں دے نال انتہائی مہربانی رہیا سی۔ اُوہنے اُوہناں دے نال ملازماں وگرا برتاؤ نئیں کیتا سی۔ اُوہنے اُوہناں دے نال بیلیاں وگرا برتاؤ کیتا سی۔ تے اُوہناں تے گاہے بگاہے راز افشا کیتے سی۔ اُوہنے اُوہناں نوں خدا دی بادشاہی دے خفیہ اسرار سمجھائے سن، بے شک دوجیاں نوں اُوہنے تمثیلاں وِچ دسے سن۔ اُو شاگرداں دا ملازم بن گیا سی، تے ایتھوں تیکر کہ اُوہناں دے پیر تیکر دھوتے سن۔

یسوع وگرے اِک پیارے بیلی نوں کھو دین دی سوچ نے شاگرداں نوں ضرور بوہتی زیادہ افسردہ کر چھڈیا سی۔ جدوں اُو اُوہناں نوں صرف اِک رات دے لئی چھڈن لئی جا رہیا سی تے اُوہنوں اُوہناں کولوں پِچھا چھڑان وِچ مشکل ہو رئی سی۔ ایہدے وِچ حیرت دی کوئی گل نئیں سی کہ اُو اپنے دِلاں وِچ دُکھی سن جدوں اُوہنے اُوہناں نوں دسیا کہ اُو آسمان تے واپس جان دے لئی اُوہناں نوں مکمل طور تے چھڈ رہیا سی۔

یوحنا 16:5 پر غور کریں،

’’لیکن ہُن میں اپنے پیجھن آلے دے کول واپس جا رہیا واں تے تہاڈے وِچوں کوئی وی نئیں پُچھدا کہ توں کیتھے جا رہیا اے؟ لیکن چونکہ میں تہانوں دس دِتا اے ایس لئی تُسی بوہتے دُکھی ہو گئے اُو‘‘ (یوحنا 16:5۔6).

ایہہ تاثر انتہائی تاکیدی اے؛ اُوہناں دے دِل ایس قدر فکر دے نال بھر گئے سن کہ اُو ٹوٹن نوں تیار سن۔

اُوہناں نوں تسلی دین دے خاطر، یسوع نے اُوہناں تے ظاہر کیتا کہ اُوہدے لئی ضروری سی کہ اُو اُوہناں نوں چھڈ کے ٹُر جائے:

’’مگر میں تہانوں سچ سچ کہنا واں کہ: میرا ایہدروں رُخصت ہونا تہاڈے حق وِچ بہتر ثابت ہووے گا‘‘ (یوحنا 16:7).

ایہہ اینج ای سی جیویں اُوہنے کہیا، ’’ایہہ مت سوچنا کہ میں تہاڈے نال ناراضگی دی وجہ توں رخصت ہو رہیا واں۔ نئیں، ایہہ تہاڈی ای خاطر اے۔ ایہہ تہاڈی مدد کرن لئی۔ جے میں جئیں جاواں گا – صلیب تے مرن لئی، مردیاں وچوں جی اُٹھن لئی، تے آسمان وچ چُکے جان لئی – جے میں نئیں جاواں گا تے ایہہ شیواں نئیں کراں، تے پاک روح تہاڈے تے نازل نئیں ہووے گا۔ لیکن جے میں تہانوں چھڈدا واں، تے میں تہانوں پاک روح بھیجاں گا۔‘‘

تے فیر یسوع نے وضاحت کیتی کہ پاک روح کی کر سکے گا:

’’جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا‘‘ (یوحنا16:8)۔

تلاوت وچ جیس ہستی دا حوالہ دِتا گیا اے اُو واضح طور تے پاک روح اے۔ تے وعدہ پہلاں رسولاں نال کیتا گیا سی۔ لیکن اگرچہ وعدہ اُوہناں نال کیتا گیا سی، ایہدے باوجود اُو سارے سچے مسیحیاں دے نمائندے سی۔ ایس لئی، سانوں ایہہ سمجھنا چائیدا اے کہ ایہہ تلاوت براہ راست ساڈے لئی گل کردی اے۔ پاک روح دا ایہہ وعدہ تہاڈے لئی اے، تہاڈے بچیاں لئی اے، تے ایہنے بے شماراں لئی اے جیہنیاں نوں خُداوند ساڈا خُدا سدنا چاہے (حوالہ ملاحظہ کرو اعمال 2:39)۔

لیکن ایس واعظ وچ میرا وعدہ تہاڈے تے ایہہ ظاہر کرنا اے کہ پاک روح کیویں عام طور تے اُوہناں دے دِلاں وچ جیہڑے مسیح وچ تبدیل شُدہ نے کم کردا اے۔ میں کہنا واں ’’عام طور تے‘‘ کیوں جے خُدا اقتدار اعلٰی اے، تے اُوہدی روح جدوں تے جیویں اُو چاہے چلدی اے۔ ایس لئی، میں خُدائے قادر مطلق نوں پابند نئیں کر سکدا کہ اُو ہر اِک تے اِک ای طریقے نال عمل کرے۔ اُو ساریاں لوکاں نوں اِک ای درجے دا راسخ عقیدہ نئیں دیندا اے۔ نئیں، اُو جیہڑے بچائے جان گے اُوہناں نوں سدّن لئی خُدا دے مختلف طریقے نے۔ لیکن اسی ایس گل دا یقین کر سکنے آں: جدوں کدی وی کِتھے گناہ دے تحت سزایابی تے مسیحی وچ تبدیل ہون دا حقیقی عمل ہوندا اے، ایہہ ہمیشہ پاک روح ہوندا اے جیہڑا کم کردا اے۔ چاہے ودھ یا گھٹ درجے دا ہووے، ایہہ ہمیشہ پاک روح ہوندی اے جیہڑا اِک گناہ نال بھرپور بندے وچ اندرونی پریشانی لہیاندا اے، جیویں کہ یسوع نے شاگرداں نوں دسیا سی، ساڈی تلاوت وچ، کہ اُو کرے گا جدوں خُدا دی روح آوے گی:

’’جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا‘‘ (یوحنا16:8)۔

جے تُسی ایہہ سوچدے اُو کہ پاک روح دے اندرونی کم اِک طلسم اے، یا جے تُسی سوچدے اُو کہ پاک روح نوں محسوس کرن یا پان وگری کوئی گل نئیں اے، تے مینوں افسوس اے کہ میری تبلیغ تہانوں احمقانہ محسوس ہووے گی۔ لیکن چونکہ تلاوت وچ وعدہ ’’دُنیا‘‘ دے نال کیتا گیا اے، تے میں وضاحت کراں گا کہ کیویں ہر مسیح وچ غیر تبدیل شُدہ گنہگار دے دِل وچ پاک روح کم کرے گا۔ تے مینوں اُمید اے کہ خُدا تہاڈے دِل وچ کم کرے تے تہانوں گناہ دی تنبیہہ کرے۔

’’تنبیہہ‘‘ لفظ دا ترجمہ ’’رضامند کرنا‘‘ ہونا چائیدا اے۔ یونانی وچ ایہہ اِک سزایابی تے لاگو ہوندا اے جیہڑا دلیل دے ذریعے نال دماغ وچ بوہتا زیادہ قوت نال آندا اے – جیویں اِک وکیل اِک فیصلہ ساز کمیٹی نوں ’’قائل کر رہیا‘‘ ہووے۔ ایس لئی، پاک روح گنہگاراں نوں گناہ لئی قائل کردا اے۔ ایہہ کینج دا محسوس ہوندا اے جدوں پاک روح تہاڈے نال اینج کردا اے؟ تہانوں کیویں معلوم ہوندا اے کہ ایہہ پاک روح اے؟ تُسی شاید ایہہ وی پُچھ سکدے اُو کہ کینج دا محسوس ہوندا اے یا تُسی کیویں جانندے اُو جدوں دِن دے ویلے سورج تہاڈے تے چمکدا اے۔ کیوں جے ایہنی ای قوت تے ثبوت دے نال پاک روح گنہگاراں تے اُوہناں دی جاناں نوں ایہہ قائل کرن لئی کہ اُو گنہگار نے کم کردا اے۔

I۔ پہلی گل، اُو گناہ لئی قائل کردا اے۔

عام طور تے اُو کسی بوہتی زیادہ، بوہتے وڈے گناہ، شاید بدترین جیدے تُسی قصوروار ہوو لئی قائل کردا اے۔ جدوں یسوع نے سامریہ دی عورت نال گل کیتی سی، اُوہنے پہلاں اُوہنوں اُوہدی زناکاری لئی قائل کیتا سی۔

’’یسوع نے اُوہنوں کہیا، جا تے اپنے شوہر نوں سد لہیا… اُوہنے جواب دِتا کہ میرا کوئی شوہر نئیں۔ یسوع نے اُوہنوں کہیا، تُو سچ کہندی اے کہ تیرا کوئی شوہر نئیں۔ تُو پنج شوہر کر چُکی اے تے جیدے کول تُو ہُن رہندی اے اُو بندہ وی تیرا شوہر نئیں اے۔ تُو جو کُج کہیا بالکل سچ اے‘‘ (یوحنا 4:16۔18).

ایہدے نال اُوہدے دوجے ساریاں گناہواں دی ایس قدر طاقتور گناہ دے تحت سزایابی آندی اے، کہ ’’اُو عورت پانی دا گھڑا اوتھے ای چھڈ کے واپس شہر چلی گئی تے لوکاں نوں کہن لگی، آؤ اِک آدمی نوں ملو جیہنے مینوں سب کُج جیہڑا میں ہُن تیکر کیتا سی، دس دِتا؛ کی ایہی مسیح تے نئیں اے؟‘‘ (یوحنا 4:28۔29)۔

ایہی طریقہ اے جیہڑا یسوع نے ساؤل جلاد دے نال اختیار کیتا سی: پہلاں اُوہنے اُوہنوں اذیت دین دے ہولناک گناہ دے بارے وچ قائل کیتا۔ یسوع نے اُوہنوں کہیا،

’’ساؤل، ساؤل، تُو مینوں کیوں ستاندا اے؟‘‘ (اعمال 9:4).

اُوہدے دوجے سارے گناہ اُوہدے ذہن وچ آ گئے، تے اُوہنے سارے جھوٹے آسرے چھڈ دِتے۔ اُو جان دی ایس قدر اذیت وچ پایا گیا، کہ اُوہنے تِن دِناں تیکر کُج کھادا پیتا نئیں، جدوں کہ اُو خُود اپنی نجات لئی دعا کیتا کردا سی۔

ایہہ پاک روح دا طریقہ اے جیہڑا عموماً گنہگاراں نال ہوندا اے۔ اُو پہلاں اُوہناں نوں کسی ہولناک گناہ لئی قائل کردا اے، تے اُوسی دوران اُوہناں دے دوجے سارے گناہواں نوں یاد دلاندا اے۔ ’’جدوں اُو مددگار آ جاوے گا تے جیتھوں تیکر گناہ دے اِنصاف دا تعلق اے اُو دُنیا نوں مجرم قرار دوے گا۔‘‘ تے کی اینج کدی تہاڈے نال رونما ہویا اے؟ کی کدی پاک روح نے تہاڈے ذہن وچ تہاڈے سارے گناہ یاد دلائے نے؟ کی کدی پاک روح نے تہانوں خُدا لئی رُلایا اے، ’’تُسی میرے خلاف ناقابلِ برداشت گلاں لکھدے اُو‘‘؟ کی کدی تہاڈے سامنے تہاڈے گناہ ظاہر ہوئے نے جیویں کہ اُو درج کیتے گئے سی، ہر اِک، اُوہدے فیصلیاں دی کتاب وچ؟ جے نئیں، تے تُسی کدی وی گناہ دے تحت سزایابی وچ نئیں آوے یا مسیحی وچ تبدیل نئیں ہوئے! تُسی ہُنے تیکر کھوئے ہوئے اُو! ہُنے تیکر– تہاڈی حیاتی وچ تلاوت دا وعدہ کدی وی پورا نئیں ہویا اے۔

’’جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا‘‘ (یوحنا16:8).

لیکن، ایہدے توں وی پہلاں، جدوں پاک روح پہلی وری اِک کھوئے ہوئے گنہگار نوں گناہ دے تحت سزایابی وچ لہیاندا اے، تے اُو عموماً اُوہنوں پہلاں اُوہدے اصلی گناہ وکھاندا اے۔ لیکن فیر اُوہنوں ظاہر کیتا جاندا اے تے اُوہدے اصلی گناہ تے غمگین ہون لئی راہ وکھائی جاندی اے، اُو چشمہ جیدے نال دوجے سارے گناہ وگدے نے۔ انسان دے تجربے وچ ہر گل ثابت کردی اے کہ تُسی اِک بدکار فطرت دے اُو، کہ

’’جیویں اِک آدمی قصور دے سبب نال سارے بندیاں لئی موت دی سزا دا حکم ہویا‘‘ (رومیوں 5:18).

حالانکہ انسانی تجربے وچ ہر گل آدمی وچ تہاڈی بدکاری نوں ثابت کردی اے، ایہدے باوجود زیادہ تر لوکی گناہ دی دھوکہ بازی دے ذریعے نال ایس قدر سخت دل نے، کہ بے شک جے اُو اپنے ذہن وچ ایہہ تسلیم کر وی لین، اُو اپنے دِلاں وچ محسوس نئیں کردے کہ ایہہ کیس قدر بھیانک اے۔ کُج انکار کرن گے کہ اُوہناں دی فطرت مکمل طور تے بدکار تے مسخ شُدہ اے۔ حالانکہ بے شک اُوہناں دیاں حیاتیاں واضح طور تے اُوہناں نوں ناجائز پیو دی ناجائز اولاد ثابت کردیاں نے۔ لیکن جدوں پاک روح گنہگاراں نوں گناہ دی سزایابی دے تحت لہیاندا اے، اُوہدے سارے جھوٹے اعتراضات فوراً غائب ہو جاندے نے۔ اُوہنوں ’’ایس موت دے جسم توں مینوں کون نجات دلائے گا؟‘‘ چِلان لئی مجبور کیتا جاندا اے (رومیوں 7:24)۔ اُو ہُن اپنے اصلی گناہ تے ایہناں غمزدہ نئیں ہوندا اے جیہناں اُو خود اپنے دِل دی گمراہی تے ہوندا اے۔ اُوہنوں ہُن معلوم ہو جاندا اے کہ خود اُوہدا اپنا دِل خُدا دا اِک دشمن اے۔ خود نوں دھوکہ دین دے بجائے، اُو ہُن خود اپنے بدکار تے تباہ حال دِل دی گہرائی وچ اقرار کردا اے کہ اُو خُدا دا دشمن اے۔

میرے بیلی، کی تُسی کدی اپنے بدکار دِل نال تعلق رکھدے ہوئے، ایس قائل کر دین آلی قوت دا تجربہ کیتا اے؟ کی تہانوں کدی محسوس کرایا گیا کہ تہاڈے وچ کوئی نیکی نئیں اے؟ کی تُسی کدی محسوس کیتا کہ قدرتی طور تے قہر دے اِک بچے نے؟ کی تُسی کدی محسوس کیتا کہ تُسی گناہ وچ پیدا ہوئے سی؟ کی تُسی کدی اعتراف کیتا کہ تہاڈے چہ کوئی اچھائی نئیں سی؟ کی تُسی کدی اپنے اصلی گناہ دی بدکار، بے دین فطرت تے اپنے حقیقی گناہ دی یاد تے ماتم کیتا سی؟ کی ایہہ گناہ کدی تہاڈے لئی ناقابلِ برداشت ہوئے سی؟ جے نئیں، تے تُسی ہُنے تیکر کھوئے ہوئے اُو! تُسی کدی وی مسیح وچ تبدیل ہوئے ای نئیں سی۔ پاک روح نے کدی وی تہانوں مؤثر طریقے نال بیدار یا قائل نئیں کیتا سی۔ نتیجے دے طور تے، بالکل ہُںے تُسی لعنت دی حالت وچ اُو۔ تُسی اِک مسیحی نئیں اُو۔

’’جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا‘‘ (یوحنا16:8).

فیر، پاک روح جدوں گنہگار تے اپنا کم شروع کردا اے، اُو نا صرف گنہگار نوں اُوہدی گناہ نال بھرپور فطرت لئی، تے اُوہدی حیاتی وچ حقیقی گناہواں تے، بلکہ اُو اپنے مذہب تے اخلاقیات دے گناہ تے وی قائل کردا اے۔

سارے کھوئے ہوئے لوکی سوچدے نے کہ اُو کافی مذہبی تے کافی نیک نے۔ جدوں اِک گنہگار اپنے گناہ لئی بیدار ہونا شروع ہوندا اے، تے اُو چنگیاں گلاں جیہڑیاں اُوہنے کیتی ہوندیاں نے اُوہناں نوں سوچن دی کوشش کردا اے، اپنے آپ نوں درست ثابت کرن لئی، تے اپنی خود دی اچھائی قائم کر لیندا اے۔ لیکن ایہہ جھوٹی تسلیاں نے۔ پاک روح تہانوں ضرور وکھانا چاہندا اے کہ تہاڈی ساریاں راستبازیاں ماسوائے غلیظ چیتھڑاں دے کُج نئیں نے۔ اِک صاف ترین تے بہتر شخص نکمے نوکر دی بدنصیبی دے مقابلے وچ، جیہنوں ’’باہر انھیرے وچ (جیتھے) رونا تے دنداں دا پیسنا ہوندا اے‘‘ کسی ہور گل دا مستحق نئیں ہوندا اے (متی 25:30)۔

کی کدی پاک روح نے تہانوں ایس قسم دی گناہ دے تحت سزایابی دِتی اے؟ کی اُو کدی تہاڈے دِل وچ آیا تے تہانوں اپنی اخلاقی، اچھائی تے مذہب توں بےزار کیتا اے؟ کی تُسی کدی خود اپنی راستبازی نال نفرت کرنی چائیدی اے، تے کی کدی تُسی اپنے آپ توں اقرار کیتا کہ تُسی لعنتی کیتے جان دے مستحق اُو؟ کی کدی پاک روح نے تہانوں محسوس کرایا کہ تہاڈے ہر کفارے نوں توبہ دی لوڑ اے، تے کہ خود تہاڈے وچ ہر گل گوبر دے مقابلے وچ بہتر نئیں اے؟ کی تُسی کدی محسوس کیتا کہ تُسی ہر طرح نال گناہ توں بھرپور تے دو کوڑی دے اُو؟ کی تُسی کدی چلائے اُو، ’’خُداوندا میرے وگرے گنہگار لئی مہربان ہو‘‘؟ جے تہاڈے ذہن وچ کدی وی پاک روح دے وسیلے نال اینج دے خیالات نئیں آئے نے، تے تُسی مسیحی نئیں اُو۔ تُسی ہُنے تیکر کدی وی مسیح وچ تبدیل نئیں ہوئے اُو۔

لیکن ایتھے اِک چوتھا گناہ اے، جیدے لئی پاک روح جان نوں قائل کردا اے، جدوں اُو اِک بندے کول آندا اے۔ تے ایہہ اینجا دا شاندار گناہ اے کہ ایہہ واحد اِک اے جیدا مسیح نے ذکر کیتا۔ ایہہ پوری دُنیا دا مرکزی گناہ اے۔ ایہہ ملعون گناہ اے، دوجی ساریاں بُرائیاں دی جڑ۔ میرا مطلب یسوع وچ بے اعتقادی دا گناہ اے۔ آیت نو تے غور کرو،

’’گناہ دے بارے وچ، اِیس لئی کہ لوکی میرے تے ایمان نئیں لہیاندے‘‘ (یوحنا 16:9).

اج شام ایتھے لوکی نے جیہڑے یسوع وچ وچائے جان دا یقین نئیں رکھدے نے۔ ایہہ تہاڈا سب توں وڈا گناہ اے – یسوع وچ یقین نہ کرن دا گناہ۔ یسوع تہاڈے نال محبت کردا اے۔ اُو صلیب تے تہاڈے گناہواں دا کفارہ ادا کرن لئی مریا۔ اُو واقعی مُردیاں وچوں جی اُٹھیا، تے آسمان وچ چُکیا گیا، اِک ہور وسعت وچ۔ اُو ہُنے زندہ اے، آسمان وچ خُدا دے داہنے ہتھ تے بیٹھیا ہویا۔ تُسی یسوع دے کول آ سکدے اُو۔ تُسی اپنے گناہواں توں یسوع دے ذریعے نال وچائے جا سکدے اُو۔ لیکن تُسی اُوہدے تے یقین کرن توں انکار کردے اُو۔ ایہہ اِک ہولناک، جان لئی لعنتی گناہ اے – تہاڈا یسوع وچ یقین نہ کرن دا گناہ۔ تُسی شاید کہندے اُو کہ تُسی اُوہدے وچ یقین رکھدے اُو، لیکن تہاڈے کول خود بدروحاں دے مقابلے وچ زیادہ ایمان نئیں اے۔ شاید تُسی سوچدے اُو کہ تُسی یقین کردے اُو کیوں جے تُسی یوحنا 3:16 جانندے اُو یا ’’گنہگاراں دی دعا‘‘ کہی سی، یا بپتسمہ پا چُکے اُو، لیکن ایہدا ایہہ مطلب نئیں اے کہ تُسی یسوع وچ یقین رکھدے اُو۔ ایہہ سب کُج تے نئے سرے توں فیر جنم لیے بغیر، خُدا دے پُتر دا سچا عبادت گزار بنے بغیر وی کیتا جا سکدا اے۔

میں ایہدے مقابلے وچ بہتر امتحان نئیں جاننا واں: تُسی کدوں یسوع وچ یقین کیتا سی؟ جے تُسی دس نئیں سکدے کہ کدوں تُسی بلاشُبہ اُوہدے وچ یقین کیتا سی، فیر تُسی اُوہدے وچ وچائے جان آلے طریقے توں یقین نئیں کیتا اے۔ جے تُسی اِک مخصوص ویلے دا نئیں سوچ سکدے جدوں تُسی پہلی وری اُوہدے تے یقین کیتا سی تے ایہہ اِک یقینی علامت اے کہ تہاڈے کول کوئی سچا ایمان نئیں اے۔ تُسی ہُنے تیکر کھوئے ہوئے اُو، تُسی ہُنے تیکر مسیح وچ غیر تبدیل شُدہ اُو۔

’’جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا گناہ دے بارے وچ، اِیس لئی کہ لوکی میرے تے ایمان نئیں لہیاندے‘‘ (یوحنا 16:8۔9).

ایہہ طریقے نے جنہاں توں پاک روح گناہ دی روح رواں نوں قائل کراندا اے۔

II۔ دوجی گل، اُو راستبازی کی اے جیدے بارے وچ پاک روح دُنیا نوں قائل کردا اے؟

تلاوت تے اِک وری فیر نظر پاؤ:

’’جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا راستبازی دے بارے وچ… راستبازی دے بارے وچ، اِیس لئی کہ میں واپس اپنے پیو کول جا رہیا واں تے تُسی مینوں فیر نئیں ویکھو گے‘‘ (یوحنا 16:8، 10)۔

ایہہ پاک روح اے جیہڑا اِک گنہگار نوں یسوع مسیح دی ساری دی ساری راستبازی لئی قائل کردا اے۔ پاک روح نوں چائیدا اے کہ تہانوں کلیاں مسیح دی راستبازی وکھائے۔ تہانوں مسیح تے ’’چھڈ دینا‘‘ چائیدا اے۔ اُوہدی راستبازی تہانوں زیب تن کرنی چائیدی اے۔ جیویں کہ اِک پرانا حمد و ثنا دا گیت کہندا اے:

کلیاں اُوہدی راستبازی نوں زیب تن کیتے ہوئے،
تخت دے سامنے بے عیب کھلوتا واں۔
   (’’ٹھوس چٹان The Solid Rock،‘‘ شاعر ایڈورڈ موٹ Edward Mote، 1797۔1874)۔

پاک روح نوں چائیدا اے کہ تہانوں یسوع دے کول آن لئی قائل کرے تے اُوہدی اچھائیاں تے راستبازی تہاڈے ریکارڈ توں منسوب کرے۔

جدوں پاک روح تہاڈی یسوع دی راستبازی دی لوڑ لئی تہانوں قائل کردا اے، تے بابرکت یسوع کیہنا شاندار نظر آندا اے! تُسی خداوند نوں بطور اپنی راستبازی دے ویکھو گے! لیکن محض مسیح دی راستبازی نوں ویکھنا ای تہاڈے لئی کافی نئیں ہووے گا۔ پاک روح نوں ایہنوں تہاڈی ملکیت بنانا چائیدا اے۔ اپنے آپ نوں وچان لئی تہانوں خود مسیح دی راستبازی نوں ملکیت بنانا چائیدا اے۔

III۔ تیجی گل، پاک روح، جدوں اِک بندے کول آندا اے، تے فیصلے لئی قائل کردا اے۔

اِک اخیرلی وری تلاوت تے غور کرو:

’’جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا‘‘ (یوحنا16:8).

بیچارہ مسیح دے بغیر بشر! کی تُسی جانندے اُو کہ تُسی کیس حالت وچ اُو؟ کیوں، اِک فاسِق، شیطان تہاڈے تے حکومت کردا اے! اُو تہاڈی ایہی حیاتی چلاندا اے۔ اُو تہاڈے وچ سماندا اے تے چلدا اے، جدوں تیکر کہ تُسی مسیح وچ تبدیل نئیں ہو جاندے اُو۔ لیکن شیطان تہانوں کی دوے گا؟ اُو تہانوں دائمی موت دوے گا، جہنم وچہ ہمیشہ لئی لعنت۔

اوہ اُو مسیح تہانوں اپنا دِل دین لئی چاہن گے! یسوع اُوہناں ساریاں نوں جیہڑے اُوہدے کول آندے نے دائمی حیاتی دا تحفہ پیش کردا اے۔ مسیح نوں اپنا جسم تے روح دیو۔ اُوہنوں اپنی ساری حیاتی دیو۔

فیصلہ! کیہنا ہولناک لفظ! پاک روح نوں چائیدا اے کہ تہانوں وکھائے کہ جے تہاڈے کول مسیح نئیں اے تے فیصلہ تہاڈے ول آ رہیا اے۔ پاک روح نوں چائیدا اے کہ مسیح وچ نجات نہ پائے ہوئے مُردیاں دے اخیرلے فیصلے نوں تہاڈے لئی حقیقی بنائے۔ کتاباں کھولی جان گئیاں۔ خُدا تہاڈے گناہواں نوں کتاباں وچوں پڑھے گا۔ فیر تُسی جہنم وچ جھونکے جان گے (حوالے لئی ملاحظہ کرو مکاشفہ 20:11۔15)۔ پاک روح نوں تہانوں ایہہ ضرور وکھانا چائیدا اے۔ فیر تُسی ویکھ پاؤ گے کہ تہانوں یسوع دی لوڑ کیوں اے۔ تہانوں آسمان وچ خُدا دیاں کتاباں وچوں اپنے گناہواں نوں دھون لئی یسوع دے لہو دی لوڑ اے۔ ’’اُوہدے پُتر یسوع مسیح دا لہو سانوں ساریاں گناہواں توں پاک صاف کردا اے‘‘ (1۔ یوحنا 1:7)۔

فیر آؤ، غماں نال بھرپور ہو کے پرے مت جاؤ۔ میرے واعظ نوں سُنو تے یسوع وچ پرہوسا رکھو! اُو تہانوں وچائے گا! اُو تہانوں ہمیشہ لئی وچائے گا!

اے خُداوند تھلے بھیج، تھلے بھیج، اپنے پاک روح نوں کہ اُوہناں نوں جیہڑے گناہ وچ کھو گئے نے، مسیح دی راستبازی تے فیصلے لئی قائل کرے، جے اُو خُدا دے پُتر نوں مسترد کردے نے۔ اسی یسوع دے ناں وچ منگنے آں۔ آمین۔

واعظ توں پہلاں کلام مقدس دی تلاوت کیتی سی: یوحنا 16:7۔11 .
کلیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی: ’’خُدا ہُنے تیکر سد رہیا اے God Calling Yet‘‘
شاعر گرہارڈ ٹرسٹیجن Gerhard Tersteegen (1697۔1769)

جارج وائٹ فیلڈ کی سوانح حیات: جارج وائٹ فیلڈ 1714 وِچ انگلستان دے شہرگلو سیسٹر وِچ پیدا ہوئے سن۔ اُو اِک مے خانے دے مالک دے پُتر سن۔ ایس ماحول وِچ بحیثت اِک بچے دے اُوہناں تے مسیحیت دا گھٹ اثر ہویا سی، لیکن سکول وِچ اُوہناں دی اہلیت غیر معمولی سی۔ اُوہناں نے آکسفورڈ یونیورسٹی توں تعلیم حاصل کیتی جیتھے اُو جان تے چارلس ویزلی دے بیلی بنے تے اُوہناں دے بائبل دے مطالعے تے دعا دے گروہ دا حصہ بنے۔

جدوں اُو آکسفورڈ وِچ اِک طالب علم ای سن تے اُوہناں نوں مسیح وِچ تبدیلی دا تجربہ ہویا۔ ایہدے کُج ای عرصے بعد اُوہناں نوں انگلستان دے گرجا گھر وِچ مذہبی عہدے تے فائز کیتا گیا۔ اُوہناں دے نئے سرے توں پیدائش دی انتہائی لُوڑ دی منادی دے نتیجے وِچ گرجا گھراں نے اُوہناں تے اپنے بوہے بند کر چھڈے، چونکہ جسمانی پادری خوفزدہ سن کہ اُوہناں دے نئے سرے توں جنم تے واعظ اُوہناں دے علاقہ داراں نوں ناراض کرن گے۔ ایویں، اُوہناں نوں زبردستی گرجا گھراں تو نکال باہر کیتا گیا، کہ اُو کُھلے میداناں وِچ تبلیغ کرن، جیس دی وجہ توں اُو مشہور ہو گئے۔

وائٹ فیلڈ نے 1738 وِچ امریکہ دے لئی سفر کیتا تے اِک یتیم خانے دی بنیاد رکھی۔ اُوہناں نے بعد چہ ساریاں امریکی نوآبادیاں تے برطانیہ وِچ سفر کیتا، تبلیغ کردے گئے تے یتیماں نوں سہارا دین دے لئی فنڈ جمع کردے رئے۔ اُوہناں نے سپین، ہالینڈ، جرمنی، فرانس، انگلستان، وھیلز تے سکاٹ لینڈ وِچ منادی کیتی، تے امریکہ وِچ منادی کرن دے لئی بحراوقیانوس نوں تیرہ وری عبور کیتا۔

اُو بنجامن فرینکلن، جاناتھن ایڈورڈز تے جان ویزلی دے گہرے دوست سن، تے اُوہناں وِچوں اِک سن جنہاں نے ویزلی نوں میداناں وِچ تبلیغ کرنے دے لئی، جیویں کہ اُو کردے سن، قائل کیتا سی۔ بنجامن فرینکلن نے اِک وری اندازہ لایا کہ وائٹ فیلڈ نے تی ہزار سامعین نوں مخاطب کیتا سی۔ اُوہناں دی بیرونی عبادتاں وِچ حاضرین دی تعداد اکثر 25,000 توں زیادہ ہوندی سی۔ اِک وری اُوہناں نے سکاٹ لینڈ وِچ گلاسگو دے قریب اِک ای اجتماع وِچ 100,000 توں وی بوہتے لوکاں نوں تبلیغ کیتی سی – اِک ای دِن وِچ جدوں کہ اُوہناں دِناں وِچ مائیکروفون وی نئیں ہوندے سن! دس ہزار لوکاں نے اُوس عبادتی پروگرام وِچ مسیح تے ایمان لہیا کے تبدیل ہون دا اقرار کیتا۔

بُہتیرے تاریخ دان اُوہناں دا شمار ہُن تیکر دے انگریزی بولن آلے مبشرانِ بشارتِ انجیل دے عظیم ترین لوکاں وِچ کر چکے نے۔ حالانکہ بلی گراھم الیکٹرانک مائیکروفون دے مدد نال ایہناں توں بوہتے لوکاں نال مخاطب ہوئے سن، تہذیب و ثقافت تے وائٹ فیلڈ دا اثر بِلا کسی سوال دے انتہائی شدید تے بوہتا مثبت سی۔

وائٹ فیلڈ پہلی عظیم بیداری تے نمایاں ہستی نے، اُو شدید تجدید نو جیس نے 18ویں صدی دے وِچکار امریکہ دے کردار دی تشکیل کیتی سی۔ ساڈے مُلک وِچ نوآبادیاں وِچ تجدیدِ نو دے نال شعلے بھڑک اُٹھدے سن جدوں اُو منادی کردے سی۔ ایس تجدیدِ نو دا ودھیا ترین دور اُو سی جدوں 1740 وِچ چھ ہفتے دے دورانیے دا دورہ وائٹ فیلڈ نے نئے انگلستان وِچ کیتا۔ محض صرف پینتالی دِناں وِچ اُوہناں نے اِک سو پچتر واعظاں دے تبلیغ ہزاراں لاکھاں لوکاں نوں کیتی، تے اُوس علاقے نوں اِک روحانی ہنگامہ خیزی وِچ بدل دِتا، جیہڑا امریکہ دے مسیحیت دے ادوار وِچ اِک شاندار دور کہلایا۔ ریاست ہائے متحدہ وِچ بپتمسہ دین آلیاں دی تحریک دے ودھن دا سہرا وی براہ راست ایس دور دے دوران وائٹ فیلڈ دے منادی نوں ای جاندا اے۔

اپنی موت دے ویلے تیکر اُوہناں نے لوکاں دے دِل جیت لئے سن تے ساری انگریزی بولن آلی دُنیا دی توجہ تے حکمرانی کیتی۔ اُوہناں نے پرنسٹن یونیورسٹی، ڈارتھماؤتھ کالج، تے پینسِلوانیا دی یونیورسٹی دی بنیاد رکھن وِچ مرکزی کردار ادا کیتا۔ اُوہناں دا انتقال امریکی انقلاب توں چھ ورے پہلاں 1770 وِچ میساشوسٹز دے شہر نیوبری پورٹ وِچ تبلیغ کرن دے کُج ای دیر بعد ہویا۔ (وائٹ فیلڈ دی مختصر سوانح حیات دے لئی ویکھو، ’’جارج وائٹ فیلڈ دی حیاتی تے منادی The Life and Ministry of George Whitefield ‘‘ مصنف ایڈ رییز Ed Reese، بنیادی اشاعت خانے Fundamental Publishers، 126 پائن لین Pine Lane، گلین ووڈ Glenwood، ایلینوائس Illinois 60425)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

مسیح وِچ ایمان لہیا کے تبدیل ہون تے وائٹ فیلڈ # 2
’’پاک روح دا دُنیا نوں قائل کرنا‘‘

WHITEFIELD ON CONVERSION #2
“THE HOLY SPIRIT CONVINCING THE WORLD”

ڈاکٹر آر۔ ایل۔ ہائیمرز وَلّوں
by Dr. R. L. Hymers, Jr.

’’تے جدوں اُو مدد گار آ جاوے گا تے جِتھوں تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا‘‘

(یوحنا 16:5۔8؛ اعمال 2:39)

I.   اُو گناہ دے لئی قائل ہوندا اے

1. عموماً کوئی وڈا گناہ، یوحنا 4:16۔18؛
یوحنا 4:28۔29؛اعمال 9:4 ۔

2. اصلی گناہ – اِک بدکار فطرت، رومیوں 5:18؛ رومیوں 7:24 ۔

3. تہاڈی بہترین کوششاں نوں چنگا کرن دے گناہ، متی 25:30 ۔

4. یسوع وِچ بے اعتقادی دا گناہ، یوحنا 16:9 ۔

II.  اُو راستبازی دے لئی قائل کردا اے، یوحنا 16:8، 10 ۔

III. ُو فیصلے دے لئی قائل کردا اے، مکاشفہ 20:11۔15؛ 1۔ یوحنا 1:7 ۔