کی تُسی یسوع دی واج سُنو گے؟ | Will You Hear the Voice of Jesus?

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع نوں سردار کاہناں تے فریسیاں دے آدمیاں تے افسراں‘‘ دے اِک گروہ نے گرفتار کیتا سی (یوحنا 18: 3)۔ اُو اُوتھے آئے جیتھے اُو رات نوں ’’لالٹیناں تے مشعلاں تے ہتھیاراں دے نال‘‘ دعا کر رہیا سی (ibid.)۔ اُو یسوع نوں بنھ کے سردار کاہن دے کول لے گئے۔ ’’فیر اُوہناں نے اُوہدے مُنہ تے تھوک دِتا تے اُوہنوں ماریا تے دوجیاں نے اُوہنوں اپنے ہتھاں دی ہتھیلیاں نال گوجے مارے‘‘ (متی 26: 67)۔ فیر، ’’جدوں سویر ہوئی تے سارے سردار کاہناں تے لوکاں وِچوں بزرگاں نے یسوع دے خلاف مشورہ دِتا کہ اُوہنوں قتل کر دِتا جائے۔ تے فیر اُوہنوں بنھ کے لے گئے تے اُوہنوں گورنر پینطُس پیلاطُس دے حوالے کر دِتا‘‘ (متی 27: 1-2)۔

پیلاطُس اُوس ویلے یہودیہ دا رومی گورنر سی۔ اُو یسوع نوں رومی دربار وِچ لے آئے۔ گورنر نے اُوہناں نوں پُچھیا کہ تُسی ایس بندے تے کی الزام دھردے اُو؟ (یوحنا 18: 29)۔ اُوہناں نے کوئی حقیقی جواب نئیں دِتا، بلکہ آخرکار گورنر نوں یسوع توں سوال پُچھن دے لئی آمادہ کر لیہیا۔

فیر پیلاطُس محل دے اندر ٹر گیا، تے اُوہنے یسوع نوں اُوتھے طلب کر کے اُوہنوں پُچھیا، ’’کی توں یہودیاں دا بادشاہ اے؟‘‘ یسوع نے جواب دِتا، تُوں ایہ گل اپنے وَلوں کہہ رہیا اے، یا دوجیاں نے میرے بارے وِچ تیہنوں ایہ خبر دِتی اے؟‘‘ پیلاطُس نے جواب دِتا، ’’کی میں کوئی یہودی آں؟‘‘ تیری قوم نے تے اہم کاہناں نے تیہنوں میرے حوالے کیتا اے۔ بتا اَخیر توں کیتا کی اے؟‘‘ یسوع نے کہیا، ’’میری بادشاہی ایس دُنیا دے نئیں۔ جے دُنیا دی ہوندی تے میرے خادم جنگ کردے تے میہنوں یہودی رہنماواں دے ہتھاں گرفتار نہ ہون دیہندے۔ لیکن ہُںے میری بادشاہی ایتھے دی نئیں اے۔‘‘ پس پیلاطُس نے کہیا، ’’تے کی توں بادشاہ اے؟‘‘ یسوع نے جواب دِتا، ’’ایہ تے تیرا کہنا اے کہ میں اِک بادشاہ آں۔ دراصل، میں ایس لئی پیدا ہویا تے ایس مقصد نال دُنیا وِچ آیا کہ حق دی گواہی دیاں۔ ہر کوئی جیہڑا حق وَل اے میری گل سُنندا اے۔‘‘ (یوحنا 18: 33۔37)۔

یسوع نے جیہڑی گل کہی سی گورنر نے احتیاط دے نال اُوہنوں نئیں سُنیا سی۔ کیوں جے اُوہنے یسوع دے لفظاں تے توجہ ای نئیں دِتی سی، اُوہنے کہیا:

’’حق کی اے؟ تے جدوں اُو ایہ کہہ چکیا تے فیر توں یہودیاں دے کول گیا تے اُوہنے کہیا، میں تے ایس شخص نوں مجرم نئیں سمجھدا‘‘ (یوحنا 18: 38)۔

اِج راتی ایتھے تہاڈے وِچوں بہتیرے لوکی پیلاطُس وانگوں نے۔ تُسی کہندے اُو، ’’میں یسوع وِچ کوئی عیب نئیں پاندا! میہنوں ایہدے وِچ کوئی عیب نظر نئیں آندا!‘‘ لیکن ایہ صحیح جواب نئیں اے! صرف ایہ کیہنا کافی نئیں اے کہ تہانوں اُوہدے وِچ کوئی قصور نظر نئیں آندا!

میہنوں غلط مت سمجھو۔ ایہ سوچنا غلط نئیں اے کہ یسوع وِچ کوئی قصور نئیں اے۔ ایہ بیان سچ اے – جیتھوں تیکر وی ایہدے تے سوچیا جائے۔ لیکن ایہدے تے بوہتا سوچن دی لوڑ ای نئیں پیہندی اے۔ تُسی ویکھدے اُو، یسوع بس صرف اِک بے قصور ہستی توں زیادہ اے، حالانکہ اُو اُوہی اے۔

درحقیقت، پیلاطُس دا بیان نظریاتی تے بائبلی سچائی نال بھریا ہویا اے۔ درحقیقت، ’’میں اُوہدے وِچ کوئی عیب نئیں پاندا۔‘‘ کیہنا زبردست بیان اے – جیتھوں تیکر ایہدے تے سوچیا جائے! پیلاطُس دا مطلب یقیناً ایہ سی کہ یسوع شہنشاہ دے اِختیار یا ریاست دے امن دے لئی کوئی خطرہ نئیں سی۔ لہٰذا، پیلاطُس نے یہودیاں دے ایس الزام دے بارے وِچ یسوع وِچ کوئی غلطی نئیں پائی کہ اُوہنے خود نوں بادشاہ بنایا اے۔ لیکن دیگر نتائج وی نے جیہڑے اَسی پیلاطُس دے بیان توں کڈ سکنے آں۔ واقعی، مسیح دی پوری حیاتی تے کردار وِچ کوئی نقص نئیں پایا جا سکدا۔ یسوع واحد انسان اے جِنہے کدی گناہ نئیں کیتا۔ بائبل سانوں دسدی اے کہ یسوع ’’گناہ توں واقف نئیں سی‘‘ (II۔ کرنتھیوں 5: 21)۔ سانوں دسیا گیا اے کہ اُو ’’مقدس، بے ضرر، بے داغ‘‘ اے (عبرانیوں 7: 26)۔ صحیفے اُوہنوں ’’بے عیب تے بے داغ برّہ‘‘ کہندے نے (I پطرس 1: 19)۔ تے I یوحنا وِچ اَسی پڑھنےآں،

’’تے جدوں تُسی جانندے اُو کہ یسوع ایس لئی ظاہر ہویا کہ ساڈے گناہواں نوں اُٹھا لے جائے؛ تے اُوہدی ذات وِچ کوئی گناہ نئیں‘‘ (I یوحںا 3: 5)۔

اگرچہ پیلاطُس نوں اُوہدیاں گلاں دی [جیہڑا اُوہنے کہیا سی] صرف اِک مدھم تے سطحی سمجھ سی، فیر وی اُوہدا ایہ بیان بوہتی حد تیکر سچ اے: ’’میہنوں اُوہدے وِچ کوئی قصور نظر نئیں آندا‘‘ (یوحنا 18: 38)۔

تاہم، جدوں مسیح نے گل کیتی تے گورنر نے غور نال نئیں سُنیا۔ جے اُوہنے [سُنیا] ہوندا تے ایہ نہ پُچھدا کہ ’’سچ کی اے؟‘‘ یسوع نے پہلاں ای ایس سوال دا جواب ایہ کہہ کر دِتا سی:

’’دراصل، میں ایس لئی پیدا ہویا تے ایس مقصد نال دُنیا وِچ آیا کہ حق دی گواہی دیاں۔ ہر کوئی جیہڑا حق وَل اے میری گل سُنندا اے۔‘‘ (یوحنا 18: 37)۔

یسوع نے پیلاطس نوں آیت سینتیس وِچ اپنی بادشاہی دے بارے چہ سچ دسیا سی۔ اُوہنے پیلاطُس نوں اپنی شہنشاہی حیثیت دے بارے وِچ آیت سینتیس دے پہلے نصف وِچ سچ دسیا۔ سینتیسویں آیت دے اخیر وِچ اُو کہندا اے، ’’میں دُنیا وِچ ایس لئی آیا آں کہ سچائی دی گواہی دیاں۔‘‘ اُوہنوں سچ بولنا چائیدا اے۔ ایہ دُنیا وِچ آن دی وڈی وجہ اے۔

جدوں پیلاطُس نے کہیا، ’’سچائی کی اے؟‘‘ جواب آسان اے: یسوع مسیح دے الفاظ سچ نے۔ تے مسیح بذات خود سچ اے (حوالہ ویکھو یوحنا 14: 6)۔ یسوع نے کیہیا:

’’جیہڑیاں گلاں میں تہانوں کہیاں نے اُو روح تے حیاتی دوواں نال پُر نے‘‘ (یوحںا 6: 63)۔

بائبل سنوں دسدی اے کہ یسوع ’’فضل تے سچائی نال معمور‘‘ اے (یوحنا 1: 14)۔ ’’فضل تے سچائی یسوع مسیح دے ذریعے آئی‘‘ (یوحنا 1: 17)۔

تے ایہ ایس لئی اے کہ یسوع نے سچ کہیا کہ اُو مصلوب ہویا سی۔ اُوہنے کہیا:

’’لیکن ہُن تُسی میہنوں ہلاک کر دین دا اِرادہ کر چکے اُو، اُو آدمی جِنہے تہانوں اُو حق گلاں بیان کیتیاں جیہڑیاں میں خدا توں سُنیاں‘‘ (یوحنا 8: 40)۔

اُو یسوع نال نفرت کیوں کردے سن کہ اُو اُوہناں نوں سچا دسدا سی؟ وجہ سادہ اے: لوکاں نے نور دے بجائے تاریکی نوں پسند کیتا، کیوں جے اُوہناں دے کام بُرے سن‘‘ (یوحنا 3: 19)۔

یسوع سچ بولدا اے۔ یسوع خدا دے الفاظ کہندا اے۔ یوحنا پبتسمہ دین آلے نے کہیا:

’’جِنہوں خدا نے پیہجیا اے اُو خدا دی گلاں کہندا اے‘‘ (یوحنا 3: 34)۔

لہٰذا، اَسی بائبل توں ایہ سادہ خیال قائم کیتا اے: سچ اُوہی اے جیہڑا یسوع نے کہیا۔ تے سچائی یسوع مسیح اے، خود (حوالہ دیکھیں 14: 6)۔

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

خیال ایہ اے: ہر اُو شخس جیہڑا سچائی وَل اے یسوع دی واج سُنندا اے، جِنہے کہیا:

’’جیہدی حیاتی سچائی دے لئی وقف اے اُو نور دے کول آندا اے‘‘ (یوحنا 3: 21)۔

’’جیہڑا خدا دا ہوندا اے اُو خدا دی گلاں سُنندا اے۔ چونکہ تُسی خدا دے نئیں اُو ایس لئی خدا دی نئیں سُنندے۔‘‘ (یُوحنّا 8: 47)۔

’’میری ہُور پیہڈھاں وی نے جیہڑیاں ایس گلہ وِچ شامل نئیں۔ میہنوں لازم اے کہ میں اُوہناں نوں وی لے آواں۔ اُو میری واج سُنن گیاں‘‘ (یوحنا 10: 16)۔

’’میری پیہڈھاں میری واج سُندیاں نے۔ میں اُوناں نوں جاننا آں تے اُو میرے پیچھے پیچھے ٹردیاں نے‘‘ (یوحنا 10: 27)۔

مسیح دا ایہ آخری بیان بالکل واضح کردا اے: جے تُسی مسیح دی واج نئیں سُنندے تے اُوہدی پیروی نئیں کردے، تے تُسی حقیقی مسیحی نئیں اُو۔

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

تہانوں یسوع دی واج سُنن دی لوڑ کیوں اے؟ یسوع دی واج کی اے؟ تُسی یسوع دی واج سُنن توں کیویں محروم رہ سکدے اُو؟ یسوع دی واج نہ سُنن دے کی نتائج نے؟ یسوع دی واج تہانوں کی دسدی اے؟

I۔ پہلی گل، تہانوں یسوع دی واج سُنن دی لوڑ کیوں اے؟

کیوں جے تُسی اُوہدے واج نئیں سُنو گے تے تہانوں ہمیشہ دی حیاتی نئیں لبھہے گی۔ یسوع نے کہیا:

’’میری پیہڈھاں میری واج سُندیاں نے۔ میں اُوناں نوں جاننا آں تے اُو میرے پیچھے پیچھے ٹردیاں نے۔ میں اُوہناں نوں ابدی حیاتی دیہنا آں۔ اُو کدی ہلاک نہ ہون گئیاں …‘‘ (یوحنا 10: 27۔28)۔

جے تُسی یسوع دی واج نئیں سُنندے اُو تے تہانوں اپنے اندر ہمیشہ دی حیاتی نئیں لبھے گی۔ تُسی ہلاک ہو جاؤ گے، تے ہمیشہ دے لئی جہنم وِچ حیاتی لنگہاؤ گے۔ یسوع نے کہیا:

’’پاک روح دے خلاف کفر بکن آلا اِک ابدی گناہ دا مرتکب ہوندا اے؛ ایس لئی اُو ہرگز نہ بخشیا جائے گا‘‘ (مرقس 3: 29)۔

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

جے تُسی سچائی وَل اُو، تے تُسی یسوع دی واج سُنو گے۔ تُسی اُوہدی واج سنو گے جدوں اُو تہانوں کہووے گا کہ تہانوں ہمیشہ دی حیاتی پان دے لئی اُوہنوں جاننا چائیدا اے (یوحنا 10: 28)۔ تُسی اُوہدے تے یقین کرو گے جدوں اُو تہانوں دسے گا کہ جے تُسی روح القدس دے خلاف توہین کرو گے تے تہانوں ابدی سزا ملے گی (مرقس 3: 29)۔ تُسی اُوہدے لفظاں تے یقین کرو گے جدوں اُو کہندا اے، ’’تے ایہ لوکی ابدی سزا پان گے‘‘ (متی 25: 46)۔

ہو سکدا اے تُسی ایہ گلاں پوری طرح نہ سمجھ سکو۔ تُسی ایہدے وِچوں کُجھ گلاں سُن کے لطف اندوز نئیں ہو سکدے اُو۔ لیکن جے تُسی سچائی وَل اُو تے تُسی یسوع دی واج سُنو گے۔

’’ہر اِک‘‘ – غور کرو کہ مسیح نے کہیا، ’’ہر اِک۔‘‘

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

تے یاد رکھو کہ تہانوں یسوع تے یقین نہ کرن دی وجہ توں پہلاں ای توں جہنم وِچ ابدی سزا دِتی جا چکی اے، کیوں جے یسوع نے کہیا:

’’جیہڑا پُتر تے ایمان لیہیاندا اے اُوہدے تے سزا دا حکم نئیں ہوندا لیکن جیہڑا پُتر تے ایمان نئیں لیہیاندا اُوہدے تے پہلاں ای توں سزا دا حکم ہو چکیا اے کیوں جے خدا دے اِکلوتے پُتر دے ناں تے ایمان نئیں لیہایا‘‘ (یوحنا 3: 18)۔

لہٰذا، جے تُسی یسوع تے یقین نئیں کیتا اے تے تہانوں پہلاں ای توں سزا دِتی گئی اے۔ ایس لئی تہانوں اُوہدے واج سُننی چائیدی اے، تے اُوہدے کول آنا چائیدا اے، تے اُوہدے لہو دے وسیلے توں اپنے گناہواں توں پاک صاف ہو جانا چائیدا اے!

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

کی تُسی یسوع دی واج سُنو گے؟ کی تُسی اپنے گناہواں نوں پیچھے چھڈو گے؟ کی تُسی ہر اِتوار نوں ایس مقامی گرجا گھر وِچ آؤ گے؟ کی تُسی خدا دے پُتر یسوع دے کول آؤ گے؟ کی تُسی ایہناں معاملات تے خداوند یسوع مسیح نوں سنو گے تے اُوہدی اطاعت کرو گے؟

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

کُجھ لوکی تہانوں دسن گے کہ یسوع دی وج اِک سُنائی دین آلی واج اے – کہ تُسی اُوہنوں تہاڈے نال گل کردا ہوئیا سُن سکدے اُو۔ اینج دے اِک کٹر پینٹی کوسٹلسٹ تے یقین نہ کرو! کوئی وی یسوع وَلوں سُنائی دی جان آلی واج نئیں سُنندا! اُو اِک شیطان اے – ہر وری! جے تُسی اِک واج سُنندے اُو جیہڑی کہندی اے کہ ایہ یسوع دی واج اے، تے تُسی یقین کر سکدے اُو کہ ایہ اِک بدروح اے۔

جوزف سِمتھ نے اِک بدروح دی واج سُنی جیہڑی اِک فرشتہ ہون دا بہانہ کر رئی سی – تے اُوہنے مورمن گرجا گھر شروع کیتا۔

چارلس جی فنی نے محسوس کیتا کہ اُوہدا سامنا تنہا مسیح نال ہویا، درختاں دے جھنڈ وِچ۔ لیکن میہنوں یقین اے کہ اُوہدا سامنا درحقیقت اِک شیطان نال ہویا سی۔ تے اُوہنے ’’فیصلہ سازیت‘‘ شروع کیتی۔ جِنہے گرجا گھراں نوں برباد کر دِتا – مسیح وِچ ایمان نہ لیہیائے ہوئے غیرتبدیل شُدہ لوکاں دے نال گرجا گھر دی حاضریاں دی بھرمار کر لینا۔

بائبل کہندی اے کہ ساڈے کول خدا وَلوں الفاظ آسمان توں آن آلی واج توں زیادہ یقینی تے زیادہ پُراعتماد نے – تے خدا وَلوں اُو سچے الفاظ بائبل وِچ دِتے گئے نے! (حوالہ دیکھو II پطرس 1: 17۔19)۔ آسمان توں آن آلی واج دے مقابلے وِچ ’’ساڈے کول پیشن گوئی دا زیادہ یقینی کلام اے‘‘! (II پطرس 1: 19)۔

یسوع دی واج آسمان توں اُترن آلی واج نئیں اے۔ جی نئیں، یسوع دی واج خود بائبل اے۔

’’آسمان تے زمین ٹل جان گے لیکن میری گلاں کدی نئیں ٹلن گئیاں‘‘ (متی 24: 35)۔

’’جیہڑا کوئی اِس زناکار تے گناہ آلود نسل وِچوں میرے توں تے میرے کلام توں شرمائے گا تے ابنِ آدم وی جدوں اُو اپنے باپ دے جلال وِچ مقدس فرشتیاں دے نال آئے گا، اُوہدے توں شرمائے گا‘‘ (مرقُس 8: 38)۔

’’جے کوئی میری گلاں سُںندا اے تے اُوہناں تے عمل نئیں کردا … جیہڑا میہنوں رد کردا اے تے میری گلاں قبول نئیں کردا اُوہدا انصاف کرن آلا اِک اے یعنی میرا کلام جیہڑا آخری دِن اُوہنوں مجرم ٹھہرائے گا۔‘‘

جے تُسی بائبل وِچ مسیح دے لفظاں نوں مسترد کردے اُو، تے تہانوں بائبل وِچ مسیح دے لفظاں دے ذریعے سزا دِتی جائے گی تے جہنم وِچ سزا دِتی جائے گی، جِنہوں تُسی مسترد کر دِتا سی!

یسوع نے کہیا، ’’جے کوئی میری نال محبت کردا اے تے اُو میری گلاں تے عمل کرے گا‘‘ (یوحنا 14: 23)۔ بائبل وِچ یسوع دے الفاظ نوں سُننا تے مننا ضروری اے۔

ایہدے علاوہ، جے تُسی نجات پانا چاہندے اُو، تے تہانوں خدا دے کلام دی منادی دے ذریعے یسوع دی واج سُننی چائیدی اے۔ بائبل سانوں دسدی اے کہ سچے مبلغین اِک تحفہ نے – جیہڑے مسیح نے اپنے لفظاں دا اعلان کرن دے لئی دِتے نے۔ سانوں ایہ افسیوں 4: 7-16 وِچ دسیا گیا اے۔ رومیوں 10: 14 وِچ سانوں دسیا گیا اے:

’’مگر جیہدے تے اُو ایمان نئیں لیہیائے اُوہنوں پکارن گے کیویں؟ جیہدا ذکر تیکر اُوہناں نے نئیں سُنیا اُوہناں تے ایمان کیویں لیہیان گے تے جدوں تیکر کوئی اُوہناں نوں خوشخبری نئیں سُنائے گا اُو کیویں سُنن گے؟‘‘

خدا دا کلام سانوں رومیوں 10: 14 وِچ واضح طور تے دسدا اے کہ لوکاں نوں نجات پان دے لجئی منادی دا کلام سُننا چائیدا اے۔ ایہ عام ذریعہ اے جیہڑا خدا نجات دے لئی استعمال کردا اے۔ اعمال دی کتاب دے ذریعے پڑھو۔ اعمال دی کتاب وِچ درج اے کہ عملی طور تے منادی دے ذریعے جیہڑا بچایا گیا اے اُو ہر اُو شخص اے جیہڑا نجات پا چکیا اے – جیہدے وِچ پولوس رسول وی شامل اے!

اَسی عام طور تے سوچنے آں کہ پولوس مسیح وِچ ایمان لیہیا کے تبدیل ہویا سی جدوں اُوہدا سامنا دمشق دے راستے تے مسیح نال ہویا۔ لیکن اینج نئیں اے جیہڑا بائبل کہندی اے۔ بائبل سانوں دسدی اے، جدوں پولوس دا مسیح نال سامنا ہویا، پولوس نے کہیا، ’’خداوند، توں میرے نال کی کرے گا؟‘‘ (اعمال 9: 6 الف)۔ ہُن مسیح – موقع تے، اُوہنوں دس سکدا سی کہ نجات پان دے لئی کی کرنا اے۔ لیکن اُوہنے نئیں کیتا! ایہدے بجائے، مسیح نے کہیا:

’’ہُن اُٹھ تے شہر نوں جا، تے تیہنوں دس دِتا جائے گا کہ تیہنوں کی کرنا اے‘‘(اعمال 9: 6 ب)۔

مسیح نے پولوس نوں مقامی گرجا گھر وِچ پیہجھیا جیہڑا دمشق شہر وِچ سیدھا نامی کوچہ وِچ کسی دے گھر وِچ ملیا سی – تے مبلغ دا ناں انانیاس سی! چنانچہ یسوع مسیح خود پولوس نوں نجات وَل نئیں لے کے گیا۔ نئیں، اُوہنے پولوس نوں خدا دے عطا کردہ مبلغ دے کول پیہجھیا تاکہ اُو گرجا گھر وِچ اُوہدے نال نمٹے۔ ایہ تہانوں تبدیلی وَل لے جان دا خدا دا معمول دا طریقہ اے۔

ایس لئی میں تہانوں اگلے اِتوار نوں ایس گرجا گھر وِچ واپس آنے دا کیہن دے لئی کوئی وی معافی نئیں منگنی۔ ویکھیا تُسی، خدا نے میہنوں ایہتھے ایہ دسن دے لئی رکھیا اے کہ کیویں نجات دِتی جائے۔ جے تُسی ایس گرجا گھر وِچ واپس نئیں آندے اُو تے تُسی مسیح دی واج نوں پادری دے واعظاں دے ذریعے تبدیل کرن آلے لفظ بولدے ہوئے نئیں سُنو گے۔ رچرڈ بیکسٹر نے 17ویں صدی وِچ ایہناں ساریاں دی نشاندہی کیتی سی۔ تہانوں اگلے اِتوار نوں تے ہر اتوار نوں واپس آنا پیہئے گا۔ تہانوں خوشخبری سُنن تے نجات پان دے لئی ایس گرجا گھر وِچ واپس آنا پیہئے گا۔

میں ذاتی طور تے کدی وی کسی ایہو جئے شخص نوں نئیں جانندا سی جیہڑا کتابچہ پڑھ کے بچ گیا ہووے۔ میں کدی وی کسی ایہو جئے شخص دے بارے چہ نئیں سُنیا جیہڑا سارے ہوٹلاں تے سرائے خانیاں دے کمریاں وِچ رکھی گیڈیؤنGideon دی بائبل نوں پڑھن توں بچایا گیا ہووے۔ مقامی گرجا گھر وِچ تبلیغ دے ذریعے ای تُسی مسیح وِچ ایمان لیہیا کے تبدیل ہوئے نے۔ میں صرف دو لوکاں دے بارے وِچ سُنیا اے جیہڑا ٹی وی تے بلی گراہم نوں ویکھ کے نجات پان دا دعویٰ کردے نے – تے میہنوں ایہناں دوواں دی تبدیلی تے شک اے!

میں دوجے دِن اِک بزرگ نال گل کیتی جیہڑی ہر اِتوار نوں دو ممتاز ٹی وی مبلغین نوں ویکھدے نے۔ لیکن ایس بوڑھے آدمی نوں نجات دی کوئی سمجھ نئیں اے – ٹی وی تے اُوہناں مبلغاں نوں وریاں تیکر ویکھن دے بعد وی۔ کیوں؟ کیوں جے خدا نے ٹی وی نوں مسیح وِچ ایمان لیہیان دی تبدیلی دے ذریعہ دے طور تے مقرر نئیں کیتا اے! میں ایہ کیہن دے لئی کوئی معافی نئیں منگدا – خدا نے مقامی گرجا گھر وِچ مبلغین نوں مقرر کیتا! ایہو ای طریقہ اے جیہدے نال تہانوں نجات حاصل کرنی چائیدی اے! اگلے اِتوار نوں واپس آؤ! تبلیغ سنو! نجات پاؤ!

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

III۔ تیجی گل، تُسی یسوع دی واج سُنن توں کیویں محروم رہ سکدے اُو۔

تُسی واعظ دے دوران ایتھے اُوتھے ویکھن دے ذریعے نال یا لوکاں نوں کسمساندا ہویا ویکھ کے یسوع دی واج نوں سُنن توں محروم رہ سکدے اُو۔ تُسی واعظ سُنن دے بجائے، اُوہناں نوں کسمساندا ہویا ویکھدے نے – ایس لئی تُسی یسوع دی واج سُنن توں محروم رہندے اُو۔

تُسی گرجا گھر توں گھر جان دے بعد گمراہ ہوئے دوستاں دی گلاں نوں سُن کے یسوع دی واج نوں سُنن توں محروم رہ سکدے نے۔ جے تُسی گمراہ ہوئے لوکاں دے لفظاں تے خیالات نوں اپنے دماغ تے قبضہ کرن دیہندے نے تے اپنے آپ نوں واعظ دے بارے وِچ گہرائی نال سوچن توں روکدے نے تے تُسی یسوع دی واج نوں سُنن توں محروم رہ سکدے نے۔

تُسی یسوع دی واج نوں سُنن توں محروم رہ سکدے اُو جے تُسی مسیح نوں مسترد کرن آلے اپنے مکار دِل دی گل نوں سُںندے اُو! جے تُسی واعط دے بجائے اپنے دِل دی گل سُنو گے، تے تُسی نجات حاصل نئیں کر پاؤ گے تے اِک حقیقی مسیحی نئیں بن پاؤ گے۔

ایہناں وِچوں کوئی وی یسوع دی واج نہ سُنن دی جائز وجہ نئیں اے۔ ایس کمرے وِچ موجود ہر فرد ایہناں ای بہلاویاں یا بہانیاں توں لنگہیا سی – لیکن اُو نجات پا گئے سن – کیوں جے اُوہناں نے یسوع نوں سُنن تے تبدیل ہون دی ’’کوشش کیتی‘‘۔ اُو یسوع نوں سُننا چاہندے سن تے اُو ایہنے ای بُرے طور تے مسیح وِچ ایمان لیہیا کے تبدیل ہونا چاہندے سن کہ اُوہناں نے جوش دے نال خود نوں اُوہدے حوالے کر دِتا – جدوں تیکر کہ اُو مسیح نوں نئیں پا لیہندے تے اُوس یسوع دے وسیلے توں قہر توں بچ نہ جاندے!

’’تُسی میہنوں لبھو گے تے پاؤ گے وی جدوں تُسی میہنوں اپنے پورے دِل نال لبھو گے‘‘ (یرمیاہ 29: 13)۔

’’تنگ بوہے توں اندر داخل ہون دی کوشش کرو (جدوجہد، لڑنا، محنت – سٹرانگ Strong)‘‘ (لوقا 13: 24)۔

جے تُسی مسیح نوں سُنن تے تبدیل ہون دے لجئی جدوجہد، لڑن، تے محنت کرن دے لئی تیار نئیں اُو، تے اینج نئیں ہووے گا۔ تُسی گرجا گھر وِچ بیٹھ کے کسی ہُور گل دے بارے چہ سوچو گے! تُسی مسیح دے لفظاں نوں سُنن توں محروم رہ جاؤ گے! تہانوں کدی وی نجات نئیں لبھے گی!

’’اپنے جسم نوں گرجا گھر وِچ رکھنا تہانوں مسیحی نئیں بناندا، جیویں کہ اِک گھوڑے نوں گیراج وِچ رکھنا اُوہنوں اِک گڈی نئیں بناندا۔‘‘

جے تہاڈا جسم گرجا گھر وِچ اے، لیکن تہاڈا ذہن کِدرے ہُور اے، تے تُسی کدی وی مسیح دے الفاظ نئیں سُنو گے – تہانوں کدی وی نجات نئیں لبھے گی۔ تہانوں حقیقت وِچ مسیح دی واج سُننی چائیدی اے!

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

IV۔ چوتھی گل، یسوع دی واج نہ سُنن دے نتائج کی نے؟

1. یسوع دی واج نہ سُنن دا پہلا نتیجہ ایہ اے کہ تہاڈا دِل سخت ہو جائے گا – اور تہانوں آخرکار خدا وَلوں چھڈ دِتا جائے گا۔ ’’اَج جے تُسی اُوہدی واج سُنو گے تے اپنے دِلاں نوں سخت نہ کرو‘‘ (عبرانیوں 3: 7-8)۔

2. یسوع دی واج نہ سُنن دا دوجا نتیجہ ایہ اے کہ تُسی جہنم وِچ جاؤ گے۔ یسوع نے یہوداہ نوں بے شمار وری منادی کیتی، لیکن یہوداہ نے واقعتاً کدی اُوہدی واج نئیں سُنی۔ اُوہنے خود نوں مار ڈالیا، تے بائبل دے مطابق جہنم وِچ ٹر گیا۔ تے تُسی اپنے گناہواں دی سزا دے طور تے جہنم وِچ جاؤ گے جدوں تیکر کہ تُسی یسوع دی واج نئیں سُنندے تے اُوہدے لہو دے ذریعے گناہ توں پاک ہون دے لئی اُوہدے کول نئیں آندے۔

یسوع دی واج، جیویں کہ اَسی ویکھیا، بائبل دے الفاظ نے۔ یسوع تہاڈے نال بائبل دے ذریعے گل کردا اے۔ یسوع ایس کتاب دے ذریعے تہانوں کی کہندا اے؟

1. سب توں پہلاں، یسوع تہانوں کہندا اے کہ تُسی گمراہ ہو چکے اُو۔ اُوہنے کہیا کہ غیرنجات یافتہ لوکی ’’مُردہ‘‘ تے ’’گمراہ ہوئے‘‘ نے (لوقا 15: 24)۔ تے ایہ اُوہی اے جیہڑا مسیح تہاڈے بارے وِچ کہندا اے – تُسی کھو چکے اُو۔ تُسی جنت دا راستہ نئیں پا سکدے۔ تُسی مر چکے اُو۔ تہانوں دلچسپی وی نئیں اے – جدوں تیکر کہ اُو تہاڈے وِچ دلچسپی دی چنگاری نہ پائے۔

2. دوجی گل، یسوع کہندا اے کہ تُسی گنہگار اُو۔ بار بار مسیح نے گنہگاراں نوں اپنے کول آن تے اُوہدے تے ایمان لیہیان دے لئی بُلایا۔ یسوع نے کہیا: ’’ایہ نئے عہدنامے دا میرا لہو اے، جیہڑا بہتیرے لوکاں دے گناہواں دی معافی دے لئی وگایا جاندا اے‘‘ (متی 26: 28)۔

3. تیجی گل، مسیح کہندا اے کہ اُو تہاڈے لئی، تہاڈی تھاں تے، تہاڈے گناہواں دے ادائیگی دے لئی، سولی تے مریا۔ یسوع نے کہیا، ’’ابنِ آدم خدمت کران دے لئی نئیں آیا بلکہ خدمت کرن تے بہتیرے لوکاں دے لئی اپنی جان فدیہ دین دے لئی آیا‘‘ (مرقس 10: 45)۔

4. چوتھی گل، یسوع نے کہیا کہ اُو مُردیاں وِچوں جی اُٹھیا تے تہانوں بچان دے لئی، خدا دے سجے ہتھ بیٹھا، آسمان تے زندہ اے۔ ’’چنانچہ خداوند دا اُوہناں دے نال کلام کر چکن دے بعد، اُو آسمان تے اُٹھایا گیا، تے خدا دے سجّے ہتھ تے بیٹھ گیا‘‘ (مرقس 16: 19)۔

5. پنچویں گل، یسوع تہانوں اپنے کول آن تے اپنے گناہواں نوں اپنے لہو نال دھون دے لئی بُلاندا اے۔ یسوع کہندا اے: ’’میرے کول آؤ … تے میں تہانوں آرام بخشاں گا‘‘ (متی 11: 28)۔

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

کی تُسی اگلے اِتوار نوں ایس گرجا گھر وِچ واپس آؤ گے؟ کی تُسی واعظاں نوں پوری توجہ و دھیان نال سُنو گے؟ کی تُسی سزایابی دے تحت آؤ گے تے مسیح وِچ ایمان لیہیا کے تبدیل ہو جاؤ گے؟ خدا تہانوں اینج کرن وِچ مدد کرے! تنہا کیوں رہیا جائے؟ گرجا کرن دے لئی گھر وِچ آؤ! کھویا ہویا کیوں رہیا جائے؟ یسوع دے کول آؤ تے اُوہدے لہو دے ذریعے توں اپنے گناہواں توں پاک صاف ہو جاؤ!

’’ہر کوئی جیہڑا حق وَل اے میری گل سُنندا اے‘‘ (یوحنا 18: 37)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔