ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

رومی شاعر اووِڈ Ovid نے کہیا سی، ’’کوئی وی گل عادت توں بہوتی زیادہ مضبوط نئیں ہوندی اے۔‘‘ عظیم لغت نگار (پہلی انگریزی دی لغت دے مرتب کرن آلے)، ڈاکٹر سیموئیل جانسن نے کہیا، ’’عادتاں ایہو جئی زنجیراں نے جیہڑیاں بہوتی چھوٹی ہوندیاں نے جِنہاں نوں محسوس نئیں کیتا جا سکدا جدوں تیکر کہ اُو ٹوٹن دے قابل نہ ہون۔‘‘

جدوں فرانس دی باسٹیل Bastille جیل تباہ ہون والی سی تے اُوہناں قیدیاں وِچوں اِک نوں باہر لیہایا گیا جیہڑا ایہدی اِک انہیری کوٹھری وِچ لمبی مدت توں جکڑیا ہویا سی۔ لیکن اپنی آزادی تے خوشی منان دے بجائے، اُوہنے اُوہناں نوں اِلتجا کیتی کہ اُو ایہنوں واپس اُوہدے تہ خانے وِچ لے جان۔ تُسی ویکھیا کہ اُوہنوں روشنی ویکھیاں ایہناں عرصہ لنگھ چکیا سی کہ اُوہدیاں اَکھاں سورج دی چمک نوں برداشت نئیں کر سکدیاں سن۔

ایہدے علاوہ، اُوہنے کہیا، اُوہدے سارے بیلی مر چکے سن، اُوہدے کول کوئی گھر نئیں سی، تے اُوہدی ٹنگاں ہلن توں انکاری سن۔ ہُن اُوہدی اصل خواہش ایہ سی کہ اُو واپس جا کے اُوس انہیری جیل وِچ مر جائے گا جِیتھے اُوہنے ایہنے ورے قید چہ لنگہائے سن۔

ایہ اِک سچی کہانی اے۔ ایہ عادت دی طاقت نوں ظاہر کردی اے۔ عادتاں خود حیاتی توں بہوتی مضبوط ہو سکدیاں نے۔ اِک پرانی ہسپانوی کہاوت اے کہ ’’عادت مکڑی دے جالے وِچ دھاگیاں وانگوں شروع ہوندی اے، لیکن قید دی زنجیراں وانگوں ختم ہوندی اے۔‘‘ فرانسسی باسٹیل [جیل] وِچ اُو غریب بندہ انہیرے وِچ ایہنا عرصہ لنگہا چکیا سی کہ انہیرے وِچ جکڑے رہن دی عادت نے اُوہنوں دھوپ وِچ معمول دی حیاتی گزارن توں روکیا جدوں اُوہنوں آخرکار آزاد ہون دا موقع لبھیا۔ اُو عادت توں مجبور سی کہ انہیرے وِچ اپنی زنجیراں وِچ واپس ٹر جائے۔

تے ایتھے گرجا گھر وِچ اَج سویرے اُوہدے وانگوں لوکی نے۔ تہانوں گرجا گھر جان دی عادت نئیں اے، ایس لئی تُسی فیر توں اپنے گناہ دی زنجیراں تے تاریکی وِچ رینگو گے، تے تُسی اُوتھے کیس دِن انہیرے وِچ ای مر جاؤ گے – بغیر اُمید دے تے بغیر خدا دے – ایہ سب ایس لئی کہ تہاڈے گرجا گھر وِچ نہ آن دی عادت نے تہانوں ایس گرجا گھر وِچ ساڈے نال اِک نئی تے خوش تے آزاد حیاتی لنگہان توں روکیا! انہیرے توں باہر آؤ! ساڈے نال گرجا گھر وِچ آؤ! اپنی تنہائی توں باہر آؤ! تنہا کیوں رہوو؟ گرجا گھر [وِچ عبادت کرن دے لئی] گھر ٹری آؤ! تے فیر خدا دے پتر یسوع مسیح دے کول آؤ۔ اُو اپنے لہو نال تہاڈے گناہواں نوں دھو دے گا، تے تسی خدا دے غضب تے سزا توں آزاد ہو جاؤ گے۔

ہُن اَج دی سویرے میں ’’تباہ کُن عادتاں دی زنجیراں نوں توڑن‘‘ تے گل کراں گا۔ میں دو نکات وِچ ایہناں نال نمٹاں گا۔

1. تباہ کن عادتاں کینج زنجیراں بناندیاں نے جیہڑیاں تہانوں غلامی وِچ جکڑدیاں نے۔

2. عادتاں دی زنجیراں نوں توڑن تے آزاد ہون دے لئی تُسی کی کر سکدے اُو۔

I۔ تباہ کن عادتاں کیویں زنجیراں نوں تشکیل دیہندیاں نے جیہڑیاں تہانوں غلام بناندیاں نے۔

مینگ کارین Mang Karin اِک فلپائنی سٹیل ورکر سی جیس دی منیلا وِچ پولیس ڈیپارٹمنٹ نے ایہو جئے لوکاں نوں قید کرن دے لئی سٹیل دا اِک پنجرہ بنان دی خاطر خدمات حاسل کر رکھی سی جِنہاں نوں پولیس نے گرفتار کر لیہیا سی۔ اُوہنے پنجرے تے کام کیتا جدوں تیکر اُو ختم نئیں ہو گیا۔ پولیس ڈیپارٹمنٹ نے اُوہنوں ادائیگی کیتی تے اُو رقم لے کے اپنے کُجھ بیلیاں نال نشے وِچ نکل گیا۔ اُو ساری رات پیہندے رئے۔ نشے دے حالت وِچ گھر پہنچ کے پولیس نے اُوہنوں کرفیو دی خلاف ورزی کرن تے اُٹھایا۔ اُوہناں نے اُوہنوں اُوہدے ای بنائے ہوئے پنجرے وِچ قید کر دِتا تے اُوہنوں تھانے وِچ حراست چہ لے لیہیا۔ اُو پہلا شخص سی جِنہوں اُوہدے ای بنائے ہوئے پنجرے وِچ بند کیتا گیا سی!

اینج ای بُری عادتاں کام کردیاں نے۔ جیویں کہ ڈاکٹر سیموئیل جانسن نے کہیا، ’’عادات ایہو جئی زنجیراں نے جیہڑیاں بہوتی چھوٹی ہوندیاں نے جِنہاں نوں محسوس نئیں کیتا جا سکدا جدوں تیکر کہ اُو ٹوٹن دے قابل نہ ہون۔‘‘

I سیموئیل، دوجے باب وِچ عیلی دے پُتراں دے نال اینج ای ہویا۔ بائبل کہندی اے، ’’تے کاہناں دا لوکاں دے نال رواج (عمل) ایہ سی، کہ … جِنہا گوشت شہ شاخہ کنڈے وِچ پھنس کے اُوتے آ جاندا [کاہن] اُو اپنے لئی لے لیہندا اے‘‘ (1 سموئیل 2: 13-14)۔ ایہ لوکی قدیم اسرائیل وِچ کاہن سن۔ بائبل وِچ دسی گئی اُوہناں دی ’’رسم‘‘ توں بوہتا لیہنا احبار 7: 34 وِچ اِک غلط ’’رواج‘‘ سی۔ ایہ ایہناں دی عادت بن گئی۔ اُوہناں نے ایہنوں بار بار کیتا، ایتھوں تیکر کہ اُو عادت دے غلام بن گئے۔ آخیر وِچ، جے کسی نے اُوہناں نوں جِنہاں چاہا دین توں اِنکار کر دِتا، تے اُوہناں نے کہیا، ’’تُسی ایہنوں ہُنے ای [میہنوں] دیو: تے جے نئیں، تے میں زبردستی لے لوواں گا‘‘ (1 سموئیل 2: 16)۔ اُو اپنے ’’رواج‘‘ یا عادت دے ایس قدر غلام بن گئے کہ آخرکار اُو ڈھونگ توں کُجھ بوہتا ای بن گئے۔ بائبل کہندی اے:

’’ایس لئی نوجوان لوکاں دا خدا دی نظر وِچ ایہ بہوتا وڈا گناہ سی کیوں جے اُوہناں دی ایس حرکت نال خداوند دی قربانی دی تحقیر ہوندی سی‘‘ (I سیموئیل 2: 17)۔

اُوہناں دیاں گناہ دی عادتاں اُوہناں نوں جنسی بُرائی وَل وی لے گئیاں، تے ’’اُو اُوہناں عورتاں دے نال ہمبستری کردے سن جیہڑیاں اِجتماع دے خیمہ دے بوہے تے [خدمت کرن دی خاطر] اِکٹھی ہوندیاں سن‘‘ (I سموئیل 2: 22)۔ اُو ہُن زنجیراں وِچ جکڑے ہوئے تے گنہگار سن، جیہڑے خود نوں تباہ کرن آلی عادتاں دے غلام سن۔

اُوہناں دے والد عیلی نے اُوہناں نوں خبردار کرن دی کوشش کیتی۔ اُوہنے کہیا تُسی ایہو جئی گلّاں کیوں کردے اُو؟ (I سموئیل 2: 23)۔ لیکن بائبل بائبل کہندی اے ’’ایہدے باوجود اُوہناں نے اپنے پیو دی گل نئیں سُنی‘‘ (I سموئیل 2: 25)۔ ہُن اُو مکمل طور تے گناہ دی عادتاں دے قابو وِچ سن، تے ایتھوں تیکر کہ اُوہناں دا پیو وی اُوہناں نوں روک نئیں سکدا سی۔

ایہو ای اُو طریقہ اے جیہدے نال گناہ توں بھرپور، تباہ کُن عادتاں تہاڈی حیاتی تے قبضہ کر لیہندیاں نے تے تہاڈی حقیقی خوشی تے آزادی دے اِمکانات نوں برباد کر دیہندیاں نے۔ تُسی بُری عادتاں دے ایہو جئے غلام بن سکدے اُو کہ خدا وی تہاڈی مدد نئیں کر سکدا۔ گذشتہ اِتوار نوں اِک نوجوان جیہڑا ساڈی سویرے دی عبادت وِچ آیا سی واعظ دے دوران باہر نٹھیا۔ فیر اُو میری منادی سُنن دی خاطر اجتماع گاہ وِچ واپس آیا۔ لیکن اُو اپنی کُرسی تے بیٹھ کے کسمساندا رہیا۔ چھیتی ای اُو فیر توں عبادت وِچوں جانا چاہندا سی۔ اُو خاموش نئیں بیٹھ سکدا سی، حالانکہ باقی سارے ایس واعظ تے گہری توجہ دے رئے سن جیہڑا کہ میں تنہائی دے موضوع تے تبلیغ کر رہیا سی۔ میں دس سکدا سی کہ اُو وی ایس گل وِچ بہوتی دلچسپی رکھدا سی کہ میں تنہائی تے قابو پان دے بارے وِچ کی کہنا آں – لیکن اینج لگدا اے کہ اُو خاموش بیٹھ ای نئیں سکدا سی۔ میں محسوس کیتا کہ اُو کسی محرک دوا [ذہنی نظام نوں چُست رکھن آلی دوائی] نوں استعمال کردا سی، شاید جِنہوں اُو ’’اَپرزuppers‘‘ کہندے نے۔ اُو کسی گل تے ایہنا مگن سی کہ اُو اپنے آپ نوں ایس واعظ دے سُنن تے مجبور نئیں کر سکدا سی، جیس دے بارے وِچ اُوہدے دماغ نے اُوہنوں دسیا سی کہ ایہ اہم اے۔

میہنوں ڈر اے کہ اُوہدی منشیات دی عادت نے اُوہنوں ایہو جیہا غلام بنا دِتا اے کہ اُو کدی وی حقیقی مسیحی نئیں بن سکے گا تے مسیح دے ذریعے نجات حاصل نئیں کر سکے گا۔ ایہو ای ایہناں جواناں دے نال ہویا سی جیہڑے عیلی دے پُتر سن۔ اُو گناہ دے ایس قدر غلام بن گئے کہ بائبل کہندی اے، ’’ایہدے باوجود اُوہناں نے اپنے پیو دی گل نئیں منہی، کیوں جے خداوند اُوہناں نوں مار ڈالے گا‘‘ (I سموئیل 2: 25)۔ اُو ایس مقام تے کیویں پہنچے جیتھے خدا نے اُوہناں نوں موت دے گھاٹ اُتارنا چاہیا؟ اُو ناقابلِ معافی گناہ کر چکے سن۔

جدوں تُسی گناہ دی عادتاں وِچ ایس حد تیکر ٹر جاندے اُو، تے آخرکار خدا تہاڈے توں دستبردار ہو جاندا اے – تے فیر نجات پان وِچ بہوتی دیر ہو چکی ہوندی اے۔ بائبل کہندی اے، ’’افرائیم بُتاں نال جُڑیا ہویا اے: ایہنوں چھڈ دیو‘‘ (ہوسیع 4: 17)۔ افرائیم گناہ دی عادتاں وِچ ایہناں اَگے نکل گیا سی کہ خدا نے کہیا، ’’ایہنوں تنہا چھڈ دیو۔‘‘ تے جدوں خدا تہانوں کلیاں چھڈ دیہندا اے، تے تُسی آخری حد عبور کر چکے ہوندے اُو – مسیح دے ذریعہ نجات پان وِچ بہوتی دیر ہو چکی اے! تہانوں اِک گناہ دے نال بھری حیاتی تے ہمیشہ دے لئی جہنم وِچ چھڈ دِتا جاندا اے – جدوں تیکر کہ تُسی زندہ اُو! بائبل کہندی اے، ’’جیہڑی [حیاتی] عیش و عشرت وِچ جیوندی اے اُو زندہ رہندے ہوئے مُردہ اے‘‘ (I۔ تیمتھیس 5: 6)۔ اُو چلدی ہوئی مُردہ عورت اے۔ تُسی ٹردے پھردے اِک مُردہ آدمی اُو – جدوں آخرکار خدا تہانوں تنہا چھڈ دیہندا اے۔

میں اِک نوجوان نوں جاننا آں جیہڑا گناہ توں بھری اِک دعوت وِچ گیا سی۔ کسی نے بندوق کڈی تے اِک گولی ہوا وِچ چلا دِتی۔ خدا نے ایہنوں خوفزدہ کرن تے جزوی طور تے بیدار کرن دے لئی استعمال کیتا۔ چند ہفتیاں تیکر اُو بچائے نہ جان دی اپنی خطرناک حالت تے کُجھ حد تیکر جاگ رہیا سی۔ لیکن اُوہنے مسیح وِچ مکمل تبدیلی دے لئی دباؤ نئیں پایا۔ ایہدے بجائے، اُو اسکول وِچ اپنے گمراہ ہوئے بیلیاں دے نال واپس جان لگا۔ اُوہنے اُوہناں دے نال ’’دھوکے تے فریب‘‘ وِچ رہنا شروع کر دِتا تے [اُوہناں دے نال مِل کے لوکاں نوں] بے وقوف بنانا شروع کر دِتا۔ ہولے ہولے اُوہدے چہرے تے سنجیدہ، خوف زدہ تاثرات اُوہدا ساتھ چھڈ گئے تے اپوہدے چہرے تے اِک وری فیر توں بے حِسی نظر آن لگی۔ ہُن، جدوں ڈاکٹر کیگن یا میں واعظ دے بعد اُوہدے نال گل کرنے آں تے اُو نجات دے لئی ایہنا ای سردمہر تے بے نیاز ہوندا اے جِنہا کہ اُو پہلاں سی۔

میہنوں یقین اے کہ خدا نے اپنے فضل نال ایس نوجوان نوں بیدار کیتا۔ لیکن اُوہنے اُوس بُلاہٹ تے گناہ دے اعتقاد نوں پرے دھکیل دِتا جیہڑا روح القدس نے اُوہنوں دِتا سی۔ ہُن خدا دا روح اُوہدے توں جدا ہو گیا اے۔ کی خدا واپس آئے گا تے اُوہنوں اپنے خطرے تے مسیح دی لوڑ دے لئی دوبارہ بیدار کرے گا؟ میہنوں نئیں معلوم۔ ایہ خدا تے منحصر اے – میرے تے نئیں۔ میں صرف ایہدی تبلیغ جاری رکھ سکنا آں – تے دعا کرنا آں کہ خدا واپس آئے تے اُوہنوں فیر توں بیدار کرے۔ لیکن میں اُوہنوں خبردار کرنا آں – تے اُوہناں ساریاں نوں جیہڑے اُوہدے وگرے نے –

’’جیہڑا بندہ بار بار مُتنبّہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نہ ہووے گا۔‘‘ (امثال 29: 1)۔

جے تُسی ڈھٹائی دا مظاہرہ کردے اُو جدوں خدا تہانوں ملامت کردا اے، تے تُسی بغیر کسی علاج یا مدد دے اچانک تباہ ہو جاؤ گے۔

تُسی ویکھیا، عیلی دے پتراں دے نال اینج ای ہویا۔ اُوہناں نے گناہ کیتا۔ اُوہناں نے فیر دوبارہ گناہ کیتا۔ ہولے ہولے گناہ نے اُوہناں تے ایہو جیہا زور پھڑیا کہ اُوہناں نوں خدا دی مدد ملن وِچ دیر ہو گئی۔ ’’خداوند اُوہناں نوں مار ڈالے گا‘‘ (I سموئیل 2: 25)۔

اُو کُجھ عرصہ ایویں ای حیاتی لنگہاندے رئے۔ اُوہناں نے سوچیا کہ اُو ٹھیک نے۔ اُوہناں دے ضمیراں نے اُوہناں نوں مذید پریشان نئیں کیتا۔ اُوہناں نوں ایس دا احساس نئیں سی کیوں جے اُو ’’ماضی دا احساس‘‘ سی (افسیوں 4: 19)۔

’’ساری حساسیت نوں کھون دے بعد، اُوہناں نے اپنے آپ نوں شہوت پرستی دے حوالہ کر دِتا اے، تے اُو ہر طرح دے ناپاک کام وڈے شوق نال کردے نے‘‘ (اِفِسیوں 4: 19)۔

جدوں تُسی بُری عادتاں دی زنجیراں وِچ جکڑے جاندے اُو، تے تُسی ’’ماضی دے احساسات‘‘ وِچ ایس قدر گم ہوندے اُو کہ خدا فیر کدی تہاڈے ضمیر نال گل نئیں کردا، خدا تہانوں دوبارہ کدی تہاڈی گنہگاری نئیں وکھاندا۔ تے فیر خدا تہانوں ’’ذبح‘‘ کرن دے لئی تیار اے – حالانکہ تُسی ایہنوں نئیں جانندے (I سموئیل 2: 25)۔

اَخیر وِچ، بائبل سانوں دسدی اے کہ اِک جنگ دے دوران ایہناں دو جواناں، عیلی دے پُتراں دے نال کی ہویا:

’’تے خداوند دا صندوق اُوہناں دے ہتھاں توں نکل گیا تے عیلی دے دوویں پُتر، حُفنی تے فینحاس وی مارے گئے‘‘ (I سیموئیل 4: 11)۔

اُوہناں دی گناہ دی عادتاں ایہو جئی زنجیراں بن گئیاں جِنہاں نوں اُو توڑ نئیں سکدے سن۔ اُو اُوہناں دے دشمناں فلستینیاں دے ہتھوں مارے گئے، کیوں جے خدا اُوہناں توں دور ہو گیا سی تے اُوہناں نوں مرن دے لئی چھڈ دِتا سی۔

تہاڈے نال ایہو ای ہووے گا جے تُسی گناہ کردے رہوو گے جدوں تیکر کہ گناہ ایہو جئی عادت نہ بن جائے کہ تُسی جِنہوں چھڈ ای نئیں سکدے۔ ایہدے بارے چہ کوئی غلطی نہ کرو، بائبل کہندی اے، ’’گناہ دی اجرت موت اے‘‘ (رومیوں 6: 23)۔ ’’جیہڑی جان گناہ کردی اے اُو مر جائے گی‘‘ (حزقی ایل 18: 4، 20)۔

ایہنوں یاد رکھو، جے تُسی ایس واعظ وِچ باقی سب کُجھ بھُل جاندے اُو: تباہ کُن، گناہ آمیز عادتاں اندیکھی زنجیراں بناندیاں نے جیہڑیاں تہانوں غلام بنا دیہندیاں نے – تے آخرکار تہانوں تباہ کر دیہندیاں نے۔

II۔ تُسی گناہ دی عادتاں دی زنجیراں نوں توڑن تے آزاد ہو جان دے لئی کی کر سکدے اُو؟

گناہ دی بُری عادتاں نوں چھڈن دے دو اصول نے۔ پہلا ٹامس اے کیمپسThomas a Kempis نے دِتا اے، جیہڑے اصلاح توں پہلاں دے آدمی سن۔ تے دوجا مشنری جان آر موٹ John R. Mott نے دِتا اے۔

1. تھامس اے کیمپس، اگرچہ دوجی شیواں وِچ غلط سن، لیکن اُوہناں نے بالکل سچ کہیا جدوں اُوہناں نے کہیا، ’’عادت عادت تے قابو پاندی اے۔‘‘ ایہدا مطلب ایہ سی کہ – کسی پیہڑھی عادت نوں چھڈن واسطے تہانوں اُوہدی تھاں تے چنگی عادت پیدا کرنی چائیدی اے۔

ایس محاورے، ایس قول وِچ بہوتی سچائی اے۔ مثال دے طور تے، جے تہانوں دنیاوی لوکاں دے نال شراب پین یا منشیات لین دی بُری عادت اے، تے تُسی ایس عادت نوں اِک نئی عادت نال چھوڑ سکدے اُو – اِتوار تے ہفتہ دی رات نوں گرجا گھر آؤ۔ تُسی اُوس وقت نوں ’’پُر‘‘ کردے اُو جدوں تُسی بُری عادتاں [دے ویلے] تے اِک نئی عادت دے نال عمل کردے اُو – گرجا گھر وِچ آنا۔

2. جان آر موٹ نے کہیا، ’’میں کسی ایہو جئے آدمی نوں کدی وی نئیں جانندا سی کہ اُو کسی بُری عادت تے دھیرے دھیرے قابو پا لئے۔‘‘ میہنوں یقین اے کہ اُو صحیح سی۔ ایہدا مطلب ایہ سی – کسی بُری عادت نوں چھڈن دے لئی تہانوں ایہنوں اِک ای واری وِچ روکنا ہووے گا، تے ایہنو دوبارہ کدی وی نئیں کرنا ہووے گا۔

میری والدہ پینسٹھ وریاں تیکر ہر روز سگریٹ دے تین پیکٹ پیہندی سن۔ ایہ عادت اُوہناں دے اندر ایس قدر رچ بس گئی سی کہ ایہ لفظی طور تے اُوہناں دی حیاتی دا حصہ سی۔ لیکن جیس دِن اُو مسیحیت وِچ آئی اُوہناں نے سگریٹ ہمیشہ دے لئی چھڈ دِتی۔ اُو اکثر کہیا کردی سی، ’’جدوں تُسی چھڈدے اُو، تُسی چھڈ دیہندے اُو، تُسی ایہ نئیں کہندے کہ ’میں چھڈن دی کوشش کر رئی آں۔‘‘‘ اُو جان آر موٹ دے محاورے نوں ثابت کر رئی سن، ’’میں کسی ایہو جئے آدمی نوں کدی وی نئیں جانندا سی کہ اُو کسی بُری عادت تے دھیرے دھیرے قابو پا لئے۔‘‘

اِک خاتون جو کئی وریاں توں بہوتی زیادہ سگریٹ نوشی کردی سی کُجھ عرصہ پہلاں ساڈے گرجا گھر وِچ آئی سی۔ میں اُوہنوں اپنی ماں دی بپتسمہ دی تصویراں وکھائیاں تے دسیا کہ ماں نے کہیا، ’’جدوں تُوں اُوہنوں چھڈ دِتا تے توں چھڈ دِتا۔‘‘ اگلے ہفتے میں اُوس خاتوں نوں پُچھیا کہ کی اُوہنے چھڈ دِتا اے۔ ’’اوہ، ہاں‘‘، اُو بولی۔ ’’جدوں وی میں سگریٹ پینا چاہندی سی، میہنوں ڈاکٹر ہائیمرز دی والدہ دی گل یاد آندی سی – ’جدوں تُسی چھڈ دیہندے اُو، تُسی چھڈ دیہندے اُو‘۔‘‘ میری والدہ نوں خوشی ہوئی ہووے گی کہ سگریٹ نوشی چھڈن وِچ اُوہناں دے تجربے نے ایس عورت دی مدد کیتی اے – جیہڑی ساڈے گرجا گھر دی رُکن اے۔

لہذا، تباہ کن، پیہھڑی عادتاں تے قابو پان دے لئی ساڈے کول دو عظیم اصول نے۔

1. پیہھڑی عادت نوں چنگی عادت نال بدل دیو۔

2. پیہھڑی عادت نوں اِک دَم چھڈ دیو – تے اُوہدے وَل کدی وی واپس نہ جان دا عزم کر لو۔ پیہھڑی عادت نوں چھڈن دے لئی – اُوہنوں چھڈ دیو!

پیہھڑی عادت نوں چھڈن وِچ، ماہرین نفسیات سانوں دسدے نے کہ چار ضروری اقدامات نے:

1. ’’میں ایہ کراں گا‘‘ (اِک یقینی، طے شدہ عمل)۔

2. کئی ہفتیاں تیکر جدوجہد (ایہ نازک وقت اے – تہانوں ایس دوران اِک وری وی پیہھڑی عادت نوں نئیں دہرانا چائیدا اے)۔

3. عادت نوں دہران دی خواہش دا بتدریج گھٹ ہونا۔

4. آزادی

غلط [کھانا] کھان دی عادت، دے علاوہ ہُور بہتیری بہوتی ساری دوجیاں پیہھڑی عادتاں نوں چھڈن دے لئی تُسی ایہناں چار نکات دا استعمال کر سکدے اُو۔

اینج ای ہوندا اے جدوں تُسی گرجا گھر توں غیرحاضر ہون دی عادت نوں چھڈدے اُو تے ہر اِتوار نوں آن دی نئی عادت نوں شروع کردے نے۔ (ذہن وِچ مندرجہ بالا نکات تے جاؤ)۔

گرجا گھر توں غیرحاضر ہون دی عادت سب دی سب توں بُری تے تباہ کُن بُری عادت اے۔ کیوں؟ سب توں پہلاں، کیوں جے ایہ تہانوں خوشخبری سُنن توں روکدی اے، کِدرے تہانوں نجات نہ لبھ جائے۔ دوجے، کیوں جے ایہ تہاڈی اپنی تنہائی تے قابو پان دے لئی قریبی مسیحی دوست بنان توں روکدی اے۔ تے بہتیرے دوجے بھیانک نتائج نے جیہڑے گرجا گھر توں غیرحاضری دی ایس بُری عادت توں آندے نے۔

ہُن، ایہ عادت تہاڈے وِچوں بہتیرے لوکاں وِچ گہرائی نال پیوست اے۔ کئی نسلاں تیکر تہاڈے وِچوں بہتیرے لوکاں دے کول کدی کوئی ایہو جیہا نئیں سی جیہڑا اِک حقیقی مسیحی ہووے یا باقاعدگی نال گرجا گھر جاندا ہووے۔ تہانوں ایس عادت دی زنجیراں نوں توڑنا پیہئے گا جِنہے نسل در نسل تہاڈے خاندان نوں تباہ کر دِتا اے!

تہاڈے ماں پیو دا جھوٹا مذہب ہو سکدا اے – جیویں کہ بُدھ مت، ہندو مت، کیتھولک ازم، یا پینٹی کوسٹل ازم۔ یا اُو ملحد یا اِگنوسٹک ہو سکدے نے۔ جے تُسی یسوع مسیح دے ذریعے نجات پانا چاہندے اُو تے تہانوں اپنے ماں پیو دے جھوٹے مذہب دی زنجیراں نوں توڑنا پیہئے گا۔

تُسی ایہناں تباہ کُن مذہبی عادتاں نوں چھڈن دے لئی ساری پریشانیاں وِچ کیوں جائیے؟ کیوں جے یسوع مسیح نے کہیا:

’’راہ تے حق تے حیاتی میں ای آں۔ میرے وسیلہ دے بغیر کوئی باپ دے کول نئیں آندا‘‘ (یُوحنّا 14: 6)۔

صرف یسوع مسیح ای تہانوں جین دا صحیح راستہ وکھا سکدا اے۔ صرف اُو ای تہانوں سچائی وَل لے جا سکدا اے۔ اُو ای واحد اے جیہڑا تہانوں ابدی حیاتی دے سکدا اے۔ تے صرف یسوع مسیح ای اے جیہڑا تہاڈی خدا نال صُلح کروا سکدا اے، تے تہانوں خدا دی حضوری وِچ لیہیا سکدا اے۔

تُسی ویکھیا، یسوع، خدا دا پُتر، تہاڈے گناہواں دی قیمت تے کفارہ ادا کرن دے لئی سولی تے مریا۔ لیکن اُو مُردہ نئیں رہیا۔ اُو جسمانی طور تے مُردیاں وِچوں جی اُٹھیا۔ اُو آسمان تے چڑھ گیا، تے ہُن اُو زندہ اے، خدا باپ دے سجّے ہتھ تے بیٹھا اے – اُوتے آسمان تے – اک ہُور وسعت وچ۔

ہُور اک ہُور گل – یسوع مسیح تہانوں مدد تے طاقت تے فضل دے سکدا اے جیہڑا تہانوں اپنی حیاتی وِچ تباہ کُن گناہ دی عادتاں تے قابو پان دے لئی درکار اے۔ اگلے اِتوار تے ہر اِتوار نوں گرجا گھر واپس آؤ۔ ایہ شروعات نے۔ یہ دوجے کاماں دے غرض توں گرجا گھر توں غیرحاضر ہو جان آلے اُوس اِک تباہ کُن پرانی عادت دے بدلے وِچ اِک نئی چنگی عادت اے۔ تے فیر مسیح بخود دے کول آؤ۔ اُو تہاڈے گناہواں نوں معاف کر دے گا۔ اُو تہانوں بچائے گا۔ اُو تہانوں اِک نئی ابدی حیاتی دے گا۔

حقیقی مسیحیت صرف اِک فلسفہ یا اخلاقیات دا نظام نئیں اے۔ حقیقی مسیحیت زندہ مسیح نوں جانن آلی گلا اے۔ اُو ہُنے زندہ اے – تے جے تُسی ایہنوں جان لوؤ گے، تے اُو تہانوں گناہ توں بچائے گا۔ مسیح وَل پہلا قدم اگلے اِتوار نوں واپس آن دا فیصلہ کر رہیا اے۔

جدوں تُسی اِک حقیقی مسیحی بن جاؤ گے تے ساڈی تلاوت دے الفاظ تہاڈی حیاتی وِچ اِک حقیقت بن جان گے:

’’لیکن خدا دا شکر اے کہ اگرچہ پہلاں تُسی گناہ دے غلام سی لیکن ہُن دِل نال اُوس تعلیم دے تابع ہو گئے اُو جیہڑی تہاڈے حوالے کیتی گئی اے۔ تُسی گناہ دی غلامی توں آزادی پا کے راستبازی دی غلامی وِچ آ گئے‘‘ (رومیوں 6: 17۔18)۔

مسیح وِچ ایمان لیہیان دی تبدیلی دے ویلے بُری عادتاں نوں چنگی عادتاں نال بدل دِتا جاندا اے۔ جیویں کہ ڈاکٹر جان آر رائس نے اپنے اِک گانے وِچ کہیا:

میرے سارے گناہ معاف ہو گئے؛ گناہ دی زنجیراں پارہ پارہ ہو جاندیاں نے،
تے میرا سارا دِل پیش کر دِتا گیا اے، یسوع دے لئی، صرف یسوع دے لئی۔
          (’’یسوع، صرف یسوعJesus, Only Jesus ‘‘ شاعر ڈاکٹر جان آر رائسDr. John R. Rice، 1895-1980)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔