Print Sermon

ဤတရားဒေသနာစာရွက်နှင့် ဗွီဒီယိုဖိုင်များသည် လစဥ်လတိုင်းတွင် ကွန်ပြူတာပေါင်း တသန်းခွဲဖြင့် နိုင်ငံပေါင်း ၂၂၁ ကျော် www.sermonsfortheworld.com ဆီသို့သွား ရောက်လေ့ရှိသည်။ အခြားရာပေါင်းများစွာသောသူတို့က ဗွီဒီယိုကို YouTube တွင် ကြည့်ကြပြီး ဤစာမျက်နှာကို လာကြသည်။ Youtube မှ ဒီစာမျက်နှာကို လူတို့အားလာစေသည်။ ဤတရားဒေသနာစာရွက်ကို လစဥ်လတိုင်း စကား ၄၆ မျိုးဖြင့် ကွန်ပြူတာ တသိန်းတသောင်းမျှသော လူတို့ကို ဝေငှပေးထားသည်။ ဤတရားဒေသနာသည် မူပိုင်မလုပ်ထား၍ တရားပို့ချသူများ ခွင့်ပြုချက်မလို အသုံးပြုနိုင်သည်။ ကမ္ဘာတဝှမ်းသို့ ဧဝံဂေလိတရားကို ကျဲဖြန့်နေသော ကြီးမားသည့်အလုပ်တွင် ငါတို့အား အကူအညီပေးရန် လစဉ်အလူတော်ငွေ ပါဝင်ထည့်ဖို့ ဤနေရာကို ကျေးဇူးပြုပြီး နှိပ်ပါ။

ဒေါက်တာ Hymers ထံသို့ စာရေးသားသည့်အချိန်တိုင်းတွင် မည်သည့်တိုင်းပြည်၌ နေထိုင်ကြောင်းကို အမြဲတမ်းပြောပါ။ သို့မဟုတ်လျှင် အဖြေပေးနိုင်မည်မဟုတ်ပါ။ ဒေါက်တာ Hymers ၏လိပ်စာမှာ rlhymersjr@sbcglobal.net. ဖြစ်ပါသည်။




ပေတရု၏ပြောင်းလဲခြင်း

THE CONVERSION OF PETER
(Burmese)

လော့စ်အိန်ဂျယ်လ်ရှိ Baptist Tabernacle အသင်းတော်တွင် ၂၀၁၅ခုနှစ်
ဧပြီလ ( ၃ ) ရက်နေ့ ညနေပိုင်းတွင် ဟောကြားသော
Dr. R. L. Hymers, Jr.၏ တရားဒေသနာဖြစ်သည်။
A sermon preached at the Baptist Tabernacle of Los Angeles
Friday Evening, April 3, 2015

"တဖန် သခင်ဘုရားက၊ ရှိမုန်၊ ရှိမုန်၊ ဂျုံဆန်ကို ဆန်ခါနှင့်ချသကဲ့သို့ စာတန် သည် သင့်ကို ချရမည်အကြောင်း အခွင့်တောင်းသည်ဖြစ်၍၊ သင်၏ယုံ ကြည်သောစိတ် မပျက်စေခြင်းငှါ ငါသည် သင့်အဖို့ဆုတောင်းလေပြီ။ သင် သည် သတိရပြန်သောအခါ သင်၏ညီအစ်ကိုတို့ကို တည်ကြည်စေလော့ဟု မိန့် တော်မူလျှင်၊" (လုကာ ၂၂း ၃၁-၃၂ )


ခရစ်တော် ယေရုရှလင်မြို့သို့သွားပြီး အသေခံတော်မူမည့်အကြောင်းနှင့်စပ်လျဉ်း၍ တရားဒေသနာသုံးခုကို မကြာသေးခင်က ကျွနု်ပ်ဟောကြားခဲ့သည်။ သူတို့သည် အပြန်အလှန် ဆက်စပ်မှုရှိသည်။ ၄င်းတို့မှာ "ဒုက္ခခံရန်ဆုံးဖြတ်ခဲ့ခြင်း၊" "တပည့်တော်များ၏ကြောက်ရွံ့ခြင်း" နှင့် "ဤအကြောင်းအရာကို သူတို့၌ ဝှက်ထားသည်" တို့ဖြစ်ကြသည်။ ဤအရာ၏ပထမအ ချက်မှာ နိဒါန်းနှင့်သာ သက်ဆိုင်သည်။ ဒုတိယနှင့်တတိယအချက်က တပည့်တော်များ၏ ကြောက်ရွံ့ခြင်းနှင့်မယုံကြည်ခြင်းများအကြောင်းကို အဓိကထားသည်။ ခရစ်တော်သည် သေ ခြင်းမှရှင်ပြန်ထမြောက်သည်တိုင်အောင် တပည့်တော်များသည် ဧ၀ံဂေလိတရားကို လုံး၀မယုံ ကြည်နိူင်ကြသည်မှာ ရှင်းရှင်းလင်းလင်းတွေ့ရသည်။ ခရစ်တော်က ဤသို့ဆိုသည်။

"အကြောင်းမူကား၊ လူသားသည် လူတို့လက်သို့အပ်နှံခြင်းကို၄င်း၊ အသေ သတ်ခြင်းကို၄င်း၊ ခံရမည်။ ခံပြီးမှ သုံးရက်မြောက်သောနေ့၌ ထမြောက်လိမ့် မည်ဟူသော အကြောင်းများကို တပည့်တော်တို့အား ပြတော်မူ၏။ ထိုအ ကြောင်းများကို သူတို့သည် နားမလည်သော်လည်း၊ ကိုယ်တော်ကို မမေး မလျှောက်၀ံ့ကြ။" ( မာကု ၉း ၃၁-၃၂ )

"ထိုအကြောင်းများ (ဧ၀ံဂေလိတရား) ကို သူတို့သည် နားမလည်သော်လည်း၊ ကိုယ်တော်ကို မမေးမလျှောက်၀ံ့ကြ" နှင့်ပါတ်သက်ပြီး မှတ်ချက်ပြုသောအခါ Dr. A. T. Robertson က ဤသို့ဆိုသည်။

သူတို့သည် ဆက်လက်ပြီး နားမလည်ကြသေးပေသူတို့သည် တောင် ပေါ်၌ ခရစ်တော်ရုပ်အသွန်ပြောင်းလဲသည့်နောက်ပိုင်းတွင်ပင်လျှင် (ခရစ် တော်၏) သေခြင်းနှင့် ရှင်ပြန်ထမြောက်ခြင်းအကြောင်းကို မယုံကြည် သောသူများဖြစ်ကြပါသည်။ တောင်ပေါ်က ဆင်းကြပြီးနောက်တွင်လည်း ရှင်ပြန်ထမြောက်ခြင်းနှင့်ပါတ်သက်ပြီး သခင်၏အရိပ်အမြွတ်ပြောကြားခြင်း ကိုလည်း တဖန်နားမလည် ဖြစ်ကြပြန်သည်။ ( မာကု ၉း ၁၀ ) မဿဲ ၁၇း ၂၃ က သူတို့သည် ယေရှု၏ (သေခြင်းနှင့်ရှင်ပြန်ထမြောက်ခြင်းအကြောင်း ကို) ကြားရသည်မှာ "အလွန်ဝမ်းနည်းကြသည်" ဟု ဆိုထားသော်လည်း မာကုကမူ သူတို့သည် "ကိုယ်တော်ကို မမေးမ၀ံ့ကြ" ဟုဆိုထားပါသည်။ (A. T. Robertson, Litt.D., Word Pictures in the New Testament, Broadman Press, ၁၉၃၀၊ အတွဲ ၁၊ စာ- ၃၄၄၊ မာကု ၉း ၃၂ )

တပည့်တော်များသည် ခရစ်တော်ရှင်ပြန်ထမြောက်သည့်တိုင်အောင် ခရစ်တော်၏ ဧ၀ံဂေလိ တရားကိုယုံကြည်ခြင်းမရှိကြကြောင်း ထင်ထင်ရှားရှားပြသထားပါသည်။

Dr. J. Vernon McGee က တပည့်တော်များသည် အက်စတာနေ့ညနေပိုင်း၌ ရှင်ပြန် ထမြောက်သောခရစ်တော်ကိုတွေ့ခဲ့သည်အထိ အသစ်တဖန်မွေးဖွါးခြင်း ( အသစ်ပြုပြင်ခြင်း) မခံကြရသေးဟုဆိုထားသည်။ ကျွနု်ပ်တို့၏သခင်ဘုရားသည် သူတို့အပေါ်တွင် မှုတ်သွင်းပြီး "သန့်ရှင်းသောဝိညာဉ်တော်ကိုလက်ခံကြပါ" ဟုဆိုသောခဏတွင် ဤသူတို့သည် အသစ်တ ဖန်ပြောင်းလဲခြင်းကို ရရှိကြသည်ဟု ကျွနု်ပ်ယုံကြည်မိပါ သည်။ ထိုအရာမတိုင်မှီ သူတို့သည် သန့်ရှင်းသောဝိညာဉ်တော်ကျိန်းဝပ်ခြင် မရှိကြသေးပေ။ (J. Vernon McGee, Th.D., Thru the Bible, Thomas Nelson Publishers, အတွဲ ၄၊ စာ- ၄၉၈၊ ယောဟန် ၂၀း ၂၂ မှတ်စု )

ကျွနု်ပ်၏သမ္မာကျမ်းစာလေ့လာမှုကိုအခြေပြု၍၊ ပေတရုသည် အက်စတာညနေပိုင်း တွင် ရှင်ပြန်ထမြောက်သောယေရှုကို တွေ့ဆုံးခဲ့သည်အထိ အသစ်တဖန်မွေးဖွါးခြင်း နှင့် ပြောင်းလဲခြင်းမရှိသေးဟု ထင်မှတ်မိသည်။ အသုံးပြုသော ကျမ်းပိုဒ်ကို ပြန်၍လေ့လာကြစို့။

"တဖန် သခင်ဘုရားက၊ ရှိမုန်၊ ရှိမုန်၊ ဂျုံဆန်ကို ဆန်ခါနှင့်ချသကဲ့သို့ စာတန် သည် သင့်ကို ချရမည်အကြောင်း အခွင့်တောင်းသည်ဖြစ်၍၊ သင်၏ယုံ ကြည်သောစိတ် မပျက်စေခြင်းငှါ ငါသည် သင့်အဖို့ဆုတောင်းလေပြီ။ သင် သည် သတိရပြန်သောအခါ သင်၏ညီအစ်ကိုတို့ကို တည်ကြည်စေလော့ဟု မိန့် တော်မူလျှင်၊" (လုကာ ၂၂း ၃၁-၃၂ )

စာတန်သည် ယုဒကို နှုတ်ယူပြီး '' ယုဒအထဲသို့ ဝင်ရောက်ခဲ့သည်။" (လုကာ ၂၂း ၃ ) ယခု တွင် ယေရှုက ပေတရုအား "ရှိမုန်၊ ဂျုံဆန်ကို ဆန်ခါနှင့်ချသကဲ့သို့ စာတန် သည် သင့်ကို ချရမည်အကြောင်း အခွင့်တောင်းသည်"(လုကာ ၂၂း ၃၁ ) ဟုဆိုသည်။ ခရစ်တော် ဒုက္ခဝေဒ နာခံစားနေရသောအချိန်တွင် ပေတရုသည် "ဆန်မှုတ်ခါချသကဲ့သို့ ခက်ခဲမှုနှင့်အဆက်မပြတ် လှုပ်ခါသွားခြင်း" ကို ဖြတ်သန်းနေခဲ့ရလိမ့်မည်။ (Dr. R. C. H. Lenski) ပေတရုတွင် ယုံ ကြည်ခြင်း တစ်ချို့တလေရှိသည်။ သူ၌ရှိသော ယုံကြည်ခြင်းသည် "ပြိုလဲ" မသွားပါမည့်အ ကြောင်း ခရစ်တော်ဆုတောင်းပေးသည်။ ပေတရု၏ယုံကြည်ခြင်းသည် "ယုံကြည်ခြင်းမတိုင်မှီ ယုံကြည်ခြင်း" ဟု Spurgeon က ခေါ်ထားသောအရာဖြစ်သည်။ ဆိုလိုသည်မှာ ပြောင်းလဲခြင်း မတိုင်မှီ အလင်းပေးခြင်းဖြစ်သည်။ ဘုရားသခင်သည် ပေတရုအား "သင်သည် အသက်ရှင် တော်မူသော ဘုရားသခင်၏သားတော် ခရစ်တော်ဖြစ်သည်" ဟုပြောဆိုနိူင်ရန်လုံလောက် သောယုံကြည်ခြင်းကိုပေးလျက် အလင်းနှင့်လွှမ်းခြုံထားပါသည်။ ( မဿဲ ၁၆း ၁၆ ) ယခုတွင် ခရစ်တော်သည် ၄င်း၏ကနဦးယုံကြည်ခြင်းကို အက်စတာညနေပိုင်းအချိုင်သူမပြောင်းလဲသေး မှီတွင် စာတန်မဖျက်ဆီးမည်အကြောင်း ဆုတောင်းခဲ့ပါသည်။

"သင်သည် သတိရပြန်သောအခါ သင်၏ညီအစ်ကိုတို့ကို တည်ကြည်စေ လော့။'' (လုကာ ၂၂း ၃၂ )

ဤအရာမှာ ထိုကျမ်းပိုဒ်ကို အနက်ဖွင့်နေကျပုံစံမဟုတ်ပါ။ သို့သော် မှန်ကန်သောအ တစ်ခုဖြစ်သည်ဟု ယူဆမိပါသည်။ သင်၏အဆုံးသတ်ကို စီရင်ခြင်းမပြုမီှ ကျွနု်ပ်ကို အဆုံးထိ အောင်သည်းခံပေးပါ။ ခရစ်တော်သည် ရှိမုန်ပေတရု၏ အက်စတာညနေပိုင်းတွင် ပြောင်းလဲခြင်းနှင့်ပါတ်သက်ပြီး ကျွနု်ပ်တို့၏ကျမ်းပိုဒ်တွင် ပြောဆိုနေကြောင်း ယုံကြည်ရသည့် အကြောင်းအချက်သုံးချက် ကျွနု်ပ်တို့တွေ့နိူင်ပါသည်။

၁။ ပထမအချက် ၊ ပေတရု၏ပြောင်းလဲခြင်းကို ရည်ညွှန်းသည်၊ အကြောင်းမှာ King James ကျမ်းစာနှင့် ၁၅၉၉ Geneva ကျမ်းစာက ဂရိစကားလုံးကို "ပြောင်းလဲသည်" ဟူသော အဓိပၸါယ်ဖြင့် မှန်ကန်စွာ ဘာသာပြန်ဆိုထားသည်။

ထိုအကြောင်းအရာကို NIV ကျမ်းစာပြန်ဆိုချက်က "ပြန်လှည့်ခြင်း" ဟုဆိုပြီး NASV ဘာသာပြန်ဆိုချက်ကမူ "တဖန်ပြန်လှည့်သည်" ဟုဆိုထားပါသည်။ သိုရာတွင် ထိုအရာက ကျွနု်ပ်ကို စိတ်မအေးစေနိူင်ဖြစ်သည်။ ဂရိစကားလုံး၏ဇစ်မြစ်မှာ "တပါးအမျိုးသားတို့၏ပြောင်း လဲခြင်း" (NIV နှင့် NASV နှစ်ခုစလုံးက "ပြောင်းလဲခြင်း" ကိုပြောဆိုသည်။) ကိုပြောဆိုသည့် တမန်တော် ၁၅း ၃ နှင့်အတူတူဖြစ်သောကြောင့် ၄င်းသည် ရှေ့နောက်မညီ မလိုက်ဖက်သလို ဖြစ်နေသည်။ ဂရိစကားလုံးများဖြစ်ကြသော "epistrepho," "epistrophe" တို့ကို လုကာ ၂၂း ၃၂ တွင် "လှည့်ပြန်ခြင်း" ဟု ဘာသာပြန်ပြီး တမန်တော် ၁၅း ၃ တွင် "ပြောင်းလဲခြင်း" ဟု အဘယ့်ကြောင့် ဘာသာပြန်ဆိုထားကြပါသနည်း။ အကြောင်းရင်းက ရိုးရှင်းလွန်းသည်ဟု ကျွနု်ပ်ထင်မိပါသည်။ တပါးအမျိုးသားတို့သည် အမှန်တကယ် "ပြောင်းလဲခဲ့ကြသည်" မှာ ထင်ရှားနေပါသည်။ "လှည့်ပြန်ခြင်း" ဟူသည်မှာ မည်သည်ကိုမျှ ရည်ရွယ်ထားခြင်းမရှိပါ။ သို့ ရာတွင် ခေတ်သစ်ဘာသာပြန်ဆိုသူများသည် လုကာ ၂၂း ၃၂ ရှိ ပေတရုသို့ရောက်လာကြ သောအခါ ၄င်းတို့၏ဧ၀ံဂေလိအသစ်နှင့် "ဆုံးဖြတ်ချက်ဝါဒီ"များ၏ ကောက်ချက်ချထားခြင်း များသည် Old KJV နှင့် ၁၅၉၉ Geneva ကျမ်းစာဘာသာပြန်စကားလုံး "ပြောင်းလဲခြင်း" ကို အသုံးပြုရန်မှာ မနှစ်မြို့ဟန်ရှိကြသည်။ ကျွနု်ပ်၏အမြင်အရပြောရလျှင် ခေတ်သစ်ဘာသာပြန် ဆိုမှုများသည် သင့်လျော်သောဘာသာပြန်ဆိုမှုများဟုဆိုသည်ထက် အားနည်းသည့် အရာ ဟုသာမြင်မိသည်။ Dr. Bernard Ramm က "ကျမ်းစာအနက်ဖွင့်ခြင်းဟူသည်မှာ သမ္မကျမ်း စာအနက်ဖွင့်ခြင်းဆိုင်ရာ သိပၸံနှင့်ဝိဇ္ဖာအတတ်ပညာဖြစ်သည်" ဟုဆိုသည်။ (Bernard Ramm, Ph.D., Protestant Biblical Interpretation, Baker Book House, ၁၉၇၀၊ စာ-၁) Dr. Ramm ကလည်း "ပြုပြင်ပြောင်းလဲသူများက သမ္မာကျမ်းစာကို သမ္မာကျမ်းစာက အနက် ဖွင့်သည်" ဟုဆိုပါသည်။ ကျမ်းစာအနက်ဖွင့်ခြင်း၏အဓိက သဘောတရားတစ်ခုမှာ သမ္မာကျမ် စာက သမ္မာကျမ်းစာကို အနက်ဖွင့်ခြင်းပင်ဖြစ်သည်။ ကျမ်းစာပညာရှင်များက တမန်တော် ၁၅း ၃ တွင်ပါရှိသည့် "တပါးအမျိုးသားများ၏ပြောင်းလဲခြင်း" အကြောင်းကို အနက်ဖွင့်ကြသည့်ဆို လျှင် လုကာ ၂၂း ၃၂တွင်ပါရှိသည့် "သင်သည် သတိရပြန်သောအခါ"ကိုလည်း ၁၅၉၉ Geneva ကျမ်းစာနှင့် KJV ကျမ်းစာဘာသာပြန်ဆိုသကဲ့သို့ ပို၍ သင့်လျော်စွာ ဘာသာပြန်ဆို သင့်ပါသည်။ NKJV ကတောင် အမှားလုပ်လိုက်သေးသည်။ သူတို့သည် "တပါးအမျိုးသားတို့ ၏ပြောင်းလဲခြင်း" ဟုအသုံးပြုထားသော်လည်း လုကာ ၂၂း ၃၂ တွင်မူ ပေတရုအတွက်သာ "လှည့်ပြန်ခြင်း" ဟုဆိုထားသည်။ တဖန် ကျွနု်ပ်သည် King James ကျမ်းစာထဲမှ အမြဲတမ်း ဟောကြားနေသောကြောင့်ဖြစ်ပါသည်။ Moody ၏ပြောဆိုချက်အရာဆိုရလျှင် KJV သည် ခေတ်သစ်ဘာသာပြန်ဆိုမှုနှင့်ပါတ်သက်ပြီး ကြီးမားသည့်အလင်းကိုပေးသည်။ ထိုအရာသည် အလွန်မှန်ကန်ကြောင်း ကျွနု်ပ်မြင်တွေ့မိသည်။

“သင်၏ယုံကြည်သောစိတ်မပျက်စေခြင်းငှါ ငါသည် သင့်အဖို့ ဆု တောင်းလေပြီ။ သင်သည် သတိရပြန်သောအခါ သင်၏ညီအစ်ကို တို့ကို တည်ကြည်စေလော့ဟု မိန့် တော်မူလျှင်၊…" (လုကာ ၂၂း ၃၁-၃၂ )

ချစ်သောမိတ်ဆွေ၊ ပြောင်းလဲရန်လိုအပ်သည်မှာ တပါးအမျိုးသားများသာမဟုတ်ပါ။ ပေတရုလည်းပြောင်းလဲရန် လိုအပ်ပါသည်။ လမ်းပေါ်တွင်ရောက်နေသောသူများသာ ပြောင်း လဲရန်လိုအပ်သည်မဟုတ်။ ယနေ့ ဤနေရာတွင်ရောက်ရှိနေကြသောသူများလည်း ပြောင်းလဲ ရန်လိုအပ်ပေသည်။ "တဖန်ပြန်လှည့်ယုံသက်သက်မဟုတ်"၊ "ပြောင်းလဲရန်ဖြစ်သည်။" ယေရှု က "ဒုတိယမွေးခြင်းကိုခံရမည်" ဟုမိန့်ဆိုထားပါသည်။ သင်သည် အသစ်ပြုပြင်ခြင်းနှင့် ပြောင်းလဲခြင်းခံရမည်။ သို့မဟုတ် သင်သည် "ဘုရားသခင်၏နိူင်ငံတော်သို့ဝင်ရလိမ့်မည်မ ဟုတ်။" ( ယောဟန် ၃း ၅ )

"သင်သည် သတိရပြန်သောအခါ သင်၏ညီအစ်ကိုတို့ကို တည် ကြည်စေလော့ဟု မိန့် တော်မူလျှင်၊…" (လုကာ ၂၂း ၃၁-၃၂ )

၂။ ဒုတိယအချက် ၊ ယေရှု၏နောက်တော်သို့လိုက်ခြင်း၊ ဗတ္တဇံ သို့မဟုတ် ဘုရားသ ခင်၏ အလင်းပေးခြင်းက အဘယ်သူကိုမျှမပြောင်းလဲစေကြောင်း ဤကျမ်းပိုဒ်က ပြသသည်။

ဤသည်မှာ ပေတရု၏ပြောင်းလဲခြင်းအကြောင်းမှ ကျွနု်ပ်တို့သင်ယူရရှိသော ဒုတိယ မြောက် သင်ခန်းစာဖြစ်ပါသည်။ ရိုမင်ကစ်သိုလစ်နှင့် "ဆုံးဖြတ်ချက်ဝါဒီ"များဖြစ်ကြသည့် နှစ်ခြင်းနှင့်ပရိုတဲ့တင်းများက ပေတရုသည် ခရစ်တော်၏နောက်တော်သို့လိုက်ခြင်းဖြင့် ပြောင်း လဲခြင်းရရှိသည်ဟု ထင်မှတ်ကြသည်။ သမ္မာကျမ်းစာက ဤသို့ဆိုပါသည်။

"ဂါလိလဲအိုင်နားမှာ ကြွတော်မူစဉ်၊ ရှိမုန်နှင့်အနြေ္ဒညီအစ်ကိုနှစ်ယောက် သည် တံငါဖြစ်၍၊ အိုင်တွင် ပိုက်ကွန်ဖြန့်ချသည်ကို မြင်တော်မူလျှင်၊ ထိုသူတို့အား ငါ့နောက်သို့လိုက်ကြလော့။ သင်တို့သည် လူကိုမျှားသော တံငါဖြစ်စေခြင်းငှါ ငါပြုမည်ဟု အမိန့်တော်ရှိသော်၊ ထိုသူတို့သည် ချက်ခြင်း ပိုက်ကွန်ကိုစွန့်ပစ်၍ နောက်တော်သို့ လိုက်ကြ၏။ "( မာကု ၁း ၁၆-၁၈ )

ခရစ်တော်၏နောက်တော်သို့လိုက်ခြင်းအားဖြင့် တပည့်တော်များသည် ကယ်တင်တော်မူခြင်း သို့ရောက်သည်ဟူသောယူဆချက်မှာ မှားယွင်းသော ယူဆချက်ပင်ဖြစ်ပါသည်။ ထို့အပြင် ယနေ့အသင်းတော်များတွင် အဖြစ်များသော မှားယွင်းမှုလည်းဖြစ်ပါသည်။ ပေတရုနှင့် အနြေ္ဒ တို့သည် ''၄င်းတို့၏ပိုက်ကွန်ကို စွန့်၍ နောက်တော်သို့လိုက်ကြသည်" မှာ မှန်ကန်ပါသည်။ (မာကု ၁း ၁၈ ) သို့သော် ထိုသို့သော လူတို့၏လုပ်ဆောင်ချက်အားဖြင့် ကျွနု်ပ်တို့သည် ကယ် တင်တော်မူခြင်းသို့မရောက်နိူင်ပေ။ ယုဒသည်လည်း ယေရှု၏နောက်တော်သို့လိုက်သော်လည် ကယ်တင်တော်မူခြင်းသို့မရောက်ပေ။ ရှင်လုကာခရစ်ဝင်ကျမ်းက ၄င်းကို "သစ္စာဖောက်ဟူအ မည်ရသော ယုဒရှကာရုတ်" ဟုခေါ်သည်။ ( လုကာ ၆း ၁၆ ) ယေရှုက ထိုသူအား "ရန်သူ" ဟုခေါ်ထားသည်။ ( ယောဟန် ၆း ၇၀ )

ယုဒနှင့်ပေတရုတို့သည် ခရစ်တော်၏နောက်တော်သို့ သုံးနှစ်လောက်လိုက်ကြသည် မှာ မှန်သော်လည်း အဘယ်သူမျှ ဧ၀ံဂေလိတရားကို မယုံကြည်ကြပေ။ ရှင်လုကာ ၁၈း ၃၁-၃၄ ကို ကြည့်ကြပါစို့။

"ထိုအခါ ကိုယ်တော်သည် တကျိပ်နှစ်ပါးသောတပည့်တော်တို့ကိုခေါ်၍၊ ငါတို့ သည် ယေရုရှလင်မြို့သို့ ယခုသွားကြ၏။ ပရောဖက်များရေးမှတ်သမျှသည် လူသား၌ပြည့်စုံရလိမ့်မည်။ တပါးအမျိုးသားတို့လက်သို့အပ်နှံခြင်း၊ ပြက်ယယ် ပြုခြင်း၊ ညှဉ်းဆဲခြင်း၊ တံထွေးနှင့်ထွေးခြင်းကိုခံရလိမ့်မည်။ သူတို့သည် လူသားကိုရိုက်ပုတ်၍၊ သတ်ကြလိမ့်မည်။ သုံးရက်မြောက်သောနေ့၌ ထ မြောက်လိမ့်မည်ဟု မိန့်တော်မူ၏။ ထိုစကားတခွန်းကိုမျှ တပည့်တော်တို့သည် နားမလည်ကြ။ ထိုအကြောင်းအရာသည် ဝှက်ထားလျက်ရှိသည်ဖြစ်၍ မိန့်တော်မူချက်အနက်ကို မရိပ်မိကြ။" ( လုကာ ၁၈း ၃၁-၃၄ )

"ဤအကြောင်းကို သူတို့အား ဝှက်ထားသည်။" အဘယ်သို့သော "အကြောင်းအရာ" ဖြစ်သ နည်း။ ဧ၀ံဂေလိတရားဖြစ်တော်မူသော ခရစ်တော်သည် အသေခံပြီး သုံးရက်မြောက်သောနေ့ တွင် ရှင်ပြန်ထမြောက်တော်မူမည်။ ပေတရုနှင့်ယုဒတို့သည် ခရစ်တော်၏နောက်တော်သို့ လိုက်ရန် "ဆုံးဖြတ်ချက်" ချခဲ့ကြသော်လည်း ဧ၀ံဂေလိတရားကို "သူတို့၌ ဝှက်ထားလျက်ရှိ" သေးသည်။ Dr. Charles C. Ryrie က " ယုဒသည် ခရစ်တော်၏မပြောင်းလဲသောနောက် လိုက်များ၏ပုံသက်သေဖြစ်သည်" ဟုဆိုထားပါသည်။ (Ryrie Study Bible ၊ မဿဲ ၁၀း ၁ မှတ်စု ) ပေတရုသည်လည်း ယေရှုကိုစွန့်ပစ်ထားသည့်ဖြစ်၍ ယုဒနှင့်အဘယ့်ကြောင့် ရပ်တန့် ရပါသနည်း။ အဘယ်သူမျှ ဧ၀ံဂေလိတရားကို နားမလည်ခဲ့ကြပါ။ "သူတို့၌ဝှက်ထားလျက်ရှိ သည်။" (လုကာ ၁၈း ၃၄ )

ချစ်သောမိတ်ဆွေ၊ ဒုတိယမွေးခြင်းမရှိပါဘဲ အမှုတော်ထဲသို့ "ချီတက်" သွားနိူင်ပါ သည်။ ပြောင်းလဲခြင်းမရှိပါဘဲ ခရစ်တော်၏နောက်တော်သို့လိုက်ရန်လည်း ဆုံးဖြတ်နိူင်ပါ သည်။ ကယ်တင်ခြင်းမရဘဲ "အပြစ်သား၏ဆုတောင်းချက်" ကိုလည်း တောင်းလျှောက်နိူင်ပါ သည်။ အဘယ့်ကြောင့်နည်း။ ဤအရာအားလုံးသည် လူသားတို့၏ကောင်းမှုကုသိုလ်များသာ ဖြစ်ကြပါသည်။ လူတို့ပြုသော ကုသိုလ်ကောင်းမှုအားဖြင့် ကယ်တင်တော်မူခြင်းသို့ရောက်မည် မဟုတ်ပါ။ သမ္မာကျမ်းစာက ဤသို့ဆိုသည်။

"ယုံကြည်သောအားဖြင့် ကျေးဇူးတော်ကြောင့် ကယ်တင်ခြင်းသို့ရောက်ရ၏။ ကိုယ်အလိုအလျောက်ရောက်သည်မဟုတ်။ ဘုရားသခင်သနားတော်မူရာ ဖြစ်သတည်း။ ကိုယ်ကုသိုလ်ကြောင့်ရောက်သည်မဟုတ်။ သို့ဖြစ်၍ အဘယ် သူမျှ ဝါကြွားစရာအကြောင်းမရှိ။" (ဧဖက် ၂း ၈-၉ )

သမ္မာကျမ်းစာက ဆက်လက်၍ ဤသို့ဆိုသည်။

"ငါတို့ကျင့်သောဖြောင့်မတ်ခြင်းအကျင့်အားဖြင့်မဟုတ်ဘဲ၊ မိမိသနားခြင်း ကရုဏာတော်နှင့်အညီ ဒုတိယမွေးခြင်းနှင့်ဆိုင်သောဆေးကြောခြင်းအား ဖြင့်၄င်း၊ သန့်ရှင်းသောဝိညာဉ်တော်၏အသစ်ပြုပြင်ခြင်းအားဖြင့်၄င်း၊ ငါတို့ ကိုကယ်တင်တော်မူ၏။ ငါတို့ကိုကယ်တင်သောအရှင်ယေရှုခရစ်အားဖြင့် ငါတို့အပေါ်သို့ ထိုဝိညာဉ်တော်ကို ကြွယ်၀စွာ သွန်းလောင်းတော်မူ၏။"( တိတု ၃း ၅-၆ )

ခရစ်တော်၏နောက်တော်သို့လိုက်ခြင်း၊ သို့မဟုတ် အခြားလူတို့ပြုသော ကုသိုလ် ကောင်းမှု တစ်စုံတစ်ရာအားဖြင့် ကယ်တင်ခြင်းသို့မရောက်နိူင်။ ကျွနု်ပ်ကိုယ်တိုင်လည်း ထိုသို့ သောနည်းလမ်းအားဖြင့် ကြိုးစားခဲ့သေးသည်၊ သို့သော်လည်း မဖြစ်နိူင်ပါ။ ခရစ်တော်သည် အကျွနု်ပ်အား ကျေးဇူးတော်အားဖြင့် ကယ်တင်တော်မမူမှီ နှစ်ခြင်းတရားဟောဆရာအဖြစ် သုံး နှစ်ကျော်လုပ်ဆောင်ခဲ့သည်။ ထို့နောက် ဘုရားသခင်သည် အကျွနု်ပ်အား ခရစ်တော်ထံပါးသို့ ဆွဲခေါ်သွားခဲ့ပြီး အပြစ်ရှိသမျှကို ခရစ်တော်၏အသွေးတော်အားဖြင့် ဆေးကြောသန့်စင်စေခဲ့ သည်။

"သို့ရာတွင်" တစ်စုံတစ်ယောက်က "ပေတရုသည် ဗတ္တဇံခံတော်မူခဲ့သည်" ဟုဆို သည်။ ဟုတ်ကဲ့၊ မှန်ပါသည်။ ယုဒသည်လည်း ထိုနည်း၄င်းပါပဲ။ ကျွနု်ပ်လည်းပဲ မပြောင်းလဲမှီ ခုနှစ်နှစ်အလိုတွင် ဗတ္တိဇံခံတော်မူခဲ့သည်။ "သို့သော်" အခြားတစ်ယောက်က "ပေတတရုတွင် 'သင်သည် အသက်ရှင်တော်မူသောဘုရားသခင်၏သားတော်ခရစ်တော်ဖြစ်သည်' ဟုပြောနိူင် သောယုံကြည်ခြင်းရှိသည့်အပြင် ( မဿဲ ၁၆း ၁၆ ) ယေရှုက' ကောင်းကင်ဘုံ၌ရှိတော်မူသော ခမည်းတော်သည် သင့်အားဘော်ပြတော်မူပြီ'( မဿဲ ၁၆း ၁၇ ) ဟုဆိုသည် ဟုဆိုပေမည်။ ကျွနု်ပ်သိပါသည်။ ယေရှုသည် ခရစ်တော်ဖြစ်တော်မူကြောင်းကို မပြောင်းလဲမှီ နှစ်ပေါင်းများ စွာက ဘုရားသခင်သည် ကျွနု်ပ်အားလည်းပြတော်မူခဲ့သည်။ ဘုရားသခင်သည် ထိုမျှလောက် သောအရာကို မာရ်နတ်ကိုလည်း ဖော်ပြခဲ့သည်။ "နတ်ဆိုးတို့လည်း ကိုယ်တော်သည် ခရစ် တော်တည်းဟူသော ဘုရားသခင်၏သားတော်ဖြစ်တော်မူ၏ဟုဟစ်ကြော်လည်း လူများမှ ထွက်သွားကြ၏။ ကိုယ်တော်သည် ခရစ်တော်ဖြစ်ကြောင်းကို သူတို့သည် သိကြသောကြောင့်" (လုကာ ၄း ၄၁ ) နတ်ဆိုးများသည်ပင် ခရစ်တော်အကြောင်းနှင့်ပါတ်သက်ပြီး ပေတရုပြောဆို သကဲ့သို့ပြောဆိုခဲ့ကြသည်။ ပေတရုသည် သူမပြောင်းလဲမှီအချိန်တွင် နတ်ဆိုးများသိသောအ ရာထက်ပို၍ မသိခဲ့ပေ။

ကျွနု်ပ်တို့သည် ယေရှု၏နောက်လိုက်ခြင်းဖြင့် ကယ်တင်ခြင်းသို့မရောက်နိူင်။ ဗတ္တိဇံခံ ခြင်းဖြင့် ကယ်တင်ခြင်းသို့မရောက်နိူင်။ ယေရှုသည် ခရစ်တော်ဖြစ်ကြောင်းကို ယုံကြည်ခြင်း အားဖြင့်လည်း ကယ်တင်ခြင်းသို့မရောက်နိူင်။ ပေတရုသည် ထိုအရာအားလုံးကို ကြုံတွေ့ခဲ့ သည်။ သို့ရာတွင် ယေရှုက ပေတရုအား ဤသို့ဆိုသည်။

"သင်သည် သတိရပြန်သောအခါ သင်၏ညီအစ်ကိုတို့ကို တည် ကြည်စေလော့ …" (လုကာ ၂၂း ၃၁-၃၂ )

၃။ တတိယအချက် ၊ ဤကျမ်းပိုဒ်ကို ခရစ်ဝင်ကျမ်းလေးခုနှင့်ဆိုင်သောဇာတ်လမ်း၏ အကြောင်းအရာတွင် မြင်တွေ့သင့်ပါသည်။

ယေရှုက ပေတရုနှင့်အခြားတပည့်တော်များအား သူသည် ယေရုရှလင်မြို့သို့သွားပြီး အသေခံမည်၊ သုံးရက်မြောက်သောနေ့တွင် ရှင်ပြန်ထမြောက်မည် အကြောင်း မိန့်တော်မူ သည်ကို ခရစ်ဝင်ကျမ်းလေးကျမ်းတွင် ကျွနု်ပ်တို့ မြင်တွေ့နိူင်ပါသည်။ ထိုအကြောင်းအရာကို ယေရှုက ပေတရုနှင့်အခြားတပည့်တော်များအား မဿဲ ၁၆း ၂၁၊ ၁၇း ၁၂၊ ၁၇း ၂၂-၂၃၊ ၂၀း ၁၈-၁၉၊ နှင့် ၂၀း ၂၈ တွင် ငါးကြိမ်တိုင်တိုင် ထပ်ခါထပ်ခါ မိန့်တော်မူခဲ့သည်။ Dr. J. Vernon McGee က ပေတရုနှင့်အခြားတပည့်တော်များအကြောင်းနှင့်ပါတ်သက်ပြီး " ဤကဲ့သို့ညွှန် ကြားထားလျက်ပင် တပည့်တော်များသည် ရှင်ပြန်ထမြောက်ခြင်းနောက်ပိုင်းအထိ (ဧ၀ံဂေလိ တရား) ၏ သိသာထင်ရှားမှုကို မိမိရရ ဆုတ်ကိုင်နိူင်ခြင်းမရှိကြသေးပေ" ဟုဆိုပါသည်။ (J. Vernon McGee, Th.D., Thru the Bible, Thomas Nelson Publishers, အတွဲ ၄၊ စာ-၉၃၊ မဿဲ ၁၆း ၂၁ မှတ်စု )

"သင်သည် သတိရပြန်သောအခါ သင်၏ညီအစ်ကိုတို့ကို တည် ကြည်စေလော့ …" (လုကာ ၂၂း ၃၁-၃၂ )

"ကောင်းပြီ၊" လူတစ်ဦးက "ပေတရုသည် ယေရှုရှင်ပြန်ထမြောက်ပြီးနောက်တွင်သာ ကယ်တင်ခြင်းရသည်ဟူသော ကျမ်းစာဖော်ပြချက်သည် အဘယ်မှာ ရှိပါသနည်း" ဟု မေး တော်မူမည်။ ခရစ်ဝင်ကျမ်းလေးကျမ်းစလုံးအဆုံးသတ်ခါနီးတွင် ၄င်းသည် သင့်မျက်နှာပေါ် တွင်ရှိသောနှာခေါင်းကဲ့သို့ အဘယ့်ကြောင့် ရှင်းလင်းထင်ရှားသနည်း။ ထိုအကြောင်းအရာကို ရှင်လုကာ က ရှင်းရှင်းလင်းလင်းဖော်ပြထားပါသည်။

"ထိုသို့အချင်းချင်ပြောဆိုသောအခါ၊ ယေရှုသည် သူတို့အလယ်၌ ရပ် တော်မူလျက် သင်တို့အား ငြိမ်သက်ခြင်းဖြစ်စေသတည်းဟုမိန့်တော်မူ ၏။ တပည့်တော်တို့သည် တစေ္ဆကိုမြင်သည်ဟု စိတ်ထင်နှင့် ထိတ်လန့် ကြောက်ရွံ့ခြင်းသို့ ရောက်ကြ၏။ ကိုယ်တော်ကလည်း၊ အဘယ့်ကြောင့် တုန်လှုပ်ခြင်းရှိကြသနည်း။ အဘယ့်ကြောင့် အထူးထူး အထွေထွေသော စိတ်ရှိကြသနည်း။ ငါ့လက်ကိုကြည့်ကြလော့။ ငါ့ခြေကိုလည်း ကြည့်ကြ လော့။ ငါ့ကိုယ်ပင်ဖြစ်၏။ ငါ့ကိုကြည့်ရှုစမ်းသပ်ကြလော့။ ငါသည် သင်တို့ မြင်သည်အတိုင်း အရိုးအသားနှင့်ပြည့်စုံ၏။ တစေ္ဆမည်သည်ကား၊ ဤကဲ့ သို့မပြည့်စုံဟုမိန့်တော်မူလျက်၊ လက်တော်ခြေတော်တို့ကို တပည့်တော် တို့အား ပြတော်မူ၏။ ထိုသူတို့သည် အံ့ဩ၍ ဝမ်းမြောက်သောအားဖြင့် မယုံနိူင်ဘဲနေသေးသောအခါ၊ သင်တို့၌ စားစရာတစုံတခုရှိသလောဟု မေးတော်မူလျှင်၊ ငါးကင်တပိုင်းနှင့်ပျားလပို့ကို ကပ်ပေးကြ၏။ ကိုယ်တော် သည်ယူ၍ သူတို့ရှေ့မှာ စားတော်မူ၏။ တဖန် မိန့်တော်မူသည်ကား၊ မော ရှေ၏ပညတ္တကျမ်းစာ၌၄င်း၊ ပရောဖက်တို့၏ကျမ်းစာ၌၄င်း၊ ဆာလံကျမ်းစာ ၌၄င်း၊ ငါ့ကိုရည်မှတ်၍ ရေးထားသမျှသော အချက်တို့သည် ပြည့်စုံရမည် ဟုငါသည်သင်တို့နှင့်အတူရှိစဉ်အခါ သင်တို့အား ဟောပြောသောအ ကြောင်းအရာတို့ကား ဤအကြောင်းအရာပေတည်းဟု မိန့်တော်မူ၏။ ထို အခါ ကျမ်းစာကို နားလည်စေခြင်းငှါ တပည့်တော်တို့၏ဉာဏ်ကို ဖွင့်တော် မူလျှင်၊ ဤသို့ကျမ်းစာလာ၏။" (လုကာ ၂၄း ၃၆-၄၅ )

ထို့အပြင် ယောဟန်က ဆက်လက်၍ ဆိုထားသည်။

"ခုနှစ်ရက်တွင် ပဌမနေ့ရက်ဖြစ်သော ထိုနေ့၌ ညအချိန်ရောက်သောအခါ၊ ယုဒလူတို့ကိုကြောက်၍ တံခါးများကို ပိတ်ထားလျက်၊ တပည့်တော်တို့ သည် စည်းဝေးကြသောအရပ်သို့ ယေရှုသည် ကြွလာ၍ အလယ်မှာ ရပ် တော်မူလျက်၊ သင်တို့၌ ငြိမ်သက်ခြင်းရှိစေသတည်း ဟုမိန့်တော်မူ၏။ ထိုသို့မိန့်တော်မူပြီးမှ လက်တော်နှင့်နံဘေးတော်ကိုပြတော်မူ၏။ ပညတ် တော်တို့သည် သခင်ကိုမြင်လျှင် ဝမ်းမြောက်ခြင်းရှိကြ၏။ တဖန်ယေရှုက၊ သင်တို့၌ ငြိမ်သက်ခြင်းရှိစေသတည်း။ ခမည်းတော်သည် ငါ့ကို စေလွှတ် တော်မူသည်နည်းတူ၊ သင်တို့ကို ငါစေလွှတ်သည်ဟု မိန့်တော်မူပြီးလျှင်၊ ထိုသူတို့အပေါ်၌မှုတ်လျက်၊ သင်တို့သည် သန့်ရှင်းသောဝိညာဉ်တော်ကို ခံကြလော့။" ( ယောဟန် ၂၀း ၁၉-၂၂ )

ရှင်ပြန်ထမြောက်သောခရစ်တော်သည် ပေတရုနှင့်အခြားတပည့်တော်များထံ ထင်ရှား ပြီး သံမှိုနှင့်ရိုက်ထားသောလက်နှင့် လှံတံချက်တော်ရှိရာနံဘေးကိုပြတော်မူသည်မှာ အက်စ တာညနေပိုင်းပင်ဖြစ်ပါသည်။ ထို့နောက် သူ၏လက်ဝါးကပ်တိုင်တွင် အသေခံတော်မူခြင်းနှင့် သက်ဆိုင်သည့် သမ္မာဟောင်းပရောက်ဖက်ပြုချက်များကိုနားလည်စေရန် ဉာဏ်တော်ကို ဖွင့် ပေးတော်မူခဲ့သည်။ ထို့နောက် သူတို့အား သန့်ရှင်းသောဝိညာဉ်တော်ကိုမှုတ်သွင်းသဖြင့် ခံကြ ၏။ ထိုခဏချင်းတွင် ပေတရုသည် အသစ်ပြုပြင်ခြင်း( ဒုတိယမွေးခြင်း) ခံရပြီး ပြောင်းလဲလာ သည်။ ထိုသို့အားကြီးသောအရာမှာ ဘုရားသခင်၏ဝိညာဉ်တော်လုပ်ဆောင်ချက်ပင်ဖြစ်သည်။ လက်နှစ်ဘက်ရှိသံမှိုရိုက်ဒဏ်ချက်များ၊ နံဘေးရှိဒဏ်ရာ၊ တို့ကိုမြင်တွေ့ရခြင်းဖိအားကြောင့် ပေတရုသည် သံသယမရှိနိူင်တော့ပေ။ နှစ်ပေါင်းများစွာကြာလာသောအရာ ရှင်ပေတရုက စိတ်ချမှုများစွာဖြင့် "ငါတို့အပြစ်များကို ကိုယ်တော်တိုင်သစ်တိုင်မှာ ခံတော်မူပြီ၊ ဒဏ်ချက် တော်များအားဖြင့် သင်တို့သည် အနာပျောက်လျက်ရှိကြ၏" ဟုဆိုခဲ့သည်။ ( ၁ပေ ၂း ၂၄ ) ပေတရုသည် အမှန်တကယ်ပြောင်းလဲသောသူဖြစ်ကြောင်းကို ထိုအရာက ထင်ရှားစေပါသည်။ ပေတရုသည် အက်စတာညနေပိုင်းတွင်ပြောင်းလဲလာပြီးနောက် ယေရှုကို နောက်တဖန်လုံး၀ မငြင်းပယ်တော့ပါ။ အသက်ဆုံးတိုင်အောင် ခရစ်တော်၏ဧ၀ံဂေလိတရားကို ဟောပြောခဲ့ သည်။ သူသည် ကြီးမားသည့် ဒုက္ခဝေဒနာကိုဖြတ်သန်းရင်း လက်ဝါးကပ်တိုင်တွင် စောက်ထိုး ပြောင်းပြန်အသတ်ခံလျက် ခရစ်တော်၏အကြောင်းကို သစ္စာရှိစွာကြွေးကြော်ရင်း ဘ၀ကို အဆုံးသတ်ခဲ့သည်။

နောက်ထပ်တစ်ခုရှိသေးသည်။ ယေရှုက ပေတရုအား "သင်သည် သတိရပြန်သော အခါ သင်၏ညီအစ်ကိုတို့ကို တည် ကြည်စေလော့ …" (လုကာ ၂၂း ၃၁-၃၂ ) ဟု မိန့်တော်မူ ခဲ့သည်။ သင်သည် အမှန်တကယ်ပြောင်းလဲလာသောအချိန်တွင် ၄င်းကို သင်ပြောသောအရာ သို့မဟုတ် သင်ခံစားသောအရာဖြင့် များစွာ သက်သေထူခြင်းမရှိပါ။ ပြောင်းလဲခြင်း၏စစ်မှန် သောသက်သေပြချက်မှာ သင်သည် အခြားသူများကို တည်စေသလော၊ အခြားသူများကို ကူညီနိူင်သလော၊ တို့ပင်ဖြစ်သည်။ ရှင်ယောဟန်ခရစ်ဝင်ကျမ်း၏အဆုံးပိုင်းတွင် ရှင်ပြန်ထ မြောက်သောခရစ်တော်က ပေတရုအား "ငါ့ကိုချစ်သလော" ဟုမေးသည်။ ပေတရုကလည်း "အကျွနု်ပ်ချစ်သည်ကို ကိုယ်တော်သည်ပါသည်၊ ယေရှုက ငါ့သိုးတို့ကို ကျွေးမွေးလောဟုဆို သည်။ "( ယောဟန် ၂၁း ၁၇ ) ထိုအချက်မှစ၍ ပေတရုသည် မည်သည့်အချိန်မျှ လေလွင့်ခြင်း မရှိတော့ပေ။ သူသည် ဧ၀ံဂေလိတရားကိုဟောလျက် ကျန်ရှိနေသောအသက်တာတွင် အခြား သူများအား ခရစ်တော်ထံပါးသို့ပို့ဆောင်ပေးသည်။ သင်သည် အမှန်တကယ်ပြောင်းလဲလျှင် အခြားသူများကို တည်ကြည်စေလိမ့်မည်။ ပျောက်ဆုံးသောသူများအတွက် စစ်မှန်သောအကူ အညီနှင့်ကောင်ကြီးမင်္ဂလာလည်းဖြစ်ပေမည်။ ထိုသို့သောအသီးသည် သင့်အသက်တာတွင် အမှန်တကယ်လိုအပ်နေသေးလျှင် သင်သည် စစ်မှန်သောပြောင်းလဲသူမဖြစ်နိူင်သေးပေ။ စကားမျှသာဖြစ်ပေမည်။ "ယေရှုခရစ်ကိုယ်တိုင်" ကို တွေ့ရှိခြင်းမရှိသေးပေ။ ( ဧဖက် ၂း ၂၀ ) အသွေးတော်အားဖြင့် သင့်အပြစ်ရှိသမျှကိုဆေးကြောရန် ဘုရားသခင်သည် သင့်အား ခရစ် တော်ထံသို့ဆောင်ယူမည်အကြောင်း ဆုတောင်းပေးပါ၏။ သို့မှသာ ပေတရုသည် အက်စတာ တနင်္ဂနွေ ညနေပိုင်းတွင် ပြောင်းလဲလာသကဲ့သို့ သင်သည် အမှန်တကယ်ပြောင်းလဲလာပေ မည်။ အာမင်…..။ Dr. Chan ကျေးဇူးပြုပြီး ဆုတောင်းဦးဆောင်ပါအုံး။

(တရားဒေသနာနိဂုံး)
သင်သည Dr. Hymers ၏တရားဒေသနာကို အင်တာနက်ပေါ်ရှိ
ကိုနှိပ်ပြီး www.realconversion.com သို့မဟုတ www.rlhsermons.com တွင်
အပတ်စဉ်တိုင်း ဖတ်ရှုနိူင်ပါသည်။

Dr. Hymers ကkd rlhymersjr@sbcglobal.net ဖြင့်လည်း အီးမေးလ်ပေးပို့ နိူင်ပါသည်။
သို့မဟုတf P.O. Box 15308, Los Angeles, CA 90015 ဖြင့်လည်း
စာရေးသားပေးပို့နိူင်ပါသည်။ သို့မဟုတf (818)352-0452 ဖြင့်ဖုန်းဆက်နိူင်သည်။

ဤတရားဒေသနာစာမူများကို မူပိုင်ခွင့်မထားပါ။ Dr. Hymers ၏ခွင့်ပြုချက်
မရဘဲအသုံးပြုနိုင်သည်။ သို့ရာတွငf Dr. Hymers ၏ဗွီဒီယိုတရားခွေအားလုံးမှာမူ
မူပိုင်ခွင့်ပြုလုပ်ထားသည်ဖြစ်၍ ခွင့်ပြုချက်ရမှသာအသုံးပြုနိူင်သည်။

တရားေဒသနာမတုိင္မွီ Mr. Benjamin Kincaid Griffith ဂုဏ္ေတာ္ခ်ီးမြမ္းသည္။ “လက္၀ါးကပ္တုိင္၏ဆြဲေဆာင္မွု”၊
Samuel Stennett, ၁၇၂၇-၁၇၉၅ ေရးစပ္သည္။ )


အခြေပြုကျမ်း

ပေတရု၏ပြောင်းလဲခြင်းအကျဉ်းချုပ်

THE CONVERSION OF PETER

Dr. R. L. Hymers, Jr.

"တဖန် သခင်ဘုရားက၊ ရှိမုန်၊ ရှိမုန်၊ ဂျုံဆန်ကို ဆန်ခါနှင့်ချသကဲ့သို့ စာတန်သည် သင့်ကို ချရမည်အကြောင်း အခွင့်တောင်းသည်ဖြစ်၍၊ သင်၏ ယုံကြည်သောစိတ် မပျက်စေခြင်းငှါ ငါသည် သင့်အဖို့ဆု တောင်းလေပြီ။ သင်သည် သတိရပြန်သောအခါ သင်၏ညီအစ်ကိုတို့ကို တည်ကြည်စေ လော့ဟု မိန့် တော်မူလျှင်၊" (လုကာ ၂၂း ၃၁-၃၂ )

(မဿဲ ၉း ၃၁-၃၂၊ ၁၀၊ မဿဲ ၁၇း ၂၃၊ လုကာ ၂၂း ၃၊ မဿဲ ၁၆း ၁၆ )

၁။ ပထမအချက် ၊ ပေတရု၏ပြောင်းလဲခြင်းကို ရည်ညွှန်းသည်၊ အကြောင်းမှာ King James ကျမ်းစာနှင့် ၁၅၉၉ Geneva ကျမ်းစာက ဂရိစကားလုံးကို "ပြောင်းလဲသည်" ဟူသော အဓိပၸါယ်ဖြင့် မှန်ကန်စွာ ဘာသာပြန်ဆိုထားသည်။ တမန်တော် ၁၅း ၃။

၂။ ဒုတိယအချက် ၊ ယေရှု၏နောက်တော်သို့လိုက်ခြင်း၊ ဗတ္တဇံ သို့မဟုတ် ဘုရားသ ခင်၏ အလင်းပေးခြင်းက အဘယ်သူကိုမျှမပြောင်းလဲစေကြောင်း ဤကျမ်းပိုဒ်က ပြသသည်။ မာကု ၁း ၁၆-၁၈၊ လုကာ ၆း ၁၆၊ ယောဟန် ၆း ၇၀၊ လုကာ ၁၈း ၃၁-၃၄၊ ဧဖက် ၂း ၈-၉၊ တိတု ၃း ၅-၆၊ မဿဲ ၁၆း ၁၆၊ လုကာ ၄း ၄၁။

၃။ တတိယအချက် ၊ ဤကျမ်းပိုဒ်ကို ခရစ်ဝင်ကျမ်းလေးခုနှင့်ဆိုင်သောဇာတ်လမ်း၏ အကြောင်းအရာတွင် မြင်တွေ့သင့်ပါသည်။ မဿဲ ၁၆း ၂၁၊ ၁၇း ၁၂၊ ၂၂-၂၃၊ ၂၀း ၁၈-၁၉၊ ၂၈၊ လုကာ ၂၄း ၃၆-၄၅၊ ယောဟန် ၂၀း ၁၉-၂၂၊ ၁ပေ ၂း ၂၄၊ ယောဟန် ၂၁း ၁၇၊ ဧဖက် ၂း ၂၀။