مسیح میں ایمان لانے کی تبدیلی کا تجربہ
اور خداوند کی حقیقت

سپرجیئن نے کہا،

بہت سے لوگوں کا خیال ہے کہ ایک غیرواضح، خیالی طاقت ہے جسے وہ خدا کہتے ہیں۔ لیکن وہ اسے کبھی بھی ایک ہستی کے طور پر نہیں سوچتے، نہ ہی انہیں یہ شک ہے کہ وہ ان کے بارے میں سوچتا ہے، یا اس کا وجود ان کے لیے کسی نہ کسی طریقے سے نتیجہ خیز ہے (سی ایچ سپرجیئن، "خدا کو خوش کرنے کے لیے ضروری ایمان Faith Essential to Pleasing God،‘‘ میٹروپولیٹن کی عبادت گاہ کی واعظ گاہ The Metropolitan Tabernacle Pulpit، پلگِرم پبلی کیشنز، دوبارہ اشاعت 1975، جلد XXXV، صفحہ 451)۔

بہت سے لوگ خدا پر یقین کیے بغیر گرجہ گھر آتے ہیں۔ پھر بھی وہ کسی نہ کسی طریقے سے، مسیح میں ایمان لا کر تبدیل ہونے کی کوشش کرتے ہیں۔ لیکن وہ گمراہ یا کھوئے ہوئے رہتے ہیں۔ وہ ایک کے بعد دوسرا واعظ سنتے ہیں، لیکن وہ نجات نہیں پاتے۔ ایسا لگتا ہے کہ وہ کبھی بھی نجات کے ظاہری تکنیکی پہلوؤں سے آگے نہیں بڑھ سکتے۔ کہ وہ سیکھنے کی کوشش کرتے رہیں کہ کیا کرنا ہے۔ کہ وہ سوچتے رہتے ہیں کہ وہ کچھ ’’راز‘‘ سیکھ سکتے ہیں جو خود بخود انہیں تبدیل کر دے گا۔ ان کو بائبل میں اس طرح بیان کیا گیا ہے،

’’ہمیشہ سیکھنے کی کوشش کرتے ہیں لیکن کبھی اِس قابل نہیں ہوتے کہ حقیقت کو پہچان سکیں‘‘ (II تیمتھیس 3: 7)۔

کیا یہ آپ کی حالت ہے؟ کیا آپ نے خدا کے بارے میں باتیں سیکھ کر مسیحی بننے کی کوشش کی ہے؟ اگر آپ نے کی ہے، تو مجھے آپ کو بتانا ضروری ہے کہ یہ غلط راستہ ہے، اور اس سے کوئی فرق نہیں پڑتا ہے کہ آپ اس راستے پر کتنی ہی دور چلے جائیں، آپ کبھی تبدیل نہیں ہوں گے کیونکہ،

’’ایمان کے بغیر خدا کو پسند آنا ممکن نہیں: پس واجب ہے کہ خدا کے پاس جانے والا ایمان لائے کہ خدا موجود ہے …‘‘ (عبرانیوں 11: 6)۔

اب، آپ سے بات کرتے ہوئے، اس تلاوت میں دو اسباق ہیں جو آپ کی مدد کر سکتے ہیں۔

I۔ پہلی بات، مسیح میں ایمان لانے کی تبدیلی کا آغاز خدا میں اعتقاد ہوتا ہے۔

یہ شاید انتہائی سادہ سی بات لگے، لیکن یہی قطعی خالص سچائی ہے۔

’’واجب ہے کہ خدا کے پاس جانے والا ایمان لائے کہ خدا موجود ہے‘‘ (عبرانیوں 11: 6)۔

یا، جیسا کہ ڈاکٹر گِل نے اِس کا ترجمہ کیا، ’’کہ وہ وجود رکھتا ہے‘‘ (جان گِل ڈی ڈی John Gill, D.D.، نئے عہد نامے کی ایک تفسیر An Exposition of the New Testament، دی بپٹسٹ سٹینڈرڈ بیئرر The Baptist Standard Bearer، دوبارہ اشاعت 1989، جلد سوئم، صفحہ 458)۔

ایک ایمان ہے یہاں جو نجات سے پہلے آتا ہے۔ یہ وہ ایمان ہے جو خدا پر یقین رکھتا ہے، جس میں خدا ایک بالکل حقیقی ہستی بن جاتا ہے، نہ کہ محض ایک تجریدی خیال۔ لہذا، مسیح میں ایمان لانے کی انتہائی تبدیلی کی ابتدا تب ہوتی ہے جب خُدا خود ایک انسانی دل کو یہ محسوس کرنے کے لیے کھولتا ہے کہ وہ واقعی موجود ہے۔ جب تک کہ آپ کے ساتھ ایسا نہیں ہوتا ہے انتہائی کم ہم یہ کہہ سکتے ہیں کہ آپ کی مدد کی جا سکتی ہے۔

آپ میں سے کچھ ایسا ردعمل ظاہر کرتے ہیں جیسے آپ نے پہلے کبھی نہیں سنا ہوگا، اور پھر بھی آپ نے اسے کئی بار سنا ہوگا۔ کیا آپ نے ہمارے مناد، ڈاکٹر کیگن کی کتاب نہیں پڑھی؟ کیا آپ نے اُنہیں کہتے نہیں سنا،

1974 کے موسم خزاں میں میرا خدا کے ساتھ انتہائی براہ راست اور اچانک تجربہ ہوا… اگلے دن مجھے خدا کے ساتھ ایک اور تجربہ ہوا جس نے میری سوچ کو ہمیشہ کے لیے بدل دیا۔ میں اچانک جان گیا، اندر باطن کی گہرائی میں، کہ خدا حقیقی تھا۔ اب میرے پاس ریاضی اور پیسوں سے زیادہ اہم باتوں کے بارے میں سوچنا رہ گیا تھا! (سی. ایل. کیگن، پی ایچ ڈیC. L. Cagan, Ph.D.، ڈارون سے ڈیزائین تکFrom Darwin to Design، وائٹیکر ہاؤسWhitaker House، 2006، صفحہ 17)۔

ڈاکٹر کیگن ایک ملحد تھے۔ آپ سوچ سکتے ہیں کہ آپ اس سے بہتر ہیں، لیکن آپ واقعی میں اُس ہی حالت میں ہیں۔ خدا آپ کے لیے اس سے زیادہ حقیقی نہیں ہے جتنا وہ ڈاکٹر کیگن کے لیے تھا۔ اور میں کہتا ہوں کہ یہ بالکل وہی ہے جس کی آپ کو ضرورت ہے۔ اگر خُدا آپ کے دل کو نہیں کھولتا اور خود کو آپ کے سامنے ایک حقیقی ہستی کے طور پر نہیں دکھاتا، تو آپ مسیحی بننے کا طریقہ ’’سیکھنے‘‘ کی کوشش کرتے رہیں گے۔ آپ کو اس جگہ ضرور آنا چاہیے جہاں آپ ڈاکٹر کیگن کے ساتھ کہہ سکتے ہیں، ’’مجھے اچانک، باطن کی گہرائی تک معلوم ہوا کہ خدا حقیقی ہے۔‘‘ جب تک آپ ایمانداری سے یہ نہیں کہہ سکتے تو آپ مسیحی نہیں بنیں گے۔

’’… کیونکہ یہ واجب ہے کہ خدا کے پاس جانے والا ایمان لائے کہ خدا موجود ہے…‘‘ (عبرانیوں 11: 6)۔

ایمان کی اُس پہلی کِرن کے بغیر، کوئی مذہبی مشق، یا بائبل کا علم بھی، آپ کو مسیح میں ایمان لا کر تبدیل ہونے میں مدد نہیں کر سکتا۔

کیا آپ نے مجھے مسیحی تاریخ میں مسیح پر ایمان لانے والی مشہور تبدیلیوں کے بارے میں بتاتے ہوئے نہیں سنا؟ یہ ان سب کا سچ تھا! یہ پولوس، آگسٹین، لوتھر، بنیعن، وائٹ فیلڈ، ویزلی، سپرجیئن کے بارے میں سچ تھا – اور جیسا کہ میں نے کہا، ہمارے اپنے ڈاکٹر کیگن کے بارے میں بھی یہ سچ تھا۔ ان میں سے ہر ایک کا ایک جیسا تجربہ تھا۔ ان کے مسیح میں ایمان لانے کی تبدیلیوں سے پہلے – نوٹ کریں کہ میں نے ’’پہلے‘‘ کہا تھا – ان کی تبدیلیوں سے پہلے، ان لوگوں میں سے ہر ایک کہہ سکتا تھا، ’’میں اچانک، باطن کی گہرائی میں جان گیا، کہ خدا حقیقی ہے‘‘ (Cagan، ibid.) لیکن آپ کے ساتھ ایسا نہیں ہوا ہے، اس لیے ہم واقعی مزید آگے نہیں بڑھ سکتے۔ آپ جہاں ہیں وہیں ’’پھنسے ہوئے‘‘ ہیں، اور ہم جو کچھ بھی کہتے یا کرتے ہیں وہ آپ کے لیے کچھ اچھا نہیں کر سکتا جب تک کہ یہ آپ پر طلوع نہ ہو،

’’… کیونکہ یہ واجب ہے کہ خدا کے پاس جانے والا ایمان لائے کہ خدا موجود ہے…‘‘ (عبرانیوں 11: 6)۔

غور کریں کہ آپ کو کیا کرنا ہے میں نے اس بارے میں کوئی ہدایات نہیں دی ہیں۔ میں آپ کو کچھ نہیں دے سکتا! یہ آپ کے کرنے کی کوئی بات نہیں ہے۔ یہ خدا کا کام ہے۔ یہ خدا ہی ہے جو ’’ان کے دل پر پڑا ہوا پردہ‘‘ ہٹا دے گا (2 کرنتھیوں 3: 15)۔

’’اِس لیے کہ وہ خدا جس نے فرمایا کہ تاریکی میں سے نور چمکے، وہی ہمارے دِلوں میں چمکا تاکہ ہم پہچان سکیں کہ جو نور یسوع مسیح کے چہرہ سے جلوہ گر ہے وہ خدا کے جلال کا نور ہے‘‘ (II کرنتھیوں 4: 6)۔

’’یہ تمہاری کوششوں کا نتیجہ نہیں ہے بلکہ خدا کی بخشش ہے اور نہ ہی یہ تمارے اعمال کا پھل ہے کہ کوئی فخر کر سکے‘‘ (افسیوں 2: 8۔9)۔

اگر خدا اسے جاننے کے لیے آپ کی آنکھیں نہیں کھولتا، تو آپ ہمیشہ کے لیے اندھے اور گمراہ رہ جائیں گے۔

’’… کیونکہ یہ واجب ہے کہ خدا کے پاس جانے والا ایمان لائے کہ خدا موجود ہے…‘‘ (عبرانیوں 11: 6)۔

II۔ دوسری بات، اُس کے بعد شاید اصلی مسیح میں ایمان لانے کی تبدیلی ہو سکتی ہے۔

مہربانی سے کھڑے ہو جائیں اور ساری کی ساری تلاوت کو با آوازِ بُلند پڑھیں۔

’’کیونکہ ایمان کے بغیر خدا کو پسند آنا ممکن نہیں: پس واجب ہے کہ خدا کے پاس جانے والا ایمان لائے کہ خدا موجود ہے اور وہ اپنے طالبوں کو اجر دیتا ہے‘‘ (عبرانیوں 11: 6)۔

آپ تشریف رکھ سکتے ہیں۔ ڈاکٹر کیگن نے اس رات خدا پر یقین کیا، لیکن وہ ابھی تک مسیحی نہیں ہوئے تھے۔ پردہ جزوی طور پر اُن کے دل سے پھاڑ ڈالا گیا تھا، لیکن اُنہوں نے پھر بھی یسوع میں قائم رہنے سے انکار کر دیا۔ اُنہوں نے کہا

میں اچانک جان گیا، باطن کی گہرائیوں سے، کہ خدا حقیقی ہے… لیکن میں مسیحی نہیں ہوا تھا۔ خدا کے ساتھ میرا تجربہ میرے لیے بہت حقیقی تھا، لیکن میں یسوع مسیح پر یقین کرنے کے لیے تیار نہیں تھا۔ میں اس کے آگے سر تسلیم خم کرنے کو تیار نہیں تھا۔ میں مزید دو سال تک مسیح کے بارے میں خیالات کے ساتھ اندرونی طور پر کشتی لڑتا رہا… میں نے کئی مہینوں تک بے خوابی کی راتوں میں کشتی لڑی جب خدا میرے لیے حقیقی ہو گیا۔ میں اپنی زندگی کے اس دور کو صرف ذہنی اذیت کے دو سال کے طور پر بیان کر سکتا ہوں… میں [واقعی] یسوع کو نہیں چاہتا تھا۔ میرے منصوبے اُس کے ساتھ مطابقت نہیں رکھتے تھے… میں نے باطنی طور پر خُدا کے خلاف جنگ کی (کیگن، ibid.، صفحہ، 17، 41، 42)۔

ڈاکٹر کیگن خدا کے خلاف لڑ رہے تھے، اور مسیح کو مسترد کر رہے تھے،

’’اِس لیے کہ جسمانی نیت خدا کی مخالفت کرتی ہے‘‘ (رومیوں 8: 7)۔

اُنہیں ٹوٹنا ہی پڑا۔ اُنہیں اپنی کھوئی ہوئی اور ناامید حالت کو دیکھنا ہی تھا۔ اُنہیں اپنے آپ کو کھویا ہوا، غصے والے خُدا کے ہاتھوں ایک گنہگار دیکھنا ہی پڑا۔ تبھی – خُدا کی شریعت کے وسیلے سے توڑے جانے کے دو سال بعد – تبھی وہ آخرکار یسوع میں آرام کر پائے۔ پھر وہ ہورٹیئس بونارHoratius Bonar کے ساتھ کہہ سکتے تھے،

کچھ بھی نہیں اِن ہاتھوں نے جو کچھ بھی کیا
     اِس مجرم انسان کو بچا سکتا ہے؛
کچھ بھی نہیں اِس مشقت زدہ جسم نے جو برداشت کیا
     میری روح کی تکمیل کر سکتا ہے۔

کچھ بھی نہیں جو میں کرتا ہوں یا محسوس کرتا ہوں
     مجھے خُدا کے ساتھ امن پہنچا سکتا ہے؛
نا ہی تو میری تمام دعائیں اور آہیں اور آنسو
     میرے ناخوشگوار بوجھ کو برداشت کر سکتے ہیں۔

صرف تیرا فضل اے خدا!
     میرے ساتھ معافی کی بات کر سکتا ہے;
اے خدا کے بیٹے، صرف تیری قدرت
     اِس زخمی بندھن کو توڑ سکتا ہے؟

تنہا تیرا ہی کام ہے، او مسیح،
     جو گناہ کا یہ بوجھ ہلکا کر سکتا ہے؛
واحد تیرا ہی خون، اے خُدا کے برّے،
     مجھ میں اندرونی سکون برپا کر سکتا ہے۔
(’’کچھ بھی نہیں اِن ہاتھوں نے جو کچھ بھی کیا Not What These Hands Have Done‘‘ شاعر ھوریٹیئس بونار Horatius Bonar، 1808۔1889)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔