Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 40 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




شاگردی دے لئی بُلاہٹ

THE CALL TO DISCIPLESHIP
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتّا گیا اِک واعظ
خُداوند دے دِن دی شام ، یکم جولائی، 2018
A sermon preached at the Baptist Tabernacle of Los Angeles
Lord's Day Evening, July 1, 2018

’’تے یسوع نے اُوہناں نوں کہیا، جے کوئی میری پیروی کرنا چاہندا اے تے اُو خود دی انکاری کرے تے روزانہ اپنی صلیب چُکے تے میرے پیچھے ہو لے۔ کیوں جے جیہڑا اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا میرے لئی اپنی جان نوں کھوئے گا اُو اُوہنوں محفوظ رکھے گا‘‘ (لوقا9:23۔24)۔


مسیح نے ایہہ گل کینوں کہی سی؟ ایتھے ایہہ گل اُوہنے سارے دے ساریاں 12 شاگرداں نوں کہی سی۔ لیکن مرقس8:34 کے مماثل حوالے وِچ ساریاں لوکاں نوں کہی،

’’فیر اُوہنے ساریاں لوکاں نوں تے اپنے شاگرداں نو کول سدیا تے اُوہناں نوں کہیا، جے کوئی میری پیروی کرنا چاہندا اے تے اُو خود انکاری کرے، اپنی صلیب چُکے تے میرے پیچھے ٹُریا آئے‘‘ (مرقس 8:34).

لہٰذا ایہہ گل واضح اے کہ یسوع نے ایہہ گل اپنے بے شمار ہون آلے پیروکاراں نوں کہی سی¬ – جیدے وِچ اُو بارہ شاگرد وی شامل سن۔ یسوع دا شاگرد ہون لئی تُسی ساریاں نوں خود انکاری کرنی چائی دی اے، اپنی صلیب چکنی چائی دی اے تے اُوہدے پیچھے ہو لینا چائیدا اے۔ جے تُسی اے نئیں کردے، تے تُسی حقیقی مسیحی نئیں ہو سکدے – صرف اِک کمزور نووے ایونجیلیکل، صرف ناں دے اِک مسیحی! یسوع کہندا اے، ’’کی تُسی میرے پیروکار ہونا چاہندے اُو؟ فیر تہانوں خود انکاری کرنی چائی دی اے، تے اپنی صلیب چکنی چائی دے اے تے میرے پیچھے آنا چائیدا اے۔‘‘

کی ہووے جے تُسی اُو کرن توں انکار کر دیندے ہو؟ اُو حوالہ اینوں واضح کردا اے۔ آیت 24 نوں پڑھو،

کیوں جے جیہڑا اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا میرے لئی اپنی جان نوں کھوئے گا اُو اُوہنوں محفوظ رکھے گا‘‘ (لوقا9:24)۔

دو قسم دے لوکی ہوندے نے جیہڑے ساڈے گرجا گھر وِچ آندے نے۔ میں اُوہناں نوں ’’قبول کرن آلے یا لین آلے لوکی takers‘‘ تے ’’دین آلے لوکی givers‘‘ کہناں واں۔ ’’لین آلے لوکی‘‘ اُو لوکی ہوندے نے جیہڑے ساڈے گرجا گھر توں کُج نہ کُج ’’لین‘‘ لئی آندے نے۔ ’’دین آلے لوکی‘‘ اُو لوکی ہوندے نے جیہڑے خود نوں یسوع دی شاگردی وِچ دے دیندے نے۔ تُسی خود غرض لوکاں نال سینکڑاں کُرسیاں نو بھر سکدے اُو۔ ایس نال کی ہووے گا؟ ایہہ گل اِیس طرح دے اِک سو لوکاں نوں پان لئی ایس گرجا گھر نوں قتل کر دے گی! اُو تے ایتھوں تیکر کہ اِتوار دی شام دی عبادت وِچ وی نئیں آندے! اُو ’’لین آلے لوکی‘‘ ایونجیلیکل لوکی ہوندے نے۔ تے جیہڑے لوکی صرف لیندے نے تے لیندے ای رہندے نے اُو گرجا گھر وِچ ڈاکا ماردے نے – اُو کدی وی گرجا گھر دی مدد نئیں کردے۔ اُو کدی وی مسیح دے شاگرد نئیں بندے! اُو اِک گرجا گھر نوں تباہ کر دیندے نے! تُسی اُوس قسم دے خودغرض لوکاں نوں گرجا گھر دے وِچ لہیان دی ہمت وی نہ کرنا! ’’زیادہ دے مقابلے وِچ گھٹ بہتر ہوندا اے۔‘‘

کیوں جے جیہڑا اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا میرے لئی اپنی جان نوں کھوئے گا اُو اُوہنوں محفوظ رکھے گا‘‘ (لوقا9:24)۔

کوئی کہندا اے، ’’ایتھے چھڈ دین لئی بہت کُج ہوندا اے – کھون لئی بہت کُج ہوندا اے۔‘‘ لہٰذا، اُو سب کُج کھو دیندا اے تے ایویں، اُو جہنم وِچ جاندا اے! یسوع تے پروہسا کرن لئی، تُسی کسی وی دوجی شے تے پروہسا نئیں کر سکدے۔ جے تُسی یسوع دے بجائے کیسی ہُور شے تے پروہسا کردے اُو تے تُسی سب کُج کھو دیندے اُو!

کیوں جے جیہڑا اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا میرے لئی اپنی جان نوں کھوئے گا اُو اُوہنوں محفوظ رکھے گا‘‘ (لوقا9:24)۔

جدوں میں سترہ وریاں دی عمر دا سی تے میں ’’خود نوں منادی کرن لئی حوالے کر دِتا سی۔‘‘ مینوں اُو پرانے طرز دی اصطلاح ’’منادی دے لئی خود نوں حوالے چھڈنا‘‘ چنگی لگدی اے۔ مینوں ہُن ایہہ مذید ہُور سُنائی نئیں دیندی اے۔ لیکن ایہہ ہُن وی اینی ای سچی اے جنّی کدی ہوندی سی۔ اِک حقیقی مبلغ نوں منادی کرن لئی ’’خود نوں حوالے کر دینا چائی دا اے یعنی کہ ہتھیار ڈال دینے چائی دے نے۔‘‘ اُو جانندا اے کہ ایہہ گل سَوکھی نئیں ہوندی۔ اُو جانندا اے اُو زیادہ پیسے نئیں کمائے گا۔ اُو جانندا اے اُوہنوں دُنیا دیاں تعریفاں نئیں ملنیاں۔ اُو جانندا اے کہ اُوہنوں مصیبتاں تے سختیاں نوں تھوڑا بوتا سہنا پئے گا۔ بہترین مبلغین اِیناں گلاں نوں جانندے نے۔ اُو ایہہ وی جانندا اے کہ اُوہنوں وریاں دی تعلیم توں گزرنا پئے گا – اِک ایہو جئی نوکری پان لئی جیس وِچ کمائی زیادہ نئیں ہوندی – اِک نوکری جِنہوں گمراہ دُنیا فضول سمجھدی اے – اِک نوکری جیہڑی اُوہدے لئی مخول دی وجہ بن جائے گی تے جیدے خلاف دُنیا وِچ بے شمار لوکی لڑدے نے۔

میں اُوہناں وِچوں بے شمار گلاں دے بارے چہ میرے 17 وریاں دی عمر دا ہو جان دے بعد ای جان گیا سی۔ مینوں اپنی رات دی کالج دی ڈگری پان چہ اَٹھ ورے لگے (روزانہ دِن چہ اِٹھ گھنٹے کم کرنا تے رات چہ کالج جانا)۔ ہفتے دے ست دِن، رات نوں کالج کرن لئی اپنے اخراجات نوں پورا کرن دی خاطر، میں دِن چہ 16 گھنٹے کم کردا سی، اِک ماسٹرز دی ڈگری حاصل کرن چہ مینوں تِن ہُور سال لگے، اِک ایہو جئی سیمنری چہ جیس توں مینوں نفرت سی۔ ایہو جہیا گرجا گھر پان لئی مینوں چالی ورے مذید ہُور لگے۔ کی میں ایہہ سارا کُج دوبارہ کر پاواں گا؟ اوہ، جی ہاں! ایس دے بارے چہ کوئی سوال ہی نئیں اُٹھدا!

میں ایویں کیوں کردا رہیا سی؟ میں مُنادی کرن لئی ہتھیار سُٹ دیتے سن۔ ایہہ اینی ای سادہ جئی گل اے۔ کی میں ایہہ دوبارہ کر پاواں گا جے میں 17 وریاں دا ہو جاواں؟ اوہ، جی ہاں! قطعی طور تے! ایس دے بارے چہ کوئی سوال ہی نئیں اُٹھدا! مینوں پتا چل چُکیا اے کہ ایس وِچ بہت زیادہ سکون مِلدا اے – اِرتداد دے ایس زمانے وِچ خُدا دا بُلایا ہویا مبلغ ہون لئی! جے ساری دُنیا چہ مینوں کسے ہور نوکری لئی چناؤ کرنا ہوندا – ریاست ہائے متحدہ دا صدر ہون توں لے کے تے اِک اکیڈیمی ایوارڈ نوں جیتن آلے اداکار تیکر، میں بِنا ہچکچاہٹ دے ایس گرجا گھر دا پادری ہون نوں چُنیا۔ تے خُدا جانندا اے کہ میں تہانوں سچ دسن دیاں آں! ایویں ای میرا پُتر رابرٹ کردا۔

اُوہناں عظیم مسیحاں تے نظر پاؤ جیہڑے ڈٹے رئے جدوں ساڈے گرجا گھر دا شیرازہ ہو رہیا سی۔ اُوہناں نے ایس گرجا گھر نوں بچایا۔ میں اُوہناں نوں ’’اُو اُنتالی‘‘ کہنا واں۔ اُوہناں دے سارے بیلی چھڈ کے ٹُر گئے۔ اُوہناں نے اپنے ہر بیلی نوں کھو دِتا۔ – گرجا گھر دی ایس تقسیم وِچ! تُسی سوچدے ہو اُو سوکھی گل سی؟ اُوہناں نے کسے دوجے مسیحی دے مقابلے چہ جِنہاں نوں میں جاننا آں – جیدے وِچ تُسی سارے نوجوان لوکی وی شامل ہو، کِدرے زیادہ سخت کم کیتے۔ اُوہناں نے سینکڑوں ہزاروں ڈالرز دِتے – دہ یکی توں وی ودھ کے تے اُوس توں وی زیادہ۔ اُو ہر اِجلاس چہ آئے تے کم کر دیاں کِنیاں راتاں لایاں – ایس گرجا گھر نوں بچان لئی۔ اُوہناں وِچوں بے شمار لوکاں دے بچے واپس مُڑ گئے، دُنیا چہ واپس ٹُر گئے۔ اُوہناں نے یسوع دی خاطر ایس گرجا گھر نوں بچان لئی بہت وڈے وڈے نقصانات برداشت کیتے۔

اُوہناں نوں پُچّھو جے اُوہناں نوں اپنا سب کُج دین توں کوئی دُکھ ہویا ہووے! اُوہناں کولوں پُچّھو! اُوہناں کولوں پُچّھو! اُوہناں وِچوں بے شمار لوکاں نے یسوع مسیح دی خاطر ایس گرجا گھر نوں بچان لئی اپنی حیاتیاں دا ستیاناس کر لہیا سی۔ اُوناں کولوں پُچّھو جے اُوہناں نے کوئی غلطی کیتی سی! اُوہناں کولوں پُچّھو کی اُو ایہہ دوبارہ کر پان گے۔ اگے ودھو، اُوہناں کولوں پُچّھو!

مسٹر پرودھوم Mr. Prudhomme کولوں پُچّھو۔ اُو سوئمنگ پول دے نال اِک گھر نوں کھو چکے نے۔ اُوہناں کولوں اُو ہتھیا گیا سی۔ اُو اُوہناں تے ساری راتی چیخدی رئی سی۔ اُوہناں نے جہنم چہ ہون وگرا محسوس کیتا سی۔ اُوہنے اُوہناں دی حیاتی دا ستیاناس کر دِتا! تُسی جانندے ہو اُو کون سی۔ کی مسٹر پرودھوم نے کوئی غلطی کیتی سی؟ کی اُوہناں نوں سب کُج کھو دین دے نال دُکھ ہوندا اے؟ کی اُو ماضی چہ خود انکاری کرن نال تے یسوع دی پیروی کرن نال خود دی صلیب چُکن نال پچھتاندے نے؟ جی نہیں، اُو نئیں پچھتاندے! میں اُوہناں نوں نئیں دسیا سی کہ میں ایہہ کیہن جا رہیا سی۔ مینوں اُوہناں نوں دسن دی لوڑ نئیں سی۔ اُو جانندے نے، اپنی روح دی گہرائی وِچ، کہ ’’جیہڑا میرے لئی اپنی جان کھوئے گا اُو اُوہنوں محفوظ رکھے گا‘‘ (لوقا9:24)۔ مسز سلازار Mrs. Salazar کولوں پُچّھو! اگے ودھو، اُوہناں کولوں پُچّھو۔ اُوہناں دے شوہر مر چکے نے۔ اُوہناں دے بچے اُوہناں نوں چھڈ چکے نے۔ اُوہناں کولوں پُچّھو جے اُوہناں نوں دُکھ ہویا ہووے کہ اُوہناں نے اپنی صلیب چُکی تے یسوع دی پیروی کیتی۔ میں اُوہناں کولوں نئیں پوچھیا کہ آیا میں ایہہ گل دس دیاں۔ مینوں اُوہناں کولوں پُچھن دی لوڑ ای نئیں سی۔ میں جاننا واں اُو فیر ایہی سب کُج فیر کرن گی۔ اُو جانندی اے کہ ’’جیہڑا میرے لئی اپنی جان کھوئے گا اُو اُوہنوں محفوظ رکھے گا۔‘‘ مسز ہائیمرز کولوں پُچھو۔ میرے نال شادی کرن تے اُوہناں نوں کُج وی نئیں لبھیا سی! ساڈے کول کُج وی نئیں سی۔ اَسی اِک کمرے دے اپارٹمنٹ چہ رہندے ساں۔ ساڈے کول کوئی فرنیچر نئیں سی۔ ساڈے کول ٹی۔وی۔ نئیں سی۔ اَسی فرش تے بیندے تے پنجرے چہ لمبی دُم آلے طوطے نوں ویکھدے سی جیہڑا سانوں کسی ہور کولوں مِلیا سی۔ میری انتہائی معمولی جئی تنخواہ سی۔ ہر کسی نے ساڈے تے حملہ کیتا۔ اُوہناں نوں [میری ووہٹی نوں] میرے نال مشکلات نوں جھیلنا سی – تے زیادہ تر اوقات میں گرجا گھر دی اِک توں بعد دوجی تقسیم دی ہولناکیاں توں اندر ای اندر کٹ جانداں سی۔ کسے وی نوجوان لڑکی نوں ایس سب وِچوں نئیں گزرنا چائی دا جیدے وِچوں میری نکی جئی ووہٹی ایس بہت وڈے گرجا گھر نوں جیہڑا اَج دی رات ساڈے کول اے پان لئی گزری سی۔ اُوہناں کولوں پُچھو جے اُوہناں نے غلطی کیتی سی۔ اُوہناں کولوں پُچھو جے اُو اِیس نوں فیر کرنا چاہندی اے۔ میں اُوہناں کولوں نئیں پوچھیا سی کہ آیا میں ایہہ کہہ دیاں۔ مینوں اُوہناں کولوں پُچھن دی لوڑ ای نئیں سی! میں جاننا واں اُو یسوع لئی سب کُج فیر کرے گی۔ میں اُوہناں کولوں نئیں پوچھیا سی کہ آیا میں ایہہ گل کہہ دیاں۔ مینوں اُوہناں کولوں پُچھن دی لوڑ ای نئیں سی! میں جاننا واں اُو یسوع لئی اے سب کُج فیر کر سکدی اے! مسٹر لیMr. Lee کولوں پُچھو۔ اُوہناں دے ماں پیو ہمیشہ لئی اُوہناں دے خلاف ہو گئے سی کیوں جے اُوہناں نے یسوع دی پیروی کرن لئی اپنی راہ پھڑ لئی سی۔ اُوہناں کولوں پُچھو جے اُوہناں نے غلطی کیتی سی اپنی زندگی نوں یسوع دی پیروی کرن لئی کچرا بنا لیا سی۔ میں جاننا واں اُو اے سب کُج فیر کرن گے، بغیر بُڑبُڑائے یا شِکوہ کیتیاں۔ مسٹر میٹسوزاکا Mr. Matsusaka کولوں پُچھو۔ اُو پولیس فورس چہ جا چکے ہوندے۔ اُو لوکی [پولیس آلے] اُوہناں نوں چاہندے سن۔ لیکن فیر اُوہناں دا ایہو جہیا شیڈول بن جانا سی جیہڑا اُوہناں لئی ایس گرجا گھر دی مدد کرن نوں ناممکن بنا چھڈدا۔ مینوں یاد اے جدوں اُوہناں نے ایس گرجا گھر نوں بچان دی خاطر ساڈی مدد لئی پولیس فورس دی چنگی بھلی نوکری توں مُنہ موڑ لہیا سی۔ مینوں یاد اے کیویں اُوہناں نے اپنی صلیب چُکی تے ’’اُوہناں اُنتالیاں‘‘ وِچوں اِک ہُون لئی خود انکاری کیتی۔ خُداوند تہانوں برکت دیوے میرے پیارے ویر! میں کدی وی نئیں بھلاں گا جو کُج تُسی کیتا – تے نہ ای خُدا بھُلے گا! جان سیموئیل کیگن نے تہاڈی مثال دے وسیلے توں نجات پائی سی۔ اُوہناں نے بہت کُج گوایا سی، لیکن اُوہناں نے ساڈے گرجا گھر دے اگلے پادری صاحب نوں پا لیا۔ تے جدوں مسیح واپس آوے گا تے تُسی اِک ’’دین آلا giver‘‘ ہون دی خوشی نوں جان پاؤ گے، ناکہ ’’لین آلاtaker‘‘! تُسی مسیح دے نال اُوہدی بادشاہی وِچ ہمیشہ لئی حکمرانی کرو گے! جِم ایلیٹ Jim Elliot کافراں دے اِک قبیلے نوں خوشخبری پہنچان دیاں کوششاں وِچ اِک شہید دی حیثیت نال مارے گئے سن۔ تے ایہہ جِم ایلیٹ سن جِنہاں نے کہیا،

’’اُو احمق نئیں ہوندا جیہڑا اُو شے دے دیندا اے جنوں رکھ نئیں سکدا اُو پان لئی جِنوں اُو گوا نئیں سکدا۔‘‘

آمین۔

ساڈے گرجا گھر وِچ اِک نوجوان بندے نے ڈاکٹر کیگن نوں دسیا، ’’میں ہُن اِک پیشہ ور آں۔ میں گرجا گھر وِچ دو گھنٹیاں توں زیادہ اضافی کم نئیں کر سکدا۔‘‘ ڈاکٹر کیگن نے کہیا، ’’ڈاکٹر چعین Dr. Chan دے بارے چہ کی خیال اے؟ اُو اِک طبّی ڈاکٹر نے۔ اُو اِک پیشہ ور نے! اُو گرجا گھر وِچ لاتعداد گھنٹے کم کردے نے – تے کالجاں وِچ انجیلی بشارت دے پرچار دا لاتعداد گھنٹے اضافی کم کردے نے، کسی وی دوجے بندے دے مقابلے چہ بُہتا زیادہ۔‘‘ جی ہاں، ڈاکٹر چعین تے نظر پاؤ! اُو جانندے نے کہ یسوع دُرست سی – جے کوئی میری پیروی کرنا چاہندا اے تے اُو خود انکاری کرے، اپنی صلیب روزانہ چُکے تے میرے پچھے ٹُریا آئے‘‘ (لوقا9:23)۔ فیر ڈاکٹر کیگن تے نظر پاؤ۔ لوکاں نے اُوہناں نوں بہت وڈی وڈی رقماں آلیاں نوکریاں سکیورٹی تے وڈے وڈے فائداں دے نال پیش کیتیاں – اِک وری نئیں، بلکہ چار وری۔ اُوہناں نے اُوناں سب [نوکریاں] نوں ٹھکرا دِتا۔ کیوں؟ کیوں جے اُوہناں نوں لاس اینجلز چھڈ کے نیویارک شہر یا واشنگٹن ڈی۔ سی۔ جانا پیندا۔ اُوہناں نے اُوناں سب [نوکریاں] نوں ٹھکرا دِتا – سینکڑوں ہزاراں ڈالرراں نوں – ایس گرجا گھر وِچ ٹکے رہن لئی تے ایس گرجا گھر نوں تباہ ہون توں بچان لئی۔ کی اُو احمق سن؟ جِم ایلیٹ نوں سُنو، جنہاں نے مسیح لئی اِک شہید دی حیثیت نال اپنی زندگی نذر کر دِتی۔ اپنی بائبل دے پہلے صفحے تے سامنے ای ایہہ گل لکھ لوؤ۔

’’اُو احمق نئیں ہوندا جیہڑا اُو شے دے دیندا اے جنوں رکھ نئیں سکدا اُو پان لئی جِنوں اُو گوا نئیں سکدا۔‘‘ (جِم ایلیٹ Jim Elliot، مسیح کے لیے شہید)

میں ’’اُوناں اُنتالیاں‘‘ وِچوں ہر اِک دی خود دی قربانی تے صلیب نوں چُکن دے تزکرے نوں دسدے رہنا جاری رکھ سکناں آں – مسٹر سُونگ Mr. Song، مسٹر مینسیاMr. Mencia، مسٹر گریفتھMr. Griffith – جیہڑے کینسر دے اپریشن دے بعد اپنے جسم دے نال اِک لٹکی ہوئی ٹیوب دے نال خود نوں گھسیٹدے ہوئے گرجا گھر آئے۔ میں اُوہناں نوں اُوس سفید چہرے تے اُوہناں دی پیشانی توں وگدے پسینے دے نال ویکھ سکناں واں، جیہڑے واعظ گاہ دے نال خود نوں بے ہوش ہُون توں بچائے رکھن لئی چمٹے ہوئے گان ڈئے سی

مینوں سونے تے چاندی دے بجائے یسوع نوں اپنا لینا چائی دا اے،
   مینوں ان کہی دولت دے مقابلے چہ اُوس دا ای ہونا چائی دا اے،
مینوں کسی وی شے دے مقابلے چہ یسوع نوں اپنا لینا چائی دا اے
   جیدی ایہہ دُنیا اَج اِستطاعت رکھدی اے۔

کی مسٹر گریفتھ کوئی احمق سن؟

’’اُو احمق نئیں ہوندا جیہڑا اُو شے دے دیندا اے جنوں رکھ نئیں سکدا اُو پان لئی جِنوں اُو گوا نئیں سکدا۔‘‘

میں جاری رہ سکناں واں تے ’’اُوہناں اُنتالی‘‘ لوکاں وِچوں عورتاں وِچوں ہر اِک دا تے مرداں وِچوں ہر اِک دا ناں لے سکنا واں – جِنہاں نے خود انکاری کیتی سی تے یسوع مسیح دی پیروی کرن لئی روزانہ اپنی صلیباں چُکیاں تے خُداوند یسوع مسیح دی خاطر اِک جیوندا جاگدا گرجا گھر بنایا۔

جدوں اَسی ایس عمارت دے گروی دے کاغذاں نوں بال رئے سی تے میں تُسی نوجوان لوکاں نوں ٹھہرن تے سوچن لئی کہیا سی۔ اَسی چھیتی ای ٹُر جاواں گے۔ آرگن تے مسز رُوپ Mrs. Roop دی تھاں کون لے گا؟ کون بوہے دی نگرانی لئی مسٹر رُوپ دی تھاں لے گا؟ تُہاڈے وِچوں کون اُو جگہ لے گا، روز بروز تے اِک دے بعد دوجی رات – تہاڈے وِچوں کون خودانکاری کرے گا تے رچرڈ تے رونلڈ بلانڈین Richard and Ronald Blandin دی تھاں لے گا؟ کون گھنٹیاں تیکر، تے روزانہ بغیر کسی زمینی انعام دے اُوہناں دی تھاں لین لئی جدوں اُو ٹُر جان گے اپنی حیاتی گنوائے گا؟ جیویں کہ ’’اُوہناں اُتنالیاں‘‘ وِچوں اَسی سارے ای چھیتی ٹُر جاواں گے – جِنہے بے فکرے نوجوان لوکی سوچ سکدے نے اُوس دے مقابلے وِچ کہیں بہت چھیتی۔ کچن وِچ مسز کُک Mr. Cook دی تھاں کون لے گا؟ کون ولّی ڈکسن Willie Dixon دی تھاں لے گا؟ تُسی اُوہناں دا کھانا کھاندے اُو۔ میں تہاڈے وِچوں کسی اِک دے بارے چہ وی نئیں سوچ سکدا جیہڑا ایتھوں تیکر کہ مسٹر ڈکسن دی ای تھاں لے لئے، جیہڑے کہ ہُن اَسی وریاں دے نے۔ مینوں وکھائی نئیں دیندا کون اُوس پیارے بندے دی تھاں لے گا! کی تہاںوں اینا وی پتا اے اُو کی کردے نے؟ تہانوں کھان کِھلان لئی ہفتے چہ کئی کئی راتاں تے اپنے دِن اُوہناں نے خرچ کیتے تے کی اُو کوئی احمق نے؟ کی اُو احمق نے؟

’’اُو احمق نئیں ہوندا جیہڑا اُو شے دے دیندا اے جنوں رکھ نئیں سکدا اُو پان لئی جِنوں اُو گوا نئیں سکدا۔‘‘

تُسی نوجوان لوکاں وِچوں کون ایہہ جیہڑا ایس گرجا گھر نوں اگلے تی یا چالی وریاں تیکر مذید ہور مضبوطی نال جاری رکھن لئی سب کُج قربان کرے گا؟ ڈاکٹر کیگن ٹُر جان گے۔ اُوہناں دی تھاں کون لے گا؟ ڈاکٹر چعین ٹُر جان گے۔ اُوہناں دی تھاں کون لے گا؟ تہاڈے وِچوں زیادہ تر لوکی مسٹر ڈِکسن یا رِک Rick دی یا رون بلانڈین Ron Blandin دی تھاں نئیں لے پان گے! تُسی سوچدے ہو کہ اُو اہم نئیں نے، لیکن تُسی اُوہناں دی تھاں نئیں لے سکدے! ایس لئی خود دی قربانی دی لُوڑ پیندی اے۔ اہدے لئی صلیب برداشت کرنی پیندی اے۔ یسوع نے کہیا،

’’تے یسوع نے اُوہناں نوں کہیا، جے کوئی میری پیروی کرنا چاہندا اے تے اُو خود دی انکاری کرے تے روزانہ اپنی صلیب چُکے تے میرے پیچھے ہو لے۔ کیوں جے جیہڑا اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا میرے لئی اپنی جان نوں کھوئے گا اُو اُوہنوں محفوظ رکھے گا‘‘ (لوقا9:23۔24)۔

جدوں خُدا ڈاکٹر کیگن نوں بُلا رہیا سی تے اُوہناں نے پادری ورمبرانڈ دی لکھی ہوئی کتاب مسیح لئی اذیت سہی Tortured for Christ پڑھی سی۔ پادری ورمبرانڈ دے نال پیار کرنا اُوہناں لئی قدرتی سی کیوں جے اُو وی ڈاکٹر ورمبرانڈ وانگر اِک یہودی سن۔ تے جدوں اُوہناں نے ’’مسیح لئی اذیت سہی‘‘ پڑھی، ڈاکٹر کیگن نے سوچیا اُو اِک ایہو جیہا گرجا گھر لبھنا پسند کرن گے جیس وِچ اُوہی قربانی دین دی اِقدار ہُون جیس دی تعلیم ورمبرانڈ نے دِتی۔ ڈاکٹر کیگن نے مینوںUCLA دے قریب اِک سڑک تے منادی کردے ہوئے ویکھیا۔ اُوہناں نے لوکاں نوں میرے تے چیخدے تے چِلاندیاں ہویا تے میرے تے شے واں سُٹدے ہوئے ویکھیا۔ ڈاکٹر کیگن نے سوچیا، ’’ایہہ بندہ اے جِنوں منادی کردے ہوئے میں سُننا پسند کراں گا۔‘‘ لہٰذا اُوہناں نے ساڈا گرجا گھر کیتھے سی لبھیا تے اُو آئے۔ اگلی ای راتی ڈاکٹر کیگن نے مینوں دسیا کہ اُوہناں نے مینوں کہندے ہوئے سُنیا، ’’تُسی کسی شے لئی حیاتی لگان لئی جا رئے سی۔ کیوں نہ مسیح لئی حیاتی لائی جاوے؟‘‘

اُوس ویلے، ڈاکٹر کیگن محض اِک نوجوان بندے سن، اپنی بیسویں دہائی چہ۔ اِک نوجوان شخص دے لئی ایہو جیہیا خیال سوچنا کِنی وڈی گل سی! ’’’’تُسی کسی شے لئی حیاتی لگان لئی جا رئے سی۔‘‘ بے شک! ہر کوئی ’’حیاتی لاندا اے‘‘ چھیتی یا دیر نال! تہاڈے وال جھڑنا شروع ہو جاندے نے، چہرے تے جُھریاں پے جاندیاں نے۔ حیاتی بہتر طور تے گزارنا مشکل ہو جاندا اے۔ اگلی گل جیہڑی تہاںوں پتا چلدی اے اُو ایہہ ہوندی اے کہ تُسی وڈیرے ہو رئے ہو۔ فیر تُسی حیاتی گزار چکے ہوندے اُو تے مر جاندے اُو۔ ’’تُسی کسی نہ کسی شے لئی حیاتی لنگا رئے سی۔‘‘ جی ہاں، بِلا شُبہ، ایہہ تہاڈے ساریاں دے نال رونما ہوندا اے۔ تُسی حیاتی لنگا جاؤ گے!

لیکن فیر ایس توں وی اِک گہرا خیال – ’’کیوں نہ مسیح لئی حیاتی لنگائی جائے؟‘‘ تمام زمانیاں وِچ سارے عظیم مسیحی ایہو جئیاں گلاں سوچ چکے نے – ’’تُسی کسی شے لئی حیاتی لنگان جا رئے سی۔ کیوں نہ مسیح لئی حیاتی لنگائی جاوے؟‘‘ مینوں نئیں معلوم کیویں تُسی ھنری مارٹن Henry Martyn (1781۔1812) دے بارے چہ پڑھ سکدے اُو تے ’’حیاتی لنگانا‘‘ نئیں چاہندے اُو جیویں اُوہنے کیتا سی 31 وریاں دی عمر وِچ۔ میں نئیں جانندا کیویں تُسی رابرٹ میکخین Robert McCheyne (1813۔1843) دی حیاتی دے بارے چہ پڑھ سکدے ہو تے مسیح لئی ’’حیاتی لنگانا‘‘ نئیں چاہندے جیویں اُوہنے 29 وریاں دی عمر چہ کیتا سی۔ تہاڈے وِچوں کُج تے اُوہناں دے بارے چہ پڑھن توں ایس قدر خوفزدہ نے کہ اُو ایتھوں تیکر کہ اُوہناں نوں ویکیپیڈیا تے وی نئیں ویکھدے۔ کی تُسی خوفزدہ ہو کہ اُو تہانوں متاثر کرن گے؟ ھنری مارٹن تے رابرٹ میکخین وگرے لوکی کیتھے نے؟ گلیڈیس ایلورڈ وگریاں عورتاں کیتھے نے؟ اَسی کدی وی اُو کلیسیا نئیں بن سکدے جیہڑی نوجوان لوکاں نوں شاگرد بنن لئی متاثر کردی ہووے، جدوں تیکر کہ تُسی اُوہناں نوں راہ وکھان لئی شاگرد نئیں بن جاندے!

خود ساڈی اپنی مسز کُک اِک ایہو جئے وڈیرے بندے دی محبت چہ مبتلا ہوئی سن جیہڑا اُوہناں دے پیدا ہون توں وی وریاں پہلے مر چُکیا سی۔ اُو اِک انتہائی امیر خاندان چہ پیدا ہویا سی تے وراثت چہ اُوہنوں ساری جائیداد ملی سی۔ اُو اِک عالمگیر شہرت یافتہ ایٹھلیٹ وی سی۔ فیر اُو یسوع دا اِک شاگرد بن گیا۔ اُوہنے انتہائی احتیاط دے نال تے جان بُج کے اپنی ساری دولت ونڈ دِتی۔ فیر اُو اِک مشنری دی حیثیت نال چین ٹُر گیا، اندرون چین وِچ۔ چودہ سالاں تیکر اُو اپنی ووہٹی تے بچیاں توں کافراں نوں منادی کرن لئی اپنی بُلاہٹ دے سبب توں دور رہیا۔ بعد چہ اُو افریقہ دے انتہائی مرکز چہ ٹُر گیا، تے اُوہنے اِک نوے مشن دا میدان کُھلیا۔ بالاآخر اُو فوت ہو گیا، افریقہ دے اندرون چہ کِدرے دور دراز دے علاقے وِچ۔ اُوہناں دا کیرئیر تے اُوہناں دا مال و دولت جا چکے سن – مسیح دے لئی۔ اُوہناں دا گھر تے اُوہناں دی خاندانی حیاتی وی ٹُر گئی سی۔ اپنی حیاتی دے خاتمے دے قریب، ایس شاندار وڈیرے بندے نے کہیا، ’’میں کسی وی ہُور شے دے بارے وِچ نئیں جانندا جیہڑی میں خُداوند یسوع مسیح لئی قربان کر سکاں۔‘‘ ساڈی مسز کُک اُوس وڈیرے بندے دی محبت چہ گرفتار ہوئی سن جیہڑا اُوہناں دے پیدا ہُون توں وی ورے پہلاں فوت ہو گیا سی۔ تے میں خوش آں کہ اُو گرفتار ہوئی۔ جے اُوہناں نے اُوہدے نال محبت نہ کیتی ہوندی تے اُوہدے توں متاثر نہ ہوئی ہوندی تے اُو وی اِک ہور خود غرض، اوسط عمر دی محض انگریز عورت رہی ہوندی جیہڑی سان فرانسسکو دی وادی چہ خالص نسل دے کُتے پال رہی ہوندی۔ لیکن چونکہ اُو سی۔ ٹی۔ سٹڈ C. T. Studd توں متاثر ہوئی سی اُوہناں نے سینکڑوں گھنٹے تُسی نوجوان لوکاں نوں کھلانے تے تہاڈی پرواہ کرن چہ لا چھڈے، ایتھے لاس اینجلز دے مرکز وِچ۔ چند اِک سال پہلاں مسز کُک نے میرے لئی اِک نکّی جئی پیتل دی یاداشت بنائی جیس تے اُوہناں دے ہیرو چارلس سٹڈ دے الفاظ کُنندہ سن۔ میں اپنی مطالعہ گاہ وِچ ایس تے ہر روز نظر پاناں آں۔ ایس تے لکھیا اے،

صرف اِک حیاتی،
   جیہڑی چھیتی ای لنگ جائےگی؛
صرف جیہڑا مسیح لئی ہووے گا
   باقی رہ جاوے گا۔‘‘
      – سی۔ ٹی۔ سٹڈ C. T. Studd

تے یسوع اَسی ساریاں نوں کہندا اے،

’’تے یسوع نے اُوہناں نوں کہیا، جے کوئی میری پیروی کرنا چاہندا اے تے اُو خود دی انکاری کرے تے روزانہ اپنی صلیب چُکے تے میرے پیچھے ہو لے۔ کیوں جے جیہڑا اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا میرے لئی اپنی جان نوں کھوئے گا اُو اُوہنوں محفوظ رکھے گا‘‘ (لوقا9:23۔24)۔

جے اَسی کُج نوجوان لوکاں نوں نجات دلانا چاہنے آں تے اُوہناں نوں وی یسوع دے شاگرد بنن لئی تربیت دینا چاہنے آں تے ساڈے کول مسیح دے نوجوان شاگرداں توں بھریا ہویا اِک گرجا گھر ہونا چائی دا اے! مہربانی نال کِھلو جاؤ تے حمدوثنا دا گیت نمبر2 گاؤ، ’’تیرے لئی ہُور زیادہ محبتMore Love to Thee۔‘‘

تیرے لئی ہُور زیادہ محبت، اوہ مسیح، تیرے لئی ہُور زیادہ محبت!
   گوڈیاں دے بل میں جیہڑی دعا منگنا آں توں اُوس دعا نوں سُن؛
ایہہ میری پُرخلوص التجا اے: زیادہ محبت، اوہ مسیح، تیرے لئی،
   تیرے لئی ہُور زیادہ محبت، تیرے لئی ہُور زیادہ محبت!

کدی زمینی خوشیاں میری پسندیدہ سن، سکون تے آرام دی تلاش وِچ؛
   ہُن تنہا تینوں ای میں لبھنی آں، جیہڑا بہترین اے اُو بخش؛
ایہو ای میری ساری دعا ہووے گی: زیادہ محبت، اوہ مسیح، تیرے لئی،
   تیرے لئی ہُور زیادہ محبت، تیرے لئی ہُور زیادہ محبت!

فیر میری آخیرلی سا تیری ستائش کرے گی؛
   میرے دل توں ایہو ای جُدا ہون دی واج بُلند ہووے گی؛
ایہہ ہُن وی اُوہی دعا رہوے گی: زیادہ محبت، اوہ مسیح، تیرے لئی،
   تیرے لئی ہُور زیادہ محبت، تیرے لئی ہُور زیادہ محبت!
(’’تیرے لئی ہُور زیادہ محبتMore Love to Thee‘‘
شاعرہ الزبتھ پی۔ پرینٹس Elizabeth P. Prentiss، 1818۔1878)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں اکلیاں گیت مسٹر بینجیمن کینکیڈ گریفتھ Mr. Benjamin Kincaid Griffith نے گایا سی:
’’تیرے لئی ہُور زیادہ محبتMore Love to Thee‘‘
(شاعرہ الزبتھ پی۔ پرینٹس Elizabeth P. Prentiss، 1818۔1878)۔