Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 40 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




جدعون دی فوج!

GIDEON’S ARMY!
(Punjabi – a Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتّا گیا اِک واعظ
خُداوند دے دِن دی شام ، 24 جُون، 2018
A sermon preached at the Baptist Tabernacle of Los Angeles
Lord's Day Evening, June 24, 2018

’’خُداوند نے جدعون نوں کہیا، تیرے نال اینے لوکی نے کہ میں مدیانیاں نوں اُوہناں دے ہتھ وِچ نئیں کر سکدا، اینج نہ ہووے کہ اسرائیل میرے بجائے اپنے اُتے فخر کرن کہ اُوہناں دی اپنی قوت نے اُوہنان نوں بچایا‘‘
    (قُضاۃ 7:2)۔


ایہہ اِک سادہ جئی کہانی اے۔ لیکن ایہہ انتہائی شدید اہم کہانی اے۔ جدعون اِک نوجوان شخص سی جیہڑا بہت وڈے اِرتداد دے زمانے وِچ رہندا سی۔ ایس گل توں ای ساڈی توجہ فوراً کھیچ جانی چائی دی اے کیوں جے اَسی وی بالکل ایسئی ویلے اَخیرلے دِناں دے اِک بہت وڈے اِرتداد وِچ زندگی بسر کر رئے آں۔

I۔ پہلی گل، اُو پہلا اِرتداد۔

اسرائیل دے لوکاں نے خُدا دی نظراں وِچ بُرائی کیتی سی۔ تےخُدا نے اُوہناں ںوں مدیانیاں دا غلام بنان دے ذریعے نال سزا دیتی سی۔ اُو اسرائیلیاں دے دُشمن سی۔ اسرائیل دے لوکی اُوہناں وحشی مدیانیاں توں دور ای رہندے سن۔ اُو بےدین مدیانیاں تو لُک کے غاراں وِچ رہندے سی۔ اُو مدیانی ایس قدر طاقتور سن کہ اُوہناں نے اسرائیلیاں دیاں فصلاں تباہ کر دِتّیاں۔ اُوہناں نے اُوناں دیاں بھیڈاں تے بیل تے کھوتیاں نوں چُرا لیا۔ اسرائیل کُچلیا جا چکیا سی تے بے بس سی۔ اُودوں اُوہناں نے خُدا دے اَگے فریاد کیتی۔

فیر جدعون آیا۔ خُدا اُوہدے کول اُودوں آیا جدوں اُو مدیانیوں توں لُکدا پھر رہیا سی۔ تے خداوند نے جدعون نوں کہیا، ’’اے زبردست سُورما! خُداوند تیرے نال اے‘‘ (قضاۃ6:12)۔

میں کوئی زبردست سُورما نئیں سی جدوں میں سان فرانسسکو دے شمال چہ بائبل نوں ٹھکران آلی، آزاد خیال سیمنری وِچ گیا سی۔ میں ایک سِدھا سادہ تے منکسر بپٹسٹ مبلغ مُنڈا سی۔ لیکن جو میں اُوس سیمنری وِچ ویکھیا اُوس دی وجہ توں میں موجودہ زمانے دے انجیلی بشارت دے پرچار دی تعلیم دین آلیاں دے نال انتہائی شدید طور تے ناراض بندہ بن گیا۔ اُو بائبل دے خُدا وِچ یقین نئیں رکھدے سن۔ اُو مدیانیاں دے قابو وِچ سن – اُو جیہڑے خُدا نوں اِک شکنجے وِچ رکھنا چاہندے سن – اُو جیہڑے نئیں چاہندے سن کہ خُدا اُوہناں دے خیالات تے اُوہناں دیاں زندگیاں تے قابو پاوے۔

ڈاکٹر ڈیوڈ ایف۔ ویلز Dr. David F. Wells ساڈے زمانے وِچ انجیلی بشارت دے پرچار دی تعلیم دے وگاڑ تے اِک شاندار کتاب لکھ چکے نے۔ اِہدا ناں اے، سچ لئی کوئی تھاں نئیں اے: یا انجیلی بشارت دے پرچار دی الوہی تعلیم نوں جو مرضی ہو جائے؟ No Place for Truth: or Whatever Happened to Evangical Theology? (عیئرڈمینزEerdmans، 1993)۔ ڈاکٹر ویلز اِک ناراض بندے نے، اُو کہندے نے، ’’انجیلی بشارت دے پرچار دی تعلیم دین آلی دُنیا اپنی انقلابیت نوں کھو چکی اے‘‘ (ورقہ295)۔ انجیلی بشارت دے پرچار دی تعلیم دین آلے گرجا گھر نوجوان لوکاں نوں اِک انقلابی مسیحی ہون لئی متاثر نئیں کردے نے۔ اُو نرم، کمزور تے خود غرض نے – ایس گل تے بولن تے خوفزدہ نے کہ لوکی اُوہناں دے بارے چہ کی سوچن گے۔ انجیلی بشارت دے پرچار دی تعلیم دین آلے محکمے ہر اُوس بندے نال لڑن گے جیہڑا اَج گرجا گھراں نوں سُدھریا ہویا تے جیوندہ ویکھنا چاہندا اے۔ ڈاکٹر ویلز نے کہیا، ’’انجیلی بشارت دے پرچار دی تعلیم دین آلی دُنیا وِچ مُقلدّیت [اصولاں دے مطابق عمل کرنا] اِک بااِختیار طاقت اے، تے ایہہ تیزی نال کلے منحرفین نوں قابو چہ کر لیندی اے‘‘ (ورقہ295)۔

اُوہناں نے سیمنری وِچ مینوں اُوہناں دی بے اعتقادی وِچ مجبوراً ڈھالن لئی شدید کوشش کیتی سی۔ اُوہناں نے مینوں کہیا کہ مینوں کدی وی اِک مغربی بپتسمہ دین آلا گرجا گھر دا پادری نئیں بنایا جاوے گا جے میں بائبل دا دفاع کردے رہنا جاری رکھیا۔ میں اُوہناں نے کہیا، ’’ جے ایہو قیمت چکانی پیندی اے تے مینوں نئیں چائیدا۔‘‘

اُوس گل تے ڈٹ کے کھلوتے رہن تے میں اپنی ہر شے کھو دِتی۔ میں کی کُج کھویا؟ میں ہر اُو شے کھو چکیا سی جیہڑی پہلاں ای توں میرے لئی اہمیت رکھدی سی۔ مغربی بپتسمہ دین آلیاں دے کول ہُن ایہو جئی کوئی گل نئیں رئی جیہڑی میں چاہندا سی۔ مینوں فرقے توں نفرت ہو گئی۔ مینوں سیمنری توں نفرت ہو گئی۔ مینوں اپنے گرجا گھر توں مینوں سہارا نہ دین دی وجہ تے نفرت ہو گئی۔ مینوں اپنی زندگی توں نفرت ہو گئی۔ میں یسوع تے بائبل دے علاوہ ہر اِک شے توں نفرت کردا سی۔ میں راتاں نوں کلیاں پیدل ٹُریا فِیردا سی۔ میں ٹُریا فِیردا رہندا سی ورنہ ایویں لگدا سی جیویں میں اپنا ذہن کھو بیٹھاں گا۔

اِک راتی میں بالاآخیر اپنے ہوسٹل دے اجتماعی سون آلے کمرے چہ نیدر دی آغوش وِچ چلا گیا۔ خود خُدا نے مینوں جگایا۔ اجتماعی خواب گاہ وِچ خاموشی سی۔ اِک وی واج نئیں سی۔ میں رات نوں باہر نکل پیا۔ جدوں میں سیمنری دے لاگے اِک پہاڑی تے کھلوتا سی تے میں خلیج دے پانیاں توں پرے سان فرانسسکو دیاں روشنیاں ویکھ سکدا سی۔ ہوا میرے والاں تے میرے کپڑیاں نوں اُڈا رئی سی۔ میری ہڈیاں تیکر جُھنجھنا اُٹھیا سن۔ تے ہوا وِچ خُداوند نے مینوں کہیا، ’’توں ایس رات نوں کدی وی نئیں پُھلیں گا۔ ہُن تُوں صرف مینوں خوش کرن لئی منادی کریں گا۔ ہُن تُوں خوفزدہ ہونا نئیں سِکھیں گا۔ ہُن توں کلا میرے لئی ہی بولیں گا۔ میں ترے نال ہوواں گا۔‘‘

ہُن میں جان گیا اُو میری منادی لئی بُلاہٹ سی۔ اُوس توں پہلاں میں اِک رضاکار سی۔ ہُن میں خُدا دا بُلایا ہویا مبلغ آں۔ میں یقین رکھنا واں کہ ہر نڈر مبلغ نوں ایس توں پہلاں کہ خُدا اُوس تے سچ بولن لئی پروہسا کرے ایہو جئے بحرانوں توں گزرنا پیندا اے۔ اِہدے چہ کوئی جذبات نئیں ہوندے۔ صرف ایہہ ہوندا اے، ’’جے تُسی ایہہ نئیں کہو گے تے کوئی وی نئیں کہے گا، تے اینوں کہین دی شدید لُوڑ اے – تے دوجے اینوں کہن توں خوفزدہ ہوندے نے، لہٰذا جے تُسی اینوں نئیں کہندے تے کوئی وی نئیں کہے گا، یا گھٹ توں گھٹ اُو اینوں چنگے بہتر طور تے نئیں کہن گے۔‘‘ میں اُوہناں ای خیالاں نوں ہمیشہ لئی اپنے ذہن تے نقش کر کے ٹُر پیا۔ ڈاکٹر ڈبلیو۔ اے ٹوزر Dr. A. W. Tozer نے ’’انبیانہ بصیرت دا تحفہ The Gift of Prophetic Insight‘‘ نامی اِک مضمون وِچ ایہہ کہیا: ’’اُو خدا دے ناں وِچ مخالفت کرے گا، اِعلانیہ مخالف ہووے گا تے احتجاج کرے گا تے مسیحی دُنیا دے اِک بہت وڈے حصے دی مخالفت تے نفرت پائے گا… لیکن اُو ایہو جئی کسی وی شے توں خوف نئیں کھائے گا جیہڑی فانی سا دے نال سانواں لیندی اے۔‘‘ شاید ایہو ای وجہ اے کہ ڈاکٹر باب جونز سوئم Dr. Bob Jones III نے کہیا ’’میں روّئیاں تے روح وِچ پرانے عہد نامے دے اِک نبی وانگر آں۔‘‘ ایس تمام دی مذید ہُور تشریح لئی، میری سوانح حیات’’تمام خوفوں کے خلاف Against All Fears‘‘ پڑھو۔

خُدا دے نال اُوس اَدھی رات دے تجربے نے مینوں جدعون وگرے اِک بندے نوں سمجھنا سِکھایا۔ خُدا نے اُوہناں کہیا، ’’اے زبردست سورما! خُداوند تیرے نال اے۔‘‘ حالانکہ میں یقینی طور تے جدعون نئیں آں، میں گھٹ توں گھٹ ہُن اُوہنوں سمجھ سکنا آں۔ جدعون نے کہیا، ’’خُداوند سانوں چَھڈ چُکیا اے تے سانوں مدیانیاں دے ہتھاں وِچ سونپ چُکیا اے‘‘ (قضاۃ6:13)۔

جدعون نے ایہہ کرن لئی خود نوں دو کوڑی دا [غیر مستحق] تے نااہل محسوس کیتا۔ موسیٰ وانگر، جدعون نے بہانے بنائے۔ اَسی ایتھے آں، میرے بیلیوں، آخری دِناں دے بہت وڈے اِرتداد دے وِچکار۔ ایسی انجیلی بشارت دے پرچار دی تعلیم دین آلے نئے مدیانیاں دے جھوٹے مذہب توں لڑن لئی نااہل تے دو کوڑی دا محسوس کرنے آں۔ اُو اِرتداد بُہت گہرا اے۔ انجیلی بشارت دے پرچار دی تعلیم دین آلے مدیانیاں دے قوت بہت زیادہ اے۔ اَسی اِیناں مُرتدداں توں بائبل تے بائبل دے خُدا توں بچن لئی کُج وی نئیں کر سکدے۔

II۔ دوجی گل، بائبل دا خُدا ہُن وی زندہ ہے!

خُداوند نے کہیا، ’’میں خُداوند آں، میں بدلدا نئیں‘‘! (مُلاکی3:6)۔ فیر خُدا دا روح جدعون تے نازل ہویا۔ اُوہنے قاصداں نوں پیجیا جِنہاں نے مدیانیاں دے خلاف جنگ کرن لئی اسرائیلیاں دے ہجوماں نوں اِکٹھا کیتا۔

تب یربعل یعنی جدعون تے اُہدے نال ساری لوکاں نے سجری سویرے اُٹھ کے حرود دے چشمے کول اپنے ڈیرے پائے۔ مدیانیاں دی لشکرگاہ اُوہناں دے شمال وَل کوہِ مورہ دے کول دی وادی چہ سی۔ خُداوند نے جدعون نوں کہیا، تیرے نال اینے لوکی نے کہ میں مدیانیاں نوں اُوہناں دے ہتھ وِچ نئیں کر سکدا، ایویں نہ ہووے کہ اسرائیل میرے بجائے اپنے تے فخر کرن کہ اُوہناں دی اپنی قوت نے اُوہناں نوں بچایا۔ ایس لئی لوکاں چہ اِعلان کر کہ جیہڑا کوئی خوفزدہ اے اُو کوہِ جلعاد چھڈ کے مُڑ جائے۔ چنانچہ بائی ہزار لوکی تے مُڑ گئے لیکن دس ہزار اُوتھے ای ٹِکے رئے‘‘ (قضاۃ7:1۔3)۔

خُداوند نے جدعون نوں کہیا، ’’جیہڑے لوکی تیرے نال نے اُو بہت زیادہ نے۔‘‘ جا تے کہہ، ’’جیہڑا کوئی بزدل تے خوفزدہ اے، اُو مُڑ جائے‘‘ (قضاۃ7:3)۔

بائی ہزار لوکی مُڑ گئے۔ دس ہزار لوکی جدعون دے نال رہ گئے۔ ایہہ اے جیہڑا ساڈے نال ہوندا اے۔ ساڈا گرجا گھر جدوں اَسی لی کونٹ جونئیر ہائی سکول Le Conte Junior High School وِچ ملے 1,100 لوکاں تیکر ہو گیا سی۔ لیکن اُوہناں وِچوں زیادہ تر لوکی یسوع لئی اپنی زندگیاں نوں داؤ تے لان لئی خوفزدہ سی۔ دوجے ’’تفریح‘‘ – یا جنس – یا منشیات دی وجہ توں ساڈے گرجا گھر نوں چھڈ گئے۔ اُو جیہڑے چھڈ کے ٹُر گئے اُوہناں دے بارے وِچ یسوع نے بی بون آلے دی تمثیل وِچ وضاحت کیتی۔ اُو تمثیل لوقا8:10۔15) وِچ سمجھائی گئی اے۔ پہلی قسم دے اُو لوکی نے جیہڑے خُدا دے کلام نوں سُندے نے، تے ابلیس آندا اے تے اُوہناں دے دِلاں وِچوں کلام پُٹ کے لے جاندا اے ’’ایویں نہ ہووے کہ اُو ایمان لہیاں تے نجات پا جان‘‘ (لوقا8:12)۔ اَسی اے شے تقریبا ہرہفتے ویکھنے آں۔ اُو آندے نے تے واعظ نوں سُنن دی بجائے اپنے آئی پیڈ iPad نوں ویکھدے نے۔ یا اُو اپنیاں اَکھاں بند کر لیندے نے تے کسی ہُور شے دے بارے وِچ سوچدے نے۔ خدا دا کلام اُوہناں لئی ذرا وی فائدہ مند نئیں ہوندا کیوں جےاُوہناں نےابلیس نوں اُوہناں دے دِلاں وِچوں باہر پُٹن دِتّا۔

دوجی قسم دے اُو لوکی ہوندے نے جیہڑے کلام نوں خوشی دے نال سُندے نے۔ لیکن مسیح چہ اُوہناں دی کوئی جڑ نئیں ہوندی۔ لہٰذا اُو کُج ویلے لئی یقین کردے ہوئے وکھائی دیندے نے۔ لیکن جیس ویلے اُوہناں نوں آزمایا جاند اے تے اُو پسپا ہو جاندے نے۔؎

تیجی قسم دے اُو لوکی ہوندےنے جیہڑے کلام نوں سُندے نے تے اپنی راہ لیندے نے۔ فیر اُو زندگی دی دولت، فکراں تے عیش و عشرت وِچ پھنس جاندے نے، ’’تے اُوہناں دا پھل پک نئیں پاندا۔‘‘ ڈاکٹر جے۔ ورنن میگی Dr. J. Vernon McGee سچے سن جیس ویلے اُوہناں نےکہیا، ایس تِناں قسماں دے لوکی مسیح تے ایمان لہیا کے کدی وی تبدیل نئیں ہوندے۔ اُو اُوہناں تمام لوکاں دی عکاسی کردے نے جِنہاں نے ماضی وِچ ساڈے گرجا گھر نوں چھڈ دِتّا۔ اُوہناں دیاں زندگی ظاہر کردیاں نے کہ اُوہناں وِچوں سچے طور تے کوئی وی مسیح چہ ایمان لہیا کے تبدیل نئیں ہویا سی۔ اُو صرف اُوس رفاقت تے تفریح لئی آندے نے جیہڑی ساڈے گرجا گھر وِچ ہوندی اے۔ لیکن جیس ویلے اُوہناں نوں آزمایا جاندا اے تو اُو نٹھ جاندے نے کیوں جے اُو کدی وی توبہ نئیں کردے تے اُوہناں نے کدی وی نئے سرے توں دوبارہ جنم لہیا ای نئیں ہوندا۔ اُو اُوہناں بائی ہزار لوکاں دی عکاسی کردے نے جیہڑے جدعون دی مدد کرن لئی آئے سی لیکن اُو ایس نوں کرن لئی تے خدا دے سپاہی بنن لئی شدید خوفزدہ سی! تے صلیب دے بنن لئی خوفزدہ سی!

’’تے خُداوند نے جدعون نوں کہیا، تیرے نال اینے لوکی نے کہ میں مدیانیاں نوں اُوہناں دے ہتھ وِچ نئیں کر سکدا، ایویں نہ ہووے کہ اسرائیل میرے بجائے اپنے تے فخر کرن کہ اُوہناں دی اپنی قوت نے اُوہناں نوں بچایا‘‘ (قضاۃ7:2)۔

لیکن ہُن وی بہت زیادہ لوکی نے۔ خُداوند نے جدعون نے کہیا، ’’لوکی ہُن وہ بہت زیادہ نے؛ اُوہناں نوں چشمے دے کول تھلے لے جا تے اُوتھے میں اُوہناں نوں تیری خاطر پرکھاں گا‘‘ (قضاۃ7:4)۔ ’’وادی وِچ، کوہِ مورہ دے کول‘‘ انتہائی شدید گرمی سی (قضاۃ7:1)۔ اسرائیلی شدید پیاسے سن۔ جدعون دے زیادہ تر لوکی پانی ول نٹھے، تھلے جُھکے تے اپنے ہتھاں نوں پانی چہ پایا، جیس ویلے اُو اُہدے چھیتی چھیتی گُھٹ پر رئے سی۔ ’’تے جنہاں لوکاں نے اُوہنوں چپڑ چپڑ کر کےتے بُک چہ بھر کے پیتا اُو صرف تِن سو سن۔ اُو جاندے سن کہ اُوہناں نے اپنے سراں نوں اُتے رکھنا سی، مدیانیاں دی تاک چہ۔

’’تے خُداوند نے جدعون نوں کہیا، ایناں تِن سو بندیاں دے نال جِنہاں نے چپڑ چپڑ کر کے پیتا، میں تہانوں بچاواں گا تے مدیانیوں نوں تہاڈے ہتھاں چہ کر دیاں گا۔ باقی لوکاں نوں اپنی اپنی تھاں تے واپس لوٹ جان دے‘‘ (قضاۃ7:7)۔

اَج دی راتی اَسی جدعون دے تِن سو لوکاں دے واقعے دے نال اینی دور تیکر ای جا سکاں گے۔ اُوتھے وادی چہ مدیانی لوکی ہجوم در ہجوم ٹڈیوں وانگر پھیلے ہوئے سن؛ تے اُوہناں دے اُونٹھاں دا شمار کرنا اینا ای اُوکھا سی جِنا سمندر دے کنڈے دی ریت دا‘‘ (قضاۃ7:12)۔ اُوس راتی خُداوند نے مدیانیاں دی قوی فوج نوں جدعون دے تِن سو بندیاں دے حوالے کر دِتّا۔ مدیانی اپنی زندگیاں توں نٹھ پئے۔ تے اسرائیلیاں نے مدیانیاں دے دو سرداراں اوریب تے زئیب نوں پھڑ لیا تے اُوہناں دے سر وڈ دِتّے تے اُوہناں دے سِراں نوں جدعون دے کول لے آئے (ویکھو قضاہ7:25)۔ اُو فتح خُدا دے وسیلے نال صرف تِن سو سپاہیاں دے اِک نکے جئے گروہ دے نال ہوئی سی!

ایتھے ساڈے لئی اَج اِک سبق اے۔ اَج ساڈے زیادہ تر گرجا گھر اُوہناں لوکاں دی قیادت چہ نے جنہاں دی دلچسپی صرف تعداد وِچ اے۔ ایہہ انجیلی بشارت دے پرچار دی تعلیم دین آلے مدیانی نے۔ اُو سوچدے نے کہ گرجا گھر دی حاضری وِچ سینکراں لوکاں دا ہونا ضروری ہوندا اے۔ تے ایس توں باوجود اُو ماڑے نے۔ ایہو جئے مبلغین نوں جدعون تے اُوس دے وفادار سپاہیاں دے نکے جئے گروہ دے بارے وِچ سوچنا بہت فائدہ پہنچائے گا۔

جاناتھن ایس۔ ڈِیکرسن Jonathan S. Dickerson انجیلی بشارت دے پرچار دی تعلیم دی بہت وڈی کسادبازاری The Great Evangelical Recession (بیکر کُتب Baker Books) دے عنوان تے اِک شاندار کتاب لکھ چکے نے۔ اُوہناں نے شماریات پیش کیتیاں۔ اَج ساڈے نوجوان لوکاں دا صرف 7 % ایونجیلیکل مسیحی ہون دا دعویٰ کردا اے۔ اگلے وی وریاں چہ پینتالی فیصد ایونجیلیکل مسیحی مر جان گے۔ اِہدا مطلب ہوندا اے کہ نوجوان ایونجیلیکل مسیحیاں دی تعداد چھیتی ای 7 % توں گھٹ کے صرف تقریبا ’’4 فیصد یا اِیس توں وی گھٹ رہ جائے گی – جدوں تیکر کہ نوے شاگرداں نوں وجود چہ لہیا نئیں جاندا‘‘ (ibid.، ورقہ144)۔

گرجا گھراں وِچ کیوں نوجوان لوکاں دی تعدا دا ایس قدر گھٹ ہونا ہون ڈیا اے؟ میں قائل ہو چُکیا آں ایہہ ایس لئی اے کیوں جے اُوہناں نوں جیندی جاگدی مسیحیت دے ذریعے نال للکارا نئیں جاندا۔ ساڈے مقصد کی اے؟ ایس گرجا گھر چہ ساڈا مقصد نوجوان لوکاں نوں مسیح چہ اُوہناں دی بُلند ترین اِستعداد [صلاحیت] تیکر پہنچان لئی مدد کرنا اے۔ اَسی ایتھے جدعون دی فوج وانگر نوجوان لوکاں دے اِک گروہ نوں پروان چڑھانا چاہنے آں۔ اَسی ایتھے نوجوان لوکاں نوں ساڈے گرجا گھر وِچ آن تے یسوع مسیح دے شاگرد بنن چہ مدد کرن لئی آں۔ اُو لوکی جنہاں نوں اَسی مسیح دی فوج چہ بھرتی کرنا چاہنے آں نوجواں لوکی نے۔ ایہہ اُو نوجوان لوکی نے جیہڑے کُج نیا تے للکارن آلا کرن لئی تیار ہوندے نے۔ یسوع نے کہیا،

’’جیہڑا کوئی میری پیروی کرنا چاہے تے اُو خود اِنکاری کرے، اپنی صلیب چُک لے تے میرے پیچھے ٹُریا آئے‘‘ (مرقس8:34)۔

اُو جیہڑے یسوع دی پیروی کرن وِچ دلچسپی نئیں رکھدے نے، چاہے کُج وی قیمت چکانی پئے، اُوہناں نوں جڑ توں اُکھاڑ دے باہر سُٹ دینا چائی دا اے۔ او جنہاں دی نگہداشت نوزائیدہ بچیاں وانگر ہونی چائی دی اے اُو نے جنہاں نوں میں ’’قبول کرن آلے takers‘‘ کہنا واں۔ او جیہڑے ’’قبول کرن آلے‘‘ ہوندے نے اُو خود دا انکار کرنا نئیں چاہندے۔ اُو یسوع نو کُج وی دینا نئیں چاہندے۔ جے تُسی ہمیشہ لئی نگہداشت کرانا چاہندے او، تے اے گرجا گھر تہاڈے لئی نئیں اے۔

میری ووہٹی علیانہ Ileana جِدوں صرف سولہ وریاں دی عمر دی سی تے ساڈے گرجا گھر چہ آئی سی۔ تِن ای ہفتیاں وِچ اُوہناں نے اپنی راہ بنا لئی سی۔ صرف تِن ای ہفتیاں دے بعد اُوہناں نوں ’’چُنے جان‘‘ دی لوڑ نئیں پئی سی۔ اُو ساڈے گرجا گھر چہ آندے نال ای اِک کم کرن آلی رُکن بن گئی سی۔ جدوں اُو صرف 17 وریاں دی سی تے اُو فون تے نبھان آلی ذمہ داریاں سنبھال چکی سی۔ جدوں اُو صرف 19 وریاں دی سی تے اُوہناں نے میرے نال شادی کیتی۔ جدوں ساڈے جُڑواں مُنڈے پیدا ہوئے تے اُو اُوہناں نوں پہلے ای اتوار نوں گرجا گھر چہ لے آئی۔ میرے پُتر لیزلی نے جدوں توں اُو پیدا ہویا اے اِتوار دا گرجا گھر کدی وی نئیں مِس کیتا۔ اپنی ساری حیاتی وِچ ویزلی نے صرف اِک اِتوار بیماری دی وجہ توں مِس کیتا۔ دوجی بے شمار عورتاں نے کہیا اے بہت زیادتی سی۔ اُو بچیاں نوں گھراں چہ رکھدیاں سن جدوں کدی وی اُوہناں نوں ماڑی جئی نِچھ وی آ جائے۔ لیکن میری ووہٹی درست سن تے دوجیاں عورتاں غلط سن۔ اُوہناں دے بچے تقریباً اِک خود غرضانہ حیاتی جین لئی گرجا گھر چھڈ کے جا چُکے نے۔ اَج دے دن تیکر میرے دوویں مُنڈے ایتھے ہر عبادت وِچ رئے نے۔ اُو ایتھے نے کیوں جے میری ووہٹی مسیح دی شاگردہ نے۔ ڈاکٹر کرھیٹین ایل چعین Dr. Kreighton L. Chan، جیہڑے چند اِک منٹاں وچ اپنی سٹھویں منان گے، اُوہناں نے مسز ہائیمرز دے بارے چہ کہیا، ’’جدوں پہلی مرتبہ ساڈے گرجا گھر وچ آئے میں اُوہدوں توں اُوہناں نوں جاننا واں۔ اُوہناں کول اُوس ویلے وی مسیح لئی شدید محبت تے گمراہ لوکاں لئی اِک جنون سی، تے ہُن تیکر جاری اے۔ اِک [نوعمر] دی حیثیت نال اُوہناں نے اپنی حیاتی نوں ساڈے گرجا گھر دی مذہبی خدمت لئی وقف کر دِتا تے کوئی وی کسر نہ چھڈی … نوجوان لوکو، آؤ مسز ہائیمرز نو اپنے لئی اِک ماڈل بناؤ۔ جے تُسی اُوہناں دی مثال دی پیروی کردے اُو، تے ساڈے گرجا گھر دا اِک شاندار تے جلالی مستقبل ہووے گا۔‘‘

چونکہ اَسی اَج دی راتی ڈاکٹر چعین دی سٹھویں سالگرہ منا رئے نے تے مِینوں کہناں چائیدا اے کہ اُو وی مسیح دے شاگرد ہون دی اِک روشن مثال نے۔ اُو ساڈے گرجا گھر وچ مسح کیتے ہوئے پادری صاحب نے۔ اُو اِک بچے دی حیثیت نال انتہائی بیمار رہیا کردے سن۔ اُو ایس قدر بیمار سن کہ اُوہناں [ڈاکٹراں] نے اُوہناں نوں زیادہ تر اُوہناں دے بچپنے چہ ہسپتال وچ اِک شیشے دے پنجرے چہ رکھیا سی۔ اِک نوعمر دی حیثیت نال اُو ساڈے گرجا گھر وچ اِک میڈیکل ڈاکٹر بنن لئی مطالعہ کرن آلے نوعمر دی حیثیت نال آئے سن۔ دوجے ڈاکٹراں نے اُوہناں نوں دسیا سی کہ اُو تی وریاں توں زیادہ عمر نئیں لنگاہ پان گے۔ اُو اِک ماڑے جئے کمزور انسان بن گئے ہوندے جو چاہندا کہ گرجا گھر اُوہناں دی نگہداشت کرے۔ لیکن نئیں! اُوہناں نے خُود نُوں گرجا گھر دے کماں دے حوالے کر دِتا تے مسیح دے اِک شاگرد بن گئے۔ اُوہناں [ڈاکٹراں] نے اُوہناں نوں [ڈاکٹر چعین] دسیا کہ خود نوں زیادہ مت تھکاؤ ورنہ اُو تی وریاں دی عمر توں پہلاں ای مر جان گے۔ لیکن مسیح دے کماں نے دراصل ڈاکٹر چعین نوں قوت بخشی۔ اُو توقع توں وی تی ورے زیادہ اِک چنگی مضبوط حیاتی بسر کر چُکے نے۔ اُوہناں نے اپنی صلیب چُکی تے مسیح دی پیروی کیتی۔ تے اُو ہُن سٹھ وریاں دی عمر چہ خُدا دے اِک قوی بندے دی حیثیت نال ایس پلیٹ فارم تے ڈٹے ہوئے نے!

میں جاری رہ سکنا واں تے تہانوں مسڑ مینسیا Mr. Mencia، اور مسز سلازار Mrs. Salazar، اور مسٹر بعین گریفتھ Mr. Ben Griffith دے بارے چہ دس سکنا واں، جیہڑے اپنی ووہٹی دے نال اَج دی راتی چُھٹی تے نے۔ میں تہانوں مسٹر اور مسز وَرجِیل نِکل Mr. and Mrs. Virgel Nickell دے بارے چہ دس سکنا واں، جنہاں نے سانوں ایس عمارت نوں خریدن لئی زیادہ تر پیسہ اُدھار دِتا سی۔ مسٹر نِکل شوگر دے مرض دے نال 75 وریاں دی عمر دے نے – ایس دے باوجود ساڈے گرجا گھر چہ ہون لئی ہر بدھ دی رات، ہر اتوار دی سویر تے ہر اتوار دی رات نوں اِک گھنٹے توں وی زیادہ آن تے اِک گھنٹے تُوں وی زیادہ جان لئی گڈی چلاندے نے۔ یا میں تہانوں ایس حیرت انگیز نوجوان بندے، محترم جناب جان سیموئیل کیگن Reverend John Samuel Cagan دے بارے چہ دس سکناں واں جیہڑے چھیتی ای میری تھاں تے ایس گرجا گھر دے پادری صاحب ہون گے۔ اے سارے دے سارے لوکی یسوع دے شاگرد تے صلیب دے سپاہی بن چُکے نے۔

میرے پادری صاحب ڈاکٹر ٹیموٹھی لِن Dr. Timothy Lin نے کہیا، زیادہ دے مقابلے چہ گھٹ بہتر ہوندا اے … اِتوار نوں مسیحی عبادت دے گرجا گھر وچ بیٹھن آلا ہر لمبا بینچ شاید پریا ہویا ہووے، لیکن حقیقت ایہہ ہوندی اے کہ دعائیہ اِجلاس وِچ صرف مُٹھی پر لوکی ای ہوندے نے… اسی نئیں کہہ سکدے ایہہ چنگی گل اے‘‘(کلیسیا کے پروان کا راز The Secret of Church Growth، صفحہ 39)۔

بائبل وِچوں ویکھو۔ تُسی بار بار ویکھو گے کہ ’’زیادہ دے مقابلے وِچ کم ہونا بہتر ہوندا اے۔‘‘ یسوع نے 11 لوکاں نوں لہیا تے دُنیا نوں بدل ڈالہیا کیوں جے اُوس دے لوک اُوس لئی تے اُوہدے مقصد لئی مرن نوں تیار سی۔ کلیسیا دی تاریخ وِچ اسی ایہو ای سبق ویکھنے آں۔ پینتیکوست دے موقع تے صرف 120 لوکی موجود سن۔ صرف چند اِک موراوئین Moravian مسیحیاں نے موجودہ زمانے دے مشن دی تحریک نوں چنگاری وکھائی۔ صرف چند اِک میتھوڈسٹ لوکاں نے، محض مُٹھی بھر لوکاں نے، عظیم بیداری نوں بھڑکایا۔ صرف چند اِک لوکاں نے چین دے اندرون وِچ انجیلی بشارت دے پرچار لئی جیمس ہڈسن ٹیلر James Hudson Taylor دی پیروی کِیتی سی۔

اُو جیہڑے مسیح لئی اپنا بہترین پیش کرن لئی تیار نئیں ہوندے نے اُوہناں نوں جڑ توں پُٹ کے سُٹ دینا چائیدا اے۔ اُو جیہڑے ہمیشہ لئی بچیاں وانگوں ورتایا جانا چاہندے نے اوہناں نوں جڑ توں پُٹ کے سُٹ دینا چائیدا اے۔ اُو جیہڑے اپنی آسائیش دے دائرے توں کدی وی باہر نئیں نکلنا چاہندے اُوہناں نوں جڑ توں پُٹ کے سُٹ دینا چائیدا اے۔ اُو مسلسل ’’قبول کردے رہن آلے لوکی‘‘ ہوندے نے جیہڑے مسیح لئی کدی وی کُج نئیں دیندے۔ جے اسی شاگرداں دا اِک گرجا گھر چاہنے آں تے سانوں ’’قبول کرن آلیاں‘‘ نوں جان دینا ہووے گا، کہ ساڈے کول شاید اُو نوجوان لوکی ہون جیہڑے مدیانیاں دی انجیلی بشارت دے پرچار دی نوی مدھم تعلیم نوں للکارنا تے اِینوں بدلنا چاہندے ہون۔ سانوں ایناں لوکاں دی حوصلہ افزائی کرنی چائیدی اے جیہڑے اپنی حیاتیاں نوں یسوع مسیح لئی نبھانا چاہندے ہون۔ تے سانوں اُوہناں دی حوصلہ افزائی نئیں کرنی چائیدی جیہڑے ساڈے کولوں چاہندے ہون کہ اُوہناں دے نال اُوہناں بچیاں وانگر روئیہ اختیار کیتا جائے جیہڑے کدی وی وڈے نئیں ہوندے! سانوں اُوہناں دی حوصلہ افزائی کرنی چائیدی اے جیہڑے یسوع دے شاگرد بننا چاہندے ہون، تے سانوں باقی لوکاں نوں گھر جان دینا چائیدا اے جیویں جدعون نے کیتا سی!

مہربانی نال کِھلو جاؤ تے اپنے گیتاں دے ورق وِچوں حمدوثنا دا گیت نمبر 1 گاؤ، ’’ودھی چلو، مسیحی سپاہیوں Onward, Christian Soldiers۔‘‘ اینوں گاؤ!

ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو:
مسیح جیہڑا شاہی حاکم اے دشمناں دے خلاف رہنمائی کردا اے؛
   جنگ وِچ اُوہدے چنڈھے نوں اَگے وددھا ہویا ویکھو۔
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو۔

جیویں اِک طاقتور فوج خدا دے گرجا گھر نوں چلاندی اے؛
   پراہؤ، اَسی قدم ودھا رئے آں جیتھے مقدساں نے قدم ودھائے سن؛
اَسی تقسیم نئیں ہوئے آں، اَسی سب اِکو ای بدن آں،
   عقیدے تے اُمید وِچ اِک، صدقے وِچ اِک
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو۔

فیر اَگے ودھو، تُسی لوکی، ساڈی خوشی آلی پیھڑ وِچ شامل ہوؤ،
   فاتحانہ گیت وِچ ساڈیاں واجاں نال اپنی واجاں نوں رَلا لو؛
جلال، ستائش تے تعظیم یسوع بادشاہ دی ای ہووے؛
   لا تعداد زمانیاں توں ایہہ ای لوکی تے فرشتے گاندے آئے نے۔
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو:
(’’ودھی چلو، مسیحی سپاہیو Onward, Christian Soldiers‘‘
شاعرہ سابین بارنگ گوولڈ Sabine Baring-Gould، 1834۔1924)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ پہلاں کلّیاں گیت مسٹر نوح سُونگ Mr. Noah Song نے گایا سی:
’’ودھی چلو، مسیحی سپاہیو Onward, Christian Soldiers‘‘
(اعرہ سابین بارنگ گوولڈ Sabine Baring-Gould، 1834۔1924)۔


لُبِ لُباب

جدعون دی فوج!

GIDEON’S ARMY!

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’خُداوند نے جدعون نے کہیا، تیرے نال اینے لوکی نے کہ میں مدیانیاں نوں اُوہناں دے ہتھ وِچ نئیں کر سکدا، اینج نہ ہووے کہ اسرائیل میرے بجائے اپنے اُتے فخر کرن کہ اُوہناں دی اپنی قوت نے اُوہنان نوں بچایا‘‘
     (قُضاۃ 7:2)۔

I.    پہلی گل، اُو اِرتداد، قضاۃ6:12، 13۔

II.   دوسری دوجی گل، بائبل دا خُدا ہُن وی زندہ اے! مُلاکی3:6؛
قضاۃ7:1۔3؛ لوقا8:12؛ قضاۃ7:4، 1، 7، 12؛ مرقس8:34 .