Print Sermon

ဤတရားဒေသနာစာရွက်နှင့်ဗွီဒီယိုဖိုင်သည် လတိုင်းလတိုင်းတွင် ကွန်ပြူတာပေါင်း ၁၁၆၀၀၀ ဖြင့် နိူင်ငံပေါင်း ၂၁၅ ကျော်သို့ www.sermonsfortheworld.com တွင် ရောက်သွားလေ့ရှိသည်။ အခြားရာပေါင်းများစွာသောသူတို့က ဗွီဒီယိုကို YouTube တွင် ကြည့်ကြသည်။ ဤတရားဒေသနာစာရွက်ကို လတိုင်း၊ လတိုင်း ဘာသာစကား ၃၄ ခုဖြင့် ထောင်ပေါင်းများစွာသောလူတို့ကို ဝေငှပေးထားသည်။ မွတ်စလင်နှင့် ဟိန္ဒူလူမျိုးများ အပါအဝင် ကမ္ဘာတဝှမ်း၌ ဧဝံဂေလိတရားကို ကျဲဖြန့်နိူင်ရန်အတွက် ကြီးမားသည့်အလုပ်တွင် ကျွန်ုပ်တို့အား အကူအညီပေးရန် လစဉ်အလူတော်ငွေ ပါဝင်နိူင်ရန် ဤနေရာတွင် ကျေးဇူးပြုပြီး နှိပ်ပါ။

ဒေါက်တာ Hymers ထံသို့ စာရေးသားသည့်အချိန်တိုင်းတွင် မည်သည့်တိုင်းပြည်၌ နေထိုင်ကြောင်းကို အမြဲတမ်းပြောပါ။ သို့မဟုတ်လျှင် အဖြေပေးနိူင်မည်မဟုတ်ပါ။ ဒေါက်တာ Hymers ၏လိပ်စာမှာ rlhymersjr@sbcglobal.net. ဖြစ်ပါသည်။




ခရစ္စမတ်ကိုနှစ်သက်သည် - ဒေါက်တာ JOHN R. RICE ၏ဒေသနာကို လိုက်ဖက်အောင်ပြင်ဆင်သည်။

I LOVE CHRISTMAS – ADAPTED FROM DR. JOHN R. RICE
(Burmese)

လော့စ်အိန်ဂျယ်လ်ရှိ Baptist Tabernacle အသင်းတော်တွင် ၂၀၁၁ခုနှစ်
ဒီဇင်ဘာလ ( ၁၈ ) ရက်နေ့ ညနေပိုင်းတွင် ဟောကြားသော Dr. R. L. Hymers, Jr. ၏ တရားဒေသနာဖြစ်သည်။
A sermon preached at the Baptist Tabernacle of Los Angeles
Lord’s Day Evening, December 18, 2011

"အိမ်သို့ဝင်လေသော်၊ မယ်တော်မာရိနှင့်တကွ သူငယ်တော် ကိုတွေ့မြင်လျှင် ပြပ်ဝပ်ကိုးကွယ်၍၊ မိမိတို့ဘဏ္ဍာဥစ္စာတို့ကို ဖွင့်ပြီးမှ လောဗန်၊ နှင့်မုရန်တည်းဟူသော နံ့သာမျိုးကို၄င်း၊ ရွှေကို၄င်း ဆက်ကပ်ပူဇော်ကြ၏။" ( (မဿဲ ၂း ၁၁ ) )


ဒေါက်တာ John R. Rice (၁၈၉၅- ၁၉၈၀ ) သည် ကောင်းမွန်ပြီး စဉ်းစားချင့်ချိန်တတ် သောခရစ်ယာန်တစ်ယောက်ဖြစ်ပါသည်။ ယနေ့ညတွင် သူဟောကြားသည့် "ခရစ္စမတ်ကိုချစ် သည်" တရားဒေသနာထဲက အဓိကအချက်များကို ကောက်နှုတ်ဟောကြားလိုပါသည်။ တရား ဒေသနာက တိုတောင်းပြီး အချို့နေရာများတွင် ကွဲပြားခြားနားစွာ စကားလုံးရွေးချယ်သုံးနှုန်း ထားသည်။ ဒေါက်တာ John R. Rice က ဤသို့ဆိုသည်။

ခရစ္စမတ်ရာသီကို ကျွနု်ပ်နှစ်သက်သည်။ ကောင်းကင်တမန်တွေ၊ သိုးထိန်းကြီးတွေ၊ နွားစာခွက်၊ အပျိုးကညာမွေးဖွါးခြင်း၊ ပညာရှိ များ၊ စသဖြင့် ခရစ္စမတ်၏အဓိကအကြောင်းများနှင့်ပါတ်သက်ပြီး တရားဒေသနာဟောကြားရသည်ကို၀မ်းမြောက်ပီတိဖြစ်မိသည်။ ခရစ္စမတ်ကယ်လ်ရိုကိုလည်း နှစ်သက်သည်။ ကျွနု်ပ်တို့မိသားစု တွင် ၀တ်ပြုကိုးကွယ်ချိန်လေး၏ဝမ်းမြောက်စရာအမှတ်တရလေး တစ်ခုရှိသည်။ ခရစ္စမတ်အချိန်ခါသမယအားဖြင့် ကျွနု်ပ်၏စိတ်နှ လုံးသားထဲတွင် ဘုရားသခင်ကို လှိုက်လှိုက်လှဲလှဲကျေးဇူးတင်မိ သည်။ ခရစ္စမတ်ပွဲအတွက် ချစ်ရသောသူများ၊ မိသားစုများ အတူ တကွစုရုံးခြင်းကို လွန်စွာနှစ်သက်သည်။ ခရစ္စမတ်လက်ဆောင် လေးပေးရသည်ကိုလည်း နှစ်သက်သည်။ ချစ်ရသောသူများ၊ မိတ် ဆွေသူငယ်ချင်းများက အမှတ်တရဖြစ်နေသည်ကိုလည်း မက် မောမိသည်။ခရစ္စမတ်ရာသီကို အလွန်ပင်နှစ်သက်မိသည်။ (ဒေါက်တာ John R. Rice, ခရစ္စမတ်ကိုနှစ်သက်သည်၊ ဘုရားသ ခင်၏ဓါး၊ ၁၉၅၅၊ စာ- ရ )

သို့ရာတွင် ဒေါက်တာ Rice က အချို့တို့သည် "စိတ်ကုန်ကြသည်၊ စိတ်သဘောဖြူစင်ခြင်းမရှိ ကြ၊ ခရစ္စမတ်အကြောင်းနှင့်ပါတ်သက်ပြီး ကန့်ကွက်မှုများပြုလုပ်ကြသည်" ဟုဆိုသည်။( ၄င်း) သူတို့က ခရစ်တော်၏မွေးနေ့ကျင်းပသောသူတို့အား ဝေဖန်တိုက်ခိုက်ကြသည်။

၁။ ပထမအချက်၊ ခရစ္စမတ်သည် ခရစ်တော်၏မွေးနေ့မဟုတ်ပါ ဟုဆိုကြသည်။

ကျွနု်ပ်တို့က ခရစ်တော်မွေးဖွါးလာသည့်နေ့ရက်ကို အတိအကျ သိရှိမထားသည်မှာ မှန်ပါသည်။ သမ္မာကျမ်းစာက ဖော်ပြထားခြင်းမရှိပါ။ သို့သော် ထိုအချက်က ခရစ္စမတ်နေ့တွင် ခရစ်တော်၏မွေးနေ့ကို အောက်မေ့သတိရရန် အမှားကျူးလွန်ထားသည်မဟုတ်။

တချိန်က ဒေါက်တာ Rice သည် ရက်ထပ်နှစ်ဖြစ်သည့် ဖေဖော်ဝါရီလ ၂၉ ရက်နေ့ တွင်မွေးဖွါးသည့် မိန်းကလေးတစ်ယောက်ကိုသိခဲ့သည်။ ထိုနေ့ရက်သည် လေးနှစ်လျှင်တစ် ကြိမ် သို့မဟုတ် ရက်ထပ်နှစ်တွင်သာ ရောက်ရှိတတ်သောကြောင့် သူမ၏မွေးနေ့ရက်အစစ်အ မှန်မဟုတ်သော်လည်း ၄င်း၏မိဘများသည် သူမ၏မွေးနေ့ကို ဖေဖော်ဝါရီ ၂၈ ရက်နေ့တွင် ကျင်းပလျှင်ပင် မှားယွင်မည်မဟုတ်ဟု ပြောဆိုခဲ့သည်။

ဒီဇင်ဘာ ၂၅ ရက်နေ့သည် ကျွနု်ပ်တို့ရောက်ရှိလာနိူင်သည့် အနီးစပ်ဆုံး ခရစ်တော်၏ မွေးနေ့ဖြစ်ပါသည်။ ကျွနု်ပ်တို့သည် သခင်ယေရှုကိုချစ်ကြသည်ဖြစ်၍ သူ၏မွေးနေ့ကို လူတိုင်း သတိရကြသည်။ ကျွနု်ပ်တို့သည် ကလေးသူငယ်များအား နွားစာခွက်ထဲကသူငယ်တော်အ ကြောင်း၊ သူ့ကိုကိုးကွယ်ရန် အရှေ့ပြည်မှရောက်ရှိလာသောမာကုပညာရှိများအကြောင်း၊ ကောင်းကင်တမန်က မာရိထံထင်ရှားသည်အကြောင်း၊ သိုးထိန်းများထံ သီဆိုချီးမွမ်းကြသော ကောင်းကင်တမန်များအကြောင်းကို ပြောလေ့ရှိကြသည်။ ဒီဇင်ဘာ ၂၅ ရက်နေ့သည် အခြား နေ့များကဲ့သို့ ကောင်းသောနေ့ရက်မဖြစ်ရသနည်း။ ခရစ်တော်၏မွေးနေ့ရက်ဆီသို့ရောက်ရှိလာ နိူင်သည့် အနီးစပ်ဆုံးသောနေ့ရက်တွင် ခရစ်တော်၏မွေးနေ့ရက်ကို သတိရရန်မှာ မှားယွင်း သည်ဟု ထင်မိပါသလား။

၂။ ဒုတိယအချက်၊ ခရစ္စမတ်သည် "ခရစ်တော်၏လူထု" ကစ်သိုလစ်ရုံးပိတ်ရက် တစ်ခုဖြစ်သည်ဟု ဆိုကြသည်။

သူတို့က ခရစ္စမတ်ဟူသည်မျာ ခရစ်တော်၏လူထုမှဆင်းသက်လာပြီး ၄င်းကို ကက်သို လစ်များက အစပြုကြသည်ဟူ၍လည်းကောင်း၊ ပရိုတဲတင်းများက ကျင်းပနေစရာမလိုဟူ၍ လည်းကောင်း ဆိုကြသည်။ ထိုကန့်ကွက်မှုများသည် မှားယွင်းနေသလားလို့ ကျွနု်ပ်ထင်မိ သည်။

[ကယ်လီဖိုးနီးယားပြည်နယ်ရျိ မြို့ကြီးများနှင့်မြို့နယ်များ၏အမည်များသည် ကစ်သို လစ်မှဆင်းသက်လာခြင်းဖြစ်သည်။ လော့အိန်ဂျယ်လ်သည် မူလက ကစ်သိုလစ်နာမည်ဖြစ် သည်။ သို့သော် "လော့အိန်ဂျယ်လ်" နာမည်ကိုအသုံးပြုသောအခါ ကစ်သိုလစ်အကြောင်းကို ကျွနု်ပ်တို့မစဉ်းစားကြပါ။ "ဆန်ဒိုင်ဂို" သို့မဟုတ် "ဆန်ဖရင်ဆစ္စကို" သို့မဟုတ် "ဆက်ခရီမင် တို" ဟုဆိုကြသောအခါ ကစ်သိုလစ်အကြောင်းကို ကျွနု်ပ်တို့မစဉ်းစားကြပါ။] အမည်နာမများ သည် မည်သည်ကဆင်းသက်ပါစေ ဆိုလိုသောအရာကိုသာ အဓိပ္ပါယ်ပေါ်လွင်စေသည်။

သတ္တမဥပုတ်အသင်းတို့က တနင်္ဂနွေနေ့ဝတ်ပြုကိုးကွယ်ခြင်းနှင့်ပါတ်သက်ပြီး တခါတ ရံ စောဒက တက်လိုကြသည်။ ဆန်းဒေးဟူသည်မှာ နေကိုကိုးကွယ်ခြင်းမှဆင်းသက်သည်ဟု ဆိုကြသည်။ ကျွနု်ပ်က စနေဟူသည်မှာ မှားယွင်းသောဘုရာ ဆန်တန်ကိုးကွယ်ခြင်းအဓိပ္ပါယ် ကိုဖော်ဆောင်သည်ဟု ပြန်လည်ချေပလေ့ရှိသည်။ သို့သော် "တနင်္ဂနွေ" ဟူသောစကားလုံးကို အသုံးပြုကြသောအခါ အဘယ်သူမျှ နေကိုးကွယ်ခြင်းအကြောင်းကို မစဉ်းစားကြပါ။ ခရစ္စမတ် နေ့ကိုကျင်းပပြုလုပ်သောသူတို့၏စိတ်နှလုံးသားထဲတွင် အဘယ်အရာမျှမရှိသည့်အချိန်၌ အတုဖန်တီးထားသည့်ကွဲပြားခြားနားမှုကိုပြုခြင်းသည် မိုက်မဲရာကျပါသည်။ ဇန်နာဝါရီလသည် ရောမဘုရား ဇန်န ကိုအစွဲပြုထားသည်။ ခရစ်ယာန်များသည် ထိုနာမည်ကိုခေါ်သည့်အချိန်တွင် အပြစ်ကိုပြုကြပါသလား။ ရိုးရိုးတန်းတန်းစဉ််းစားလျှင် ခရစ္စမတ်၏အဓိပ္ပါယ်မှာ ခရစ္စမတ်သာ ဖြစ်ပါသည်။ လူထုဟူသောအဓိပ္ပါယ်ကိုလည်း ဖော်ဆောင်မထားပါ။ ကစ်သိုလစ်များက လူထု ဖြစ်ကျင်းပနိူင်သော်လည်း ပရိုတဲ့တင်းများကမူ ထိုသို့မဟုတ်ပါ။

၃။ တတိယအချက်၊ ခရစ္စမတ်နေ့သည် ကနဦးမကောင်းသည့်ရုံးပိတ်ရက်ဖြစ်သည် ဟုဆိုကြသည်။

ခရစ္စမတ်နေ့သည် ရှေးခေတ်မယုံကြည်သူတို့၏ရုံးပိတ်ရက်တစ်ခုဖြစ်သည်ဟု ကျွနု်ပ် ထင်မိသည်။ ဤအကြောင်းပြချက်သည် အရေးကြီးသည့်အချက်တော့မဟုတ်ပါ။ မယုံကြည် သောသူတို့သည် နေ့တိုင်း တစ်စုံတစ်ခုကိုလုပ်ကြသည်။ သူတို့သည် စိုက်ပျိုးခြင်းနှင့်ရိတ်သိမ်း ခြင်းအကြောင်း၊ လဆန်းလဆုတ်အကြောင်းများနှင့်ပါတ်သက်ပြီး ပွဲလန်းသဘင်ကျင်းပကြပါ သည်။ ထို့ကြောင့် မယုံကြည်သူများသည် ဒီဇင်ဘာ နှစ်ဆယ့်ငါးကို ရုပ်တုကိုးကွယ်ဖို့အတွက် အသုံးပြုကြလျှင် ယခုတွင် ခရစ်ယာန်များသည် ခရစ်တော်နှင့် ၄င်း၏မွေးနေ့ကို ဂုဏ်ပြုရန် အ ဘယ့်ကြောင့် အသုံးမပြုသင့်သနည်း။ ခရစ်တော်၏မွေးနေ့ကိုအမှတ်ရစေရန် မည်သည့်နေ့ရက် ကိုအသုံးပြုနေသည်ဖြစ်ပါစေ အရေးမကြီးပါ။ အခြားတစ်စုံတစ်ယောက်က မကောင်းသည့်အ ကြောင်းတရားအတွက် အသုံးပြုသည်ဖြစ်ပါစေ အရေးမကြီးပါ။ သို့သော် ယခုတွင်မူ နေ့ရက် တိုင်းသည် ခရစ်တော်ပိုင်ဆိုင်သောနေ့ရက်ဖြစ်သောကြောင့် ဘုရားသခင်ကိုချီးမွမ်းပါသည်။ ဒီဇင်ဘာ ၂၅ ရက်နေ့အပါအဝင် မကောင်းသည့်ဘုရားများပိုင်ဆိုင်သည့်နေ့ရက်လုံးဝမရှိတော့ ပါ။ ဒီဇင်ဘာ ၂၅ ရက်နေ့သည် တနည်းမဟုတ် အခြားတစ်နည်းတွင် ခရစ်တော်ကို လေးစား ဂုဏ်ပြုရန်အသုံးပြုသင့်ပါသည်။

၄။ စတုတ္ထအချက်၊ ခရစ္စမတ်သစ်ပင်နှင့်အလှပန်ချီများသည် မကောင်းသော အရာများဖြစ်ကြသည်ဟု ဆိုကြသည်။

လူအချို့က သမ္မာကျမ်းစာထဲတွင် ခရစ္စမတ်သစ်ပင်ကို ယေရမိ ၁၀း ၃- ၄ တွင် တား မြစ်ထားသည်ဟု ဆိုကြသည်။ သို့သော် ထိုကျမ်းပိုဒ်က ခရစ္စမတ်သစ်ပင်အကြောင်း ပြောဆို ထားခြင်းမရှိပါ။ သစ်သားဖြင့်ပြုလုပ်ပြီး ငွေနှင့်ရွှေအားဖြင့်ပတ်ရစ်ထားသည့်ရုပ်တုအကြောင်းကို သာပြောဆိုထားသည်။ ကျန်သည့်ကျမ်းပိုဒ်များက ရုပ်တုကို ရွှေငွေဖြင့် အသေအချာနှင့်အကုန် အကျခံလုပ်ဆောင်ထားသည့်ကြောင်းနှင့်ခရစ်နုရောင်ဖြင့် ၀တ်ဆင်စေသည်အကြောင်းကိုသာ မိန့်ဆိုထားသည်။ [ဒေါက်တာ Hymers ၏မှတ်စု ။ ဤကျမ်းပိုဒ်သည် အကြောင်းပြချက်နှစ်မျိုး ဖြင့် ခရစ္စမတ်သစ်ပင်အကြောင်းကို မိန့်တော်မမူပါ။ (၁) ယေရမိ၏အချိန်ကာလတွင် ခရစ္စမတ် လည်းမရှိ၊ ခရစ္စမတ်သစ်ပင်လည်းမရှိပါ။ (၂) ယနေ့တွင် အဘယ်သူမျှ ခရစ္စမတ်သစ်ပင်ကို မ ကိုးကွယ်ကြပါ။] သမ္မာကျမ်းစာက ခရစ္စမတ်သစ်ပင်ကို တားမြစ်မထားပါ။ [ခရစ္စမတ်သစ်ပင် သည် လူတို့က ခရစ္စမတ်အချိန်ခါသမယတွင် အိမ်များနှင့်အသင်းတော်များတွင်ထားရှိသည့် ပန်းစည်းများထက် အပြစ်ရှိသည်ဟု မဆိုလိုတော့ပါ။]

ဟော်လီ၊ သို့မဟုတ် ကျီးပေါင်းပင်တစ်မျိုး၊ သို့မဟုတ် အခြားအစိမ်းရောင်သစ်ပင်များ ဖြင့် အိမ်ကိုတန်ဆာဆင်ခြင်းတွင် ထိခိုက်နာကျင်စေမှုတစ်စုံတစ်ရာရှိပါသလား။ ကျေးဇူးတော် ချီးမွမ်းခြင်းအချိန်သမယတွင် ဖရုံသီး၊ နှင့်အခွံမာရိုးတံများဖြင့်အလှဆင်ခြင်းထက် အပြစ်သင့် သည်မဟုတ်။ အောက်မေ့ဖွယ်နေ့တွင် ပန်းစည်းများဖြင့် သင်္ချိုင်းကို အလှဆင်သည်ထက် အ ပြစ်ကြီးသည်လည်းမဟုတ်။ ကျွနု်ပ်တို့သည် ဤသဘာဝအလှတရားများအပေါ်မှာ စိတ်အာရုံ ထားနေမည်ဆိုလျှင် ဘုရားသခင်သည် အမှန်တကယ်ကျေနပ်နေမည်မဟုတ်ပါ။

[ဒေါက်တာ Hymers ၏ မှတ်စု ။ ခရစ္စမတ်သစ်ပင်သည် ပရိုတဲတင်းပြုပြင်သူ မာတင် လူသာက ထင်းရှူးရွက်အားဖြင့် တောက်ပနေသောကြယ်လေးများကိုမြင်တွေ့ခြင်းအာဖြင့် အစ ပြုခဲ့ပါသည်။ သူသည် ထိုအရာကိုအိမ်ထဲသို့ဆောင်ယူလာပြီး ဖယောင်းတိုင်များဖြင့်အလှဆင် ပြီး ယင်းသို့လုပ်ဆောင်ခြင်းမှာ ယေရှုမွေးဖွါးသည့်အချိန်က တောက်ပခဲ့သောကြယ်ကို သူ့အား အမှတ်ရစေရန်ဖြစ်သည်။ ထိုပုံပြင်သည် အမှန်တကယ်သာဖြစ်လျှင် ခရစ္စမတ်သစ်ပင်သည် ပရို တဲ့တင်းက အစပြုထားခြင်းဖြစ်သည်။]

ကျွနု်ပ်သည် ခရစ္စမတ်နှင့်ခရစ္စမတ်အလှဆင်မှုကို သဘောကျသည်။ ထိုအရာတို့သည် မှားယွင်းသည်ဟု ကျွနု်ပ်မထင်ပါ။ ဘုရားသခင် လူ့ဇာတိခံယူသည်အကြောင်း၊ ဖန်ဆင်းရှင် သည် သူငယ်တော်ဖြစ်လာသည်အကြောင်း၊ "ချမ်းသာသော်လည်း" သင့်အဖို့ ဆင်းရဲဒုက္ခခံ တော်မူသည်အကြောင်းကို ကျွနု်ပ်စိတ်နှလုံးသားထဲတွင် စဉ်းစားမိသည်အချိန်တွင်လည်း ကောင်း၊ သူ၏ဆင်းရဲခံရခြင်းအားဖြင့် သင်သည် ချမ်းသာရာရသည်အကြောင်း ၀မ်းမြောက်ခြင်း ကိုထင်ရှားစေသည့် အရာသာဖြစ်သည်။ (၂ကော ၈း ၉ )

၅။ ပဥ္စမအချက်၊ ရုံးပိတ်ရက်များတွင်ဖြစ်ပျက်သည့် လောကဆန်မှုများနှင့်ခရစ် ယာန်နည်းလမ်းမကျသည့်မြူးထူးပျော်ပါးခြင်းများကြောင့် ခရစ္စမတ်ကို ကန့်ကွက်ကြသည်။

လူများစွာတို့သည် ခရစ္စမတ်နေ့တွင် ယေရှုခရစ်ကိုရိုသေလေးမြတ်ခြင်းမရှိကြသည်မှာ မှန်ပါသည်။ ကြီးမားသည့်အပြစ်ဟု ကျွနု်ပ်မြင်မိသည်။ ခရစ်တော်အကြောင်းကိုပြောဆိုသင့် သည့်အချိန်တွင် တခါတရံ လူတို့သည် စန်တာအကြောင်းလိမ်လည်ပြီး ကလေးများကို မ ကောင်းသည့်အရာများဖြင့် လှည့်ဖြားတတ်ကြသေးသည်။ ထိုအကြောင်းသည် ဆိုးသွင်းသော အရာဖြစ်သည်ဟုလည်း ကျွနု်ပ်ထင်မိသည်။ လိမ်လည်ခြင်းသည် အမြဲတမ်းမှားယွင်းပါသည်။ ဘုရားသခင်မုန့်တီးသည့်အရာလည်းဖြစ်ပါသည်။ လှည့်ဖြားခြင်းသည် ယေရှု၏မွေးနေ့ကိုဂုဏ် ပြုရန် အညံ့ဖျင်းဆုံးနည်းလမ်းဖြစ်ပါသည်။ စန်တာပုံပြင်ဖြင့်ကလေးသူငယ်များကိုလှည့်စားခြင်း သည် အပြစ်တစ်ခုဖြစ်သည်။ ခရစ်ယာန်တစ်ယောက်သည် ထိုအရာကို လစ်လျူမပြုသင့်ပါ။ လူတို့သည် ခရစ္စမတ်နေ့တွင် ဘုရားသခင်ကို ရိုသေလေးမြတ်ခြင်းမရှိကြသည်မှာ မှန်ပါသည်။ သူတို့လုပ်ဆောင်သည့်အရာမှာ ၀မ်းနည်းစရာဖြစ်သည်။ ဤတရားဒေသနာကိုကြားနားသည့် အဘယ်ခရစ်ယာန်မျှ ထိုသို့သောအပြစ်များဖြင့် ဘုရားသခင်ကို၀မ်းနေစေမည်မဟုတ်ဟု မျှော် လင့်မိသည်။

သို့သော် ကျွနု်ပ်တို့သည် ခရစ္စမတ်နေ့ကို စာတန်နှင့်ဆိုးသွင်းသောလူများဆီသို့ မ ပြောင်းစေသင့်ပါ။ အကြောင်းမှာ လူတို့သည် ခရစ္စမတ်နေ့တွင် ပြစ်မှားကြပါသည်။ လွဲမှားစွာ အသုံးပြုကြခြင်းကြောင့် တနင်္ဂနွေနေ့ကို အရှုံးပေးသင့်ပါသလား။ ရက်သတ္တပတ်၏အခြားသော နေ့ရက်များထက် တနင်္ဂနွေနေ့တွင် အရက်သေစာသောက်သုံးခြင်းသည် ပိုမိုများပြားသည်။ ပိုမို ဆိုးသွင်းမှုရှိသည်။ သို့ဖြစ်၍ ခရစ်ယာန်များသည် တနင်္ဂနွေနေ့ကို နတ်ဆိုး၏နေ့ရက်ဖြစ်သည် ဟုသတ်မှတ်ကာ လက်လျော့သင့်သလား။ ထိုသို့မဟုတ်ပါ။ ဗတ္တိဇံသည် ကယ်တင်ခြင်းအဖို့ မ ရှိမဖြစ်လိုအပ်သောအရာဖြစ်သည်ဟု သင်ကြားပေးကြသောလူများစွာလည်းရှိကြပါသည်။ သူ တို့က ရေကို ခရစ်တော်၏အသွေးတော်ထက် ပို၍ လေးစားသမှုပြုကြသည်။ ထိုအချက်မှာ မှား ယွင်းသောအရာဖြစ်သည်။ ထို့ကြောင့် လူအချို့တို့သည် အလွန်အကျွံအလေးအနက်ထားကြ ပြီး မှားယွင်းစွာအသုံးပြုခဲ့ကြသဖြင့် ကျွနု်ပ်တို့သည် ဗတ္တိဇံနှင့်ပါတ်သက်ပြီး ယေရှုခရစ်ကို နာမ ခံပဲနေသင့်သလား။ ထိုသို့မဖြစ်သင့်ပါ။

ခရစ်တော်၏ဒုတိယအကြိမ်ကြွလာခြင်းသည်် များစွာသောခံယူချက်များက မှားယွင်း စွာခံယူကြပြီး သွေဖြည်နေကြသည်။ မှားယွင်းသောသြဝါဒကိုကိုင်ဆောင်သူများက ခရစ်တော် ၏ကြွလာခြင်းကို လစ်လျူရှုကြသည်။ လူတို့က နေ့ရက်ကိုသတ်မှတ်ကြသည်။ ကျွနု်ပ်တို့က ခရစ်တော်၏ရုတ်တရက်ကြွလာခြင်းအကြောင်း သမ္မာကျမ်းစာ၏ရှင်းလင်းစွာဖော်ပြထားချက် ကို အလွဲသုံးစားအသုံးပြုခဲ့ကြခြင်းကြောင့် ငြင်းပယ်ကြသင့်သလား။ ထိုသို့မဟုတ်ပါ။

လူများစွာတို့က အခြားသောဘာသာစကားကိုပြောဆိုပြီး အပြစ်မရှိစုံလင်ခြင်းဖြင့် ပေါင်းစည်းကြသောကြောင့် သန့်ရှင်းသောဝိညာဉ်တော်၏ပြည့်စုံခြင်းနှင့်ဆိုင်သည့်သမ္မာကျမ်း စာ၏သြဝါဒကို ငြင်းပယ်ကြသင့်သလား။

ထိုနည်းတူစွာ ကျွနု်ပ်တို့သည် ခရစ္စမတ်ကို စာတန်နှင့်လောကသားများဘက်သို့ ပြောင်းစေခဲ့လျှင် အမှန်တကယ်မိုက်မဲသောသူများဖြစ်ကြပေမည်။ လောကသားများသည် မကောင်းဆိုးဝါးသည့်ပါတီပွဲများဖြင့် ခရစ္စမတ်ကိုကျင်းပနေကြလျှင် ခရစ်ယာန်မေတ္တာနှင့်မိဿ ဟာရရှိသောနေ့ရက်တစ်ခု၊ ခရစ်တော်ကို ချီးမြောက်သောနေ့ရက်တစ်ခုကို ဖန်တီးကြပါစို့။

လူတို့သည် လက်ဆောင်ပေးခြင်းကို ထုံးစံရှိသည်အတိုင်း ပြုလုပ်ကြပါသလား။ ကောင်းပါပြီ။ ခရစ်ယာန်များအတွက် မလိုအပ်ပါပေ။ ခရစ်ယာန်များသည် မေတ္တာကိုအမှန်တ ကယ်ထင်ရှားဖော်ပြသည့်လက်ဆောင်ကို ပေးနိူင်ပါသည်။

ပျော်ရွှင်ဖွယ်နေ့ရက်ကိုပိုင်ဆိုင်ခြင်းသည် မှားယွင်းမှုရှိပါသလား။ ခရစ္စမတ်ညစာကို သုံးဆောင် ပြီး အခြားသူများအား လက်ဆောင်ဝေမျှခြင်းသည် မှားယွင်းသောအရာဖြစ်ပါ သလား။ လုံးဝ မဟုတ်ပါ။ ကျန်ရှိနေသောဣသရေလလူမျိုးများသည် ဗာဗုလုန်ကျွန်ခံရာမှ နေဟမိ၏ခေါင်းဆောင်မှုဖြင့် ပြန်လာကြသည့် အချိန်တွင် ပညတ်တရားကို ဖတ်ရှုပြီး ရှင်းပြ သဖြင့် လူတို့သည် ငိုကြွေးကြသည်။ သို့သော် ၄င်းသည် ငိုကြွေးသည်ထက် ၀မ်းမြောက် ရမည့်အချိန်ကာလဖြစ် သည်။ ထို့ကြောင့် နေဟမိက ဤသို့ဆိုသည်။

"လူအပေါင်းတို့သည် ပညတ္တိကျမ်းစကားကိုကြားသောအခါ ငိုကြွေ ကြသည်ဖြစ်၍၊ ပြည်အုပ်မင်းနေဟမိ၊ ကျမ်းတတ်ဆရာယဇ်ပုရော ဟိတ်ဧဇရ၊ လူများတို့အားသွန်သင်သောလေဝိသားတို့က၊ ဤ သည်နေ့ရက်သည် သင်တို့၏ဘုရားသခင်ထာဝရဘုရားအဘို့ သန့်ရှင်းသောနေ့ဖြစ်၏။ ငိုကြွေမြည်တမ်းခြင်းကိုမပြုကြနှင့်။ သွား ကြလော့ မြည်စွာသောအစာကိုစားကြလော့။ ချိုသောအရည်ကို သောက်ကြလော့။ ဆင်းရဲသောသူတို့အား ဝေမျှကြလော့။ ဤ သည်နေ့ရက်သည် ငါတို့ဘုရားရှင်အဘို့သန့်ရှင်း၏။ ၀မ်းမနည်း ကြနှင့်၊ ထာဝရဘုရားပေးတော်မူသောအခွင့်နှင့် အားယူ၍ဝမ်း မြောက်ကြလော့ဟု လူအပေါင်းတို့အား ဆိုကြ၏။" (( နေဟမိ ၈း ၉- ၁၀ ) )

အပိုဒ် ၁၂ ကလည်း ဤသို့ဆိုသည်။

"လူအပေါင်းတို့သည် ဟောပြောသောစကားများကိုနားလည်သော ကြောင့်၊ စားသောက်ခြင်း၊ သူတပါးတို့အား ဝေမျှခြင်း၊ အလွန်ပျော် မွေ့ခြင်းကို ပြုအံ့သောငှါသွားကြ၏။" ( (နေဟမိ ၈း ၁၂ ) )

ထိုဣသရေလလူမျိုးများသည် ဘုရားသခင်ဝတ်ပြုကိုးကွယ်ခြင်းပြန်လည် အသက်ဝင် လာသောကြောင့် ပျော်ရွှင်ခြင်း၊ အစာရှောင်ခြင်း၊ နှင့်တစ်ဦးကိုတစ်ဦး လက်ဆောင်ပေးခြင်းဖြင့် ဘုရားသခင်ကို အရိုအသေပြုကြသည်ဖြစ်၍ ယနေ့ခရစ်ယာန်များသည်လည်း ကျွနု်ပ်တို့ကယ် တင်ရှင်၏မွေးနေ့ကို ၀မ်းမြောက်စွာဖြင့် ကြိုဆိုကြသည်မှာ မှန်ကန်ပါသည်။

ကျွနု်ပ်သည် ခရစ္စမတ်နေ့ကို အလွန်နှစ်သက်သည်။ ခရစ္စမတ်အချိန်ခါသမယတွင် ဘု ရားသခင်နှင့်သာ၍နီးစပ်သည်ဟု ခံစားရသည်။ ကျွနု်ပ်သည် ခရစ္စမတ်အချိန်ခါတွင် ဘုရား သခင်၏နှုတ်ကပါတ်တော်ကြားရသည်ကို ဘဝင်ကျမိသည်။ ကျွနု်ပ်သည် အပြစ်သားများအား ခရစ္စမတ်အချိန်ခါတွင် ဘုရားသခင်၏ကြီးမြတ်သည့်လက်ဆောင်တည်းဟူသော ယေရှုခရစ်ကို လက်ခံကြရန် တိုက်တွန်းပါသည်။

ကျွနု်ပ်တို့သည် ပျော်ရွှင်စရာခရစ္စမတ်ကိုကျင်းပပြီး မွေးနေ့ကိုအမှတ်တရဂုဏ်ပြုခြင်း အားဖြင့် ထိုနေ့ရက်တွင် ခရစ်တော်ကို ထူးမြတ်သောဘုရားဖြစ်စေကြပါစို့။


ဤတရားဒေသနာအားဖြင့် ခွန်အားရလျှင် ဒေါက်တာ Hymers သည် သင့်ထံ က တစ်စုံတစ်ခုကို ကြားလိုပေမည်။ ဒေါက်တာ Hymers ကို စာရေးလျှင် မည်သည့်တိုင်းပြည်က စာရေးသားသည်ကို ပြောပြရမည်၊ သို့မဟုတ်လျှင် ပြန် လည်ဖြေကြားနိူင်မည်မဟုတ်။ ဤတရားဒေသနာအားဖြင့်ခွန်အားရလျှင် စာ ရေးပြီးပြောပြပါ။ သို့သော် မည်သည့်တိုင်းပြည်က ရေးသားသည်ကို အမြဲတမ်း ထည့်သွင်းရေးသားပေးပါ။ ဒေါက်တာ Hymers ၏ အီးလ်မေးလိပ်စာမှာ rlhymersjr@sbcglobal.net (နှိပ်ပါ)၊ ဒေါက်တာ Hymers ကို မည်သည့်ဘာ သာစကားနှင့်မဆို စာရေးသားနိူင်သည်၊ သို့သော် ဖြစ်နိူင်လျှင် အင်္ဂလိပ်လိုရေး သားပါ။ စာတိုက်ဖြင့်ရေးသားပေးပို့လိုလျှင် စာတိုက်သေတ္တာအမှတ် ၁၅၃၀၈၊ လော့အိန်ဂျယ်၊ စီအေ ၉၀၀၁၅၊ ဖုန်းဆက်လိုသောအခါ (၈၁၈)၃၅၂-၀၄၅၂။

(တရားဒသေနာနိဂုံး)
သင်သည် ဒေါက်တာ Hymers ၏တရားဒေသနာကို အင်တာနက်ပေါ်တွင်
www.sermonsfortheworld.com ဖြင့် အပတ်တိုင်းကြည့်ရှုနိူင်
ပါသည်။ "တရားဒေသနာစာမူ"ကိုနှိပ်ပါ။

သငဩညျ Dr. Hymers အား အီးမေးလျ rlhymersjr@sbcglobal.net  ဖှငျ့လညျး ဆကဩှယနြိူငပြါသည။ြ သို့မဟုတျ စာအားဖှငျ့လညျး ဆကဩှယနြိူငပြါသည။ြ
P.O. Box 15308, Los Angeles, CA 90015. ဖုနျး (၈၁၈)၃၅၂-၀၄၅၂

ဤတရားဒသေနာစာမူမြားကို ကူးယူ၍မရပါ။ သငျသညျ Dr. Hymers ၏ခှငျ့ပွုခကြျမလိုဘဲအသုံးပွုနိူငျသညျ။ သို့သောျ
Dr. Hymers ၏ ဗှီဒီယိုတရားဟောခကြျမြားကိုမူ ခှငျပွုခကြျဖွငျ့သာအသုံးပွုနိူငျသညျ။
ဗှီဒီယိုတရားဟောခကြျမြားကိုမူ ခှငျပွုခကြျဖွငျ့သာအသုံးပွုနိူငျသညျ။

တရားဒေသနာမတိုင်မှီ ကျမ်းစာဖတ်ကြားခြင်းကို ဒေါက်တာ Kreighton L. Chan က ဆောင်ရွက်ပါသည်။ မဿဲ၂း ၁- ၁၂
တရားဒေသနာမတိုင်မှီ Mr. Benjamin Kincaid Griffith က ဂုဏ်တော်ချီးမွမ်းသည်။
                               "ယေရှု သူငယ်တော်"၊ (ဒေါက်တာ John R. Rice ၁၈၅၉-၁၉၈၀) ရေးစပ်သည်။


အခှပှေုကမြွး

ခရစ္စမတ်ကိုနှစ်သက်သည် - ဒေါက်တာ JOHN R. RICE ၏ဒေသနာကို လိုက်ဖက်အောင်ပြင်ဆင်သည်အကျဉ်းချုပ်

I LOVE CHRISTMAS – ADAPTED FROM DR. JOHN R. RICE

Dr. R. L. Hymers, Jr.

"အိမ်သို့ဝင်လေသော်၊ မယ်တော်မာရိနှင့်တကွ သူငယ်တော် ကိုတွေ့မြင်လျှင် ပြပ်ဝပ်ကိုးကွယ်၍၊ မိမိတို့ဘဏ္ဍာဥစ္စာတို့ကို ဖွင့်ပြီးမှ လောဗန်၊ နှင့်မုရန်တည်းဟူသော နံ့သာမျိုးကို၄င်း၊ ရွှေကို၄င်း ဆက်ကပ်ပူဇော်ကြ၏။" ( (မဿဲ ၂း ၁၁ ) )

၁။ ပထမအချက်၊ ခရစ္စမတ်သည် ခရစ်တော်၏မွေးနေ့မဟုတ်ပါ ဟုဆိုကြသည်။

၂။ ဒုတိယအချက်၊ ခရစ္စမတ်သည် "ခရစ်တော်၏လူထု" ကစ်သိုလစ်ရုံးပိတ် ရက်တစ်ခုဖြစ်သည်ဟု ဆိုကြသည်။

 

၃။ တတိယအချက်၊ ခရစ္စမတ်နေ့သည် ကနဦးမကောင်းသည့်ရုံးပိတ်ရက်ဖြစ် သည်ဟု ဆိုကြသည်။

၄။ စတုတ္ထအချက်၊ ခရစ္စမတ်သစ်ပင်နှင့်အလှပန်ချီများသည် မကောင်း သောအရာများဖြစ်ကြသည်ဟု ဆိုကြသည်။ ၂ကော ၈း ၉

၅။ ပဥ္စမအချက်၊ ရုံးပိတ်ရက်များတွင်ဖြစ်ပျက်သည့် လောကဆန်မှုများနှင့်ခရစ် ယာန်နည်းလမ်းမကျသည့်မြူးထူးပျော်ပါးခြင်းများကြောင့် ခရစ္စမတ်ကို ကန့် ကွက်ကြသည်။ နေဟမိ ၈း ၉-၁၀၊ ၁၂