سیلاب دے بعد نوح دی قربانی | Noah's Sacrifice After the Flood

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ہزارہا تے لکھاں ناپید قبل از ریکارڈ کیتی ہوئی تاریخ دے جانور دُنیا دے بہتیرے شمالی علاقیاں وِچ جمی ہوئی حالت وِچ دریافت کیتے گئے نے۔ ایہناں جانوراں دے جسم یکدم منجمد ہو گئے سن۔ ایہناں دا مطالعہ کیتا گیا تے پایا گیا کہ اُو ڈوب گئے سن۔ ڈاکٹر جے۔ ای۔ شیلی Dr. J. E. Shelly نے کہأا،

ایہناں دا سب توں بہوتا ذکر مثال دے طور تے دیو ہیکل ہتھیاں دے معاملے وِچ پایا جاندا اے۔ ایہہ ہاتھی براعظم ایشیا دے سارے طول عرض تے اِلاسکا تے کینیڈا دے شمال وِچ، سائبیریا دے ٹندراTundra دے منجمد رسوبsilt [تہ نشین] وِچ دفن پائے گئے۔ اُو ہزارہاں لکھاں دی تعداد وِچ اُوچی زمین تے غول دے غول دلدلی زمین وِچ لیکن مٹی وِچ غیر حنوط شُدہ حالت وِچ پائے گئے … جِنہاں ہُور شمال وَل ٹردے جاؤ، اُو تعداد وِچ مذید ہُور لبھدے جان گے، جدوں تیکر کہ اُوقیانوسیہ Arctic دے دائرے دے اندر وائٹ سمندرWhite Sea دے جزیریاں دی مٹی تیکر نہئیں پہنچ جاندے جہیڑی کہ بوہتی زیادہ تعداد وِچ ایہناں دیاں ہڈیاں دے نال نال لمبے دنداں آلے چیتے Sabre-tooth Tiger، اِک قسم دے دیو ہیکل بارہ سینگےgiant elk، غار آلے ریچھ، کستوری بیلmusk ox تے درختاں دے تنیاں تے زمین وِچ کِھلوتے درختاں وِچ رلے ملے ہوئے پائے گئے نے۔ ہُن اُوہناں علاقیاں وِچ کوئی درخت نہئیں نے، نزدیک ترین جاندار سینکڑوں … میل دور نے۔ ناپید دیو ہیکل ہاتھی اُوس غیر کامل نمو آلے سبزے نوں جیہڑے ہُن سال وِچ تین مہینیاں دے لئی ایس علاقے وِچ اُگدا اے نہئیں کھا سکدے ہون گے، جیس دا کہ سو مربع میل وی اُوہناں وِچوں اِک نوں وی اِک مہینے تیکر دے لئی جیوندا رکھن دے لئی ناکافی ہووے گا۔ اُوہناں دے معدے وِچ خوراک چہ صنوبر، پُھلاں آلے اِک قسم دے خار دار درختhowthorn دیاں شاخاں وغیرہ پائی گئیاں۔ ایہہ ناپید دیو ہیکل ہاتھی رسوبsilt وِچ زندہ دفن ہو گئے سن جدوں رسوب نرم ای سی۔ اُو تے رسوب فیر اِکٹھے ای اچانک منجمد ہو گئے تے فیر کدی وی پگھل نہئیں پائے۔ کیوں جے اُو گلن سڑن دی کوئی علامت نہئیں کردے۔ ناپید دیو ہیکل ہاتھیاں دے دند اِک ہزار وریاں توں بوہتے عرصےتیکر انگلستان دی بندرگاہواں تے وکدے رئے نے۔ نیچرل ھسٹری عجائب گھر نے اِک ناپید دیو ہیکل ہاتھی دا سر تے دند لندن دی بندر گاہ دے اِک ہاتھی دند بیچن آلی دکان توں خریدے سن۔ ایہہ سر مکمل طور تے بالکل تازہ سن تے اپنے اصلی بالاں نال ڈھکیا ہویا سی (ڈاکٹر جے۔ ای۔ شیلی، حوالہ دِتا سی ڈاکٹر جے۔ ورنن میکجی، ٹی ایچ۔ ڈی۔ Dr. J. Vernon McGee, Th.D. نے، بائبل وِچوں Thru the Bible، تھامس نیلسن پبلشرز Thomas Nelson Publishers، 1981، جلد اوّل، صفحہ45)۔

بائبل تے سائنسی اعداد و شمار نوں دُرست طور تے سجھیا جائے تے ظاہر ہوندا اے کہ دُنیا دے سب توں وڈے آثار متحجر [فوسلز] دے قبرستاناں دے زیادہ تر علاقے سیلاب دے ذریعے توں تے اُوہدے بعد دے اثرات دے وجہ توں دفن ہوئے سن۔ چٹاناں وِچ موجود ریکارڈ اِرتقاء دی گواہی نہئیں اے، بلکہ ایس دے بجائے خدا دی گناہ تے مقتدر اعلیٰ دی قوت تے فیصلے دی تصدیق اے (ھنری ایم۔ مورس، پی ایچ۔ ڈی۔ Henry M. Morris, Ph. D.، پیدائش دی کتاب دا ریکارڈ The Genesis Record، بیکر کتاب گھر Baker Book House، اشاعت 1986، صفحہ 213)۔

نوح تے اُوہدے خاندان دے کشتی وِچ داخل ہون دے اِک ورے تے سترہ دِن بعد، سیلاب دا پانی گھٹ ہونا شروع ہویا سی،

’’فیر خدا نے نوح نوں کہیا: توں اپنی ووہٹی تے اپنے پُتراں تے اُوہناں دیاں ووہٹیاں سمیت کشتی توں باہر نکل آ تے اپنے نال سارے حیوانات یعنی پرندیاں، جانوراں تے زمین تے رینگن آلے سارے جانداراں نوں وی نکال لیہیا جیہڑے تیرے نال نے‘‘ پیدائش 8: 15۔17).

نوھ کشتی توں باہر اِک ایہو جئی دُنیا وِچ آیا سی جیہڑی سیلاب توں تباہ و برباد ہو چکی سی۔ آسمان ’’فِضا دے اُوتے دے پانیاں‘‘ دی وجہ توں مختلف نظر آندا سی (پیدائش1: 7) کیوں جے اُو ہیٹاں آ گئے سن، تے ہُن اُوتھے مذید پانی دے بخارات دی چھتری زمین دے گرد نہئیں رئی سی۔ ہُن سورج مکمل طور تے چمکدا سی تے رات دے ویلے ستارے صاف طور تے ویکھ جا سکدے سن۔ ایہہ سوچیا گیا اے کہ آسمان دا اُو رنگ ہُن تبدیل ہو گیا سی۔

موسم وِچ انتہائی واضح تبدیلیاں رونما ہو چکیاں سن۔ آسمان وِث پانی دے بخارات دی چھتری نے پوری دُںیا وِچ اِک گرین ہاؤس تاثر قائم کر دِتا سی۔ جدوں ایہہ آبی بخارات ڈِگے تے اُوہناں نے قطبی علاقیاں وِچ برف تے برف باری دے آغاز دی ابتدا کیتی۔ ایویں، ہُن شمالی یورپ نوں عظیم برف دی تہواں نے ڈھک لیہیا تے ریاست ہائے متحدہ دی شمالی حصیاں تیکر پہنچ گئی، تے اُوہناں علاقیاں وِچ بے شمار سینکڑوں وریاں دے اِک ’’برفانی زمانے‘‘ دا آغاز کر دِتا۔

ایس انقلابی طور تے بدلی ہوئی تے ناخوشگوار دُنیا وِچ، نوح تے اُوہدا خاندان کشتی وِچوں باہر نکلیا سی۔ کوئی شاید تصور کر سکدا اے کہ نوح دا فوراً دھیان خوراک تے سائبان لبھن وَل گیا ہووے گا۔ لیکن ایس توں پہلاں خیالات خداوند دی پرستش کرنا سن، جیس نے اُوہنوں تے اُوہدے خاندان نوں سیلاب دی قیامت توں بچا لیہیا سی۔

’’فیر نوح نے خداوند دے لئی اِک مذبح بنایا تے سارے چرندیاں تے پرندیاں وِچوں جِنہاں دا کھانا جائز سی چند نوں لے کے اُوس مذبح تے سوختنی قربانیاں چڑھائیاں‘‘ (پیدائش 8: 20).

اتیھے پہلی وری سوختنی نذرانے دا تزکرہ کیتا گیا اے، جیہڑا کہ ظاہر کردا اے کہ موسیٰ توں پہلاں وی قربانیاں توں تعلق رکھدے ہوئے اِک شریعت سی۔ خداوند نوح دے سوختنی نذرانیاں دے نال بوہتا خوش ہویا سی، جیہڑے کہ اُوہنے اپنے پاکیزہ آباؤاِجداد دے مثالاں دے مطابق ادا کیتیاں سن (مارٹن لوتھر، ٹی ایچ۔ ڈی۔ Martin Luther, Th.D.، پیدائش دی کتاب تے لوتھر دا تبصرہ Luther’s Commentary on Genesis، ژونڈروان اشاعتی گھر Zondervan Publishing House، دوبارہ اشاعت1958 ، جلد اوّل، صفحہ 156)۔

ایہہ حوالہ سانوں تعلیم دیندا اے کہ قربانیاں دی بنیاد بالکل آغاز ای توں سی … اِسی لئی جدوں مقدس بزرگاں نے، ماضی وِچ، قربانیاں دے ذریعے توں خدا وَل اپنی سعادت مندی دا اِقرار کیتا، تے اُوہناں دا اِستعمال کسی طور وی غیر ضروری نہئیں سی۔ ایس دے علاوہ، ایہہ درست سی کہ ہمیشہ اُوہناں دی نظراں دے اَگے کوئی علامتاں ہونی چائیدیاں نے، جِنہاں دے ذریعے توں اُوہناں نوں باز رکھیا گیا ہووے گا کہ ماسوائے اِک ثالث دے ذریعے توں خداوند تیکر رسائی نہئیں کر سکدے۔ ہُن، تاہم، مسیح دے ظہور نے ایہناں قدیم سایاں نوں پرے ہٹا دِتا اے (جان کیلون John Calvin، موسیٰ دی پہلی کتاب تے تبصرہ جیہڑی پیدائش دی کتاب کہلاندی اے Commentaries on the First Book of Mosses, Called Genesis، بیکر کتاب گھر Baker Book House، دوبارہ اشاعت 1988، صفحہ 281)۔

لوتھر نے کہیا نوح دی قربانیاں ادا کیت گئیاں سن ’’اُوہدے پاکیزہ آباؤاِجداد دی مثالاں دے مطابق۔‘‘ کیلون نے کہیا، ’’اُوہناں قربانیاں دا قائم کیتا جانا ابتدا ای توں سی۔‘‘

قربانی دا پہلا مشورہ پیدائش 3: 21 وِچ رونما ہوندا اے۔ مہربانی نال اُو کھولو تے آیت نوں اُوچی واج نال پڑھو۔

’’خداوند خدا نے آدم تے اُوہدی ووہٹی دے لئی چمڑے دے کُرتے بنا کے اُوہناں نوں پہنا دِتے‘‘ (پیدائش 3: 21).

انسان دے گناہ دے کفارے دے لئی ایہہ پہلی قربانی سی، جیہڑی کہ انسان دے گناہواں دے کفارے دے لئی یا اُوہناں نوں ’’ڈھانپن‘‘ دے لئی مسیح دی سولی تے موت دی قبل ازیں عکاسی کردی اے… ایہہ آیت انجیل نوں علامتی طور تے ظاہر کردی اے: (1) ’’لہو دے وگائے جان‘‘ دی لوڑ دا ابتدائی اعلان یعنی کہ، معصوم دی قصورواراں دے لئی موت۔ آدم تے حوّا نوں لباس پہنان تے کھالاں نوں خاص لوڑ دے تحت حاصل کرن دے لئی، اُوہناں جانوراں دا ذبح ہونا تے اُوہناں دا لہو وگایا جانا ضروری سی۔ خدا نے کھالاں نوں سنواریا… انسان دی شرمندگی نوں ڈھانپن دے لئی (ڈبلیو۔ اے۔ کرسویل W. A. Criswell, Ph. D.، کرسویل دا مطالعہ بائبل The Criswell Study Bible، تھامس نیلسن پبلشرز Thomas Nelson Publishers،1979، پیدائش 3:21 پر غور طلب بات)۔

ایویں، پہلی قربانی اِک تصویر پیش کردی اے کہ مسیح سولی تے کی کرے گا،

’’خدا نے یسوع نون مقرر کیتا کہ اُو اپنا لہو وگائے تے اِنسان دا گناہ دا کفارہ بن جائے تے اُوہدے تے ایمان لیہیان آلے فائدہ چُکن…‘‘ (رومیوں 3: 25).

’’مبارک نے اُو جِنہاں دیاں خطاواں بخشیاں گئیاں، تے جِنہاں دے گناہواں تے پردہ پایا گیا‘‘ (رومیوں 4: 7).

خدا نے انسان دے گناہواں تے پردہ پان دے لئی کھالاں مہیا کیتیاں۔ ایہہ مسیح دے لہو دی اِک پیشن گوئی، نشان دہی، تشبیہہ سی، جیہڑی خدا دے قہروغضب دی تشفی کردی اے تے اُوہناں دے گناہواں تے پردہ پاندی اے جیہڑے مسیح دے کول آندے نے۔

کی تُسی لہو وچ دھوئے گئے اُو،
برّے دے روحاں نوں پاک صاف کرن آلے لہو وچ؟
کی تہاڈے کپڑے بے داغ نے؟ کی اُو برف وانگوں چِٹے نے؟
کی تُسی بّرہ دے لہو وچ دھوئے گئے اُو؟
(’’ کی تُسی برّہ دے لہو وچ دھوئے گئے اُو؟ Are You Washed in the Blood?‘‘ شاعر ایلشاہ اے۔ ھوفمین Elisha A. Hoffman، 1839۔1929)۔

قربانی دا دوجا تذکرہ پیدائش4: 3۔5 وِچ رونما ہوندا اے۔ مہربانی نال ایہہ تین آیتاں اُوچی واج نال پڑھو۔

’’کُج عرصے بعد قائن زمین دے پیداوار وِچوں خداوند دے لئی ہدیہ لیہیا۔ تے ہابل وی اپنی پیہڈ بکریاں دے چند پہلوتھے بچّے تے اُوہناں دی چربی لے آیا۔ خداوند نے ہابل تے اُوہدے ہدیہ نوں منظور کیتا: مگر قائن تے اُوہدے ہدیہ نوں منظور نہ کیتا۔ تے قائن نہایت برہم ہویا تے اُوہدا چہرہ وِگڑ گیا‘‘ (پیدائش 4: 3۔5).

فیر توں، ڈاکٹر کرسویل دی رائے انتہائی قیمتی اے۔

رسمی عبادت دے ایس پہلے اندراج کیتے ہوئے عمل وِچ، ھابل دی ہدیہ ’’اُوہدی پیہڈ بریاں دے پہلوٹھے بچے‘‘ سن … ھابل تے اُوہدے ہدیہ نوں منظور کیتا گیا مگر قائین تے اُوہدے ہدیہ نوں منظور نہ کیتا گیا (آیت 5)۔ ایس باب وِچ توجہ دا مرکز ناصرف خود آدمیاں تے بلکہ اُوہناں دی ہدیاں وِچ تضاد تے وی اے۔ قائین دا ہدیہ (1) بغیر لہو دے سی (حوالہ ویکھو عبرانیوں9: 22)، (2) خود اُوہدے اپنے ہتھاں دا کام (حوالہ ویکھو طیطُس3: 5)، تے (3) معلون زمین دی اِک پیداوار (حوالہ ویکھو3: 17)۔ دوجے پاسے ھابل نے ’’اِک بوہتی شاندار قربانی‘‘ دا اِظہار کتیا سی ( کرسویل، ibid.، پیدائش4: 4 تے اِک غور طلب گل)۔

’’ایمان ای نال ہابل نے قائین توں افضل قربانی پیش کیتی … (عبرانیوں 11: 4).

ڈاکٹر جے۔ ورنن میکجی نے کہیا، ’’قائین تے ھابل دے وِچکار فرق بالکل وی کردار دا فرق نہئیں سی، بلکہ فرق اُوہدے ہدیے دا سی جیہڑا اُو لیہیائے سی‘‘ (میکجی، ibid.، صفحہ 29)۔ ھابل دی قربانی دے بارے وِچ ایس قدر شاندار کی گل سی؟ ایہہ اِک خونی قربانی سی! قائین دی قربانی اِک خونی قربانی نہ سی، ایس ای ئی اُو منظور نہ کیتی گئی۔ ایہہ اِک انتہائی شاندار تصویر اے جیہڑی کہ مسیح دے لہو دی نشاندہی کردی اے،

’’تے جدوں تیکر لہو نہ وگایا جائے گناہ وی نہئیں بخشے جاندے‘‘ (عبرانیوں 9: 22).

تے ایویں، اِسی ویکھنے آں کہ جدوں نوح نے اِک قربان گاہ تعمیر کیتی تے اُوہناں جانوراں دا نذرانہ دِتا، تے اُو کُج نیا نہئیں کر رہیا سی۔ اُو اُوہی کر رہیا سی جیہڑا زمانیاں دی ابتداء توں دیندار لوکی کردے چلے آ رئے سن۔

’’فیر نوح نے خداوند دے لئی اِک مذبح بنایا تے ساریاں چرندیاں تے پرندیاں وِچوں جِنہاں دا کھانا جائز سی چند لوں لے کے اُو مذبح تے سوختنی قربانیاں چڑھائیاں‘‘ (پیدائش 8: 20).

ایہہ جاننا انتہائی دِلچسپ تے معاون اے کہ موسیٰ نے احبار دی کتاب وِچ دِتی گئی شریعت دے پیش کیتے جان توں پہلاں اِسی قسم دی قربانی پیش کیتی سی! موسیٰ نے فرعون نوں کہیا سی،

’’لیکن موسیٰ نے کہیا کہ تیہنوں سانوں قربانی تے سوختنی قربانی دے جانور لے جان دی اجازت دینا ہووے گی تاکہ اَسی اُوہناں نوں خداوند اپنے خدا نوں پیش کر سکن‘‘ (خروج 10: 25).

بعد چہ خروج دی کتاب وِچ، قربانیاں دے قانونی نظام دے قائم کیتے جان توں قبل، تے احبار دی کتاب وِچوں تفصیل نال پیش کیتے جان تے ایہہ واضح طور تے ظاہر کردا اے کہ قربانیاں نوح دے زمانے توں پہلاں توں لے کے ٹھیک موسیٰ دے دور تیکر جاری رئی سن۔

نوح تے موسیٰ دے وِچکار، ابراھام نے وی خدا دے لئی قربانیاں گزرانیاں سن۔

’’تے ابراہام نے سوختنی قربانی دے لکڑیاں لے کے اپنے پُتر اِضحاق نوں دِتیاں کہ اُو اُوہناں نوں چُک لئے تے اَگ تے چُھری خود سنبھالی۔ جیویں ای اُو دوویں اِک نال روانہ ہوئے اِضحاق اپنے پیو ابراہام نوں کہن لگا: ابّا! ابراہام نے جواب دِتا: ہاں میرے پُتر؟ اِضحاق نے کہیا: اَگ تے لکڑیاں ایتھے نے لیکن سوختنی قربانی دے لئی برّہ کیتھے اے؟ ابراہام نے جواب دِتا: اے میرے پُتر! خدا آپئی سوختنی قربانی دے لئی برّہ مہیا کرے گا‘‘
(پیدائش 22: 6۔8).

پاویں کیہنا دھندلا جیہا ای ایہناں لوکاں نے مسیح دی آن آلی قربانی نوں شاید سمجھیا ہووے، جیہڑی کہ ایہناں ہدیاں وِچ عکاسی کردی سی، اُو بلاشبہ جانندے سن کہ مستقبل وِچ ’’خدا خود سوختنی قربانی دے لئی برّہ مہیا کرے گا۔‘‘ حالانکہ ابراہام ٹھیک ایس ای ویلے تے سمجھ گیا سی کہ اُوہناں دا کی مطلب اے، ایہہ یقینی طور تے ظاہر کردا اے کہ اُوہدے ذہن وِچ ایس توں کِدرے بوہتا نظریہ سی جدوں اُوہنے کہیا، ’’خدا ہدیہ مہیا کرے گا۔‘‘ خدا نے اُوس دِن ضرور ہدیہ مہیا کیتا، تے ایہہ یسوع، خدا دے برّے دے قیمتی نذرانے دی تصویر پیش کردا اے، جِنہوں خداوند سارے عالم دے گناہواں دے لئی اِک نذرانے دے طور تے مہیا کرے گا۔

خروج تے پیدائش دی کتاب وِچ ایہناں تشبیہات نوں کامل طور تے پورا اُوس ویلے کیتا گیا جدوں یسوع مسیح نے گتسمنی دے باغ وِچ خود تے سارے بنی نوع انسان دے گناہ نوں لد لیہیا سی، تے اگلے دِن انسان دے گناہ نوں سولی تیکر برداشت کیتا، جدوں اُوہناں نے بے داغ خدا دے برّے، اُوس خداوند یسوع مسیح نوں مصلوب کیتا، جدوں اُوہنے ساڈے قرضیاں دی ادائیگی کیتی تے اپنے پاک تے بے گناہ لہو نال ایہنوں پاک صاف کرن دے لئی ممکن بنایا۔ ہُن اَسی، جیہڑے یسوع دے کول ایمان دے وسیلے توں آئے آں، کامل یقین دہانی دے نال کہہ سکنے آں،

’’اُوہدے پُتر یسوع مسیح دا لہو سانوں ہر گناہ توں پاک کردا اے‘‘(1۔ یوحنا 1: 7).

مسیح دی سولی تے قربانی خروج تے پیدائش دی کتاب وِچ اُوہناں قربانیاں دی تصویراں نوں مکمل کرن آلی بن گئی۔ ایس لئی یوحنا بپتسمہ دین آلے نے، جدوں یسوع نوں اپنی طرف آندے ہوئے ویکھیا تے زور نال پکار کے کہیا،

’’ویکھو، ایہہ خدا دا برّہ اے، جیہڑا دُنیا دا گناہ چُک لے جاندا اے‘‘ (یوحنا 1: 29).

آدم تے حوّا دا تن ڈھانپن دے لئی خداوند نے جیہڑی خونی قربانی دِتی سی آن آلے مسیح دی گل کردی اے جیہڑا ساڈے گناہواں نوں خود اپنے لہو وِچ چُھپا لئے گا تے سانوں خود اپنی راستبازی دا لبادہ پہنا دیوے گا۔ اُو لہو دی قربانی جیہڑی ہابل نے دِتی سی خدا دے نال قبولیت نوں مہیا کردی اے، تے مسیح دی آن الی سولی وِل اشارہ کردی اے، جیہڑی ایہناں ساریوں نوں جیہڑے اُوہدے کول آندے نے خداوند دی نظر وِچ اُوہدے لہو دی تاثیر دے ذریعے توں جیہڑا سولی تے وگایا گیا قابل قبول بناندی اے۔ خونی قربانی جیہڑی نوح نے دِتی سی انسان دے گناہ دے لئی خدا دے قہر و غضب نوں گناہ دے کفارے دی تشفی بناندی اے، جیویں مسیح،

’’ساڈے گناہواں دا کفارہ اے تے نہ صرف ساڈے ای گناہواں دا بلکہ ساری دُنیا دے گناہواں دا کفارہ اے‘‘ (1۔ یوحنا 2: 2).

قربانیاں دی اُو لمبی قطار، جیہڑی آدم دی کھال توں لے کے ہابل دے ہدیے تیکر، تے نوح دی قربانی توں لے کے ابراہام دی قربانی تیکر، تے ایتھوں تیکر کہ موسیٰ دی شریعت توں پہلاں دی قربانی تیکر، پرانے عہدنامے دے زمانے وِچ خدا نوں خوش کرن دے لئی اِک طرح توں نسل در نسل ٹری آ رئی سن، کیوں جے ایہہ قربانی آن آلے دور وِچ مسیح وَل اشارہ کردی سی، جیہڑا ایہناں ساریاں تشبیہاتی قربانیاں نوں پورا کرے گا، تے ایہناں وِچ کہی گئیاں ساریاں برکات نوں مہیا کرے گا۔

اِک ہُور گل۔ ایہناں ابتدائی قربانیاں وِچوں ہر اِک، اِک لہو دی قربانی سی! کُج ہُن ایہہ کہہ رئے نے کہ یسوع دا اُو لہو مسیح دی موت دے لئی محض اِک ہُور لفظ اے۔ ایہہ ٖغلط ثابت ہوندا اے بالکل ایس قربانی دے ذریعے توں جیس دا اَسی کلام پاک وِچوں اُوس سویرے مطالعہ کیتا سی۔ ایہناں ساریاں قربانیاں وِچ بدن جیہڑا ذبح کیتا گیا تے لہو جیہڑا وگایا گیا – دو مختلف گلاں سن، اِک وگری گل نہئیں سی۔ مگر تُسی آسانی دے نال ویکھ سکدے اُو کہ اُو اِک ای گل نہئیں سی، کہ تاریخ دے آغاز وِچ ای ایہناں وِچوں ہر اِک قربانی وِچ بدن تے لہو دو علیحدہ گلاں سن۔

ایہہ ای سب توں اہم اے، کیوں جے تہانوں دوویں ای یسوع دے بدن تے لہو دی لوڑ ہوندی اے۔ اُوس دے بدن دا مرنا تہاڈے گناہواں دے کفارے دی ادائیگی کردا اے۔ اُو لہو جیہڑا اُوہنے وگایا تہاڈا گناہ دھو ڈالدا اے،

’’تے اُوہدے پتر یسوع دا لہو سانوں ہر گناہ توں پاک کردا اے‘‘ (1۔یوحنا1: 7).

تے ایس لئی، اِج سویرے میرا تہانوں کولوں ایہہ سوال اے: کی تُسی مسیح دی راستبازی وِچ لباس زیب تن کیتے ہوئے اُو – ایہدے وِچ ایمان دے وسیلے توں راستباز کیتے ہوئے؟ کی تُسی یسوع دے کول اُوہدے لہو وِچ پاک صاف ہون دے لئی آئے اُو؟ خداوند دی حضوری وِچ پاک صاف ہون دے لئی ایس دے علاوہ کوئی ہُور راستہ نہئیں اے۔ ایمان دے وسیلے نال نوح نے ایہہ دھندلا جیہا ویکھ لیہیا سی جدوں اُوہنے کشتی چھڈن دے بعد اُوہناں ساریاں جانوراں دا نذرانہ پیش کیتا۔

میہنوں اُمید اے کہ تُسی وی مسیح دے لہو دی اہمیت نوں ویکھ پاؤ گے۔ تہاڈے ریکارڈ وِچ بوہتے وڈے وڈے گناہ نے۔ اُو کیس ہُور طریقے نال چھپائے نہئیں جا سکدے تے پاک صاف نہئیں کیتے جا سکدے ماسوائے مسیح دے قیمتی لہو دے ذریعے توں۔

تہاڈے وِچوں ہر کسی تے ہر اِک نوں جیہڑا مسیح وِچ اِک غیر تبدیل شُدہ حالت وِچ یسوع دے کول آنا چائیدا اے تے اُوہدے لہو دے وسیلے توں پاک صاف ہو کے دُھل جانا چائیدا اے تے سولی تے اُوہدی موت دے وسیلے توں خدا دی حضوری وِچ راستباز ٹھہرائے جانا چائیدا اے۔ تے ایس لئی میں تہانوں فیر توں کہنا آں،

تہانوں یسوع دے کول آنا چائیدا اے تے اُوہدے تے پروہسا کرنا چائیدا اے، ورنہ تہاڈے ریکارڈ وِچ لگے ایہہ کالے دھبے کدی وی یسوع دے لہو دے ذریعے توں چھپائے، پاک صاف یا مٹائے نہئیں جا سکدے۔ میں دعا کرنا آں کہ اَج تُسی سادہ ایمان دے نال اُوہدے کول آؤ گے تے اُوس عظیم قربانی دے ذریعے توں جیہڑی اُوہنے کلوری دی سولی تے تہاڈے لئی دِتی بچائے جاؤ گے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔