ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
تقریباً نجات پا لہئی – لیکن مکمل طور تے گمراہ ہو گیا!ALMOST SAVED – BUT ENTIRELY LOST! (Punjabi – A Language of Pakistan) ڈاکٹر کرسٹوفر ایل کیگن وَلّوں by Dr. Christopher L. Cagan لاس اینجلز دی بپتسمہ دین آلی عبادت گاہ وِچ پیش کیتا گیا ہفتے دی شام، 16 جنوری، 2016 A sermon preached at the Baptist Tabernacle of Los Angeles Saturday Evening, January 16, 2016 ’’جیہدے کول پُتر اے اُوہدے کول حیاتی اے تے جیس دے کول خدا دا پُتر نئیں اے اُوہدے کول حیاتی وی نہئیں اے‘‘ (1 یوحنا5: 12)۔ |
بائبل نسل انسانی نوں دو گروہواں وِچ تقسیم کردی اے۔ تہاڈا تعلق اِک [گروہ] نال یا دوجے نال اے۔ پہلا گروہ اُو اے جیہڑا خدا دے پتر یسوع مسیح تے پروہسا کردا اے تے ہمیشہ دی حیاتی پاندا اے۔ ساڈی تلاوت کہندی اے، ’’جیہدے کول پتر اے اُوہدے کول حیاتی اے۔‘‘ باقی سارے دوجے گروہ نال تعلق رکھدے نے، جِنہاں دے کول حیاتی نہئیں اے۔ ’’جہیدے کول خدا دا پتر نہئیں اے اُوہدے کول حیاتی نہئیں اے۔‘‘ درمیان وِچ کوئی نہئیں اے۔ تُسی یسوع تے پروہسا کردے اُو یا نہئیں کردے۔ تہاڈے کول حیاتی اے یا نہئیں تہاڈے کول نہئیں اے۔
کلام پاک ایس گل نوں واضح کردا اے۔ ایہہ کہندا اے، ’’جیہڑا پتر تے ایمان لیہاندا اے اُو ہمیشہ دی حیاتی پاندا اے: تے جیہڑا پتر نوں رد کردا اے اُو حیاتی توں محروم ہو کے خدا دے غضب وِچ پیہیا رہندا اے‘‘ (یوحنا3: 36)۔ یونانی الفاظ ’’یقین کرنا‘‘ جِنہاں دے ترجمے دا مطلب اے ’’یقین ہونا۔‘‘ ایہہ کوئی نظریاتی یا ذہنی عقیدہ نہئیں اے۔ ایہہ خود یسوع مسیح تے اِک ذاتی پروہسا اے۔ کُج یسوع مسیح، خدا دے پُتر تے یقین رکھدے نے، تے ہمیشہ دی حیاتی پاندے نے۔ باقی ’’حیاتی نہئیں ویکھن گے۔‘‘ خدا دا غضب – ایہناں تے – قائم رہندا اے۔ تہاڈے کول حیاتی اے یا تہاڈے کول نہئیں اے۔
اَسی بائبل وِچوں براہ راست بیانات ویکھے نے جیہڑے دوواں گروہواں نوں الگ کردے نے۔ تے ایس علیحدگی نوں ایہناں الفاظ وِچ وکھایا گیا اے جیہڑے بائبل انسانیت نوں بیان کرن دے لئی استعمال کردی اے۔ مسیح نے کہیا کہ اپنی آمد تے اُو ’’پہیڈھاں نوں اپنے سجّے پاسے لیکن بکریاں نوں اپنے کھبے پاسے کِھلارے گا‘‘ (متی25: 33)۔ اُو پہیڈھاں نوں کہے گا، ’’آؤ، میرے پیو دے مبارک لوکو، بادشاہی دے وارث بنو‘‘ (متی25: 34)۔ بکریاں نوں اُو کہے گا، ’’اے لعنتی لوکو، میرے توں دور ہو جاؤ، ابدی اَگ وِچ ٹر جاؤ’’ (متی25: 41)۔ کوئی وی پہیڈھ تے بکری دا حصہ نہئیں اے۔ تُسی مسیح دی بادشاہی وِچ جاؤ گے، یا تُسی ہمیشہ دی اَگ وِچ جاؤ گے۔
بائبل حیاتی تے موت دے الفاظ استمعال کردے ہوئے گروہواں نال گل کردی اے۔ لوکاں دا اِک گروہ ’’قصوراں تے گناہواں وِچ مُردہ‘‘ رہندا اے (افسیوں2: 1)۔ دوجیاں نوں ’’چھیتی‘‘ [جیوندا کر دِتا گیا اے] (افسیوں2: 1، 5)۔ تُسی یا تے زندہ اُو یا مُردہ اُو۔ تے جے تُسی مر چکے اُو تے تُسی اپنے آپ نوں زندہ نہئیں کر سکدے! صرف خدا ای تہانوں مسیح دے وسیلے توں حیاتی دے سکدا اے۔ یسوع نے کہیا کہ جیہڑے لوکی ایہدے تے پروہسا کردے نے اُو ’’موت توں لنگ کے حیاتی وِچ ٹر جان گے‘‘ (یوحنا5: 24)۔ اِک وری فیر، 1 یوحنا دی کتاب کہندی اے کہ جیہڑے لوکی مسیح وِچ ایمان لیہیا کے تبدیل ہوندے نے اُو ’’موت توں لنگ کے حیاتی وِچ ٹر گئے‘‘ (1 یوحنا3: 14)۔ تہاڈے وِچوں بعض نوں حیاتی دِتی گئی اے۔ باقی تہاڈے کول صرف موت اے۔ ایس دے علاوہ کوئی اِمکان نہئیں اے۔ حیاتی – یا موت۔
دوویں گروہواں دے علیحدگی نوں ایہناں لفظاں وِچ وکھایا گیا اے جیہڑے خدا نجات نوں بیان کرن دے لئی استعمال کردا اے۔ یسوع نے کہیا، ’’جے تُسی تبدیل ہو کے… تُسی آسمان دی بادشاہی وِچ داخل نہئیں ہوؤ گے‘‘ (متی18: 3)۔ تُسی [مسیح وِچ ایمان لیہیا کے] تبدیل ہو گئے اُو یا تُسی نہئیں ہوئے اُو۔ بائبل کہندی اے کہ نجات اِک نیا جنم اے۔ مسیح نے اِک مذہبی بندے نوں کہیا، ’’تیہنوں فیر توں پیدا ہونا پیہئے گا‘‘ (یوحنا3: 7)۔ کی تُسی اپنے آپ نوں روحانی طور تے فیر توں جنم دے سکدے اُو؟ کی تہاڈے اندر اینج کرن دا جذبہ اے؟ نہئیں تے بائبل کہندی اے، ’’جے کوئی مسیح وِچ اے تے اُو نئی مخلوق اے [اِک نئی تخلیق]‘‘ (II کرنتھیوں5: 17)۔ کی تُسی اپنے آپ نوں اِک نئی تخلیق وِچ بدل سکدے اُو؟ نہئیں، تہانوں خدا دی لوڑ اے کہ اُو تہاڈے لئی اینج کرے! صیحفہ کہندا اے کہ خدا نے مسیحیاں نوں ’’تاریکی دی قوت توں نجات دِتی اے، تے اپنے پیارے پتر دی بادشاہی وِچ [منتقل کر دِتا اے]‘‘ (کلسیوں1: 13)۔ تُسی یا تے تاریکی دی قوت دے تحت اُو، یا تُسی خدا دے پتر دی بادشاہی وِچ اُو۔ تُسی خود نوں اِک دوجے وِچ منتقل نہئیں کر سکدے۔ اینج صرف خدا ای کر سکدا اے۔ تُسی یا تے تاریکی وِچ اُو یا تہاڈا تعلق مسیح نال اے۔ تُسی اِک اُو یا [فیر] دوجے اُو۔
’’جیہدے کول پُتر اے اُوہدے کول حیاتی اے تے جیس دے کول خدا دا پُتر نئیں اے اُوہدے کول حیاتی وی نہئیں اے‘‘ (1 یوحنا5: 12)۔
دوویں گروہ مرن دے بعد ہمیشہ دے لئی الگ ہو جان گے۔ نجات پان آلیاں دے لئی، ’’خدا ایہناں دی اَکھاں وِچ سارے اتھرو پُونج دیوے گا۔ تے ہُن کوئی موت نہئیں ہوئے گی، نہ ماتم، نہ آہ و نالہ، نہ کوئی مذید درد ہووے گا‘‘ (مکاشفہ21: 4)۔ لیکن گمراہ ہوئے لوکاں دا ’’اَگ تے گندھک نال جلن آلی جھیل وِچ اپنا حصہ ہووے گا: جیہڑی کہ دوجی موت اے‘‘ (مکاشفہ21: 8)۔ ابراہیم نے جنت توں جہنم وِچ امیر بندے نال گل کیتی، ’’ساڈے تے تہاڈے وِچکار اِک بوہتا وڈھا کھڈا واقع اے، تاکہ جیہڑے لوکی اُوس پار تہاڈی وَل جانا چاہن، اُو نہ جا سکن تے جیہڑے ایس پار ساڈے پاسے آنا چاہن ، نہ آ سکن‘‘ (لوقا16: 26)۔ دوویں گروہ ہمیشہ دے لئی الگ ہو جان گے۔ موت دے بعد نجات پائے ہویاں تے گمراہ ہوئے [لوکاں] دے وچکار جدائی لامحدود، ابدی تے ناقابل تغیر ہو جائے گی۔
کیہڑا گروہ وڈا اے؟ کیس وِچ بوہتے لوکی نے؟ زیادہ تر مسیح دے بغیر مر جان گے تے ہمیشہ دے لئی اپنی جان گنوا دین گے۔ صرف چند ای یسوع تے پروہسا کرن گے تے نجات پا جان گے۔ مسیح نے کہیا، ’’اُو بوہا چوڑا تے راستہ کشادہ اے جیہڑا ہلاکت وَل جاندا اے تے اُوہدے وِچوں داخل ہون آلے بوہتے نے‘‘ (متی7: 13)۔ فیر اُوہنے کہیا، ’’اُو بوہا تنگ تے راستہ سُکڑیا اے جیہڑا حیاتی وَل لے جاندا اے تے اُوہدے پان آلے تھوڑے نے‘‘ (متی7: 14)۔ مسیح نے فیر کہیا، ’’بُلائے ہوئے تے بوہتے نے، مگر چُنے ہوئے گھٹ نے‘‘ (متی22: 14)۔ کسی نے یسوع نوں پُچھیا، ’’کی تھوڑے جیہئے لوکی ای نجات پا سکن گے؟‘‘ (لوقا13: 23)۔ تے مسیح نے اُوہنوں جواب دِتا، ’’بہوتے لوکی اندر جان دی کوشش کرن گے لیکن نہ جا سکن گے‘‘ (لوقا13: 24)۔ شاگرداں نے مسیح توں پُچھیا، ’’فیر کون نجات پا سکدا اے؟‘‘ (مرقس10: 26)۔ تے اُوہنے جواب دِتا، ’’انساناں دے لئی ایہہ ناممکن اے‘‘ (مرقس10: 27)۔ تقریباً ہر کوئی گمراہ ہو جائے گا۔ صرف تھوڑے ای بچن گے – تے اُو وی خدا دے معجزے نال۔
اَج راتی ایتھے تہاڈے وِچوں بوہتے لوکی گمراہ نے۔ تُسی یسوع تے پروہسا نہئیں کیتا اے۔ تُسی اپنے گناہواں نوں اُوہدے لہو نال معاف نہئیں کیتا اے۔ تہانوں مسیح وِچ ایمان دِلا کے تبدیل نہئیں کیتا گیا اے۔ جے تُسی ہُن مر گئے تے تُسی جہنم وِچ جاؤ گے۔ جے تُسی ایہدے بارے وِچ سوچدے اُو، تے تُسی اپنے گناہ تے مسیح دے لئی اپنی لوڑ دے لئی جاگ سکدے اُو۔ تُسی خدا نوں پکار سکدے اُو کہ اُو تہانوں مسیح وَل کھیچ لئے۔ تُسی نجات وِچ داخل ہون دے لئی کوشش تے جدوجہد شروع کر سکدے اُو (حوالہ دیکھو، لوقا13: 24)۔ تُسی اپنے مُںہ نال تسلیم کر سکدے اُو کہ تُسی گمراہ ہو چکے اُو۔ لیکن تُسی اپنے دِل وِچ اپنے آپ نوں اِک گمراہ ہوئے، بے بس گنہگار، خدا دے اَگے قصوروار، ’’کوئی اُمید نہئیں رکھے ہوئے، تے دُنیا وِچ خدا دے بغیر‘‘ (افسیوں2: 12) نہئیں سمجھدے۔ اُو ای سچ اے۔ لیکن تُسی اینج سوچنا تے محسوس کرنا نہئیں چاہندے۔ ایہہ ناخوشگوار تے منفی ہووے گا۔ ایس توں تہانوں بُرا لگے گا۔ تے تُسی سچائی توں بچن دے لئی اپنے بارے وِچ کسی ہُور طریقے نال سوچدے اُو۔ تُسی اپنے آپ نوں داخل کروان دے لئی اِک گروہ ایجاد کردے اُو۔
تہاڈے وِچوں کُج چند ہفتیاں، یا مہینیاں، یا بوہتے عرصے توں گرجا گھر آ رئے اُو۔ تُسی اپنے بارے وِچ سوچن دا اِک طریقہ ایجاد کردے اُو۔ تہانوں لگدا اے کہ تُسی نجات دے راستے تے اُو۔ تہانوں لگدا اے کہ تُسی جزوی طور تے مسیحی او۔ تُسی سوچدے اُو کہ تُسی ’’یسوع تے پروہسا کرن دی کوشش کر رئے اُو،‘‘ یا ’’تقریباً اِک مسیحی‘‘ اُو، یا ’’مسیح دے بارے چہ سِکھ رئے اُو،‘‘ یا ’’کسی دِن مسیحی بنن جا رئے اُو۔‘‘ تُسی گرجا گھر آندے اُو – تے ایس سب دے بعد، تُسی آندے رہنا جاری ای نہئیں رکھدے اُو۔ حالانکہ، بوہتے لوکی اینج دے ہوندے نے جیہڑے گرجا گھر ای نہئیں جاندے۔ تُسی اُو سارے گناہ نہئیں کردے جیہڑے دوجے کردے نے۔ تُسی بائبل پڑھدے اُو۔ تُسی مسیحی نظریے دے بارے چہ سِکھیا اے۔ تہاڈے گرجا گھر وِچ بیلی نے۔ تُسی رَل مِل جاندے اُو۔ تُسی اپنے آپ نوں دسدے اُو کہ تُسی مسیحی بننا چاہو گے۔ تہانوں لگدا اے کہ تُسی ایہناں دِناں وِچوں اِک دِن یسوع تے ضرور پروہسا کرو گے، حالانکہ مسیح نے کہیا کہ صرف ’’چند‘‘ ای اینج کرن گے۔ لیکن اینج ای تُسی اپنے بارے چہ سوچدے اُو – تے تُسی ایویں ای اپنی حیاتی بسر کردے رہنا جاری رکھ سکدے اُو۔
بس اِک مسئلہ اے۔ خدا نہئیں سوچدا کہ ’’تقریباً مسیحی‘‘ وگری کوئی گل اے۔ جے تُسی مسیح چہ ایمان لیہا کے تبدیل نہئیں ہوئے اُو تے خدا تہانوں گمراہ ہویا ای سمجھدا اے۔ تُسی جو وہ سوچدے اُو، خدا جانندا اے کہ تہاڈے گناہ معاف نہئیں کیتے گئے نے۔ خدا تہاڈے گناہ توں ناراض اے، کیوں جے اُو ’’ہر روز شریراں نال ناراض رہندا اے‘‘ (زبور7: 11)۔ ’’[تُسی] خدا دے غضب وِچ مبتلا رہندے اُو‘‘ (یوحنا3: 36)۔ خدا جانندا اے کہ تُسی اُوہدے دشمن اُو (حوالہ ویکھو رومیوں5: 10؛ 8: 7)۔ خدا صحیح اے تے تُسی غلط اُو۔
ایہو جئی کوئی شے نہئیں اے جیہڑا تہانوں لگدا اے کہ تُسی ہو! بائبل کہندی اے، ’’دِل ساریاں شیواں توں ودھ کے حیلہ باز تے لا علاج ہوندا اے‘‘ (یرمیاہ17: 9)۔ تُسی تے اپنے آپ نوں دھوکہ دِتا اے! خدا جانندا اے کہ ’’مسیحی بنن دی راہ تے‘‘ یا ’مسیحی بننا سِکھنا‘‘ وگری کوئی شے نہئیں اے۔ خدا جانندا اے کہ نجات پائے ہوئے لوکی تے گمراہ ہوئے لوکی ہین – ہُور کُج نہئیں! وِچکار چہ کُج نہئیں! کوئی ’’ادھورا مسیحی‘‘ نہئیں! تُسی بالکل وی مسیحی نہئیں اُو!
’’جیہدے کول پُتر اے اُوہدے کول حیاتی اے تے جیس دے کول خدا دا پُتر نئیں اے اُوہدے کول حیاتی وی نہئیں اے‘‘ (1 یوحنا5: 12)۔
بائبل نام نہاد ’’برائے ناں مسیحیاں‘‘ دے بارے چہ دسدی اے جیہڑے کدی وی نجات نہئیں پا سکے، تے جیہرے ہُن جہنم وِچ نے۔ امیر نوجوان حکمران یسوع دے کول آیا تے اُوہنوں کہیا، ’’میں اپنی جوانی توں ایہناں ساریاں [حکماں] دی پابندی کیتی اے‘‘ (متی19: 20)۔ اُوہنے سوچیا کہ اُو نیک اے۔ لیکن اُوہنے کدی وی یسوع تے پروہسا نہئیں کیتا۔ اُو اُوہدے کولوں ’’دور ٹُر گیا‘‘ (متی19: 22)۔ فیلکس نامی اِک رومی نے پولوس رسول دی گل سُنی تے اُوہدی منادی توں ’’ڈر گیا سی‘‘ (اعمال24: 25)۔ اُوہنے کئی وری پولوس نوں منادی کردے ہوئے سُنیا سی، لیکن اُوہنے ہمیشہ اپنے دِل نوں سخت کیتا تے کدی مسیح وِچ ایمان لیہا کے تبدیل نہئیں ہویا۔ اِک ہُور بندہ، جیس دا ناں اگریپا سی، اُوہنے پولوس نوں منادی کردے ہوئے سُںیا تے اُوہنوں کیہیا، ’’توں مینوں تقریباً مسیحی ہون تے آمادہ کر رہیا ایں‘‘ (اعمال26: 28)۔ لیکن، فیلکس وانگوں، اگریپا نے کدی وی مسیح تے پروہسا نہئیں کیتا۔ اُو مر گیا تے جہنم وِچ ٹر گیا۔ ایس توں ظاہر ہوندا اے کہ تُسی بار بار تبلیغ سُن سکدے اُو تے فیر وی گواچے ہوئے یا گمراہ ہوندے اُو۔ ’’تقریباً مسیحی‘‘ ہونا بوہتا خطرناک اے۔
فلپ بلِس اِک مسیحٰ پیو دا پتر سی جیہڑا ایہنوں ہر روز دعا کرنا سِکھاندا سی۔ جدوں اُو بارہ وریاں دا سی تے آخرکار اُو مسیح چہ ایمان لیہا کے تبدیل ہو گیا۔ اُوہنے بپتسمہ لیہیا تے بپتسمہ دین آلے اِک گرجا گھر دا رُکن بن گیا۔ فلپ اِک موسیقار سی، تے چند وریاں بعد اُوہنے ڈینیئل وِٹل نامی اِک مبشر دے لئی گانے گانا شروع کیتے۔ اُو مشہور مبشر ڈی ایل موڈی دے لئی حمدوثنا دے گیت تے انجیل دے گیت وی لکھ رئے سن۔ اِک انجیلی بشارت دی میٹنگ وِچ اُوہناں نے برونڈیج نامی اِک مبلغ نوں اِک واعظ سُنادے ہوئے سُنیا جیس دا اختتام ایہناں لفظاں تے ہویا، ’’تقریباً نجات پانا مکمل طور تے گواچیا جانا [گمراہ ہونا] ہوندا اے۔‘‘ فلپ ایہناں لفظاں نال بوہتا متاثر ہویا۔ اُوہنوں یاد آیا کہ ایہہ اُوہدے بارے چہ سچ سی۔ اُو گرجا گھر جاندا رہیا سی، بائبل پڑھدا رہیا سی، تے ہر روز دعا کردا سی، لیکن اُو ’’گرجا گھر دا بچہ‘‘ سی، تقریباً نجات پا گیا سی لیکن مکمل طور تے گواچ گیا سی۔ اُوہدی اپنی تبدیلی دی خیال نے فلپ نوں متاثر کیتا جدوں اُوہنے ایہناں لفظاں نوں سُنیا، ’’تقریباً نجات پانا مکمل طور تے گواچ جانا [گمراہ ہونا] ہوندا اے۔‘‘ اُو اپنے کمرے چہ گیا تے حمدوثنا دے اِک گیت دے الفاظ لکھے جیہڑے اَسی اکثر گانے آں۔ ایہہ ایہناں دا سب توں مقبول گانا بن گیا۔ اُو آپئے تے تقریباً نجات پا گئے سن لیکن مکمل طور تے گواچ چکے [گمراہ ہو چکے] سن، تے اُوہناں نے ایہدے بارے چہ اُوس مشہور حمدوثنا دے گیت وِچ لکھیا اے جیہڑا کہ اَسی اکثر گانے آں،
’’تقریباً قائل ہویا! ہُن یقین کرنے دے لئی؛
’’تقریباً قائل ہویا‘‘ مسیح نوں پان دے لئی…
’’تقریباً‘‘ فائدہ نہئیں پہنچا سکدا؛ ’’تقریباً‘‘ ناکامی دے سِوا کُج نہئیں!
اُداس، اُو انتہائی شدید غمگین ماتم، ’’تقریباً‘‘ – لیکن گمراہ ہویا ہوا۔‘‘
(’’تقریباً قائل ہویا Almost Persuaded‘‘ شاعر فلپ پی۔ بِلس Philip P. Bliss، 1838۔1876)۔
اگرچہ تُسی گرجا گھر آندے اُو تے ہجوم دے نال گُھل مِل جاندے اُو، تُسی ’’مکمل طور تے گمراہ ہوئے ہوندے‘‘ اُو۔ گرجا گھر وِچ کُج نئے بچے سوچدے نے کہ تُسی اِک مسیحی اُو، لیکن تُسی اپنے دِل وِچ جانندے اُو کہ تُسی مکمل طور تے گمراہ ہو چکے اُو۔ تے جدوں تُسی مر جاؤ گے تے جہنم وِچ ڈُب جاؤ گے تے تُسی روؤ گے تے رووؤ گے، ’’تقریباً – لیکن گمراہ ہو چکے ہوندے اُو۔‘‘ تُسی ساڈے گرجا گھر وِچ سی لیکن ایہدے چہ [موجود] نہئیں سی! تُسی زمین تے گرجا گھر وِچ سی، لیکن آسمان توں ہمیشہ دے لئی منقطع ہو گئے! اُداس، اُو انتہائی شدید غمگین ماتم ہووے گا – تقریباً – لیکن گمراہ ہو چکیا اے۔ ’’تقریباً نجات پان دا مطلب مکمل طور تے گمراہ ہو جانا ہوندا اے۔‘‘ تُسی جہنم دے علاوہ کسی شے دی راہ تے نہئیں اُو۔ تُسی بالکل گمراہ ہو چکے اُو۔
اِک ہُور گروہ اے جیس نال مینہوں گل کرنی اے۔ ایہو جئے بچے تے نوجوان بالغ نے جیہڑے گرجا گھر وِچ پلے ودھے نے، لیکن [مسیح وِچ ایمان لیہیائے بغیر] غیر تبدیل شُدہ رہندے نے۔ تُسی گھل مِل جاندے اُو، آخر کار، تُسی ساری حیاتی ایتھے رئے اُو۔ تُسی گرجا گھر آندے اُو کیوں جے ایہہ تہاڈی عادت اے۔ تہاڈے ماں پیو تہانوں ایتھے لیہیائے نے،تے تُسی ہُن ایتھے اُو۔ تُسی دُنیا دے بعض گناہواں توں پرھیز کیتا اے۔ تُسی جانندے اُو کہ گرجا گھر وِچ کیہو جیہا لباس پانا اے۔ تہاڈے کول اِک بائبل اے۔ بائبل وِچ کیا کُج موجود اے تُسی ایس دے بارے چہ کُج جانندے اُو تے مسیحی تعلیم دے بارے چہ کُج جانندے اُو۔ تہاڈے ایتھے بیلی نے۔ لوکی تہانوں جانندے نے۔ تُسی گھل مِل جاندے اُو۔ یقیناً، تُسی مسیحی تے پروہسا نہئیں کیتا اے۔ صلیب تے اُوہدی موت دا اِطلاق خدا دے اَگے تہاڈے گناہ دی ادائیگی دے لئی نہئیں کیتا گیا اے۔ اُوہدے لہو نے تہاڈے گناہ نوں نہئیں دھویا اے۔ تہاڈے کول اُوہدی مُردیاں وِچوں جی اُٹھن آلی حیاتی نہئیں اے۔ اوہ، تُسی کسی نہ کسی دِن نجات پانا چاہوو گے، لیکن تُسی موجودہ حالت وِچ خود نوں چلائے رکھنا جاری رکھدے اُو۔
ہو سکدا اے تُسی اپنے ماں پیو نوں بیوقوف بنایا ہووے۔ اُو تہاڈے نال پیار کردے نے۔ اُو سوچ سکدے نے کہ تُسی اِک مسیحی اُو۔ ایتھوں تیکر کہ پاویں اُو جانندے ہون کہ تُسی گمراہ ہو چکے اُو، محبت کرن آلے ماں پیو عام طور تے سوچدے نے کہ اُوہناں دے بچے مسیحی بن جان گے۔ آخر اُوہناں دے بچے واعظ سُنندے نے۔ یقینی طور تے، اُو دوجیاں کولوں ذاتی شہادتاں سُنندے نے جیہڑے نجات پا چکے نے۔ اینج ماں پیو نوں سوچن تے مجبور کیتا جاندا اے کہ اُوہناں دے بچے مسیحی ہو جان گے۔ ایہو جئے ماں پیو اکثر سوچدے نے، ’’یقیناً مسیحی بن جان گے۔ اُو اینج کیوں نہ سوچن؟‘‘ اُو فرض کردے نے کہ اُوہناں دے بچے مسیح چہ ایمان لیہیا کہ تبدیل ہو جان گے حالانکہ مسیحی نے کہیا، ’’تھوڑے نے جیہڑے ایہنوں پاندے نے۔‘‘ تہاڈے ماں پیو شاید سوچ سکدے نے، ’’اَسی اپنی پوری کوشش کر رئے آں۔‘‘ لیکن کی اُو تہاڈے لئی روندے نے؟ کی اُو تنہائی چہ تہاڈے لئی گھنٹیاں تیکر دعا کردے نے؟ کی اُو مسلسل تہانوں نجات پان دے لئی ترغیب دیندے نے؟
دُنیا وِچوں آن آلے بے شمار لوکاں وانگوں، تُسی اپنے بارے چہ ’’جزوی طور تے مسیحی‘‘ دی حیثیت نال سوچدے اُو۔ یعنی کہ، تُسی مسیحی بنن دے بارے وِچ سِکھ رئے اُو، کی تُسی نہئیں سِکھ رئے اُو؟ یعنی کہ، تُسی تقریباً اِک مسیحی اُو، کی تُسی نہئیں اُو؟ تہاڈے ماں پیو وی تہاڈے بارے چہ اینج ای سوچدے نے، کیوں جے اُو تہاڈے نال محبت کردے نے۔ اُو یقین کرنا چاہندے نے کہ تُسی مسیحی بنن جا رئے اُو۔ تہاڈے گمراہ ہون دے نال اُوہناں نوں تکلیف ہوندی اے۔ تہاڈے ماں پیو، ایہہ گل کیتیاں بغیر، تہانوں چھوتے مسیحی سمجھدے نے۔ تُسی ظاہر طور تے رَل مِل جاندے اُو، لہٰذا تُسی تقریباً اِک مسیحی اُو، اِک نِکّے جیہئے مسیحی، جیہڑے یقیناً اِک حقیقی مسیحی بن جان گے – نِکّے مسیحی دے طور تے، تقریباً کسی حد تیکر، یسوع تے پروہسا کرن دے لئی یقینی طور تے – کسی نہ کسی دِن۔ اُو تہاڈے کولوں تہاڈی روح گنوا دین دا تصور وی نہئیں کر سکدے – لیکن تُسی گنوا دیو گے۔
’’چھوٹے مسیحی‘‘ وگری کوئی گل نہئیں اے۔ مسیحی ناں دی کوئی گل تربیت وِچ، یا سِکھن وِچ، یا راہ وِچ نہئیں ہوندی اے۔ نجات پائے ہوئے تے گمراہ ہوئے لوکاں دے وِچکار کُج نہئیں اے! جنت تے جہنم دے وِچکار کوئی شے نہئیں اے۔ پادری صاحب نے سچ کہیا اے جدوں اُوہناں نے کہیا، ’’تقریباً نجات پان دے لئی مکمل طور تے گمراہ ہو جانا ہوندا اے۔‘‘ تُسی ایتھے بیندے اُو، لیکن تُسی مکمل طور تے گواچے ہوئے ہوندے اُو۔
بائبل مذھبی لوکاں دے نال چھوٹے مسیحیاں وگرا سلوک نہئیں کردی اے۔ اسرائیل دے عظیم اُستاد نیکدیمس نوں یسوع نے کہیا، ’’تیہنوں فیر توں جنم لینا چائیدا اے‘‘ (یوحنا3: 7)۔ پولوس رسول دا پس منظر سی، ’’اُوہدا ختنہ اٹھویں دِن ہویا، اُو اسرائیلی قوم تے بن یمین دے قبیلے توں سی، عبرانیاں دا عبرانی، شریعت دے اعتبار توں فریسی‘‘ (فلپیوں3: 5)۔ اُوہدے کول خدا دے لوکاں وِچوں اِک ہون دی ظاہری قِسماں سن – لیکن اُو اینج دا سی نہئیں! اُو گمراہ ہو گیا سی تے جہنم وِچ جا رہیا سی جدوں تیکر کہ اُوہنے یسوع تے پروہسا نہئیں کیتا۔ فریسیاں نے مسیح نوں کہیا، ’’ابراہام سڈا پیو اے‘‘ (یوحنا8: 39)۔ اُوہناں نے کہیا، ’’اَسی ناجائز اولاد نہئیں آں۔ ساڈا پیو اِک ای اے یعنی خدا‘‘ (یوحنا8: 41)۔ ’’اَسی باہرلے لوکاں وانگوں نہئیں آں۔‘‘ لیکن مسیح نے اُوہناں نوں کہیا، ’’تُسی اپنے پیو یعنی ابلیس توں اُو‘‘ (یوحنا8: 44)۔ اُو جانندا سی کہ اُو نافرمان گنہگار سن – تے ایس توں بوہتا ہُور کُج وی نہئیں۔
خدا جانندا اے کہ تُسی اِک نافرمان گنہگار اُو – تے ایس توں بوہتا کُج وی نہئیں۔ ہو سکدا اے تُسی اپنے آپ نون بے وقوف بنایا ہووے۔ ہو سکدا اے تُسی اپنے ماں پیو نوں بے وقوف بنایا ہووے۔ لیکن تُسی خدا نوں بیوقوف نہئیں بنا سکدے! بائبل کہندی اے، ’’فریب نہ کھاؤ۔ خدا ٹھٹھیاں چہ نہئیں اُڑایا جاندا‘‘ (گلتیوں6: 7)۔ خدا جانندا اے کہ تُسی ’’گناہواں چہ مُردہ‘‘ اُو (افسیوں2: 5)۔ خدا جانندا اے کہ تُسی ’’دوجیاں وانگوں [خدا دے] غضب دے بچے اُو‘‘ (افسیوں2: 3)۔ خدا جانندا اے کہ تُہاڈی ’’جسمانی نیت خدا دی مخالفت کردی اے‘‘ (رومیوں8: 7)۔ خدا جانندا اے کہ تہاڈے دِل وِچ تُسی ’’خدا دی شریعت دے تابع نہئیں اُو، تے نہ ای حقیقتاً ہو سکدے اُو‘‘ (رومیوں8: 7)۔ اُو جانندا اے کہ تہاڈی ’’عقل تاریک ہو گئی اے‘‘ (افسیوں4: 18)۔ اُو جانندا اے کہ تُسی ’’اپنے پیو یعنی ابلیس دے اُو‘‘ (یوحنا8: 44)۔ جی ہاں، خدا جانندا اے – تے تُسی اپنے دِل چہ جانندے اُو – کہ تُسی اِک نِکّے جیہئے مسیحی نہئیں اُو، بلکہ اِک چھوٹے شیطان اُو۔ خدا جانندا اے، تے تُسی اپنے دِل وِچ جانندے اُو کہ تُسی واقعی چہ اِک چھوٹے شیطان اُو۔ ایس لئی تُسی اپنے پیو شیطان وانگوں اپنے دِل وِچ خدا دی مخالفت کردے اُو۔
’’جیہدے کول پُتر اے اُوہدے کول حیاتی اے تے جیس دے کول خدا دا پُتر نئیں اے اُوہدے کول حیاتی وی نہئیں اے‘‘ (1 یوحنا5: 12)۔
تہانوں صرف گرجا گھر آن دے ذریعے توں اِک چھوٹے شیطان توں اِک حقیقی مسیحی نہئیں بنایا جا سکدا۔ تُسی گلاں سِکھن دے ذریعے توں مسیح وِچ ایمان لیہان آلی تبدیلی نوں نہئیں پا سکدے۔ تہاڈا دِل غلط اے۔ تُسی باطن توں غلط اُو۔ تہاڈا دِل ’’شدید شریر‘‘ اے (یرمیاہ17: 9)۔ تُسی اپنے آپ نوں بکری توں پیہیڈ، چھوٹے شیطان توں حقیقی مسیحی نہئیں بنا سکدے۔ ’’انساناں دے لئی اِیہہ ممکن نہئیں اے‘‘ (مرقس10: 27)۔ تے تہاڈے نال ایہہ ناممکن اے۔ تہانوں خدا دے فضل دی لوڑ اے! تہانوں خدا وَلوں تبدیلی دے معجزے دی لوڑ اے۔ تُسی تقریباً نجات پا گئے اُو، لیکن مکمل طور تے گمراہ ہو چکے اُو۔ خدا دے معجزے دے بغیر، تُسی ہمیشہ مکمل طور تے گمراہ رہ جاؤ گے – ایس حیاتی وِچ گمراہ ہو جاؤ گے تے اگلی دُنیا وِچ ہمیشہ دے لئی گمراہ رہ جاؤ گے۔
اے خدا، میں دعا منگناں آں کہ توں ایہناں لفظاں نوں کسی دے دِل دی گل کہن دے لئی استعمال کر۔ یسوع دے ناں وِچ، آمین۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔