ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایس توں پہلاں کہ میں تہانوں ایس آیت دی وضاحت کراں میں تہانوں ایس دے پِچھے کہانی دساں گا۔ پیدائش دی کتاب وِچ اِسی بزرگ اضحاق دے دو پُتراں دے بارے وِچ پڑھنے آں۔ وڈے پُتر دا ناں عیسو سی تے چھوٹے دا ناں یعقوب سی۔ اُوہناں وِچ تکرار ہوئی سی تے یعقوب گھر چھڈ کے ٹر گیا سی کیوں جے اُو اپنے بھرہا کولوں ڈردا سی۔ بعد چہ یعقوب بدل گیا سی، لیکن عیسو کدی نئیں بدلیا سی۔ مُلاکی دی کتاب وِچ خدا نے کہیا،

’’خداوند فرماندا اے: کی عیسو یعقوب دا بھرہا نہ سی؟ فیر وی میں یعقوب نال محبت رکھی، تے عیسو نال عداوت رکھی‘‘ (مُلاکی1: 2، 3)۔

نئے عہدنامے وِچ وی اَسی پڑھنے آں خدا نے کی کہیا،

’’میں یعقوب نال محبت رکھی مگر عیسو نال نفرت‘‘ (رومیوں9: 13)۔

اینج کیوں ہویا سی؟ کیوں خدا نے عیسو نال نفرت کیتی تے یعقوب نال محبت کیتی؟ ایس سوال دا جواب دین دے لئی، میں چاہنا آں کہ اِسی صدر ریگن دے دوویں پُتراں دے بارے وِچ سوچیے۔ پہلا پُتر حقیقی مسیحی وکھائی دینہدا اے۔ اُوہدا ناں مائیکل ریگن اے۔ صدر ریگن دی موت دے کُج ویلے بعد لکھے گئے اِک آرٹیکل وِچ مائیکل ریگن نے کہیا،

     اپنے والد دی صدارت دے دوران میری حیاتی چیلنجاں تے ذاتی مشکلات نال بھری پیہئی سی۔ لیکن اُو شخص جیہدے کول میں سب توں بوہتے مشوریاں دے لئی جاندا سی میرے والد سن۔ جدوں وی میہنوں اُوہناں دی لوڑ ہوندی سی اُو ہمیشہ میرے لئی موجود ہوندے سن۔
     جیہنوں میں یاد رکھاں گا اُو اِک بندہ اے جیہنے میری حیاتی بدل ڈالی۔ اُوہناں نے میہنوں… اِک باپ دے محبت دِتی۔ اُوہناں نے میرے نال اپنا پکا ایمان وی شریک کیتا۔ اُوہناں نے میہنوں خدا وَل راغب کیتا۔
     میرے والد خدا نال محبت کردے سن … ایہہ اُوہناں دی لامحدود اُمید پروری دا منبع سی … سب توں وڈا تحفہ جیہڑا اُوہناں نے میہنوں دِتا اُو شعور سی کہ [جدوں اُو مرے] اُو اپنے خداوند تے نجات دہندہ یسوع مسیح دے نال ہون دے لئی گئے۔ ایس توں عمدہ تحفہ اِک پُتر نوں پیش نئیں کیتا جا سکدا۔ بابا، شکریہ بہت بہت۔ میں تہاڈے نال محبت کرنا آں۔ (مائیکل ریگن Michael Reagan، ’’تحفے توں اُمید پروری تیکر From Gift to Optimism،‘‘ ریاست ہائے متحدہ دا اخبار تے دُنیا دی رپورٹ U.S. News and World Report، 21 جون، 2004، صفحہ 58)۔

مائیکل ریگن دی اپنے والد دے نال اِک نزدیکی تعلق داری سی، جیہڑی کہ صدر دی اپنے دوجے پُتر رون Ron دے نال کدی وی نئیں سی۔ صدر دے سوانح نگار، ڈاکٹر پال کینگور Dr. Paul Kengor سانوں صدر تے رون دے مابین جدوجہد دے بارے وِچ دسدے نے۔ ایہہ گل منظر عام تے اُوس ویلے آئی جدوں رون کافی نوجوان سن، بلوغت وَل بڑھدا ہویا اِک مُنڈا،

     اِتوار دی اِک سویرے، جدوں اُوہناں دا خاندان گرجا گھر دے لئی تیار ہو رہیا سی، ریگن نوں پتا چلیا کہ اُوہناں دا پُتر نوجوان رون اپنے کمرے وِچ کاہلی نال پیہیا سی۔ ریگن اُوہدی خبر لین دے لئی گئے، تے ویکھیا کہ اُوہناں دے پُتر نے نیلی جینز تے اِک ٹی شرٹ پہنی ہوئی سی۔ اُوہناں نے لڑکے نوں پُچھیا کہ اُوہنے کیوں نئیں اپنا سوٹ پایا۔ ’’میں نئیں جا رہیا آں،‘‘ لڑکے نے ڈھٹائی نال جواب دِتا۔ ’’میں ایہدے تے یقین نئیں رکھدا تے میں نئیں جا رہیا آں۔‘‘
     کوئی چالی وریاں بعد، رون ریگن نے ایس واقعے نوں فیر توں یاد کیتا۔ ’’اُوہنے اُوہنوں کافی مدت تیکر پریشان کیتا،‘‘ اُوہنے اپنے والد دے بارے چہ کہیا۔ ’’میرا نئیں خیال کہ ایہہ اُوہناں نوں پریشان کرن توں کدی باز آیا ہووے۔ اُوہناں گلاں وِچوں ایہہ اِک سی جیس نے کسی ہُور گل دے مقابلے چہ اُوہناں نوں بوہتا پریشان کیتا سی۔‘‘ ریگن ایس گل توں بوہتے زیادہ فکر مند سن کہ آیا اُوہناں دا پُتر رون تے اُوہدے نال نال اُوہناں دی بیٹی پیٹی Patti مسیحی ہے وی نے، کہ نئیں۔ ’’میری خواہش اے کہ اُوہناں نے مسیح نوں قبول کیتا ہوندا‘‘، اُوہناں نے اِک توں زائد وری اپنے پتر مائیکل نوں کہیا۔ وریاں بعد 1984 وِچ اِک شامی واشنگٹن وِچ اِک خاندانی کھانے دے دوران، پیٹی دی شادی ہون توں کُج ویلے پہلاں، ریگن نے مائیکل دا ہتھ روز نال تھامیا تے سرگوشی کیتی، ’’میری خواہش اے پیٹی نے مسیح نوں قبول کیتا ہوندا۔‘‘
     ریگن دے لئی ’’خدا وِچ یقین کرن‘‘ تے مسیح نوں قبول کرن‘‘ دے وِچکار فرق حقیقی تے واضح معنی رکھدا سی۔ اُوہناں نوں خوف سی کہ خاص طور تے رون نے دوواں وِچوں کیس تے کُج نئیں کیتا سی۔ ایس گل نے اُوہناں نوں ایس قدر پریشان کیتا سی کہ صدر ہون دی حیثیت نال اُوہناں نے ماسکو وِچ حکومتاں دے سربرہاواں دی ملاقات وِچ میخائل گورباشوو [اِک سویت رہنما] نال اپنی پہلی روبرہ ملاقات وِچ اپنے پُتر دی واضح دہریت دا تزکرہ کیتا (پال کینگور، پی ایچ۔ ڈی۔ خُدا تے رونلڈ ریگن: اِک روحانی حیاتی God and Ronald Reagan: A Spiritual life، ہارپر کولینز اشاعت خانے HarperCollins Publishers، 2004، صفحات 117۔118)۔

ریگن دے پادری نے کہیا کہ اُو تے صدر اکثر ’’نجات دے گہرے معاملات، دائمی حیاتی، مسیح دی الوہیت، خدا دی مرضی، تے ایہناں دے نال نال روز بہ روز دی حیاتی دے مسائل تے جیہڑے ایہناں وسیع الہٰیاتی معاملات نوں چھوندے سن اُوہناں دی گل کیا کردے سن‘‘ (ibid.، صفحہ 119)۔ اُوس پادری نے کہیا کہ اُوہنے اکثر ریگن دے نال دعا کیتی سی، تے کہیا کہ اُوہناں دوواں نے ’’کئی کئی گھنٹے اپنے گوڈیاں تے لنگہائے‘‘ (ibid.)۔

اپنے چھوٹے پُتر دی بے اعتقادی نے ’’اُوہناں نوں کافی لمبی مدت تیکر پریشان رکھیا،‘‘ رون نے کہیا۔ ’’میرا نئیں خیال کہ ایہہ اُوہناں نوں پریشان کرن توں کدی باز آیا ہووے۔ ایہہ ایہناں گلاں وِچوں اِک سی جیہنے کسی ہُور گل دے مقابلے چہ اُوہناں نوں سب توں بوہتا پریشان کیتا‘‘ (ibid.، صفحہ118)۔ مائیکل، اُوہناں دے وڈے پُتر [جیہڑے انجیلی بشارت دا پرچار کرن آلے] اِک مسیحی نے۔ صدر نے کئی وری مائیکل نوں دسیا کہ اُوہناں دی خواہش سی رون ’’مسیح نوں قبول کردا‘‘ (ibid.)۔

اَج دے دِن تیکر ریگن دے چھوتے پُتر رون نے مسیح تے کدی وی پروہسا نئیں کیتا۔ کوئی تعجب دی گل نئیں کہ اپنے باپ دے جنازے تے اُوہدے کول کہن دے لئی کوئی معنی خیز گل نئیں سی۔ مائیکل نے مسیح دے بارے وِچ شاندار گواہی پیش کیتی، مگر رون نے اپنے باپ دے بارے وِچ بے دِل جیہئی چند اِک کہانیاں دسیاں۔

کیہڑی گل نے ایہناں دوواں پُتراں نوں مختلف کیتا؟ کیوں مائیکل نے مسیح نوں قبول کیتا، جدوں کہ رون نے اُوہنوں مسترد کیتا؟ مگر ایس توں پہلاں کہ میں ایس سوال دا جواب دیاں آؤ ایس بارے چہ سوچنے آں کہ کیویں ایہہ تہاڈے نال تعلق رکھدی اے۔

ایتھے گرجا گھر وِچ اَج دی سویرے دو قسم دی لوکی نے۔ ایتھے اُو نے جیہڑے مسیح نوں قبول کرن گے – جیویں مائیکل ریگن – تے ایتھے اُو نے جیہڑے مسیح نوں مسترد کرن گے – جیویں رون جونیئر۔ کیہڑی گل اُوہناں نوں ایس قدر مختلف بناندی اے؟

میرا ذہن واپس بائبل چہ چلا جاندا اے، تے میں پیدائش دی کتاب وِچ دو بھائیاں نوں یاد کرنا آں، یعقوب تے عیسو۔ نئے عہدنامے وِچ یعقوب نوں اِک تبدیل ہوئے بندے دی تصویر دے طور تے پیش کیتا گیا اے (متی8: 11؛ لوقا13: 28)۔ عیسو نوں اِک گواچے ہوئے یا گمراہ بندے دی تصویر دی حیثیت نال پیش کیتا گیا اے جیہڑا کدی وی بچایا نئیں گیا (عبرانیوں12: 16۔17)۔

دو لوکاں دے وچکار ایس طرح دا فرق کیویں بنندا اے؟ کیوں مائیکل ریگن انجیلی بشارت دا پرچار کرن آلا اِک مسیحٰ اے، جدوں کہ رون جونیئر نئیں اے؟ کیوں یعقوب تبدیل ہویا سی، مگر اُوہدا بھرہا عیسو کھویا رہیا سی – ساری ابدیت دے لئی؟ کیہڑی گل ایہناں دوواں نوں ایس قدر مختلف بناندی اے؟

I۔ پہلی گل، کیہڑی گل اِک بندے نوں مسیحی بناندی اے جدوں کہ دوجے نوں نئیں، کی اینج نئیں کہ دوجے دی مقابلے چہ پہلاں بوہتا گنہگار ہوندا اے۔

میں ریگن دے دوواں پُتراں دے بارے چہ کافی کُج پڑھ چکیا آں ایہہ جانن دے لئی کہ اُو دوویں گنہگار سن۔ میں اضحاق دے دوویں پُتراں ، یعقوب تے عیسو دے بارے چہ کافی پڑھ چکیا آں، ایہہ جانن دے لئی کہ اُو دوویں گہنگار سن۔

لیکن ایتھوں تیکرکہ جے میں اُوہناں دے بارے چہ کوئی معلومات وی نہ پڑھی ہوندی، میں فیر وی جان گیا ہوندا کہ اُو دوویں گنہگار سن۔ بائبل کہندی اے،

’’کوئی فرق نئیں: کیوں جے ساریاں نے ای گناہ کیتا تے خدا دے جلال توں محروم نے‘‘ (رومیوں 3: 22۔23).

ایہہ سوچنا اِک ہولناک غلطی ہووے گی کہ کُج لوکی تبدیل ہو جندے نے کیوں جے اُو شدید گنہگار ہوندے نے – یا کہ دوجے تبدیل ہو جاندے نے کیوں جے اُو گھٹ گنہگار ہوندے نے۔ سچ توں کُج وی دور نئیں ہوندا اے۔ تے بائبل ایس گل دی نشاندہی کرن وِچ لامحدود حداں تیکر جاندی اے۔ مثال دے طور تے، میہنوں وکھائی نئیں دینہدا کہ کیویں کوئی چاروں اناجیل (متی، مرقس، لوقا، یوحنا) نوں ایہہ جانے بغیر پڑھ سکدا اے۔ یسوع نے ایس گل نوں انتہائی صاف طور تے واضح کیتا۔ بار بار تُسی چاروں اناجیل وِچ پڑھدے اُو کہ فریسیاں نے، جیہڑے کہ مذہبی لوکی سن یسوع دے خلاف گلاں کیتیاں کیوں جے اُو گنہگاراں دے کول جاندا سی۔ یہودیاں نے محسوس کیتا سی کہ اُو اِخلاقی طور تے نیک ہون نال نجات پاندے سن – مگر بار بار یسوع نے کہیا، ’’میں راستبازاں نوں نئیں بلکہ گنہگاراں نوں توبہ کرن دے لئی بُلان آیا آں‘‘ (متی9: 13)۔

ایس لئی ایہہ وجہ اے کہ اِک بندہ تبدیل ہو گیا سی تے دوجا آلا کھویا ہویا رہیا سی ایس لئی نئیں ہو سکدا کہ دوجے دے مقابلے چہ پہلے آلا گھٹ گنہگار سی۔ بائبل تعلیم دیہندی اے کہ اَسی سارے دے سارے، خود اپنی راہواں وِچ، برابر دے گنہگار آں۔ بائبل کہندی اے،

’’ساڈے وِچوں ہر اِک نے اپنی اپنی راہ لئی‘‘ (اشعیا 53: 6).

لہٰذا کیوں مائیکل ریگن انجیلی بشارت دا پرچار کرن آلا اِک مسیحی بن گیا جدوں کہ رون نئیں بنیا؟ تے کیوں خدا نے کہیا،

’’میں نے یعقوب نال محبت رکھی مگر عیسو نال نفرت‘‘ (رومیوں9: 13)؟

II۔ دوجی گل، کیہڑی گل اِک بندے نوں مسیحی بناندی اے جدوں کہ دوجےنوں نئیں، کی اینج تے نئیں کہ اِک دے کول کمزور باپ سی تے دوجے دے کول اِک طاقتور باپ سی۔

اِک نفسیاتی نظریہ وِچ اَج ساڈی سوچ دے بارے چہ رنگ رَلدا ہویا وکھائی دیہندا اے۔ اَسی مائیکل ریگن تے نظر پانے آں تے کہنے آں، ’’اُوہدے پیو دا اُوہدے تے گہرا اثر پیہیا سی۔‘‘اَسی رون جونیئر دے نظر پانے آں تے کہنے آں، ’’اُوہدے پیو نے اُوہنوں سُدھاریا چنگا نئیں سی۔‘‘

میں ایس گل نوں رعایت نئیں دیندا کہ اِک بندے دا اُوہدے پُتراں تے نفسیاتی اثر نئیں ہوندا – بالکل وی نئیں۔ میہنوں احساس اے کہ اُوسی پیو دا اپنے پُتراں تے دھیہیاں دے نال کُلی طور تے مختلف تعلق ہو سکدا اے۔ ایہہ بوہتا واضح اے کہ ایہہ ریگن دے خاندان وِچ سچ سی۔ اُوہدے دوویں وڈے بچے، مورین Maureen تے مائیکل نے صدر ریگن دی مثال دی پیروی کیتی سی مگر اُوہدے دوویں چھوٹے بچیاں، پیٹی تے رون جونیئر نے اُوہدے خلاف بغاوت کیتی سی۔ میں یقین کرنا آں کہ ایتھے نفسیاتی دباؤ شامل نے۔ میں ایس گل تے وی پُریقین آں کہ ایتھے نسلی دباؤ وی سن۔ مائیکل تے مورین ’’خاموش نسلSilent Generation‘‘ وِچوں سن – میر نسل۔ پیتی تے رون جونیئر ’’بے بی بومرBaby Boomer‘‘ ھیپی نسل توں سن۔ تے میں اِک منٹ دے لئی مختلف نفسیاتی تے نسلی اثرات نوں جِنہاں نے اُوہناں دی شخصیات تے اثر پایا رعایت نئیں دیہندا۔ میں محض سادگی دے نال کہہ رہیا آں کہ ایہہ معاشرتی تے نفسیاتی اثرات اُوہناں دی روحانی حیاتی دے انجام نوں تعین کرن آلے عناصر نئیں سن۔ یعقوب تے عیسو دوویں دا اِک ای پیو سی – اضحاق۔ تے اضحاق دراصل کافی حد تیکر صدر ریگن وانگوں سی۔ اُو کسی نہ کسی طور اِک الگ قسم دی پدرانہ ہستی سی۔ یعقوب تے عیسو دوویں ای دی اِک سازشی، غیرروحانی ماں سی۔ ایہہ مائیک ریگن تے رون جونیئر دے بارے وِچ وی سچ سی، دوواں وِچوں کسی اِک دی ماں وی اِک مثالی مسیحی ہون دے انعامات نئیں جیت سکدیاں سن۔

لہٰذا، ایہہ سانوں کیتھے سوچن دے لئی مجبور کردا اے؟ اَسی فیر کیویں ایہناں لوکاں – مائیکل تے رون – یعقوب تے عیسو دی مکمل طور تے مختلف روحانی صورتاں دی وضاحت کر سکنے آں؟ کیوں خدا نے کہیا،

’’میں نے یعقوب نال محبت رکھی مگر عیسو نال نفرت‘‘ (رومیوں9: 13)؟

III۔ تیجی گل، کیہڑی گل واقعی چہ اِک بندے نوں مسیحی بناندی اے جدوں کہ دوجا بحران انگیز تبدیلی وِچ نئیں ہوندا اے۔

میں مائیکل ریگن دی حیاتی دے بارے وِچ ایہنا کُج نئیں جانندا کہ تہانوں اُوہدی تبدیلی دی تجربے دے بارے وِچ کُج بوہتا دساں۔ مگر میں ایہہ جاننا آں – کسی دا وی حقیقی تجربہ بغیر بحران توں لنگہے نئیں ہوندا۔ گرجا گھر لوکاں نال بھرے پیہئے نے جِنہاں دیاں جھوتی تبدیلیاں ہوندیاں نے۔ مگر سچی تبدیلیاں ہمیشہ بحراناں دی ہمنوا بن کے آندیاں نے۔ ایسنوں سچائی دے اِک قول دے طور تے لے لؤ: بحران نئیں – تبدیلی نئیں۔ جیہڑا سانوں واپس، بالاآخر ساڈی تلاوت تے لے جاندی اے:

’’تے یعقوب اکیلا رہ گیا تے اِک بندہ پو پھٹن تیکر اُوہدے نال کُشتی لڑدا رہیا‘‘ (پیدائش32: 24)۔

سیکوفیلڈ مطالعۂ بائبل Scofield Study Bible ایہنوں ’’یعقوب دا بحران‘‘ کہندی اے (پیدائش32: 24 تے درمیانی حاشیہ دی غور طلب گل ’’b‘‘)۔ ایہہ یعقوب دا روحانی بحران سی – تے ایہنوں تہاڈا وی ہونا چائیدا اے – ورنہ تُسی بچائے نئیں جاؤ گے۔ تُسی حقیقی مسیحی بن نئیں پاؤ گے – جدوں تیکر کہ تُسی ایس بحران توں نئیں لنگہدے جیس توں یعقوب لنگہیا سی۔

ایہہ اُو اہم گل اے جیہڑی جدید انجیلی بشارت دے نال غلط اے۔ میہنوں پرواہ نئیں کہ کوئی کی کہندا اے، جے گناہ دی سزایابی نئیں اے تے فیر کوئی وی سچی تبدیلی نئیں اے۔ جے کوئی اندرونی جدوجہد نئیں اے، تے فیر کوئی وی سچی تبدیلی نئیں اے۔ ایہہ ساری دی ساری عظیم معیاری تبدیلیاں دے لئی سچ سی – جان بنیعن John Bunyan، مارٹن لوتھر Martin Luther، جارج وائٹ فیلڈ George Whitefield، جان ویزلی John Wesley، سی۔ ایچ۔ سپرجیئن C. H. Spurgeon، آر۔ اے۔ ٹورے R. A. Torrey، چین دے لئی مشنریاں دے عظیم بانی جیمس ہڈسن ٹیلر James Hudson Taylor، ڈاکٹر جان سُنگ Dr. John Sung – جیہڑے چین دے سب توں پہلے مبشر انجیل سن – اُو سارے دے سارے لوکی اِک اندرونی بحران توں لنگہے سن جدوں اُو مسیح چہ ایمان لیہیا کے تبدیل ہوئے سن۔

ویکھا تُسی، تہاڈی اندرونی فطرت خدا دے خلاف ہوندی اے۔ تُسی طبیعتاً – قدرتی طور تے – خدا دے خلاف باغی ہوندے اُو – اپنے دِل وِچ، ایہہ انسان دی برگشتگی توں لے کے ہُن تیکر ہوندا آ رہیا اے۔ ایہہ اے جیس دے بارے وِچ بائبل کہہ رئی اے جدوں اُو دسدی اے،

’’اَسی دشمن سن‘‘ (رومیوں 5: 10).

ایہو ای مطلب ہوندا اے بائبل وِچ جدوں ایہہ اِک مسیح وِچ غیرتبدیل شُدہ بندے نوں بُلاندی اے،

’’خُدا دا دشمن‘‘ (یعقوب 4: 4).

ایہو ای بائبل دا مطلب ہوندا اے جدوں ایہہ کہندی اے،

’’ایس لئی کہ جسمانی نیت خدا دی مخالفت کردی اے‘‘ (رومیوں 8: 7).

تبدیل توں پہلاں خدا دی ’’اَسی دشمن سن‘‘ (رومیوں5: 10)۔ اَسی ’’خدا دے دشمن سن‘‘ (یعقوب4: 4)۔ ساڈے ذہن ’’خدا دے خلاف عداوت‘‘ رکھدے سن (رومیوں8: 7)۔

اکثر اِک بندے نوں اندازہ ای نئیں ہوندا کہ اُو خدا دے خلاف لڑ رہیا اے! لوکی اکثر سوچدے نےکہ اُو اپنے باپ دے خلاف لڑ رئے نے، یا کوئی دوجی با اِختیار ہستی جیویں اُوہناں دا پادری۔ اُو محسوس کردے نے کہ اُوہناں دے تے اُوہناں دے مسیحی باپ دے وِچکار مرضیاں دا مقابلہ اے، یا اُوہناں دے تے اُوہناں دے پادری دے وِچکار، یا اُوہناں دے تے کسی ہُور مسیحی با اِختیار شخصیت دے وِچکار۔

رون جونیئر نے اپنے باپ نوں دسیا کہ اُو مذید ہُور گرجا گھر نئیں جائے گا۔ ’’میں ایس گل تے یقین نئیں رکھدا تے میں نہیں جا رہیا آں۔‘‘ چالی وریاں بعد، رون نے کہیا، ’’اُوہنے اُوہناں نوں کافی لمبی مدت تیکر پریشان کیتا۔ ’’میرا نئیں خیال کہ ایہہ اُوہناں نوں پریشان کرن توں کدی باز آیا ہووے۔ اُوہناں گلاں وِچوں ایہہ اِک سی جِنہے کسی ہُور گل دے مقابلے وچ اُوہناں نوں بوہتا پریشان کیتا سی‘‘ (پال کینگور، ibid.، صفحہ 118)۔ میہنوں ایویں وکھائی دیہندا اے کہ رون جونیئر ایہہ کدی وی نئیں طےکر پایا کہ اُوہدا جھگڑا اصل وِچ اُوہدے باپ دے نال نئیں اے۔ اصل وِچ اُوہدی لڑائی خدا دے نال اے! تُسی گرجا گھر آنا جاری رکھ سکدے اُو تے فیر وی خدا دے خلاف ایس قسم دا تنازع اپنے دِل وِچ جاری رکھ سکدے اُو۔ ایہو ای وجہ اے کہ تُسی حقیقی تبدیلی دا تجربہ نئیں کر پاندے۔ ایہو ای وجہ اے کہ تُسی اِک مسیحی نئیں اے۔

یعقوب تے عیسو دوویں ای دی اپنے باپ اضحاق دے نال تکرار سی۔ دوواں وِچوں کسی نوں وی احساس نئیں ہویا سی کہ اُو اصل وِچ خدا دے خلاف لڑ رئے سن۔ مگر آخرکار اِک راتی یعقوب نوں اِک تجربہ ہویا جیسن نے اُوہناں نوں یقین دِلا دِتا کہ خدا حقیقی اے۔ اُوہنے کہیا،

’’ہووے نہ ہووے خداوند ایس جگہ موجود اے تے میہنوں ایس دا علم نئیں سی‘‘ (پیدائش 28: 16).

ایس دے باوجود اُو تبدیل نئیں ہویا سی۔ یعقوب دی تبدیلی کافی دیر بعد وقوع چہ آئی سی، تے ساڈی تلاوت وِچ بیان کیتی گئی اے،

’’تے یعقوب اکیلا رہ گیا تے اِک بندہ پو پھٹن تیکر اُوہدے نال کُشتی لڑدا رہیا‘‘ (پیدائش32: 24)۔

ڈاکٹر جے۔ ورنن میگی ایس آیت تے درج ذیل رائے پیش کردے نے:

اُو کون سی جِنہے اُوس راتی یعقوب دے نال لڑائی کیتی سی؟ … میرے خیال چہ اُو قبل ازیں متجسم مسیح دے علاوہ کوئی ہُور نئیں اے … جِنہے اُوس راتی یعقو دے نال کُشتی کیتی سی … یعقوب آسانی نال پیچھا چھڈن آلا نئیں سی؛ اُو ایس قِسم دا انسان ہے ای نئیں سی – تے اُوہنے [مسیح] دے خلاف جدوجہد کیتی سی… اُوہنے اُو پا لیہیا سی جیہڑا تہانوں کدرے ہور توں مِل ای نئیں سکدا… کوشش کرن تے مزاحمت کرن دے ذریعے توں۔ واحد طریقہ جیہدے نال تُسی [مسیح] دے نال کِدرے پہنچ پانے آں اُو خود نوں اُوہدے حوالے کرن یا ہار مان لین نال اے (جے۔ ورنن میگی، ٹی ایچ۔ ڈی۔ بائبل وِچوں Thru the Bible، تھامس نیلسن Thomas Nelson، 1981، جلد اوّل، صفحات133۔134)۔

تے ایویں، اَج دی سویرے میرا تہانوں سوال ایہہ اے: کی تُسی یسوع دے سامنے ہار مان لہؤ گے؟ کی تُسی مسیح دے خلاف لڑن نال تے جدوجہد کرن توں باز آؤ گے؟ کی تُسی خود نوں مسیح ’’دے حوالے کر‘‘ دیو گے تے اُوہدے تے پروہسا کرو گے؟ تُسی اپنی ساری دی ساری حیاتی مسیح دے خلاف جدوجہد کردے رئے اُو۔ کی تُسی اپنے دِل چہ اُوہدے نال لڑن توں باز آؤ گے؟ کی تُسی مسیح دے سامنے گوڈے ٹیک دیو گے تے اُوہدے تے پروہسا کرو گے؟ مسیح نے کہیا،

’’اے محنت کشو تے بوجھ نال دبے ہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

اپنی جفا کشی توں باز آؤ۔ اپنی جدوجہد نوں چھڈ دیو۔ مسیح دے کول آؤ تے اُوہدے تے پروہسا کرو!

میں اپنی حیاتی وِچ بُہتیرے لوکاں دی مسیح چہ ایمان لیہیان دی تبدیلی دا گواہ رہ چکیا آں۔ مگر کوئی وی جان سیموئیل کیگن دے مقابلے چہ ایس قدر بوہتا ڈرامائی نئیں سی۔ کِھلو جاؤ جان۔ تُسی تشریف رکھ سکدے اُو۔ جان سب توں پہلاں تہانوں دسن آلے ہون گے کہ اُو اپنے باپ نال نفرت کردے سی، جیہڑے کہ اِس گرجا گھر دی ساتھی پادری نے۔ اُوہناں نوں اِس گرجا گھر توں نفرت سی۔ اُوہناں نوں میرے نال نفرت سی۔ تے اُوہناں نوں اپنے باپ نال نفرت سی! لیکن اُوہناں دی تبدیلی توں لے کے، میں شاذونادر ای ایہو جئی تبدیلی ویکھی اے۔ اُو مکمل طور تے تبدیل ہو گئے سن جدوں اُوہناں نے مسیح دے سامنے گوڈے ٹیہکے! ہُن اُو اپنے باپ دے نال ’’ایویں پھردے نے‘‘ جیویں کہ اُو بہترین بیلی ہون! میرے ہُن تیکر دے جان پہچان آلے لوکاں وِچوں اُو بہترین نوجوان مسیحیاں وِچوں اِک بن چکے نے۔ ایہہ نے چند اِک الفاظ جیہڑے اُوہناں نے اُوس لمحے دے بارے چہ لکھے جدوں اُوہناں نے یسوع تے پروہسا کیتا،

     جِس ویلے تیکر اِتوار دی سویر آئی، میں ذہنی تے روحانی طور تے تھک چکیا سی، ایہدے باوجود خدا دے خلاف میری لڑائی زبردست تے شدید سخت ہوندی وکھائی دے رئی سی … میں مسیح دی بُلاہٹ دے لئی اُوہدے کول آن دے لئی گھٹنے نئیں ٹیہکاں گا … میں بظاہر اپنے گناہواں نوں خود نوں جہنم چہ دکھیلدے ہوئے محسوس کر سکدا سی، مگر میں کسی نہ کسی طور مسیح تے پروہسا نئیں کر سکدا سی …

’’فیر [جان John] اکیلا رہ گیا تے اِک بندہ پَو پھٹن تیکر اُوہدے نال کُشتی لڑدا رہیا‘‘ (پیدائش32: 24)۔

     اچانک واعظ دے الفاظ … میرے کناں وِچ دھیرے نال سُنائی دِتے، ’’مسیح دے لئی ہار من لہؤ! مسیح دے لئی ہار من لہؤ!‘‘ اِک ای لمحے وِچ میں مسیح دے لئی ہار من لہئی تے اُوہدے تے پروہسا کیتا۔ میں بالکل اُسی لمحے نوں یاد کر سکنا آں، جدوں میں خود تے پروہسا کرنا چھڈ دِتا، بلکہ ایہدے بجائے میں مسیح تے پروہسا کیتا… مسیح نے میہنوں اپنا لہیا۔ اُوہنے میہنوں مسترد نئیں کیتا جیویں میں اُوہدے نال نفرت کردا سی۔ جِس جدوجہد چہ میں سی ایس گل نال نال [سمجھ آئی] کہ کیویں میں مسیح دے خلاف مزاحمت کرن توں باز نئیں آواں گا۔ ایہہ تقریباً اینج سی جیویں، کہ جیہنی چھیتی میں یسوع نوں میہنوں بچان دے لئی ’’اِجازت‘‘ دیاں گا، اُو فوراً میرے وَل دوڑ کے آئے گا، تے اپنے لہو وِچ [میرے گناہواں نوں دور کر دے گا] دھو ڈالے گا! … میں نے خود نوں یسوع دے نال چھڈ دِتا، تے ایہنے میری حیاتی وِچ اُو سارا فرق ڈٓال دِتا۔ یسوع نے اُو ساری دی ساری نفرت تے غصہ دور کر دِتا جیہڑی میری روح وِچ سکونت کر چکی سی۔ اُوہنے میرے کڑوے دِل نوں اِک نئے دِل دے نال تبدیل کر دِتا … میں یسوع نال اُوس تمام دے نال جیہڑا میں آں محبت کرنا آں، تے میں تنہا اُوسی وِچ قائم آں۔

یسوع تہاڈی تھاں تے سولی تے مریا سی۔ فیصلہ اُوہدے تے نازل ہویا سی، ایس لئی ایہہ تہاڈے تے نازل نئیں ہووے گا۔ تے اُوہنے سولی تے اپنا لہو وگایا سی تاکہ تہاڈے گناہ مکمل طور تے ہمیشہ دے لئی دُھل جان۔ ایس نال کوئی فرق نئیں پیہندا کہ تہاڈی حیاتی وِچ کیہڑے گناہ رہ چکے نے، یسوع تہاڈے نال محبت کردا اے۔ اُو آسمان چہ خدا باپ دے سجّے ہتھ تے، تہانوں معافی دین دے لئی تے تہانوں اپنے لہو توں پاک صاف کرن دے لئی تیار بیٹھا اے۔

جے تُسی یسوع دے تہانوں گناہ توں بچان دے بارے وِچ ساڈے نال گل بات کرنا پسند کرو، تے ایہہ اے جیہڑا میں تہاڈے کولوں چاہنا آں۔ ہر کسی دی بند اَکھاں دے نال، میں چاہنا آں کہ تُسی اپنی نسشت چھڈو تے ایس اجتماع گاہ دے پچھلے پاسے چلے جاؤ جے تُسی بچائے جان دے بارے چہ ساڈے نال گل کرنا چاہندے اُو۔ ڈٓکٹر کیگن تہانوں اِک ہُور کمرے چہ لے جان گے جیتھے اَسی یسوع تے تہاڈے لئی اُوہدے پیار دے بارے چہ تہاڈے نال گل بات کر سکنے آں۔ ہُنے ای اجتماع گاہ دے پچھلے پاسے چلے جاؤ۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔