نجات دہندہ دی فتح | The Saviour's Triumph!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اشعیا 53: 10 آیت دا پہلا حصہ مسیح دی گناہ دے کفارے دی قربانی دی موت دے بارے چہ دسدا اے۔ میں ایہدے تے پچھلے اِتوار منادی کیتی سی۔ خدا باپ اپنے پُتر دی مصیبتاں دے پیچھے اِک نمائندے دے طور تے دسیا گیا اے۔ ڈاکٹر میرِل ایف. اُونگر Dr. Merril F. Unger نے کہیا، ’’خُداوند نے اُوہنوں غماں وِچ مبتلا کر کے پیس ڈالیا‘‘ (میرِل ایف. اُونگر، پی ایچ. ڈی. ، پرانے عہد نامے تے اُونگر دا تبصرہ Unger’s Commentary on the Old Testament ، مُوڈی اشاعت خانہ، 1981، جلد دوئم، صفحہ 1299).

’’فیر وی ایہہ خداوند دے مرضٰ سی کہ اُوہنوں کُچلے تے غمگین کرے تے حالانکہ خداوند اُوہدی جان نوں گناہ دی قربانی قرار دیندا اے …‘‘ (اشعیا 53: 10الف).

کئیل تے ڈیلیژزچ Keil and Delitzsch دا پرانے عہد نامے تے تبصرہ کہندا اے،

ایہہ لوکی سن جِنہاں نے [مسیح] تے ایس قدر چکنا چور کر دین آلی مصیبتاں مسلط کیتیاں، ایس قدر گہر غم؛ لیکن سب توں وڈا [سبب] خدا سی، جیس نے لوکاں دے گناہ [دے کاماں] نوں اپنی خوشی، اپنی مرضی تے پہلاں توں متعین شُدہ صلاح بنایا سی (عئیرڈمینز، دوبارہ اشاعت 1973، جلد ہفتم، حصّہ دوئم، صفحہ 330).

لیکن ہُں اَسی اشعیا 53: 10 دے دوجے حصے وِچ ویکھدے نے کہ مسیح دا مصیبتاں نوں برداشت کرن دا کی نتیجہ نکلیا سی۔ اُوہدی چاہت تے موت نے اُوہدے فیر توں جی اُٹھن دی فتح تے زمین تے اپنے لوکاں دی جیت دے لئی بنیاداں دا کام کیتا سی! مہربانی نال کِھلو جاؤ تے آیت دا دوجا اَدھا حصہ پڑھو جیہڑا ایہناں لفظاں نال شروع ہوندا اے، ’’اُو ویکھ پائے گا۔‘‘

’’. . . اُو اپنی اُولاد نوں ویکھ پائے گا، تے اُوہدے عمر دراز ہووے گی، تے اُوہدے ہتھ دے وسیلےتوںؓ خداوند دی مرضی پوری ہووے گی‘‘ (اشعیا53: 10ب( .

تُسی تشریف رکھ سکدے اُو۔ تلاوت وِچ تین حیرت انگیز نتیجیاں تے غور کرو جیہڑے کہ مسیح دی مصیبتاں نال سامنے آئے!

ایہہ یسوع دی موت دا پہلا نتیجہ اے۔ ’’اُو اپنی اولاد ویکھ پائے گا۔‘‘ ایہہ مسیح دی روحانی اولاد، اُوہدی تجسیم [نسل] وَل اشارہ کردا اے۔ لکھاں لوکاں نے مسیح نوں قبول کیتا تے ’’اُوہدی اولاد‘‘ بن گئے۔ یسوع نے ایہدی نشاندہی کیتی جدوں اُوہنے کہیا،

’’لوکی مشرق، مغرب، شمال تے جنوب توں آ کے خدا دی بادشاہی دی ضیافت وِچ شرکت کرن گے‘‘ (لوقا 13: 29).

پینتیکوست دے دِن توں لے کے، پوری دُنیا توں اَن گنت تعداد وِچ لوکی مسیح وِچ شامل ہوئے۔ تے آخر وِچ، جدوں مسیح آسمان توں ایس دُنیا وِچ آندا اے،

’’اُوہدی اولاد زمین دی وارث ہووے گی‘‘ (زبور 25: 13).

لیکن مسیح نوں انتظار کرن دی لوڑ نہئیں سی جدوں تیکر کہ اُو دوجی وری اپنی اولاد ویکھن دے لئی نہ آندا۔ اُوہدے مُردیاں وِچوں جی اُٹھن دے فوراً بعد، اُوہنےاُوہناں نوں ویکھیا تے اُوہناں نے اُوہنوں ویکھیا! پولوس رسول نے کہیا،

’’تے کیفا [پطرس] نوں تے فیر دوجے رسولاں نوں ویکھائی دِتا: اُوہدے بعد پنج سو توں بوہتے مسیحی بھراہواں نوں اِک نال وکھائی دِتا … اُوہدے بعد سارے رسولاں نوں وکھائی دِتا۔ تے سب توں آخیر وِچ میہنوں وی وکھائی دِتا‘‘ (1۔کرنتھیوں 15: 5۔8).

اُوہناں نے اُوہنوں ویکھیا۔ جیویں کہ یوحنا رسول لکھدا اے،

’’اُوس حیاتی دے کلام دے بارے وِچ جیہڑا ابتداء وِچ سی، اَسی اُوہنوں سُنیا تے اپنی اَکھاں نال ویکھیا بلکہ غور نال ویکھیا تے اپنے ہتھاں نال اُوہنوں چھویا وی اے‘‘ (1۔یوحنا 1: 1).

تے اُوہنے اُوہناں نوں ویکھیا، جدوں اُو مُردیاں وِچوں جی اُٹھیا سی،

’’فیر … یسوع آیا تے اُوہناں دے وِچکار کھڑا ہویا، تے اُوہناں نوں کہن لگا، تہاڈے تے سلامتی ہووے۔ ایہہ کہہ کے اُوہنے اپنے ہتھ تے اپنی پسلی اُوہناں نوں وکھائی۔ فیر شاگرد اُوہنوں ویکھ کے خوش نال بھر گئے‘‘ (یوحنا20: 19۔20).

اُوہناں نے اُوہنوں ویکھیا تے اُوہنے اُوہناں نوں ویکھیا – تے اُو اُوہدی اولاد سن، اُوہدی روحانی نسل! جدوں اُو مُردیاں وِچوں جی اُٹھیا سی، اُوہنے اپنی اولاد ویکھی!

یسوع دے آسمان تے واپس چُکے جان دے بعد، روح القدس دی قوت حرکت وِچ آئی تے تین ہزار لوکی تبدیل ہوئے۔ دوبارہ ایہہ وعدہ اشعیا نبی دی معرفت پورا ہویا سی۔ جنت توں ہیٹاں ویکھدے ہوئے، یسوع نے اپنی اولاد ویکھی۔ تے ایہہ اینج اعمال دی کتاب وِچ شروع توں آخیر تیکر سی۔ جی اُٹھے مسیح نے جلال دے نال اپنے تخت توں ہیٹاں ویکھیا تے کثیر تعداد وِچ لوکاں نوں ویکھیا جیہڑے اُوہدے تے پروہسا کردے سن تے اُوہدی اولاد بنے۔

تے اینج ای ایہہ زمانیاں توں ہوندا آیا اے۔ یسوع جنت توں ہیٹاں ویکھدا اے تے ساری دُنیا دے چہرے تے اپنی اولاد نوں ودھدے ہوئے ویکھدا اے، ایویں اشعیا نبی دی معرفت ایہہ پیشن گوئی پوری ہوندی اے، کہ اُو آن گے ’’لوکی مشرق، مغرب، شمال تے جنوب توں آ کے خدا دی بادشاہی دی ضیافت وِچ شرکت کرن گے‘‘ (لوقا 13: 29).

جی ہاں، اُو وعدہ کروڑھا وری تاریخ وِچ تے پوری دُنیا وِچ پورا کیتا گیا اے۔

تے جدوں تُسی یسوع دے کول ایمان دے نال آؤ گے تے اُو تہانوں وی ویکھے گا! تبدیلی دے لمحے وِچ تُسی اُوہناں لوکاں دی کثیر تعداد وِچ شامل ہو جاؤ گے جیہڑے اُوہدی اولاد نے – زمین اُتے تے آسماناں وِچ۔

اَسی کیویں خوشی منائیے کہ جی اُٹھیا مسیح ایس قدر شاندار تے بابرکت نظارہ ویکھ پاندا اے – ساریاں قوماں تے نسلاں دے مرد تے عورتاں اُوہدے تے یقین رکھدے نے، تے اُوہدے وِچ ہمیشہ دے لئی اپنے آپ نوں سموندے جا رئے نے! جی ہاں،

تے اُوس آخیرلی فتح تے، جدوں مسیح ایس زمین تے اپنی بادشاہی قائم کرن اپنے جلال وِچ آئے گا، جدوں اُو خداواں دے خدا تے بادشاہواں دے بادشاہ دے طور تے دوبارہ حکومت کرن آئے گا،

’’اُوہدی اُولاد زمین دی وارث ہووے گی‘‘ (زبور 25: 13).

تے ’’اُو اپنی اولاد ویکھ پائے گا،‘‘ کیوں جے خدا دے مُنہ توں ایہہ گل نکلی سی! یسوع حکومت کرے گا۔‘‘ ایہنوں گاؤ!

جیتھے سورج ہووے گا یسوع دی حکومت ہووے گی
اُوہدا کامیاب سفر چلدا رہوے گا؛
اُوہدی بادشاہی ساحل توں ساحل تیکر پھیلی اے،
جدوں چاند ودھے گا تے گھٹے گا نہئیں۔
(’’یسوع حکومت کرے گا‘‘ شاعر آئزک وآٹز، ڈی. ڈی.، 1674۔1748).

اَسی اپنی تلاوت اشعیا 53: 10 وِچ واپس ویکھنے آں کہ ایس وِچ یسوع دی مصیبتاں تے موت دے بارے وِچ اِک ہور بہوتا عظیم نتیجہ اے۔

’’اُو اپنی اولاد ویکھ پائے گا، تے اُوہدی عمر دراز ہووے گی …‘‘ (اشعیا53: 10ب( .

یسوع دی وت دا دوجا اثر اے، ’’اُوہدی عمر دراز ہووے گی،‘‘ کیوں جے جدوں اُو صلیب تے مریا سی تے اُوہدی حیاتی دا اختتام نہئیں ہویا سی۔ موت اُوہنوں قبر وِچ بہوتے ویلے تیکر نہئیں رکھ پائی سی۔ تیجا دِن آیا، فاتحانہ مسیح فیر توں حیاتی وَل لوٹ آیا۔ اُوہنے فیر توں نہ مرن دے لئی، موت دی بیڑیاں نوں توڑ دِتا، تے قبر وِچوں باہر نکل آیا! ’’کیوں جے گناہ تے اعتبار توں مسیح اِک ای وری مریا لیکن خدا دے اعتبار توں اُو ہمیشہ زندہ اے‘‘ فیر کدی نہ مرن دے لئی! (رومیوں 6: 10).

’’کیوں جے سانوں معلوم اے کہ جدوں مسیح مُردیاں وِچوں زندہ کیتا گیا تے فیر کدی نہئیں مرے گا؛ موت دا اُوہدے تے فیر کدی وی نہئیں اِختیار ہووے گا‘‘ (رومیوں 6: 9).

اُو تین غمگین دِن چھیتی ای لہنگ گئے؛
اُو جلال دے نال مُردیاں وِچ جی اُٹھدا اے:
ساری شان و شوکت ساڈے زندہ خدا دی! ہیلیلویاہ!
ہیلیلویاہ! ہیلیلویاہ! ہیلیلویاہ!
((تصادم ختم ہوندا اے، The Strife is O’er,‘‘ ، مترجم فرانسس پُاٹ Francis Pott، 1832۔1909).

’’مگر یسوع ابد تیکر قائم رہن آلا … اُو اُوہناں دی [ساڈی] شفاعت کرن دے لئی ہمیشہ زندہ اے‘‘ (عبرانیوں 7: 24، 25)۔

سپرجئین نے کہیا، آسماناں دی بُلندیاں توں اُو اپنی اولاد دی کثیر تعداد نوں زمین تے [ہیٹاں] ویکھدا اے … ساڈے خداوند یسوع مسیح دی اولاد ایہنی ای اے جیہنے آسمان تے ستارے، تے ایہنی ای اے جیہنی گرمیاں دی مٹی‘‘ (سی. ایچ. سپرجئین، میٹروپولیٹن دی عبادت گاہ دی واعظ گاہ توں The Metropoltan Tabernacle Pulpit ، پِلگرِم اشاعت خانہ، دوبارہ اشاعت 1978، جلد 51، صفحہ 565).

’’اُو اپنی اولاد ویکھ پائے گا، تے اُوہدی عمر دراز ہووے گی …‘‘ (اشعیا53: 10ب( .

آؤ کِھلو جاؤ تے اُوچی واج نال پوری تلاوت پڑھو، تے جملے دی ایس جُر تے خصوصی توجہ دیو جیہڑا ایہناں لفظاں دے نال شروع ہوندا اے، ’’مرضی پوری۔‘‘

’’… اُو اپنی اولاد ویکھ پائے گا، تے اُوہدی عمر دراز ہووے گی، تے اُوہدے ہتھ دے وسیلے توں خدا دی مرضٰ پوری ہووے گی‘‘ (اشعیا53: 10ب( .

یسوع دی موت دا ایہہ تیجا نتیجہ اے، ’’تے اُوہدے ہتھ دے وسیلے نال خدا دی مرضی پوری ہووے گی۔‘‘ سپرجئین نے کہیا،

اِک ہزار [انیس] نو سو وریاں توں بہوتے لہنگ چکےنے جدوں اُو مُردیاں وِچوں اپنی نئی حیاتی دے لئی جی اُٹھدا اے، فیر وی اُو ہُنے تیکر زندہ اے؛ تے اَسی جاننے آں کہ اُوہدے دِن جدوں تیکر دُنیا اے قائم رہن گے، جی ہاں، تے آخیر تیکر، ایتھوں تیکر کہ باپ وی، جدوں اُو بادشاہی خدا دے حوالے کرے گا، فیر وی اُوہدی عمر دراز ہووے گی۔ ’’اے خدا، تیرا تخت، ہمیشہ توں ہمیشہ تیکر اے،‘‘ توں ای باقی رہوے گا، بے شک پہاڑ فنا ہو جان، تے پاویں آسمان پھٹن پرانے کپڑیاں وانگوں لپٹ جان (سپرجئین، ibid.).

’’تے اُوہدے ہتھ دے وسیلے توں خدا دی مرضی پوری ہووے گی‘‘ (اشعیا53: 10 ( .

بہترین خوشی، مرضی، خدا دا مقصد، ’’اُوہدے ہتھ دے وسیلے توں پورا ہووے گا۔‘‘ خدا باپ نے یسوع نوں کہیا،

’’میں تیہنوں غیر قوماں دے لئی وی نور بناواں گا، تاکہ توں میری نجات زمین دے کناریاں تیکر لے جائے‘‘ (اشعیا 49: 6).

’’قوماں تیری روشنی وَل آن گئیاں … مختلف قوماں دا مال و زر تیرے پاس لیہیا جائے گا‘‘ (اشعیا 60: 3،5).

’’ویکھ اُو بوہتی دور توں آن گے: تے کُج شمال وَلوں تے کُج مغرب وَلوں تے کُج آسوان [چین] دے علاقے توں‘‘ (اشعیا 49: 12).

’’تے اُوہدے ہتھ دے وسیلے توں خدا دی مرضی پوری ہووے گی‘‘ (اشعیا53: 10 ( .

کُج عرصے پہلاں اَسی چین تے اِک نمائشی فلم ویکھی سی جیہنوں شہیداں دی واج The Voice of the Martyrs نے تقسیم کیتا سی۔ ایہہ اِک موزس ژائی [شیے] نامی بوٖڑھے چینی دی گواہی دکھاندی اے۔ ’’تہذیبی انقلاب‘‘ دے دوران، اُوہنوں کئی وریاں تیکر اشتراکیت پسنداں نے زنجیراں وِچ جکڑ کے قید وِچ رکھیا کیوں جے اُوہنے مسیح دی خوشخبری دی منادی کیتی سی۔ نااُمیدی دی گہرائیاں وِچ اُو خودکشی کرن دے لئی تیار سی۔ فیر، اُوہنے کہیا، یسوع دی واج نے اُوہدے دِل وِچ کیہیا، ’’میرے بچے، میرا فضل ای تیرے لئی کافی اے۔‘‘ ژائی بھائی نے کیہیا کہ اُوہنے ایہہ واج تین وری اپنے دِل وِچ سُنی۔ جدوں تیجی وری ایہہ واج اُوہدے نال ہمکلام ہوئی تے اُو زار و قطار رون لگا۔ ’’میرے بچے، میرا فضل ای تیرے لئی کافی اے۔‘‘ جدوں اُو مسیح دی قوت دے بارے وِچ جیس نے اُوہنوں اشتراکیت پسنداں دی قید وِچ بچایا، دس رہیا سی تے اُوہدی اَکھاں تشکر دےاَتھروواں نال بھر گئیاں سن۔

فیر فلم وِچ منظر تبدیل ہوندا اے تے اِک چھوٹا جیہا سین ویکھایا جاندا اے جیس وِچ ہزارہاں لکھاں اشتراکیت پسنداں نوں لفظی طور تے ماؤ ٹی آئی سُتنگ Mao Tse Tung, جیہڑا کہ اِک ظالم اشتراکیت پسند آمر حکمران سی تے جیس نے ہٹلر توں بوہتے لوکاں نوں قتل کیتا سی دی پرستش کردے ہوئے ویکھایا۔ جدوں وہ ماؤ ٹی آئی سُتنگ دی تعریف وِچ اُوہد جاپ پڑھ رئے سن، میں سوچیا، ’’اَسی مسیحی اُوتھے ہوواں گے جدوں تسی اشتراکیت پسند ٹر جاؤ گے۔‘‘ جدوں چینی اشتراکیت پسند گروہ تاریخ وِچ راکھ دا ڈھیر ہووے گا، مسیحیت اُودھوں وی اُوتھے ہووے گی، ہمیشہ وانگوں حیرت ناک، کیوں جے ایہہ اَج بہترین تعداد توں ودھ رئی اے۔ مسیح دی دشمناں دے لئی، اُو جیتھے کدرے وی ہون، اَسی پورے اعتماد دے نال کہہ سکنے آں، ’’اَسی مسیحی اُوتھے ہوواں گے جدوں تسی اشتراکیت پسند ٹر جاؤ گے۔‘‘ کیوں جے ’’اُوہدے ہتھ دے وسیلے توں خدا دی مرضی پوری ہووے گی‘‘!

لوکاں دی نظراں وِچ مسیحی پاویں حقیر تے کمتر ہون۔ سانوں بے شک حقیر جانا جائے یا بے شک ساڈا مذاق اُڑایا جائے، جییوں ساڈے نجات دہندہ دے نال کیتا سی۔ لیکن مسیح مُردیاں وِچوں زندہ ہویا اے، تے ’’اُوہدے ہتھ دے وسیلے توں خدا دی مرضی پوری ہووے گی۔‘‘ ایس لئی، ایس نال کوئی فرق نہئیں پیہندا کہ سچی مسیحیت نوں کیہنا حقیر جانا جائے یا مسترد کیتا جائے، ایہہ ’’اُوہدے ہتھاں نال فروغ پائے گی۔‘‘ تے آخیر وِچ،

’’دُنیا دی بادشاہی ساڈے خداوند، تے اُوہدے مسیح دی [ہو چکی] اے؛ تے اُو ہمیشہ تیکر بادشاہی کردا رہوے گا‘‘ (مکاشفہ 11: 15).

فیر، میرے بھائیو، اَسی ویکھاں گے کہ یسوع دی موت نے کی کُج حاصل کیتا، کیوں جے ’’اُوہدے ہتھ دے وسیلے توں خدا دی مرضی پوری ہووے گی۔‘‘ یسوع ساری زمین تے حکومت کرن دے لئی فیر توں آ رہیا اے!

اُو فیر آ رہیا اے، اُو فیر آ رہیا اے،
بالکل اُوہی یسوع، جنہوں لوکاں نے رد کیتا؛
اُو فیر آ رہیا اے، اُو فیر آ رہیا اے،
عظیم جلال تے قوت نال، اُو فیر آ رہیا اے!
(’’اُو فیر آ رہیا اے He is Coming Again، شاعر میبل جانسٹن کیمپ Mabel Johnston Camp، 1871۔1937).

تے تہاڈے وِچوں اُوہناں دے لئی جیہڑے مسیح وِچ ایمان لیہیا کے تبدیل نہئیں ہوئے نے، اَسی تہانوں گزارش کرنے آں کہ جی اُٹھے مسیح وِچ ایمان دے نال آؤ۔ اَسی تہاڈی حوصلہ افزائی کرنے آں کہ اُوہدے قیمتی لہو نال اپنے گناہواں نوں دھو کے پاک صاف ہون۔ اَسی تہانوں اصرار کرنے آں کہ ساڈے نال آؤ تےنجات دہندہ دی پیروی کرو پاویں ایس دی کوئی وی قیمت ادا کرنی پیہئے! اَسی جیتن آلیاں دے نال آں، کیوں جے ’’اُوہدے ہتھ دے وسیلے توں خدا دی مرضی پوری ہووے گی۔‘‘ ایس لئی میں تہانوں اصرار کرنا آں کہ یسوع دے کول آؤ، مسیح وِچ ایمان لیہیا کے تبدیل ہوو، جیتن آلیاں وَل ہوو!

فیر، آؤ تے اُوس مقدس گروہ وِچ شامل ہوو،
     تے جلال وِچ شامل ہوو،
تے اُوس آسمانی زمین تے پنپن دےلئی،
     جیتھے لازوال خوشیاں لبھدیاں نے۔
صرف اُوسی تے پروہسا کرو، صرف اُوسی تے پروہسا کرو،
     ہُن صرف اُوسی تے پروہسا کرو۔
اُو تہانوں بچائے گا، اُو تہانوں بچائے گا،
     [مسیح] ہُنے تہانوں بچائے گا۔
(صرف یسوع تے پروہسا کرو‘‘ شاعر جان ایچ سٹاکسٹن، 1813۔ 1877)۔

اُوس کورس نوں فیر توں گاؤ۔ جدوں اَسی گائیے ’’صرف اُوسی تے پروہسا کرو،‘‘ جے تُسی ہُنے تیکر نجات یافتہ نہئیں ہوئے اُو، میں چاہنا آں کہ تُسی اپنی کرسی توں اُٹھو تے اجتماع گاہ دے پچھلے پاسے ٹر جاؤ۔ ڈاکٹر کیگن تہانوں اِک ہور کمرے وِچ لے جان گے، جیتھے اَسی گل بات تے دعا کر سکاں گے۔ ہُنے جاؤ جدوں اَسی گا رئے آں۔

صرف اُوسی تے پروہسا کرو، صرف اُوسی تے پروہسا کرو،
ہُن صرف اُوسی تے پروہسا کرو۔
اُو تہانوں بچائے گا، اُو تہانوں بچائے گا،
[مسیح] ہُنے تہانوں بچائے گا۔

مسٹر لی Mr. Lee ، مہربانی نال ساڈی اُوہناں لوکاں لئی جِنہاں نے ردعمل ظاہر کیتا دعا وِچ رہنمائی کرئیے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔