منوحہ دی ووہٹی وَلوں حکمت دے الفاظ

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

منوحہ دی ووہٹی اِک سمجھدار عورت سی۔ اُوہنے حقائق دی بنیاد تے اپنا نتیجہ اخذ کیتا۔ اُو جانندی سی کہ خداوند دے لئی اُوہدے شوہر تے اُوہدے تے ایہہ ظاہر کرنا کوئی معنی نئیں رکھدا کہ جے اُو اُوہناں نوں مارن دا سوچ رہیا اے تے اُوہناں دے ہاں بیٹا ہووے گا۔ اُوہدے دلیل منطقی سی۔ ایہہ تہاڈے لئی وی چنگا ہووے گا کہ تُسی نجات دہندہ دے حوالے توں منطق دا استعمال کرو۔

اَسی یقین تے ایمان دے دور وِچ نئیں رہندے۔ ایہہ مادیت پرستی دا دور اے – اِک بے دین زمانہ۔ لوکی خدا، فرشتیاں یا مسیح دے بغیر مادی کائنات دے بارے چہ سوچن دا رُجحان رکھدے نے۔

جدوں میں تے میری ووہٹی پچھلے ورے انتونیو، ٹیکساس وِچ سن تے اَسی الامو گئے سن۔ رات سی، تے آلامو روشنیاں نال جگمگا رہیا سی۔ سڑک پار اِک ہجوم جمع ہو رہیا سی۔ اَسی ایہ ویکھن دے لئی اُوتھے گئے کہ کیہڑی کشش اے۔ اُوتھے فٹ پاتھ تے اِک بندہ کائنات دی تصویر سپرے پینٹ کر رہیا سی۔ اَسی اُوہنوں کینوس تے کئی رنگ چھڑکدے ویکھیا۔ جدوں اُو فارغ ہویا تے اُوہدے بیلی نے اُوہنوں سامعین دے ویکھن دے لئی چُک رکھیا سی۔ ایہہ زمین دی تصویر سی، جیہڑی چن توں نظر آندی سی، ایہدے اردگرد دوجے ستارے سن۔ ایہہ خوبصورت سی۔ لیکن ایہہ بالکل مُردہ سی – اِک بے جان دُنیا دی تصویر، خدا دے بغیر، ایتھوں تیکر کہ پودیاں تے جانوراں دے بغیر وی – صرف اِک سرد، مُردہ، بے جان کائنات۔

ایہہ اُوہی اے جیہڑا ’’سائنس ازم‘‘ دے دغاباز مذہب نے سانوں 20 ویں صدی وِچ موڑیا سی۔ لیکن بُہتیرے نوجوان مادیت پسند، نام نہاد ’’سائنسی‘‘ نظریے تے مبنی جھوٹے مذہب دے خلاف بغاوت کر رئے نے۔ ایہہ نوجوان، دُنیا بھر وِچ، کہہ رئے نے کہ اُو خدا دے بغیر دُنیا وِچ رہنا نئیں چاہندے۔ اُوہناں نے سابق سویت یونین وِچ تے حال ای وِچ عوامی جمہوریہ چین وِچ ملحدانہ کیمونزم دے خلام ہزارہا لکھاں نے بغاوت کیتی اے۔

لیکن تُسی کیس قسم دے خدا تے یقین رکھدے اُو؟ ایہہ اِک اہم سوالے اے۔ بُہتیرے لوکاں دے لئی بائبل دے خدا نوں اِک ظالم خدا دے طور تے پیش کیتا گیا اے۔ اُو کہندے نے کہ خدا بے رحم تے غضبناک اے۔ رومن کاتھولک پس منظر آلے بُہتیرے لوکی خدا نوں انتقامی تے ظالم سمجھدے نے۔ اکثر لوکی گرجا گھر جانا چھڈ دیہندے نے تے اپنی باقی حیاتی اِک ایہو جئے خدا تے ناراض رہندے نے جِنہوں اُو ظالم تے بے دِل ویکھدے نے۔ بعض وری لوکی سوچدے نے کہ خُدا اُوہناں نوں ’’حاصل‘‘ کرن دے لئی باہر اے۔ دوجیاں دا خیال اے کہ خدا نوں اُوہناں دی کوئی پرواہ نئیں اے تے اُو اُوہناں نوں اُمید دے بغیر مرن دیوے گا۔

منوحہ دے کول خدا دا مُڑا ہویا تصور سی، جیویں کہ اَج دے بُہتیرے نوجواناں دا اے۔ اُوہنے کہیا کہ خدا اُوہدے خلاف سی تے اُوہنوں حاصل کرن دے لئی باہر سی۔ لیکن منوحہ دی ووہٹی اُوہدے توں بوہتی عقلمند تے روحانی سی۔ اُوہدی ووہٹی نے کہیا

’’جے خداوند خوش ہوندا (چاہندا) کہ سانوں مار ڈالے تے ساڈے ہتھ توں (ساڈے کولوں) سوختنی قربانی تے نذر دی قربانی قبول نہ کردا، نہ اُو سانوں ایہہ سب کُج وِکھاندا تے نہ ای اُوس ویلے ساڈے نال ایہو جئی گلاں کہندا‘‘ (قضاۃ 13: 23)۔

ہُن ایس آیت وِچ تین گلاں نے جیہڑیاں بیان کیتی گئیاں نے یا جِنہاں توں نتیجہ کڈیا جا سکدا اے جیہڑا اَج دی سویر میں سامنے لیہیانا چاہنا آں:

1. صحائف دا خدا تہانوں تباہ نئیں کرنا چاہندا۔

2. تہاڈے لئی مسیح دی قبول شُدہ قربانی خوف نوں ختم کر دیہندی اے۔

3. نجات دے عقائد ظاہر کردے ے کہ خدا تہانوں تباہ نئیں کرنا چاہندا۔

I۔ پہلی گل، بائبل دا خدا نہ ای تے تہانوں مارنا چاہندا اے تے نہ ای تہانوں تباہ کرنا چاہندا اے۔

درحقیقت، سچ ایہدے بالکل برعکس اے – خدا تہاڈے نال محبت کردا اے۔ سانوں ایہہ گل بائبل وِچ بار بار دَسی گئی اے۔ ’’کیوں جے خدا نے دُنیا نال ایہو جئی محبت رکھی‘‘ (یوحنا 3: 16)۔ ’’خدا محبت اے‘‘ (1 یوحنا 4: 16)۔ ’’ہم اُوہدے نال پیار کرنے آں کیوں جے اُوہنے پہلاں ساڈے نال محبت کیتی‘‘ (1 یوحنا 4: 19)۔ ’’محبت تے امن دا خدا تہاڈے نال رہوے گا‘‘ (2۔ کرنتھیوں 13: 11)۔

منوحہ دی ووہٹی نے کہیا، ’’جے خداوند سانوں مارنا پسند کردا …‘‘ (قضاۃ 13: 23)۔ اُوہدی دلیل دا آغاز ای اِک ظالم تے بے رحم خدا دی سوچ نوں رد کردا اے۔ خدا تہانوں مارن نال خوش نئیں اے!

’’کیوں جے خدا نے پُتر نوں دُنیا وِچ ایس لئی نئیں پہیجھیا کہ اُو دُنیا نوں سزا دا حکم سُنائے بلکہ ایس لئی کہ دُنیا نوں اُوہدے وسیلے توں نجات بخشے‘‘(یوحنا 3: 17)۔

کیتھولک پس منظر آلے بُہتیرے لوکی ایس آیت نوں نئیں منندے۔ اُوہناں نوں سِکھایا گیا اے کہ یسوع اُوہناں دے گناہواں دے لئی اُوہناں توں ناراض اے۔ یسوع اُوہناں دے مطابق، گنہگاراں دے خلاف غصے تے شدید غضب نال بھریا ہویا اے۔ ایس لئی اُو یسوع دی بجائے مریم یا روح القدس دے کول آندے نے۔ لیکن کیتھولک چرچ یسوع دی محبت تے خدا دی محبت نوں غلط بیان کردا اے۔

’’میں تیرے نال ابدی محبت رکھی تے تیرے تے اپنی شفقت بنائے رکھی‘‘ (یرمیاہ 31: 3)۔

جدوں اِسی انگلینڈ وِچ سی تے اَسی ڈوور دی سفید چٹاناں تے گئے۔ ایہناں چٹاناں دے لاگے اِک قدیم مینارہ اے۔ ایہہ بالکل وی جدید لائٹ ہاؤس وگرا نئیں اے۔ ایہہ اِک اوچا مخروطی [کون نما] شکل دا اے۔ اُو اُوہدی تہہ وِچ لکڑیاں بالدے نےتے شعلے اُوہدی لمبی مخروطی [کون نما شکل] وِچوں بُلند چھالاں مار کے باہر فضا وِچ نکل کے روشنی بناندے سی، ایس لئی کہ کِدرے جہاز قریب آ کے پتھراں نال ٹکرا نہ جان۔ اُوہناں دا کہنا سی کہ لائٹ ہاؤس تقریباً دو ہزار ورے پرانا اے۔ جدوں میں اُوہدی عمر دے بارے چہ سوچیا تے میرا دماغ کافی ہل گیا، جدوں میں ایہدے چہ داخل ہویا تے قدیم ڈھانچے دی سیاہ دیواراں وَل ویکھیا۔

لیکن اُو مینارہ جیہڑا انگریزاں نے دو ہزار ورے پہلاں بنایا سی، خدا دی محبت دے مقابلے وِچ اپنی عمر چہ کُج وی نئیں سی۔ ’’میں تیرے نال ابدی محبت رکھی تے تیرے تے اپنی شفقت بنائے رکھی‘‘ (یرمیاہ 31: 3)۔ خدا نے تہانوں ایس گرجا گھر وَل لازوال محبت دے نال کھیچیا اے۔ خدا تہانوں زمانیاں وِچوں تے ابدیت تیکر محفوظ رکھنا چاہندا اے تے تہانوں لازوال محبت دے نال جنت وِچ کھیچنا چاہندا اے۔ ’’میں تیرے نال ابدی محبت رکھی تے تیرے تے اپنی شفقت بنائے رکھی‘‘ (یرمیاہ 31: 3)۔

’’جیہڑی محبت خدا نوں ساڈے نال اے، اَسی اُوہنوں جان گئے آں تےسانوں اُوہدا یقین اے۔ خدا محبت اے تے جیہڑا محبت وِچ قائم رہندا اے اُو خدا وِچ قائم رہندا اے تے اُوہدے وِچ‘‘ (1 یوحنا 4: 16)۔

’’اَسی اُوہدے نال ایس لئی محبت رکھنے آں کیوں جے پہلاں خدا نے ساڈے نال محبت رکھی‘‘ (1 یوحنا 4: 19)۔

تہاڈی پیدائش توں پہلاں خدا تہاڈے نال محبت کردا سی۔ اُو تہانوں تمام ازل توں پیار کردا سی۔ اُو ہُنے وی تہاڈے نال پیار کردا اے۔ اُوہدے محبت توں مُنہ نہ موڑو۔ یسوع مسیح، اُوہدے پتر وَل مکمل طور تے رجوع کرو، تے اُو تہانوں بچائے گا، کیوں جے اُو تہاڈے نال محبت کردا اے۔

خداوند تہانوں مارن تے راضی نئیں اے، کیوں جے اُو اپنی فطرت وِچ تہاڈے نال محبت کردا اے۔

II۔ دوجی گل، تہاڈے لئی مسیح دی قبول شُدہ قربانی خوف نوں ختم کردی اے۔

’’جے خداوند چاہندا کہ سانوں مار ڈالے تے ساڈے ہتھاں توں سوختنی قربانی تے نذر دی قربانی قبول نہ کردا …‘‘ (قضاۃ 13: 23)۔

اُوہناں نے جیہڑیاں قربانیاں پیش کیتیاں اُو سولی تے گناہ دے لئی یسوع مسیح دی قربانی دی تشبیہات یا تصویراں سن۔

احبار 1: 3۔6 آیتاں وِچ، پرانے عہدنامے چہ، سانوں سوختنی قربانی دے بارے وِچ دسیا گیا اے۔ سردار کاہن نوں ’’اُو سوختنی قربانی دے جانور دے سر تے اپنا ہتھ تے اُو اُوہدے وَلوں اُوہدے لئی بطور کفارہ قبول ہووے گا‘‘ (احبار 1: 4)۔ ایہہ یسوع مسیح دی اِک تصویر اے جیہڑا تہاڈے لئی کفارہ ادا کر رہیا اے، تہاڈے گناہواں دی ادائیگی سولی تے کر رہیا اے۔

’’تے ہارون دے پتر جیہڑے کاہن نے اُوہدا لہو لیہیان الطار تے مذبح دے چاروں پاسے چھڑک دین …‘‘ (احبار 1: 5)۔

ایہہ تصویراں، ایہہ یسوع دے لہو دی نشاندہی کردیاں نے جیہڑا تہاڈے گناہواں نوں دھون دے لئی چھڑکیا گیا سی۔ تے بائبل کہندی اے، ’’اُو اُوہدے وَلوں اُوہدے لئی بطور کفارہ قبول ہوے گا‘‘ (احبار 1: 4)۔

خدا نے مسیح دے نذرانے نوں قبول کر لیہیا اے! تسی کیویں ڈر سکدے اُو کہ خدا تہانوں مار ڈالے گا یا تہانوں سزا دیوے گا کیوں جے اُوہنے مسیح دی موت تے مسیح دے لہو نوں تہاڈے گناہواں دی ادائیگی تے کفارہ دے طور تے قبول کیتا اے؟

مزید برآں، بائبل گوشت دی قربانی دی تصویر پیش کردی اے:

’’جدوں کوئی خداوند دے لئی اناج نوں بطور نذر پیش کرے تے اُو میدہ لیہیا کے چڑھائے‘‘ (احبار 2: 1)۔

’’ایہہ بطور آتشین قربانی مذبح تےجلا دے جہیڑا خداوند دے لئی راحت انگیز خوشبو ہووے گی‘‘ (احبار 2: 9)۔

گوشت، یا کھانے دا نذر کیتا جانا ’’مسیح دے کردار دی یکسانیت تے توازن دی گل کردا اے؛ اُوس کمال دا جیہدے وِچ کوئی معیار حد توں زیادہ نئٰیں سی، کیوں گھاٹا نئیں سی۔ آگ تکلیف سہن دے ذریعے توں اُوہدے امتحان توں لنگہن دی (گل کردی اے)، حتیٰ کہ موت دی حد تیکر‘‘ (احبار 2: 1 تے سیکوفیلڈ دی غور طب گل)۔

’’لیکن مسیح بہتر برکتاں دا سردار کاہن بن کے آ چکیا اے جیہڑے ہُن موجود نے تے او جیس خیمہ توں خدمت سرانجام دیہندا اے اُو بوہتا وڈا تے کامل اے تے انسانی ہتھاں دا بنایا ہویا یعنی ایس دُنیا دا نئیں۔ اُو بکریاں تے بچھڑیاں دا نئیں بلکہ اپنا لہو لے کے اِک وی وری پاک ترین مکان وِچ داخل ہویا تے سانوں ایہو جئی نجات دلائی جیہڑی ابدی اے‘‘ (عبرانیوں9: 11۔12)۔

’’اینج ای مسیح وی اِک ای وری بہوتاں دے گناہواں نوں چُک کے لے جان دے لئی نذرانے دے لئی پیش کیتا گیا‘‘ (عبرانیوں9: 28)۔

جدوں خداوند نے منوحہ تے اُوہدی ووہٹی دے نذرانے نوں قبول کر لیہیا تے ایہہ ثابت کردا اے کہ اُو اُوہناں نوں سزا نئیں دے گا یا قتل نئیں کرے گا:

اینج دے اعداد و شمار وِچ، جے اُو تہانوں قتل کرن یا تہانوں سزا دین دا اِرادہ رکھدا تے خدا نوں تہاڈے گناہواں دی ادائیگی دے لئی سولی تے خدا دے پُتر دی پیش کش نہ لبھدی۔ تہاڈے گناہواں دی ادائیگی دے لئی یسوع دا سولی تے جان دا عمل ای تہاڈے لئی خدا دی محبت نوں ظاہر کردا اے – نہ کہ اُوہدی سزا۔

’’کیوں جے خدا نے دُنیا توں ایس قدر محبت کیتی کہ اپنا اِکلوتا پتر بخش دِتا تاکہ جیہڑا کوئی اُوہدے تے ایمان لیہیائے ہلاک نہ ہووے بلکہ ہمیشہ دی حیاتی پائے‘‘ (یوحنا3: 16)۔

’’جے خداوند چاہندا کہ سانوں مار ڈالے تے ساڈے ہتھاں توں سوختنی قربانی تے نذر دی قربانی قبول نہ کردا …‘‘ (قضاۃ 13: 23)۔

منوحہ تے اُوہدی ووہٹی ولوں دِتی گئی سوختنی قربانی تے نذر دی قربانی ’’ساڈے ہتھاں توں‘‘ ظاہر کردی اے کہ ساڈے گناہواں نے یسوع نوں سولی تے پیہجھیا – ساڈے ہتھاں توں۔ ایہہ ساڈے ہتھ، تے دِل، تے دماغ سن – ایہنے گنہاہواں توں بھرے ہوئے – جِنہاں نے یسوع نوں سولی تے پہیجھیا سی۔ تے خدا نے تہاڈے گناہواں دے لئی سولی تے مسیح دی ادائیگی نوں قبول کر لیہیا اے۔ ایس لئی اُو تہانوں سزا نئیں دے گا یا قتل نئیں کرے گا جے تُسی اُوہدے پتر تے یقین رکھدے اُو۔ تہاڈے لئی مسیح دی قبول شدہ قربانی خوف نوں ختم کردی اے۔ ایہدے تے یقین کرو! تے ہُنے ای مسیح نوں قبول کرو!

اِک وری سب دے لئی، اے گنہگار اُوہنوں حاصل کر۔
اِک وری دے لئی اے گنہگار، یقین کر۔
سولی نال لپٹ جا، بوجھ ڈِگ جائے گا،
مسیح نے سانوں ہمیشہ دے لئی اِک وری ای چھڑایا اے۔
(اِک وری ساریاں دے لئی Once For All،‘‘ شاعر فلپ پی بلسPhilip P. Bliss، 1838-1876)۔

III۔ تیجی گل، لیکن، ماڑا جیہا اَگے ودھ کے، نجات دے عقائد ظاہر کردے نے کہ خدا تہانوں تباہ نئیں کرنا چاہندا۔

’’جے خداوند چاہندا کہ سانوں مار ڈالے تے ساڈے ہتھ توں سوختنی قربانی تے نذر دی قربانی قبول نہ کردا، نہ اُو سانوں ایہہ سب کُج وِکھاندا تے نہ ای اُوس ویلے ساڈے نال ایہو جئی گلاں کہندا‘‘ (قضاۃ 13: 23)۔

خدا نے ساڈے تے ایہو جئی گلاں ظاہر کیتیاں نے جیویں ساڈا انتخاب، ساڈی قبولیت، مسیح دے نال ساڈا اتحاد، اُوہدے نال ساڈی شادی۔ اُو تہانوں ایہو جئی شیواں وکھان دے بعد کینج تباہ کر سکدا اے؟ ایہہ وعدے خداوند دے لئی تہاڈی حفاظت نوں ضروری بناندے نے۔ اُوہدے لئی ایہہ ممکن نئیں کہ اینج دے وعدے کرن دے بعد تہانوں باہر سُٹ دیوے، تے تہانوں تباہ کر دے۔

مثال دے طور تے انتخاب دے نظریے نوں لے لوؤ۔ بائبل کہندی اے کہ تُسی ’’خدا باپ دی پیش گوئی دے مطابق چُنے گئے اُو …‘‘ (1 پطرس 1: 2)۔ خدا تہانوں پہلاں توں ای جانندا سی! ایس لئی تُسی منتخب لوکاں وِچ شامل اُو۔ تے بائبل کہندی اے:

’’کہیڑا خدا دے چُنے ہوئے لوکاں تے اِلزام دھر سکدا اے؟ کوئی نئیں، ایس لئی کہ خدا خود اُوہناں نوں راستباز ٹھہراندا اے‘‘ (رومیوں 8: 33)۔

اِنتخاب اِک بہوتا ای پیارا نظریہ اے، جیہڑا خدا دی سانوں وکھائی ہوئی شیواں وِچوں اِک اے، کہ جے اُو تہانوں تباہ کرنا چاہندا تے اُو سانوں ایہہ نہ وکھاندا۔ یسوع نے کہیا:

تہاڈی حیاتی ابدی اے کیوں جے تُسی چُنیدہ اُو، یسوع دے وسیلے توں چُنے ہوئے۔

’’جے خداوند چاہندا کہ سانوں مار ڈالے تے ساڈے … سانوں ایہہ سب کُج وکھاندا… ساڈے نال ایہو جئی گلان کہندا‘‘ (قضاۃ 13: 23)۔

فیر خداوند نے ساڈے تے قبولیت دا نظریہ ظاہر کیتا:

’’لیکن جدوں ویلہ پورا ہو گیا تے خدا نے اپنے پتر نوں پیہجھیا جیہڑا عورت توں پیدا ہویا تے شریعت دے ماتحت پیدا ہویا، تاکہ اُوہناں نوں جیہڑے شریعت دے ماتحت نے خرید کر چُھڑا لئے، تے اَسی متبنّیٰ فرزند ہون دا درجہ پائیے‘‘ (گلِتیوں 4: 4۔5)۔

’’عزیزو، ایس ویلے اَسی خدا دے فرزدد آں‘‘ (I یوحنا 3: 2)۔

کیہنا شاندار! ہُن اَسی خدا دے پتر تے دھیہیاں آں! اَسی قبولیت دے وسیلے توں نجات دہندہ تے اِک نظر پان نال خدا دے بچے آں!

مسیح دے نال اِتحاد اِک ہُور عظیم شے اے جیہڑی خدا نے سانوں وکھائی اے۔ یسوع نےدعا کیتی،

’’تاکہ تیری اُو محبت جیہڑی توں میرے نال کیتی اُو اُوہناں (مسیحیاں) وِچ ہووے، تے میں وی اُوہناں وِچ آں‘‘ (یوحنا17: 26)۔

’’مگر جیہڑا خود نوں خداوند دے نال جوڑ دیہندا اے اُو روحانی طور تے اُوہدے نال اِک ہو جاندا اے‘‘ (I کرنتھیوں6: 17)۔

خداوند دے نال شامل ہو گئے! مسیح نال شادی کیتی!

’’کیوں جے کوئی بندہ اپنے جسم دے نال دشمنی نئیں کردا بلکہ اُوہنوں کھلاندا پلاندا تے پالدا پوسدا اے جیویں مسیح کلیسیا نوں۔ کیوں جے اَسی اُوہدے بدن دے اعضاء آں۔ پاک کلام کہندا اے کہ مرد اپنے ماں پیو نوں چھڈ کے اپنی ووہٹی دے نال رہوے گا تے اُو دوویں اِک تن ہون گے۔ ایہہ راز دی گل ہے تے بہوتی گہری لیکن میں سمجھنا آں کہ ایہہ مسیح تے کلیسیا دے باہمی تعلق وَل اشارہ کردی اے‘‘ (افسیوں5: 29۔32)۔

جیویں کہ اِک آدمی اپنے ووہٹی نال محبت کردا اے، اینج ای یسوع تہاڈے نال محبت کردا اے۔ جیویں کہ اِک آدمی اپنے ووہٹی نال شادی وِچ شامل ہوندا اے، اینج ای یسوع تہاڈے نال شامل ہوندا اے:

ایہدے علاوہ، اُوہنے کہیا اے کہ اُو سانوں محفوظ رکھے گا۔

’’اُوہناں لوکاں دے ناں جیہڑے خدا باپ دی محبت تے یسوع مسیح دی حفاظت وِچ رہن دے لئی بُلائے گئے نے‘‘ (یہوداہ 1)۔

میں ایہہ الفاظ یہوداہ دی کتاب وِچ پڑھ رہیا سی کہ اُوسی لمحے فون دی گھنٹی وجی تے ڈاکٹر نے میہنوں دسیا کہ میری والدہ دا انتقال ہویا اے۔ میں ایہناں لفظاں نوں اُوہناں دی قبر تے تحریر کروا دِتا، ’’یسوع مسیح وِچ محفوظ‘‘۔

کی ایہہ اِک شاندار وعدہ نئیں اے؟ تے جے خداوند تہانوں تباہ کرنا چاہندا اے تے اینج دا وعدہ کیوں کردا؟ نئیں! تُسی مسیح دے آن تیکر محفوظ اُو! تُسی ریپچر دے آن تیکر محفوظ اُو!

’’کیوں جے جب سانوں یقین اے کہ یسوع مر گیا تے فیر زندہ ہو گیا تے اَسی ایہہ وی یقین کرنے آں کہ خدا اُوہناں نوں وی جیہڑے یسوع چہ سو گئے نے یسوع دے نال واپس لے آئے گا۔ ایس لئی خدا دے اپنے کلام دے مطابق اَسی تہانوں کہنے آں کہ اَسی جیہڑے خداوند دے آن تے زندہ بچے ہون گے اُوہناں توں ودھ کے نئیں ہوواں گے جیہڑے پہلاں تو ای سو چکے نے۔ کیوں جے خداوند آپئے بڑی للکار تے مقرب فرشتہ دی آواز تے خدا دے نرسنگے دے پھونکے جان دے نال آسمان توں اُترے گا تے او سب جیہڑے مسیح وِچ مر چکے نے زندہ ہو جان گے تاکہ ہوا وِچ خداوند دا اِستقبال کرن تے ہمیشہ اُوہدے نال رہن۔ پس تُسی ایہناں گلاں نال اِک دوجے نوں تسلی دیا کرو‘‘ (I تسالونیکیوں 4: 14۔18)۔

جے خداوند تہانوں مارنا چاہندا تے تہانوں تسلی تے فتح دے ایہہ الفاظ کیوں دیہندا؟ اُو تہاڈے نال ریپچر دا وعدہ کیوں کرے گا جے اُو تہاڈے تے لعنت پیہجھنا چاہندا اے؟

’’خداوند اپنا وعدہ … نئیں چاہندا کہ کوئی شخص ہلاک ہووے، بلکہ چاہندا اے کہ سارے لوکاں نوں توبہ کرن دا موقع لبھے‘‘ (II پطرس 3: 9)۔

’’تے میں اُوہناں نوں ہمیشہ دی حیاتی بخشنا آں تے اُو کدی وی ہلاک نہ ہون گے تے نہ ای کوئی اُوہناں نوں میرے ہتھ توں کھو سکدا اے۔ میرا باپ جِنہے اُوہناں نوں میرے حوالے کیتا اے سب توں وڈا اے۔ کوئی اُوہناں نوں میرے باپ دے ہتھاں توں کھو نئیں سکدا … تے میں اُوہناں نوں ہمیشہ دی حیاتی بخشنا آں تے اُو کدی وی ہلاک نہ ہون گے‘‘ (یوحنا 10: 28۔29، 28)۔

’’جے خداوند چاہندا کہ سانوں مار ڈالے تے ساڈے ہتھ توں سوختنی قربانی تے نذر دی قربانی قبول نہ کردا، نہ اُو سانوں ایہہ سب کُج وِکھاندا تے نہ ای اُوس ویلے ساڈے نال ایہو جئی گلاں کہندا‘‘ (قضاۃ 13: 23)۔

بائبل دا خدا تہاڈے نال محبت کردا اے۔ سولی تے مسیح دی قربانی نے تہاڈے گناہواں دی مکمل ادائیگی کر دِتی اے۔ بائبل دی وعدے تہاڈے لئی برکتاں نال لدے ہوئے نے۔

تہانوں کیوں مرنا چائیدا اے؟ ابدیت جہنم وِچ کیوں لنگہائیے؟ اِک نظر پاؤ، صرف اِک لمحے دے لئی، یسوع تے۔ ذرا اُوہدے وَل ویکھو۔ اُوہدے وَل مدھم نظراں نال ویکھو۔ اُوہدے وَل جھک کے ویکھو – تے سب تہاڈا ای اے!

’’تُسی مرے وَل پھرو تے نجات پاؤ‘‘ (اشعیا45: 22)۔

’’خداوند ایس زمانہ وِچ وی اپنا اِنصاف ظاہر کردا اے کیوں جے اُو عادل وی اے تے ہر بندے نوں جیہڑا یسوع تے ایمان لیہیاندا اے راستباز ٹھہراندا اے‘‘ (رومیوں3: 26)۔

جے تُسی گناہ توں آزاد ہون دی خواہش رکھدے اُو،
     خُدا دے برّے ول ویکھو؛
اُو، تہاڈے گناہ بخشن لئی، کلوری تے فوت ہویا،
     خُدا دے برّے ول ویکھو۔
خُدا دے برّے ول ویکھو، خُدا دے برّے ول ویکھو،
     کیوں جے اوہی کلّا تہانوں بچان دے قابل اے،
خُدا دے برّے ول ویکھو۔
     (’’خُدا دے برّے ول ویکھو Look to the Lamb of God‘‘ شاعر ایچ۔ جی۔ جیکسن H. G. Jackson، 1838۔1914)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔