بے قاعدگی دا قانون انسان دی بدکاری نوں ظاہر کردا اے | The Law of Entropy Shows the Depravity of Man

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

لوڈوِگ بولٹزمین Ludwig Boltzmann انیسویں صدی دےاِک جرمن سائنس دا سن، جِنہاں نے تھرموڈینامکس دے شماریاتی میکانکس دا مطلعہ کرن وِچ دہائیان لنگہائیاں – گرم یا ٹھنڈے ہون تے مالیکیول کیس طرح حرکت کردے نے، تے مختلف طریقیاں نال جِنہاں وِچ ایہناں دے حرکت کرن دا اِمکان ہوندا اے۔ اُو ایس نتیجے تے پہنچے کہ کائنات اِک خوفناک تے بے معنی قسمت دے لئی تباہ ہو گئی اے جِنہوں ’’گرمی موت‘‘ کہیا جاندا اے۔

بولٹزمین بائبل نوں منن آلا مسیحی نہئیں سی۔ اُوہنے بے قاعدگی [اینڈروپی] دے ناقابل تسخیر اصول توں بچن دا کوئی راستہ نہئیں ویکھیا۔ اُوہنے اپنے ویلے چہ کوئی اُمید نہئیں ویکھی، تے آن آلے زمانیاں دی کوئی اُمید نہئیں ویکھی۔ اُو بوہتا افسردہ ہو گیا تے آخیر کار اُوہنے خودکشی کر لئی۔

ایس سائنسدان نے خود نوں کیوں ماریا؟ کیوں جے اُوہنے بے قاعدگی [اینڈروپی] دے قانون توں بچن دا کوئی راستہ نہئیں ویکھیا، جِنہوں کدی کدی ’’تھرموڈائنامکس دا دوجا قانون The Second Law of Thermodynamics‘‘ کہیا جاندا اے۔ بےقاعدگی[اینڈروپی] دا قانون کہندا اے کہ ہر شے ہیٹاں نوں ٹُر[چل] رئی اے، ترتیب توں خرابی تیکر، مفید توں بیکار تیکر، حیاتی توں موت تیکر۔

بےقاعدگی[اینٹروپی] دے اصول نوں جیریمی رفکن دے درجِ ذیل اقتباس نال بخوبی بیان کیتا گیا اے۔

دوجا قانون، بےقاعدگی[اینٹروپی] دا قانون، کہندا اے کہ مادہ تے توانائی نوں صرف اِک سمت وِچ تبدیل کیتا جا سکدا اے، یعنی قابلِ استعمال توں ناقابلِ استعمال، دستیاب توں غیر دستیاب یا ترتیب شُدہ توں بے ترتیب وَل۔ (اینٹروپی: دُنیا دا اِک نیا نظریہ Entropy: a New World View نیویارک: بینٹم بوکس Bantam Books، 1980، صفحہ 6)۔

تے سائنسٹیفک مصنف آرتھر ایڈینگٹن Arthur Eddington نے لکھیا:

قانون کہ بےقاعدگی[اینٹروپی] ہمیشہ ودھدی اے – تحرموڈینامکس دا دوجا قانون – میرے خیال وِچ فطرت دے قوانین وِچ اعلیٰ مقام رکھدا اے۔ (Eddingtonایڈینگٹن، جان ڈی بورو John D. Barrow دے حوالے توں، دُنیا وِچ دُنیاThe World Within the World، آکسفورڈ: کلیئرنڈان پریس Oxford: Clarendon Press، 1988، صفحہ 122)۔

بےقاعدگی[اینٹروپی] دا قانون کینج کام کردا اے؟ آؤ اِک سادہ جیہئی مثال ویکھنے آں۔ آٹوموبائل چلان دے لئی تہانوں ٹینکی وِچ کُج پٹرول دی لوڑ اے۔ پٹرول دے مالیکیولز وِچ کیمیائی توانائی ہوندی اے جیس طرح ایٹم اِک دوجے نال جڑے ہوندے نے۔ ایس پٹرول نوں انجن دے اندر جلان نال ایہہ کیمیائی توانائی خارج ہوندی اے، تے ہُن ایہہ کار نوں حرکت دین تے ایہدے لوازمات نوں طاقت دین دے لئی استعمال ہوندی اے۔ جدوں تیکر تُسی اپنی منزل تے پہنچدے اُو، تہاڈی گڈی نے بوہتی زیادہ کیمیائی توانائی استعمال کیتی ہوندی اے تے ٹینکی وِچ پٹرول گھٹ ہوندا اے۔

پٹرول وِچ توانائی دا کی ہویا؟ کیتھے گئی؟ ایہہ ہُن وی کائنات وِچ موجود اے، لیکن ایس دا کوئی فائدہ نہئیں اے۔ ایہنوں گرمی وِچ تبدیل کر دِتا گیا اے۔ انجن بوہتا گرم اے (ایسی وجہ توں کار نوں ریڈی ایٹر تے کولنگ سسٹم دی لوڑ اے)۔ بریک بوہتے گرم نے۔ تے سڑک دے اِردگرد دی ہوا کار دے ایگزاسٹ پائپ توں نکلن آلی گرم گیساں دی وجہ توں بوہتی گرم اے – لیکن تُسی ایس وِیکھری ہوئی حرارت نوں کسی مفید کام نوں انجام دین دے لئی استعمال نہئیں کر سکدے۔ پٹرول وِچ مفید تے دستیاب توانائی نال سفر دا آغاز ہویا۔ ایہدا اختتام انجن، بریکاں تے ہوا دے پہلے توں بوہتا گرم ہون دے نال ہویا – لیکن تُسی ایہدے نال کی کر سکدے اُو؟

مذید برآں، شیواں ترتیب توں خرابی وَل منتقل ہو گئیاں نے۔ شروع وِچ توانائی اِک ای تھاں تے واقع سی، ٹینکی وِچ پٹرول۔ مفید کام انجام دین دے لئی توانائی دستیاب سی۔ آخر وِچ، توانائی گرمی دی شکل وِچ سڑک اُتے، تے ہوا تے گندگی وِچ پھیل جائے گی۔ فیر ایہہ کسی دے کام نہئیں آئے گی۔ تے بےقاعدگی[اینڈروپی] دا اصول مذید اَگے ودھدا اے کیوں جے چند وریاں وِچ گڈی خود ای بیکار مادے وِچ تبدیل ہو جائے گی جدوں تیکر کہ ایہنوں مسلسل برقرار نہ رکھیا جائے۔

شیواں نوں چنگا کرن دا واحد طریقہ ایہہ اے کہ باہر توں کُج مدد حاصل کیتی جائے۔ باہر توں کسی نے گڈی وِچ پٹرول پانا اے۔ کسی نوں گڈی ٹھیک کرنی اے۔ آخر کار، کسی نوں دوجی گڈی بنانی ہووے گی۔ باہر توں مدد دا خیال اِک اصول اے جِنہوں میں ’’اینڈونامیendunamy‘‘ کہواں گا۔ توں مدد دے بغیر، کسی کار دی کوئی اُمید نہئیں اے – تے خاص طور تے تہاڈے لئی کوئی اُمید نہئیں اے۔

بےقاعدگی[اینٹروپی] دا اصول سارے اصولاں تے لاگو ہوندا اے۔ جسمانی طور تے، ہر گڈی، ہر گھڑی، ہر کمپیوٹر، ہر گھر، چھیتی یا دیر نال ٹُٹ جائے گا تے بیکار شے ہو جائے گا۔ حیاتیات وِچ کوئی وی جاندار، باہر توں خوراک تے توانائی دے بغیر چھیتی مر جائے گا۔ تے جیویں جیویں ایہہ بُڈھا تے کمزور ہوندا جائے گا مر جائے گا۔ ساڈی زمینی ماحولیات سورج دی بیرونی توانائی دے بغیر کام نہئیں کر سکدی، کیوں جے ایہہ صرف سورج دی روشنی ای اے جیہڑی پودیاں دی نشوونما نوں ممکن بناندی اے۔ اَج، نسلِ انسانی نوں ناگزیر عذاب دا سامنا اے: تیل تے دیگر وسائل دی کمی، بارش دے جنگلات دی تباہی، پودیاں تے جانوراں دی ہزارہا انواع دا ناپید ہونا، تے خدا دی بنائی ہوئی مخلوق دی عمومی تباہی۔

اپنے آلے دوالے ویکھو! کی شیواں بہتر توں بہتر ہوندی جا رئیاں نے، جیویں کہ کُج اسکول تے ٹیلی ویژن تے چاہندے نے کہ تُسی یقین کرو؟ یا حالات بد توں بدتر ہوندے جا رئے نے؟ تہانوں ایہدا جواب معلوم اے! سارا کُج مٹی وِچ جا رہیا اے، ایتھوں تیکر کہ گندگی خود وی برباد ہو جاندی اے۔ لوڈوِگ بولٹزمینLudwig Boltzmann ایہہ سمجھ گیا – تے ایہنے ایسے لئی خود نوں مار ڈالا۔

بےقاعدگی[اینٹروپی] دا اصول گناہ تے موت دے اصول دا سائنسی اظہار اے۔ جدوں آدم تے حوا پہلی وری خدا وَلوں بنائے گئے سن تےاُوہناں دا کوئی گناہ نہئیں سی۔ جے اُو خدا دی نافرمانی نہئیں کردے تے اُو ہمیشہ جیوندا رہندے۔ لیکن جدوں ساڈے پہلے ماں پیاں توں نسل انسانی وِچ گناہ آیا، تے اُو اپنے لئی تے اپنی ساری اولاد دے لئی جسمانی تے روحانی موت وی لیہیائے۔ اُودھوں توں، گناہ تے موت ایس دُنیا وِچ، تے تہاڈی حیاتی وِچ راج کر رئے نے۔ تُسی اِک گنہگار تے بیکار شہر وِچ اِک گنہگار تے بیکار حیاتی لنگہاؤ گے، جدوں تیکر کہ تہاڈا جسم آخر کار ختم نہ ہو جائے تے تُسی مر نہ جاؤ تے بلدی ہوئی جہنم وِچ جاؤ۔

کی کوئی راستہ اے؟ تہاڈے کول کوئی راستہ نہئیں اے۔ لیکن تہاڈی اپنی ذات توں باہر اُمید اے۔ اَج دی راتی اَسی تہاڈے گناہ تے موت دے مسئلے نوں، تے ایہدے توں نکلن دے واحد راستے نوں ویکھن جا رئے آں۔

’’اِک آدمی دے ذریعے گناہ دُنیا چہ داخل ہویا تے گناہ دے سبب توں موت آئی اُونج ای موت سارے انساناں وِچ پھیل گئی کیوں جے سب نے گناہ کیتا‘‘ (رومیوں5: 12)۔

’’ساری خلقت اَج تیکر کراہندی اے گویا کہ اُو دردِ زہ وِچ مبتلا اے‘‘ (رومیوں8: 22)۔

سائنس وِچ بےقاعدگی[اینٹروپی] دا قانون گناہ تے موت دے اصول دی اِک تشبیہہ، اِک تصویر، اِک مثال اے جیہڑی ایس ویلے تہاڈے وِچ کام کر رہیا اے۔ اَج راتی میں تہاڈے مسئلے دے دو پہلوواں دے بارے وِچ گل کرنا چاہنا آں:

2. تُسی یسوع مسیح دے ذریعہ توں بچائے جا سکدے اُو۔

I۔ پہلی بات، آپ اپنے آپ کو نجات دِلا نہیں سکتے۔

تہاڈے تے مکمل طور تے گناہ تے موت دے اصول دا غلبہ اے جیس نے تہاڈی حیاتی دے آغاز توں ای تہاڈے تے حکمرانی کیتی اے۔ تسی اِک ’’گناہ دا دھیڑ‘‘ یا گمشدگی دا دھیڑ‘‘ اُو۔ تہاڈی حیاتی دی کہانی گناہ تے موت دی کہانی اے۔ تُسی گناہ وِچ پیدا ہوئے، تُسی گناہ وِچ حیاتی گزاری، تے تُسی گناہ وِچ مرو گے، تے فیر تہانوں اپنے گناہ دی سزا ملے گی۔

پہلا آدمی، آدم، دِل، دماغ تے جسم وِچ کامل پیدا کیتا گیا سی۔ لیکن جدوں اُوہنے خدا دی نامرمانی کیتی تے اُو پھل کھادا جیہڑا خدا نے اُوہنوں نہ کھان دے لئی کہیا سی، اُوہنے اپنے آپ نوں وگاڑ لیہیا، تے گناہ تے موت دی ایہہ بدعنوانی اُوہدی ساری نسلاں تیکر – پوری نسل انسانی تیکر – تہاڈے تیکر پہنچ گئی۔ بائبل کہندی اے:

تُسی اپنے اندر گناہ تے موت دے ایس اصول دے نال پیدا ہوئے سی۔ ایس لئی تہاڈا جسم بُڈھا ہو جائے گا، گِھس پِٹ جائے گا تے کسی دِن مر جائے گا۔ ایس لئی تہاڈا حکمرانی دا رجحان خدا دے خلاف اے تے خود غرضی تے گناہ دے حق وِچ اے۔ جیویں کہ پولوس رسول نے اپنے بارے چہ لکھیا:

’’میرے وِچ … کوئی نیکی بسی ہوئی نہئیں‘‘ (رومیوں7: 18)۔

ایس تُسی ہر اِتوار نوں گرجا گھر نہئیں آئے۔ ایس لئی تُسی شاید ای کدی بائبل پڑھی ہووے تے تُسی شاید ای کدی دعا کردے ہوو۔ ایس لئی تُسی شاید ای کدی خدا، جنت یا جہنم دے بارے وِچ سوچا ہووے۔

کُج لوکی کہندے نے، ’’میرا دِل نیک اے۔‘‘ لیکن بائبل کہندی اے کہ تہاڈا [دِل نیک] نہئیں اے:

’’دِل ساری شیواں توں ودھ کے حیلہ باز تے لاعلاج ہوندا اے، اُوہدا بھید کون جان سکدا اے؟‘‘ (یرمیاہ17: 9)۔

بائبل کہندی اے، ’’جیہڑا اپنے دِل تے پروہسا کردا اے اُو احمق اے‘‘ (امثال 28: 26)۔ تُسی کُج ویلے دے لئی چنگا محسوس کر سکدے اُو، لیکن بہوتی چھیتی تہانوں بُرا لگن لگے گا۔ جے تُسی اپنے دِل تے پروہسا کردے اُو تے تُسی بے وقوف اُو تے تُسی اپنے آپ نوں بے وقوف بنا رئے اُو۔ بہرحال، تہاڈے دِل وِچ اے کی؟ فریب تے گناہ دے سوا کُج نہئیں۔

تُسی اُو کام کردے اُو جیہڑا تُسی اپنے بدکار، شریر دِل دی وجہ توں کردے اُو، جیہڑا خدا دے خلاف اے۔ یسوع نے کہیا:

’’کیوں جے اندر توں یعنی اُوہدے دِل توں بُرے خیالات باہر آندے نے جیویں حرامکاری، چوری، خونریزی، زنا، لالچ، بدکاری، مکروفریب، شہوت پرستی، بدنظری، بدگوئی، نخوت تے حماقت۔ ایہہ ساری بُرائیاں انسان دے اندر توں نکلدیاں نے تے ایہنوں ناپاک کر دیندیاں نے‘‘ (مرقس7: 21۔23)۔

بائبل سانوں بالکل دسدی اے کہ ایہہ کینج ہوندا اے:

’’مگر ہر بندہ اُوس ویلے آزمایا جاندا اے جدوں اُوہدی نفسانی خواہش اُوہنوں لبھا کے پھنسا لیہندی اے۔ فیر خواہش حاملہ ہو کے گناہ پیدا کردی اے تے گناہ اپنے شباب تے پہنچ کے موت پیدا کردا اے‘‘ (یعقوب1: 14۔15)۔

پہلے تُسی اپنے گناہ دے بارے وِچ سوچو تے اُوہدی خواہش کرو۔ تُسی ایہہ چاہندے اُو۔ تُسی ایہنوں کرن دا اِرادہ رکھدے اُو۔ فیر تُسی اینج کردے اُو، تے ایہہ ہُن تہاڈی حیاتی وِچ تباہی تے موت لیہیاندا اے – تے تہاڈے مرن دے بعد جہنم۔

بالکل اینج ای اے جیہڑا تُسی کردے اُو۔ تُسی سوچدے اُو، ’’میں حیران آں کہ میرے بیلی کی کر رئے نے۔‘‘ ’’کسی نے اینج کیتا جِنہوں میں جاننا آں۔ جے میں نے ایہہ کیتا تے کی ہووے گا؟‘‘ ’’جے میں نے اینج کیتا تے کیویں لگے گا؟‘‘ ’’میہنوں لگدا اے کہ میں ایہنوں آزماواں گا۔‘‘ تے فیر تُسی جاندے تے گناہ کردے اُو۔ ایس دے بعد ایہہ کینج لگدا اے؟ موت دے سوا کُج نہئیں – نشے دے بعد پیدا ہون آلی بے چینی دا درد، اِک برباد اِتوار، خالی حیاتی وگری خستگی، ٹوٹے ہوئے رشتے دا درد، تے آخر کار جہنم دی اَگ۔

بہوتے لوکی کہندے نے، ’’میں توبہ کرن جا رہیا آں،‘‘ یا ’’میں مسیح دی پیروی کرن جا رہیا آں۔‘‘ ایہہ لوکی بار بار ناکام ہوندے نے۔ اُو کہہ سکدے نے کہ اُو ’’پیچھے کھسک چکے نے‘‘، لیکن حقیقت وِچ اُو پہلاں کدی وی مسیح وِچ ایمان لیہیا کے تبدیل نہئیں ہوئے سن۔ اُو بار بار ناکام ہوندے نے۔ بائبل کہندی اے:

’’اُو کون اے جیہڑا ناپاک وِچوں پاک شے کڈ سکے؟ کوئی وی نہئیں‘‘ (ایوب14: 4)۔

چونکہ تُسی اپنی بنیادی فطرت نوں گناہ دی بھرپوری توں پاکیزگی وِچ، غلاظت توں پاک ہون وِچ نہئیں بدل سکدے، تُسی بار بار ناکام ہو جاؤ گے۔ تہانوں کدی وی خدا وَلوں جنت وِچ اُوہدی موجودگی چہ قبول نہئیں کیتا جائے گا۔ ایہدے بجائے، تُسی جہنم وِچ جاؤ گے جیتھروں تُسی تعلق رکھدے اُو۔

ایتھوں تیکر کہ تہاڈے نام نہاد ’’نیک اعمال‘‘ وی خدا دی نظر وِچ گندے کپڑے نے۔ تہانوں اپنے آپ تے فخر اے، لیکن خدا نوں نہئیں اے۔ بائبل کہندی اے:

’’ساڈے راستبازی دے سارے کام گندی دھجیاں وانگوں نے‘‘ (اشعیا64: 6)۔

بائبل کہندی اے کہ تُسی اپنے ذہن دی گہرائیاں وِچ خدا دے خلاف اُو:

’’جسمانی نیت خدا دی مخالفت کردی اے اُو نہ تے خدا دی شریعت دے تابع اے نہ ہو سکدی اے۔ جیہڑے لوکی جسم دے غلام نے خدا نوں خوش نہئیں کر سکدے‘‘ (رومیوں8: 7۔8)۔

تُسی اپنے ذہن وِچ خدا دے دشمن اُو۔ تسی خدا دے قانون دی پیروی نہئیں کر سکدے۔ جے تُسی کوشش کرو گے تے تُسی ہمیشہ ناکام رہوو گے۔ تُسی خدا نوں اپنے نال خوش نہئیں کر سکدے، پاویں تُسی کُج وی کرو۔

تُسی پھنس گئے اُو۔ تہاڈے کول کوئی راستہ نہئیں اے۔ تُسی جہنم دے راستے تے اُو۔ تے ایویں ای تہاڈے بیلی تے تہاڈے خاندان دے افراد، جے اُو مسیح وِچ ایمان لیہیا کے تبدیل نہئیں ہوئے اُو، لہو نال دھوئے ہوئے مسیحی نہئیں اُو۔

میہنوں مسیح وِچ ایمان لیہیا کے تبدیل ہون توں پہلاں، میہنوں اپنے گناہ دی حیاتی تے غور کرن دے بعد، ایہہ سوچنا یاد اے، ’’فیر میں تے ہر کوئی جِنہوں میں جاننا آں جہنم وِچ جان گے۔‘‘ ایہو ای سچ سی۔ جیویں کہ بائبل کہندی اے:

’’میرے تے افسوس! میں تباہ ہو گیا! کیوں جے میرے ہونٹ ناپاک نے تے میں ناپاک ہونٹاں آلے لوکاں دے وِچکار رہنا آں تے میں بادشاہ نوں جیہڑا رب الافواج اے اپنی آنکھاں نال ویکھدا اے‘‘ (اشعیا6: 5)۔

’’ہائے میں کیہو جیہا بدبخت آدمی آں! ایس موت دے بدن توں کیہڑا میہنوں چھڈائے گا؟‘‘ (رومیوں7: 24)۔

II۔ دوجی گل، تُسی یسوع مسیح دے وسیلے توں نجات پا سکدے اُو۔

’’جیتھے گناہ بوہتا ہویا اُوتھے فضل اُوس توں وی کِدرے بوہتا ہویا‘‘ (رومیوں5: 20)۔

ایہہ لفظ کی اے، ’’فصل‘‘؟ یونانی لفظ جیس دا ترجمہ ’’فضل‘‘ اے اُو ’’چارسcharis‘‘ اے، جیس توں سانوں انگریزی لفظ ’’خیراتcharity‘‘ لبھدا اے۔ انگریزی وِچ، ’’خیرات‘‘ دا مطلب عام طور تے ’’پیسے دینا‘‘ ہوندا اے، لیکن ایہہ فضل دے خیال دا صرف اِک اطلاق اے۔ لیکن ایس اِطلاق دا وی صحیح تصور اے: فضل باہر توں آ رہیا اے تے اُو کُج دے رہیا اے جیہڑا اُوس شخص نے نہئیں کمایا۔

فضل کِدروں آندا اے؟ خدا وَلوں جیہڑا پاک اے تے ایہدا کوئی گناہ نہئیں۔ اُو بےقاعدگی[اینڈروپی] دے قانون، زوال تے موت دے قانون دے تابع نہئیں اے۔ ایس دے بجائے، خدا اُو فراہم کردا اے جِنہوں میں ’’اینڈونامی‘‘ کہواں گا، یا ساڈی زوال پذیر دُنیا دے باہر توں دِتی گئی طاقت۔ لفظ ’’اینڈونامی‘‘ یونانی لفظ ’’ڈونامیسdunamis‘‘ توں آیا اے جیس دا مطلب اے ’’طاقت‘‘۔

بائبل وِچ اینڈونامی دا پہلا عمل اُوس ویلے ہویا سی جدوں خدا نے دُنیا نوں کسی وی شے توں تخلیق نہئیں کیتا۔

’’ابتداء وِچ خدا نے آسمان تے زمین نوں خلق کیتا … تے خدا نے جیہڑا کُج بنایا سی اُوہدے تے نظر پائی تے اُو بوہتا ای چنگا سی‘‘ (پیدائش1: 1، 31)۔

خدا نے دُںیا دی ابتداء کسی وی شے توں نہئیں کیتی تے ایہنوں ’’بوہتا چنگا’‘ بنایا۔ انسان دے گناہ توں شروع ہو کے، ایہہ جسمانی تے روحانی طور تے اُودھوں توں تنزلی وَل چل رئی اے۔

تے خدا دُنیا نوں جاری رکھدا اے، تے اِسی ساریاں نوں اپنے پیارے فضل توں زندہ رکھدا اے۔ یسوع نے کہیا:

’’تُسی اپنے آسمانی باپ دے پُتر بن سکو جیہڑا اپنے سورج نوں چنگے لوکاں تے چمکاندا اے تے بُرے لوکاں تے وی تے راستبازاں تے مینہ برساندا اے تے ناراستاں تے وی‘‘ (متی5: 45)۔

جے خدا سانوں سورج نہ دیہندا، تے بارش نہ پیہجھدا، تے پودے مر جاندے، جانور مر جاندے، تے تُسی تے میں مر جاندے – بوہتے ای گھٹ ویلے چہ! اُوہدی محبت تے فضل دے لئی خدا دا شکر اے!

تُسی اپنے آپ نوں نجات دلان دے لئی کُج نہئیں کر سکدے۔ لیکن یسوع مسیح تہاڈے لئی اُو کام کرن دے لئی دُنیا وِچ آیا جیہڑا تُسی اپنے لئی نہئیں کر سکدے – تہاڈے لئی اِک بے داغ تے کامل قربانی فراہم کرن دے لئی تے ایس طرح جیہڑا گناہ کیتا گیا اُوہنوں رد کر دیو۔

’’کیوں جے جدوں اِک آدمی دے سبب توں بوہتے سارے انسان مر گئے تے اِک آدمی یعنی یسوع مسیح دے فضل دے سبب بہوتے سارے انساناں نوں خدا دے فضل دی نعمت بڑی اِفراط توں عطا ہوئی‘‘ (رومیوں5: 15)۔

یسوع دی قربانی دا تحفہ اُو ختم کر دیوے گا جیہڑا گناہ نے کیتا سی: پہلا گناہ دا کفارہ ادا کرن وِچ، دوجا، تہانوں گناہ تے قابو پان دی طاقت دین وِچ، تے تیجا، جنت وِچ، تہانوں گناہ دی موجودگی توں پرے کرن وِچ۔

’’ہائے میں کیہو جیہا بدبخت آدمی آں! ایس موت دے بدن توں کیہڑا میہنوں چھڈائے گا؟ خدا دا شکر ہووے کہ اُوہنے ساڈے خداوند یسوع مسیح دے وسیلہ توں ایہنوں ممکن بنا دِتا‘‘ (رومیوں7: 24۔25)۔

تہانوں موت کولوں کون چھڈائے گا؟ ’’یسوع‘‘ ایس سوال دا جواب اے! یسوع تہانوں موت توں نجات دلائے گا – جے تُسی اُوہدے کول آؤ گے تے اپنے آپ نوں اُوہدے حوالے کر دیو گے۔

تے یسوع تہاڈے لئی کی کرے گا؟ یسوع تہاڈے گناہواں دی ادائیگی دے لئی سولی تے قربان ہو گیا۔ اُوہنے اُوہناں نوں خدا دی نظر وِچ دھون دے لئی اپنا لہو وگایا۔ یسوع مُردیاں وِچوں جی اُٹھیا تے ہُن آسمان وِچ خدا دے داہنے ہتھ تے اے۔ یسوع نے اپنا لہو تہانوں گناہ توں چھڑان دے لئی دِتا تاکہ خدا تہانوں قبول کرے۔ بائبل کہندی اے:

’’اُوہدے ایس جلالی فضل دی ستائش ہووے جیہڑا اُوہنے اپنے عزیز پُتر دے وسیلہ توں سانوں مفت عنایت فرمایا۔ سانوں اُوس فضل دی بدولت مسیح دے لہو دے وسیلہ توں مخلصی یعنی گناہواں دی معافی حاصل ہوندی اے‘‘ (افسیوں1: 6۔7)۔

یسوع مر گیا تے تہانوں گناہ تے موت توں بچان دے لئی فیر توں جی اُٹھیا۔ جیویں کہ بائبل کہندی اے:

’’تہاڈے قصوراں تے گناہواں دی وجہ توں تہاڈا حال مُردیاں وگرا اے… طبعی طور تے دوجے انساناں وگرا خدا دے غضب دے ماتحت سی۔ لیکن خدا بوہتا ای محبت کرن آلا اے تے رحم کرن وِچ غنی اے۔ اُوہنے سانوں جدوں اَسی اپنے قصوراں دے باعث مُردہ سی مسیح دے نال جیوندا کیتا۔ اُسی دے فضل نال تہانوں نجات لبھی اے‘‘ (افسیوں2: 1، 3۔5)۔

ہُور انتظار نہ کرو۔ اَج دی راتی ای اپنے گناہ توں یسوع وَل مُنہ موڑو۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔