Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 40 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




جارج وائٹ فیلڈ ولّوں ’’ فضل دا طریقۂ کار‘‘
جدید انگریزی لئی موافق تے مختصر کیتا گیا

“THE METHOD OF GRACE” BY GEORGE WHITEFIELD,
CONDENSED AND ADAPTED TO MODERN ENGLISH
(Punjabi – Pakistan)

ڈاکٹر آر۔ ایل۔ ہائیمرز، جونیئر وَلوں
.by Dr. R. L. Hymers, Jr

اِک واعظ جِدی تبلیغ مسٹر جان سیموئیل کیگن نے کیتی
لاس اینجلز دی بپتسمہ دیہن آلی عبادت گاہ وِچّ
خُداوند دے دِن دی شام، 8 جنوری، 2017
A sermon preached by Mr. John Samuel Cagan
at the Baptist Tabernacle of Los Angeles
Lord’s Day Evening, January 8, 2017

’’اُو میرے لوکاں دے زخماں تے ایویں پٹی بنّدے نے جیویں اُو معمولی گھاؤ ہون تے سلامتی، سلامتی کہندے نے؛ جدوں کے سلامتی ہوندی نئیں اے’’ (یرمیاہ6:14)۔


تعارف: جارج وائٹ فیلڈ 1714 وِچ انگلستان دے شہر گلوسیسٹر وِچ پیدا ہوئے سی۔ اُو اِک مے خانے دے مالک دے پُتر سی۔ ایس ماحول وِچ اِک بچے دی حیثیت دے نال اُہناں تے مسیحیت دا کہٹ اثر ہویا سی، لیکن سکول وِچ اُہناں دی اہلیت غیرمعمولی سی۔ اُہناں نے آکسفورڈ یونیورسٹی توں تعلیم حاصل کیتی جیتھے اُو جان ویزلی تے چارلس ویزلی دے دوست بنے تے اُہناں دے بائبل دے مطالعے تے دعا دے گروہ دا حصہ بنے۔

ہلے اُو آکسفورڈ وِچ اِک طالب علم ہی سن تے اُہناں نوں مسیح وِچ تبدیلی دا تجربہ ہویا۔ ایس گل دے کُج ہی عرصے بعد اُہناں نوں انگلستان دے گرجا گھر وِچ مذہبی عہدے تے فائز کیتا گیا۔ اُہناں دی نوے سرے توں پیدائش دی انتہائی ضرورت دی منادی دے نتیجے وِچ گرجا گھراں نے اُہناں تے اپنے بُووے بند کر دِتے، کیوں جے جسمانی نیّتاں دے پادری خوفزدہ سن کہ اُہناں دے نوے سرے توں جنم تے واعظ اُہناں دے علاقہ داراں نوں ناراض کرن گے۔ ایویں، اُہناں نوں زبردستی گرجا گھراں توں نکال باہر کیتا گیا، تاں اُو کُھلے میداناں وِچ تبلیغ کرن۔ جدی وجہ توں اُو مشہور ہو گئے۔

وائٹ فیلڈ نے 1738 وِچ امریکہ لئی سفر کیتا تے اِک یتیم خانے دی بُنیاد رکھی۔ اُہناں نے بعد چہ تمام امریکی نویاں آبادیاں تے برطانیہ وِچ سفر کیتا تے تبلیغ کردے گئے تے یتیماں نوں سہارا دین لئی فند جمع کردے رئے۔ اُنہاں نے سپین، ہالینڈ، جرمنی، فرانس، انگلستان، وھیلز تے سکاٹ لینڈ وِچ منادی کیتی، تے امریکہ وِچ منادی کرن لئی بحر اوقیانوں نوں تیرہ وری پار کیتا۔

اُو بنجامِن فرینکلن، جانتھن ایڈورڈز تے جان ویزلی دے گہرے دوست سن، تے اُہناں وِچوں اِک سن جنہاں نے ویزلی نوں میداناں وِچ تبلیغ کرن لئی، جیویں کہ اُو آپئے کردے سی، قائل کیتا۔ بنجامِن فرینکلن نے اِک وری اندازہ لایا کہ وائٹ فیلڈ نے تیس ہزار سُنن آلیاں نوں مخاطب کیتا سی۔ اُہناں دی باہرلی عبادتاں وِچ آن آلیاں دی تعداد اکثر 25,000 ہزار توں بُوتی ہوندی سی۔ اِک واری اُنہاں نے سکاٹ لینڈ وِچ گلاسگو دے قریب اِک ای اِکٹھ [اجتماع] وِچ 100,000 توں وی زیادہ لوکاں نوں تبلیغ کیتی سی – اِکو ای دِن وِچ، جدوں کہ اُناں دِناں وِچ مائیکروفون وی نئیں ہوندے سن! دس ہزار لوکاں نے اُس عبادتی پروگرام وِچ مسیح وِچ تبدیلی دا اقرار کیتا۔

بہت سے تاریخ دان اُہناں دا شمار ہون تیکر دے انگریزی بولن آلے مبشرانِ بشارتِ انجیل دے عظیم ترین لوکاں وِچ کر چکے نے۔ حالانکہ بلی گراہم الیکٹرانک مائیکروفوں دی مدد نال اِہناں نالوں زیادہ لوکاں نال مخاطب ہوئے سن، تہذیب و ثقافت تے وائٹ فیلڈ دا اثر کسی وی سوال نوں آکھیا بغیر انتہائی شدید تے زیادہ مثبت سی۔

وائٹ فیلڈ پہلی عظیم بیداری دی نمایاں ہستی نے، اُو شدید حیاتِ نو جیس نے 18ویں صدی دے وچکار چہ امریکہ دے کردار دی تشکیل کیتی سی۔ ساڈے مُلک وِچ نویاں آبادیاں وِچ حیاتِ نو دے نال شعلے بھڑک اُٹھے سن جدوں اُو منادی کر دے سن۔ ایس حیاتِ نو دا اُوچا ترین دور اُو سی جدوں 1740 وِچ چھے ہفتیاں دے دورنیے دا دورہ وائٹ فیلڈ نے نوے انگلستان وِچ کیتا۔ محض صرف پینتالی دِناں وِچ اُہناں نے اِک سو پچتر واعظاں دی تبلیغ ہزاراں لاکھاں نوں کیتی، تے اُوس علاقے نوں ایک روحانی ہنگامہ خیزی وِچ بدل دِتّا، جیہڑا امریکہ دی مسیحیت دے زمانیاں وِچوں اِک شاندار زمانہ کہلایا۔

اپنی موت دے ویلے تیکر اُہناں نے لوکاں دے دِل جِت لئے سی تے تمام انگریزی بولن آلی دُنیا دی توجہ تے حکمرانی کیتی۔ اُہناں نے پرنسٹن یونیورسٹی، ڈارتھماؤتھ کالج، تے پینسِلوانیا دی یونیورسٹی دی بنیاد رکھن چہ مرکزی کردار ادا کیتا۔ اُہناں دا انتقال امریکی انقلاب توں چھے سال پہلاں 1770 وِچ میساشوسٹز دے شہر نیوبری پورٹ وِچ تبلیغ کرن دے کُج ہی دیر بعد ہویا۔ جارج واشنگٹن ساڈے مُلک دے پیُو نے، لیکن جارج وائٹ فیلڈ اِیس دے دادا سن۔

تھلے دِتّا گیا واعظ وائٹ فیلڈ دے ولّوں جدید انگریزی وِچ پیش کیتا گیا اے۔ ایہہ اُہناں دا اصل واعظ اے، لیکن میں نے لفظاں دی ترمیم کیتی اے تاں ایہہ ساڈے زمانے وِچ زیادہ سمجھ چہ آئے۔

’’اُو میرے لوکاں دے زخماں تے ایویں پٹی بنّدے نے جیویں اُو معمولی گھاؤ ہون تے سلامتی، سلامتی کہندے نے؛ جدوں کے سلامتی ہوندی نئیں اے’’ (یرمیاہ6:14)۔

واعظ: سب توں بہترین برکت جیہڑی خُدا اِک قوم نوں دے سکدا اے اُو اچھے تے ایماندار مبلغین ہو سکدے نے۔ لیکن سب توں بدترین لعنت جیہڑی خُدا کسی قوم نوں دے سکدا اے اُو گرجا گھراں نوں ایہو جئے مبلغین دے حوالے کر دینا اے جنہاں دا تعلق صرف پیسے بٹورنا ہووے۔ ایس دے باوجود ہر زمانے وِچ جھوٹے مبلغین ہوندے نے جیہڑے تسکین بخش واعظ دیندے نے۔ ایس طرح دے بُہترے مذہبی راہب نے جہیڑے بائبل نوں تروڑ مروڑ کے تے وگاڑ کے لوکاں نوں دھوکہ دین لئی استعمال کردے نے۔

ایویں ای یرمیاہ دے دِناں وِچ ہویا۔ تے یرمیاہ خُدا دی ایماندار تابعداری وِچ اُہناں دے خلاف بولدا سی۔ اُو اپنا مُنہ کھولد تے اُہناں جسمانی تے دُنیاوی خواہشات آلے مبلغین دے خلاف منادی کردا سی۔ جے تُسی اُوس دی کتاب پڑھو، تے تُسی ویکھو گے کہ کسی نے وی ایس قدر شدت دے نال جھوٹے مبلغین دے خلاف گل نئیں کیتی۔ تے اُہدے خلاف انتہائی شدت دے نال ایس باب وِچ بولیا جیس توں ساڈی تلاوت اے۔

’’اُو میرے لوکاں دے زخماں تے ایویں پٹی بنّدے نے جیویں اُو معمولی گھاؤ ہون تے سلامتی، سلامتی کہندے نے؛ جدوں کے سلامتی ہوندی نئیں اے’’ (یرمیاہ6:14)۔

یرمیاہ کہندا اے کہ اُو صرف پیسے لئی منادی کردے نے۔ تیرویں آیت چہ، یرمیاہ نے آکھیا،

’’کیوں جے اُہناں چہ چھوٹیاں توں لے کے وڈیاں تک سارے ای اپنے فائدے دے لالچی نے، تے کی نبی تے کی کاہن سارے ای مکار نے‘‘ (یرمیاہ6:13)۔

اُو اپنے فائدے لئی لالچی نے تے مکاری نال منادی کردے نے۔

ساڈی تلاوت وِچ، اُو اُہناں طریقیاں وچّوں اِک توں ظاہر کردا اے کہ اُو مکاری نال منادی کردے نے۔ اُو وکھاندا اے کہ ایہہ کیس طرح دھوکے بازی نال گواچے ہوئے لوکاں نال پیش آندے سن:

’’اُو میرے لوکاں دے زخماں تے ایویں پٹی بنّدے نے جیویں اُو معمولی گھاؤ ہون تے سلامتی، سلامتی کہندے نے؛ جدوں کے سلامتی ہوندی نئیں اے’’ (یرمیاہ6:14)۔

خُدا نے نبی نوں دسّیا سی کہ لوکاں نوں آن آلی جنگ دے بارے چہ ہوشیار کر۔ خُدا اُہدے توں چاہنداں سی کہ اُو اُہناں نوں دسّے کہ اُہناں دے گھر ٹاہئے جان گے – کہ جنگ ہون آلی سی (ویکھو یرمیاہ6:11۔12)۔

یرمیاہ نے اِک طوفانی سنیا دِتّا سی۔ اُہنوں بُہترے لوکاں نوں دھشت زدہ کر دینا چائی دا سی تے اُہناں نوں توبہ دے مقام تیکر لے آنا چائی دا سی۔ لیکن جسمانی تے دُنیاوی خواہشاں وِچ پئے ہوئے انبیاء تے کاہن لوکاں نوں جھوٹے دلاسے دیندے رئے۔ اُہناں نے کہیا کہ یرمیاہ محض اِک پاگل دیوانہ اے۔ اُہناں نے کہیا کہ کوئی وی جنگ نئیں ہوئے گی۔ اُہناں نے لوکاں نوں دسّیا کہ امن ہووے گا، جدوں یرمیاہ نے دسیا سی کہ کوئی امن نئیں ہووے گا۔

’’اُو میرے لوکاں دے زخماں تے ایویں پٹی بنّدے نے جیویں اُو معمولی گھاؤ ہون تے سلامتی، سلامتی کہندے نے؛ جدوں کے سلامتی ہوندی نئیں اے’’ (یرمیاہ6:14)۔

تلاوت دے الفاظ بڑی حد تیکر باہرلے امن لئی حوالہ دیندے نے۔ لیکن میرا یقین اے کہ اُہناں دا مذید اشارہ جان لئی وی اے۔ میں ایہہ وی یقین کرنا آں کہ ایہہ جھوٹے مبلغین لئی حوالہ دیندے نے جیہڑے لوکاں نوں دسدے نے کہ اُو بہت نیک نے، حالانکہ اُہناں نے نوے سرے توں جنم وی نئیں لیا سی۔ نجات نہ پائے ہوئے لوکاں نوں ایس قسم دی منادی چنگی لگدی اے۔ انسانی دِل اِیس قدر ای مکار تے فریبی اے۔ صرف خُدا جاندا اے انسان دا دِل کِنّا مکار اے۔

تہاڈے وِچوں بُہترے لوکی آکھن گے کہ خُدا دے نال تُسی امن وِچ ہو، جدوں کے کوئی حقیقی امن ہووے گا ای نئیں! تہاڈے وِچوں بُہترے لوکی سوچن گے کہ اُو مسیحی نے لیکن ہوندے نئیں۔ شیطان اُہناں وِچوں اِک اے جنہے تہانوں جھوٹا امن دِتّا اے۔ خُدا نے تہاںوں ایہ ’’امن‘‘ نئیں دِتّا اے۔ ایہہ اُو امن نئیں اے جیہڑا انسان دی سمجھ چہ آ جائے۔ ایہہ اِک جھوٹا امن اے جیہڑا تہاڈے کول اے۔

تہاڈے لئی اے جاننا اَت ضروری اے کہ آیا تہاڈے کو اصلی امن اے یا نئیں۔ ہر کوئی امن چاہندا اے۔ امن اِک عظیم برکت اے۔ ایس لئی میں تہانوں ضرور دساں گا کہ خُدا دے نال حقیقی امن کیویں پایا جاوے۔ مینوں تہاڈے لہو توں بری الذمہ ہونا چائی دا۔ مینوں تہاڈے اگے خُدا دی تمام نصحیت دا اِعلان کرنا چائی دا اے۔ تلاوت دے الفاظ وِچوں، میں کوشش کراں گاں کہ تہاںوں وکھا سکاں کہ تہاڈے نال کی ہونا چائی دا اے، تے تہاڈے اندر کی بدلنا چائی دے اے تاکہ تُسی اپنے دِل وِچ سچا امن پا لو۔

I۔ پہلی گل، خُدا دے نال امن پا سکن توں پہلاں، تہانوں درد سہن، محسوس کرن، تے رون تے مجبور کر دینا چائی دا اے تے تہاںوں خُدا دی شریعت دے خلاف تہاڈے اصل گناہواں تے رنج والم کرایا جانا چائی دا اے۔

بائبل کہندی اے، ’’جیہڑا گناہ کرے گا، اُو ای مرے گا‘‘ (حزقی ایل18:4)۔ ہر اُو شخص لعنتی اے جیہڑا مسلسل اُہناں ساریاں گلاں نوں نئیں کردا جیہڑیاں شریعت دی کتاب وِچ لکھیاں نے۔

تہاںوں صرف کُج ای گلاں نئیں کرنیاں چائی دیاں بلکہ تہاںوں ساریاں گلاں تے عمل کرنا چائی دے اے ورنہ تُسی لعنتی اُو:

’’کیوں جے لکھیا اے، جہیڑا کوئی وی شریعت دی کتاب دیاں ساریاں گلاں تے عمل نئیں کردا اُو لعنتی اے‘‘ (گلِتیوں3:10)۔

شریعت دی نکّی جئی وی پُل، چائے خیالاں چہ ہووے، یا لفظاں چہ ہووے، یا اعمالاں چہ ہووے، خدا دی شریعت دے مطابق، تہانوں دائمی سزا دا حقدار ٹھہراندی اے۔ تے اگر اِک خیال، اگر اِک بُرا لفظ، اگر اِک بُرا عمل دائمی لعنت دا حقدار اے، تے فیر تُسی جہنم توں فرار کیویں پا سکدے اُو؟ ایس توں پہلاں کہ تُسی اپنے دِل وِچ کدی سچا امن پاؤ، تہانوں اے وکھانا ضروری اے کہ خُدا دی شریعت دے خلاف گناہ سرزد کرنا کنّی ہولناک گل ہوندی اے۔

اپنے دِل دا معائنہ کرو۔ تے مینوں، تہاںوں پوچھن دو – کی کدی کوئی اینج دا ویلہ وی آیا جدوں تہاڈے گناہواں دی یاد تہاڈے لئی تکلیف دہ رہی ہووے؟ کی کدی اینج دا ویلہ وی آیا کہ تہاڈے گناہواں دا بوجھ تہاڈے لئی ناقابلِ برداشت ہویا ہووے؟ کی تُسی کدی ویکھیا کہ خُدا دا غضب تہاڈے تے پہینا، تہاڈا اُوس دی شریعت دی اصل خلاف ورزیاں دی وجہ توں، شاید دُرست ہووے؟ کی تُسی کدی باطنی طور تے اپنے گناہوں لئی رنجیدہ ہوئے سی؟ کی تُسی آکھ سکو گے، ’’میرے گناہ میری براشت توں باہر نے؟‘‘ کی تُسی کدی ایہو جئی گل دا تجربہ کیتا سی؟ جے نئیں کیتا، تے اپنے آپ نوں مسیحی مت آکھو! تُسی شاید آکھو کہ تُسی امن تے سکون نال اُو، لیکن تہاڈے لئی کوئی حقیقی امن تے سکون نئیں اے۔ خُدا کرے کہ تُسی جاگ جاؤ! خُدا کرے کہ تُسی مسیح وِچ تبدیل ہو جاؤ!

II۔ دوجی گل، ایس توں پہلاں کہ تُسی خُدا دے نال امن حاصل کر سکو، گناہ دے تحت سزایابی مذید گہری ہونی چائی دی اے؛ تہانوں خُود اپنی گناہ توں بھرپور فطرت دا قائل ہو جانا چائی دا اے، جیہڑا تہاڈی جان دی مکمل بدکاری اے۔

تہاںوں تہاڈے اصلی گناہواں توں قائل ہونا چائی دا اے۔ تہانوں چائی دا اے کہ اُہناں تے کنبوں۔ لیکن سزایابی نوں ایس توں وی زیادہ گہرائی تیکر جانا چائی دا اے۔ تہاںوں اصل وِچ خُدا دی شریعت نوں توڑن دا سزاوار ہونا چائی دا اے۔ ایس توں وی زیادہ، تہاںوں خود اپنا اصلی گناہ ویکھنا تے محسوس کرنا چائی دا اے، اُو اصلی بدکاری جیہڑی تہاڈے دِل چہ پیدائشی سی، جیہڑی تہانوں جہنم پھیجے گی۔

بُہترے لوکی جیہڑے اے سوچدے نے کہ اُو ذہین نے اُو کہندے نے کہ اصلی گناہ ناں دی کوئی شے نئیں اے۔ او سوچدے نے کہ خُدا دا آدم دے گناہ نوں ساڈے نال منسوب کرنا نا اِنصافی اے۔ اُو کہندے نے کہ اَسی گناہ وِچ پیدا نئیں ہوئے سی۔ اُو کہندے نے کہ تُہانوں نئے سرے توں جنم لین دی کوئی ضرورت ای نئیں اے۔ ایس دے باوجود اپنے آلے دوالے دی دُنیا نوں ویکھو۔ کی ایہہ اُو جنت اے جیس دا وعدہ خُدا نے بنی نوع انسان نال کیتا سی؟ جی نئیں! دُنیا چہ ہر شے وگڑ چکی اے! ایہہ ایس لئی اے کیوں جے نسل انسانی دے نال کوئی گڑبڑ اے۔ ایہہ اصلی گناہ اے جِنہے دُنیا وِچ تباہی پھیلائی ہوئی اے۔

ایس نال کوئی فرق نئیں پیندا کہ تُسی کیس قدر شدت دے نال اُوس دا انکار کرو، جدوں تُسی بیدار ہوندے ہو، تُسی ویکھو گے کہ تہاڈی زندگی وِچ گناہ خود تہاڈے اپنے مکروہ دِل توں آندا اے – اِک دِل جِنوں اصلی گناہ نے زہریلا کیتا اے۔

جِدوں مسیح وِچ نجات نہ پایا ہویا بندہ پہلی واری بیدار ہوندا اے، تے اُو حیران ہونا شروع کر دیندا اے، ’’میں کیویں ایس قدر بدکار بن گیا؟‘‘ خُدا دی روح فیر اُہنوں وکھاندی اے کہ اُوس دی طبیعت وِچ کوئی وی چنگی گل نئیں اے۔ فیر اُو ویکھدا اے کہ اُو تے سارے دا سارا بدکار تے قابل مُذمت اے۔ فیر اُو بندہ آخر کار ایہہ ویکھن دے قابل ہو جاندا اے کہ خُدا دا اُوس نوں لعنتی قرار دینا جائز ہووے گا۔ اُو ویکھدا اے کہ اُو اپنی ایس انتہائی فطرت وِچ ایس قدر زہریلا تے باغی اے کہ خُدا دا اُہنوں لعنتی قرار دینا جائز ہووے گا، ایتھوں تیکر کہ جے اُوس نے اپنی ساری زندگی وِچ اِک وی غیرباطنی گناہ نئیں کیتا ہویا سی۔

کی تُسی کدی ایس دا تجربہ کیتا؟ کی کدی تُسی اے محسوس کیتا – کہ ایہہ بالکل دُرست ہووے گا تے ہور خُدا دا تہانوں لعنتی قرار دینا بالکل جائز ہووے گا؟ کی تُسی کدی ایس گل تے متفق ہُئے کہ تُسی خود طبعی طور تے اِک قہر دی اولاد ہو؟ (افسیوں2:3)۔

جے تُسی واقعی کدی نئے سرے توں جنم لیا سی، تے تُسی اینوں محسوس کیتا ہووے گا۔ تے جے تُسی کدی وی اصلی گناہ دا وزن محسوس نئیں کیتا، تو فیر اپنے آپ نوں مسیحی نہ آکھو! میسح وِچ ایمان لہیا کے تبدیل ہُئے اِک سچے مسیحی دا سب توں وڈا بوجھ ای اصلی گناہ ہوندا اے۔ جیہڑا بندہ جِنہے واقعی ای نئے سرے توں دوبارہ جنم لیا ہوندا اے اُو اپنے اصلی گناہ تے زہریلی طبعیت توں رنج و الم وِچ مبتلا ہوندا اے۔ اِک سچا تبدیل شُدہ بندہ اکثر چِلّا اُٹھدا اے، ’’ہائے، کیہڑا مینوں ایس موت دے بدن توں چھٹکارہ دِلائے گا، میرے ایس دِل وِچ وسن آلی ایہہ بدکاری؟‘‘ (ویکھو حوالہ رومیوں7:24) ایہو ای گل اے جیہڑی اِک بیدار بندے نوں سب توں زیادہ پریشان کردی اے – اُہدے گناہ دا باطنی دِل۔ جے تُسی اپنی فطرت وِچ موجود ایس باطنی بدکاری توں کدی آگاہ نئیں ہُئے اُو، تے فیر کوئی رستہ نئیں اے کہ تُسی اپنے دِل وِچ سچا امن تے سکون لبھ سکو۔

III۔ تیجی گل، ایس توں وی علاوہ، ایس توں پہلاں کہ تُسی خُدا دے نال سچا امن تے سکون پا سکو، تہانوں ناصرف اپنی زندگی وِچ گناہواں توں، تے تہاڈی فطرت وِچ موجود گناہواں توں پریشان ہونا چائی دا، بلکہ اُہناں گناہواں توں وی جیہڑے تہاڈے انتہائی بہترین فیصلیاں، وعدیاں تے تہاڈی نام نہاد کہلان آلی ’’مسیحی زندگی‘‘ دے نے۔

میرے بیلی، تہاڈے مذہب وِچ کی رکھیا اے کہ جیہڑا تہانوں خدا لئی قبول کروائے گا؟ تُسی اپنی فطرت وِچ ناراستباز تے غیرتبدیل شُدہ اُو۔ تُسی اپنے غیرباطنی گناہواں دے لئی دس گناہ جہنم وِچ لعنتی ہون لئی مستحق اُو۔ تہاڈے مذہبی اعتقادات تہاڈے لئی کی بھلائی کرن گے؟ تُسی قدرتی طور تے مسیح وِچ ایمان لہیا کے تبدیل ہوئے بغیر کوئی وی بھلائی نئیں کر سکدے اُو۔

’’جیہڑے لوکی جسم دے غلام نے خُدا نوں خوش نئیں کر سکدے‘‘ (رومیوں8:8)۔

مسیح میں نجات نہ پائے ہوئے اِک بندے لئی خدا دے جلال لئی کوئی وی کم کرنا ناممکن اے۔

ایتھو تیکر کہ اَسی مسیح وِچ ایمان لہیا کے تبدیل ہو چکے ہوندے آں، اِہدے باوجود اسی صرف جزوی طور تے دوبارہ نوے ہُئے آں۔ ساڈے وِچ وسّیا ہویا گناہ جاری رہندا اے۔ ہون وی بدکاری دا اِک مرکب ساڈے وچوں ہر اِک دی ذمہ داریاں وِچ ہوندا اے۔ ایس لئی، جدوں اسی مسیح چہ ایمان لہیا کے تبدیل ہو چکے ہوندے آں، جے یسوع مسیح سانوں ساڈے ’’چنگے‘‘ اعمال نال قبول کردا اے، ساڈے کم سانوں لعنتی کرن گے۔ اسی تے ایتھوں تک کہ [ساڈے وِچ] کیتھے تھوڑا جئیا وی گناہ ہوندیاں ہویا، کُج خودغرضی ہوندیا ہویاں، سُستی ہوندیاں ہویا، کسی وی قسم دا اخلاقی ادھورا پن ہوندیاں ہویا دعا وی نہیں منگ سکدے۔ میں نئیں جاندا کہ تُسی کی سوچدے اُو۔ لیکن میں گناہ کیتے بغیر دعا نئیں منگ سکنا وآں۔ میں گناہ کیتے بغیر تہاڈے لئی منادی نئیں کر سکدا۔ میں گناہ کیتے بغیر کُج وی نئیں کر سکدا۔ میرے پچھتاوے نوں توبہ دی ضرورت ہوندی اے، تے میرے آتھروواں نوں میرے پیارے نجات دہندہ خُداوند یسوع مسیح دے قیمتی لہو نال دھون دی ضرورت ہوندی اے!

ساڈے بہترین عزم، ساڈی بہترین ذمہ داریاں، ساڈا بہترین مذہب، ساڈے بہترین فیصلے محض بُہترے شاندار گناہ نے۔ ساڈی مذہبی ذمہ داریاں گناہ توں بھرپور نے۔ ایس توں پہلاں کہ تُسی اپنے دِل وِچ سکون پا سکو تہانوں ناصرف اپنے اصلی گناہ تے اپنے غیرباطنی گناہواں توں تنگ آ جانا چائی دا اے، بلکہ تہانوں خود اپنی راستبازی، ذمہ داریوں تے مذہبی جوش توں وی تنگ آ جانا چائی دا اے۔ ایس توں پہلاں کہ تُسی اپنی خود راستی توں باہر کڈے جاؤ تہاڈے وِچ شدید گہری سزایابی ہونی چائی دی اے۔ جے تُسی کدی محسوس نئں کیتا کہ تہاڈے وِچ خود دی راستبازی نئیں> اے، تے فیر تُسی یسوع مسیح دے وسیلے توں راستباز نئیں ٹھہرائے جا سکدے۔ تُسی ہُن وی مسیح وِچ تبدیل شدہ نئیں اُو۔

کوئی شاید آکھے، ’’ٹھیک اے، میں ایس سب تے یقین کرنا آں۔ لیکن ’’یقین کرن‘‘ تے ’’محسوس کرن‘‘ وِچ اِک بہت وڈا فرق اے۔ کی تُسی کدی محسوس کیتا کہ تہاڈے وِچ مسیح دی کمی اے؟ کی تُسی کدی محسوس کیتا کہ تہانوں مسیح دی لوڑ سی کیوں جے تہاڈی خود دی کوئی نیکی نئیں اے؟ تے تُسی ہُن کہہ سکدے اُو، ’’خُداوند توں مینوں کوس سکدا اے اُہناں بہترین مذہبی اعمال لئی جیہڑے میں کر سکنا واں۔‘‘ جے تُسی ایویں اپنی ذات وچوں نکالے نئیں جا چکے اُو، تے تہاڈے لئی خُدا دے نال کوئی اصلی امن تے سکون نئیں اے۔

IV۔ فیر، چوتھے نمبر تے، ایس توں پہلاں کہ تُسی خُدا دے نال امن تے سکون پا سکو، اِک مخصوص گناہ اے جہدے بارے وِچ تہانوں پریشان ہونا چائی دا اے۔ تے ایس توں باوجود میں ڈرنا واں کہ تہاڈے وِچوں کُج ایس دے بارے وِچ سوچن گے۔ ایہہ دُنیا وِچ سب توں لعنتی گناہ اے، تے ایس دے باوجود دُنیا ایہنوں اِک گناہ دی حیثیت نال نئیں سوچدی اے۔ تُسی پوچھدے اُو، ’’اُو کیہڑا گناہ اے؟‘‘ ایہہ اُو گناہ اے جیدے بارے وِچ تہاڈے وِچوں زیادہ تر سوچدے ای نئیں کہ تُسی اہدے قصور وار اُو۔ تے ایہہ ہے بے اعتقادی دا گناہ۔

ایس توں پہلاں کہ تُسی امن پا سکو، تہانوں اپنے دِل دی بے اعتقادی توں پریشان ہونا چائی دا اے۔ کی ایہہ ہو سکدا اے کہ تُسی حقیقت وِچ خُداوند یسوع مسیح تے یقین نئیں کردے اُو؟

میں تہاڈے خود دے دِل لئی اِلتجا کرنا واں۔ مینوں ڈر اے کہ خود شیطان دے مقابلے وِچ تہاڈا خداوند یسوع مسیح وِچ مذید ہور ایمان نئیں اے۔ میں سوچنا آں کہ شیطان بائبل اُتے تہاڈے وِچوں زیادہ تر دے مقابلے چہ زیادہ یقین کردا اے۔ اُو یسوع مسیح دی الوہیت تے یقین کردا اے۔ اُو یقین کردا اے تے کنبدا اے۔ اُو اُہناں نال جیہڑے اپنے آپ نوں مسیحی کہندے نے ہزار وری زیادہ کنبدا اے۔

تُسی سوچدے اُو کہ تُسی یقین کردے اُو کیونکہ تُسی بائبل تے یقین کردے اُو، یا کیونکہ تُسی گرجا گھر جاندے اُو۔ ایہہ سب کُج شاید تُسی یسوع تے سچا ایمان رکھے بغیر وی کردے اُو۔ فقط یقین کرنا کہ کوئی مسیح ورگا اِک بندہ سی جیہڑا تہاڈے نال کوئی بھلائی نئیں کرے گا، ایس توں زیادہ یقین کرنا اے کہ سکندرِ اعظم یا قیصر ورگا کوئی بندہ سے جیہڑا تہاڈے نال بھلائی کرے گا۔ بائبل خُدا دا کلام اے۔ اَسی اہدے لئی شکر ادا کرنے آں۔ لیکن تُسی شاید اہدے تے یقین کرو، تے اہدے باوجود خداوند یسوع مسیح تے یقین نہ کرو۔

جے میں تہانوں پوچھاں کہ کِنّا عرصہ ہو گیا جدوں توں تُسی یسوع مسیح وِچ ایمان رکھیا، تے تہاڈے وِچوں بُہترے لوکی آکھن گے کہ اُہناں نے ہمیشہ یسوع تے ایمان رکھیا اے۔ تُسی مینوں اِک بہتر ثبوت فراہم نئیں کر پاؤ گے کہ تُسی ہلے تککدی وی یسوع مسیح وِچ یقین نئیں کیتا۔ اُو جیہڑے واقعی مسیح تے ایمان رکھدے نے جاندے نے کہ کوئی ویلہ سی جِدوں اُو یسوع وِچ ایمان نئیں رکھدے سی۔

مینوں اہدے تے ہور بولنا چائی دا اے، کیوں جے اے سب توں زیادہ دھوکہ دین آلا فریب اے۔ بہترے لوکی اہدے چکر وِچ آئے نے – ایہہ سوچدیاں ہویاں کہ اُو پہلاں توں ای یقین کر چکے نے۔ ایہہ اِک بندے دے ذریعے توں آکھیا گیا سی کہ اُہنے اپنے سارے گناہواں دی فہرست خُدا دے دس حکماں دے تحت بنائی سی، تے فیر ایک پادری صاحب دے کول آیا تے پُچھیا کہ اُو امن کیوں نئیں پا سکے گا۔ اُوس مذہبی راہب نے اُوس دی فہرست نوں ویکھیا تے آکھیا، ’’پرے ہو جا! میں تیری ایس فہرست وِچ بے اعتقادی دے گناہ دا اِک لفظ وی نئیں لبھ سکیا۔‘‘ ایہہ خُدا دے روح دا کم اے کہ اُو تہانوں تہاڈی بے اعتقادی تے قائل کرے – کہ تہاڈے کول کوئی ایمان نئیں اے۔ یسوع مسیح نے پاک روح نال تعلق رکھدیاں ہویا آکھیا:

’’اُو مدد گار آوے گا تے جیتھوں تیکر گناہ…. کیونکہ اُو لوکی میرے تےایمان نئیں لہیاندے‘‘ (یوحنا16:8۔9)۔

ہُون، میرے عزیز مِترو، کی خُدا نے کدی تہاڈے تے ظاہر کیتا کہ تہاڈا یسوع وِچ کدی وی حقیقی ایمان نئیں سی؟ کی تہانوں کدی اپنے بے اعتقادی آلے سخت دِل تے دُکھ دے نال افسردہ کیتا گیا؟ کی تُسی کدی دعا منگی، ’’خُداوند مینوں مسیح نوں تھامے رہن وِچ مدد دے؟‘‘ کی خدا نے کدی تہانوں مسیح دے کول آن لئی تہاڈی نا اہلیت تے قائل کیتا، تے مسیح وِچ ایمان لئی دعا وِچ رون تے مجبور کیتا؟ جے نئیں، تے تُسی اپنے دِل وِچ امن نئیں پا سکدے۔ خُدا تہاںوں بیدار کرے، تے یسوع وِچ ایمان دے وسیلے نال تھوس امن مہیا کرے، ایس توں پہلاں کہ تُسی مر جاؤ تے کوئی مذید ہور موقع گنوا دو۔

V۔ اِک وری فیر، ایس توں پہلاں کہ تُسی خُدا دے نال امن پا سکو، تہانوں مسیح دی راستبازی نوں تھامے رہنا چائی دا اے۔

تہانوں نا صرف اپنے حقیقی تے اصلی گناہ اُتے، تہاڈی اپنی راستبازی دے گناہ، تے بے اعتقادی دے گناہ تے قائل ہونا چائی دا اے، بلکہ تہانوں خداوند یسوع مسیح دی کامل راستبازی نوں تھامے رہن لئی وی قابل ہونا چائی دا اے۔ تہانوں مسیح دی راستبازی نوں تھامے رہنا چائی دا اے۔ فیر تسی امن پاؤ گے۔ یسوع نے آکھیا:

’’اے محنت کشو تے بوجھ نال دبے ہوئے لوکو! میرے کول آؤ میں تہاںوں آرام بخشاں گا‘‘ (متی11:28)۔

ایہہ آیت اُہناں تمام لوکاں نوں جیہڑے خستہ حال تے بھاری بوجھ نال دبے ہوئے نے حوصلہ دیندی اے، لیکن کسی ہور نوں نئیں۔ اَیس دے باوجود آرام دا وعدہ صرف اُہناں نال کیتا گیا اے جیہڑے یسوع مسیح وِچ آندے نے تے یقین کردے نے۔ ایس توں پہلاں کہ تُسی خُدا دے نال کدی امن کر پاؤ تہانوں سادے خُداوند یسوع مسیح وِچ ایمان دے نال راستباز ہونا چائی دا اے۔ تہاںوں مسیح بخود نوں پانا چائی دا اے، تاکہ اُوس دی راستبازی شاید تہاڈی راستبازی بن جائے۔

میرے عزیز مِترو، کی تُسی کدی مسیح دے نال شادی کیتی؟ کی مسیح نے کدی اپنے آپ نوں تہاڈے حوالے کیتا؟ کی تُسی کدی مسیح دے کول جیوندے جاگدے ایمان دے نال آئے؟ میں خُدا توں دعا مانگنا آں کہ مسیح آئے تے تہاڈے لئی امن تے سکون دی گل کرے۔ نوے سرے توں جنم لین لئی تہانوں اِناں گلاں دا تجربہ ہونا چائی دا اے۔

میں ہُن اِک ہُور ای دُنیا دی اندیکھی حقیقتاں دی گل کر رہیا آں، باطنی مسیحیت دی، گنہگار دے دِل تے خُدا دے کماں دی۔ میں ہُن تہاڈے لئی انتہائی اہم گلاں دے بارے وِچ گل کر رہیا آں۔ تہانوں ساریاں نوں ایس دے بارے چہ انتہائی فکر ہونی چائی دی اے۔ تہاڈیاں جاناں اہدے نال تعلق رکھدیاں نے۔ تہاڈی دائمی نجات دا انحصار اہدے تے ای اے۔

تُسی شاید مسیح دے بغیر سکون محسوس کردے ہو۔ شیطان نے تہاںوں سُلا دِتّا اے تے تہانوں جھوٹا تحفظ دِتّا اے۔ اُو تہانوں اُوس ویلے تیکر سُلائے رکھن دی کوشش کرے گا جِدوں تیکر کہ تہانوں جہنم وِچ نئیں پیج دِتّا جاندا۔ اُوتھے تُسی بیدار ہوو گے، لیکن ایہہ اِک ہولناک بیداری ہووے گی جیتھے تُسی خود نوں شعلیاں وِچ پاؤ گے جیتھے ہُن مسیح وِچ نجات پان لئی بہت دیر ہو چکی اے۔ جہنم وِچ تُسی ابدیت تک اپنی زبان نوں پانی دے اِک قطرے دے نال گِلا کرن لئی چیخدے رہوو گے، تے تہانوں کوئی وی پانی نئیں دِتّا جائے گا۔

خُدا کرے تہاڈے جان نوں اُوس ویلے تیکر آرام نہ ملے جِدوں تک تُسی یسوع مسیح وِچ آرام نئیں پا لیندے اُو! میرا مقصد گواچے ہوئے گنہگاراں نوں نجات دہندہ دے کول لہیانا اے۔ ہائے، کہ خُدا تہاڈے وِچوں کُج نوں یسوع لئی لہیائے۔ خُدا کرے کہ پاک روں اُہناں نوں جیہڑے گنہگار نے قائل کرے، تے تہانوں تہاڈے بدکار طریقیاں توں موڑ کے یسوع مسیح ول لہیائے۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں دُعا: مسٹر نوح سُونگ Mr. Noah Song ۔
واعظ توں پہلاں کلّیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی:
’’اے خُداوند میں کِنّہا غلیظ آں O Lord, How Vile Am I‘‘
(شاعر جان نیوٹن John Newton، 1725۔1807)


لُبِ لُباب

جارج وائٹ فیلڈ ولّوں ’’ فضل دا طریقۂ کار‘‘
جدید انگریزی لئی موافق تے مختصر کیتا گیا

“THE METHOD OF GRACE” BY GEORGE WHITEFIELD,
CONDENSED AND ADAPTED TO MODERN ENGLISH

اِک واعظ جِینوں ڈاکٹر آر۔ ایل۔ ہائیمرز، جونیئر نے تحریر کیتا
تے جِدی تبلیغ مسٹر جان سیموئیل کیگن نے کیتی
.A sermon written by Dr. R. L. Hymers, Jr
and preached by Mr. John Samuel Cagan

’’اُو میرے لوکاں دے زخماں تے ایویں پٹی بنن گے جیویں اُو معمولی گھاؤ ہون تے سلامتی، سلامتی کہندے نے؛ جدوں کے سلامتی ہوندی نئیں اے’’ (یرمیاہ6:14)۔

(یرمیاہ6:13)

I.    پہلی گل، خُدا دے نال امن پا سکن توں پہلاں، تہانوں درد سہن، محسوس کرن، تے رون تے مجبور کر دینا چائی دا اے تے تہاںوں خُدا دی شریعت دے خلاف تہاڈے اصل گناہواں تے رنج والم کرایا جانا چائی دا اے، حزقی ایل18:4؛ گلِتیوں3:10 .

II.   دوجی گل، ایس توں پہلاں کہ تُسی خُدا دے نال امن حاصل کر سکو، گناہ دے تحت سزایابی مذید گہری ہونی چائی دی اے؛ تہانوں خُود اپنی گناہ توں بھرپور فطرت دا قائل ہو جانا چائی دا اے، جیہڑا تہاڈی جان دی مکمل بدکاری اے، افسیوں2:3؛ رومیوں7:24 .

III.  تیجی گل، ایس توں وی علاوہ، ایس توں پہلاں کہ تُسی خُدا دے نال سچا امن تے سکون پا سکو، تہانوں ناصرف اپنی زندگی وِچ گناہواں توں، تے تہاڈی فطرت وِچ موجود گناہواں توں پریشان ہونا چائی دا، بلکہ اُہناں گناہواں توں وی جیہڑے تہاڈے انتہائی بہترین فیصلیاں، وعدیاں تے تہاڈی نام نہاد کہلان آلی ’’مسیحی زندگی‘‘ دے نے، رومیوں8:8۔

IV.  چوتھی گل، اِیس توں پہلاں کہ تُسی خُدا دے نال امن تے سکون پا سکو، تہانوں مسیح وِچ بے اعتقادی دے لعنتی گناہ توں پریشان ہونا چائی دا اے، یوحنا18:8،9۔

V.   پنجویں گل، اِک وری فیر، ایس توں پہلاں کہ تُسی خُدا دے نال امن پا سکو، تہانوں مسیح دی راستبازی نوں تھامے رہنا چائی دا اے، متی11:28 .