Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 40 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




مسیح دے وِچّ ایمان لیان دے نال حقیقی تبدیلی – 2015 ایڈیشن

REAL CONVERSION – 2015 EDITION
(Punjabi Pakistan)

ڈاکٹر آر۔ ایل۔ ہائیمرز، جونیئر وَلوں
.by Dr. R. L. Hymers, Jr

لاس اینجلز دی بپتسمہ دیہن آلی عبادت گاہ وِچّ دیتا گیا ایک واعظ
خُداوند دے دِن دی سویر، 4 جنوری، 2015
A sermon preached at the Baptist Tabernacle of Los Angeles
Lord's Day Morning, January 4, 2015

’’بے شک میں تہانوں کیہنا وآں کہ جے تُسی تبدیل ہو کے نکّے بالاں وانگر نہ بنو، تُسی آسمان دی بادشاہی دے وِچ کدی وی نئیں داخل ہو سکدے‘‘ (متی18:3)


یسوع نے واضح طور تے دسیا، ’’جے تُسی تبدیل ہو کے نکّے بالاں… تُسی آسمان دی بادشاہی دے وِچ کیدی وی نئیں داخل ہو سکدے۔‘‘ اِیس طرح، اُونہے کامل طور تے واضح کیتا کہ تُہانوں مسیح دے وِچ ایمان لیان دی تبدیلی دا تجربہ کرنا چائی دا۔ اُونہے آ کھیا جے تُسی مسیح دے وچ ایمان لیان دی تبدیلی دا تجربہ نئیں کردے تاں ’’آسمان دی بادشاہی وِچ کیدی وی نئیں داخل ہو سکدے۔‘‘

اَج دی سویر میں تُہانوں دسّن جا ریاں آں کہ جہیڑا بندہ مسیح دے وچ ایمان لیاون دی حقیقی تبدیلی دا تجربہ کردا اے اُدی زندگی دے نال کی ہوندا اے۔ وِچار کرو کہ میں مسیح دے وِچ ایمان لیاون دی اِک حقیقی تبدیلی دے لئی گل کیتی اے۔ ’’گنہگار دی دعا‘‘ کیہن دے نال یا اُنوں استعمال کرن دے نال تے ہور دوجی قسماں دی فیصلہ سازیت دی وجاں توں لاکھاں لوکاں نے ایویں ای جوٹھی تبدیلی دا تجربہ کیتا اے۔

ساڈے گرجا گھر دے وچ تھوڑے بُہتے ای لوکی نے جنہاں وِچ میری ووٹی وی شامل اے جیہڑے پہلی وار دے وِچ انجیل دی نکھڑی منادی سُنن دے نال مسیح دے وچ ایمان لہیا کے تبدیل ہو گئے سی۔ مگر اے اُو سارے بالغ سَن جیہڑے انجیل نوں سُنن توں پہلاں ای زندگی دے حالات دی وجہ توں بہت چنگی طرح نال تیار ہوئے سن۔ اُنہاں وِچّوں کوئی وی نِکا بال نئی سی۔ مسیح دے وچ ایمان لیون دیاں ساڈیاں زیادہ تر تبدیلیاں، کسی طرح دے نال وی، نوجواناں دے وِچ ای رہیاں نے جیہڑے کئی کئی مہینیاں توں (ایتھوں تیکر کہ کئی وریاں توں) انجیل تے واعظ سُنن دے بعد مسیح دے کول آئے سن۔ سپرجئین نے کہیا، ’’پہلی ای نظر دے وِچ شاید ہی کوئی ایہو جئی گل ہووے جیویں ایمان، مگر اَسّی ہورے مرحلہ وار ای ایمان تیکر پہنچنے آں‘‘ (سی۔ ایچ۔ سپرجئیں C. H. Spurgeon، تنگ بوہوے دی دوجی ولوں Around the Wicket Gate، پلگرم اشاعت خانے Pilgrim Publications، فیر اشاعت 1992، صفحہ 57)۔ اے نے او ’’مراحل‘‘ جینہاں وچوں بُہترے لوکی گزردے نے۔

I۔ پہلی گَل، تُسی تبدیل ہوون دے بجائے گرجا گھر دے وچ کسی دوجی لوڑ لئی آندے اُو۔

تقریباً ہر کوئی پہلی چند اک وری گرجا گھر دے وِچ ’’پہیڑی‘‘ وجہ دے نال آندا اے جیویں میں آیا سی۔ میں گرجا گھر دے وِچ اِک نوعمر دی حیثیت دے نال آیا سی کیوں کہ اُو گھرانہ جیہڑا گوانڈ وِچ رہندا سی اُنہاں نے مینوں اُنہاں دے نال گرجا گھر جان واسطے آکھیا سی۔ ایسے لئی میں 1954 دے وِچ گرجا گھر جانا شروع کر دیتا سی کیوں جے میں کلا سی تے اوہ گوانڈی میرے نال بُہت چنگے سن۔ ایہہ واقعی چہہ ’’چنگی‘‘ لوڑ نئیں سی، یا کیا ایہہ سی؟ پہلا واعظ سُنن دے آخیر دے وچ ای میں ’’اگے آ گیا‘‘ سی تے بغیر کسی نصیحت دے بپتسمہ یافتہ ہو گیا سی ایتھوں تیکر کہ مینوں اے وی نئی پوچھیا گیا کہ میں اگے کیوں آیا سی۔ ایویں میں ایک بپتسمہ یافت بن گیا سی۔ لیکن میں مسیح دے وچ ایمان لیا کے تبدیل نئیں ہویا سی۔ میں ایس لئی آیا سی کیوں کہ میرے گوانڈی میرے نال چنگے سن، ایس وجہ توں نئیں آیا سی کہ میں نجات پانا چاہندا سی۔ اِیسے لئی، 28 ستمبر 1961 وچ، میں آخیر طور تے بہت ڈھیر ساری جدوجہد توں گزرن دے بعد جیہڑی ست سالاں تیکر جاری رئی سی مسیح دے وِچ ایمان لہیا کے تبدیل ہویا، جدوں میں بائیولا کالج وچ (جہیڑا ہن بائیولا یونیورسٹی اے) ڈاکٹر چارلس جے۔ ووڈبریج Dr. Charles J. Woodbridge دی تبلیغ سُنی۔ اے اُوہی دِن سی جِدوں یسوع تے بھروسہ کیتا سی، تے اُونہے مینوں پاک صاف کیتا تے مینوں گناہ توں نجات دلائی۔

اپنے بارے چہ کی خیال اے؟ کہ تُسی گرجا گھر آئے سی اَیس لئی کہ تُسی کلّے سی۔ یا تہانوں تہواڈے ماں پیّو جدوں تُسی بال سی تے گرجا گھر لیائے سن؟ جے اَج دی سویر تُسی ایتھے عادتاً گرجا گھر دے وِچ پلے ہوئے بال دے وانگر آئے ہو تے اَیس دا اے مطلب نئیں ہوندا کہ تُسی مسیح دے وِچ ایمان لہیا کےتبدیل ہو چکے ہو۔ یا تُسی ایویں ای آئے ہو جیویں میں آیا سی، اَیس لئی کہ تُسی کلّے سو تے کسی ہور نے تہانوں سدّیا نئیں سی تے اُو تہاڈے نال چنگے نئیں سن؟ جے تُسی آئے سو، تے اوہدا اے مطلب نئیں ہوندا کہ تُسی مسیح دے وچ ایمان لہیا کے تبدیل ہو چکے اُو۔ میری گَل دا مطلب پہیڑا نہ لیّو۔ میں خوش ہاں کہ تُسی ایتھے ہو – پاویں عادتاً جیویں گرجا گھر دے وِچ پَلیا ہویا ایک بال ہوندا اے، یا کلّے پن دی وجہ توں جیویں میں سی جدوں میں تیرہ سالاں دا سی۔ اُو گرجا گھر دے وِچ آون لئی سوچن آ لیاں وجوہات نے – مگر اُو تہانوں نجات نئیں دلاون گیاں۔ نجات پاون لئی تہاڈا مسیح دے وِچ ایمان لہیا کے حقیقی طور تے تبدیل ہونا ضروری ہوندا اے۔ تہانوں سچیائی نال یسوع دے وسیلے توں نجات پاون دی چاہ ہونی چائی دی اے۔ ایہو ای ’’صحیح‘‘ وجہ اے – صرف کلّا اُو ای اے جیہڑا تہانوں گناہ دی زندگی توں نجات دِلا لے گا۔

عادتاً ایتھے [گرجا گھر دے وِچ] ہونا یا اَیس لئی کہ تُسی کلّے سوایتھے گرجا گھر وِچ ہونا کوئی بُری گِل نئیں اے۔ بس صرف ایہو ای دُرست وجہ نئیں اے۔ تہانوں مسیح دے وِچ ایمان لہیا کے تبدیل ہوون لئی بس کُج ود دی چاہ ہونی چائی دی اے، محض اَیس لئی نئیں کیوں کہ اے تہانوں گرجا گھر آون لئی چنگا محسوس کراندا اے۔

II۔ دوجی گَل، تہانوں پتا لگنا شروع ہو جاندا اے کہ آہو واقعی چہ ایتھے خُدا اے۔

تہانوں شاید احساس ہو چکیا ہووے کہ تہاڈے گرجا گھر آون توں پہلے ای خُدا وجود رکھدا اے۔ مگر اَیس توں پہلاں کہ بُہتے سارے لوکاں نوں انجیل دا سامنا ہووے، اُنہاں لوکاں دا دُھندلا جئیا، غیر واضح جئیا خُدا دے وِچ اعتقاد ہوندا اے۔ ایہو ای غالباً تہاڈا وی معاملہ اے جے کوئی ہور تہاںوں ایتھے لہیا سی۔

جے تُسی گرجا گھر دے وِچ پل کر وڈے ہوئے سی تے تہاںوں پہلاں توں کلام پاک دے بارے وِچ بہت کُج پتا اے۔ تُسی آسانی دے نال بائبل وِچوں حوالہ لَب سکدے اُو۔ تُسی نجات دا منصوبہ جانّدے اُو۔ تہاںوں بُہتی ساری بائبل دیاں آیتاں تے رَبّ دی تعریف دے گیتاں دا پتا ہوندا اے۔ مگر خُدا ہُن وی تہاڈے لئی غیر حقیقی تے غیر واضح ہوندا اے۔

فیر، بے شک تُسی ایک نوے بندے ہوو یا گرجا گھر دے وِچ پل کے وڈے ہوئے بال ہوو، کُج نہ کُج رونما ہونا شروع ہو جاندا اے۔ تہانوں احساس ہونا شروع ہو جاندا اے کہ سچّی وِچ خُدا اے – صرف خُدا دے بارے وِچ گلاں ای نئیں ہوندیاں۔ خُدا تہاڈے واسطے ایک انتہائی شخصیت ہو جاندا اے۔

میں جدوں تیکر ایک بال سی تے میرا خُدا دے وِچ بالکل تھوڑا جِنّہ، غیر واضح جئیا اعتقاد سی۔ مگر میں بائبل دے اُس ’’عظیم تے ہولناک خُدا‘‘ (نحم یاہ1:5) دے بارے وِچ جان دا نئیں سی جدوں تیکر میں پندرہ وریاں دی عمر دا نئیں ہو گیا – اے دو وریاں توں زیادہ لنگن دے بعد ہویا جدوں میں اُنہاں گوانڈیاں دے نال بپتسمہ دین آلے گرجا گھر دے وچ جاناں شروع کیتا سی۔ اُس دِن جدوں میری دادی نوں دفنایا گیا تے میں قبرستان دے وِچ درختاں ول نٹھ گیا سی تے زمین تے ہنبدا ہویا تے مہڑکا وگاندا ہویا ڈِگ گیا سی۔ اِک دم خُدا میرے تے ظاہر ہویا – تے میں جان گیا او حقیقی سی، تے نالے اُو بُہتی قوت توں پرہیا ہویا سی ایتھوں تیکر کہ اپنی پاکیزگی وِچ بُہت پُررعب سی۔ مگر میں ہالے تیکر مسیح دے وِچ ایمان لہیا کے تبدیل نئیں ہویا سی۔

کیا کدّی تہاںوں ایہو جئیا کوئی تجربہ ہویا؟ کہ بائبل دا خُدا تہاڈے لئی اِک حقیقی شخصیت اے؟ اے واقعی چہ بہت اہم گَل اے۔ بائبل کہندی اے،

’’ایمان توں بغیر خُدا نوں پسند آونا ممکن نئیں: اَیس لئی ضروری اے کہ خُدا دے کول جان والا ایمان لہیاوے کہ خُدا موجود اے [یعنی کہ او وجود رکھدا اے]‘‘ (عبرانیوں11:6)۔

خُدا وِچ یقین رکھنا اِک مخصوص مقدار چہ ایمان چاہندا اے – مگر ایہہ نجات دلاون آلا ایمان نئیں ہوندا اے۔ ایہہ مسیح دے وِچ ایمان لیاون دی تبدیلی نئیں ہوندی اے۔ میری ماں اکثر کہیا کردی سی، ’’میں ہمیشہ خُدا دے وِچ یقین رکھدی آں۔‘‘ تے میرے ذہن دے وِچ ایہو جہیا کوئی سوال نئیں اے کہ اُو رکھدئ سئ۔ اُو خُدا دے وِچ بچپن توں ای یقین رکھدی سی۔ مگر اُو مسیح دے وِچ ایمان لہیا کے تبدیل نئیں ہوئی سی جدوں تیکر کہ اُو 80 وریاں دی نہ ہو گئی۔ ایہہ گَل اہم سی کہ اُنہاں نوں خُدا دے وِچ یقین سی، مگر اِک بندے واسطے سچے دِل توں مسیح دے وِچ ایمان لہیا کے تبدیل ہون لئی اَیس توں وی ودھ کے ہور بہت کُج رونما ہونا ضروری ہوندا اے۔

اَیس لئی، میں کہہ رہیا واں، کہ تُسی غالباً اَج دی سویر خُدا دی حقیقت نوں جانے بغیر ای گرجا گھر دے لئی آئے او۔ فیر شاید ہولی ہولی نال، شاید بہتی تیزی نال، تُسی ویکھدے ہو کہ سچی وِچ خُدا ہے۔ اُو دوجا مرحلہ ہوندا اے، مگر اے ہُن وی مسیح دے وِچ ایمان لہیان آلی تبدیلی نئیں ہوندی اے۔

III۔ تیجی گَل، تہانوں احساس ہوندا اے کہ تُسی اپنے گناہ دے نال خدا نوں ٹھیس پہنچائی اے تے غصہ دِلایا اے۔

بائبل کہندی اے، ’’اُو جہیڑے جسم دے غلام نے [یعنی کہ اُو جہیڑے مسیح دے وِچ ایمان لہیا کے تبدیل نئیں ہوئے ہوندے] خُدا نوں خوش نئیں رکھ سکدے‘‘ (رومیوں8:8)۔ اَیس لئی تُسی ایک غیر تبدیل شُدہ انسان دی حیثیت دے نال احساس کرنا شروع کر دیندے او، کہ ایہو جئیا کُج نئیں اے جہیڑا تُسی کردے اُو جس توں خُدا خوش ہو سکدا اے۔ حقیقت وِچ، تُسی احساس کرنا شروع کر دے او کہ تُسی اِک گنہگار اُو۔ ہر دِن تہاڈا ’’سخت دِل اپنے حق دے وِچ اُس قہر دے دِن واسطے غصب کما رہیا ہوندا اے‘‘ (رومیوں2:5)۔ بائبل کہندی اے،

’’خُدا بدکار توں ہر ویلے ناراض ہوندا اے‘‘ (زبور7:11)۔

تہاڈے جانن توں بعد کہ سچی وچ اِک خُدا اے، تُسی احساس کرنا شروع کر دیندے اُو کہ تُسی اپنے گناہ دے نال خُدا نوں ٹھیس پہنچائی اے۔ تُسی اُوہنوں پیار نہ کرن دے نال وی ٹھیس پہنچائی اے۔ اُو گناہ جہیڑے تہاڈے توں سرزد ہوئے اُو خُدا تے اُس دے حکماں دے خلاف سن۔ فیر تہاڈے تے اے واقعی وِچ واضح ہو جاندا اے کہ ایہہ سچ اے۔ اَیس ویلے تہاںوں خُدا توں محبت دی کمی اِک بہت وڈے گناہ دی حیثیت نال نظر آوے گی۔ مگر اَیس توں وی ودھ کے ایہہ کہ تُسی ویکھنا شروع کر دیو گے کہ تُہاڈی انتہائی فطرت گناہ دے نال بھری ہوئی اے، کہ تہاڈے وِچ کُج وی چنگا نئیں اے کہ تہاڈا سارے دا سارا دِل گناہ دے نال پرہیا ہویا اے۔

اِس مرحلے نوں اکثر پیوریٹنز ’’جاگن awakening‘‘ دا مرحلہ کہندے سن۔ مگر ایتھے گناہ دی تیز سمجھ تے گہری خود ملامتی دے بغیر کوئی جاگن نئیں ہو سکدا۔ تُسی ایویں محسوس کرو گے جہیڑا جان نیوٹن John Newton نے محسوس کیتا سی جدوں اُنہاں نے لکھیا:

ہائے خُداوند، میں کِنہا غلیظ آں، ناپاک تے آلودہ!
میں کیویں جرأت کر سکدا آں کہ اَیس قدر پاری گناہ دے نال قسمت آزماواں؟

کی ایہہ آلودہ دِل تیرے لئی وسن دی تھاں ہو سکدا اے؟
پرہیا ہویا اے، افسوس! ہر اِک حصّے دے وِچ، میں کی کی بدیاں ویکھنا آں!
   (’’ہائے خُداوند، میں کِنہا غلیظ آں O Lord, How Vile Am I‘‘ شاعر جان نیوٹن، 1725۔1807)۔

فیر، اُودوں تُسی اپنے دِل تے ذہن دے اندرونی گناہ دی بھرپوری دے بارے وِچ گہرائی دے نال سوچنا شروع کر دیو گے۔ تُسی سوچو گے، ’’میرا دِل گناہ دے نال ایہنا پرہیا ہویا اے تے خدا توں بہت دور اے۔‘‘ اُو سوچ تہانوں پریشان کر دے گی۔ تُسی بہُتے پریشان ہو جاؤ گے تے خود اپنی ای گناہ توں پرہی ہوئی سوچاں دے نال تے خود اپنی ای خدا توں پیار دی کمی دے نال پریشان ہو جاؤ گے۔ اَیس مرحلے تے خُدا ولوں تہاڈی بے جان جئی زندگی دی سرد مہری تہانوں شدت دے نال پریشان کرے گی۔ تُسی احساس کرنا شروع کر دیو گے کہ تہاڈے وگرے گناہ توں پرہیے ہوئے دِل آلے بندے دے کول کوئی اُمید نئیں اے۔ تُسی ویکھو گے کہ تہانوں جہنم دے وِچ سُٹنا خدا دے لئی ضروری تے درست اے – اَیس لئی کہ تُسی جہنم دے مستحق اُو۔ ایہو ای اے جیہڑا تُسی سوچو گے جِدوں تُسی سچے طور دے نال جاگ جاؤ گے تے احساس کرو گے کہ تُسی اپنے گناہ دے نال خُدا نوں ٹھیس پہنچائی اے تے غصہ دلایا اے۔ جاگن دا ایہہ مرحلہ اِک اہم مرحلہ ہوندا اے – مگر ایہہ ہُن وی مسیح دے وِچ ایمان لیان دی تبدیلی نئیں ہوندی۔ اِک بندہ جیہڑا ویکھدا اے کہ اُو کیس قدر گناہ دے نال پرہیا اے جاگ چُکیا ہوندا اے – لیکن اُو ہالے تیکر مسیح دے وِچ ایمان لہیا کے تبدیل نہیں ہویا ہوندا۔ مسیح دے وِچ ایمان لہیاون دی تبدیلی ایویں گناہ دی سزایابی دے وِچ آون توں کہیں بہت اگے دی گَل ہوندی اے۔

تہانوں شاید اِک دم ای احساس ہو جاندا اے کہ تُسی خُدا نوں ناراض کر چکے اُو یا ایہو جئی قسم دی آگاہی شاید اِک عقیدے توں اک مکمل ترین سوچ تے سمجھ دے وِچ پیدا ہو جاندی اے کہ خُدا نوں ٹھیس پہنچ چکی اے تے اُو تہاڈے نال بہت ناراض اے۔ صرف جدوں تُسی اَیس حقیقت توں مکمل طور تے جاگ جاندے اُو کہ تُسی گناہ توں پرہیے تے ناپاک اُو اُدوں ای تُسی مسیح دے وِچ ایمان لیون دی تبدیلی دے چوتھے تے پنچویں ’’مراحل‘‘ دے لئی تیار ہو جاؤ گے۔

چارلس سپرجئین اپنے گناہ توں جدوں اُو 15 وریاں دی عمر دے سن آگاہ ہو چکے سن۔ اُنہاں دے پیّو تے دادا دویں ای مبلغ سن۔ اُو اک ایہو جئے زمانے دے وِچ رہندے سن جِدوں نوی [جدید] ’’فیصلہ سازیت‘‘ نے ہُن تیکر مسیح دے وِچ ایمان لیون دی سچی تبدیلی نوں داغدار تے غیر واضح نہیں کیتا سی۔ اَیس طرح، اُنہاں دے پیّو یا دادا نے اُںہاں نوں سرسری جہیا وی ’’مسیح دے لئی فیصلے‘‘ نوں اپناون لئی ’’زور نئی دِتا‘‘ سی۔ اَیس دے بجائے، اُنہاں نے اُنہاں وِچ خدا وَل مکمل طور تے مسیح وِچ ایمان لیون دی تبدیلی دے معجزے لئی انتظار کیتا سی۔ میرے خیال وِچ اُو دُرست سن۔

جدوں اُو پندرہ وریاں دے سن تے آخیر کار سپرجئیں گناہ دی گہری سزایابی دے وِچ آ گئے سی۔ سپرجئین نے اِنہاں لفظاں دے نال اپنی گناہ دی بھرپوری دے لئی اپنے جاگن نوں بیان کِیتا:

اچانک ای میں موسیِ نوں ملیا، جنہے اپنے ہتھ وِچ خدا دی شریعت چُکی ہوئی سی تے جدوں اُنہے میرے ول نظر دوڑائی تے او مہنوں اپنی انگاریاں وگری آکھاں دے نال کھنگالدا یا ٹٹولدا ہویا دکھائی دِتا۔ اُنہے مینوں ’خُداوند دے دس الفاظ‘ – دس حکم [پڑھن لئی کہئے] – جدوں میں اُنہاں نوں پڑھن ڈھیا سی تے مینوں اینج لگن ڈھیا سی کہ اُو سب مل کے میرے تے پاک خداوند دی حضوری دے وِچ الزامات عائد کرن ڈئے سی تے ملامتاں پیجہن وِچ شامل ہُون۔

اُنہاں نے اُوس تجربے توں ویکھیا کہ اُو خدا دی نظراں دے وِچ اِک گنہگار سن تے کسی وی مقدار دا ’’مذہب‘‘ یا ’’نیکی‘‘ اُنہاں نوں بچا نیں پاوے گی۔ نوجوان سپرجئین نوں شدید ذہنی دباؤ دے اِک دورانیے توں گزرنا پہیا۔ اُنہاں نے خود اپنی کوششاں دے ذریعے توں خُدا دے نال صلح کرن لئی بہترے طریقیاں نال کوششاں کیتیاں، مگر خُدا دے نال صلح دی اُنہاں دی ساریاں کوششاں نوں ناکام ہونا پہیا۔ ایہہ گَل سانوں مسیح دے وِچ ایمان لیاون دی تبدیلی دے چوتھے مرحلے دے وِچ لے جاندی اے۔

IV۔ چوتھی گَل، تُسی اپنی نجات نوں پان دی کوشش کردے ہو یا نجات کیویں پائی جا سکدی اے ایہہ سیکھدے اُو۔

جاگیا ہویا بندہ گناہ توں پرہیا محسوس کرے گا مگر ہوُن وی یسوع وَل رُخ نئیں کرے گا۔ اشعیا نبی نے لوکاں نوں اَیس حالت وچ بیان کیتا جدوں اُنے کہیا، ’’اَسّی اُوس بندے دے وگرے ساں جیہنوں ویکھ کے لوکی مُنہ موڑ لیندے نے… اَسّی اُہدی کُج قدر وی نہ کیتی‘‘ (اشعیا53:3)۔ اَسّی آدم وگرے آں، جیہڑا جاندا سی کہ اُو گناہ تو پرہیا ہویا سی، مگر نجات دین آلے توں چُھپیا سی تے انجیر دے پتیاں دے نال اپنے تن نوں چُھپان دی کوشش کیتی سی (پیدائش3:7، 8)۔

آدم دی وانگوں، جاگیا ہویا اِک بندہ خود دے گناہ توں بچان لئی کُج نہ کُج کوشش کردا اے۔ اُو کیوین بچایا جاندا اے ’’سیکھن‘‘ دی کوشش کردا اے۔ مگر اُنوں پتا چلدا اے کہ ’’سیکھن نال‘‘ اُنوں کوئی فائدہ نئیں پہنچدا، کہ اُو ’’سیکھن دی کوشش تے کردا اے مگر کدی اَیس قابل نئیں ہوندا اے‘‘ (2۔تیموتاؤس3:7)۔ اور اُو یسوع بخود دے بجائے شاید اک احساس نوں لبھدا اے۔ کُج لوکی جیہڑے اِک ’’اِحساس‘‘ نوں لبھن دی کوشش کردے نے مہینیاں تک ایویں رہندے نے کیوں کہ کوئی وی ’’احساس‘‘ دے وسیلے دے نال نئیں بچایا جاندا اے۔ سپرجئین نوں اُوس دے گناہ دے لئی جگایا گیا سی۔ مگر اُونے یقین نئیں کیتا سی کہ صرف یسوع تے بھروسہ کرَن دے نال اُو بچا لیا جاوے گا۔ اُونے کہیا،

مسیح دے کول آن توں پہلاں، میں آپئی آپ نوں کہیا، ’’اے یقیناً اُو نئیں ہو سکدا، اگر میں یسوع دے وِچ یقین کرنا آں، جیہیوں جہیا میں آں، تے میں بچا لیا جاواں گا؟ مینوں کُج نہ کُج محسوس کرنا چائی دا اے؛ مینوں کُج نہ کُج کرنا چائی دااے‘‘ (ibid.)۔

تے اَے گَل تُہانوں پنجویں مرحلے وَل لے جاندی اے۔

V۔ پنجویں گَل، تُسی آخیر کار یسوع دے کول آندے اُو تے کلّے اُوسی تے پرہوسا کردے اُو۔

نوجوان سپرجیئن نے آخیر کار اِک مبلغ نوں کہندے ہویا سُن لہیا، ’’مسیح وَل ویکھو… خود آپئی اپنے وِچ ویکھن دے نال کوئی فائدہ نئیں ہوندا اے… مسیح وَل ویکھو۔‘‘ اپنیاں ساریاں کوششاں تے اندرونی کشمکشاں تے درداں توں بعد – سپرجیئن نے آخیر کار یسوع وَل ویکھیا تے اُوہدے تے پرہوسا کیتا۔ سپرجیئن نے کہیا، ’’میں [یسوع دے] لہو دے وسیلے توں بچایا گیا سی! میں گھر آون دی ساری راہ وِچ نچدا ہویا آندا۔‘‘

ایس تمام جدوجہد تے شک توں بعد، اُنیں احساس دی تلاش کرنا یا اپنے آپ وِچ کسی وی گَل نوں لبھنا چھڈ دِتا۔ اُونیں سادگی دے نال یسوع تے پرہوسا کِیتا – تے یسوع نے بالکل اُوسی ویلے اُونوں بچا لہیا۔ وقت دے اِکو لمحے وِچ یسوع مسیح دے لہو دے وسیلے نال اُو گناہ توں پاک صاف ہو گیا! ایہہ سادہ جئی گَل اے، تے ایس توں باوجود ایہہ سب توں گہرا تجربہ اے جیہڑا کسی انسان نوں ہو سکدا اے۔ میرے سجن،ایہو ای مسیح دے وِچ ایمان لیاون لئی حقیقی تبدیلی ہوندی اے! بائبل کہندی اے، ’’خُداوند یسوع مسیح تے ایمان لہیا تے توں نجات پا لئے گا‘‘ (اعمال16:31)۔ جوزف ہارٹJoseph Hart نے کہیا،

جیس ویلے اِک گنہگار یقین کردا اے،
   تے اپنے سولی چڑہے خُدا وِچ پرہوسا کردا اے،
اُوہدی معافی اِک دم اُو قبول کردا اے،
   اُوس دے لہو وِچ نجات مکمل ہوندی اے!
(’’جیس ویلے اِک گنہگار یقین کردا اے The Moment a Sinner Believes‘‘ شاعر جوزف ہارٹ Joseph Hart، 1712۔1768)۔

نتیجہ

یسوع نے کہیا،

’’جے تُسی تبدیل ہو کے نکّے بالاں وانگر نہ بنو، تُسی آسمان دی بادشاہی دے وِچ کدی وی نئیں داخل ہو سکدے‘‘ (متی18:3)۔

زیادتیاں دی پیش قدمی Pilgrim’s Progress دے وِچ اہم کرداراں وانگوں، ’’مسیح لئی فیصلے‘‘ تے کسی وی سرسری گَل تے متفق نہ ہوو۔ نئیں! نئیں! ایس گل نوں یقینی بنائیے کہ تہاڈی مسیح دے وِچ ایمان لیان دی تبدیلی حقیقی اے، کیوں کہ جے تُسی مسیح دے وِچ ایمان لہیا کے حقیقی طور تے تبدیل نئیں ہوندے تے، ’’تُسی آسمان دی بادشاہی دے وِچ کدی وی نئیں داخل ہو سکدے‘‘ (متی18:3)

مسیح دے وِچ ایمان لیان دی حقیقی تبدیلی پان لئی

1.  تہانوں اِک ایہو جئی تھاں تیکر پہنچنا ہوندا اے کہ جتھے واقعی چہ یقین کرو کہ خدا اِک اے – اِک حقیقی خُدا جیہڑا گنہگاروں نوں جہنم وِچ جان دی سزا دیندا اے، تے نجات پائے ہوئے لوکاں نوں جدوں اُو مر جاندے نے آسمان تے لے جاندا اے۔

2.  تہانوں جاننا چائی دا اے، اندر باطن دی گہرائی دے وِچ کہ تُسی اِک گنہگار اُو جینیں خُدا نوں انت دی ٹھیس پہنچائی اے۔ تُسی ایویں اک لمبے ورے تیکر رہ سکدے اُو (یا ہو سکدا اے کہ اے کُج لوکاں لئی اِک چھوٹا جہیا ویلہ ہووے)۔ ڈاکٹر کیگن Dr. Cagan جیہڑے ساڈے شریک پادری صاحب نے، اُنہاں نے آکھایا، ’’خُدا دا میرے لئی حقیقی ہو جان دے بعد، میں کئی مہینیاں تیکر ساری ساری راتی بے خوابی دی حالت وِچ لڑدا رہیا آں۔ اپنی زندگی دے ایس ویلے نوں میں دو وریاں دی ذہنی اذیت دے طور تے بیان کر سکنا آں‘‘ (سی۔ ایل۔ کیگن، پی ایچ۔ ڈی۔ C. L. Cagan, Ph.d.، ڈاروِن توں ڈیزائن تیکرFrom Darwin to Design، وائٹیکر ہاؤس Whitaker House، 2006، صفحہ 41)۔

3.  تُہانوں جان لیہنا چائی دا اے کہ تُسی اِک ٹھیس پہنچائے ہوئے تے ناراض خُدا دے نال اپنے آپ دی صُلح کران دے لئی کُج وی چنگا نئیں کر سکدے۔ ایہو جہیا کُج وی نئیں اے جیہڑا تُسی کہوو، یا سیکھو یا کرو یا محسوس کرو کہ جیہڑا تہاڈی مدد کر سکے۔ ایہہ گل تہاڈے دِل تے ذہن وچ واضح ہو جانی چائی دی اے۔

4.  تہانوں یسوع مسیح دے کول جیہڑا خُدا دا پُتر اے ضرور آنا چائی دا اے تے اُس دے وسیلے نال اپنے گناہ توں پاک صاف ہونا چائی دا اے۔ ڈاکٹر کیگن نے کہیا، ’’میں چنگی طرح اُناں لمحیاں نوں یاد کر سکنا آں جدوں میں [یسوع] تے پرہوسا کیتا… ایویں لگدا سی جیویں میں چھیتی [مسیح] دا سامنا کرن ڈہیا سی… میں یقینی طور تے یسوع مسیح دی موجودگی وِچ سی تے اُو یقینی طور تے میرے لئی اوتھے موجود سی۔ کئی وریاں تک میں یسوع دے نال مُنہ موڑے رکھیا سی، حالانکہ اُو ہمیشہ ای اُوتھے میرے لئی محبت دے نال مینوں نجات دی پیشکش کرن واسطے موجود ہوندا سی۔ مگر اُوس راتی مینوں معلوم ہو گیا سی کہ اُدے تے پرہوسا کرن دا ویلہ آ گیا سی۔ میں جاندا سی کہ مینوں یا تے اُوس دے کول آ جانا چائی دا اے یا اُوس توں مُنہ موڑ لہینا چائی دا اے۔ اُوسے ویلے تے اُونہاں چند سیکنڈاں دے وِچ میں اُ دے کول آ گیا۔ میں ہُن مزید ہور خود تے پرہوسا کرن آلا بے اعتقادہ نئیں رہیا سی۔ میں یسوع تے پرہوسا کر چکیا سی۔ میں اُس تے ایمان لا چکیا سی۔ اے ایہنا ای سوکھا سی جینہا کہ… میں اپنی ساری زندگی وِچ نٹھدا رہیا سی، مگر اُس رات نوں میں پلٹ گیا سی تے براہ راست تے چیتھی یسوع مسیح دے کول پہنچ گیا سی‘‘ (سی۔ ایل۔ کیگن، ibid.، صفحہ 19)۔ اے مسیح وِچ ایمان لیان دی اِک حقیقی تبدیلی اے۔ اے ہے جِیدا یسوع مسیح دے لئی تبدیل ہون واسطے تہانوں تجربہ ہونا چائی دا اے! یسوع مسیح دے کول آؤ تے اُوسی تے پرہوسا کرو! اُو اُس لہو دے نال جیہڑا اُوس نے صلیب تے بہایا تہانوں تمام گناہ تو پاک صاف کر دے گا تے نجات دلائےگا! آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
’’پنجابی وِچ واعظ‘‘ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلام پاک توں تلاوت مسٹر ایبل پرودھوم Mr. Abel Prudhomme نے کیتی سی:
واعظ توں پہلاں کلّیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی:
’’حیرت انگیز فضل Amazing Grace‘‘ شاعر جان نیوٹن John Newton، 1725۔1807)۔


لُبِ لُباب

مسیح دے وِچّ ایمان لیان دے نال حقیقی تبدیلی – 2015 ایڈیشن

REAL CONVERSION – 2015 EDITION

ڈاکٹر آر۔ ایل۔ ہائیمرز، جونیئر وَلوں
.by Dr. R. L. Hymers, Jr

’’بے شک میں تہانوں کیہنا وآں کہ جے تُسی تبدیل ہو کے نکّے بالاں وانگر نہ بنو، تُسی آسمان دی بادشاہی دے وِچ کدی وی نئیں داخل ہو سکدے‘‘ (متی18:3)

I.    پہلی گَل، تُسی تبدیل ہون دے بجائے گرجا گھر دے وچ کسی دوجی لوڑ لئی آندے اُو۔

II.   دوجی گَل، تہانوں پتا لگنا شروع ہو جاندا اے کہ آہو واقعی چہ ایتھے خُدا اے، نحمیاہ1:5؛
عبرانیوں11:6۔

III.  تیجی گَل، تہانوں احساس ہوندا اے کہ تُسی اپنے گناہ دے نال خدا نوں ٹھیس پہنچائی اے تے غصہ دِلایا اے، رومیوں8:8؛ 2:5؛ زبور7:11

IV.  چوتھی گَل، تُسی اپنی نجات نوں پان دی کوشش کردے ہو یا نجات کیویں پائی جا سکدی اے ایہہ سیکھدے اُو، اشعیا53:3؛ پیدائش3:7، 8؛ 2۔تیموتاؤس3:7

V.   پنجویں گَل، تُسی آخیر کار یسوع دے کول آندے اُو تے کلّے اُوسی تے پرہوسا کردے اُو، اعمال16:31 .