Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 40 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




رَد کَیتا ہُویا پیغام

(اشعیا53 باب تے واعظ نمبر2)
THE REJECTED REPORT
(SERMON NUMBER 2 ON ISAIAH 53)
(Punjabi – Pakistan)

ڈاکٹر آر۔ ایل۔ ہائیمرز، جونئیر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتّا گیا اِک واعظ
خُداوند دے دِن دی سویر، 3 مارچ، 2013
A sermon preached at the Baptist Tabernacle of Los Angeles
Lord’s Day Morning, March 3, 2013

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘ (اشعیا53:1)۔


اشعیا مسیح دی انجیل دے بارے چہ بول رہیا اے۔ پچھلے اِتوار میں باب نمبر 52 دیاں تین آیتاں وِچوں تبلیغ کیتی سی، جیتھے نبی نے مسیح دے دُکھاں دی پیشن گوئی کیتی سی، ’’کیوں جے اُوس دی شکل تے صورت وگڑ کے بندیاں وگری نئیں رئی سی‘‘ (اشعیا52:14)۔ اے یسوع دی اِک تصویر اے، ساڈے گناہواں لئی مار کھاندا ہویا تے مصلوب کیتا گیا، فیر مُردیاں وِچوں جی اُٹھیا، ’’اعلیٰ و ارفع تے عزت بخشن آلا، تے… بہت اوج پائے گا‘‘ (اشعیا52:13)۔ لیکن، ہُون ساڈے کلام وِچ، اے نبی ایس حقیقت تے نوحہ کردا اے کہ بہت گھٹ لوکی انجیل دے ایس پیغام تے یقین کرن گے۔

ڈاکٹر ایڈورڈ جے ینگ Dr. Edward J. Young عہدِ عتیق دے اِک عالم سی، مجھ توں پہلاں پادری ڈاکٹر ٹِیموٹھی لِن Dr. Timothy Lin دے ہم جماعت تے دوست۔ ساڈے کلام تے تبصرہ کردیاں ہویاں،

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘

ڈاکٹر ینگ نے آکھیا کہ اے، ’’سوال توں زیادہ اِک پُکار اے۔ اے منفی جواب دا تقاضا نئیں کر رہیا اے، لیکن اے دُنیا دے وِچ سچا مذہبی عقیدہ رکھن آلیاں دی [گھٹ تعداد] نوں توجہ دلان لئی سادگی دے نال بنایا گیا اے… اے نبی اپنے لوکاں دا نمائیندہ [اے] بولن ڈیا اے تے افسردگی دا اظہار کر رہیا اے کہ بہت کم لوکی ایمان رکھدے نے‘‘ (ایڈورڈ جے۔ ینگ، پی ایچ۔ ڈی۔ اشعیا کی کتاب The Book of Isaiah، ولیم بی عئیرڈمینز اشاعتی کمپنی، 1972، جلد3، ورقہ 240)۔

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘

لفظ ’’پیغام‘‘ دے معنی نے ’’اُو گل جہیڑی سُنی گئی ہوئے‘‘ یا عوام وِچ اِعلان کیتی ہوئی گل۔‘‘ لوتھر نے ایدا ترجمہ ایوین کیتا ’’ساڈی تبلیغ‘‘ (ینگ، ibid.)۔ ’’کیہڑا ساڈی تبلیغ تے یقین کردا اے؟‘‘ کلام دے وِچ ایس دے متوازی اظہار اے، ’’تےخُداوند دی باں کیس تے ظاہر ہوئی؟‘‘ ’’خُداوند دی باں‘‘ اِک مقولہ اے جیہڑا خُداوند دی قوت دا حوالہ دیندا اے، کیہڑا ساڈی تبلیغ تے یقین کردا اے؟ تے خُداوند دی باں کیس تے ظاہر ہوئی؟ کیس دے نال مسیح نوں بچان دی قوت دا اظہار کیتا گیا اے؟

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘

اے آیت ظاہر کردی اے کہ تُسی ضرور پہلاں انجیل دی تبلیغ تے یقین کرو گے، تے فیر مسیح دے وِچ خُداوند دی قوت توں تبدیل ہوو گے۔ تے ہُون تیکر نبی دا اُوہی سوال ظاہر کر رہیا اے کہ بہت گھٹ لوکی یقین کرن گے تے تبدیل ہون گے۔

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘

I۔ پہلی گل، بہت گھٹ لوکاں نے یقین کیتا تے مسیح دی زمینی مُنادی دے دوران تبدیل ہوئے۔

یسوع لعزر دی قبر تے آیا سی۔ اُو بندا چار دِناں توں مُردہ پہیا سی۔ یسوع نے اُوہناں نوں آکھیا، ’’پتھر نوں ہٹا دیو‘‘ (یوحنا11:39)۔ لعزر دی بہن اُوہنوں رُوکنا چاہندی سی۔ اُوہنے کہیا، ’’اے خُداوند ایدے وِچوں تے بدبو آن لگی اے کیوں جے اینوں قبر دے وِچ چار دہاڑے ہو چکے نے‘‘ (ibid.)۔ لیکن اُوہناں نے یسوع دی فرمانبرداری کیتی تے اُو پتھر ہٹا دِتّا جیس نے قبر دا مُنہ ڈھکیا ہویا سی۔ فیر یسوع ’’نے اُوچی واج نال پکاریا، اے لعزر، باہر آ جا۔ تے اُو مُردہ لعزر باہر ٹُریا آیا، اُہدے ہتھ تے پیر کفن دے نال بنےہوئے سی تے چہرے تے اِک رومال ولیٹیا ہویا سی۔ یسوع نے اُوہناں نوں کہیا، اینوں کھول دیو تے جان دیو‘‘ (یوحنا11:43۔44)۔

’’فیر سردار کاہناں تے فریسیاں نے عدالتِ عالیہ دا اِجلاس طلب کیتا تے کہن لگے، اَسی کی کر رئے آں؟ [سانوں کی کرنا چائی دا؟] ایہہ بندہ تے ایدھے معجزیاں تے معجزے کری جا رہیا اے‘‘ (یوحنا11:47)۔

اُوہناں نے ویکھیا کہ کیس قدر معجزات اُوہنے کیتے، تے خوفزدہ ہو گئے کہ سارے عام لوکی اُوہناں دے بجائے اُوس [یسوع] دی پیروی کرن گے۔

’’پس اُوہناں نے اُوس دِن توں یسوع دے قتل دا منصوبہ بنانا شروع کر دِتّا‘‘ (یوحنا11:53)۔

سردار کاہناں تے فریسیاں نے رَل کے اِجلاس منعقد کرنا شروع کر دِتے تاکہ یسوع توں چھٹکارا پان دا بہترین طریقہ لَب سکن۔ ’’اُوہنوں قتل کرن دا منصوبہ۔‘‘ یوحنا رسول نے کہیا،

اگرچہ یسوع نے اُوہناں دے وِچ اینے معجزے وکھائے فیر وی اُو اُوہدے تے ایمان نئیں لہیائے: تاکہ یسعیاہ [اشعیا] نبی دا کہیا پورا ہوے کہ اے خُداوند ساڈے پیغام تے کہیڑا ایمان لہایا تے خُداوند دی باں کیس تے ظاہر ہوئی؟‘‘ (یوحنا12:37۔38)۔

اُوہناں نے اُوہنوں [یسوع نوں] معجزاتی طور تے پنچ ہزار لوکاں نوں کھانا کھلاندے ویکھیا۔ اُوہناں نے اُوہنوں کوڑھیاں نوں شفا دیندیاں تے انیاں نوں بینائی دیندیاں ویکھیا۔ اُوہناں نے اُوہنوں بدروحاں نوں کڈیاں تے مفلوجاں نوں تندرست تے توانا صحت دے نال اُٹھدیاں ہوئے ویکھیا۔ اُوہناں نےاُوہنوں اِک بیوہ دے پُتر نوں مُردیاں وِچوں زندہ کردے ہوئے ویکھیا۔ اُوہناں نے اُوہنوں پانی نوں مَے دے وِچ بدلدیاں ہوئے ای صرف نئیں ویکھیا بلکہ اُوہنوں سُنیا وی سی۔

اُوہناں دے عبادت گاہواں وِچ تعلیم دیندا تے بادشاہی دی خوشخبری سُناندا سی تے لوکاں نوں اُوہناں دی بیماری تے تکلیف توں نجات دیندا سی‘‘ (متی9:35)۔

تے فیر وی، جِدوں اُوہنے لعزر نوں مُردیاں وِچوں زندہ کیتا، ’’پس اُوہناں نے اُوس دِن توں یسوع دے قتل دا منصوبہ بنانا شروع کر دِتا‘‘ (یوحنا11:53)۔

اگرچہ یسوع نے اُوہناں دے وِچکار اینے معجزے وکھائے سی فیر وی اُو اُوہدے تے ایمان نہ لیائے: تاں جے یسعیاہ [اشعیا] نبی دا آکھیا پورا ہوئے کہ اے خُداوند ساڈے پیغام تے کیہڑا ایمان لہٰیا تے خُداوند دی قوت کیدے تے ظاہر ہوئی؟‘‘ (یوحنا12:37۔38)۔

جی ہاں، بہت گھٹ لوکاں نے یقین کیتا تے مسیح دی زمین تےمنادی دے دوران مسیح وِچ ایمان لہیا کے تبدیل ہوئے سی۔

II۔ دوجی گل، رسولاں دے زمانے دے دوران بہت گھٹ لوکاں نے یقین کِیتا تے مسیح وِچ ایمان لہیا کے تبدیل ہوئے۔

مہربانی نال رومیوں10:11۔16 کھولو۔ آؤ کھڑے ہوو تے اُوس عظیم حوالے نوں پڑھو۔

چناچہ پاک کلام ایہہ کہندا اے کہ جیہڑا کوئی اُوہدے تے ایمان لہیائے گا اُو کدی وی شرمندہ نئیں ہووے گا۔ کیوں جے یہودی تے غیر یہودی وِچ کوئی فرق نئیں ایس لئی کہ اِک اُوہی سب دا خُداوند اے تے سب جیہڑے اُوہدا ناں لیندے نے کثرت نال فیض پان گے۔ جیہڑا وی خُداوند دا ناں لے گا اُو نجات پائے گا۔ مگر جیس تے اُو ایمان نئیں لہیائے اُوہنوں پکارن گے کیویں؟ جِیدا ذکر تیکر اُوہناں نے نئیں سُنیا اُوہدے تے ایمان کیویں لہیان تے جدوں تیکر کوئی اُوہناں نوں خوشخبری نہ سُنائے اُو کیویں سُنن گے۔ تے جِدوں تیکر اُو پیجھے نہ جان خوشخبری کیوں سُنان گے؟ چناچہ لکھیا اے، کہ اُوہناں دے قدم کِنے خوشنما نے جیہڑے چنگیاں شیواں دیاں خوشخبری لہیاندے نے! لیکن ساریاں نے اُوس خوشخبری تے کن نئیں دھریا۔ چناچہ یسعیاہ [اشعیا] کہندا اے، خُداوند ساڈے پیغام دا کِنے یقین کیتا؟‘‘ (رومیوں10:11۔16)۔

تُسی بیٹھ سکدے اُو۔

غور کرو کہ کلام دا ایہہ حوالہ 12 آیت وِچ کہندا اے،

’’کیوں جے یہودی تے غیر یہودی وِچ کوئی فرق نئیں ایس لئی کہ اِک اُوہی سب دا خُداوند اے تے سب جیہڑے اُوہدا ناں لیندے نے کثرت نال فیض پان گے‘‘ (رومیوں10:12)۔

یسوع دے آسمان تے جان توں بعد 30 وریاں توں وی کھٹ عرصہ پہلاں ایہہ پولوس رسول وَلوں لکھیا گیا سی۔ ایویں ای پولوس رسول نے اعمال دی کتاب دے بعد دے حصے دے دوران رومیوں دی کتاب لکھی سی۔ اُو یہودیاں تے غیر یہودیاں دواں دے نال مخاطب سی، جیدوں کہ یسوع نے لگ بھگ خصوصی طور تے یہودیاں نال گل بات کیتی سی۔ پولوس کہندا اے، ’’یہودیاں تے یونانیاں دے وِچ کوئی فرق نئیں اے۔‘‘ ساریاں انساناں نوں مسیح دی لوڑ اے!

تے اُوس ویلےتیکر، پولوس نے اپنےزیادہ تر غیر یہودی سُنن آلے لوکاں نوں اُوہ گلاں کیتاں سن جیہڑیاں یسوع نے کہیاں سن، اشعیا53:1 وِچوں حوالہ دیندیاں ہویاں، ایس حقیقت تے افسوس کردے ہوئے کہ نسبتاً گھٹ تعداد وِچ صرف غیر یہودیاں نے یقین کیتا – تے اشعیا53:1 دا حوالہ دیندے ہوئے ظاہر کیتا کہ نبی نے کہیا سی، کہ اکثر غیر یہودی خوشخبری وَل صرف تھوڑا جہیا دھیان دے سکن گے با نسبت یہودیاں دے۔ پولوس نے ایہہ ظاہر کرن لئی اشعیا دے شکوے دا حوالہ دِتا سی۔

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘

غیر یہودی، یہودیاں دے مقابلے چہ خوشخبری نوں زیادہ قبول کردے سی۔ فیر وی ایس دے باوجود، پولوس تے دوجے رسولاں دی تبلیغ دے زمانے دے دوران صرف غیر یہودیاں دی نسبتاً گھٹ تعداد نے یسوع وِچ یقین کیتا۔ اگرچہ رسولاں دے دور وِچ بہت وڈی تجدید نو ہوئی سی۔ جیویں کہ اَسی اعمال دی کتاب وِچ ویکھنے آں۔ ایس دے باوجود فیر وی اُو شاندار تجدیدِ نو نسبتاً گھٹ تعداد وِچ صرف غیریہودیاں نوں مسیح دی نجات دے پاسے لے کر آئی۔ انجیل دی بشارت اُوکھی سی، ایتھوں تیکر کہ رومیاں دے وِچکار وی!

مسیح تے رسولاں دوواں نے بہت گھٹ لوکاں نوں تبدیل ہوندیاں ویکھیا سی۔ ایویں، پہلی صدی دے مسیحی فیصلہ کُن طور تے اقلیت وِچ سی، تے اُوس ویلے دی ستم زدہ تے اذیت زدہ اقلیت! تے ایویں، یوحنا تے پولوس نے زیادہ تر لوکاں دی خوشخبری دی مخالفت دی وضاحت دے لئی ساڈے کلام نوں دہرایا اے – ایہہ واضح کرن لئی کہ کیوں زیادہ تر اُو لوکی جِنہاں نے اُوہناں نوں سُنیا سی تبدیل نئیں ہوئے سی۔

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘ (اشعیا 53:1).

ایہہ گل ہُن تیکر دی مسیحی تاریخ دے تمام زمانیاں وِچ دُرست رئی اے۔ ہمیشہ، ہر دور وِچ، صرف اِک نِکّی اقلیت دے لوکاں نے خوشخبری تے یقین کیتا تے حقیقی طور تے تبدیل ہوئے۔ تے ایہہ اَج دی ایس دُنیا وِچ ہلے تیکر دُرست اے۔ کُج وی نئیں بدلا۔ جیہڑی سانوں ساڈے آخری موضوع تے لے آندی اے۔

III۔ تیجی گل، اَج چند لوکی یقین کردے نے تے مسیح وِچ ایمان لہیا کے تبدیل ہوندے نے۔

ایس دُکھاں توں پرھے ہوئے سوال دا سامنا اَج ساڈے اپنے دور وِچ سانوں اکثر اشعیا دے رنج تے غم وِچ چیخ و پکار دی حقیقت دےنال کرنا پیندا اے۔

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘

دُکھ دے نال، سانوں ایہہ ضرور کہنا پیندا اے کہ اَج لوکی انجیل دی تبلیغ تے یقین کردے نے، تے گھٹ ای مسیح دی قوت توں بچائے جاندے نے۔ ایتھوں تیکر کہ ساڈے عزیز ترین رشتہ دار وی اکثر مسیح دی خوشخبری نوں ٹُھکرا دیندے نے۔ تے تہاڈے وِچوں اکثر جانندے نے کہ اُوہناں وِچوں صرف چند لوکی ای جِنہاں نوں اَسی تبلیغ کرن لئی گرجا گھر وِچ لہیانے آں کدی تبدیل ہوندے نے۔ ایس تے میں صرف تین گلاں کراں گا:

(1) پہلی گل، بائبل سانوں کیتھے دسدی اے کہ زیادہ تر لوکی بچائے جان گے؟
ایویں نئیں اے۔ حقیقت وِچ، یسوع نے اہدے اُلٹ کہیا اے۔ اُوہنے آکھیا،

تنگ بووے توں داخل ہو کیوں جے اُو بووا چوڑا تے اُو راہ کُشادہ اے جیہڑی ہلاکت وَل لے جاندی اے تے اُوس وِچوں داخل ہون آلے بُہترے لوکی نے کیونکہ اُو بووا تنگ تے اُو راہ سُکڑی اے جیہڑی زندگی وَل لے جاندی اے تے اُوس دے پان آلے گھٹ نے‘‘ (متی7:13۔14)۔

اُوس دے پان آلے گھٹ نے! سانوں اپنے ذہن وِچ ایہہ ضرور رکھنا چائی دا اے کہ کِدوں ساڈی انجیلی بشارت دی کوششاں دے نتیجے وِچ جدوں اَسی زیادہ لئی اُمید کیتی سی تے گھٹ لوکاں نے اپنے آپ نوں مذہبی طور تے تبدیل کیتا۔

فیر دوجی گل جیہڑی میں کہواں گا اُو ایہہ اے۔

(2) ساڈا انجیل دی بشارت دا مقصد ایس گل تے نئیں ٹکدا کہ کِنّہے لوکی اپنے آپ نوں مذہبی طور تے تبدیل کرن گے۔ پاویں ردعمل گھٹ ہووے یا بوہتا، ساڈی آنکھاں وی ایس گل تے ٹکیاں ہوئیاں نہ ہُون کہ کِنّہے لوکاں نے اپنے آپ نوں مذہبی طور تے بدلیا اے۔ ساڈے مقصد دا انحصار خُداوند دی فرمانبرداری وِچ اے۔ ساڈی آنکھاں ہمیشہ خداوند تےٹکیاں رہنی چئی دیاں نے، تے ساڈی اُوس وَل فرمانبرداری لئی جدوں اَسی انجیل دی بشارت لئی جائیے؛ تے ساڈی آنکھاں ہمیشہ خُداوند تے ٹکیاں رہنی چئی دیاں نے، تے ساڈی اُوس وَل فرمانبرداری لئی جدوں اَسی انجیل دی تبلیغ کریے! مسیح نے سانوں دَسّیا،

’’ساری دُنیا وِچ جا کے لوکاں وِچ انجیل دی مُنادی کرو‘‘ (مرقس16:15)۔

ایہہ اے جیہڑا یسوع نے سانوں کرن لئی کہیا، تے سانو ایہہ ضرور کرنا چئی دا اے پاویں لوکی سُنن یا نئیں؛ پاویں اُو مذہبی طور تے تبدیل ہُون یا نئیں۔ سانوں انجیل دی بشارت ضرور دینی چائی دی اے کیوں جے یسوع نے سانوں ایہو جہیا کرن لئی کہیا اے! ساڈی جِیت دا انحصار انساناں دے ردعمل تے نئیں اے! جی نئیں! ساڈی کامیابی دا انحصار یسوع وَل فرمانبردار ہُون تے اے۔ ایس لئی اَسی انجیل دی بشارت لئی ضرور جاواں گے پاویں اُو انجیل تے یقین کرن یا نہ کرن۔

تے فیر تیجی گل اے جیہڑی ایسے وِچوں نکلدی اے۔

(3) کی تُسی مسیح تے یقین رکھدے اُو؟ کی تُسی مسیح وِچ ایمان لہیا کی تبدیل ہوئے اُو؟ کی تُسی مسیح وِچ ایمان دے نال آئے اُو؟ بے شک جے تہاڈے خاندان وِچوں تے جیہڑے تہاڈے بیلی نے اُوہناں وِچوں کوئی تبدیل نئیں ہویا اے، تے کی تُسی مسیح نوں تلاش کرو گے؟ کی تُسی اُوہدے کول جاؤ گے؟ یاد رکھو کہ مسیح نے کی کہیا،

’’جیہڑا ایمان لہیائے تے بپتسمہ لے اُو نجات پائے گا لیکن جیہڑا ایمان نہ لہیائے اُو مجرم قرار دِتا جائے گا‘‘ (مرقس16:16)۔

کی تُسی یسوع دے کول آؤ گے، تبدیل ہوو گے، فیر بپتسمہ لوو گے؟ یا تُسی اُوس ہجوم وِچ شامل ہوو گے جِنہاں نے نجات دہندہ نوں ٹھکرا دِتا، تےدائمی طور تے جہنم دے شعلیاں وِچ غائب ہو گئے؟

’’لیکن جیہڑا ایمان نہ لہیائے اُو مجرم قرار دِتا جائے گا‘‘ (مرقس16:16)۔

ایہہ میری دعا اے کہ تُسی اُوس پھیڑ وِچ شامل نئیں ہوو گے جیہڑی جہنم واصل ہوو گی، لیکن ایہہ کہ تُسی تمام زمین تے مقامی گرجا گھراں وِچ ساڈے نال مِل جاؤ گے۔ دُنیا وِچ باہر آؤ! یسوع دے کول ایمان دے نال آؤ! حقیقی طور تے مقامی گرجا گھراں وِچ آؤ۔ تے ہمیشہ لئی ابدی زندگی وِچ یسوع دی راستبازی تے لہو دے نال بچائے جاؤ۔

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘

تُسی وی اُوہناں وِچوں اِک ہوو جیہڑے یقین کرندے نے تے مذہبی طور تے بدلدے نے! تُسی اُوہناں چند وِچوں اِک ہوو جیہڑے انجیل تے یقین کرن جدوں اُوس دی تبلیغ کیتی جاندی ہووے۔ تُسی وی کہوو، ’’جی ہاں، یسوع میرے گناہواں دے کفارے لئی مویا۔ جی ہاں اُو مُردیاں وِچوں جی اُٹھیا۔ جی ہاں میں اُوہدے کول ایمان دے نال آیا واں۔‘‘ تُسی وی اُوہناں چند وِچوں اِک ہوو جِنہاں تے خُداوند دی باں ظاہر ہوندی اے، جیویں ای اُو یسوع تے اعتماد کر کے نجات دا تجربہ کردے نے۔ ’’خُدا دا برّہ جیہڑا جہاں دے گناہواں نوں چُک لے جاندا اے‘‘ (یوحنا1:29)۔ تُسی وی اُوہناں وِچوں اِک ہوو جیہڑے یسوع دے کول جان تےاُوس دے قیمتی لہو توں اپنے گناہواں نوں دھو کے پاک صاف ہو جان۔ تہانوں وی خُداوند فضل عطا کرے تاکہ تُسی ساڈے پیغام تے یقین کرو تے خُدواند یسوع مسیح دے ذریعے توں گناہ توں نجات دا تجربہ کرو! آمین!

مہربانی نال کِھلو جاؤ تے ’’خُداوند، میں آ رہیا آں‘‘ گاؤ، تہاڈے گیتاں دے ورقے نمبر ست تے۔

میں تیری خوش آمدیدی واج نوں سُننا واں، جیہڑی مینوں خُداوندا تیرے وَل بُلاندی اے
   کیوں جے تیرے قیمتی لہو وِچ پاک صاف ہون لئی جیہڑا کلوری تے وگیا سی۔
خُداوندا!ً میں آ رہیا آں، میں ہُنے تیرے کول آ رہیا واں!
   مینوں دُھو ڈال، مینوں لہو وِچ پاک صاف کر ڈال جیہڑا کلوری تے وگیا سی۔

حالانکہ میں کمزور تے لائق مذمت آں، تیری قوت مینوں یقین دلاندی اے؛
   تو ای میرے گھٹیا پن نوں مکمل طور تے پاک صاف کردا اے، جدوں تیکر کہ اُو بےداغ تے خالص نہ ہو جاوے۔
خُداوندا!ً میں آ رہیا آں، میں ہُنے تیرے کول آ رہیا واں!
   مینوں دُھو ڈال، مینوں لہو وِچ پاک صاف کر ڈال جیہڑا کلوری تے وگیا سی۔
(’’اے خُداوند میں آ رہیا واں I Am Coming, Lord، شاعر لوئیس ہارٹسو Lewis Hartsough ، 1828۔1919)۔

جے تُسی یسوع دے وسیلے نال اپنے گناہواں توں پاک صاف ہُون دے بارے وِچ ساڈے نال گل بات کرنا چاہندے اُو، تے مہربانی نال ہُنے ای پنڈال دی پچھلے پاسے ٹُرے آؤ۔ ڈاکٹر کیگن Dr. Cagan تہانوں اِک خاموش تھاں تے لے جان گے جِتھے اَسی گل بات کر سکنے آں۔ ڈاکٹر چعین Dr. Chan، مہربانی نال آؤ تے مہربانی نال اُوہناں واسطے دعا منگو جِنہاں نے ردِعمل دا اِظہار کیتا۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلامِ پاک وِچوں تلاوت: مسٹر ایبل پرودھوم نے کیتی سی: اشعیا52:13۔53:1 .
واعظ توں پہلاں کلّیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی:
’’کانڈیاں دا تاج‘‘A Crown of Thorns‘‘
(شاعر عرا ایف. سٹین فِل Ira F. Stanphill، 1914۔1993).


لُبِ لُباب

رَد کَیتا ہُویا پیغام

(اشعیا53 باب تے واعظ نمبر2)
THE REJECTED REPORT
(SERMON NUMBER 2 ON ISAIAH 53)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’ساڈے پیغام تے کیہڑا ایمان لہٰیا؟ تے خُداوند دی باں کیس تے ظاہر ہوئی؟‘‘ (اشعیا53:1)۔

(اشعیا52:14، 13)

I۔   پہلی گل، بہت گھٹ لوکاں نے یقین کیتا تے مسیح دی زمینی مُنادی دے دوران تبدیل ہوئے، یوحنا11:39، 43۔44، 47، 53؛ 12:37۔38؛ متی9:35 .

II۔  دوجی گل، رسولاں دے زمانے دے دوران بہت گھٹ لوکاں نے یقین کِیتا تے مسیح وِچ ایمان لہیا کے تبدیل ہوئے، رومیوں10:11۔16 .

III۔ تیجی گل، اَج چند لوکی یقین کردے نے تے مسیح وِچ ایمان لہیا کے تبدیل ہوندے نے،
 متی7:13۔14؛ مرقس16:15، 16؛ یوحنا1:29 .