Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 40 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




خُدا دے خادم دی مصیبتاں تے فتح!

(اشعیا 53 باب تے واعظ نمبر 1)
THE SUFFERING AND TRIUMPH OF GOD’S SERVANT!
(SERMON NUMBER 1 ON ISAIAH 53)
(Punjabi – Pakistan)

ڈاکٹر آر۔ ایل۔ ہائیمرز، جونئیر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتّا گیا اِک واعظ
خُداوند دے دِن دی سویر، 24 فروری، 2013
A sermon preached at the Baptist Tabernacle of Los Angeles
Lord’s Day Morning, February 24, 2013

’’ویکھو، میرا خادم حکمت دے نال کم لئے گا؛ اُو سرفراز ہووے گا، اُتے چُکیا جائے گا، تے بڑا اُوج پائے گا۔ جیویں بہتیرے لوکی اُوہنوں ویکھ کے حیرت زدہ ہون گے۔ کیوں جے اُوہدی شکل و صورت وگڑ کے بندیاں وگری نئیں رئی سی۔ اُویں بہت ساریاں قوماں اُوہنوں ویکھ کے تعجب کرن گِیاں، تے بادشاہ اُوہدی وجہ توں مُنہ بند کرن گے۔ کیوں جے اُو ایہو جیہیاں گلاں ویکھن گے جیہڑیاں اُوہناں نوں دَسّیاں نئیں گیاں سن، تے ایہو جیہی گل اُوہناں دی سمجھ وِچ آوے گی جیہڑی اُوہناں نے ہُونے تیکر سُنی وی نئیں سی‘‘
 (اشعیا52:13۔15)۔


مہربانی نال اپنی بائبل ایس حوالے لئی کھلی رکھو۔ ڈاکٹر جان گِل Dr. John Gill، تے اُوہناں دے نال نال نوے زمانے دے مبصرین دی ’’بہت وڈی اکثریت‘‘ دے مطابق اِنہاں آیتاں نوں باب نمبر 52 دی بجائے باب نمبر 53 وِچ شامل ہونا چائی دا سی (فرینک ای۔ گیبی لِین، ڈی۔ ڈی۔ Frank E. Gaebelein، بائبل کی تفسیر پر تبصرہ، The Expositor’s Bible Commentary ریجینسی ریفرینس لائیبریری، Regency Reference Library ، 1986جلد 6 ، ورقہ 300) ۔

باب نمبر 53 آیت 12 توں لے کر آیت 13 تیکر دا تمام حوالہ، خُدا دے ’’مصیبت زدہ خادم‘‘ دی وَل اشارہ کردا اے۔ میتھیو ھنری Mathew Henry نے کہیا،

ایہہ پیشن گوئی، جیہڑی ادھروں شروع ہوندی اے تے اگلے باب دے اختتام تیکر جاری رہندی اے۔ یسوع مسیح وَل جیس قدر سادگی دے نال اشارہ کر سکدی اے کر رئی اے؛ قدیم یہودیاں نے اِینوں مسیحا دے طور تے سمجھیا سی، حالانکہ نوے زمانے دے [ربّیوں] نے کڑی محنت دے نال کوشش کیتی کہ اینوں مسخ کر سکن… لیکن فلپس، جنے مسیح دے بارے وِچ [ایس حوالے توں] اِک خواجہ نوں تبلیغ کیتی تے اینوں کسی وی بحث نوں کرن توں فارغ کر دِتا کہ ’’اُوس دے بارے وِچ نبی ایہہ کہندا اے،‘‘ اُوس دے ای بارے وِچ تے کسی ہُور بندے دے بارے چہ نئیں، رسولاں دے اعمال 8:34، 35 (مکمل بائبل پر میتھیو ہنری کا تبصرہ، ھینڈریکسن پبلیشرز، 1996 دوبارہ اشاعت، جلد 4، ورقہ 235)۔

قدیم یہودی ٹارگم Targum کہندے نے کہ ایہہ مسیحا وَل اشارہ کردی اے، جیویں کہ بہت قدیم زمانے دے ربّیاں ایبن عزرہ تے الشیچ Aben Ezra and Alshech نے کہیا سی (جان گِل ڈی۔ڈی۔، عہدِعتیق دی وضاحت دے نال تشریح،An Exposition of the Old Testament دی بپٹسٹ سٹینڈرڈ بیّرر، The Baptist Standard Bearer دوبارہ اشاعت 1989، جلد اوّل، ورقہ 309)۔

مسیحی تبصرہ نگاراں نے تمام تاریخ وِچ ایس حوالے نوں خُداوند یسوع مسیح دے بارے وِچ اِک پیشن گوئی دی حیثیت نال ویکھیا اے۔ سپرجیئن Spurgeon نے آکھیا،

دوجی صورت وِچ اُو کی کر سکدے سن؟ نبی تے ہُور کیس دے بارے چہ حوالہ دے سکدے سَن؟ جے ناصرت دا ابنِ انسان، خُدا دا پُتر، ایناں تیناں آیتاں وِچ دُرست طریقے نال واضح نئیں اے، ایہہ ایویں ای سیاہ نے جیس قدر خود اِک اَدھی رات ہوندی اے۔ اَسی ایک لمحے لئی وی ہر لفظ نوں اپنے خُداوند یسوع مسیح دے [اِطلاق] دے بارے وِچ استعمال کرن وِچ نئیں ہچکچاندے۔ (سی۔ ایچ۔ سپُرجین، ’’جیہڑا مصلوب ہویا سی اُوس دی یقینی فتح،‘‘ The Sure Triumph of the Crucified One ‘‘ میٹروپولیٹن دی عبادت گاہ دے خطبہ گاہ توں، The Metropolitan Tabernacle Pulpit پِلگِریم پبلیشرز، دوبارہ اشاعت 1971 ، جلد 21 ، ورقہ 241 )۔

جیویں کہ میتھیو ھنری نے پہلاں بیان کیتا اے، انجیل دے مبشر فلپس نے کہیا سی کہ ضحیفیاں دا ایہہ حوالہ مسیح دی مصیبتاں دی نشان دہی کردا اے۔

’’تے خواجہ نے فلپس نوں کہیا، مہربانی نال مینوں دَس کہ نبی ایہہ گلاں کیس دے بارے وِچ کہندا اے۔ اپنے یا کسی ہُور دے بارے وِچ؟ فلپس نے کتابِ مقدس دے اُوسی حِصہ توں شروع کر کے اُوہنوں یسوع دے بارے وِچ خوشخبری سُنائی‘‘ (اعمال8:34۔35)۔

اَسی ٹارگم Targum، پرانے زمانے دے ربّیاں، انجیل دے مبشر فلپس، تے نئے موجودہ زمانے دے مسیحی تبصرہ نگاراں توں بہتر نئیں کر سکدے۔ ساڈے کلام دا ہر لفظ مسیحا یعنی خُداوند یسوع مسیح دی اِک پیشن گوئی اے۔

I. پہلی گل، خُدا لئی مسیح دی خُدمت ویکھنے آں۔

ایہہ خُداوند باپ اے جیہڑا آیت نمبر 13 دے الفاظ کہندا اے،

ویکھو، میرا خادم حکمت دے نال کم لئے گا؛ اُو سرفراز ہووے گا، اُتے چُکیا جائے گا، تے بڑا اُوج پائے گا۔ (اشعیا52:13)۔

خُدا سانوں دَسدا اے کہ اُوس دے ’’خادم‘‘ نوں ویکھو۔ جدوں یسوع زمین تے آیا، اُوس نے

’’بلکہ اپنے آپ نوں خالی کر دِتا، تے غلام دی صورت اختیار کر کے، انساناں دے مُشابہ ہو گیا‘‘ (فلپیوں2:7)۔

زمین تے خُدا دا خادم ہون دی حیثیت نال، مسیح نے حکمت دے نال کم لیا سی، تے دانشمندی نال عمل کیتا سی۔ زمین تے اپنی مُنادی دے وِچکار، جوکُج وی یسوع نے کہیا تے کیتا، بہترین حکمت دے نال نبھایا سی۔ ہیکل دے وِچ نکّے مُنڈے دی حیثیت نال، ربّی اُوس دی حکمت تے حیرت زدہ سن۔ بعد چہ صدوقی تے فریسی اُوہنوں جواب نئیں دے سکے سن، تے روم دے صوبے دا حاکم [گورنر] پیلاطوس لاجواب ہو گیا سی جدوں اُو [یسوع] بولیا سی۔

خُداوند دے خادم توں تعلق رکھدیاں ہویاں، فیر ساڈا کلام کہندا اے،

’’اُو سرفراز ہووے گا، اُتے چُکیا جائے گا، تے بڑا اُوج پائے گا‘‘ (اشعیا 52:13)۔

’’اعلیٰ تے ارفعیٰ‘‘، ’’اُچا کیتا جاوے گا‘‘ تے ’’سرفراز ہووے گا‘‘ ایہو جیہے الفاظ جدید انگریزی وِچ تشریح پیش کر سکدے نے۔ ڈاکٹر ینگ Dr. Young اشارہ کردے نے کہ فلپیوں2:9۔11 آیات تے اعمال2:33 آیت وِچ مسیح دی وجدانی کیفیت دی وضاحت اِیناں لفظاں نوں ذہن چہ لائے بغیر پڑھنا ناممکن اے (ایڈورڈ جے۔ ینگ، پی ایچ۔ ڈی۔، اشعیا کی کتاب، عیئرڈ مینز، 1972، جلد 3، ورقہ 336)۔

ایس لیے خُدا نے اُوہنوں نہایت اُوچا درجہ دِتأا تے اُوہنوں اُو ناں عطا کیتا جیہڑا ہر ناں توں اعلیٰ اے‘‘ (فلپیوں2:9)۔

اُوسے یسوع نوں خُدا نے زندہ کیتا، جیس دے اَسی سارے گواہ آں۔ اُو خُدا باپ دے سجے ہتھ وَل سربُلند ہویا تے خُدا باپ توں پاک روح حاصل کیتی… ویکھدے تے سُندے ہو‘‘ (اعمال2:32۔33)۔

’’ویکھو، میرا خادم حکمت توں کم لئے گا؛ اُو سرفراز ہووے گا، اُتے چکیا جائے گا، تے بڑا اُوج پائے گا‘‘ (اشعیا52:13)۔

با وقار ہووے گا – ’’سرفراز ہووے گا‘‘۔ عزت دِتی گئی – ’’اُتے چُکیا گیا سی۔‘‘ بہت بُلند – بہت زیادہ ارفعیٰ تے اعلیٰ۔‘‘ ایہہ اُو الفاظ نے جیہڑے مسیح دے عروج دے مراحل دی عکاسی کردے نے۔ اُو مُردیاں وِچوں اُٹھدا اے! اُو اُتے جنت چہ چُکیا جاندا اے اپنے آسمان تے چکے جان دے ویلے! ُہون اُو خُداوند دے سجے ہتھ تے بیٹھا اے! ارفعیٰ تے اعلیٰ – ’’اُتے چُکیا جائے گا‘‘! عزت بخشی گئی – ’’اُتے چُکیا گیا سی۔‘‘ بہت ای بلند – ایتھوں تیکر کہ اُو جنت وچ خُداوند دے سجے پاسے بیٹھا اے! آمین!

اُتے چُکے جان لئی اُو مویا سی،
   ’’ایہہ مکمل ہو گیا اے‘‘، اُوہدا چیخنا سی؛
ہُن جنت چہ اعلیٰ تے ارفعیٰ مقام تے اے؛
   ھیلیلویاہ! کیہو جیہا نجات دہندہ اے!
(’’ ھیلیلویاہ! کیہو جیہا نجات دہندہ اے!‘‘ شاعر فلپس پی۔ بلِیس، 1838۔1876).

’’ویکھو، میرا خادم حکمت نال کم لئے گا؛ او سرفراز ہووے گا، اُتے چُکیا جائے گا، تے بڑا اُوج پائے گا‘‘ (اشعیا 52:13).

یسوع ہے، تے ہمیشہ روے گا، خُدا باپ – تے خُدا بیٹے دا خادم – جیہڑا مُردیاں وِچوں جی اُٹھیا، آسمان تے چُکیا گیا، خُدا باپ دے سجے ہتھ تے بیٹھا اے! ھیلیلویاہ! کیہو جیہا نجات دہندہ اے!

II. دوجی گل، گناہ لئی یسوع دی قربانی ویکھنے آں۔

مہربانی نال آیت نمبر 14 اُچی واج نال پڑھو۔

’’جیویں بہتیرے لوکی اُوہنوں ویکھ کے حیرت زدہ ہو گئے۔ کیوں جے اُوہدی شکل و صورت وگڑ کے بندیاں وگری نئیں رئی سی‘‘ (اشعیا52:14)۔

ڈاکٹر ینگ کہندے نےکہ اُو جِنہاں نے اُوہنوں ویکھیا سی ’’خادم دی خوفناک وگڑی ہوئی شکل تے صورت [ہووے گی] دہشت زدہ تے حیرت زدہ کر دین آلی… اُوہدی صورت ایس قدر خوفناک وگڑی ہوئی [ہووے گی] کہ اُو بندیاں وگرا نئیں لگے گا… اُوہدی صورت ایس قدر وگڑی ہوئی سی کہ اُو بندیاں وگرا نئیں لگدا سی۔ ایہہ اُوہدی شدید مصیبتاں نوں پیش کرن دا اِک نہایت ای جامع انداز اے‘‘ (ibid.، صفحات337۔338)۔

اپنی اذیتاں دے ویلے دے وچکار یسوع دی شکل تےصورت وحشیانہ طریقے نال خوفناک حد تیکر وگڑی ہوئی سی۔ مصلوب ہون دی رات توں پہلاں اُو [یسوع] ’’شدید اذیت وِچ سی،‘‘

’’فیر اُو سخت درد تے کرب وِچ مبتلا ہو کے ہُور وی دلسوزی نال دعا منگن لگا تے اُوس دا پسینہ لہو دی بونداں وانگر زمین تے ٹپکن لگا‘‘ (لوقا22:44)۔

اُوہدا ایہہ حال اُوناں لوکاں دے اُوہنوں گرفتار کرن توں پہلاں ہویا سی۔ اُوتھے گتسمنی دے انیرے وِچ تہاڈے گناہواں دا فیصلہ مسیح تے عائد ہونا شروع ہو چکیا سی۔ جدوں سپاہی اُوہنوں گرفتار کرن آئے سن اُو پہلاں ای توں خونی پسینے نال شرابور سی۔

فیر اُوہناں نے اُوہنوں قبضے وِچ لہیا تے اُوہنوں مُنہ تے ماریا سی۔ اِک ہُور تھاں تے اشعیا نبی سانوں دسدا اے کہ مصیبتاں نال بھرے خادم نے کی کہیا سی،

’’میں اپنے کمر مارن آلیاں دے، تے اپنی داڑھی نوچن آلیاں دے حوالے کر دِتی؛ تضحیک تے تُھک توں بچن لئی میں اپنا مُنہ نئیں لُکایا‘‘ (اشعیا50:6)۔

لوقا کہندا اے، ’’اُوہناں نے اُوہدے مُنہ تے ماریا‘‘ (لوقا22:64)۔ مرقس کہندا اے کہ پیلاطُوس نے ’’اُوہنوں کوڑے لگوائے سی‘‘ (مرقس15:15)۔ یوحنا کہندا اے،

’’اُہدوں پیلاطوس نےیسوع نوں لے جا کے کوڑے لگوائے تے فوج دے سپاہیاں نے کنڈیاں دا تاج بنایا تے اُوہدے سر تے ترہیا تے اُوہنوں سُرخ رنگ دا چوغہ پہنا دِتا۔ اُو بار بار اُوہدے سامنے جاندے تے کہندے سن کہ اے یہودیاں دے بادشاہ! تینوں آداب تے اُوس دے مُنہ تے چنڈاں لاندے سن‘‘ (یوحنا19:1۔3)۔

فیر اُوہناں نے اُوہدے ہتھاں تے پیراں نوں صلیب تے کِیلاں نال جڑ دِتا۔ جیویں کہ ڈاکٹر ینگ لکھدے نے، ’’… اُوہدی شکل تے صورت ایس قدر خوفناک وگڑی ہوئی سی کہ اُو بندیاں وگرا نئیں لگدا سی‘‘ (ورقہ 338، ibid.)۔

’’جیویں بہتیرے لوکی اُوہنوں ویکھ کے حیرت زدہ ہو گئے۔ کیوں جے اُوس دی شکل تے صورت [اُوہدی ظاہری حالت] وگڑ کےبندیاں وگری نئیں رئی سی‘‘ (اشعیا52:14)۔

نوے زمانے دیاں تصویراں بالکل دُرست طور تے تقریباً اِنیاں صحیح نئیں نے جِنّی میل گِبسن Mel Gibson دی فلم ’’مسیح دا جنون The Passion of Christ،‘‘ وچ مسیح دی عکاسی کیتی گئی اے کہ مسیح اُوہناں دے کوڑے کھان دے بعد، اُوہناں دی مار کھان دے بعد تے اُوہنوں مصلوب کرن دے بعد کیہو جیہا لگدا سی۔

اس آیت دے بارے وِچ سیکوفیلڈ مطالعۂ بائبل کہندا اے، ’’ایہہ تشریح واقعی چہ ہولناک اے: اِک انسان دی شکل توں ایس قدر وگڑیا ہویا اُوس دا حُلیہ سی کہ اُوہدی شکل تے صورت کسی انسان دے بچے جئی نئیں رئی سی‘ – یعنی کہ انسان نئیں لگ رہیا سی – متی 26 باب وِچ وحشیانہ پن دے اثرات بیان کیتے گئے نے...‘‘ جوزف ہارٹ (1712۔1768) دا لکھیا ہویا حمدوثنا دا اِک گیت سنو،

اُوہدی کنپٹی کنڈیاں نال زخمی تے لہولہان سی،
ہر پاسیوں لہو دیاں دھاراں وگن ڈیاں سی؛
اُوہدی کمر تے کوڑیاں دے نال لگیاں سخت صرباں دے نشان سن
لیکن ہُور تیز نیزے اُوہدا دِل چیرن ڈئے سن۔

ننگا لعنتی لکڑ تے کیلاں نال جڑیا ہویا،
زمین تے، اُتے آسمان تے واضح نظر آندا سی،
زخماں تے لہو توں پرہیا ہویا اِک شاہکار،
زخمی محبت دا اِک اُداس منظر!
   (’’اُس دا جنون His Passion،‘‘ شاعر جوزف ہارٹ Joseph Hart، 1712۔1768؛
      بطرز ’’ایہہ اَدھی رات اے، تے زیتون دی چوٹی تے‘‘Tis Midnight, and on Olive’s Brow)۔

تے کیوں، پیارے نجات دہندہ، مینوں دَسو کیوں
کہ تُسی زخمی تے لہولہان تکلیف زدہ پئے اُو؟
ایہو جیہی کیہڑی عظیم وجہ نے تہاڈے کولوں ایہہ کروایا ایہہ
بہت سادہ جیہی وجہ اے – ایہہ سب محبت لئی سی!
   (’’گتسمنی، دی اولیو۔پریس Gethsemane, The Olive-Press، شاعر جوزف ہارٹ Joseph Hart، 1712۔1768؛ بطرز ’’ایہہ اَدھی رات اے، تے زیتون دی چوٹی تے‘‘Tis Midnight, and on Olive’s Brow)۔

کیوں، پیارے نجات دہندہ، مینوں دَسو، کیوں تہاڈی حالت ’’کسی انسان توں زیادہ وگڑی ہوئی سی، تے [تُسی] بندیاں جئے نئیں لگدے سی‘‘؟ ایس دا جواب 53ویں باب دی 12ویں آیت دے آخیر وِچ دِتا جا چکیا اے، ’’اُوہنے بُہتیریاں دے گناہ چُک لئے‘‘ (اشعیا53:12)۔ ایہہ مسیح دی قربانی تہاڈے گناہواں لئی اے، اِک متبادل قربانی – یسوع دا صلیب تے مصلوب ہونا – تہاڈی تھاں تے، تہاڈے گناہواں لئی تکلیفاں نوں برداشت کرنا تے مرنا! ایویں ای، اَسی خُدا دے لئی یسوع دی خدمت نوں ویکھدے آں۔ چناچہ، اَسی ویکھنے آں کہ تہاڈے گناہواں دے کفارے لئی یسوع نے قربانی دِتی۔

III. تیجی گل، اَسی مسیح دی نجات دا اِطلاق ویکھنے آں۔

مہربانی نال کھڑے ہو جاؤ تے اشعیا 52:15 اُچی واج نال پڑھو۔

’’اُویں بہت ساریاں قوماں اُوہنوں ویکھ کے تعجب کرن گِیاں، تے بادشاہ اُوہدی وجہ توں مُنہ بند کرن گے۔ کیوں جے اُو ایہو جیہیاں گلاں ویکھن گے جیہڑیاں اُوہناں نوں دَسّیاں نئیں گیاں سن، تے ایہو جیہی گل اُوہناں دی سمجھ وِچ آوے گی جیہڑی اُوہناں نے ہُنے تیکر سُنی وی نئیں سی‘‘ (اشعیا 52:15).

تُسی تشریف رکھو۔ ڈاکٹر ینگ کہندے نے کہ ایتھے، ایس آیت وِچ، مسیح دی تکلیفاں تے قربانی آیت 14 وِچ واضح کیتی گئی اے تے اُوہناں دا اِطلاق ہوندا اے۔

نبی واضح کردا اے کہ کیوں اُوس [یسوع] دی شکل تے صورت وگڑ گئی سی۔ لہٰذا… اُوس وگڑی ہوئی شکل تے صورت دی حالت وِچ، ’’اُو بہتیری قوماں تے چھڑکاؤ کرے گا۔‘‘ [ایہہ] اُو کلا اے جیس دی شکل تے صورت وگڑی ہوئی اے، جدوں خادم دوجیاں لئی کُج کردا اے، تے اُوہدے وِچ اُو اِک پاکیزہ رسم ادا کردا اے۔ اُوہدی شکل تے صورت دا وگڑیا ہویا ہونا [اُوس دی تکلیفاں وِچ] سی… اِک ایہو جیہی حالت وِچ جیس چہ اُو خود قوماں لئی پاکیزگی تے صفائی لہیا سی۔ ایتھے ایہہ فعل ’’اُو چھڑکاؤ کرے گا‘‘ [سانوں دسدا اے] پانی دا… چھڑکنا، یا لہو دا صفائی دے طور تے… ایہہ [مسیح دا کاہن دی حیثیت نال] کم اے کہ جیہڑا ایتھے چھڈیا گیا اے، تے ایس کم دا مقصد اے کہ دوجیاں تیکر صفائی تے پاکیزگی نوں لایا جائے… اُو خود اِک کاہن دی حیثیت نال پانی تے لہو چھڑکے گا تے ایویں بہتیری قوماں نوں پاکیزہ کرے گا۔ اُو ایویں اِک مصیبتاں برداشت کرن آلے دے طور تے کردا اے، جیس دی تکلیفاں… پاک کرن دے عمل لئی نے تے اُوہناں دے روئیے وِچ جیہڑے اُوس تے توجہ دیندے نے اِک گہری تبدیلی پیدا کرے گا۔ (ورقے 338۔339، ibid.)۔

ایس پیشن گوئی دی تکمیل دے عین مطابق، مسیح دی انجیل دا تبلیغ کرنا یہودیت دے شکنجیاں نوں توڑ کے اِک عالمی مذہب بن گیا اے۔ پہلی صدی توں ای ’’بہتیری قوماں‘‘ مبشرانِ انجیل ہو چکیاں نے، تے دُنیا وِچ ہر پاسے لوکی یسوع دے لہو نال پاکیزہ کیتے جا چکے نے، اُوہناں نوں یسوع مسیح دی نجات چہ لہیان لئی، پیدا کر رئے نے، جیویں کہ ڈاکٹر ینگ نے کہیا، ’’اِک گہری تبدیلی اُوہناں دے رویاں وِچ جیہڑی اُوس تے توجہ دین گے۔‘‘ اگرچہ دُنیا وِچ قوماں دے تمام بادشاہ وی بندیاں دے بچان آلے نئیں رئے ہونے، ہُون تیکر جیویں جیویں مسیحت دُنیا وِچ پھیلدی گئی اے، اُوہناں نے آخر کار، ’’اُوس تے اپنی [جلیاں کٹیاں] گلاں سُنانیاں بند کر دِتیاں نے،‘‘ تے صرف ناں دے مسیحی بن گئے نے، اُوہدے خلاف نئیں بولدے۔ ایتھوں تیکر کہ اَج دے دِن تیکر، اُوتھے ویسٹ منسٹر ایبی وِچ ہُون آلی عبادتاں دے وِچکار ملکۂ الزبتھ دوئم، ’’اُوس تے‘‘ اپنا مُنہ بند رکھدی اے تے خاموشی نال سرنگو رہندی اے اُوس [یسوع] دے سامنے تعظیم دے لئی۔ مغربی دُنیا دے بہتیرے دوجے مطلق العنان حکمران، تے مشرق وِچ کم از کم اُوہنوں [یسوع نوں] ظاہری تعظیم پیش کردے نے۔ درحقیقت شہنشاہ کانسٹنٹائین نے وی مسیحیت دے ابتدائی وریاں دے وِچ کیتی سی، تے بُہتیرے دوجیاں نے وی کیتی سی۔

’’کیوں جے اُو ایہو جیہیاں گلاں ویکھن گے جیہڑیاں اُوہناں نوں دَسّیاں نئیں گیاں سن، تے ایہو جیہی گل اُوہناں دی سمجھ وِچ آوے گی جیہڑی اُوہناں نے ہُونے تیکر سُنی وی نئیں سی‘‘ (اشعیا52:13۔15)۔

جیویں کہ ایتھے نبی وَلّوں پیشن گوئی کیتی گئی سی، مسیح دی انجیل دُنیا دی تمام قوماں وِچ پھیل گئی اے،

’’ایویں اُو بہتیری قوماں وِچ چھڑکاؤ کرے گا‘‘ (اشعیا52:15)۔

ایتھوں تیکر کہ ریاست ہائے متحدہ امریکہ دے صدر، اِک برائے ناں مسیحی، کدی کدی ای گرجا گھر وِچ سر جُھکاندے نے تے ’’[اپنا] مُنہ اُوس تے‘‘ بند رکھدے نے۔

لیکن میں ضرور کہواں گا کہ ایہہ خوبصورت پیشن گوئی یورپ، برطانیہ تے امریکہ دے لئی ایس قدر پوری نئیں اُتردی جیویں پہلاں کدی اُتردی سی۔ بائبل تے اچانک ’’آزاد خیال‘‘ حملیاں، تے فینیFinney دی انجیل توں گمراہی دے ذریعے گرجا گھراں دے کمزور ہون، تے ’’فیصلہ سازیت‘‘ دی مختلف قسماں دے شیطانی طریقیاں دے موجودہ زمانے دے پیروکار ہُون دی وجہ توں، مغرب وِچ گرجے گھر تذبذب تے افراتفری دا شکار نے۔ فیر وی، وسیع ’تیجی دُنیا‘ وِچ، عظیم بیداریاں تے تجدید نو، جیہڑیاں کدی مُرتد ہوندیاں ویلے ویکھیاں گئیاں سن، تے جِنہاں نے مغرب دے گرجا گھراں نوں کمزور کر دِتا سی۔ ہُون تیکر ودھن رہیاں نے۔ ساڈے دِل خوشی نال جھوم اُٹھدے نے جدوں اَسی چین، جنوب مشرقی ایشیا، انڈیا تے دُنیا دے دوجے حصیاں وِچ اجتماعات دے مراسلے پڑھنے آں، جیہڑے ایس لمحے وی انجیل نوں پھیلان آلے گرجا گھراں دے طور تے بہت تیزی نال پھیلدے جا رئے نے! جی ہاں، اکثر اُوہناں تے ظلم تے ستم وی ہوندے نے، لیکن جیویں کہ دوجی صدی وِچ ٹرٹولیئین Tertullian نے کہیا، ’’شہیداں دا لہو کلیسیا دا بیج ہوندا اے۔‘‘ تے ایہہ گل اَج ساری تیجی دُںیا دے مُلکاں لئی سچی اے۔ جدوں کہ امریکہ تے مغرب عام طور تے، اپنے مسیحی پس منظر توں دور ہوندے جا رئے نے، تے انسانی، روحانی شکی بوکھلاہٹ دا شکار ہوندے جا رئے نے، ایس دے باوجود جیویں کہ سپرجیئن نے پیشن گوئی کیتی سی،

یسوع ضرور… چھڑکے گا صرف یہودیاں تے ای نئیں، بلکہ ہر پاسے غیر قوماں تے… ساریاں زمیناں اُوہدے بارے وِچ سُنن گئیاں، تے اُوہنوں تھلے آندا ہویا محسوس کرن گئیاں جیویں کٹی ہوئی گھاس تے پانی دا چھڑکیا جانا۔ دور دراز دے سیاہ فام قبیلے، تے ڈھلدے سورج دی سرزمین تے وسن آلے اُوہدے نظریات نوں سُنن گے تے اُوہناں نوں قبولیت دے نال پی لین گے… اُو بہتیری قوماں تے اپنے شفیق کلام نوں چھڑکے گا (ورقہ 248، ibid.)۔

سپرجیئن دا ’’پیغمبرانہ‘‘ پیغام اَج پہلاں توں وی زیادہ سچا اے جدوں اُوہنے اُو الفاظ سو وریاں پہلاں کہے سن۔ تے اَسی خوش ہونے آں کہ ایہہ ایہو جیہا اے! آمین!

ایہہ وعدہ ہُنے مکمل طور تے پورا نئیں ہویا اے۔ لیکن ایہہ ہو جائے گا – کیوں جے خُداوند دے مُنہ توں کہیا گیا سی – اشعیا نبی دے ذریعے، جیس نے کہیا،

’’قوماں تیری روشنی وَل آن گئیاں‘‘ (اشعیا60:3)۔

’’تے مختلف قوماں دا مال تے زر تیرے کول لہیا جاوے گا‘‘ (اشعیا60:5)۔

’’ویکھو اُو بہت دور توں آن گے، کُج شمال وَلّوں، کُج مغرب وَلوں، تے کُج آسوان دے علاقے توں۔‘‘ (اشعیا49:12)۔

جیمس ہڈسن ٹیلر، چین دے اِک ابتدائی انجیلی مبلغِ دین نے کہیا سی کہ ’’آسوان‘‘ چین دی زمین سی، ایویں ای سیکو فیلڈ بائبل دا مطالعہ اشعیا49:12 دی اِک یاداشت وِچ کہندا اے۔ اَسی کیویں ٹیلر تے سیکو فیلڈ بائبل دے مطالعے توں اختلاف کرئیے جدوں کہ اَسی ایہہ سب کُج اَج اپنی اکھیاں دے سامنے چین وِچ ہوندا ہویا ویکھنے آں؟ یقیناً ایہہ سچ اے، کم از کم اِطلاق ہُون دی حد تیکر! ہزاراں دی تعداد وِچ ہر اِک گھنٹے وِچ عوامی جمہوریا چین وِچ تے بہت ساریاں دوجی دور دراز دی سرزمیناں تے لوکی مسیحت نوں قبول کر رئے نے، تے اَسی خوش ہونے آں کہ ایویں ہو رہیا اے!

جیویں امریکہ ہر روز اسقاط حمل دے ذریعے نال تین ہزار بے یارومددگار نوزائیدہ بچیاں دا قتل کر رہیا اے، تے ایتھے ہزاراں دی تعداد وِچ گرجا گھر بند ہو رہئے نے، لیکن فیر وی اُوہناں دور دراز دیاں زمیناں تے مسیح دا کم ودھ رہیا اے، تے ہُنے مذید مؤثر ہووے گا۔ خُدا اُوہناں نوں ایس توں وی ودھ کے مسیح وِچ آن لئی لوکی دیوے! لوکی جیہڑے مسیح نوں جانندے نے، تے اُوس دے ناں تے مصیبتاں برداشت کرن نوں تیار نے، خُدا اُوہناں نوں جلد ای اُوہدی دوسری آمد تے قوماں دے وِچکار فتح مند تے کامیاب کرے!

لیکن میں اَج دی سویر تہانوں پُچھنا واں، ’’کی تُسی مسیح نوں جانندے اُو؟ کی تُسی ایمان دے نال اُوہدے وَل ویکھیا اے ’’جیس نے کسی وی انسان توں زیادہ تکلیفاں برداشت کیتیاں‘‘ تہاڈے گناہواں دا کفارہ ادا کرن لئی – جی ہاں تہاڈے لئی! کی اُوہنے تہاڈے گناہ لئی اپنا لہو چھڑکیا سی، جیہڑا کہ آسماناں وِچ خُداوند خُدا دی کتاب وِچ درج کیتا گیا سی؟ کی تُسی خُدا دے برّے دے لہو دے نال صاف کیتے گئے اُو جیہڑا جہاں دے گناہواں نے چُک لے جاندا اے؟ تے، جے نئیں، تے کی تُسی اُوس دی موجودگی وِچ ’اپنا مُنہ بند رکھو گے‘ تے یسوع دے سامنے نیوے ہوو گے، تے اُوس [یسوع] نوں اپنے خُدا تے نجات دہندہ دے طور تے پاؤ گے؟ تے کی تُسی ہُن ایہو جیہا نئیں کر سکدے؟‘‘

مہربانی نال کِھلو جاؤ تے اپنے گیتاں دے ورق توں حمدوثنا دا گیت نمبر ست گاؤ۔

نجات دہندہ تے انساناں دے جرائم دا غیر معمولی بوجھ لدیا گیا سی؛
   جیویں لباس نال اے غم نال سن، کیوں جے اُو گنہگاراں دی قطار وِچ سی
کیوں جے اُو گنہگاراں دی قطار وِچ سی

تے موت دے ہولناک درد وِچ اُو خواب، میرے لئی دعا کیتی سی؛
   میری قصور وار روح نوں پیار کیتا تے گلے لایا جدوں درخت تے کِیلاں نال ٹھوکیا گیا
جدوں درخت تے کِیلاں نال ٹھوکیا گیا

ہائے حیرت انگیز محبت! انسان دے بیان دی پہنچ توں پرے محبت؛
   محبت جیہڑی اِک امر ہُون آلے گیت دا موضوع ہووے گی
امر ہُون آلے گیت دا موضوع ہووے گی
(اذیت وِچ محبت Love in Agony، شاعر ولیم ولیمز، 1759؛
   بطرز ’’شاہی نفاست تخت تے بیٹھی اے Majestic Sweetness Sits Enthroned‘‘)

جے تُسی یسوع تے پروہسا کرن تے ایک مسیحی بنن دے بارے وِچ ساڈے نال گل بات کرنا چاہندے اُو، تے مہربانی نال ہُنے ای پنڈال دے پچھلے پاسے ٹُرے آؤ۔ ڈاکٹر کیگن Dr. Cagan تہانوں اِک خاموش تھاں تے لے جان گے جیتھے اَسی گل بات کر سکنے آں۔ مہربانی نال ہُنے ای جاؤ۔ ڈاکٹر چعین Dr. Chan، مہربانی نال ساڈی دعا وِچ اُوہناں لوکاں لئی رہنمائی کرو جِنہاں نے ردعمل دا اِظہار کیتا۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلامِ پاک وِچوں تلاوت: مسٹر ایبل پرودھومMr. Abel Prudhomme نے کیتی سی: متی27:26۔36 .

واعظ توں پہلاں کلّیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی:
 (’’اذیت وِچ محبتLove in Agony‘‘ شاعر ولیم ولیمز William Williams، 1759؛
      بطرزِ شاہانہ مٹھاس تخت تے بیندی اے Majestic Sweetness Sits Enthroned‘‘)۔


لُبِ لُباب

خُدا دے خادم دی مصیبتاں تے فتح!

(اشعیا 53 باب تے واعظ نمبر 1)
THE SUFFERING AND TRIUMPH OF GOD’S SERVANT!
(SERMON NUMBER 1 ON ISAIAH 53)

ڈاکٹر آر۔ ایل۔ ہائیمرز، جونئیر وَلّوں
by Dr. R. L. Hymers, Jr.

’’ویکھو، میرا خادم حکمت دے نال کم لئے گا؛ اُو سرفراز ہووے گا، اُتے چُکیا جائے گا، تے بڑا اُوج پائے گا۔ جیویں بہتیرے لوکی اُوہنوں ویکھ کے حیرت زدہ ہو گئے۔ کیوں جے اُوہدی شکل و صورت وگڑ کے بندیاں وگری نئیں رئی سی۔ اُویں بہت ساریاں قوماں اُوہنوں ویکھ کے تعجب کرن گِیاں، تے بادشاہ اُوہدی وجہ توں مُنہ بند کرن گے۔ کیوں جے اُو ایہو جیہیاں گلاں ویکھن گے جیہڑیاں اُوہناں نوں دَسّیاں نئیں گیاں سن، تے ایہو جیہی گل اُوہناں دی سمجھ وِچ آوے گی جیہڑی اُوہناں نے ہُونے تیکر سُنی وی نئیں سی‘‘
(اشعیا52:13۔15)۔

(اعمال 8:34۔35)

I.    پہلی گل، خُدا لئی مسیح دی خُدمت ویکھنے آں، اشعیا 52:13؛ فلپیوں 2:7؛
فلپیوں 2:9؛ اعمال 2:32۔33۔

II.   دوجی گل، گناہ لئی یسوع دی قربانی ویکھنے آں، اشعیا 52:14؛ لوقا 22:44؛
اشعیا 50:6؛ لوقا 22:64؛ مرقس 15:15؛ یوحنا 19:1۔3؛ اشعیا 53:12۔

III.  تیجی گل، اَسی مسیح دی نجات دا اِطلاق ویکھنے آں، اشعیا 52:15؛ 60:3،5؛ 49:12۔