Print Sermon

ဤတရားဒေသနာစာရွက်နှင့်ဗွီဒီယိုဖိုင်သည် လတိုင်းလတိုင်းတွင် ကွန်ပြူတာပေါင်း ၁၁၆၀၀၀ ဖြင့် နိူင်ငံပေါင်း ၂၁၅ ကျော်သို့ www.sermonsfortheworld.com တွင် ရောက်သွားလေ့ရှိသည်။ အခြားရာပေါင်းများစွာသောသူတို့က ဗွီဒီယိုကို YouTube တွင် ကြည့်ကြသည်။ ဤတရားဒေသနာစာရွက်ကို လတိုင်း၊ လတိုင်း ဘာသာစကား ၃၄ ခုဖြင့် ထောင်ပေါင်းများစွာသောလူတို့ကို ဝေငှပေးထားသည်။ မွတ်စလင်နှင့် ဟိန္ဒူလူမျိုးများ အပါအဝင် ကမ္ဘာတဝှမ်း၌ ဧဝံဂေလိတရားကို ကျဲဖြန့်နိူင်ရန်အတွက် ကြီးမားသည့်အလုပ်တွင် ကျွန်ုပ်တို့အား အကူအညီပေးရန် လစဉ်အလူတော်ငွေ ပါဝင်နိူင်ရန် ဤနေရာတွင် ကျေးဇူးပြုပြီး နှိပ်ပါ။

ဒေါက်တာ Hymers ထံသို့ စာရေးသားသည့်အချိန်တိုင်းတွင် မည်သည့်တိုင်းပြည်၌ နေထိုင်ကြောင်းကို အမြဲတမ်းပြောပါ။ သို့မဟုတ်လျှင် အဖြေပေးနိူင်မည်မဟုတ်ပါ။ ဒေါက်တာ Hymers ၏လိပ်စာမှာ rlhymersjr@sbcglobal.net. ဖြစ်ပါသည်။




ခရစ်တော်၏အသွေးတော်၌ဆေးကြောခြင်းအကျဉ်း

WASHED IN CHRIST’S BLOOD!
(Burmese)

တရားဒေသနာကို Dr. R. L. Hymers, Jr. က ရေးသားပြီး
လော့စ်အိန်ဂျယ်လ်ရှိ Baptist Tabernacle အသင်းတော်၌ ၂၀၁၈ခုနှစ်
ဇွန်လ ( ၃ ) ရက်၊ သခင်ဘုရား၏နေ့ နံနက်ပိုင်းတွင်
Rev. John Samuel Cagan က ဟောကြားသည်။
A sermon written by Dr. R. L. Hymers, Jr.
and preached by Rev. John Samuel Cagan
at the Baptist Tabernacle of Los Angeles
Lord’s Day Morning, June 3, 2018

“ငါတို့ကိုချစ်၍၊ မိမိအသွေးတော်နှင့်ငါတို့အပြစ်များကို ဆေးကြော တော်မူ၍၊” ( ဗျာဒိတ် ၁း ၅ )


ကျမ်းပိုဒ်၏ပထမထက်ဝတ်သည် တမန်တော်ယောဟန်၏နှုတ်ဆက်ခြင်းဖြစ်သည်။ ၎င်း၌ စာဖတ်ပရိတ်သတ်၊ အသင်းတော်ခုနှစ်ပါးတို့အပေါ် “သစ္စာစောင့်သော သက်သေခံ ဖြစ် တော်မူထသော၊ သေသောသူတို့တွင် သားဦးဖြစ်တော်မူထသော၊ လောကီရှင်ဘုရင်တို့၏ အထွဋ်ဖြစ်တော်မူသော” ယေရှုခရစ်တော်ထံက ကျေးဇူးတော်နှင့်ငြိမ်သက်ခြင်းသက်ရောက်ပါ မည်အကြောင်း ဆုတောင်းပေးခြင်းပါဝင်သည်။ ယေရှုခရစ်အကြောင်းနှင့်ပတ်သက်ပြီး ဤသို့ ဖော်ပြပြီးနောက်တွင် ယောဟန်က ဤသို့ဆိုပါသည်။

“ငါတို့ကိုချစ်၍၊ မိမိအသွေးတော်နှင့်ငါတို့အပြစ်များကို ဆေးကြော တော်မူ၍၊” ( ဗျာဒိတ် ၁း ၅ )

အခြေပြုကျမ်းချက်က ခရစ်တော်သည် “ကျွန်ုပ်တို့ကိုချစ်၍ အပြစ်များကို မိမိအသွေးတော်ဖြင့် ဆေးကြောတော်မူသည်” ဟုဆိုပါသည်။ ဓမ္မပညာရှင်အချို့က ခေတ်သစ်ဝေဖန်ရေးစာအုပ် များတွင် “ဆေးကြောသည်” ဟူသောစကားလုံးနေရာတွင် “ဖြေလွှတ်သည်” ဟု အစားထိုး သုံးနှုန်းကြပါသည်။ ထိုသို့လုပ်ဆောင်ရခြင်းမှာ ဂရိစကားလုံးတစ်လုံးဖြစ်သည့် Gnostic Sinaiticus မူရင်း၊ Nestle-Aland ဂရိ ဓမ္မသစ်ကျမ်းတို့ကို အခြေခံ၍ ပြောင်းလဲလိုက် ခြင်းဖြစ်ပါသည်။ သို့သော် “ဖြေလွှတ်သည်” ဟူသောစကားလုံးသည် အလက်စန္ဒာရီးယားစာ အုပ်မှ ယုတ်ညံ့သောအရာကို နိုးစတိတ်ဝါဒနှင့်အတူ အသုံးပြုထားသည်။ နိုးစတိတ်တို့က အ သွေးတော်ဖြင့် “ဆေးကြောသည်” ဟူသောအရာကို လစ်လျူရှုထားကြသည်။ သို့ဖြစ်၍ နိုးစ တိတ်အလက်စန္ဒာရီးယာန်းတို့က ဂရိစကားလုံးတစ်ခုကို ချိန်ထားပြီး “ဆေးကြောသည်” အစား “လွှတ်ပေးသည်” ကို အသုံးပြုထားသည်။

ဒေါက်တာ Charles John Ellicott (၁၈၂၉-၁၉၀၃ ) သည် အင်္ဂလိကန်အသင်းတော် ပညာရှင်ဖြစ်ပြီး Cambridge တက္ကသိုလ်တွင် ဓမ္မသစ်အထူးပြုသင်ကြားပေးသောဆရာဖြစ် သည်။ ဓမ္မသစ်ကျမ်း Revised Verson (RV) ဘာသာပြန်ဆိုသော ပညာရှင်အဖွဲ့တွင် ဥက္ကဌ အဖြစ်လည်း တာဝန်ထမ်းဆောင်သည်။ ဒေါက်တာ Ellicott သည် ကျမ်းစာတစ်ခုလုံးအတွက် Ellicott အနက်ဖွင့်ကျမ်းကို တည်းဖြတ်သူအဖြစ်လည်း ဆောင်ရွက်ပါသည်။ (Zondervan Publishing House) Ellicott အနက်ဖွင့်ကျမ်းက ကျွန်တော်တို့အခြေပြုကျမ်းကို ဤသို့ဆိုပါ သည်။

“ကျွန်တော်တို့ကို ဆေးကြော” မည့်အစား အချို့သော [ စာမူများ ] က “ဖြေလွှတ်သည်” ဟု အစားထိုး ဖတ်ရှုကြသည်။ ဂရိစကားလုံး နှစ်လုံးတွင် မတူညီသော စကားလုံးတစ်လုံးရှိသည်။ ယေဘုယျ သံနေသံထားသည် စစ်မှန်သောဖတ်ရှုခြင်းအဖြစ်သို့ “ဆေးကြော သည်” ကို ပို၍နှစ်သက်သည်။ ရံဖန်ရံခါ ရှင်ယောဟန်သည် သခင် ယေရှုစကားကို သတိရမိသည်မှာ “သင့်ကို ငါမဆေးကြောလျှင်၊ သင်သည် ငါနှင့်မဆိုင်” ဟူသောစကားဖြစ်သည်။ “ဆေးကြော သောအသွေးတော်” ဟူသည့် အယူအဆသည် ခရစ်တော်၏နံ လေးကထွက်လာသော ( ယောဟန် ၁၉း ၃၄ ) ရေနှင့်အသွေး ပေါင်းစပ်ခြင်းဖြင့် ပြင်းထန်းစေပါသည်။ သူ့စိတ်ကိုလည်း ပြန်ပေါ် လာစေပါသည်။ ဗျာဒိတ် ၇း ၁၃၊ ၁၄၊ ၁ ယော ၁း ၇၊ ၅း ၅-၈၊ (Charles John Ellicott, M.A., D.D., ကျမ်းစာတစ်ခုလုံး Ellicott အနက်ဖွင့်ကျမ်း, Zondervan Publishing House, n.d., အတွဲ ၈၊ စာ- ၅၃၅၊ ဗျာဒိတ် ၁း ၅ မှတ်စု )

ဗျာဒိတ် ၇း ၁၄ တွင်လည်း အောက်ပါအတိုင်း ဆက်လက်ဖော်ပြပါသည်။

“သူတို့ကလည်း၊ ဤသူတို့သည် ကြီးစွာသော ဆင်းရဲဒုက္ခအထဲက ထွက်မြောက်၍၊ မိမိတို့ဝတ်လုံကို သိုးသူငယ်၏အသွေး၌ လျှော်၍ ဖြူစေသောသူဖြစ်ကြသနည်း။” ( ဗျာဒိတ် ၇း ၁၄ )

ကောင်းကင်အရပ်တွင် “ဆေးကြော” ပြီး “သိုးသူငယ်အသွေးဖြင့် ဖြူစင်စေသော” ဝတ်လုံများ ရှိကြောင်းကို အထက်ပါကျမ်းပိုဒ်က ရှင်းရှင်းလင်းလင်း ဖော်ပြထားပါသည်။ ယင်းသည် ဗျာဒိတ် ၇း ၁၄ ၏ရှင်းလင်းသောအဓိပယ်ဖြစ်သောကြောင့် ကျွန်တော်တို့အခြေပြုကျမ်းတွင် “ဆေးကြောသည်” အသုံးအနှုန်းကို ပြတ်ပြတ်သားသား အသုံးပြုသင့်ပါသည်။

“ငါတို့ကိုချစ်၍၊ မိမိအသွေးတော်နှင့်ငါတို့အပြစ်များကို ဆေးကြော တော်မူ၍၊” ( ဗျာဒိတ် ၁း ၅ )

ဒေါက်တာ John F. Walvoord က ဂရိစကားလုံး “လိုအို” ( ဆေးကြောသည် ) က “လုအို” ( ဖြေလွှတ်သည် ) ထက်များတဲ့ စကားလုံးရှိသည်ဟု ညွှန်းဆိုထားသည်။ ဒေါက်တာ Walvoord က ပညာရှင်များသည် Ellicott အသုံးအနှုန်းစကားလုံး ( ဆေးကြောသည် ) ကို ပိုမို နှစ်သက်ကြသည်။ အကြောင်းမှာ “စကားလုံးကို ပေါင်းရတာထက် နှုတ်ရတာ ပိုမိုလွယ်ကူ သောကြောင့်ဖြစ်သည်။” (John F. Walvoord, Th.D., The Revelation of Jesus Christ, Moody Press ပုံနှိပ်တိုက်၊ ၁၉၆၆၊ အညွှန်း ၁၊ စာ- ၃၈ ) ယင်းသည် King James ဘာသာပြန်ဆို ကျမ်းအတွက် ခိုင်မာသော အငြင်းပွားမှုဖြစ်ပါသည်။

လူသာ၏ကျမ်းစာခွဲခြမ်းစိတ်ဖြာမှုအယူအဆ၏ “သမ္မာကျမ်းစာဆင်တူယိုးမှားမှုများ တွင်” ကျမ်းစာကို အမှန်အကိုင် စွဲကိုင်နေကြသေးသည်။ သူတို့က ကျမ်းစာတစ်ပိုဒ်က အခြား ကျမ်းပိုက်ကို အလင်းပြပေးသည်။ ဆိုလိုသည်မှာ တူညီသောစာအုပ်တွင် တူညီသောအ ကြောင်းအရာ၌ဖြစ်သည်ဟုဆိုသည်။ ထို့ကြောင့် ကျွန်တော်တို့သည် ကိုယ့်မျက်စိကို နှိမ့်ချပြီး “ဆေးကြောသည်” ဟူသော ဂရိဘာသာပြန်ဆိုကျမ်းဆီသို့ ကျွန်တော်တို့အား ခေါ်ဆောင်ရန် ကြိုးစားအားထုတ်သည့် ခေတ်သစ်စာအုပ်ဆီသို့ ပြန်သွားကြပါစို့။ စစ်မှန်သော ခရစ်ယာန် တိုင်းက “ကျွန်တော်တို့ကိုချစ်၍ မိမိအသွေးဖြင့် အပြစ်ထဲမှ ဆေးကြောပေးသော ယေရှု” ၏ “ဘုန်းတော်” ကို ကြွေးကြော်နိုင်ကြသည့်အတွက် ဘုရားသခင်ကို ကျေးဇူးတင်ပါသည်။

ဤအချက်ကို အသည်းအသန်ပြောဆိုနေရသည့် အကြောင်းရင်းတစ်ခုရှိသည်။ သင့် အပြစ်ကို “ဆေးကြောခြင်းခံရရန်” မှာ အလွန်ပင် အရေးကြီးလှသည်။ အပြစ်ထဲကနေ “လွတ် မြောက်” ရုံသက်သက်မဟုတ်ပါ။ သင်သည် ဘုရားသခင်နှင့်ထိတ်တိုက်တွေ့ဆုံရမည်။ ဘုရား သခင်ရှေ့၌ အပြစ်အလျောက် တရားစီရင်ခြင်းခံရသောအခါ ဒုက္ခတွေ့ရလိမ့်မည်။ တရားစီရင် ခြင်းနှင့်ရင်ဆိုင်ရသောအခါ လုံးဝသန့်ရှင်းစင်ကြယ်မှုရှိရမည်။ သို့မဟုတ်လျှင် ဘုရားသခင် သည် သင့်အား ထာဝရငရဲ၌ စီရင်လိမ့်မည်။ ( ဗျာဒိတ် ၂၀း ၁၁-၁၅ ) ဘုရားသခင်က သင့်အ ပြစ်မှတ်တမ်းကိုကြည့်ရှုသောအခါ အပြစ်တစ်စုံတစ်ရာ မတွေ့မိလျှင် သာ၍ကောင်းပါသည်။ တရားစီရင်ရာနေ့၌ အသင်အပြစ် “လွှတ်ခံရုံ”ဖြင့် မလုံလောက်ပါ။ အကြောင်းမှာ သင်သည် ငရဲဒဏ်ကနေလွှတ်မြောက်ဖို့လိုအပ်သည်။“သိုးသူငယ်၏အသွေးတော်ဖြင့် ဖြူစင်အောင် ဆေး ကြောခြင်း” ( ဗျာဒိတ် ၇း ၁၄ ) ခံရမည်။ ထိုသူတို့၏အပြစ်ကို “ကောင်းကင်ဘုံ၌ သူတို့ဝတ်လုံ ကိုဆေးကြောပြီး သိုးသူငယ်၏အသွေးတော်ဖြင့် ဖြူစင်စေသည်” ( ဗျာဒိတ် ၇း ၁၄ ) ဟု ဗျာဒိတ် အခန်းကြီး ၇ တွင် ဖော်ပြထားသည်။ ကျွန်တော်တို့သည် ငရဲကလွတ်မြောက်ပြီး ကောင်းကင် အရပ်၌ လုံခြုံစိတ်ချမှုရှိလိုလျှင် ခရစ်တော်၏အသွေးတော်၌ဆေးကြောခြင်းခံရမည်ကို ဤ ကျမ်းပိုဒ်အားဖြင့် သိထားပါသည်။ သို့သောကြောင့် ဤအချက်ကို အလေးအနက်ထား တင်ပြ ထားရခြင်းဖြစ်သည်။ သင်သည် ခရစ်တော်၏အသွေးတော်၌ သန့်ရှင်းစွာ ဆေးကြောခြင်း ခံရပါမည္။ သို့မဟုတ်လျှင် ထာဝရမီးငရဲသို့သွားရမည်။ လီဗရယ်နှင့်နယူးဧဝံဂေလိ “ကျမ်းစာ သွန်သင်ပေးသူများက” “ဆေးကြောသည်” ဟူသောအသုံးအနှုန်းထက် “ဖြေလွှတ်သည်” ဟူ သောအသုံးအနှုန်းကို ပိုမိုနှစ်ခြိုက်ကြပါသည်။ သို့ရာတွင် ကျွန်တော်လုပ်ဆောင်ရမည့်အချက် ကတော့ သင်တို့ကဲ့သို့သောအပြစ်သားများထံ ဧဝံဂေလိတရားဟောပြောရန်ပင်ဖြစ်သည်။ သင်အပြစ်မှတ်တမ်း၌ အပြစ်ရှိသည်။ သင်သည် ဆေးကြောခြင်းခံရမည်။ သို့မဟုတ်လျှင် ဘုရားသခင်သည် သင့်အား ငရဲသို့ပို့ဆောင်ပေးလိမ့်မည်။ သင့်အပြစ်ကို ဆေးကြောပေးနိုင် သည့်အရာကား အဘယ်နည်း။ ယေရှု၏အသွေးတော်မှတပါး အခြားမရှိပါ။

“ငါတို့ကိုချစ်၍၊ မိမိအသွေးတော်နှင့်ငါတို့အပြစ်များကို ဆေးကြော တော်မူ၍၊” ( ဗျာဒိတ် ၁း ၅ )

ခရစ်တော်၏အသွေးတော်သည် မည်မျှအရေးကြီးကြောင်းကို ယခုပြောပါရစေ။ သင်လျှောက် ရမည့်ထာဝရကာလသည် ခရစ်တော်၏အသွေးတော်အပေါ်တွင် မူတည်သည်။ သင်သည် အောင်မြင်သောခရစ်ယာန်အသက်တာဖြင့် အသက်ရှင်ခြင်း၊ မရှင်ခြင်းသည်လည်း ခရစ်တော် ၏အသွေးတော်အပေါ်တွင် မူတည်သည်။ အသွေးတော်နှင့်ပတ်သက်ပြီး အရေးကြီးသော အချက်အလက်အချို့ကို တင်ပြထားပါသည်။

၁။ ပထမအချက်၊ အသွေးပူဇော်ခြင်းသည် ကနဦးအချိန်ကာလဆီသို့ ပြန်သွား ခြင်းဖြစ်သည်။

ကနဦးလူသားများက အသွေးဖြင့် ယဇ်ပူဇော်ခြင်းကို သက်ဝင်ယုံကြည်ကြသည်။ ကမ္ဘာဦးလူသားတို့၏ယဉ်ကျေးမှုကို တူးဖော်လေ့လာကြည့်သော် အသွေးသွန်းယဇ်ပူဇော်ခြင်း မရှိသည့် ယဉ်ကျေးမှုရယ်လို့မတွေ့ရ။ ဥပမာအားဖြင့် ရှေးဟောင်းမက်ဆီကိုနိုင်ငံရှိ အိန္ဒီယန်း လူမျိုးတို့သည် ၎င်းတို့ဘုရားစင်၌ လူပေါင်း ၂၀၀၀၀ ကျော်ကို တင်ပူလှူဒါန်းခဲ့ကြသည်။ ဤသို့လုပ်ဆောင်ခြင်းမှာ ၎င်းတို့ကိုးကွယ်သော မှားယွင်းသောဘုရားများကို ကျေနပ်နှစ် ထောင်းကြစေရန်ဖြစ်သည်။ မာယာန်းလူမျိုးတို့ကလည်း အလားတူပုံစံမျိုးကို လုပ်ဆောင်ခဲ့ကြ သည်။ ရှေးခေတ် ဖိစိဖိတ်ကျွန်းစုရှိလူမျိုးနွယ်စုတိုင်းက အသွေးပူဇော်တင်လှူခြင်းကို လုပ် ဆောင်ခဲ့ကြသည်။ အာဖရိကတိုက်ရှိလူမျိုးစုများကလည်း ထိုနည်းအတိုင်းပင်ပြုကြပါသည်။ ရှေးဟောင်းတရုတ်လူမျိုးများကလည်း ၎င်းတို့ဘုရားတည်းဟူသော Shang Ti ထံ၌ ခရစ်တော်မတိုင်မှီအချိန်က လူပေါင်း ၂၀၀၀ ခန့် ပူဇော်ခဲ့ကြသည်။ တရုတ်လူမျိုးများက ဘုရားတစ်ဆူတည်းကိုသာ သိရှိခဲ့ကြပြီး အစကနဦးအချိန်တွင် အသွေးပူဇော်ရန် လိုအပ်ခဲ့ သည်။ ရှေးကာလရှိတရုတ်ဘိုးဘေးတို့က ဘုရားအကြောင်း၊ အသွေးသွန်းပူဇော်ခြင်းအ ကြောင်း၊ အရိုး၊ အခွံတို့အကြောင်းကို ရေးသားခဲ့ကြပါသည်။ ဤသို့သောလုပ်ဆောင်ပြုကျင့်မှု များသည် လွန်ခဲ့သောနှစ်ပေါင်းလေးထောင်ဆီသို့ ပြန်သွားခြင်းမျိုးဖြစ်သည်။ ဤသို့သော အယူအဆများသည် မည်သည့်အရပ်က အစပြုခဲ့ပါသနည်း။ ယင်းသို့သော အသွေးယဇ်ပူဇော် ခြင်းသည် အာဒံနှင့်၎င်း၏မျိုးဆက်များပြုသော ပထမဆုံးယဇ်ပူဇော်ခြင်းမှတဆင့် မျိုးဆက် တစ်ခုပြီးတစ်ခု လုပ်ဆောင်ခဲ့ကြသည်။

သမိုင်းအစတွင် မောရှေသည် ကမ္ဘာဦးကျမ်းအကြောင်းကို ရေးသားခဲ့သည်။ ကျွန်ုပ် တို့၏ဘိုးဘေးများသည် အပြစ်ကိုကျူးလွန်ကြသောအခါ ထိုအပြစ်ကိုဖုံးအုပ်နိုင်စေဖို့အတွက် တိရိစ္ဆာန်ကို သတ်ရမည်ဟူသော အချက်ကို မှတ်တမ်းတင်ထားသည်။ ၎င်းတို့မျိုးဆက်ဖြစ် သော အာဗြေလသည်လည်း ဘုရားသခင်ကိုကျေနပ်အားရစေမည့် အသွေးပူဇော်သက္ကာကို ဆောင်ယူခဲ့သည်။ ကာဣနသည် အသီးအနှံကိုသာ ဆောင်ခဲ့သည်ဖြစ်၍ ဘုရားသခင်၏ ငြင်း ပယ်ခြင်းကို ခံရသည်။ နောဧသည် ဘုရားသခင်ထံ အသွေးကို ပူဇော်ခဲ့သည်။ အာဗြဟံလည်း ထိုနည်းအတိုင်းပြုခဲ့သည်။ ဤသို့သော်ပူဇော်မှုများကို ဘုရားသခင်ထံ တိရိစ္ဆာန်အသွေးပူတင် လှူပူဇော်ရန် ဂျူးလူမျိုးများအား မိန့်တော်မမူမှီ ရှေးနှစ်ပေါင်းများစွာကတည်းက လုပ်ဆောင်ခဲ့ ကြသည်။ သူတို့သည် အီဂျစ်ပြည်၌ ကျွန်အဖြစ် နေနေကြစဉ်ကတည်းက သိုးသူငယ်ကိုသတ် ပြီး တံခါးတိုင်၊ တံခါးရွက်များ၌ အသွေးကို သုတ်လိမ်းရန် ဘုရားသခင် မိန့်မူခဲ့သည်။ ထိုအ သွေးကိုမြင်သောအခါ ထိုအိမ်အတွင်း၌ရှိသောသူတို့၏အပြစ်ကိုမစီရင်ဘဲ ကျော်လွန်သွားမည် ဟု ဘုရားသခင် မိန့်တော်မူခဲ့သည်။ ထိုအကြောင်းနှင့်ပတ်သက်၍ သီးချင်းတစ်ပိုဒ်ကို အမှတ် ရမိပါသည်။

အသွေးကို မြင်သောအခါ၊ အသွေးကိုမြင်သောအခါ၊
   အသွေးကိုမြင်သောအခါ ကျွန်ုပ်ကျော်လွန်မည်
သင့်ကို ကျော်၍လွန်သွားမည်။
    ( “အသွေးကိုမြင်သောအခါ” John Foote, ၁၉ ရာစု ) ၊

ထိုအကြောင်းအရာသည် အီဂျစ်ပြည်၌ ဂျူးလူမျိုးများ ကျွန်ခံနေကြစဉ် ပဿခါပွဲတော်၌ ဘုရား သခင်မိန့်တော်မူခဲ့သောအရာဖြစ်ပါသည်။ ဘုရားသခင်က ထိုည၌ ဤသို့မိန့်တော်မူခဲ့သည်။

“သိုးသူငယ်၏အသွေးသည် သင်တို့နေရာအိမ်၌ သင်တို့၏လက္ခ ဏာသက်သေဖြစ်၍၊ ထိုအသွေးကို ငါမြင်သောအခါ သင်တို့ကို ငါ လွန်သွားမည်။ ထိုသို့ အဲဂုတ္တုပြည်ကို ငါသည် ဒဏ်ခတ်သောအခါ ဖျက်ဆီးခြင်းဘေးဥပဒ်သည် သင်တို့ကို မသက်မရောက်ရ။” ( ထွက် ၁၂း ၁၃ )

ဂျူးလူမျိုးများက ပဿခါပွဲတော်ကို ပုံဆောင်ချက်အနေဖြင့် ယနေ့တိုင် ကျင်းပခဲ့ကြပါ သည်။ ခရစ်တော်သည် လက်ဝါးကပ်တိုင်ပေါ် အသေသတ်ခြင်းမတိုင်မှီ ညက ပဿခါပွဲရဲ့ အဓိပယ်ကို ပွဲတော်အဖြစ် အသွန်ပြောင်းလဲခဲ့သည်။ အချို့သောအသင်းတော်များက သန့်ရှင်း သောပွဲတော်မင်္ဂလာဟုပင် ခေါ်ကြသည်။ ကာသိုလိတ်နှင့်အရှေ့ပိုင်းရှေးရိုးစွဲအသင်းတော်များ က လူထုစည်းဝေးပွဲဟု ခေါ်ကြသည်။ သို့ရာတွင် သုံးပါးတစ်ဆူဘုရားကို လက်ခံယုံကြည်သူ များက လက်တွေ့လုပ်ဆောင်ကြသည်။ သမ္မာကျမ်းစာက ဤသို့ဆိုပါသည်။

“ထိုအခါ စားလျက်နေကြစဉ်တွင်၊ ယေရှုသည် မုန့်ကိုယူ၍ ကျေးဇူး တော်ကိုချီးမွမ်းပြီးမှ မုန့်ကိုဖဲ့၍၊ ဤမုန့်ကား ငါ၏ကိုယ်ဖြစ်၏။ ယူ၍ စားကြလော့ဟု မိန့်တော်မူလျက်၊ တပည့်တော်တို့အား ပေးတော် မူ၏။ ခွက်ကိုလည်းယူ၍ ကျေးဇူးတော်ကိုချီးမွမ်းပြီးမှ သူတို့အား ပေးတော်မူ၍၊ သင်တို့ရှိသမျှသည် သောက်ကြလော့။ ဤခွက် ကား ပဋိညာဉ်တရားသစ်နှင့်ဆိုင်၍ လူများတို့၏အပြစ်ကို လွတ် စေခြင်းငှါ သွန်းသော ငါ၏အသွေးဖြစ်၏။” ( မဿဲ ၂၆း ၂၆- ၂၈ )

ဘုရားမဲ့ဝါဒီတို့၏အသွေးတင်လှူပူဇော်ခြင်းအားလုံးသည် အောက်မေ့ဘွယ်တစ်ခုအ နေဖြင့် ဘုရားသခင်ထံ ပူဇော်ခြင်းဖြစ်သည်ကို တွေ့ရသည်။ ဓမ္မဟောင်းပဿခါပွဲက ရှေ့သို့ ညွှန်းဆိုထားခြင်းဖြစ်ပြီး မေရှိယတည်းဟူသော ခရစ်တော်၏အသက်ပေးလှူခြင်းကို ပုံဆောင် သည်။ ယနေ့ကာလ၌ ပွဲတော်မင်္ဂလာက ကျွန်ုပ်တို့အားကယ်တင်ရန် လက်ဝါးကပ်တိုင်၌ ခရစ် တော်လုပ်ဆောင်ခဲ့သောအရာကို ပြန်လည်ညွှန်းဆိုထားသည်။ ခရစ်တော်၏ လက်ဝါးကပ် တိုငပေါ်၌ အသေခံခြင်းနှင့် အသွေးတော်ကုိ သွန်းလောင်ခြင်း သညကမ္ဘာ့သမိုင်း၌ ဘာသာ ရေးဆိုင်ရာ အချက်အချာကျသော အဖြစ်အပျကဖြစ်ပါသည္။

“ငါတို့ကိုချစ်၍၊ မိမိအသွေးတော်နှင့်ငါတို့အပြစ်များကို ဆေးကြော တော်မူ၍၊” ( ဗျာဒိတ် ၁း ၅ )

ခရစ်တော်၏လက်ဝါးကပ်တိုင်ပေါ်၌ပြုသော ရန်ငြိမ်းခြင်းအမှု လိုအပ်ရသည့်အကြောင်းရင်းကို အသေအချာပြောပြမည်။ သို့ရာတွင် ရှေးဦးစွာ အခြားသောအချက်တစ်ချက်ကို ရှင်းပြရန် လို အပ်ပါသေးသည်။

၂။ ဒုတိယအချက်၊ ခရစ်တော်၏အသွေးတော်ကို စာတန်က အလွန်မုန်းသည်။

ဗျာဒိတ်ကျမ်း၌ ဤသို့ဖတ်ရှုရသည်။

“ဘုရားသခင်ရှေ့၌ နေ့ညဉ်မပြတ် အပြစ်တင်သောရန်သူ ( စာတန် ) ကို အောက်သို့ချလေပြီး။ သူတို့သည် သိုးသူငယ်၏အသွေးအား ဖြင့်၎င်း၊ မိမိတို့သက်သေခံချက် နှုတ်ကပတ်တော်အားဖြင့်၎င်း အောင်မြင်၍၊…” ( ဗျာဒိတ် ၁၂း ၁၀-၁၁ )

စာတန်က သူ့ကို တစ်ဦးဦးက အနိုင်ယူနိုင်သည့် တစ်ခုတည်းသောနည်းလမ်းမှာ သိုး သငယ်၏အသွေးတော်အားဖြင့်ဖြစ်သည်ကို သိသည်။ ဆိုလိုသည်မှာ ဘုရားသခင်၏ သိုးသ ငယ်တည်းဟူသော ခရစ်တော်၏အသွေးတော်ပင်ဖြစ်ပါသည်။ စာတန်သည် လူသတ်သမား ဖြစ်ကြောင်းကို ကျမ်းစာက ဖော်ပြထားသည်။ သူတတ်နိုင်သမျှအတိုင်း လူကို ဖျက်ဆီးလိုပါ သည်။ သို့ဖြစ်သောကြောင့် ခရစ်တော်၏အသွေးတော်ကို သူမုန်းတီးနေရသည်။ ခရစ်တော်၏ အသွေးတော်ကို ပိုင်ဆိုင်ထားလျှင် သူ့ကို အနိုင်ယူမည်ကို လုံး၀ နားလည်သည်။ အပြစ်သား သည် ခရစ်တော်၏အသွေးတော်အားဖြင့် စာတန်ကို အနိုင်ယူပါသည်။ ထိုသို့ဖြစ်လာရန် စာတန်က အလိုမရှိပါ။ သို့ဖြစ်၍ ခရစ်တော်၏အသွေးတော်တန်ခိုးကို ယုတ်လျော့စေရန် တတ် နိုင်သမျှလုပ်ဆောင်သည်။

ဆယ့်ကိုးရာစုအဆုံးပိုင်းနှင့်၂ဝရာစုအစောပိုင်းကာလတွင် စာတန်သည် ဒေါက်တာ Harry Emerson Fosdick နှင့် ဒေါက်တာ Nels Ferre ကဲ့သို့သော လီဗရယ်အသိုင်းအဝန်း ရှိ ဓမ္မပညာခေါင်းဆောင်ပိုင်းတို့ကို အသုံးပြုပြီး ခရစ်တော်၏အသွေးတော်ကို တိုက်ခိုက်ခဲ့သည်။ ဒေါက်တာ Ferre က “ခရစ်တော်၏အသွေးတော်သည် ကြက်ကလေးရဲ့အသွေးလောက် တောင် တန်ခိုးမရှိတော့” ဟု ပြောသည်။ ဒေါက်တာ Fosdick က ရန်ကိုငြိမ်းစေသောအသွေး တော်ကို “အသားသတ်ရုံဘာသာရေးတစ်ခု” ဟု တင်စားခေါ်ဝေါ်သည်။ ထိုသို့သောလူများက ခရစ်တော်၏အသွေးတော်ကို ဆန့်ကျင်ပြောဆိုနေကြသည်။ အကြောင်းမှာ သူတို့ကို စာတန် က ထိုသို့လုပ်ဆောင်ရန် တွန်းအားပေးသောကြောင့်ဖြစ်သည်။

သို့ရာတွင် နှစ်ဆယ်ရာစုအဆုံးပိုင်းအစတွင် စာတန်သည် ခရစ်တော်၏အသွေးတော် ကို အခြားသောနည်းလမ်းဖြင့် တိုက်ခိုက်သည်။ ခရစ်တော်၏အသွေးတော်ကို ယုတ်လျော့စေ ရန် ကွန်ဆာဗေ့တစ်ဧဝံဂေလိအဖွဲ့တွေကို ဆွဲဆောင်သည်။ အမေရိကန်ပြည်သူတွေရဲ့ အချစ်တော်၊ ဒေါက်တာ J. Vernon McGee က စာတန်မာရ်နတ်၏လိုက်ပါမှုကို စတင်သတိ ထားမိသည်မှာ ရေဒီယို၌ သမ္မာကျမ်းစာသင်ပေးသူ၏သွန်သင်ချက်ပင်ဖြစ်သည်။ ကျွန်တော် တို့၏အခြေပြုကျမ်းနှင့်ပတ်သက်ပြီး သူ၏မှတ်ချက်မှာ အောက်ပါအတိုင်းဖြစ်ပါသည်။

ကျွန်တော်သည် ခရစ်တော်၏အသွေးကို ယနေ့လူများလုပ်ဆောင် သကဲ့သို့ သေးသိမ်စေသောသူထဲ၌ မပါဝင်ပါ။ ဤစကားလုံးများပါ ဝင်သည့် သီးချင်းကို ကြိုက်နှစ်သက်နေဆဲဖြစ်သည်။

အသွေးနှင့်ပြည့်သောတွင်းပွင့်ပြီ၊
   ဧမာနွေလအသွေး။
ထိုသွေးတော်နှင့်နစ်မြှုပ်သူသည်၊
   အပြစ်မှကင်းရှင်းမည်။

(J. Vernon McGee, Th.D., Thru the Bible, Thomas Nelson Publishers, ၁၉၈၃၊ အတွဲ ၅၊ စာ ၈၉၀၊ ၈၉၁၊ ဗျာဒိတ် ၁း ၅-၆ မှတ်စု )

R. B. Thieme, John MacArthur, နှင့် ကာဣန၏ပူဇော်သက္ကာကို “အသွေးမပါဘဲပူဇော်ခြင်း သည် သာ၍သင့်လျော်သည်” ဟုဆိုသော Charles C. Ryrie ကဲ့သို့သော ခရစ်တော်၏အ သွေးတော်ကို ထင်မြင်သေးသောလူတို့ကို ဒေါက်တာ McGee က ရည်ညွှန်းထားခြင်းဖြစ်သည် မှာ ထင်ရှားသည်။ (Charles C. Ryrie, Th.D., The Ryrie Study Bible, Moody Press, ၁၉၇၈၊ ကမ္ဘာဦး ၄း ၃ မှတ်စု ) ထိုမှတ်စုစာအုပ်ကို ဒေါက်တာ Ryrie ထံက ဖတ်မိရသောအခါ ကိုယ့်မျက်စိကိုယ်တောင် ယုံဖို့ခက်ခဲသည်။ Warren Wiersbe က ထိုသို့ပြောဆိုခြင်းအတွက် Ryrie ကို “ချီးမွမ်းသည်မှာလည်း” ကျွန်တော့်အတွက် လွန်ပင် ထူးဆန်းနေသည်။ (Warren W. Wiersbe, ခရစ်ယာန်တိုင်းက လူ ၅၀ ကို သိသင့်သည်၊ Baker Books, ၂၀၀၉၊ စာ-၂၀၇ ) ဤအရာအားလုံးသည် လီဗရယ်ဝါဒ၏အဂတိလိုက်စားမှုနှင့်တိုက်ဆိုင်မှုရှိသော အခြားအရာ များဟု ကျွန်တော်ခံစားမိသည်။ ကျွန်တော်တို့သည် လီဗရယ်ပညာရှင်များ၏ထောက်ခံမှု ရှာ ဖွေခြင်းကို ရပ်တန်းက ရပ်ပစ်ရန် လိုအပ်ပါသည်။

ဤသူတို့က ကယ်တင်ရှင်၏အသွေးတော်၏အလွန်အရေးကြီးမှုကို နားလည်ကြဟန် မရှိပါ။ လူများစွာတို့သည် သူတို့နောက်သို့လိုက်ကြသည်။ သူတို့၏တရားဟောပြောချက်များ တွင် အသွေးတော်အကြောင်းကို ထည့်သွင်းဟောပြောခြင်းတောင် မရှိကြပေ။ ဤအရာသည် နောက်ဆုံးသောကာလ၏လှည့်ဖြားမှုဟုပင် ထင်မိသည်။ စာတန်သည် ခရစ်တော်၏အသွေး တော်ကို မုန်းတီးကြောင်း သိမှတ်နားလည်ထားလျှင် ထိုမကောင်းသောအယူဝါဒထဲ၌ ကျဆုံး မည်မဟုတ်။ အကြောင်းမှာ စာတန်သည် မုသာအဘ၊ လှည့်ဖြားသောသူဖြစ်ပါသည်။ အာမင်။ သင်းအုပ်ဆရာအားဖြင့်သည် ခရစ်တော်၏ ျမတ်သောအသွေးတော်အကြောင်းကို မကြာခဏ ဟောပြောရန်လိုအပ်သည်။ နောက်ဆုံးတွင် ထိုအကြောင်းကို သမ္မာကျမ်းစာ က ဤသို့ခေါ်ပါ သည်။

“...ခရစ်တော်၏အသွေးတော္ မြတ္” ( ၁ ပေ ၁း ၁၉ )

၃။ တတိယအချက်၊ ခရစ်တော်၏အသွေးတော်သည် ကျွန်ုပ်တို့ကို ကယ်တင် သည်။

၁ ပေတရု တစ်ခုလုံးက ဤသို့ဆိုပါသည်။

“မိစဉ်ဘဆက် ကျင်လည်သော အချည်းနှီးကျင့်ကြံပြုမူခြင်းမှ၊ ရွှေ ငွေအစရှိသော ဖောက်ပြန်ပျက်စီးတတ်သောဥစ္စာနှင့်သင်တို့ကို ရွေးတော်မူသည်မဟုတ်။ အဘယ်အပြစ်မျှမရှိ၊ အညစ်အကြေးနှင့် ကင်းစင်သော သိုးသငယ်ကဲ့သို့သော ခရစ်တော်၏အသွေးတော် မြတ်နှင့်ရွေးတော်မူသည်ကို သိမှတ်ကြလော့။” ( ၁ ပေ ၁း ၁၈-၁၉ )

သင်တို့ကို ရွှေဖြင့်ရွေးဝယ်ထားသည်မဟုတ်။ ငွေဖြင့် ဘုရားသခင်က ရွေးဝယ်ထားခြင်းလည်း မဟုတ်။ အသင်းတော်၌ သင်ပေးသောငွေကြေးအားဖြင့် ဘုရားသခင်က သင့်ကို ရွေးကောက် ထားသည်မဟုတ်။ “ခရစ်တော်၏အဖိုးမဖြတ်နိုင်အသွေးတော်ဖြင့်” ရွေးဝယ်ထားခြင်းဖြစ်ပါ သည်။

ရွေးနှုတ်ခြင်းဟူသည်မှာ ကျေးကျွန်အဖြစ်မှ တစ်ဦးဦးကို ပြန်လည်ဝယ်ယူခြင်းဖြစ်ပါ သည်။ “မိမိအသက်ကိုစွန့်၍ လူများကိုရွေးခြင်းငှါ” ငါလာသည်ဟု ယေရှုမိန့်တော်မူခဲ့သည်။ ( မဿဲ ၂၀း ၂၈ ) ထိုအကြောင်းနှင့်ပတ်သက်ပြီး ဆက်လက်ရှင်းလင်းထားခြင်းတော့မရှိပါ။ အဘယ့်ကြောင့်ဆိုသော် ထိုခေတ်ကာလက သုံးပုံနှစ်ပုံသောလူများသည် ကျေးကျွန်များဖြစ် ကြသောကြောင့်ဖြစ်ပါသည်။ လူမျိုးတိုင်း၌ ကျေးကျွန်ရှိသည်။ ရှေးဗြိတိန်၌လည်းကောင်း၊ စပိန်၊ အာဖရိက စသဖြင့် နေရာတိုင်းတွင် ကျေးကျွန်များရှိကြသည်။ ကမ္ဘာပေါ်ရှိ လူမျိုးစုတိုင်း သည် တချိန်မဟုတ်၊ တချိန်၌ ကျွန်အဖြစ်ရှိနေကြသည်။ စောနက ပြောခဲ့သလိုပဲ ဂျူးလူမျိုး များသည် နှစ်ပေါင်း ၄၀၀ ကျော် ကျွန်ခံခဲ့သည်။

တမန်တော်ပေတရုက ခရစ်တော်သည် သင့်အား မိမိအသွေးတော်ဖြင့် ကျွန်ဘဝမှ ပြန်လည်ရွေးယူခဲ့သည်ဟု ဆိုသည်။ မည်သည့်အရာထဲက သင့်ကို ရွေးခဲ့သနည်း။ အပြစ် ကျေးကျွန်ဘဝမှ ရွေးယူခဲ့ခြင်းဖြစ်ပါသည်။ လောအိန်ဂျယ်ရှိ သန်းပေါင်းများစွာသောလူတို့ သည် အပြစ်ရဲ့ကျေးကျွန်ဖြစ်ကြသည်။ သူတို့သည် စီးကရက်ရဲ့မျှားခေါ်ရာကိုလိုက်ကြသည်။ ညစ်ညူးသောအရာများသာ စွဲမက်နေကြသည်။ ညစ်ညူးသောရုပ်ရှင်၊ စာအုပ်စာပေများ ကြည့်ရှုခြင်းကို မရပ်တန့်နိုင်ကြပေ။ သင်တို့သည် ထိုသို့သောအပြစ်မျိုးရဲ့ကျေးကျွန်ဖြစ်ကြပါ သည်။ သို့သော် သမ္မာကျမ်းစာက ခရစ်တော်သည် သင့်အား လွှတ်နိုင်သည်ဟု ဆိုသည်။ သင်သည် မယုံကြည်သောစိတ်တည်းဟူသော ပုန်ကန်သည့်အပြစ်မှလည်း သင့်ကို ကယ်ချွတ်နိုင်ပါသည်။ ယင်းမှာ အခက်ခဲဆုံးသောအရာဖြစ်မည်ဟု ထင်မိသည်။ ခရစ်တော် သည် သင့်အား မယုံကြည်နိုင်သည့် ဆိုးသွင်းသောစိတ်နှလုံးထဲမှ သင့်ကို ကယ်တင်နိုင်သည်။ ထိုထက်မက များစွာသောအကြောင်းအရာရှိသည်။ သို့သော် အချိန်မရှိသဖြင့် အဓိကသော့ ချက်များကိုသာ ရွေးပြောဆိုပါရစေ။ သင်၏ကယ်တင်ခြင်းတစ်ခုလုံးသည် ခရစ်တော်၏အ သွေးတော်ပေါ်တွင် မူတည်သည်။ ခရစ်တော်၏အသွေးတော်သည် သင့်ကို အပြစ်မှရွေးနှုတ် နိုင်ပါသည်။ William Cowper ၏ပြောဆိုချက်ကို နားထောင်ကြပါစို့။

ယုံကြည်ခြင်းဖြင့် မြစ်ရေကိုမြင်ရ၊
   သွေးချောင်းများယိုစီးလာ။
ရွေးနှုတ်မေတ္တာ ကျွန်ုပ်တွက်အကြောင်းအရာ၊
   ကျွန်ုပ်သေသည့်တိုင်အောင်။

အသွေးနှင့်ပြည့်သောတွင်းပွင့်ပြီ၊
   ဧမာနွေလအသွေး။
ထိုသွေးတော်နှင့်နစ်မြှုပ်သူသည်၊
   အပြစ်မှကင်းရှင်းမည်။
( “သွေးတော်နှင့်ပြည့်သောစမ်း၊” William Cowper, ၁၇၃၁-၁၈၀၀၊ “အံ့ဘွယ်မေတ္တာ” သံစဉ် )

ထို့နောက် Fanny Crosby က ဤသို့ဆိုပါသည်။

ကယ်တင်၊ ကယ်တင်
   သိုးသူငယ် အသွေးတော်ဖြင့် ကယ်တင်
ကယ်တင်၊ ကယ်တင်၊
   သူ့ရဲ့သား၊ ထာဝရကာလ သူ့သားဖြစ်ပါ၏။
( “ကယ်တင်” Fanny J. Crosby, ၁၈၂၀-၁၉၁၅ )

၄။ စတုတ္ထအချက်၊ ခရစ်တော်၏အသွေးတော်သည် သင့်အပြစ်အလုံးစုံကို ဆေး ကြောပေးနိုင်သည်။

ယေရှုသည် မည်သူဖြစ်ကြောင်းကို မမေ့ပါနှင့်။ သူသည် ခန္ဒာဖြင့်တည်ရှိသော လူဖြစ် ရုံသက်သက်မဟုတ်။ သင်အသိမိတ်ဆွေ၌ အပြစ်ကိုဆေးကြောနိုင်သည့်အသွေးမျိုးရှိကြမည် မဟုတ်။ သို့ရာတွင် ယေရှုသည် လမ်းပေါ်၌ ရှိသောလူတစ်ဦးဖြစ်ရုံမဟုတ်ပါ။ ယေရှုသည် ထာဝရဘုရား၏သားတော်ဖြစ်သည်။ သုံးပါးတစ်ဆူတွင် ဒုတိယပုဂ္ဂိုလ်ဖြစ်သည်။ “ဘုရားတို့ ၏ဘုရားဖြစ်သည်။”

“ထိုနှုတ်ကပတ်တော်သည် ခပ်သိမ်းသောအရာတို့ကို ဖန်ဆင်း တော်မူ၏။ ဖန်ဆင်းတော်မူခြင်းနှင့်ကင်းလွတ်လျက်ဖြစ်သောအရာ တစုံတခုမျှမရှိ။” ( ယောဟန် ၁း ၃ )

သခင်ယေရှုခရစ်သည် ကောင်းကင်ဘုံမှ ဆင်းသက်တော်မမူမီ စကြာဝဠာတစ်ခုလုံးကို ဖန်ဆင်းတော်မူခဲ့သည်။ သူ့အသွေးကသာလျှင် အပြစ်မှဆေးကြောပေးနိုင်သည်။ ကောင်း ကင်သို့ပို့ဆောင်ပေးနိုင်သူလည်းဖြစ်သည်။ တမန်တော်ယောဟန်က ဤသို့ဆိုပါသည်။

“ဘုရားသခင်၏သားတော်၊ ယေရှုခရစ်၏အသွေးတော်သည်၊ ငါတို့ အပြစ်ရှိသမျှကို ဆေးကြောတော်မူ၏။” ( ၁ ယော ၁း ၇ )

ကျွန်တော်တို့၏အခြေပြုကျမ်းကလည်း ဤသို့ဆိုပါသည်။

“ငါတို့ကိုချစ်၍၊ မိမိအသွေးတော်နှင့်ငါတို့အပြစ်များကို ဆေးကြော တော်မူ၍၊” ( ဗျာဒိတ် ၁း ၅ )

သင်အသက်တာ၌ ထိုသို့ဖြစ်စေလိုပါသလား။ စာတန်၏ချုပ်နှောင်မှုမှ လွတ်မြောက် လိုပါသလား။ ခရစ်တော်၏အသွေးတော်က လုပ်ဆောင်နိုင်ပါသည်။ အပြစ်မှရွေးနှုတ်ကယ် တင်ခြင်းကို ရရှိလိုပါသလား။ ခရစ်တော်၏အသွေးတော်က ကယ်တင်နိုင်ပါသည်။ အပြစ်မှ ဆေးကြောခြင်းကို ခံလိုပါသလား။ သို့ဆိုလျှင် ကောင်းကင်သွားပြီး ကျွန်တော်တို့နှင့်အတူ ပျော်ရသောအခွင့်ကို ရရှိမည်ဖြစ်သည်။ ခရစ်တော်၏အသွေးတော်သည် ထိုသို့သောအမှုကို ပြုနိုင်သောအစွမ်းရှိပါသည်။

သင်လုပ်ဆောင်ရမည့် အရာရှိပါသည်။ ခရစ်တော်၏အသွေးတော်သည် သင့်အား ထိုသို့မပြုမှီ သင်သည် အပြစ်ကိုစွန့်ပယ်ရမည်။ အပြစ်ကိုစွန့်ပယ်ခြင်းအမှုသည် အဓိကကျ သောအချက်ဖြစ်သည်။ ထို့နောက် ဒုတိယအချက်အနေဖြင့် ယေရှုကို ယုံကြည်ကိုးစားရမည်။ ယုံကြည်ခြင်းဖြင့် ခရစ်တော်ထံသို့လာပြီး ကိုးစားရမည်။ “ဒါပဲလား” ဟု လူအချို့က မေးကြပါ လိမ့်မည်။ ဟုတ်ပါတယ်။ ဒီလောက်ပါပဲ။ ခရစ်တော်သွန်းလောင်းသောအသွေးတော်က အပြစ် တိုင်းကို ဆေးကြောနိုင်သည်။ ခမည်းတော်နှင့်မိဿဟာရဖွဲ့ခြင်းထဲသို့လည်း ခေါ်ဆောင်သွား နိုင်ပါသည်။ သင်သည် အပြစ်ကိုစွန့်ပယ်ပြီး ယေရှုကို ကိုးစားမည်လော။ မစ္စတာ Griffith သီဆိုသော ဓမ္မသီချင်းကို နားထောင်ပါ။ မစ္စတာ Griffith၊ သီချင်းကို ပုံမှန်သာဆိုပေးပါ။

ကျွန်ုပ်၏ရွေးနှုတ်ခြင်းသည် ရွေ၊ ငွေအားဖြင့် မရနိုင်၊
   မြေကြီး၏ကြွယ်ဝချမ်းသာဖြင့် ကျွန်ုပ်ဝိညာဉ်ကို မရွေးနိုင်။
လက်ဝါးကပ်တိုင်တော်အသွေးတော်သည် ကျွန်ုပ်ဘဝရဲ့အုတ်မြစ်၊
   ကယ်တင်ရှင်၏သေခြင်းသည် ကျွန်ုပ်၏ကျန်းမာခြင်း။
ကျွန်ုပ်လွတ်မြောက်ပြီး ငွေအားဖြင့်မဟုတ်၊
   ကျွန်ုပ်အားရွေးဝယ်ပြီ၊ ရွှေအားဖြင့်မဟုတ်။
အဖိုးအခ၊ ယေရှုအသွေးတော်ဖြင့် ရွေးဝယ်ထား၊
   ပြောမကုန်သောမေတ္တာ မြတ်သောအသွေးတော်။
( “ငွေမဟုတ်၊ ရွှေမဟုတ်” Dr. James M. Gray, ၁၈၅၁-၁၉၃၅ )

ယေရှုခရစ်ယုံကြည်ကိုးစားခြင်းအကြောင်းနှင့်ပတ်သက်ပြီး ကျွန်တော်တို့နှင့်ပြောဆိုဆွေးနွေး လိုလျှင် အခြားသူများက နေ့လည်စာအတွက် အထက်ခန်းသို့သွားကြစဉ် ရှေ့ခုံနှစ်တန်းသို့ လာပါ။ အာမင်။


သင်သည် ဒေါက်တာ HYMERS ကို စာရေးသားပေးပို့လျှင် မည်သည့်နိူင်ငံကနေ ရေး သားပေးပို့သည်ကို ပြောပြရမည်။ သို့မဟုတ်လျှင် သင့်အား အဖြေပေးနိူင်မည်မဟုတ် ပါ။ ဤတရားဒေသနာက သင့်အား ကောင်းကြီးပေးလျှင် ဒေါက်တာ Hymers ထံ အီးလ်မေးလ်ပေးပို့ပြီး ပြောပြပါ။ သို့သော် သင်၏နေထိုင်ရာနိူင်ငံကို ထည့်သွင်းရေး သားဖို့ မမေ့ပါနှင့်။ ဒေါက်တာ Hymers ၏ အီးလ်မေးလ်လိပ်စာမှာ rlhymersjr@sbcglobal.net (ဤနေရာတွင် နှိပ်ပါ။ ) ဖြစ်သည်။ ဒေါက်တာ Hymers အား မည်သည့်ဘာသာဖြင့်မဆို စာရေးသားနိူင်သည်။ သို့သော် အင်္ဂလိပ် ဖြင့်ရေးနိူင်လျှင် ပိုကောင်းသည်။ စာတိုက်ဖြင့် ရေးသားပေးပို့လိုလျှင် သူ၏လိပ်စာမှာ စာတိုက်သေတ္တာအမှတ် ၁၅၃၀၈၊ လောစ်အိန်ဂျယ်လ်၊ စီအေ၊ ၉၀၀၁၅ ဖြစ်သည်။ ဖုန်းဆက်ပြီး စကားပြောလိုလျှင် (၈၁၈) ၃၅၂-၀၄၅၂ ဖြစ်သည်။

(တရားဒသေနာနိဂုံး)
သငျသညျ ဒေါကျတာ Hymer ၏တရားဒသေနာကို အငျတာနကျပေါ်တှငျ
www.sermonsfortheworld.com ဖွင့်
အပတျတိုငျးကွည့်ရှုနိူငျသညျ။ "တရားဒသေနာစာမူ"ကိုနှိပျပါ။

ဤတရားဒသေနာစာမူများသညျ မူပိုငျမဟုတျပါ။ ဒေါကျတာ Dr. Hymers ၏ခှင့်ပွုခကျြမလိုဘဲ စာအားဖှငျ့လညျး အသုံးပွုနိူငျပါသညျ။ သို့ရာတှငျ ဒေါကျတာ Dr. Hymers ၏ ဗှီဒီယိုတရားဟောခကျြ
များကိုမူ ခှင့်ပွုခကျြဖွင့်သာ အသုံးပွုနိူငျသညျ။

တရားဒေသနာမတိုင်မှီ မစ္စတာ Benjamin Kincaid Griffith က ဂုဏ်တော် ချီးမွမ်းသည်။
“ရွှေမဟုတ်၊ ငွေမဟုတ်၊” (Dr. James M. Gray, ၁၈၅၁-၁၉၃၅ ရေးစပ်သည်။)


အခှပှေုကမြွး

ခရစ်တော်၏အသွေးတော်၌ဆေးကြောခြင်းအကျဉ်း

WASHED IN CHRIST’S BLOOD!

တရားဒေသနာတစ်ပုဒ်ကို ဒေါက်တာ R. L. Hymers, Jr. က
ရေးသားပြီး Rev. John Samuel Cagan က ဟောပြောသည်၊

“ငါတို့ကိုချစ်၍၊ မိမိအသွေးတော်နှင့်ငါတို့အပြစ်များကို ဆေးကြော တော်မူ၍၊”
(ဗျာဒိတ် ၁း ၅ )

(ဗျာဒိတ် ၇း ၁၄ )

၁။ ပထမအချက်၊ အသွေးပူဇော်ခြင်းသည် ကနဦးအချိန်ကာလဆီသို့ ပြန် သွားခြင်းဖြစ်သည်။ ထွက် ၁၂း ၁၃၊ မဿဲ ၂၆း ၂၆-၂၈။

၂။ ဒုတိယအချက်၊ ခရစ်တော်၏အသွေးတော်ကို စာတန်က အလွန်မုန်း သည်။ ဗျာဒိတ် ၁၂း ၁၀-၁၁၊ ၁ ပေတရု ၁း ၁၉။

၃။ တတိယအချက်၊ ခရစ်တော်၏အသွေးတော်သည် ကျွန်ုပ်တို့ကို ကယ် တင်သည်။ ၁ ပေ ၁း ၁၈၊ ၁၉။ မဿဲ ၂၀း ၂၈။

၄။ စတုတ္ထအချက်၊ ခရစ်တော်၏အသွေးတော်သည် သင့်အပြစ်အလုံးစုံကို ဆေး ကြောပေးနိုင်သည်။ ယောဟန် ၁း ၃၊ ၁ ယော ၁း ၇။