Print Sermon

ဤတရားဒေသနာစာရွက်နှင့်ဗွီဒီယိုဖိုင်သည် လတိုင်းလတိုင်းတွင် ကွန်ပြူတာပေါင်း ၁၁၆၀၀၀ ဖြင့် နိူင်ငံပေါင်း ၂၁၅ ကျော်သို့ www.sermonsfortheworld.com တွင် ရောက်သွားလေ့ရှိသည်။ အခြားရာပေါင်းများစွာသောသူတို့က ဗွီဒီယိုကို YouTube တွင် ကြည့်ကြသည်။ ဤတရားဒေသနာစာရွက်ကို လတိုင်း၊ လတိုင်း ဘာသာစကား ၃၄ ခုဖြင့် ထောင်ပေါင်းများစွာသောလူတို့ကို ဝေငှပေးထားသည်။ မွတ်စလင်နှင့် ဟိန္ဒူလူမျိုးများ အပါအဝင် ကမ္ဘာတဝှမ်း၌ ဧဝံဂေလိတရားကို ကျဲဖြန့်နိူင်ရန်အတွက် ကြီးမားသည့်အလုပ်တွင် ကျွန်ုပ်တို့အား အကူအညီပေးရန် လစဉ်အလူတော်ငွေ ပါဝင်နိူင်ရန် ဤနေရာတွင် ကျေးဇူးပြုပြီး နှိပ်ပါ။

ဒေါက်တာ Hymers ထံသို့ စာရေးသားသည့်အချိန်တိုင်းတွင် မည်သည့်တိုင်းပြည်၌ နေထိုင်ကြောင်းကို အမြဲတမ်းပြောပါ။ သို့မဟုတ်လျှင် အဖြေပေးနိူင်မည်မဟုတ်ပါ။ ဒေါက်တာ Hymers ၏လိပ်စာမှာ rlhymersjr@sbcglobal.net. ဖြစ်ပါသည်။




လူ၏ကျဆုံးခြင်း

THE FALL OF MAN
(Burmese)

လော့စ်အိန်ဂျယ်လ်ရှိ Baptist Tabernacle အသင်းတော်၌ ၂၀၁၈ခုနှစ်
ဧပြီလ ( ၂၈ ) ရက်၊ စနေနေ့ ညနေပိုင်းတွင်
ဟောကြားသော R. L. Hymers, Jr. ၏ တရားဒေသနာတစ်ပုဒ်ဖြစ်သည်။
A sermon by Dr. R. L. Hymers, Jr.
preached at the Baptist Tabernacle of Los Angeles
Lord’s Day Evening, April 28, 2018


ကမ္ဘာဦးကျမ်းသည် သမ္မာကျမ်းစာ၏ “မြေကွက်” ပင်ဖြစ်ပါသည်။ ကမ္ဘာဦးကျမ်း၏ စိတ်ဝင်စားဖွယ်ကောင်းသောပုံရိပ်တစ်ခုမှာ မျက်မှောက်ခေတ်မုသားများစွာကို အဖြေပေးထား ပါသည်။ C. S. Lewis က ၎င်း၏နောက်ဆုံးအချိန်တွင် ဒါဝင်၏ဆင့်ကဲဖြစ်စဉ်သည် မျက်မှောက်ခေတ်အချိန်ကာလတွင် “လိမ်လည်လှည့်ဖြှားမှု၏အချုပ်အချာဖြစ်သည်” ဟု ဆိုပါ သည်။

ဒါဝင်၏ဆင့်ကဲ့ဖြစ်စဉ်နှင့်ဆိုင်သောမုသားကို ကမ္ဘာဦးကျမ်းက နည်းလမ်းနှစ်မျိုးဖြင့် ပြန်လည်ချေပသည်။ ပထမအချက်မှာ - တိရိစ္ဆာန်များနှင့်အပင်များသည် ဘုရားသခင်က တိုက်ရိုက်ဖန်ဆင်းထားကြောင်းကို ကျွန်ုပ်တို့အား ထပ်ခါထပ်ခါ မိန့်ဆိုထားပါသည်။ ဒုတိယအ ချက်အနေဖြင့်- အပင်နှင့်တိရိစ္ဆာန်အားလုံးတို့သည် “၎င်းတို့၏အမျိုးအလိုက်” သာ မျိုးပွါးနိုင် ကြောင်း မိန့်ဆိုထားပါသည်။ တိရိစ္ဆာန်နှင့်အပင်များသည် ၎င်းတို့ဒ “အမျိုး” အတွင်း၌သာ မျိုး ပွါးနိုင်ကြသည်။ ဤအရာက မျိုးပွါးခြင်းသည် ၎င်းတို့၏ “အမျိုး” အလိုက်သာဖြစ်သည် ဟုဆို သော ဆင့်ကဲဖြစ်စဉ်သီအိုရီကို ပြန်လည်ချေပသည်။ ဆင့်ကဲပြောင်းလဲခြင်း၏အား အနည်းဆုံး သော ငြင်းခုံမှုမှာ တစ်“မျိုး” ကနေ အခြားတစ်မျိုးသို့ မျိုးပွါးနိုင်သည်ဟုသော အယူအဆပင် ဖြစ်ပါသည်။ ထိုတစ် “မျိုး” က အခြားတစ်မျိုးထဲသို့ တစ်ဆင့်ပြီးတစ်ဆင့် တိုးတက်ပြောင်းလဲ လာနိုင်သည်ဟူသော အယူပင်ဖြစ်ပါသည်။ အဆိုပါအချက်ကို သက်သေပြနိုင်ခြင်းတော့ မရှိ ပါ။ ထို့ကြောင့် ကမ္ဘာဦးကျမ်းက ဆင့်ကဲပြောင်းလဲခြင်းဖြစ်စဉ်၏အခြေခံအယူအဆသည် လုံး၀ မုသားသာဖြစ်သည်ကို ထင်ရှားစေသည်။ ခွေးသည် မြင်းတစ်ကောင် အဖြစ် ပြောင်းလဲလာစ ရာ အကြောင်းမရှိပါ။ သိမ်းငှက်သည် ကြက်ကလေးဖြစ်လာစရာ အကြောင်းမရှိပါ။ တစ် “မျိုး” မှ အခြားတစ်မျိုးသို့ ကူးပြောင်းခြင်းလုံးဝမရှိပါ။ ဆင့်ကဲပြောင်းလဲခြင်းအယူအဆသည် ညစ် ညမ်းသောအယူအဆဖြစ်ကြောင်းကို ကမ္ဘာဦးကျမ်းက သက်သေပြပါသည်။

ဒုတိယအချက် လူသားတို့ကို ၎င်းတို့၏ပတ်ဝန်းကျင်က ဖြစ်ပေါ်စေသည်ဟုဆိုသော မုသားကို ကမ္ဘာဦးကျမ်းက ပြန်လည်ခြေပထားသည်။ ကျွန်ုပ်တို့၏ပထမဆုံးသောမိဘများ သည် စုံလင်သောပတ်ဝန်းကျင်တစ်ခုတွင် နေထိုင်အသက်ရှင်ခဲ့ကြသည်။ သို့ရာတွင် သူတို့ သည် အပြစ်သားများဖြစ်လာကြပါသည်။ ၎င်းတို့၏ပထမဆုံးမွေးသော ကလေးသည်လည်း လူသတ်သမားသာဖြစ်ခဲ့သည်။

တတိယအချက်က မကောင်းသောပြဿနာသည် နားလည်ဖို့မဖြစ်နိုင်ဟူသော အယူ အဆကို ကမ္ဘာဦးကျမ်းက ချေပလိုက်ပါသည်။ ဧဒင်ဥယျာဉ်သည် နတ်ဆိုးနှင့်စာတန်တို့များစွာ ကျင်လည်ရာနေရာဖြစ်ပါသည်။ စာတန်သည် မြွေတွင်ကျိန်းအောင်ပြီး အပြစ်သို့ရောက်ရန် ဧ၀ ကို သွေးဆောင်ခဲ့သည်။ “နိဖိလင်” အခန်းကြီး ခြောက်သည် နတ်ဆိုးစွဲသောလူများသည် ပုံမှန်အမျိုးသမီးများနှင့်အတူ ပေါင်းသင်းဆက်ဆံခြင်း၏ထုတ်ကုန်အကြောင်း ရေးသားထားပါ သည်။ ထို့ကြောင့် မကောင်းမှု “ပြဿနာ” သည် မုသာဖြစ်ပြီး စာတန်နှင့်နတ်ဆိုးတို့၏စစ်မှန် သောဖြစ်ခြင်းထဲသို့ကျဆုံးသော မျက်မှောက်ခေတ်လူတို့၏အကြံအစည်ပင်ဖြစ်ပါသည်။

စတုတ္ထအချက်မှာ ခေတ်သစ်အတတ်ပညာနှင့်ဆိုင်သော စုစည်းခြင်းသီအိုရီကို မုသာ အဖြစ် ကမ္ဘာဦးကျမ်းက ဖော်ပြထားပါသည်။ ကမ္ဘာမြေကြီးက တစ်လောကလုံးရေလွှမ်းမိုးခြင်း အကြောင်း သက်သေအထောက်အထားကို ပေးထားသည်။ တစ်ညီတစ်ညွှတ်တည်းရှိသည် ဟူသော အယူဝါဒရှိသူများက “ရှိသမျှတိုင်းသည် ဖန်ဆင်းခြင်းအစကဲ့သို့ပင် ဆက်လက်တည် ရှိနေသည်” ဟု ဆိုကြသည်။ ( ၂ ပေ ၃း ၄ ) သူတို့က နောဧခေတ်ကာလက ရေလွှမ်းမိုးခြင်းကို “ဆန္ဒရှိရှိ ငြင်းပယ်ခဲ့ကြပါသည်။ ခေတ်သစ်နည်းပညာက ကင်ရွမ်းကြီးကဲ့သို့သောအရာ၏ဖြစ် တည်လာပုံ ရှင်းလင်းရာတွင် မယုံနိုင်စရာဖြစ်ပါသည်။ သို့မဟုတ် ပင်လယ်သတ္တဝါတို့၏ ကျောက်ဖြစ်ရုပ်ကြွင်းသည် မြင့်မားသောတောင်ထိပ်ပေါ်တွင် ပေါ်လာပုံကို မယုံနိုင်စရာရှင်းပြ ထားသည်။ ထို့ကြောင့် ကမ္ဘာဦးကျမ်းက ခေတ်သစ်နည်းပညာနောက်ကွယ်ရှိမုသားများကို ချေပထားပါသည်။

ပဥ္စမအချက်မှာ လူသားတို့၏ကျဆုံးခြင်းကိုလည်း ယုံလောက်အောင် မရှင်းပြနိုင်ပေ။ ရှိသမျှသောသီအိုရီတို့ကို မုသာအဖြစ်သက်သေပြခဲ့ကြပြီးဖြစ်သည်။ အကြောင်းမှာ ကမ္ဘာဦး ကျမ်းက လူသည် ၎င်း၏မူလဖြောင့်မတ်ခြင်းထဲကနေ ခေတ်သစ်ကမ္ဘာထဲတွေ့နေရသော ချွတ်ယွင်းချက်ရှိသောအခြေအနေထဲသို့ ကျဆင်းသွားပုံကို အသေးစိတ်ဖော်ပြထားပါသည်။ “အကြောင်းမူကား၊ ထိုသူတို့သည် ဘုရားသခင်ကို သိလျက်ပင်၊ ဘုရားသခင်ကို ချီးမွမ်းသင့် သည်အတိုင်းမချီးမွမ်း၊ ကျေးဇူးတော်ကိုလည်း မသိမမှတ်၊ အချည်းနှီးတွေးဆခြင်း၊ သတိမရှိ စိတ်နှလုံးမိုက်မဲခြင်းသို့ရောက်ကြ၏။” ( ရောမ ၁း ၂၁ ) ထို့ကြောင့် ခေတ်သစ်စိတ်ပညာ၏မတူ ညီသောသီအိုရီများကို အလိမ်အညာအဖြစ် ကမ္ဘာဦးကျမ်းက သက်သေပြထားပါသည်။

ယနေ့ညတွင် ဤမုသားကို အသေးစိတ်လေ့လာကြမည်။ ကမ္ဘာဦးကျမ်း ၃း ၁-၁၀ ကို ကြည့်ကြပါစို့။

“မြွေသည် ထာဝရအရှင် ဘုရားသခင် ဖန်ဆင်းတော်မူသော မြေ တိရစ္ဆာန်တကာတို့ထက် လိမ္မာသည်ဖြစ်၍၊မိန်းမအား၊သင်တို့သည် ဥယျာဉ်၌ရှိသမျှသော အပင်တို့၏အသီးကို မစားရဟု ဧကန်စင်စစ် ဘုရားသခင် မိန့်တော်မူသလောဟု မေး၏။ မိန်းမကလည်း၊ ငါတို့ သည် ဥယျာဉ်၌ရှိသော အပင်တို့၏အသီးကို စားရသောအခွင့်ရှိ ၏။ ဥယျာဉ်အလယ်၌ရှိသော အပင်၏အသီးကိုကား၊ သင်တို့သည် မကိုင်မစားဘဲနေကြလော့။ သို့မဟုတ် သေမည်ဟု ဘုရားသခင် အမိန့်တော်ရှိသည်ဟု မြွေအားဆို၏။ မြွေကလည်း၊ သင်တို့သည် ဧကန်အမှန်သေရမည်မဟုတ်။ အကြောင်းမူကား၊ ထိုအသီးကို စားသောနေ့၌ သင်တို့သည် မျက်စိပွင့်လင်းလျက် ကောင်းမ ကောင်းကိုသိ၍၊ ဘုရားသခင်ကဲ့သို့ဖြစ်ကြလတံ့သည်ကို၊ ဘုရား သခင်သိတော်မူသည်ဟု မိန်းမအား ဆို၏။ ထိုအပင်သည် စား ဘွယ်ကောင်းခြင်း၊ အဆင်းလည်းလှခြင်း၊ ပညာတိုးပွါးစေလိုသော ငှါ၊ နှစ်သက်ဘွယ်သောအပင်ဖြစ်ခြင်းကို မိန်းမသည်မြင်လျှင်၊ အ သီးကိုယူ၍စား၏။ မိမိခင်ပွန်းအားလည်းပေး၍ သူသည်လည်း စား ၏။ ထိုသူနှစ်ယောက်တို့သည် မျက်စိပွင့်လင်း၍၊ မိမိတို့၌ အဝတ် အချည်းစည်းရှိသည်ကို သိမြင်လျှင်၊ မိမိတို့ဝတ်ရန်ဘို့ သင်္ဘော သဖန်းပင်အရွက်တို့ကို ချုပ်စပ်၍ ခါးစည်းကိုလုပ်ကြ၏။နေဧသော အချိန်တွင် ထိုဥယျာဉ်၌ ထာဝရအရှင်ဘုရားသခင် ကြွတော်မူ သောအသံကို လူလင်မယားတို့သည်ကြားလျှင်၊ အသံတော်မှ လွတ်ခြင်းငှါ၊ ဥယျာဉ်အပင်တို့တွင် ပုန်းကွယ်လျက် နေကြ၏။ ထာ ဝရအရှင်ဘုရားသခင်ကလည်း၊ သင်သည် အဘယ်မှာရှိသနည်း ဟု လူကို ခေါ်တော်မူ၏။ လူကလည်း၊ ဥယျာဉ်၌ ကိုယ်တော်၏အ သံကို ကျွန်တော်ကြားလျှင်၊ အဝတ်အချည်းစည်းရှိသောကြောင့် ကြောက်၍ ပုန်းလျက်နေပါသည်ဟု လျှောက်လေ၏။” ( ကမ္ဘာဦး ၃း ၁- ၁၀ )

Arthur W. Pink ဗြိတိန်ဓမ္မပညာရှင်နှင့်ကျမ်းစာ အနက်ဖွင့်သူဖြစ်ပါသည်။ Pink က ကမ္ဘာဦးကျမ်း အခန်းကြီးသုံးသည် ဘုရားနှုတ်ကပတ်တော်တစ်ခုလုံးရှိ အရေးအကြီးဆုံးသော အခန်းကဏ္ဍတွင် တစ်ခုအပါအဝင်ဖြစ်သည်ဟု ဆိုပါသည်။

ဤအရာမှာ “သမ္မာကျမ်းစာ၏မြေကွက်” ဖြစ်သည်။ ကျွန်ုပ်တို့ယုံ ကြည်ခြင်း၏မူလခံယူချက်များစွာတည်နေသော အုတ်မြစ်သည် ဤနေရာတွင်ရှိသည်။ ဘုရားသမ္မာတရားမြစ်ရေ၏အရင်းအမြစ် များဆီသို့ ကျွန်ုပ်တို့ပြန်၍ ခြေရာကောက်သည်။ လူ့သမိုင်းတွင် ပြန်လည်လုပ်ဆောင်သော ဒရမ်မာကြီးများကိုလည်း မှတ်ချက်ပြု ထားပါသည်။ မျက်မှောက်ခေတ် ကျရှုံးပြီးပျက်စီးသောလူသားအ ခြေအနေအပေါ် ဘုရားသခင်၏ရှင်းလင်းချက်ကို တွေ့ရှိရသည်။ ရန်သူ၊ မာရ်နတ်၏ သွေးဆောင်ဖြားယောင်းမှုအကြောင်းကိုလည်း တွေ့ရှိရပါသည်။… လူသားတို့၏ကိုယ်ပိုင်ကြိုးစားလုပ်ဆောင်မှု ဖြင့် အရှက်ကိုဖုံးအုပ်ရန် လူသားတို့၏လုပ်ဆောင်မှုကိုလည်း ထင် ရှားစေပါသည်။ (Arthur W. Pink, ကမ္ဘာဦးကျမ်းမှကောက်နှုတ် ချက်၊ Moody Press, ၁၉၈၁၊ စာ- ၃၃ )

အခန်းကြီးသုံးက စာတန်သည် ဧဒင်ဥယျာဉ်ထဲသို့ဝင်လာပြီး တရားမစီရင်သေးသော မြွေ၏နှုတ်၌ တည်ရှိပြီး စကားပြောကြောင်း မိန့်ဆိုထားပါသည်။ စာတန်သည် အာဒံကိုစကား ပြောပြီး ဘုရားသခင်က အာဒံအားမိန့်တော်မူသောစကားအပေါ် သံသယကိုပွါးစေလျက် ဘု ရားသခင်ပေးသောနှုတ်ကပတ်တော်ကို ရစ်သီရစ်သီဖြင့် ကွေ့ကောက်စေကြောင်းနှင့် သင် သည် တားမြစ်ထားသောအပင်တည်းဟူသော “ကောင်းမကောင်းသိကျွမ်းရာအပင်၏အသီး” ကို စားလျှင်ပင် “သေမည်မဟုတ်” ဟု ပြောဆိုသည်။

စာတန်သည် ယခုအချိန်၌ မုသား၏ဆရာတစ်ဆူအဖြစ်ရှိနေသည်ကို သတိရသင့်ပါ သည်။ ဗျာဒိတ်ကျမ်း၌ သမ္မာကျမ်းစာဖော်ပြထားသည်မှာ ဤသို့ဖြစ်သည်။

“သူ၏အမြှီးသည် ကောင်းကင်ကြယ် သုံးစုတစုကို ဆွဲငင်၍ မြေကြီး သို့ချလိုက်၏၊….” ( ဗျာဒိတ် ၁၂း ၄ )

ထိုကျမ်းပိုဒ်၏အဓိပယ်ကို နောက်ပိုင်းအနည်းငယ်သွား၍၊ ဗျာဒိတ် ၁၂း ၉ တွင် ရှင်းလင်းစွာ ဖော်ပြထားပါသည်။

“ဤလောကတနိုင်ငံလုံးကိုလှည့်ဖြား၍ မာရ်နတ်စာတန်အမည်ရှိ သော ရှေးမြွေဟောင်းတည်းဟူသော နဂါးကြီးကို၎င်း၊ သူနှင့်အတူ သူ၏တမန်ကို၎င်း မြေကြီးသို့ချလိုက်ကြ၏။” ( ဗျာဒိတ် ၁၂း ၉ )

ဒေါက်တာ Henry M. Morris က ဤသို့ဆိုသည်။

ဤနေရာတွင် နဂါးသည် ဧဒင်အရပ်ရှိ မြွေ ( ကမ္ဘာဦး ၃း ၁ ) နှင့် ယေရှုကို သွေးဆောင်သောမာရ်နတ် ( သဲကန္တာရ၌ ) ကို ပုံဆောင် ထားခြင်းဖြစ်ပါသည်။ (Henry M. Morris, Ph.D., The Defender’s Study Bible, World Publishing, ၁၉၉၅၊ စာ- ၁၄၄၈၊ ဗျာဒိတ် ၁၂း ၉ မှတ်စု )

စာတန်သည် ဘုရားသခင်ကို ဆန့်ကျင်ပြီး ဘုရားသခင်၏ရာဇပလ္လင်ကိုလုယူရန် ကြိုး စားသဖြင့် ကောင်းကင်မှနှင်ထုတ်ခြင်းကို ခံရပါသည်။ ( ဟေရှာယ ၁၄း ၁၂- ၁၅၊ ယေဇကျေ ၂၈း ၁၃- ၁၈ ) စာတန်သည် ကောင်းကင်ဘုံမှ မြေကြီးသို့နှင်ထုတ်ခံရပြီး ထိုအရပ်တွင် ဤသို့ ဖြစ်လာခဲ့သည်။

“….အာကာသကောင်းကင်၏တန်ခိုးကို အစိုးရသောမင်းတည်းဟူ သော ငြင်းထန်သောသူတို့၌ပြုပြင်သော ဝိညာဉ်၏အလိုတော်နှင့် အညီ”
     ( ဧဖက် ၂း ၂ )

ဘုရားသခင်ကိုဆန့်ကျင်ရာတွင် စာတန်နောက်လိုက်သော ကောင်းကင်တမန်များ ကား အဘယ်သို့နည်း။ ဗျာဒိတ် ၁၂း ၉ က ဤသို့ဆိုပါသည်။

“သူနှင့်အတူ သူ၏တမန်ကို၎င်း မြေကြီးသို့ချလိုက်ကြ၏။” ( ဗျာဒိတ် ၁၂း ၉ )

ကောင်းကင်တမန်မည်မျှက စာတန်နှင့်အတူ ပုန်ကန်သနည်း။ အရေအတွက်အားဖြင့် မည်မျှ ကို မြေကြီးပေါ်သို့ ပစ်ချခဲ့သနည်း။ ဗျာဒိတ် ၁၂း ၄ က ဤသို့ဆိုပါသည်။

“သူ၏အမြှီးသည် ကောင်းကင်ကြယ် သုံးစုတစုကို ဆွဲငင်၍ မြေကြီး သို့ချလိုက်၏။” ( ဗျာဒိတ် ၁၂း ၄ )

ဒေါက်တာ Morris က ဤသို့ဆိုပါသည်။

ဗျာဒိတ် ၁၂း ၉ တွင်တွေ့ရသော “ကောင်းကင်၌ရှိသော ဤကြယ် များသည်” စာတန်၏ကောင်းကင်တမန်များအဖြစ် ထင်ရှားကြပါ သည်။ (Morris, ၎င်း၊ စာ- ၁၄၄၇ )

ထို့ကြောင့်၊ ကောင်းကင်ဘုံ၌ရှိသော ကောင်းကင်တမန် သုံးပုံတစ်ပုံသည် ၎င်းတို့၏ခေါင်း ဆောင်စာတန်နှင့်အတူ ပုန်ကန်မှုကိုပြုကြသဖြင့် မြေကြီးပေါ်သို့စွန့်ပစ်ခံခဲ့ကြရသည်။ ထိုမှ မြေကြီးပေါ်၌ အမှုတော်လုပ်ဆောင်ရာတွင် ယေရှုမကြာခဏရင်ဆိုင်တွေ့ရလေ့ရှိသော နတ် ဆိုးများဖြစ်လာကြသည်ဟု ယုံကြည်ပါသည်။

စာတန်သည် ဤကောင်းကင်တမန်များကို လိမ်လည်လှည့်ဖြားသည်။ သူသည် ဧဒင် ဥယျာဉ်၌ အာဒံနှင့်ဧဝကို “သင်တို့သည် ဘုရားဖြစ်ကြလိမ့်မည်” ( ကမ္ဘာဦး ၃း ၅ )) ဟု တင်ပြ ထားသည့်မုသာ အမျိုးအစားကို အသုံးပြုမည်မှာ သံသယဖြစ် စရာပင်မလိုပါ။ သူတို့က နတ်ဆိုး၏မုသာကို ယုံကြသည်။ သို့သော် သူတို့သည် “ဘုရားတော့ဖြစ်မလာကြပေ။” လုံး၀ ဖြစ်မလာကြပါ။ သူတို့သည် အလွန့်အလွန်မသန့်ရှင်းသောနတ်ဆိုးများဖြစ်လာကြပြီး အမျက်၊ တပ်မက်ခြင်းနှင့်ဒေါသဖြင့် ဟိန်းဟောက်နေသောသူများသာဖြစ်လာသည်။

စာတန်သည် ကောင်းကင်တမန်များကို ဘုရားသခင်အား ပြစ်မှားရန် လိမ်လည်လှည့် ဖြားသည်အတိုင်း လူတို့ကိုလည်း လိမ်လည်လှည့်ဖြားသည်။ ထိုကောင်းကင်တမန်များကို သွေးဆောင်သည့်နည်းလမ်းကိုအသုံးပြုထားသည်။ သူတို့ကို ပျက်စီးစေသည့်အရာများမှာ ဧဒင်ဥယျာဉ်၌ အာဒံနှင့်ဧဝကိုလှည့်ဖြားရန် အသုံးပြုထားသော မှားယွင်းသည့်အယူအဆများ ကိုသာအသုံးပြုထားပါသည်။ ကမ္ဘာဦး ၃း ၄- ၅ ကို ကြည့်ကြပါစို့။

“မြွေကလည်း၊ သင်တို့သည် ဧကန်အမှန်သေရမည်မဟုတ်။ အ ကြောင်းမူကား၊ ထိုအသီးကို စားသောနေ့၌ သင်တို့သည်မျက်စိ ပွင့်လင်းလျက် ကောင်းမ ကောင်းကိုသိ၍၊ ဘုရားသခင်ကဲ့သို့ဖြစ် ကြလတံ့သည်ကို၊ ဘုရားသခင်သိတော်မူသည်ဟု မိန်းမအား ဆို ၏။”
     ( ကမ္ဘာဦး ၃း ၄-၅ )

တူညီသောငြင်းဆိုချက်၊ တူညီသောမုသားကို အသုံးပြုခြင်းမှာ ကောင်းကင်ဘုံ၌ရှိသော ကောင်းကင်တမန်သုံးပုံတစ်ပုံကို ဆောင်ယူပြီး ၎င်းတို့၏မြှင့်တင်သောအဆင့်အတန်းထဲက ကြီးမားသောကျဆုံးမှုကိုဖြစ်စေသည်။

ယခုတွင် သူသည် ဘုရားသခင့်နှုတ်ကပတ်တော်ကို မူရင်းပျက်ယွင်းစေခြင်းဖြင့် ကျွန်ုပ်တို့၏ဘိုးဘေးများထံသို့ မုသားကို ဆောင်ယူလာခဲ့သည်။ ထို့အပြင် ကောင်းကင်တမန် များကဲ့သို့ပင် ကျွန်ုပ်တို့၏ဘိုးဘေးများကို ဧဒင်ဥယျာဉ်၌ သူ့မုသာကို အယုံသွင်းပြီး “အဘ၏ မုသားများ” ကိုယုံကြည်သောကောင်းကင်တမန်များကဲ့သို့ ကြမ္မာဆိုးကို ရင်ဆိုင်ကြုံတွေ့လာ ကြသည်။ ထိုအကြောင်းမှာ ယေရှုသည် ဖာရိရှဲများကိုပြောဆိုသောအခါ စာတန်များဟုဆိုပါ သည်။

“သင်တို့သည် သင်တို့အဘတည်းဟူသော မာရ်နတ်မှဆင်းသက် ကြ၏။ သင်တို့အဘ၏အလိုသို့ လိုက်တတ်ကြ၏။ မာရ်နတ်သည် ရှေးဦးစွာမှစ၍ လူအသက်ကိုသတ်သောသူဖြစ်၏။ သူ၌ သစ္စာတ ရားမရှိသောကြောင့် သစ္စာတရား၌ မတည်မနေ။ သူသည် မုသာ စကားကိုပြောသောအခါ မိမိပကတိအတိုင်းပြော၏။ မုသာစကား၌ ကျင်လည်သောသူဖြစ်၏။ မုသာ၏အဘလည်းဖြစ်၏။” ( ယော ဟန် ၈း ၄၄ )

ထိုကျမ်းပိုဒ်တွင် ယေရှုက စာတန်နှင့်ပတ်သက်ပြီး အရေးကြီးသောအချက်နှစ်ချက်ကို မိန့်ဆို ထားပါသည်။ ( ၁ ) “သူသည် အစကတည်းက လူ့အသက်ကိုသတ်သည်။ ( ၂ ) သူသည် လိမ် လည်သောသူဖြစ်ပြီး မုသာအဘလည်းဖြစ်ပါသည်။”

စာတန်က သူ့နောက်သို့လိုက်ရန် သွေးဆောင်သောအခါ ကောင်းကင်တမန်များကို လှည့်ဖြားခဲ့သည်။ ဧဒင်ဥယျာဉ်ရှိ တားမြစ်ထားသောအပင်၏အသီးကိုစားရန် အာဒံနှင့်ဧဝကို လှည့်ဖြားချိန်တွင် စာတန်သည် မုသားကိုသုံးခဲ့သည်။

စာတန်သည် “အစကတည်းက လူ့အသက်ကိုသတ်သောသူ” ဖြစ်သည်။ သူ၏လှည့် ဖြားသောလျှာဖြင့် သူ့နောက်သို့လိုက်သော ကောင်းကင်တမန်များကို “သတ်ဖြတ်” ခဲ့သည်။ “သူ၏ကောင်းကင်တမန်များ” ကိုသတ်သည်။ အကြောင်းမှာ သူတို့ကို ကောင်းကင်မှ မြေကြီး ပေါ်သို့ ပစ်ချခြင်းခံရကြပါသည်။ ထိုမြေကြီးတွင် “မာရ်နတ်နှင့်၎င်း၏တမန်များအတွက်ပြင် ဆင်ထားသော” (မဿဲ ၂၅း ၄၁) မီးငရဲကို စောင့်လျက်နေကြပါသည်။ “သူသည် အစက တည်းက လူ့အသက်ကိုသတ်သည်။” သူသည် ကောင်းကင်ဘုံရှိ သုံးပုံတစ်ပုံသော ကောင်း ကင်တမန်များသာ “သတ်သည်” မဟုတ်၊ ၎င်း၏လှည့်ဖြားတတ်သောမုသားအားဖြင့် လူသား မျိုးနွယ်တစ်ခုလုံးကိုလည်း သတ်ဖြတ်ခဲ့ပါသည်။ ယေရှုက ဤသို့မိန့်တော်မူခဲ့ပါသည်။

“မာရ်နတ်သည် ရှေးဦးစွာမှစ၍ လူအသက်ကိုသတ်သောသူဖြစ်၏။ သူ၌ သစ္စာတ ရားမရှိသောကြောင့် သစ္စာတရား၌ မတည်မနေ။…”
    ( ယောဟန် ၈း ၄၄ )

စာတန်သည် ကျဆုံးစဉ်ခါ သုံးပုံတစ်ပုံသော ကောင်းကင်တမန်များကို ဖျက်ဆီးခဲ့သည်။ ထို့အ ပြင် လူသားများသည် အသက်ရှင်သောဘုရားသခင်ကို ဆန့်ကျင်ဖီဆန်ပြီး ကမ္ဘာဦးကျမ်း ၃း ၁- ၁၀ တွင် မှတ်တမ်းတင်ထားသည့်အတိုင်း လူသားတို့၏ကျဆုံးခြင်းကံကြမ္မာ၌ မာရ်နတ်၏ နောက်သို့လိုက်လျက် ကျူးလွန်သောအပြစ်ဒုစရိုက်ကြီးအားဖြင့် ထောင်ချောက်ဆင်ခြင်းဖြင့် လူသားမျိုးနွယ်တစ်ခုလုံးကို “သတ်ဖြတ်ခဲ့” သည်။

အာဒံသည် ပြစ်မှားကျူးလွန်သည့်အချိန်တွင် သာမာန်လူသားမဟုတ်ခဲ့ပါ။ လူသားမျိုး နွယ်တစ်ခုလုံး၏ဦးခေါင်း၊ ဗဟိုအချုပ်ဖြစ်တော်မူခဲ့သည်။ စာတန်၏ပုန်ကန်မှုသည် ကောင်း ကင်ဘုံရှိ သုံးပုံတစ်ပုံသောကောင်းကင်တမန်များအပေါ် ထိခိုက်မှုရှိခဲ့သလိုမျိုး ကျဆုံးခြင်း၌ အာဒံ၏ပုန်ကန်မှုနှင့်အပြစ်ဒုစရိုက်သည်လည်း အခြားသူများအပေါ် အကျိုးသက်ရောက်မှုကြီး ပါသည်။ လူသားမျိုးနွယ်တစ်ခုလုံးသည် ၎င်းတို့၏ဗဟိုအချုပ်ကျဆုံးသည်အတိုင်း အာဒံ၌ ကျ ဆုံးခဲ့ကြပါသည်။ ကလေးသူငယ်များအတွက် ရှေးဟောင်းသန့်ရှင်းသူအခြေခံစာအုပ်က “အာဒံ၏ကျဆုံးခြင်း၌ ကျွန်ုပ်တို့ပြစ်မှားကျူးလွန်ကြသည်” ဟု မှန်မှန်ကန်ကန်ဆိုသည်။ စာတန်၏မုသားကိုယုံကြည်လျက် တားမြစ်ထားသောအသီးကို စားသုံးခြင်းအားဖြင့် အာဒံ သည် ၎င်း၏မျိုးဆက်တိုင်းတွင် သေခြင်းကို ရောက်ရှိစေခဲ့သည်။ လူသားမျိုးနွယ်တစ်ခုလုံးကို ပျက်စီးစေသည်။ တမန်တော်ရှင်ပေါလုက ထိုအကြောင်းကို ဤသို့ဆိုပါသည်။

“အပြစ်တရားသည် တယောက်သောသူအားဖြင့် ဤလောကသို့ဝင် ၍၊ အပြစ်တရားအားဖြင့် သေခြင်းတရားဝင်သည်နှင့်အညီ လူအ ပေါင်းတို့သည် အပြစ်ရှိသောကြောင့် သေခြင်းသို့ရောက်ရကြ၏။” ( ရောမ ၅း ၁၂ )

အာဒံပြစ်မှားသောအပြစ်၏အကျိုးဆက်အနေဖြင့် လူသားမျိုးနွယ်အားလုံးအပေါ်တွင် အတိုင်းမသိဖြစ်သွားသည်။ ကျဆုံးခြင်းမတိုင်မီတွင် ဘုရားသခင်နှင့်လူတို့သည် မိဿဟာရပြု ကြသည်။ ကျဆုံးခြင်းနောက်ပိုင်းတွင် ထိုမိဿဟာရပျက်သုဉ်းသွားခဲ့သည်။ သူတို့သည် ဘုရားသခင်ထံမှ လဲပြိုသွားကြသည်။ ကျဆုံးခြင်းနောက်ပိုင်းတွင် သူတို့သည် ဘုရားသခင်ထံ မှ ပုန်းရှောင်ရန် ကြိုးစားအားထုတ်ခဲ့ကြပါသည်။

ကျဆုံးခြင်းမတိုင်မီ လူသည် အပြစ်မဲ့လျက် သန့်ရှင်းသောသူဖြစ်ကြပါသည်။ အာဒံနှင့် ဧဝတို့သည် အပြစ်သဘာဝကို နားလည်ခြင်းလည်းမရှိပါ။ သို့ရာတွင် ကျဆုံးခြင်းနောက်ပိုင်း တွင် သူတို့သည် အပြစ်နှင့်ပြည့်နှက်ပြီး ရှက်ကြောက်ခြင်းလည်း ပြည့်နေပါသည်။ ထိုအ ကြောင်းကို တမန်တော်ရှင်ပေါလုက ဤသို့ဆိုပါသည်။

“အပြစ်တရားသည် တယောက်သောသူအားဖြင့် ဤလောကသို့ဝင် ၍၊”
    ( ရောမ ၅း ၁၂ )

အထက်ပါကျမ်းပိုဒ်က “အပြစ်များ” သည် ဤလောကသို့ဝင်လာသည်ဟု မဆိုပါ။ “အပြစ်”၊ အ နည်းကိန်းကိုသာ ရည်ညွှန်းပါသည်။ အားဒံသည် ဆိုးသည့် ပုံဥပမာကိုထားခြင်းဖြင့် လောက ကြီးထဲသို့ အပြစ်ကို ဆောင်ယူလာခြင်းမဟုတ်ပါ။ ၎င်း၏အပြစ်လုပ်ဆောင်ခြင်းသည် သဘာ၀ ကို အပြောင်းအလဲဖြစ်စေပါသည်။ သူ၏စိတ်နှလုံးသည် ဆိုးသွင်းမှုရှိလာသည်။

လူတို့ကျဆုံးခြင်းမတိုင်မီ လူသည် အသက်ပင်ကိုစားသုံးပြီး ထာဝရအသက်ရှင်ရန်ဖြစ် သည်။ ( ကမ္ဘာဦး ၂း ၉၊ ၃း ၂၂ ) ကျဆုံးခြင်းနောက်ပိုင်းတွင် ခန္ဒာသေခြင်းသည် အာဒံကျူးလွန် သောအပြစ်၏အစိတ်အပိုင်းဖြစ်လာပါတော့သည်။ ရောမ ၅း ၁၂ က ဤသို့ဆိုသည်။

“အပြစ်တရားသည် တယောက်သောသူအားဖြင့် ဤလောကသို့ဝင် ၍၊ အပြစ်တရားအားဖြင့် သေခြင်းတရားဝင်သည်နှင့်အညီ ….။” ( ရောမ ၅း ၁၂ )

အထက်ပါကျမ်းပိုဒ်က ဝိညာဉ်နှင့်ခန္ဒာသေခြင်းနှစ်ခုစလုံးကို ရည်ညွှန်းသည်။ အာဒံပြစ်မှား ကျူးလွန်ပြီးနောက်တွင် ဘုရားသခင်က ဤသို့ဆိုသည်။

“….သင်ထွက်ရာမြေသို့မပြန်မှီတိုင်အောင်၊သင်၏မျက်နှာမှ ချွေးထွက်လျက်။” ( ကမ္ဘာဦး ၃း ၁၉ )

ထို့ကြောင့် ခန္ဒာနှင့်ဝိညာဉ်သေခြင်းနှစ်ခုစလုံးသည် အာဒံပြစ်မှားသောအပြစ်၏အကျိုးဆက် ဖြစ်ပါသည်။

အာဒံကျူးလွန်သောအပြစ်၏အကျိုးဆက်အနေဖြင့် အပြစ်သည် လူသားများထံသို့ ဝင်ရောက်လာခဲ့သည်။ ထို့ကြောင့် လူသားအားလုံးသည် အပြစ်ဖြင့် မွေးဖွါးလာပြီး အာဒံ၏အ ပြစ်အမွေကို ခံကြသည်။ သမ္မာကျမ်းစာက ဤသို့ဆိုသည်။

“အကြောင်းမူကား၊ အပြစ်တရားသည် တယောက်သောသူအားဖြင့် ဤလောကသို့ဝင်၍၊ အပြစ်တရားအားဖြင့် သေခြင်းတရားဝင် သည်နှင့်အညီ လူအပေါင်းတို့သည်အပြစ်ရှိသောကြောင့် သေခြင်း သို့ရောက်ရကြ၏။” ( ရောမ ၅း ၁၂ )

ကျဆုံးသောလူသား၏အပြစ်သဘာဝကို သမ္မာကျမ်းစာတစ်ခုလုံးတွင် ဖော်ပြထားသည်။

“မပြစ်မှားတတ်သောလူ တယောက်မျှမရှိ။” ( ၃ ရာဇဝင် ၈း ၄၆ )

“အပြစ်မပါဘဲ ကောင်းသောအကျင့်ကိုကျင့်သော သူတော်ကောင်း တစုံတယောက်မျှ မြေကြီးပေါ်မှာမရှိ။” ( ဒေသနာ ၇း ၂၀ )

“ကျမ်းစာလာသည်ကား၊ ဖြောင့်မတ်သောသူမရှိ၊ တယောက်မျှ မရှိ၊ နားလည်သောသူမရှိ။ ဘုရားသခင်ကို ရှာသောသူမရှိ။ လူအ ပေါင်းတို့သည် လမ်းလွဲကြပြီ။ တညီတညွတ်တည်း အသုံးမရ သောသူဖြစ်ကြပြီ။ ကောင်းသောအကျင့်ကိုကျင့်သောသူမရှိ၊ တ ယောက်မျှမရှိ။” ( ရောမ ၃း ၁၀-၁၂ )

“ထိုသို့ဖြစ်၍၊ လောကီသားအပေါင်းတို့သည် စကားတခွန်းကိုမျှ မ ပြောနိုင်ဘဲ ဘုရားသခင်ရှေ့တော်၌ အပြစ်သင့်သောသူဖြစ်ကြ၏။” ( ရောမ ၃း ၁၉ )

“ကိုယ်အပြစ်မရှိဟု ငါတို့သည်ဆိုလျှင်၊ ကိုယ်ကိုကိုယ်လှည့်ဖြား၏။ ငါတို့၌ သစ္စာတရားမရှိ။” ( ၁ ယော ၁း ၈ )

အာဒံ၏အပြစ်ကို လူသားအားလုံးက အမွေခံရသည်။ ဆိုလိုသည်မှာ လူသားမျိုးနွယ် တစ်ခုလုံးကို ဆိုလိုသည်။ လူသားတို့၏ဗီဇပေါင်းစည်းမှုအားဖြင့် ဘုရားသခင်သည် အာဒံပြစ် မှားသောအပြစ်၏အကျိုးဆက်ကို ၎င်း၏မျိုးဆက်အားလုံးထံသို့ ကူးပြောင်းစေသည်။ ထို့ ကြောင့် လူသားအားလုံး ယခုပိုင်ဆိုင်ထားသောသဘာဝသည် ကျဆုံးပြီးနောက် အာဒံပိုင်ဆိုင် ထားသော သဘာဝပင်ဖြစ်ပါသည်။ ရောမ ၅း ၁၂ အရ၊ သေခြင်း ( ဝိညာဉ်နှင့်ခန္ဒာနှစ်ခုလုံး ) သည် လူသားအားလုံးထံသို့ရောက်လာပြီး ဗဟိုအချုပ်ဖြစ်သော အာဒံ၌ လူသားတိုင်း အပြစ် ကျူးလွန်ကြသည်။

လူသားတို့၏ “လုံးဝပျက်စီးခြင်း” ဟု ကျွန်ုပ်တို့ပြောဆိုနေသောအရာဖြစ်ပါသည်။ ဆို လိုသည်မှာ လူသည် ၎င်းတို့၏ပျက်စီးနေသောအခြေအနေတွင် ဘုရားသခင်ကိုချစ်သော မေတ္တာမရှိနိုင်ဟူ၍ဖြစ်သည်။ သူသည် ဘုရားသခင်ထက် မိမိကိုယ်ကိုနှစ်သက်သည်။ သူ့ဖန် ဆင်းရှင်ထက် မိမိက်ိုယ်ကိုချစ်သည်။ လုံးဝပျက်စီးခြင်းဆိုသည်မှာ လူတိုင်းသည် ၎င်း၏သဘာ ဝအခြေအနေတွင် ဘုရားသခင်ကို မနှစ်သက်ပါ။ ဘုရားသခင်ကို ငြင်းဆိုသည်။ ဆန့်ကျင် သည်ဟု ဆိုလိုသည်။

“ဇာတိပကတိစိတ်သဘောသည် ဘုရားသခင်နှင့်ဆန့်ကျင်ဘက် ဖြစ်၏။” ( ရောမ ၈း ၇ )

“ဇာတိပကတိစိတ်” သည် “ပြောင်းလဲခြင်းမရှိသောလူတစ်ဦး”၊ ဒုတိယမွေးခြင်းမခံရသေး သောသူကို ရည်ညွှန်းထားပါသည်။ ( The Geneva Bible ၁၅၉၉၊ ရောမ ၈း ၇ မှတ်စု )

ထို့ကြောင့်၊ ကမ္ဘာဦး အခန်းကြီးသုံးရှိ လူသားတို့၏ကျဆုံးခြင်းသည် သင့်အား တိုက် ရိုက်ထိခိုက်စေပါသည်။ သင်သည် အသင်းတော်၌ ကြီးပြင်းလာသည်ဖြစ်စေ၊ သို့မဟုတ် မကြီး ပြင်းလာသည်ဖြစ်စေ ဘုရားသခင်နှင့်ခရစ်တော်ကို မနှစ်မြို့သည့် သဘာဝကို ဘိုးဘေးအာဒံ ထံမှ တိုက်ရိုက်ရရှိခဲ့ပါသည်။ သင်သည် အတွင်းပိုင်း ပျက်စီးယိုယွင်းခြင်းကို သင်ယူလေ့လာ တွေးတောနေစရာမလိုဘဲ ရရှိပါသည်။ ထို့ကြောင့် ကယ်တင်ခြင်းသည် “အခြားအရပ်” ရင်းမြစ်မှ လာရမည်။ သင်၏အပြင်ဘက်ကနေ လုံးဝလာရမည်။ ၎င်းမှာ ဘုရားသခင်ကိုယ် တိုင်ပင်ဖြစ်ပါသည်။ ဘုရားသခင်သည် သင်၏အတွင်းနှလုံးသားကို နိုးထစေရမည်။ ဘုရား သခင်သည် ကယ်တင်ခြင်းနှင့်ပတ်သက်၍ သင်၏မှားယွင်းသောအယူအဆများကို ညှိုးနွမ်းစေ ရမည်။ သင်၏အတွင်းပိုင်းဆိုးသွင်းမှုကို သိနားလည်စေရမည်။ ဘုရားသခင်သည် သင့်အား ခရစ်တော်ထံသို့ ခေါ်ဆောင်သွားရမည်။ သန့်ရှင်းစေခြင်းနှင့်သင့်အထဲ၌ အသစ်တဖန် မွေးဖွါး စေခြင်းအတွက်ဖြစ်သည်။ သင်သည် အာဒံ၏အပြစ်ကြောင့် “နောက်ဆုံးအာဒံ” တည်းဟူ သော ခရစ်တော်မှတပါး အဘယ်သူမျှ မကယ်တင်နိုင်ပါ။ ၎င်းသည် ကျေးဇူးတော်အားဖြင့် ခရစ်တော်ကြောင့် ကယ်တင်ခြင်းဟု ခေါ်တွင်သည်။ ကျွန်ုပ်ယုံကြည်လက်ခံဟောပြောသော အရာလည်းဖြစ်ပါသည်။

အာဒံမကျဆုံးမီ ဘုရားသခင်နှင့်စုံလင်သောမိဿဟာရကို ရရှိသည်။ သူသည် ဘုရား သခင်နှင့်မိတ်ဆွေတစ်ဦးကဲ့သို့ လျှောက်လှမ်းသည်။ သို့သော် ပြစ်မှားကျူးလွန်ပြီးနောက်တွင် အာဒံနှင့်ဇနီးဖြစ်သူ ဧဝတို့မှာ ဥယျာဉ်တွင်းရှိသစ်ပင်များကြားတွင် ဘုရားသခင့်အထံတော်မှ ပုန်းရှောင်လျက်နေကြသည်။

သင်သည် အာဒံ၏သားတစ်ယောက်ဖြစ်သည်။ ထိုအကြောင်းကြောင့် ဘုရားသခင်နှင့် ပတ်သက်၍ သင်တွေးခေါ်မြော်မြင်မှုသည် မှားယွင်းနေသည်။ ဘုရားသခင်ကို ယုံကြည်ကိုး စားမည့်အစား သင်၏ဘေးအာဒံပြုခဲ့သည်အတိုင်း ဆန့်ကျင်တိုက်ခိုက်သည်။ ပုန်းရှောင်သည်။ ထို့ကြောင့် သင်သည် ခရစ်တော်ကို ကိုးစားရန် ကြိုးစားအားထုတ်သောအခါ တစ်ခုပြီး တစ်ခု အမှားကျူးလွန်သည်။ သင့်စိတ်နှလုံးသည်လည်း ပတ်ချာလည်နေသည်။ တူညီသောအမှား မျိုးကို အဆုံးမရှိနိုင်အောင် ထပ်ခါထပ်ခါ မှားယွင်းကျူးလွန်နေပါသည်။

ကောလိပ်ကျောင်းသားတစ်ဦး၏သက်သေခံချက်

ကျွန်ုပ်သည် တစ်ခုပြီးတစ်ခု မှားယွင်းသည့်ပြောင်းလဲခြင်းရှိခဲ့သည်။ ပြောင်းလဲခြင်း တွင် ခံစားချက်လိုအပ်သည်ဟု ထင်ခဲ့မိသည်။ မှားယွင်းသည့်ပြောင်းလဲခြင်းရှိခြင်းက ကျွန်ုပ် အတွက် ခက်ခဲသည့်အချိန်ကာလဖြစ်ပါသည်။

ကျွန်ုပ်သည် ဆွေးနွေးတိုင်ပင်ရာနေရာသို့ရောက်လာသောအခါ ပြောစရာတစ်ခုခုကို စဉ်းစားရန်ကျိုးစားသည်။ တရားဒေသနာတွင်ပြောဆိုသောအရာကို မှတ်မိရန် ကြိုးစားသည်။ သို့ဖြစ်သောကြောင့် အချို့ကို ပြန်လည်ပြောဆိုနိုင်သည်။ သို့ရာတွင် ကျွန်ုပ်ပြောစကားတွင် အဓိပယ်လုံးဝမရှိပါ။ ကျွန်ုပ်သည် အခြားတစ်ယောက်၏ ပြောင်းလဲခြင်းသက်သေခံချက်ကို အတုခိုးရန် ကြိုးစားအားထုတ်ခဲ့သည်။ ဘယ်လောက်တောင် ရူးမိုက်သည့်လုပ်ရပ်နည်း။

ကျွန်ုပ်သည် တစ်ယောက်တည်းဆုတောင်းပြီး မိမိအပြစ်အကြောင်းကို စဉ်းစားသည်။ ထို့နောက် ဧဝံဂေလိတရားဟောကြားခြင်းသည် ကျွန်ုပ်အတွက် ပို၍ပင် ရှင်းလင်းလာသည်။ မိမိကိုယ်ကိုမြော်လင့်ခြင်းမရှိသော အပြစ်သားအဖြစ်နှင့်ခရစ်တော်ထံသို့ပြန်လာခဲ့သည်။ သို့ရာ တွင် မြော်လင့်ချက်သည် ယေရှုခရစ်၌ရှိပါသည်။ ကျွန်ုပ်အဖို့အရေးကြီးသောအချက်မှာ ယေရှုထံသို့လာပြီး ကျွန်ုပ်အပြစ်ရှိသမျှသည် အသွေးတော်အားဖြင့်ဆေးကြောခြင်းပင်ဖြစ်ပါ သည်။ ခရစ်တော်၏အသွေးတော်ကို ကျွန်ုပ်ယုံကြည်ကိုးစားပါသည်။

တက္ကသိုလ်ကျောင်းသူအရွယ် အမျိုးသမီးတစ်ဦး၏သက်သေခံချက်

“ဤသူတို့သည် မှားယွင်းနေကြသည်၊ သင်ဖြစ်သည့်အတိုင်း သင်ပြည့်စုံလျက်ရှိ သည်။ သင်သည် ယေရှုကို မလိုအပ်ပါ” ဟု ဆက်လက်ပြောနေဆဲဖြစ်သည်။ ထို့နောက် ကျွန်ုပ်သည် ဘုရားကျောင်းသို့လာသဖြင့် ကျွန်ုပ်မှားယွင်းသည်ကို သိလာသည်။ ငိုရင်းငိုရင်း အငိုပင်မတိတ်နိုင်တော့ပါ။ ဒေါက်တာ Cagan က “ခရစ်တော်ထံသို့လာမည်လော” မေးချိန် တွင် “ဟုတ်ကဲ့၊ ကျွန်ုပ်လာပါမည်၊ ကျွန်ုပ်လာပါမည်” ဟု ပြန်ဖြေလိုက်သည်။ ထိုနေ့၌ အသက် တာပုံအပ်ပြီး ယေရှုကိုချစ်သည်။ မိမိအသက်တာကို ယေရှုထံလုံး၀ဥဿုံ အပ်နှံလိုက်သည်။ ယေရှုသည် ကျွန်ုပ်ကိုပွေ့ဖက်ပြီး ကျွန်ုပ်အပြစ်ရှိသမျှကိုလည်း အသွေးတော်၌ ဆေးကြော သန့်စင်စေပါသည်။

လူငယ်လေးတစ်ယောက်၏သက်သေခံချက်

ကျွန်ုပ်စိတ်နှလုံးဆိုးသွင်းသည်၊ ပုန်ကန်တတ်သည်၊ မကောင်းသောအရာနှင့်ပြည့်နှက် နေသည်၊ ဘုရားသခင်ကိုဆန့်ကျင်သည်ဟူသောအချက်ကို မငြင်းဆန်နိုင်တော့ပေ။ မိမိကိုယ် ကို ကောင်းသည်ဟု တွေးတောသည့် စိတ်နှလုံးကိုလည်း မလှည့်ဖြားလိုတော့ပေ။ ကျွန်ုပ်သည် ကောင်းကွက္မရှိပါ။ ကောင်းသည့်အချက်လည်း မရှိပါ။ အခုချက်ချင်းသေလျှင် ငရဲသွားရမည်ကိုလည်း သိသည်။ ငရဲသွားဖို့ ကျွန်ုပ်ထိုက်တန်မှုရှိပါသည်။ ကျွန်ုပ်သည် အပြစ် သားဖြစ်ပါသည်။ လူများရှေ့တွင် မိမိအပြစ်ကို ဖုံးကွယ်နိုင်သည်ဟု ယူဆပါသည်။ သို့ရာတွင် ဘုရားသခင့်မျက်မှောက်တော်တွင် ဖုံးကွယ်ထားနိုင်စွမ်းမရှိပါ။ ဘုရားသခင်သည် ကျွန်ုပ်၏အ ပြစ်ဒုစရိုက်အားလုံးကို သိမြင်သည်။ အာဒံက တားမြစ်ထားသောအပင်၏အသီးကိုစားပြီး နောက် ဘုရားသခင်ထံမှ ပုန်းရှောင်ရန် ကြိုးစားသည့်အတိုင်း ခံစားလာသည်။ လုံး၀ မျှော်လင့် ချက်မရှိတော့ဟု ခံစားလာသည်။ ကျွန်ုပ်ပြုသမျှသော ကောင်းမှုကုသိုလ်သည် ကျွန်ုပ်ကဲ့သို့ သောအပြစ်သားကို မကယ်တင်နိုင်ပါ။ ခရစ်တော်သာလျှင် ကျွန်ုပ်ကို ကယ်တင်သည်။ သူ၏ အသွေးတော်သည် ကျွန်ုပ်ကို ဖုံးအုပ်ပေးသည်။ အပြစ်ရှိသမျှကို ဆေးကြောပေးသည်။ ခရစ်တော်သည် အသွေးတော်ဖြင့် ကျွန်ုပ်ကို လုံခြုံစေသည်။ သူ၏ဖြောင့်မတ်ခြင်းတရားဖြင့် ကျွန်ုပ်ကို လွှမ်းခြုံထားပါသည်။ သူ၏အသွေးတော်သည် ကျွန်ုပ်၏အပြစ်ရှိသမျှကို ဆေးကြော တော်မူသည်။ ကျွန်ုပ်၏ယုံကြည်ခြင်းနှင့်စိတ်ချမှုအလုံးစုံတို့သည် ခရစ်တော်၌သာရှိပါသည်။ ကျွန်ုပ်သည်အပြစ်သားဖြစ်သော်လည်း ယေရှုသည် ကျွန်ုပ်ကို ကယ်တင်တော်မူသည်။

တက္ကသိုလ်ကျောင်းသားအရွယ် မိန်းကလေးတစ်ဦး၏သက်သေခံချက်

ကျွန်ုပ်သည် ဘုရားကျောင်းသို့လာသဖြင့် စိတ်ကလေးလံနေသည်။ ကျွန်ုပ်သည် အပြစ်သားဖြစ်သည်ကို ခံစားမိသည်။ ကျွန်ုပ်စိတ်နှလုံးသည် ဆိုးသွင်းသည်၊ ဘုရားသခင်ကို ပုန်ကန်ပြီး မကောင်းမှုနှင့်ပြည့်နှက်နေသည့်အချက်ကို မငြင်းပယ်နိုင်တော့ပေ။ ထို့နောက် တရားဒေသနာက အဆုံးပိုင်းသို့ရောက်ခါနီးချိန်တွင် ဧဝံဂေလိတရားအကြောင်းကို ပထမဆုံး အကြိမ် ကြားရသည်။ ထိုသို့ အရင်က မကြားစဖူးပါ။ ခရစ်တော်သည် လက်ဝါးကပ်တိုင်ပေါ်၌ ကျွန်ုပ်ကိုယ်စား အသေခံခဲ့သည်။ ကျွန်ုပ်အပြစ်အတွက် ပေးဆပ်ခဲ့သည်။ ကျွန်ုပ်အတွက် လက်ဝါးကပ်တိုင်ပေါ်တွင် အသေခံခဲ့သည်။ အသွေးတော်ကို ကျွန်ုပ်အတွက် သွန်းလောင်းခဲ့ပါ သည်။ ကျွန်ုပ်သည် ယေရှုကို အလိုရှိပါသည်။ ကျွန်ုပ်မျက်လုံးက မျှော်ကြည့်မိသည်။ ခရစ် တော်ကို ပထမဆုံးအကြိမ် မျှော်ကြည့်သည်။ ထိုခဏချင်းတွင် ခရစ်တော်သည် ကျွန်ုပ်ကို ကယ်တင်တော်မူသည်။ ယခုတွင် John Newton ရေးသားသော “အံ့ဘွယ်ကျေးဇူး၊ ဘယ်မျှ ချိုသာ၊ ပြစ်သားငါ့ကို ကယ်ခဲ့။ ပျောက်ဆုံးရာမှ ပြန်တွေ့ခဲ့ပြီ၊ ကန်သောမျက်စိမြင်ပြီ” ဟူ သော သီချင်း၏ဆိုလိုရင်းကို နားလည်လာခဲ့သည်။ ကျွန်ုပ်သည် အပြစ်သားတစ်ဦးဖြစ်သော် လည်း ယေရှုသည် အပြစ်ထဲက ကျွန်ုပ်ကို ကယ်တင်ခဲ့သည်။

ကျွန်ုပ်သည် ယေရှုကို မမြင်ပါ။ သို့မဟုတ် မခံစားခဲ့ပါ။ ဘုရားသခင်၏ဘာသာရေးအ တွေ့အကြုံလည်းမရှိပါ။ သူ့ကို ကိုးစားရုံသက်သက်သာဖြစ်ပါသည်။ ယေရှုကို ကိုးစားသည် နှင့်တပြိုင်နက် အသွေးတော်အားဖြင့် ကျွန်ုပ်အပြစ်ရှိသမျှကို ဆေးကြောပေးပါသည်။

ကယ်တင်ရှင့်ခေါ်သံကျွန်ုပ်ကြားရ၊ ကယ်တင်ရှင့်ခေါ်သံ ကျွန်ုပ်ကြားရ၊
ကယ်တင်ရှင့်ခေါ်သံ ကျွန်ုပ်ကြားရ၊ လမ်းတစ်လျှောက် သူနှင့်အတူလိုက်မည်။
( “ကျွန်ုပ်အားဦးဆောင်သည့်အရပ်သို့” Ernest W. Blandy, ၁၈၉၀ )

သခင်၊ ကျွန်ုပ်လာသည်၊ ယခု ကျွန်ုပ်လာသည်၊
ကာရနီ၌စီးသောအသွေးဖြင့် ကျွန်ုပ်အား ဆေးကြောသန့်စင်စေပါ။
   ( “သခင်၊ ကျွန်ုပ်လာသည်” Lewis Hartsough, ၁၈၂၈-၁၉၁၉ )


သင်သည် ဒေါက်တာ HYMERS ကို စာရေးသားပေးပို့လျှင် မည်သည့်နိူင်ငံကနေ ရေး သားပေးပို့သည်ကို ပြောပြရမည်။ သို့မဟုတ်လျှင် သင့်အား အဖြေပေးနိူင်မည်မဟုတ် ပါ။ ဤတရားဒေသနာက သင့်အား ကောင်းကြီးပေးလျှင် ဒေါက်တာ Hymers ထံ အီးလ်မေးလ်ပေးပို့ပြီး ပြောပြပါ။ သို့သော် သင်၏နေထိုင်ရာနိူင်ငံကို ထည့်သွင်းရေး သားဖို့ မမေ့ပါနှင့်။ ဒေါက်တာ Hymers ၏ အီးလ်မေးလ်လိပ်စာမှာ rlhymersjr@sbcglobal.net (ဤနေရာတွင် နှိပ်ပါ။ ) ဖြစ်သည်။ ဒေါက်တာ Hymers အား မည်သည့်ဘာသာဖြင့်မဆို စာရေးသားနိူင်သည်။ သို့သော် အင်္ဂလိပ် ဖြင့်ရေးနိူင်လျှင် ပိုကောင်းသည်။ စာတိုက်ဖြင့် ရေးသားပေးပို့လိုလျှင် သူ၏လိပ်စာမှာ စာတိုက်သေတ္တာအမှတ် ၁၅၃၀၈၊ လောစ်အိန်ဂျယ်လ်၊ စီအေ၊ ၉၀၀၁၅ ဖြစ်သည်။ ဖုန်းဆက်ပြီး စကားပြောလိုလျှင် (၈၁၈) ၃၅၂-၀၄၅၂ ဖြစ်သည်။

(တရားဒသေနာနိဂုံး)
သငျသညျ ဒေါကျတာ Hymer ၏တရားဒသေနာကို အငျတာနကျပေါ်တှငျ
www.sermonsfortheworld.com ဖွင့်
အပတျတိုငျးကွည့်ရှုနိူငျသညျ။ "တရားဒသေနာစာမူ"ကိုနှိပျပါ။

ဤတရားဒသေနာစာမူများသညျ မူပိုငျမဟုတျပါ။ ဒေါကျတာ Dr. Hymers ၏ခှင့်ပွုခကျြမလိုဘဲ စာအားဖှငျ့လညျး အသုံးပွုနိူငျပါသညျ။ သို့ရာတှငျ ဒေါကျတာ Dr. Hymers ၏ ဗှီဒီယိုတရားဟောခကျြ
များကိုမူ ခှင့်ပွုခကျြဖွင့်သာ အသုံးပွုနိူငျသညျ။

တရားဒေသနာမတိုင်မှီ မစ္စတာ Benjamin Kincaid Griffith က ဂုဏ်တော် ချီးမွမ်းသည်။
“ကိုယ်တော်၊ ကျွန်ုပ်လာသည်”၊ (Lewis Hartsough, ၁၈၂၈-၁၉၁၉ ရေးစပ်သည်။)