Print Sermon

ဤတရားဒေသနာစာရွက်နှင့်ဗွီဒီယိုဖိုင်သည် လတိုင်းလတိုင်းတွင် ကွန်ပြူတာပေါင်း ၁၁၆၀၀၀ ဖြင့် နိူင်ငံပေါင်း ၂၁၅ ကျော်သို့ www.sermonsfortheworld.com တွင် ရောက်သွားလေ့ရှိသည်။ အခြားရာပေါင်းများစွာသောသူတို့က ဗွီဒီယိုကို YouTube တွင် ကြည့်ကြသည်။ ဤတရားဒေသနာစာရွက်ကို လတိုင်း၊ လတိုင်း ဘာသာစကား ၃၄ ခုဖြင့် ထောင်ပေါင်းများစွာသောလူတို့ကို ဝေငှပေးထားသည်။ မွတ်စလင်နှင့် ဟိန္ဒူလူမျိုးများ အပါအဝင် ကမ္ဘာတဝှမ်း၌ ဧဝံဂေလိတရားကို ကျဲဖြန့်နိူင်ရန်အတွက် ကြီးမားသည့်အလုပ်တွင် ကျွန်ုပ်တို့အား အကူအညီပေးရန် လစဉ်အလူတော်ငွေ ပါဝင်နိူင်ရန် ဤနေရာတွင် ကျေးဇူးပြုပြီး နှိပ်ပါ။

ဒေါက်တာ Hymers ထံသို့ စာရေးသားသည့်အချိန်တိုင်းတွင် မည်သည့်တိုင်းပြည်၌ နေထိုင်ကြောင်းကို အမြဲတမ်းပြောပါ။ သို့မဟုတ်လျှင် အဖြေပေးနိူင်မည်မဟုတ်ပါ။ ဒေါက်တာ Hymers ၏လိပ်စာမှာ rlhymersjr@sbcglobal.net. ဖြစ်ပါသည်။




ဂေသရှေမာန်ဥယျာဉ်တွင် ခံရသောဝေဒနာ

THE SORROW OF GETHSEMANE
(Burmese)

လော့စ်အိန်ဂျယ်လ်ရှိ Baptist Tabernacle အသင်းတော်၌ ၂၀၁၇ ခုနှစ်
မတ်လ ( ၁၈ ) ရက်နေ့ စနေနေ့ ညနေပိုင်းတွင်
ဟောကြားသောDr. R. L. Hymers, Jr.၏ တရားဒေသနာဖြစ်သည်။
A sermon preached at the Baptist Tabernacle of Los Angeles
Saturday Evening, March 18, 2017

“ထိုခရစ်တော်သည် လူ့ဇာတိအဖြစ်၌ နေစဉ်ကာလ၊ သေခြင်း မှကယ်လွှတ်န်ိုင်တော်မူသောသူကို ကြီးစွာသောကြွေးကြော် ခြင်း၊ မျက်ရည်ကျခြင်းနှင့်ဆုတောင်းပဌနာပြုသဖြင့် ကြောက် ရွံ့ရာအမှု၌ ချမ်းသာရသည်ဖြစ်၍။” ( ဟေဗြဲ ၅း ၇ ) )


ယေရှုလက်ဝါးကပ်တိုင်မှာ အသေမခံမှီညအချိန်တွင် သူ့တပည့်တော်များကို ဂေသ ရှေမာန်ဥယျာဉ်အတွင်းသို့ ဦးဆောင်သွားခဲ့သည်။ ၎င်းသည် အလွန်ညနက်နေပြီ၊သန်ခေါင်ယံ အချိန်ပင်ဖြစ်ပါသည်။ ယေရှုသည် ဂေသရှေမာန်ဥယျာဉ်တွင် တပည့်တော်ရှစ်ပါးကို ထားရစ် ခဲ့သည်။ သူသည် ပေတရု၊ ယာကုပ်၊ ယောဟန်တို့ကို ဂေသရှေမာန်ဥယျာဉ်သို့ ခေါ်ဆောင် သွားခဲ့သည်။ သူသည် “မိန်းမောတွေဝေခြင်း၊ စိတ်ပူပန်ခြင်းသို့ရောက်ကြလေသည်။” (မာကု ၁၄း ၃၃) ထိုတပည့်တော်သုံးဦးအား သူမိန့်တော်မူသည်မှာ “ငါသည် သေလောက်အောင် စိတ်နှလုံးအလွန်ညှိုးငယ်ခြင်းရှိ၏” (မာကု ၁၄း ၃၄) သူသည် ရှေ့သို့အနည်းငယ်သွား၍ မြေ ပေါ်တွင်ဒူးထောက်လျက်နေသည်။ သူသည် ဖြစ်နိုင်လျှင် “ထိုနာရီအချိန်လွန်သွားစေရန်” ဝမ်း နည်းလျက်ဆုတောင်းခဲ့သည်။ (မာကု ၁၄း ၃၅) ဂေသရှေမာန်ဥယျာဉ်အတွင်း သူ၏ဆု တောင်းခြင်းတစ်ခုလုံးသည် တစ်နာရီခန့်မျှရှိပါသည်။ အကြောင်းမှာ ယေရှုသည် သူတို့အား မိန့်တော်မူသည်မှာ သူတို့အိပ်ပျော်နေသောအချိန်တွင် “ငါ့ကို တနာရီခန့်မျှမစောင့်နိုင်ဘူး လား” (မဿဲ ၂၆း ၄၀) မိန့်တော်မူခဲ့သည်။

ယေရှုအသက်တာတွင် ကြောက်မက်ဖွယ်ရာများဖြစ်ပျက်လျင်ရှိသည်။ ထိုအရာသည် ညသန်းခေါင် ဂေသရှေမာန်ဥယျာဉ်အတွင်းတွင်ဖြစ်သည်။ ယေရှုက “ငါသည် သေလောက် အောင်စိတ်နှလုံးအလွန် ညှိုးငယ်လျက်ရှိ၏” ဟု မိန့်ဆိုခဲ့သည်။ (မဿဲ ၂၆း ၃၈) ဂရိစကားလုံး တွင် “ပါလူပေါစ်” ဖြစ်ပြီး “ညှိုးငယ်ခြင်းနှင့်ရစ်ပတ်ထားသည်” ဟု ဆိုလိုသတည်း။ သူသည် ဆာလံသီချင်းဖြင့် “သေခြင်းကြိုးတို့သည် ငါ့ကိုဝိုင်း၍ မရဏာနိုင်ငံဘေးတို့သည် ငါ့ကိုဖမ်းမိသ ဖြင့် ငါတွေ့ကြုံရ၏” ဟူ၍လည်း သီချင်းဆိုနိုင်သည်။ ဝမ်းနည်းခြင်းလှိုင်းလုံးသည် သူ့အပေါ် ခေါင်းအုံးသဖွယ် လွှမ်းမိုးထားပါသည်။ သူ့အထက်၊ အောက်၊ ပတ်လည်၊ အပြင်ဘက်နှင့်အ တွင်းနှလုံးသားထဲတွင် ရှိသမျှသည် ၎င်း၏ဝမ်းနည်းခြင်းပင်ဖြစ်သည်။ သေခြင်းအကြောင်း လည်းဖြစ်ပါသည်။ ထိုသို့သောဝမ်းနည်းခြင်းမျိုးသည် သူ့အား သတ်ဖြတ်လျက်ရှိပါသည်။ ထို နာကျင်ခြင်းမှ လွတ်မြောက်စရာမျှော်လင့်ချက်မရှိ။ ဤအရာထက်ကြီးမားသောဝေဒနာမရှိ တော့ပေ။ ထိုညှိုးငယ်ခြင်းသည် ၎င်းအား ချုပ်နှောင်လျက်ရှိပါသည်။ “ချွေးစက်များသည် သွေး စက်များသဖွယ် မြေပေါ်တွင်ကျလျက်ရှိပါသည်။” (လုကာ ၂၂း ၄၄)

ဤညသန်းခေါင်မှာ သံလွင်တောင်ပေါ်မှာ
ကြယ်များ မှိတ်တုတ်မှိတ်တုတ်လင်းလက်နေ
ဤညဥယျာဉ်တော်အထဲတွင်
   ဒုက္ခဝေဒနာခံလျက် ကယ်တင်ရှင်ဆုတောင်းနေ။

ဤညဖယ်ရှားသောအရာအားလုံးတို့သည်၊
   ကယ်တင်ရှင်သည် အထီးကျန်ကြောက်ရွံ့မှုဖြင့်ရုန်းကန်နေ
သူချစ်သော တပည့်တော်များသည်ပင်လျှင်
   သခင့်ပူပန်ခြင်းသောကမျက်ရည်ကို မရှုဝံ့ကြပေ။
(“ဤည၊ အိုလစ်ဘရောင်း”၊ William B. Tappan, ၁၇၉၄-၁၈၄၉)

သမ္မာကျမ်းစာက ယေရှုသည် “ဝမ်းနည်းညှိုးငယ်သောသူ၊ နာကျင်မှုဝေဒနာကို ခံစား ခဲ့ရသူ” ဖြစ်သည်ဟုဆိုသည်။ (ဟေရှာယ ၅၃း ၃) သို့ရာတွင် ရှည်လျားပြီး ညှိုးငယ်သောမျက် နှာဖြင့် ထိုပတ်လည်တွင် အမြဲတမ်းလျှောက်သွားနေရမည်မဟုတ်ပါ။ နာကျင်ခြင်းကို သူသိ သည်။ ဝမ်းနည်းခြင်းကိုလည်းသိသည်။ အချိန်များစွာတွင် ယေရှုသည် ငြိမ်သက်ခြင်းရှိသော သူ၊ ပျော်ရွှင်သောသူဖြစ်သည်။ သူသည် အဖွဲ့အစည်းအများထံသို့သွားသဖြင့် ဖာရိရှဲများက တိုက်ခိုက်ခဲ့ကြသည်။ သူတို့က “အခွန်ခံနှင့်အပြစ်သားများနှင့်အတူ စားသောက်ကြသည်” ဟု ဆိုကြသည်။ (မဿဲ ၁၁း ၁၉၊ စသည်တို့ဖြစ်သည်။) ထိုအရာက စစ်မှန်သောခရစ်ယာန်တို့ သည် အချိန်တိုင်း ပျော်ရွှင်သောသူများဖြစ်သင့်သည်ကို ပြညွှန်လျက်ရှိသည်။ တခါတရံ ဝမ်း နည်းကြေကွဲသည့်အချိန်ကာလကို ကျော်ဖြတ်ရသည်။ ယေရှုသည်သေခြင်းကို အောင်မြင် သည်ဟူသောအချက်ကို စဉ်းစားမိသောအခါ နောက်တဖန် ငြိမ်သက်ခြင်းကို ခံစားကြရပြန်ပါ သည်။

ဂေသရှေမာန်ဥယျာဉ်သည် အပြောင်းအလဲများစွာရှိလာသည်။ ငြိမ်သက်ခြင်းလည်း ပျောက်ပြီ။ ပျော်ရွှင်မှုသည်လည်း ညှိုးငယ်ခြင်းအဖြစ်သို့ ကူးပြောင်းသွားခဲ့သည်။ “ပါလူပေါစ်” ကို ဝမ်းနည်းခြင်း၊ သေခြင်းတို့က ဝန်းရံထားကြပါသည်။ ၎င်းမှာ အပြစ်တွေ့မြင်သောအချိန် တွင် တွေ့ကြုံခဲ့ရသော ဝမ်းနည်းပူဆွေးခြင်း၏ အရိပ်လက္ခဏာတစ်ချို့ပင်ဖြစ်ကြပါသည်။ ယေရှုက သူ့ဘဝတစ်ခုလုံးတွင် ကြုံတွေ့ရသော ဝမ်းနည်းခြင်း သို့မဟုတ် စိတ်ပျက်ခြင်းများ အကြောင်းကို စကားလုံးဖြင့် ခက်ခက်ခဲခဲ ပြောဆိုခဲ့သည်။ သို့ရာတွင် ထိုဥယျာဉ်ထဲတွင် အရာ အားလုံးသည် ပြောင်းလဲသွားပေလိမ့်မည်။ သူသည် ဘုရားသခင်ထံသို့ “ဖြစ်နိုင်လျှင် ဤခွက် ကို လွန်စေတော်မူပါ” (မဿဲ ၂၆း ၃၉) ဟု တောင်းလျှောက်ခဲ့သည်။ သူသည် အရင်က ထိုကဲ့ သို့ စောတကတက်လေ့မရှိခဲ့ပါ။ ယခုတွင် သူသည် “ရိုးသားပွင့်လင်းစွာ ဆုတောင်းပဌနာပြုခဲ့ ပါသည်။ ချွေးစက်များသည်လည်း သွေးစက်ကဲ့သို့ မြေပေါ်သို့ကျလေသတည်း။” (လုကာ ၂၂း ၄၄) အဘယ့်ကြောင့်နည်း။ အဘယ့်ကြောင့်နည်း။ ယေရှုအား အဘယ်အရာက ဒုက္ခဝေဒနာ ကို ခံစားစေပါသနည်း။

ဒေါက်တာ John Gill က စာတန်သည် ဥယျာဉ်ထဲသို့ ရောက်လာခြင်းကြောင့်ဖြစ် သည်ဟုဆိုသည်။ ကျွန်ုပ်တို့အချိန်ကာလက Mel Gibson က “ခရစ်တော်၏ဒုက္ခဝေဒနာအ ကြောင်း” တွင် စာတန်သည် မြေကဲ့သို့ ဥယျာဉ်ထဲသို့ရောက်ရှိပြီး အမှောင်ထဲတွင် ယေရှုအား ဒုက္ခဝေဒနာကို ပေးကြောင်း ဆိုခဲ့သည်။ သို့သော် ထိုအကြောင်းနှင့်ပတ်သက်ပြီး ဒေါက်တာ Gill နှင့် Mel Gibson တို့သည် မှားယွင်းကြသည်။ စာတန်သည် ဂေသရှေမာန်ဥယျာဉ်တွင် ရှိ နေခြင်းမဟုတ်ပါ။ ကျမ်းစာထဲတွင် ထိုသို့မရှိပါ။ အချို့က လုကာ ၂၂း ၅၃ ကို ကိုးကားလျက်၊ သူ့ကိုဖမ်းရန် ဥယျာဉ်သို့ရောက်ရှိလာသောစစ်သားများအား ယေရှုက “သင်တို့အချိန်ရောက် ပြီ။ မှောင်မိုက်တန်ခိုး၏အချိန်ဖြစ်သည် (လုကာ ၂၂း ၅၃) ဟု မိန့်တော်မူသည်။ ဤသည်မှာ စာတန်ကို ရည်ညွှန်းထားခြင်းဖြစ်ပါသည်။ သို့ရာတွင် ခရစ်တော်သည် စစ်သားများကို ပြော သည့်အချိန်မှာ ဂေသရှေမာန်ဥယျာဉ်အတွင်း ချွေးစက်များ သွေးစက်ကဲ့သို့ဆုတောင်းပြီး နောက်ပိုင်းတွင် ပြောဆိုသောအရာဖြစ်ကြောင်းကို သတိပြုပါ။ ဥယျာဉ်ထဲတွင် ဒုက္ခဝေဒနာခံ စားရပြီးနောက်တွင် စစ်သားများအား “ဤသည်မှာ သင်တို့အချိန် (ဂေသရှေမာန်ဥယျာဉ်အ တွင်း၌ မဟုတ်) မှောင်မိုက်၏အချိန်ဖြစ်သည်” ဟုဆိုသည်။ စာတန်သည် ဥယျာဉ်တွင်း၌ ယေရှုဒုက္ခဝေဒနာခံစားပြီးနောက္တွင်သာ ရောက်ရှိလာခြင်းဖြစ်ပါသည်။ ထိုမတိုင်ခင်အချိန် လေးတွင် ယုဒသည် နတ်ဆိုးစွာသူဖြစ်လာခဲ့ပါသည်။ ထိုအကြောင်းကို လုကာ ၂၂း ၃ တွင် “ယုဒအထဲသို့ စာတန်ဝင်ရောက်သည်” ဟုဆိုခဲ့သည်။ ယေရှုသည် ဒုက္ခဝေဒနာခံစားရပြီး နောက္တွင် စာတန်သည် ယုဒတွင်စွဲနေလျက် ယေရှုကို ဖမ်းဆီးရန် စစ်သားများကို ခေါ် ဆောင်လာပြီး အရှက်ရဖွယ်ဆက်ဆံခြင်းဖြင့် ဝင်ရောက်လာခဲ့သည်။

ယေရှုသည် လွတ်မြောက်ခြင်းအတွက်ဆုတောင်းပဌနာပြုရာတွင် ချွေးစက်များသည် သွေးစက်ကဲ့သို့ ကျလာသည့်တိုင်အောင် ဆက်ဆံခြင်းခံရသည်တွင် အံ့ဩခြင်းဖြင့်သာ ကျွန်ုပ် တို့ရှိနေကြသည်။ ကျွန်ုပ်တို့အသုံးပြုသောကျမ်းချက်တွင် အဖြေရှိသည်ဟု ကျွန်ုပ်ထင်မိသည်။ ဥယျာဉ်အတွင်းတွင် ယေရှုသည် “အိုအဘ၊ ဖြစ်နိုင်လျှင် ဤခက်ကို ကျွန်ုပ်အား လွန်စေပါ၊ သို့သော်လည်း အလိုတိုင်းဖြစ်စေပါ၊ ဆုတောင်းတော်မူခဲ့သည်။ (မဿဲ ၂၆း ၃၉) “ခွက်” ဟူ သည်မှာ အဘယ်နည်း။ နောက်တနေ့တွင် လက်ဝါးကပ်တိုင်တော်၌ ဒုက္ခဝေဒနာခံစားခြင်းကို ဆိုလိုသတည်း။ သို့ရာတွင် ထိုအဖြေသည် ပေးခြင်းမရှိပါ။ ထိုညတွင် ထို“ခွက်” ကို စာတန် လက်မှ ကယ်ချွတ်မည်ဆိုလျှင် သူ့အဖြေသည် ရရှိမည်မဟုတ်။ အကြောင်းမှာ နတ်ဆိုးစွဲ သောလူတို့သည် သူ့အား လက်ဝါးကပ်တိုင်သို့ ဒရွက်တိုက်ခေါ်ဆောင်သွားမည်ဖြစ်သည်။ ဟေဗြဲ ၅း ၇ က အဖြေကို ပေးထားပါသည်။ အားလုံးမတ်တပ်ရပ်ပြီး ကျယ်လောင်စွာ ဖတ်ရှု ကြပါစို့။

“ထိုခရစ်တော်သည် လူ့ဇာတိအဖြစ်၌ နေစဉ်ကာလ၊ သေခြင်း မှကယ်လွှတ်န်ိုင်တော်မူသောသူကို ကြီးစွာသောကြွေးကြော် ခြင်း၊ မျက်ရည်ကျခြင်းနှင့်ဆုတောင်းပဌနာပြုသဖြင့် ကြောက် ရွံ့ရာအမှု၌ ချမ်းသာရသည်ဖြစ်၍။” ( (ဟေဗြဲ ၅း ၇) )

အားလုံးထိုင်နိုင်ပါပြီ။ ယခုတွင် ယေရှုသည် ဤဆုတောင်းချက်တွင် “သူဇာတိတွင် အသက် ရှင်နေစဉ်အတွင်း” ဆုတောင်းကြောင်း ကျမ်းပိုဒ်က သွန်သင်ထားပါသည်။ ဆိုလိုသည်မှာ သူသည်မြေကြီးပေါ်တွင် အသက်ရှင်နေခိုက်ဖြစ်ပါသည်။ သူသည် သေခြင်းမှကယ်လွှတ်ခြင်း ရရှိဖို့ရန် “ကျယ်လောင်စွာ” ဆုတောင်းခဲ့ပါသည်။ ထိုကြောင့် ထိုဆုတောင်းခြင်းသည် လက်ဝါး ကပ်တိုင်တွင် အသေခံခြင်းမတိုင်မှီ တောင်းသည့်ဆုတောင်းချက်ဖြစ်ပါသည်။ ကျမ်းပိုဒ်က သူ့ ဆုတောင်းသံကို ဘုရားသခင်နားညောင်းပြီး ဘုရားသခင်က ဂေသရှေမာန်ဥယျာဉ်တွင် သေ ခြင်းမှကယ်တင်ကြောင်း တွေ့ရသည်။ ဒေါက် တာ J. Oliver Buswell, နာမည်ကျော်ဓမ္မ ပညာရှင်တို့က ဆိုခြင်းဖြစ်သည်။

ရှင်လုကာက (ဂေသရှေမာန်ဥယျာဉ်အကြောင်း ) ဖော်ပြထားခြင်း မှာ ရုတ်တရက်ကျရောက်လာသည့် သေခြင်းနှင့်သက်ဆိုင်သော ဒုက္ခဝေဒနာခံစားခြင်းပင်ဖြစ်ပါသည်။ ခရစ်တော်သည် ကိုယ်ကာ ယတွင် မိမိကိုယ်ကိုကြည့်ရှုသောအခါ ဂေသရှေမာန်ဥယျာဉ်အ တွင်း သေခြင်းမှလွတ်မြောက်ဖို့အတွက် ဆုတောင်းပဌနာပြုခဲ့ သည်။ အကြောင်းမှာ သူ၏လုပ်ဆောင်ချက်မှာ ရည်ရွယ်ချက်ကို ပြည့်စုံစေရန်ဖြစ်ပါသည်။ (J. Oliver Buswell, Ph.D., Systematic Theology of the Christian Religion, Zondervan Publishing House, ၁၉၇၁၊ အပိုင်း ၃၊ စာ- ၆၂)

Dr. John R. Rice ထိုနည်းအတိုင်း ဆိုခဲ့ပါသည်။

ယေရှုသည် အလွန်ညှိုးငယ်လျက်ရှိပြီး စိတ်နှလုံးသည်လည်း ပင်ပန်းလျက်ရှိခဲ့သည်။ ဆိုလိုသည်မှာ သေလုမတတ်သော ပူပန် မှုပင်ဖြစ်ပါသည်။ ယေရှုက သေလုမတတ်သောအခြေအနေထဲ တွင်ရှိနေပါသည်။ သေခြင်းခွက်သည် သူ့အားလွန်စေဖို့ရန်အ တွက်လည်း ဆုတောင်းခဲ့သည်။ နောက်နေ့တွင်အသေခံရန် အ သက်ရှင်နိုင်ဖို့ဖြစ်ပါသည်။ (John R. Rice, D.D.,The Gospel According to Matthew, Sword of the Lord, ၁၉၈၀၊ စာ- ၄၄၁)

Dr. Buswell က ဤသို့ဆိုသည်။

ဤဘာသာပြန်ဆိုချက်သည် ဟေဗြဲ ၅း ၇ နှင့်ကိုက်ညီမှုရှိပါသည်။ ကိုက်ညီမှုရှိသော ဘာသာပြန်ဆိုချက်ဟုပင် ကျွန်ုပ်ထင်မိပါသည်။ (၎င်း)

Dr. Rice က ဆက်လက်ပြောဆိုသည်မှာ ဤသို့ဖြစ်သည်။

ယေရှုသည် ၎င်း၏သေခြင်းမှကယ်တင်ပေးရန် မျက်ရည်မျက်ခွက် ဖြင့်ဆုတောင်းပဌနာပြုသောအချိန်တွင် ပြောဆိုထားသည့်နေရာ ဟေဗြဲ ၅း ၇ နှင့်လုံးဝကိုက်ညီမှုရှိပါသည်။ ကြောက်ရွံသောစိတ် သဘောဖြင့် နားညောင်းတော်မူခဲ့သည်။ ဂေသရှေမာန်ဥယျာဉ် တွင် သေခါနီးအချိန်၌ ယေရှုသည် ခွက်ကိုလွန်စေရန် ထိုညတွင် ဆုတောင်းခဲ့သည်။ နောက်နေ့အတွက် အသက်ရှင်နိုင်ရန်ဖြစ် သည်။ သမ္မာကျမ်းစာက “နားညောင်းသည်” ဟုဆိုသည်။ ဘုရား သခင်သည် သူ၏ဆုတောင်းချက်ကို နားညောင်းခဲ့သည်။ (၎င်း)

“ထိုခရစ်တော်သည် လူ့ဇာတိအဖြစ်၌ နေစဉ်ကာလ၊ သေခြင်း မှကယ်လွှတ်န်ိုင်တော်မူသောသူကို ကြီးစွာသောကြွေးကြော် ခြင်း၊ မျက်ရည်ကျခြင်းနှင့်ဆုတောင်းပဌနာပြုသဖြင့် ကြောက် ရွံ့ရာအမှု၌ ချမ်းသာရသည်ဖြစ်၍။” ( (ဟေဗြဲ ၅း ၇) )

ဘုရားသားတော်၏ဝေဒနာကို ကြည့်ပါ။
   ချွေးစက်များ သွေးစက်ကဲ့သို့ စီးဆင်းစေသည်
ကျေးဇူးတော်၏ချည်နှောင်ခြင်းကင်းလျက်
ယေရှု၊ ကျွန်ုပ်ကိုချစ်ပေသည်။
(“သင်မသိသောဒုက္ခဝေဒနာ”၊ Joseph Hart ၁၇၁၂-၁၇၆၈ )

ယေရှုသည် ထိုညတွင် ထိုသို့ဒုက္ခဝေဒနာခံစားနေခဲ့ရသည့်အကြောင်းတရားကို ရှင်းပြ လျက်ရှိသေးသည်။ ဂေသရှေမာန်ဥယျာဉ်တွင် ယေရှု၌ ဖြစ်ပွါးခဲ့သောအရာများကို ကျွန်ုပ်ယုံ ကြည်သည်။ ထိုအရာရှိကြောင်းကို ကျွန်ုပ်လက်ခံသည်။

“သခင်ဘုရားသည် ကျွန်ုပ်တို့အပြစ်အလုံးစုံကို သူ့အပေါ်တင် တော်မူခဲ့သည်။” ( ဟေရှာယ ၅၃း ၆ ) )

“သူသည် ကျွန်ုပ်တို့၏ပူပန်ခြင်း၊ ဆင်းရဲဒုက္ခကို သယ်ဆောင်သွားခဲ့ သည်။” ( ဟေရှာယ ၅၃း ၄ ) )

သူသည် ကျွန်ုပ်တို့အပြစ်များကို မည်သည့်အချိန်တွင် သယ်ဆောင်သနည်း။ ဂေသရှေမာန် ဥယျာဉ်တွင် နောက်တနေ့၌ ထိုအပြစ်များကို သယ်ဆောင်သွားခဲ့သည်။

“သူသည် ကျွန်ုပ်တို့အပြစ်များကို မိမိအပေါ်သို့တင်တော်မူခဲ့သည်။” (၁ပေ ၂း ၄ ).

ထိုညမတိုင်မှီတွင် ဂေသရှေမာန်ဥယျာဉ်၌ကျွန်ုပ်တို့အပြစ်များကို “မိမိအပေါ်သို့ တင်တော်မူခဲ့ သည်။” ဂေသရှေမာန်ဥယျာဉ်မှ ကားတိုင်သို့ ကျွန်ုပ်တို့အပြစ်များကို သယ်ဆောင်သည်။ ဘုရားသခင်၏အမျက်တော်ကို ချုပ်ငြိမ်းစေခဲ့သည်။

မှောင်မိုက်သောဂေသရှေမာန်တွင် ကယ်တင်ရှင်သည် တဦးတည်းဆုတောင်း
   တစ်ဦးတည်း ခက်ခဲသောခွက် ဝေဒနာခံလျက် ကျွန်ုပ်ကိုယ်စား
သူတစ်ဦးတည်း၊ တစ်ဦးတည်း အပြစ်ကို သယ်ဆောင်ခဲ့သည်
   မိမိလူတို့ကိုကယ်တင်ရန် မိမိကိုယ်ကိုပေးဆပ်ခဲ့သည်
ဝေဒနာခံခဲ့၊ အသွေးသွန်းကာ၊ တစ်ဦးတည်းအသေခံခဲ့သည်။
(“တဦးတည်း” ၊ Ben H. Price, ၁၉၁၄)

ဒေါက်တာ John Gill ( ၁၆၉၇-၁၇၇၁ ) က လည်း မှန်ကန်စွာပြောဆိုသည်။

ယခုသူသည် မျြုပ်နှံခြင်းခံရသည်။ ခမည်းတော်မှ ပူပန်စေခဲ့သည်။ သူ့ဝေဒနာသည် ယခုစတင်ခဲ့သည်။ အဆုံးမတတ်သေးပေ။ လက်ဝါးကပ်တိုင်တွင် လေးသောဝန်ကို ထမ်းရွက်ခဲ့သည်။ လူတို့ အပြစ်ဝန်လေးလံသောအရာပင်ဖြစ်သည်။ ဘုရားအမျက်တော်ကို လွှဲရှောင်ရန်ဖြစ်သည်။ သူစိတ်ဝိညာဉ်သည် ချုပ်ငြိမ်းလုမတတ် ဖြစ်သည်။ သူသည် သေလုမျှောပါးအချိန်ကာလအထိရှိခဲ့ပါသည်။ ခမည်းတော်၏စိတ်နှလုံးလည်း ပူပန်သည်။ လူတို့၏အပြစ်ကြောင့် အရာအားလုံးသည် ကမောက်ကမဖြစ်ခဲ့ရသည်။ ဤအပြစ်အား လုံးကို သူ့အပေါ်တင်ထားခဲ့ပါသည်။ သေလုမျှောပါးဝမ်းနည်းခြင်း သည် သူ့ပတ်လည်တွင် ဝန်းရံလျက်ရှိပါသည်။ အဘယ်အရာက မျှ သူ့ကို မနှိမ့်သိမ့်န်ိုင်ပါ။ သူ့စိတ်နှလုံးသည် ပူပန်သောကအ ပြည့်ဖြင့်ရှိသည်။ သူ့စိတ်နှလုံးပြိုလဲကြေကွဲနေခဲ့သည်။ သေခြင်း ထဲသို့ ပေးဆပ်ရပေမည်။ သူ၏ဝမ်းနည်းခြင်းက သူ့အား ထားရစ် ခဲ့ပါသည်။ သူ့ကိုယ်ခနွာသည် အခြားအရာနှင့်ကွဲပြားခြားနားမှု ရှိ သည်တိုင်အောင်ပင်ဖြစ်ပါသည်။ (John Gill, D.D., An Exposition of the New Testament, The Baptist Standard Bearer, အတွဲ ၁၊ စာ- ၃၃၄ )

ဘုရားသခင်၏အမျက်တော်မှကယ်ချွတ်ရန်၊ အပြစ်စီရင်ခြင်းမှလွတ်မြောက်ရန်၊ ငရဲထဲ တွင် ထာဝရအသက်ကိုပေးရန် ယေရှုလုပ်ဆောင်ခဲ့သောအကြောင်းအရာကို ကျွန်ုပ်တို့ သင် ယူလေ့လာသည်။ သူသည် ကျွန်ုပ်တို့ကိုယ်စား အသေခံခဲ့သည်။ ဒုက္ခဝေဒနာခံစားခဲ့ရသည်။ ၎င်းကို ကျွန်ု္ပ်တို့အပြစ်များလက်ခံတင်ဆောင်ခြင်းမှာ ဂေသရှေမာန်ဥယျာဉ်တွင် အစပြုခဲ့ပါ သည်။

ချစ်သောမိတ်ဆွေများ၊ ကျွန်ုပ်တို့သည် ရှင်ပြန်ထမြောက်ရာနေ့သို့ တဖန် ရောက်လာ ကြပြန်ပါသည်။ ၎င်းသည် သေခြင်းမှ ယေရှုထမြောက်လာသည့်အချိန်ပင်ဖြစ်ပါသည်။ သင်က သူသည် သင့်အပြစ်အကြွေးတွေကိုပေးဆပ်ဖို့ လက်ဝါးကပ်တိုင်တွင် ဒုက္ခဝေဒနာပေါင်းစုံကို တင်ယူရသောသူဖြစ်သည်ဟု သိရှိနားလည်ခြင်းမရှိသ၍ သေခြင်းမှထမြောက်ခြင်းသည် သင့် အတွက် အချည်းနှီးသက်သက်သာဖြစ်ပါလိမ့်မည်။ ကိုယ်စားပြုဖြစ်ဖို့ရန် ယေရှုသည် သင့်အဖို့ အဘယ်အရာကိုလုပ်ဆောင်ရမည်နည်း။ သင်သည် ခြေတော်ရင်းတွင်နှိမ့်ချလျက် ကိုးစားရပါ မည်။

အံဩဘွယ် ကားတိုင်ကို ချုံ့၍ ကြည့်သောအခါ၊
   ဘုန်းတော်အရှင် အသေခံသောနေရာ။
ကျွန်ုပ်၏ကြွယ်၀ခြင်းရေတွက်သမျှဆုံးရှုံး
   မာနတရားတော်နှင့်ချိုးနှိမ်ခဲ့သည်။

ကျွန်ုပ်၏ဝါကြွားခြင်းများ ကိုယ်တော်ချိုးနှိမ်ပေးပါ၊
   ခရစ်တော်၏သေခြင်းဖြင့် ကယ်တင်ပေးပါဘုရား။
အချည်းနှီးသောအရာများက ကျွန်ုပ်အား ရစ်ပတ်ခဲ့၊
အသွေးတော်အားဖြင့် အလုံးစုံမြုွပ်နှံခဲ့ရသည်။

ဦးခေါင်း၊ ခြေလက်များအလုံးစုံကို ကြည့်ရှုပါ၊
ဝမ်းနည်းခြင်းမေတ္တာသည် စီးဆင်းလာခဲ့။
မေတ္တာနှင့်ပူပန်ခြင်းတွေ့ဆုံခဲ့ရာဝယ်၊
   ဆူးသရဖူသည် ကြွယ်၀သောသရဖူးဖြစ်လာ။

သဘာ၀ဖြစ်သမျှသည် ကျွန်ုပ်အပိုင်ဖြစ်သည်၊
   ၎င်းမှာ အလွန်ပင်ဝေးကွာသေးငယ်လှပေသည်။
မေတ္တာသည် အံ့ဩစရာ၊ ဘုရားစိုးပိုင်၊
ကျွန်ုပ်အသက်၊ စိတ်ဝိညာဉ်အလုံးစုကို တောင်းဆို၏။
(“လက်ဝါးကပ်တိုင်ကို ချုံ့ကြည့်သောအခါ”၊ Isaac Watts, D. D., ၁၆၇၄-၁၇၄၈)

ယနေ့ညတွင် ယေရှုကို ကိုးစားပါ။ သင့်အပြစ်သည် လက်ဝါးကပ်တိုင်တွင် အသေခံ ခြင်းအားဖြင့် သင့်အပြစ်ကို ပေးဆပ်သည်။ သူ့အသွေးတော်အားဖြင့် သင်ကိုးစားသည်နှင့်တ ပြိုင်နက် ဆေးကြောခြင်းခံရပါသည်။


သင်သည် ဒေါက်တာ HYMERS ကို စာရေးသားပေးပို့လျှင် မည်သည့်နိူင်ငံကနေ ရေး သားပေးပို့သည်ကို ပြောပြရမည်။ သို့မဟုတ်လျှင် သင့်အား အဖြေပေးနိူင်မည်မဟုတ် ပါ။ ဤတရားဒေသနာက သင့်အား ကောင်းကြီးပေးလျှင် ဒေါက်တာ Hymers ထံ အီးလ်မေးလ်ပေးပို့ပြီး ပြောပြပါ။ သို့သော် သင်၏နေထိုင်ရာနိူင်ငံကို ထည့်သွင်းရေး သားဖို့ မမေ့ပါနှင့်။ ဒေါက်တာ Hymers ၏ အီးလ်မေးလ်လိပ်စာမှာ rlhymersjr@sbcglobal.net (ဤနေရာတွင် နှိပ်ပါ။ ) ဖြစ်သည်။ ဒေါက်တာ Hymers အား မည်သည့်ဘာသာဖြင့်မဆို စာရေးသားနိူင်သည်။ သို့သော် အင်္ဂလိပ် ဖြင့်ရေးနိူင်လျှင် ပိုကောင်းသည်။ စာတိုက်ဖြင့် ရေးသားပေးပို့လိုလျှင် သူ၏လိပ်စာမှာ စာတိုက်သေတ္တာအမှတ် ၁၅၃၀၈၊ လောစ်အိန်ဂျယ်လ်၊ စီအေ၊ ၉၀၀၁၅ ဖြစ်သည်။ ဖုန်းဆက်ပြီး စကားပြောလိုလျှင် (၈၁၈) ၃၅၂-၀၄၅၂ ဖြစ်သည်။

(တရားဒသေနာနိဂုံး)
သငျသညျ ဒေါကျတာ Hymer ၏တရားဒသေနာကို အငျတာနကျပေါ်တှငျ
www.sermonsfortheworld.com ဖွင့်
အပတျတိုငျးကွည့်ရှုနိူငျသညျ။ "တရားဒသေနာစာမူ"ကိုနှိပျပါ။

ဤတရားဒသေနာစာမူများသညျ မူပိုငျမဟုတျပါ။ ဒေါကျတာ Dr. Hymers ၏ခှင့်ပွုခကျြမလိုဘဲ စာအားဖှငျ့လညျး အသုံးပွုနိူငျပါသညျ။ သို့ရာတှငျ ဒေါကျတာ Dr. Hymers ၏ ဗှီဒီယိုတရားဟောခကျြ
များကိုမူ ခှင့်ပွုခကျြဖွင့်သာ အသုံးပွုနိူငျသညျ။

တရားဒေသနာမတိုင်မှီ Mr. Noah Song က ကျမ်းစာဖတ်ကြားသည်။မာကု ၁၄း ၃၂-၃၈
တရားဒေသနာမတိုင်မှီ Mr. Benjamin Kincaid Griffith က ဂုဏ်တော်ချီးမွမ်းသည်။
"ဤညနက်တိုင်အောင်၊ သံလွင်တောင်ကုန်း"၊ (William B. Tappan, ၁၇၉၄-၁၈၄၉ ရေးစပ်၍
“အိုကျွန်ုပ်အား ဖွင့်ပြမူပါ” သံစဉ်ဖြစ်သည်။)